مشاهدة النسخة كاملة : اللي كتبلة استنفذ رغباته يعمل اية ارجوا الردبسرعة
enaskh10 15-09-2009, 05:50 PM السلام عليكم
انا من الشهادات المعادلة
و جتلي نتيجة الترشيح
وظهر فيها استنفذ رغبات مع ان مجموعي يجيب الكلية اللي انا عوزها
وكنت كاتبها في الرغبات بتاعتي
فـ ياليت اللي يعرف ممكن اعمل اية يرد عليا بسرعة
علشان مايقولوش في مكتب التنسيق ان 5% من الكلية اللي عوزها خلصت
ولكم مني جزيل الشكر :av4056bb7jp3:
enaskh10 15-09-2009, 06:20 PM يعني والله حرام على اللي يدخل ومايردش ويكون عارف
لوسمحتوا اللي يشوف يرد على الموضوع ومايبخلش عليا
وشكرا ليكم
timo mido 15-09-2009, 06:32 PM اعتقد في التحويل بتكتب رغبات من اول وجديد ومعلش استني نتيجه التحويل
السعيد2005 15-09-2009, 06:56 PM طيب نروح متى مكتب التنسيق
محبة لله و رسوله 15-09-2009, 07:22 PM بسم الله الرحمن الرحيم
السلام عليكم و رحمة الله بركاته
أنا فى وحدة صحيتى قالتلى إنها إن شاء الله هتكتب الرغبات بكره
EnG.Mohammed 15-09-2009, 07:47 PM 19468 اتصل بمكتب التسنيق وهما حيقولولك تعمل ايه بالظبت
الرقم تاني اهو 19468
اميرةالبط 15-09-2009, 08:22 PM وانا كمان استنفذت رغبات ونفسي اعرف تجاره خدت كام من المعادله ؟
EnG.Mohammed 15-09-2009, 08:24 PM وانا كمان استنفذت رغبات ونفسي اعرف تجاره خدت كام من المعادله ؟
http://www.tansik.egypt.gov.eg/application/ArabLimits/ArabLimits.htm
اميرةالبط 15-09-2009, 08:28 PM http://www.tansik.egypt.gov.eg/application/arablimits/arablimits.htm
موقع التنسيق مش راضي يفتح عندي متعملي كوبي انا عيزه اعرف تجاره خدت كاام عشان هعمل تنسيق من الاول تاني بكرا انا جايبه 80 % شهاده كويتيه ساعدووووني
سيدرا 15-09-2009, 08:38 PM موقع التنسيق مش راضي يفتح عندي متعملي كوبي انا عيزه اعرف تجاره خدت كاام عشان هعمل تنسيق من الاول تاني بكرا انا جايبه 80 % شهاده كويتيه ساعدووووني
ادبى والا علمى
وتجارة جامعة اية ؟
اميرةالبط 15-09-2009, 08:49 PM ادبى والا علمى
وتجارة جامعة اية ؟
علمي الشهاده الكويتيه
وياريت جامعه المنصوره والزقازيق وبنها وعين شمس ونبىىىىىىىىى
سيدرا 15-09-2009, 08:54 PM 380.448883911 عين شمس
376.0725 المنصورة
369.111651774 بنها
367.530223226 الزقازيق
سيدرا 15-09-2009, 08:55 PM تجاره دمياط جامعة المنصورة 375.6625
اميرةالبط 15-09-2009, 08:56 PM طب ممكن انتساب كام لو سمحتي ياسيدرا
سيدرا 15-09-2009, 09:00 PM تجاره انتساب موجه عين شمس338.193258911
جاره انتساب موجه دمياط ج المنصورة295.313482137
اميرةالبط 15-09-2009, 09:02 PM طيب ميرسيه اوي اوياوي بس ونبي معلش انا اسفه عيزه انتساب الزقازيق وعين شمس
سيدرا 15-09-2009, 09:07 PM تجاره انتساب موجه الزقازيق320.182544637
