أفيدونا بخصوص نتيجه المعادله ؟ برجاء [الأرشيف] - بوابة الثانوية العامة المصرية

مشاهدة النسخة كاملة : أفيدونا بخصوص نتيجه المعادله ؟ برجاء

G i z o

15-09-2009, 06:45 PM

السلام عليكم
يا جماعه الحمند لله التنسيق بان وكل واحد جاله كليته
كنت بس عايز اعرف ايه الخطوه الجايه ؟
هل اخد بطاقه الترشيح واروح الكليه علطول
ولا لازم انزل القاهره (مكتب التنسيق الرئيسى) اعمل اى حاجه ؟ اجيب اى ورق
لو سمحتو قولولى الخطوه الجايه
وشكرااااااااااااااااا

timo mido

15-09-2009, 07:17 PM

بص انت هتاخد بطاقه الترشيح و6 صور واستماره النجاح و نموذج 2 جند ( طبعا البنات لأ) هتروح تقدم في شئون الطلبه بتاعت الكليه اللي اترشحت ليها

وردة بلدنا

15-09-2009, 07:21 PM

يعني ايه استمارة النجاح دي

mAmMeNoOo

15-09-2009, 07:23 PM

يعني ايه استمارة النجاح دي

ايوا ؟؟؟؟؟؟

وردة بلدنا

15-09-2009, 07:28 PM

ايه يا جماعة حد يرد علينا ايه استمارة النجاح دي واجيبها ازاي
انا طالعة عالجامعة بكرة قولولنا بسرعة لو سمحتو

EnG.Mohammed

15-09-2009, 07:43 PM

استمارة النجاح الي هيه شهاده الثانوية العامة

الأميرة11

15-09-2009, 07:48 PM

مبروك يا باش مهندس محمد على هندسة بور سعيد أنا كمان دخلت هندسة بس في المنصورة.

EnG.Mohammed

15-09-2009, 07:51 PM

مبروك يا باش مهندس محمد على هندسة بور سعيد أنا كمان دخلت هندسة بس في المنصورة.

طب 100 100 مبروك عليكي يا بشمهندسه بس على فكره انا مش شهادات معادله :d
بس مستني نتيجه التحويلات عشان احول هندسه المنصورة :av4056bb7jp3:

الأميرة11

15-09-2009, 08:05 PM

أنت منين أصلا يا باش مهندس؟؟ يعني المنصورة اقربلك ولا بور سعيد؟؟

EnG.Mohammed

15-09-2009, 08:09 PM

أنت منين أصلا يا باش مهندس؟؟ يعني المنصورة اقربلك ولا بور سعيد؟؟

انا من المنصورة بيني وبين الجامعه شارع واحد:d

الأميرة11

15-09-2009, 08:15 PM

يللا ربنا يوفقك إن شاء الله وتيجي في المكان اللي أنت عاوزه(هندسة المنصورة)

EnG.Mohammed

15-09-2009, 08:23 PM

يللا ربنا يوفقك إن شاء الله وتيجي في المكان اللي أنت عاوزه(هندسة المنصورة)

ربنا يخليكي

وانتي من المنصورة ولا منين؟
وكنتي جايه من السعوديه ولا ايه ؟

الأميرة11

15-09-2009, 08:27 PM

لا أنا من المحلة وجايه من عمان لو تسمع عنها . هي دولة خليجية برده.

G i z o

15-09-2009, 08:27 PM

بص انت هتاخد بطاقه الترشيح و6 صور واستماره النجاح و نموذج 2 جند ( طبعا البنات لأ) هتروح تقدم في شئون الطلبه بتاعت الكليه اللي اترشحت ليها
طيب يعنى مش هنروح القاهره نجيب اى ورق

طب 100 100 مبروك عليكي يا بشمهندسه بس على فكره انا مش شهادات معادله :d
بس مستني نتيجه التحويلات عشان احول هندسه المنصورة :av4056bb7jp3:
ربنا يوفقك وشكرا على تفاعلك معايا وعلى فكره هندسه المنصوره هتنور بيك (كليتى )

EnG.Mohammed

15-09-2009, 08:29 PM

طيب يعنى مش هنروح القاهره نجيب اى ورق

ربنا يوفقك وشكرا على تفاعلك معايا وعلى فكره هندسه المنصوره هتنور بيك (كليتى )

