mohawahby
14-09-2009, 06:59 PM
بسم الله الرحمن الرحيم
بداية شكرا لك على رغبتك في الاستجابة لسؤالي المتواضع
أنا محمد وهبي صف ثالث ثانوي بمجموع 97
بداية أنا من عاشقي الكمبيوتر والبرمجة وأحب أن أسأل ما هي طبيعة الدراسة في هذه الكلية?
- وهل موضوع ان معيديها يحصلون على فرص عمل في مايكروسوفت أو غيرها من الشركات العالمية صحيح؟
- سبق أن قال لي أحد الاشخاص أنه لو حصل خريج كلية التجارة على كورسات كمبيوتر سيطلب أكثر في مجال العمل فهل هذا صحيح؟
- و هل اذا لم أجد فرصة عمل يمكنني أن أعمل حراً؟
- هل لو دخلت حاسبات ومعلومات جامعة أمريكية سيكون لذلك ميزة محددة؟
- هل هناك منح دراسية للمعيدين بالخارج؟
سأكون شاكراً لسيادتكم اذا اجبتم عن هذه الاستفسارات
شكرا مقدما.............
the Bosy cat
15-09-2009, 12:18 AM
اولا عن الدراسة فانت بتدرس كل حاجة عن السوفت وير والبرمجة وفرص العمل لجميع الطلبة مضمون بنسبة 99 % مش للمعيدين فقط وطبعا الدراسة مش زى الكورسات ومهما كانت الكورسات اللى ياخذها طالب التجارة مش زلى طالب متمكن درس فى الكلية نفسها 4 سنين وحتى مجالاتها للعمل مفتوحة مش بس فى شركات الكمبيوتر بل فى كل المجالات اما عن المنح مش عارفة اوى بس فى منح مش عارفة للمعيدين بس واللى ايه النظام ده على اد معلوماتى على فكرة انا لسه هدخل سنة اولى بس الكلية حلوة جدا
fuoozz
15-09-2009, 12:29 AM
دراستها ذيها ذى اى كليه تانية بس بتعتمد اكتر على العملى
اه بس ميكروسوفت بتاخد الاوائل بس من كل كليه
لا دا حاجة ودا حاجة متساويش واحد خد كرسات فى المجال وواحد تانى درسه وضاف عليه الكرسات د
الاولى بيبقى اسمها مبرمج والتانية مهندسة برمجيات
لا مااظنش ممكن تفتح مركز كمبيوتر
اه الميزه الوحيده سمعه الجامعه بحيث انك تتخرج شركات تطلبك على طول عشان سمعه جامعتك
لامعرفش دى والله
Eng. Alios
15-09-2009, 02:54 AM
بسم الله الرحمن الرحيم
بداية شكرا لك على رغبتك في الاستجابة لسؤالي المتواضع
أنا محمد وهبي صف ثالث ثانوي بمجموع 97
بداية أنا من عاشقي الكمبيوتر والبرمجة وأحب أن أسأل ما هي طبيعة الدراسة في هذه الكلية?
الدراسة في الكلية تتلخص في دراسة البنية التحتية للبرمجيات و البرمجيات عامة و دراسة برمجة قواعد البيانات و تخزين المعلومات و برمجة مواقع الانترنت و برمجة الشبكات و الاتصالات و دعم اتخاذ القرار ... كذلك كيفية توظيف الرياضيات كعلم في مجال الحاسب و توظيف العلوم الاساسة ايضاً ...