تجاره انتساب م. بنها305.545178589
سيدرا 15-09-2009, 09:10 PM مش لاقية تجاره انتساب عين شمس
totatito 15-09-2009, 11:04 PM بصراحة ربنا معاكواااااااااا بجد انشاءالله
والاحسن انكوا تسالوا مكتب التنسيق بنفسكوا عن كل العايزينة
او تعملوا تعديل رغبات وربنا معاكوا بازن الله يارب
nanos-12 15-09-2009, 11:37 PM يا جماعة انا جاتلى اداااااب انتساب القاااااهرة ومضايقة جدا
بس ممكن احول لمعهد عالى فنون تطبيقية او زراعة وانا امتحنت قدرات فنون تطبيقية يعنى ممكن ادخلها
ومش حااابة زراااااااعة خالص ..... اية رايكم يا جماعة
اميرةالبط 16-09-2009, 04:56 AM اه حلو اوي الفنون التطبيقيه احسن من اداب طبعا ادخليه وربنا يوفقك
mohamed_hamada779 16-09-2009, 05:03 AM انا كمان زيك
السنة اللي قالوا حينزلوا فيها المجاميع نزلوها على بتوع مصر
وعلنا لا
حسبي الله ونعم الوكيل في ولاد التيت دول
ويعني ايه ان الرغبات نفدت
يعني احنا فشلة ومفيش جامعة عاوزة تخدنا
بس تعرف السبب كله في النهاية اختبار القدرات اللي حطوا الوزير علينا
بقولك كبر الجي وروق الدي
دي بلد ملناش فيها حق زي بقيت الناس
وشكرا
برنسه 16-09-2009, 12:00 PM السلام عليكم
ازيكم ماحدش يزعل هو نظام فاشلواحنا عارفين كده من زمان
المهم اننا نلاقي حل للمشاكل اللي بتزود من تعقيد وغلاسة النظام
انا عايزه اعرف فات يومين والنتيجه طالع غريبه جدا كل اللي اعرفهم زي برضو استنفدت رغباتهم احنا يعنى الشهادات المعادله نعمل ايه ليه مافيش اهتمام وكل حاجه بطلعت الروح احنا مش ناقصين
اي اخبار جديده عن الشهادات المعادله
كفايه شحططه اساسا
عيزه اعرف هنروح نجيب اوراق تاني بدل اللي مكتب التنسيق ضيعها ولا ايه وعيزنا ندفع تانى تمن ظرف جديد ولا ايه وامتى هنقدمه ولا في يوم وليله هنجهز الاوراق والتصديقات ولا نروح نموت اسهل
enaskh10 16-09-2009, 04:46 PM ياجماعة انا رحت مكتب التنسيق ولسة جاية وسالت على موضوع الرغبات استنفذت
وقالي ان بكرة الساعة 11 هيفتح حاجة اسمها ( التحويل ) ونضغط عليها ونكتب ثلاث رغبات بنفس الرقم وكل حاجة ومش هندفع حاجة تانية
وبالتوفيق للجميع
totatito 16-09-2009, 06:06 PM ياجماعة انا رحت مكتب التنسيق ولسة جاية وسالت على موضوع الرغبات استنفذت
وقالي ان بكرة الساعة 11 هيفتح حاجة اسمها ( التحويل ) ونضغط عليها ونكتب ثلاث رغبات بنفس الرقم وكل حاجة ومش هندفع حاجة تانية
وبالتوفيق للجميع
طب كويس وربنا معاكوا بجد ويوفقكوا انشاءالله وكويس انك روحت وسالت بنفسك فى مكتب التنسيق :028ja7::078111rg3:
برنسه 16-09-2009, 06:16 PM بجد والله يعنى نسجل من على النت ولا مش هنجيب ظرف لانى روحت النهارده قالوا تعالي بعد يومين يعنى الاسبوع الجاي اروح التنسيق تانى
totatito 16-09-2009, 06:31 PM بوصى هو دا تقريبا صحيح