مبروووك يابشمهندس هندسه المنصورة

دي منورة بيك انتا وكل الي فيها

yoya Ahmed

15-09-2009, 08:30 PM

يا جماعة أنا دخلت هندسة كفر الشيخ بس صحبتي استنف\ت رعباتها تعمل ايه

yoya Ahmed

15-09-2009, 08:31 PM

حد يرد بلييييييييييييييييييييز

G i z o

15-09-2009, 08:32 PM

مبروووك يابشمهندس هندسه المنصورة

دي منورة بيك انتا وكل الي فيها

مبرووك يااااه انا ف سنه تانيه ميكانيكا ههههههه بس ع العموم الله يبارك فيك

بس هل انت متأكد اننا مش هننزل القاهره نجيب اى ورق ؟

breaker

15-09-2009, 08:33 PM

yoya Ahmed

15-09-2009, 08:34 PM

هو أحسن قسم في الهندسة ايه

EnG.Mohammed

15-09-2009, 08:35 PM

مبرووك يااااه انا ف سنه تانيه ميكانيكا ههههههه بس ع العموم الله يبارك فيك

بس هل انت متأكد اننا مش هننزل القاهره نجيب اى ورق ؟

اعتبرها مبروك مؤخرا :d:d

اضمن حاجه انك تنزل بكره الجامعه واسال عن التقديم للشهادات المعادله وهما حيقولوك بالظبت تعمل ايه

G i z o

15-09-2009, 08:40 PM

هو أحسن قسم في الهندسة ايه

بصى حضرتك مفيش حاجه اسمها كده مفيش حاجه اسمها أحسن قسم ايه
كل واحد بيشوف تخصصه احسن تخصص
ومسأله كون التخصص حلو ولا وحش دى حاجه نسبيه بتختلف من حد للتانى حسب امكانيات كل واحد ورغبته
ومهم جدا ان كل واحد يشوف ما يتوافق مع رغبته وقدراته ويحاول يوفق بينهم ويختار التخصص الأنسب لدراسته
بس بالنسبه للبنات انا ارشح تحكم ونظم او اتصالات والكترونيات او عماره

G i z o

15-09-2009, 08:42 PM

يا جماعة اللي عايز يعرف الخطوة الجاية ايه

يجيب شهادة الثانوية بتاعته
يطبع بطاقة الترشيح اللي متلونة بالأحمر دي من موقع التنسيق
يروح للكلية يقدم ورقة الترشيح دي و يشوف تعليمات كليته ايه عشان يستكمل ورق التسجيل

ما تقلقوش التنسيق هيبعت كل بطايق الترشيح بتاعتكم لكليته حتى لو اتأخر دي مشكلتهم هما انتوا خلاص اللي جاله كلية يعتبر فيها و مبروك للجميع
أولا الله يبارك فيك
ثانيا متشكر على تفاعلك معايا

اعتبرها مبروك مؤخرا :d:d

اضمن حاجه انك تنزل بكره الجامعه واسال عن التقديم للشهادات المعادله وهما حيقولوك بالظبت تعمل ايه
هههههه الله يبارك فيك مؤخرا برضه .............. =((
غالبا ده اللى هيحصل ان شاء الله متشكر يا بشمهندس على ردك وتفاعلك ربنا يوفقك يا رب .... أمييييين

breaker

15-09-2009, 08:58 PM

Gizo باشا انت تؤمر حبيب قلبي ..

بتفكروا الواحد بأيام الفرحة بتاعة الكلية و الكلام دا و دي حاجة لزيزة ...

يا جماعة طلب مهم جدا ... يا ريت كلكم تعاهدوا ربكم في العشر الأواخر ان انتوا تبقوا عناصر فعالة في المجتمع المصري و تحاولوا ان هدفكم يبقى الأمانة و الارادة على تغيير الواقع المرير لبلدنا العزيز ...

كل واحد فيكم هيبقى له موقع في المجتمع بعد ما يتخرج و بيزعل الواحد لما يشوف مهندسين مثلا (لأني مهندس) بياخدوا رشاوي و يمشوا طلبيات غير مطابقة للمواصفات و المقاييس و يتضر فيها ناس كتير حرام والله ...