أقسام الكلية هى :
- علوم الحاسب
- نظم المعلومات
- تكنولوجيا المعلومات
- هندسة البرمجيات ( في جامعة حلوان فقط )
- نظم المعلومات الحيوية ( في جامعة عين شمس فقط )
- نظم المعلومات الجغرافية
- بحوث العمليات و دعم اتخاذ القرار ( في معظم الجامعات و ليست كلها )
- نظم الحاسبات ( جامعة عين شمس فقط )
- الحسابات العلمية ( بعض الجامعات و ليس كلها )
- العلوم الأساسية
- وهل موضوع ان معيديها يحصلون على فرص عمل في مايكروسوفت أو غيرها من الشركات العالمية صحيح؟
مايكروسوفت عموماً بتاخد العشرة الأوائل من دفعة كلية حاسبات و معلومات أو من دفعة قسم هندسة الحاسبات بكلية الهندسة ... و مش مايكروسوفت لوحدها ..
في كمان شركة أوراكل المتخصصة في برمجة قواعد البيانات و بتاخد برضه المتميزين من الكلية و من قسم هندسة الحاسبات بكلية الهندسة ..
و هذه هى آخر المعلومات حالياً ..
- سبق أن قال لي أحد الاشخاص أنه لو حصل خريج كلية التجارة على كورسات كمبيوتر سيطلب أكثر في مجال العمل فهل هذا صحيح؟
لا ليس صحيحاً بالمرة .... فلو اخد خريج تجارة كورسات مش ح يبقى زي خريج حاسبات لأن خريج حاسبات أقوى ..
يعني انا ممكن أقرأ كتب ميكانيكا ياما و كتيير ... لكن بالكتب دي مش ح ابقى مهندس ميكانيكا ...
و عموماَ هما بيشتغلوا محاسبة يعني ازاي يكتبوا على الورد و الاكسل ... لكن خريج حاسبات بيبرمج الورد و الاكسل اساساً ...
- و هل اذا لم أجد فرصة عمل يمكنني أن أعمل حراً؟
ممكن تشتغل و انت حر عن طريق الانترنت ... لكن صعب انك متلاقيش شغل , لأن كل خريجي كلية حاسبات و معلومات بيلاقوا شغل هوا و من كل الاقسام مش قسم معين يعني ....
يعني لو قلنا انك فاشل ضايع ... ممكن تشتغل ب800 جنيه كبداية ...
المهم انك بتشتغل ...
- هل لو دخلت حاسبات ومعلومات جامعة أمريكية سيكون لذلك ميزة محددة؟
الجامعة الأمريكية ميزتها انها عالمية ... يعني بشهادتها تقدر تشتغل في اي حتة من غير ما تدوخ نفسك ... و دي فرصتها احسن من الجامعات الحكومية ... لأن الجامعات الحكومية لازم تعمل فيها معادلة علشان تقدر تشتغل بره ...
بس هل ح تقدر على مصاريف الجامعة الامريكية ؟ خد بالك الجامعة الامريكية فيها قسم علوم حاسب و نظم معلومات و بس ...
- هل هناك منح دراسية للمعيدين بالخارج؟
اعتقد فيه منح دراسية للمعيدين ... بس على حسب يعني لو في معيد عاوز يكمل لدكتوراه , الجامعة بتديله الفرصة دي ..
بس عموماً الله أعلم ..
سأكون شاكراً لسيادتكم اذا اجبتم عن هذه الاستفسارات
شكرا مقدما.............
الشكر لله
ح تلاقي ردي في الاقتباس ..
جزاك الله كل خير
eng.ahmed55
15-09-2009, 04:48 AM
[quote=Eng. Alios;1602850]ح تلاقي ردي في الاقتباس ..
- هل لو دخلت حاسبات ومعلومات جامعة أمريكية سيكون لذلك ميزة محددة؟
الجامعة الأمريكية ميزتها انها عالمية ... يعني بشهادتها تقدر تشتغل في اي حتة من غير ما تدوخ نفسك ... و دي فرصتها احسن من الجامعات الحكومية ... لأن الجامعات الحكومية لازم تعمل فيها معادلة علشان تقدر تشتغل بره ...
بس عاوز اضيف ملحوظة صغيرة ان كلية الحاسبات والمعلومات الوحيدة اللى مش بتعمل معادلة ودى اكبر ميزة لينا