وانا هاحاول اسالك بكرة تانى فى مكتب التنسيق لو نازلت الجامعة تانى وارد عليكى بس اكيد مدام حد راح وسال وانتى عرفتى يبقة خلاص اكيد الكلام دا صح بس نصيحة ماحدش بينفع حد مع احترامى للكل اتاكدى اكتر من اى كلام تسمعية عشان بعدالشر ماتندميش وربنا يوفقنا كلنا بازن الله
برنسه 17-09-2009, 06:19 PM ربنا كريم خلاص الاحلام ادمرت ونفسي اتسدت وخلاص هكتب اقل حاجه ممكنه هكتب تجاره وانتساب كمان هكتب اي حاجه بعد ما كنت هدخل هندسه حسبي الله ونعم الوكيل
لما يكون تلات رغبات وانا اصلا كاتبه رغبات المفروض يجيلي منها اقل من درجتي بقه انا ما يجليش هندسه !!!!!!!!!! سبحان الله
اي كليه وخلاص بس ربنا كريم ربنا موجود ربنا يهدهم زي ما هدونا وهدوا اهلينا ربنا موجود
العين ما بقتش قادره تدمع خلاص من كتر العياط نشفنا حرام عليكوا قاعدين احنا واهلينا متنكدين ومتوترين وبندور ومحتاسين حرام والله بس ربنا كريم
بس على فكره عمري ما حبيت ولا هحب مصر خساره والله بلد مش عارفه اقول عنها ايه بقت عار
* شيرى * 17-09-2009, 08:52 PM معلش يا برنسه هنعمل ايه
هما اصلا بيستهبلو والله السنه ديا
جايبين حاجات على مزاجهم
حسبى الله ونعم الوكيل فيهم والله
ربنا معاكى ومعانا
الطالبة المطحونة ! 17-09-2009, 09:12 PM أحسن حاجة تدخل جامعة خاصة وتريح نفسك بدل البهدلة دي...
وردة بلدنا 17-09-2009, 09:53 PM ادخلي على موقع تنسيق
وخدي بالك ان الكليات بتفرق على واحد من عشرة
يمكن عشان كدة مدخلتيش الكلية اللي انت عيزاها
enaskh10 17-09-2009, 11:44 PM ياجماعة بوابة الحكومة فتحت باب للمستنفذين رغباتهم
ونرجع نكتب ال 48 رغبة من جديد
يعني والله حسبي الله ونعم الوكيل
وبعد ماقالوا 3 رغبات بس وفرحنا
ورجعت اتصلت بالمكتب التنسيق قال القرار اتغير
يعني والله مش عارفة اقول اية انارحت الصبح وتاني يوم غيرو القرار دة اية دة ؟؟؟؟
طالبه علـم 18-09-2009, 05:29 AM نفس اللي حصل معاياا انا بجد مش عارفه ايه داا
تخيلي اقعد املي 48 رغبه من جديد تاني طب بالذمه املااها ايه دي والله ؟؟؟
انتي عاملتها ازاي انا حطتت الكليه اللي نفسي ادخلها اول وبعد كداا هبل في هبل والله حراام تعب سنتين
وفي الاخر مش لحقنا حتي هندسه عشان فرق بسيط مالهوش داعي دي بالذمه حكوومه
النظام عاامل زي كيلو باميه يلااا معايا !!!!!!!!!!!!!!!!!!!
لينا حق فعلاا نكره بلدنا من اول يوم الواحد نزل وهو حاسس انه في غربه ؟؟؟
dr.abdullah 18-09-2009, 01:30 PM نفس اللي حصل معاياا انا بجد مش عارفه ايه داا
تخيلي اقعد املي 48 رغبه من جديد تاني طب بالذمه املااها ايه دي والله ؟؟؟
انتي عاملتها ازاي انا حطتت الكليه اللي نفسي ادخلها اول وبعد كداا هبل في هبل والله حراام تعب سنتين
وفي الاخر مش لحقنا حتي هندسه عشان فرق بسيط مالهوش داعي دي بالذمه حكوومه
النظام عاامل زي كيلو باميه يلااا معايا !!!!!!!!!!!!!!!!!!!