لا للغش في الامتحانات ذاكروا و خلوا هدفكم التعلم من أجل التطوير مش التعلم من أجل المال ...
احنا شعب كان و ما زال يخرج منه المبدعين و المتميزين في العالم اللي أصبح ***** من القيم الانسانية

احنا شعب متميز في عصور كتير في كل حاجة في الهندسة و في الاقتصاد و في السياسة .. و الحالة اللي فيها بلدنا حالة عرضية هتختفي بعون الله ... بس دا بجهودنا جميعا لأنك فرد و مجموعة الأفراد هي الاسر و مجموعة الأسر هي الشعب .. ان شاء الله كلكم هتلتزموا الأمانة في كل حاجة ... و اتقان المذاكرة (اللي هتعكس عليكم اتقان العمل) و الأمانة الأمانة الأمانة

هفضل أقولكم الامانة لأن عدمها هوا اللي مضيع بلدنا ... مبروك للجميع

yoya Ahmed

15-09-2009, 09:08 PM

G i z o

15-09-2009, 09:14 PM

gizo باشا انت تؤمر حبيب قلبي ..

بتفكروا الواحد بأيام الفرحة بتاعة الكلية و الكلام دا و دي حاجة لزيزة ...

يا جماعة طلب مهم جدا ... يا ريت كلكم تعاهدوا ربكم في العشر الأواخر ان انتوا تبقوا عناصر فعالة في المجتمع المصري و تحاولوا ان هدفكم يبقى الأمانة و الارادة على تغيير الواقع المرير لبلدنا العزيز ...

كل واحد فيكم هيبقى له موقع في المجتمع بعد ما يتخرج و بيزعل الواحد لما يشوف مهندسين مثلا (لأني مهندس) بياخدوا رشاوي و يمشوا طلبيات غير مطابقة للمواصفات و المقاييس و يتضر فيها ناس كتير حرام والله ...

لا للغش في الامتحانات ذاكروا و خلوا هدفكم التعلم من أجل التطوير مش التعلم من أجل المال ...
احنا شعب كان و ما زال يخرج منه المبدعين و المتميزين في العالم اللي أصبح ***** من القيم الانسانية

احنا شعب متميز في عصور كتير في كل حاجة في الهندسة و في الاقتصاد و في السياسة .. و الحالة اللي فيها بلدنا حالة عرضية هتختفي بعون الله ... بس دا بجهودنا جميعا لأنك فرد و مجموعة الأفراد هي الاسر و مجموعة الأسر هي الشعب .. ان شاء الله كلكم هتلتزموا الأمانة في كل حاجة ... و اتقان المذاكرة (اللي هتعكس عليكم اتقان العمل) و الأمانة الأمانة الأمانة

هفضل أقولكم الامانة لأن عدمها هوا اللي مضيع بلدنا ... مبروك للجميع

هدف عظيم يا فندم ويحترم طبعا ولو كل واحد بدأ بنفسه اكيد كلنا هنتغير بس الواقع وحش اوى اوى ميساعدش اى حد ده طبعا مش مبرر بس للأسف دى الحقيقه
معتقدش انى ممكن اعيش ف مصر بعد التخرج ان شاء الله ده شئ صعب لأنى مش عايز ولادى يتربو ف وسط مجتمع فاسد بالصوره البشعه دى والموضوع فى تزايد كمان عايز احس بالأمان اكتر ومش عايز يجيلى امراض واوبئه ولا عايز اعيش ف الزحمه الغريبه دى ولا عايز ونا ماشي اسمع كلام يضايقنى او يضايق مراتى او اولادى
باختصار الحياه ف مصر لا تلائمنى مش انا بس يمكن انا ومعظم ابناء جيلى اللى بيتظلمو من اول متولدو تقريبا
لنا الله
بخصوص موضوع الغش والبنا المخالف للقياسات انا اعرف واحد صاحبي مهندس مدنى اخرج من سنتين واشتغل سنه واحده فى اكبر شركه مقاولات مصريه ولا داعى لذكر اسمها وبعد سنه قعد ف البيت واكتأب لأنه مش عايز يشسرق ولا عايز يغش وكان قدامه حل من اتنين ياما يسرق يأما يغطى على سرقه وف نفس الوقت عايز يشتغل كمان ميقدرش يشتغلب ف الظروف دى لأنها مخالفه للى هو اتربي عليه لسه قاعد ف البيت مش عارف يعمل ايه
تفتكر ده جو يساعد حد على الحياه جوه البلد الجميله دى
كنا زى مبتقول شعب متميز لكن دلوقتى احنا مش شعب متميز ولا حاجه احنا شعب عادى وعادى جدا بل انا مش عايز اظلمنا واقول اننا شعب سلبي
انا مستنى الإصلاح وهفضل استنى ...............
شكرا يا بشمهندس على كلامك كلامك فعلا رساله جميله لازم الناس تفهمها وتحاول تطبقها ...........

