نظرة في مباراة الأهلي و الطلائع [الأرشيف] - بوابة الثانوية العامة المصرية

Golden Eagle

14-09-2009, 01:09 AM

طبعا ً واحد جاي يقولي هاتعمل الموضوع بعد الهنا بسنه
معلش
أصلي لسه شايف الماتش النهاردة ف الاعادة ع مودرن و ما ينفعش أعمل موضوع ع ماتش ما شفتوش
أولا ً و قبل كل شئ الأهلي أدي الحمد لله زي الفل
و البدري ضمن الماتش ( كان متقدم 4 ) و نزل اللاعيبه اللي عايزة ثقه
اللعب الجماعي كان ممتاز و هو دا اللي المفروض الأهلي يكون عليه
مش هاينفع نعتمد ع لاعب واحد لما يغيب يبقي مشكله
و الماتش كان ماشي كويس لغاية الطرد اللي أخده الأهلي ( بيقولوا الواد دا شتم و الحكم سمعه ........ و إدارة الأهلي فرضت عليه عقوبه ع فكره )
الهدفين
الأولاني كان سوء تقدير من أحمد علي ( بس الواد أمين لعبها حلوة قوي بصراحه )
التاني بقي
لو نفتكر ماتش مصر و أمريكا
الجون الأول
المهاجم شاط الكورة خبطت ف الحضري ف دخلت جون
المراد إن وارد الكورة تخبط ف الحارس و تدخل لأن دي مش لعبة بلاي ستيشن ( حتي ف البلاي ستيشن بتحصل )
بس برضو أحمد عادل ما كانش موفق ف الماتش دا
أو بمعني أصح كان منحوس
و ظهر النحس قوي ف كورة ف آخر الماتش
كوره إتقطعت من مدافع الأهلي و لاعيب الطلائع شاطها مركونه ف المقص
بس ضعيفه جدا
أحمد عادل مسكها بس رجله إتخبطت ف العارضه ف طلعت كورنر
قالوا إن نجم المباراة شريف عبد الفضيل
مش هانكر مجهوده بس شايف إن أحمد حسن كان أحسن
أولا ً الهدف التاني بتاع فرانسيس
أحمد كان ممكن يكسل بس هو اللي عمل الفرصه لفرانسيس
ثانيا ً هدف إينو
موه ع الكورة بشكل ممتاز و لعبهاله ع المغمض
و إينو هو التاني ما كانش جاهل و شاطها كدا ع طول
لأ هوش و وسع لنفسه و شاطها مركونه ( كان أجمل هدف بصراحه ف رأيي )
الحكم بقي
أولا ً و قبل كل حاجه لازم أنوه لحاجتين
الأولي إن الحكم ما كانش متحيز
التانيه إني هاكتب نقد للحكم بس مش هاكتب مميزات و مش معني كدا إني مش لاقيله مميزات بس أنا هاكتب الأخطاء اللي وقع فيها
و هي أخطاء مش مؤثرة ف إتجاه التلات نقط ف الماتش دا
لإن الاتجاه كان واضح
الحكم إدي إنذار لأحمد حسن علشان إفتكره بيدعي الوقوع ( بيمثل يعني )
بس ف الاعاده باين إن المدافع ماغيرش مسار الكورة خالص
و كمان الحكم ما حسبش ضربة جزاء لأمير سعيود
و أنا أعتقد إن المدافع اللي وقع حط رجله بين رجلين أمير ( دا إعتقاد مني أنا ممكن يكون غلط لكن الأولي واضحه )

آخر حاجه
أحب أهدي الفوز للحارس العظيم
الحارس العملاق
الحارس النجم
غريب مش عارف مين ( مش فاكر إسمه التاني غريب حافظ يمكن )
الحارس اللي قال ف الموسم اللي فات إن لاعيبة الأهلي كانوا هايبوسوا إيده علشان يدخلوا جون
أهم دخلوا 4 يا نجم
شكرا ً لحسن الاستماع و أشوفكم ع خير ف الماتش الجاي إن شاء الله