السلام عليكم ورحمة الله وبركاته

كل سنة وحضرتكم بخير

___________________________________

دلوقتى يا جماعة ، أنا لسه هتعاقد ان شاء الله مع الادارة التعليمية على شغل وظيفة مدرس ايطالى ثانوى
بس طبعا لسه ممضيتش الورق :( وخايف والله انى أمضيه من اللى عمال أشوفه هنا فى المنتدى :(

فكان عندى كذا استفسار أرجو _من المدرسين المعينيين أو الاخوة المتعاقدين_ مساعدتى :

1- أولا أنا عرفت أنى هاخد عقد مميز فى الاول ، بس طبعا لما رحت الادارة التعليمية لقيته عقد عادى مؤقت !!!
فكنت عايز أعرف أمتى هاخد العقد المميز " بعد سنة ولا سنتين ولا أكتر "؟؟؟؟

وأيه الفرق بين العقد العادى والمميز ؟؟؟ من الناحية المادية ولو فى نواحى أخرى تخص المميزين ؟؟؟

2- أيه حكاية دبلومة التربية ديه ؟؟؟ لازم أدرسها لمدة سنة عشان أبقى مؤهل للتعيين والتثبيت ؟؟؟

3- المفروض بعد قد أيه المدرس المتعاقد يتم تعيينه ؟؟؟؟ هل بعد فترة 6 سنوات فى العمل بنفس الوظيفة ، ولا بمزاجهم ؟؟؟؟

4- ما هى الاكاديمية اللى كل المتعاقدين بيتكلموا عليها ديه ؟؟؟؟ ما هى فائدتها ؟؟؟؟

5- هل فى أى فترة تدريب قبل بدأ العام الدراسى ؟؟؟ ولا هيسبونا ندخل نعمل اللى أحنا عايزينه فى الطلبة من غير أى أسس علمية ؟؟؟ مش المفروض فى تدريب المتعاقدين الجدد ؟؟؟

6- ما هو الكادر ؟؟؟ هل هو للمعينيين فقط ؟؟؟

7- هل للمتعاقدين الحق فى استخراج كارنيه نقابة المعلمين ولا للمعينيين فقط ؟؟؟

8- ما هو مرتب المدرس المتعاقد فى بداية تعاقده ؟؟؟ والمدرس المعيين فى أول فترة تثبيته ؟؟؟

أنا عايز أعرف عشان أشوف هل لو الواحد أستحمله شوية هيجى بفايدة ولا على الفاضى ، وأعذرونى بجد لكثرة أسئلتى ، بس أنا لسه جديد فى المجال وعايز أهل الخبرة يمدونى بالمعلومات الكافية.

جزاكم الله خيــــــــــــرا :)

الافضل لو كان العقد غير مميز وكان لمدة سنة ارميه فى اقرب سلة زبالة لأن المرتب بتاعك هيكون فى حدود 106 جنيه ولو كان العقد مميز يبقى الراتب فى حدود 350 جنيه بالنسبة للتحويل من عقد عادى الى مميز او امتى التثبيت او الموجودين حاليا هيثبتوا ولا لأ اتحدى ان وزير التعليم نفسه ميعرفش لأن الواضح ان الوزارة كلها ماشية بالبركة ومفيش حد عارف حاجة فى اى حاجة وكمان التثبيت اللى بيقولوا عليه دلوقتى اصلا الكلام ده من 2007 وكل شويه يغيروا فى كلامهم ويرجعوا يضعوا شروط جديده وكلنا امل ان يحكمنا لوائح وقوانين تكون معلنة ومعروفه للجميع
بالنسبة للدبلومه بتكون لغير خريجى كليات التربية وهى شرط اساسى من شروط التثبيت
الاكاديمية دى اختراع اخترعته حكومة احمد نظيف علشان يمتحوا المدرسين ويذلوا فيهم علشان يزودوا مرتباتهم بالنسة للمدرسين المثبتين او القدامى وعلشان يعطوا المتعاقدين شهادة معلم بدل معلم مساعد
طبعا المتعاقد لايحق له استخراج كارنيه نقابة

يا نهار أســـــــــــــود :( 100 جنيه ههههههههههههه دووول بيهزروا !!!!!!

والله هما اللى محتاجينلينا كمان وبيدوروا مش لاقيين :( ربنا يشفيهم


شكرا على ردك أخى الكريم ، فى انتظار باقى الردود يا جماعة
أنا على كده مش هروح بكرة اسلم العقد لغاية لما افهم كل حاجة عشان متدبسش :(

يا جماعة أنا مش هيجيلى نوم خالص ، هل فعلا المرتب 100 جنيه وبس !!!