G i z o

15-09-2009, 09:21 PM

مرسي أوي على الكلام الجميل ده وبما إنك مهندس أرجوك تفدنا أنا حاسة انو عاجبني قسم عمارة بس معرفش في الهندسة أي حاجة ولا مواد ولا هي بتعتمد على الرياضيات وهي فيها انجليزي ولا ايه أنا خايفه خالص

يا فندم هيا دى فايده السنه الاعداديه هتفهمى الاقسام وطبيعه الدراسه فيها مفيش اى سبب يخليكى تخافى عندك سنه كامله مكمله هتقضيها ف الكليه تقدرى تعرفى كل حاجه عن قسم عماره وتسألى طلبه ودكتره ومعيدين لسه بدرى ع لى الكلام ده عل فكره بس ع العموم هو قس م الرسم ممكن تفضلى ترسمى 8 ساعات وانا اعرف ناس كانت بتطبق على الرسمه يومين شوفى طيعه الرسم لما تدخلى وجربي نفسك بالمسطره والأدوات التانيه ولما تحسي انك حابه الرسم توكلى على الله
وبقلك تانى انت لسه داخله اعدادى لسه بدرى ع الكلام ده انا مثلا كنت قبل اعدادى مقرر انى هدخل اتصالات لكن لما دخلت الكليه وفهمت طبيعه الدراسه وطبيعه الاقسام والمواد اللى بتدرس قررت انى ادخل ميكانيكا وطاقه هههه فصدقينى استنى لما نفهمى الكليه الاول وطبيعه الدراسه فيها وبعد كده اختارى التخصص
وربنا يوفقك .............. أمين ..

yoya Ahmed

15-09-2009, 09:34 PM

يا فندم هيا دى فايده السنه الاعداديه هتفهمى الاقسام وطبيعه الدراسه فيها مفيش اى سبب يخليكى تخافى عندك سنه كامله مكمله هتقضيها ف الكليه تقدرى تعرفى كل حاجه عن قسم عماره وتسألى طلبه ودكتره ومعيدين لسه بدرى ع لى الكلام ده عل فكره بس ع العموم هو قس م الرسم ممكن تفضلى ترسمى 8 ساعات وانا اعرف ناس كانت بتطبق على الرسمه يومين شوفى طيعه الرسم لما تدخلى وجربي نفسك بالمسطره والأدوات التانيه ولما تحسي انك حابه الرسم توكلى على الله
وبقلك تانى انت لسه داخله اعدادى لسه بدرى ع الكلام ده انا مثلا كنت قبل اعدادى مقرر انى هدخل اتصالات لكن لما دخلت الكليه وفهمت طبيعه الدراسه وطبيعه الاقسام والمواد اللى بتدرس قررت انى ادخل ميكانيكا وطاقه هههه فصدقينى استنى لما نفهمى الكليه الاول وطبيعه الدراسه فيها وبعد كده اختارى التخصص
وربنا يوفقك .............. أمين ..
طمنتني الله يطمنك يابشمهندس هو حضرتك في هندسة اية ومتعرفش حد في هندسة كفر الشيخ

sasa790

15-09-2009, 09:34 PM

لو تسمح هل الشهادات الازهريه لما بتعمل تنسيق معادله حاتظهر على ايه دا اليميل بتاعي اللي يعرف حاجه بليز حد يرد عليا carlosmasr2020ahlawy***********

الكـkingـنج

15-09-2009, 09:36 PM

يا جماعة استمارة النجاح سلمناها لمكتب التنسيق ازاي نجيبها

EnG.Mohammed

15-09-2009, 09:42 PM

يا جماعة استمارة النجاح سلمناها لمكتب التنسيق ازاي نجيبها

اسال في الجامعه عندكو عن الاوراق المطلوبه للتقديم وهما حيدلوك باذن الله

الكـkingـنج

15-09-2009, 09:44 PM

اسال في الجامعه عندكو عن الاوراق المطلوبه للتقديم وهما حيدلوك باذن الله
شكرا يا بشمهندس

EnG.Mohammed

15-09-2009, 09:46 PM

شكرا يا بشمهندس

العفو يا كنج :d

G i z o

15-09-2009, 10:37 PM

طمنتني الله يطمنك يابشمهندس هو حضرتك في هندسة اية ومتعرفش حد في هندسة كفر الشيخ

أنا ف هندسه المنصوره
وللأسف كنت اعرف اتنين ف كفر الشيخ بس حولو المنصوره السنه دى

so0oka

15-09-2009, 11:56 PM

فى حد عاوز نتيجه شهاده المعادله الثانويه العامع للوافدين من الخارج انا موجوده مستعده اجبهالو

breaker

16-09-2009, 01:34 AM

أنا آسف جدا يا جماعة لأني اتأخرت في الرد ...

