<div align="center">دستور المرور فى القاهرة






(المعدل بلائحة: "من خرج من داره.. اتقل مقداره")









مادة 1 : قيادة سيارتك:







** لو عربيتك كبيرة أو قديمة استخدم المبدأ القانونى المنصوص عليه فى اللائحة التنفيذية والذى نصه: "اللى خايف على عربيته يوسع".


ملحوظة: ابعد عن سكة العربيات المخرشمة، بيسوقوا بنظرية "ضربوا الأعور على عينه..."



** مبدأ البوز بيز... (Booze Base) : اللى يدخل ببوز عربيته الأول للتقاطع.. هو صاحب أولوية المرور..! إحرص على أن تكون صاحب أول بوز..

ملحوظة: لا تطبق البوز بيز مع أى لورى.. أو أوتوبيس.. حرصا على بوزك لامؤاخذة...



** الإشارات تكشف نواياك للأعداء.. إياك أن تستخدمها...!



** إحترس من 3 أنواع من السائقين بيسوقوا وكأنهم مش ممكن يموتوا :



1- العيال الروشين اللى بيلعبوا Computer Games وفاكرين إن ممكن يكسبوا Life زيادة لو ساقوا أسرع.



2- موتوسيكلات توصيل الطلبات Home Delivery .



3- سواقين الميكروباص


ملحوظة: إوعى تحاول تثبت لحد منهم إن فكرته غلط.

فاهمنى.؟؟!








** لما تشوف حادثة لازم تهدى وتتفرج – مش مهم تساعد – الحاجات دى دمها أخف من الأخبار المملة بتاعة التليفزيون، وبعدين لما الطريق وراك يقف.. مش مهم.. إنت بتحمى المجتمع من حادثة تانية...!




** لا تترك مسافة للأمان بينك وبين السيارة التى



أمامك، فهذا له عدة مخاطر:





أولا: عربية تانية ح تملأ الفراغ فى ثوانى وبرضه ما يبقاش فيه مسافة بينك وبين اللى قدامك، كل اللى كسبته إنك إتأخرت لورا شوية..


ثانيا: ح تدى فرصة للعيال يعملوا غرز قدامك..

ثالثا: كل المشاه ح يغمضوا عينيهم ويعدوا من الحتة دى..

رابعا: اللى وراك ح يقعد يزمر – ده لو كان مؤدب... أو تسمع شوية أسامى حيوانات – ده لو كان سواق تاكسى مؤدب... أو ح يخبطك من ورا لو كان سواق ميكرو باص – ودول مافيش حد منهم مؤدب.







مادة 2 : المشاه:






** من حقك أن تعبر الشارع فى أى وقت.. ومن أى مكان..



** إذا



كانت هناك سيارة قادمة، إعمل نفسك مش واخد بالك وعدى براحتك خالص... ما تخافش... هو أهبل يدوسك ويودى نفسه فى داهية...؟!








** إياك أن تنظر نحو السيارات القادمة، أعبر الطريق وظهرك لها حتى لا يشك أحد قائدى السيارات أنك تراه فيحاول يخوفك علشان تقف انت...!




** حتى لو شفته، إوعى تخاف – خصوصا لو معاك بنت – تبقى راجل ملو هدومك وتخاف من حتة عربية..؟ عرض قفاك وسيبه يتفلق...!



** الرصيف ليس للمشاه.. بل لركن السيارات .. وفرشات الباعة الجائلين.. والمحلات.... الخ.. لذلك يحق للمشاه السير فى وسط الشارع، لمزيد من الأمان، راجع القاعدة السابقة..



** إذا كان الماشى من فئة النقل الثقيل (راجل أو ست)، فمن أبسط حقوقه إنه يمشى على أقل من مهله.. ويهز براحته خالص.. واللى مش عاجبه الهز، يدور له على لورى يخبطه..







مادة 3: الإشارات:






** الإشارات مش معمولة علشان تنظم المرور، دى معموله علشان شكل القاهرة يبقى متحضر وبس...!



** اعتمد على العساكر ( مع تحملك كامل المسئولية لو واحد منهم شاورلك تعدى، وبلدياته الناحية الثانية فتح السكة للورى) . أو يفضل أن تستعمل البوز بيز (راجع



القاعدة).








** إذا كنت مش واقف فى الصف الأول فى الإشارة، إعمل حسابك تزمر بشكل متواصل وهستيرى أول ما الإشارة تفتح، لأن الناس اللى قدام بيبقوا واقفين فى الإشارة من زمان وجايز جدا يكونوا ناموا...!




** معظم الحوادث تحدث فى التقاطعات أول الإشارة ما



تحمر، كل ما عديت الإشارة الحمراء أسرع .. كل ما قلت فرصة إنك تتخبط...!








** الشارع مكان مقرف، سوق بأسرع ما يمكن حتى تتخلص من هذا الهم بسرعة، الناس اللى ماشيين بالراحة مرضى نفسيين بيستمتعوا بالعذاب، يستاهلوا اللى يجرى لهم...












مادة 4: الانتظار:






** من حقوقك الدستورية أن تركن أمام باب المحل الذى تريد أن تشترى منه ، إذا سبقك واحد إبن ستين فى سبعين وركن قدام الباب فمن حقك الدستورى أن تقفل عليه وتركن صف ثانى أو ثالث، ومش مهم لو الشارع اتقفل، إيه يعنى أما الناس تتعطل عشر دقائق علشان سيادتك تستمتع بحقوقك الدستورية..؟؟ هى يعنى الدنيا طارت..؟ ولا كان وراهم الديوان...؟!





** من حقك أيضا أن تخرج من مكان انتظارك فى أى لحظة تشاء.. إكسر الدركسيون شمال واطلع.. أى حد



ماشى فى الشارع لازم يقف لك فورا... (راجع البند السابق).



</div>

هههههههههه
لا تعليق غير زي ماقلت :

من خرج من داره اتقل مقداره

فعلا الكلام ده بيحصل في مصر
شكرا لمرورك يا لوزة


سوري نسيت 99