لينا حق فعلاا نكره بلدنا من اول يوم الواحد نزل وهو حاسس انه في غربه ؟؟؟
ربنا معاكوا
ومتخافوش ليكم ان شاء الله اماكن في الكليات اللي تقبل مجموعكم
ربنا يوفقكم:d
enaskh10 18-09-2009, 02:13 PM انا عملت زيك يا طالبة علم اول رغبة اللي انا عوزها والباقي خرفت ليهم
وربنا يسترها
وربنا قادر على القوى والمفتري
وبالتوفيق للجميع
momo alex 18-09-2009, 07:48 PM يا جماعة انا اتصلت برقم الخدمة بتاع موقع البوابة المصرية 19468 واتصلت بمكتب التنسيق في القاهرة وكمان روحت مكتب التنسيق عندي في اسكندرية
كلهم قالولي نفس الكلام
وهو اني ادخل على النت وادخل على تنسيق الطلبة المستنفذين وابدا املي 48 رغبة من جديد بس كلهم شددوا وقالولي انك متحاولش تحط كليات اعلى من نسبتك حتى لو بفرق واحد من عشرة
وسألتهم اذا كان مطلوب مني اني انزل مكتب تنسيق القاهرة قالولي لا مش لازم وبالنسبة للورقة اللي بنطبعه بعد نهاية التسجيل قالولي ان تخلي معاك مؤقت ................
ملاحظة بالنسبة للطلبة المستفذين
لاقدر الله لو حصل استنفاذ مرة تانية ساعتها مكتب التنسيق بيحدد من عنده وبيختار كلية وساعتها سواء راضي ولا مش راضي لازم تدخلها
الا لو هتحول خاص
enaskh10 18-09-2009, 10:02 PM يا momo على حسب الكلام اللي انت بتقولة يبقى هنكتب في الرغبات معاهد علشان يجيب النسبة بتاعتنا
انا في البداية كتبت اللي يجيب مجموعي وبعدين اعلى من مجموعي بكتير
فهو ينفع كدة ولا اية اللي بيحصل
وشكرا .......
طالبه علـم 19-09-2009, 05:52 AM انا برضو عملت زيك ياenaskh10 (http://www.thanwya.com/vb/member.php?u=301693)
وكتبت من دماغي وخلااص وش عارفه اعمل ايه بعد كداا
طب واحنا مش هنروح مكتب التسيق خالص ولا ايه؟؟
وهتظهر امتي النتيجه دي؟؟
enaskh10 19-09-2009, 09:56 AM لا احنا مش هانروح مكتب التنسيق احنا بس هنكتب الرغبات من على النت ونطبع الصفحة ونخليها عندنا احتياطي
والنتيجة بيقولوا احتمال بعيد العيد بس انا لما اتصلت بمكتب التنسيق قال لي انه معندوش اي خبر عن يوم النتيجة
فربنا يسترها وتطلع قريب النتيجة
وشكرا جزيلا
وبالتوفيق للجميع
طالبه علـم 19-09-2009, 11:38 PM شكررا ليكي ع المعلومات وكل سنه وانتي طيبه وربنا يووفقناا كلناا ياارب
momo alex 20-09-2009, 11:01 AM كل سنة وانتو طيبين وعيد سعيد عليكم
يجماعة الخير انا اقصد ان لما نحط رغبتنا اللي في حدود المعدل بتعنا تكون في الأول يعني مثلا بالكتير اوي اول 10 او 15 رغبة يكونو من ضمن الحدود الباقي نثعد نجيب من فوق النسبة ومن تحت مش مشكلة بس انا بفضل اننا نكمل بقية 48 رغبة تحت معدلنا لان اخشى انو بعد كدة يستنفذونا تاني
يجماعة احنا اتظلمنا كتييير اوي خصوصا بتوع المعادلة
ahmed 1 20-09-2009, 06:45 PM حسبي الله ونعم الوكيل
رنا بدير 23-09-2009, 08:20 AM طب ايه يا جماعة ما العيد خلص اهو
احنا خلاص متنا ايزة اعرف دخلت ايه بقى
محدش عنده خبر النتيجة امتى
ياريت لو حد يعمل فيا معروف ويتصل بيهم لاني في السعودية حاليا مش في مصر ومش عارفة اكلمهم
برنسه 23-09-2009, 11:12 AM :( العيد خلص خلاص هو النتيجه مش راضيه تطلع ليه هو المفروض نعمل ايه تانى
برنسه 23-09-2009, 11:20 AM لا عادي اتصلي هما بيردوا علطول انا بتصل عليهم بيردوا علطول :) وماتقلقيش ربنا كريم ان الله مع الصابرين صبرنا كتير ومافضلش الا حاجه بسيطه وان شاء الله يكون خير هنعمل ايه مافيش في ايدنا حاجه
|