يا GIZO باشا تفتكر احنا كشعب مصري يستحق الحرية دلوقتي؟؟؟ لا ما يستحقش
تفتكر ان شعوب المنطقة العربية عايشة في حرية ؟؟ لا مش عايشة
شعوب المنطقة العربية معظمها عندها نظام أنا معاك في كدة لكن هل الفلوس هي الكرامة ؟؟

تعال كدا نعمل مقارنة في سطر ...

ليه شعوب أوروبا عابشة في منتهى الكرامة و الحرية؟؟
بص القاعدة الذهبية بتقول ايه؟ الكرامة لا تمنح لكن تكتسب .. و عندما تكتسب الكرامة تؤدي الى الحرية و عندما تتحرر النفوس .. تطور الأمم .. و مع تطور الأمم ينتظم المجتمع ...

كيف يتم اكتساب الكرامة؟ اما ان الحاكم يكون في منتهى العدل ... او ان الحاكم يكون ظالم و يقوم الشعب عليه قائمة لا رجعة فيها و يرفضوا الظلم بكل معانيه و ياخدوا كرامتهم غص بعنه ... و ربنا قال ايه (كيفما تكونوا يولى عليكم) يبقى الجاكم دا صفاته من صفات المجتمع ..

نيجي للمقارنة : الشعب الفرنسي قدم 150 الف روح في الثورة الفرنسية لأجل الحرية الشعب المصري ماذا قدم؟؟؟؟؟؟ قدم مظاهرات كفاية ؟؟؟ قدم جروبات على الفيس بوك؟؟؟؟ يا راجل دا اضراب دعت اليه القوى المعارضة أعداد قليلة بس هي اللي استجابت .. يبقى الغلط من الشعب نفسه مش من الحاكم ...

بالتالي أنا و انت و هو و هي و انتي لما نلتزم بأهم صفتين الصدق و الأمانة في المستقبل صدقوني البلد هتتغير .. و ربنا يهدي حاكمنا و يهدينا جميعا ..

yoya انتي دلوقتي بشمهندسة ان شاء الله بالتوفيق ... بصي أول سنة هي اعدادي و اعدادي دي فيها مواد الرياضيات و الفيزياء و الديناميكا و الميكانيكا و الستاتيكا و الرسم الهندسي و بعض المواد الانسانية اللي بتعلمك الادارة و التعامل مع غير المهندسين و غير ذلك .. و عندك كمان كورس كمبيوتر و لغة فنية انجليزية بتعلمك تعملي مثلا مواصفات هندسية بالانجليزي ...

عمارة تعتمد على قدراتك على التخيل و الرسم .. لو انتي شفتي نفسك في مادة الرسم الهندسي كويسة يبقى ادخلي عمارة و هتبدعي فيها ان شاء الله ... و دايما نصيحة لكل اللي في الكلية و بالذات الهندسة ما تسألش من هم محبطون .. يعني اللي يقولك المادة دي صعبة المادة دي سهلة او التخصص دا صعب او مش صعب ما ترديش عليه لأن قدرات البشر غير متساوية .. عايزة تسألي اسألي معيدين او دكاترة دول الناس اللي بيفيدوا الطالب بس!!! لأن تجربتك في مادة هتكون مختلفة عن تجربة غيرك في نفس المادة و بالتالي أبعد أنا دايما عن اللي بيحبطوني و اتقرب من الناس الواعية و اللي بتدفعني معنويا ... و ان شاء الله بالتوفيق و ربنا ياخد بايدك في مجال الهندسة ..

BOKA2

16-09-2009, 09:54 AM

ازيكم يا جماعه

الف مبروووك على النتيجة وربنا يوفقنا جميعا

في حد سأل على التحويل ولا ايه النظام السنة دي

ولا لازم نحول بعد سنة ؟؟؟!!