حد يصدق ان فى حد يقول على نفسه كدى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا والعياذ بالله من قولة انا لكن لما تعرف ان انا متعاقد فى الازهر هتعرف انا ليه قلت كدى بل المفروض ان اقول اكتر من كدى زى لما صحبى قالى اوعى تفكر يابنى انك موظف انتو شوية كلاب { محدش يزعل ولا يغلط فيه- دى راجل محترم ومغلطش}-------------- طب ازاى -------- اقول لما الازهر اعلن عن اول مسابقه بالتعاقد سنة 2005 قدمت وكنت عارف ان انا هتعين علشان مجموعى كبير جدا ----- واتعينت فكنت باتباهى ان انا راجل موظف محترم وتمر الايام ولاقى اللى اشد معاه فى الكلام ويحب يشتمنى يقلى { يامتعاقد} انا فى الاول مكنتش واخد بالى انها شتيمه -- بس بعد اما مرت السنين وكل سنة اروح اجدد العقد واشوف الذل عرفت ان الشتيمة ارحم من التعاقد ----- ولما اشوف زميلى المتثبتين ما بيحضروش ما بيشتغلوش وانا باشتغل وباحضر كل يوم حتى فى الصيف ---- هنا تعرف الفرق --بس مش كله -- كل ده عادى ----- لما تلاقى زميلك زادوا فى شهر /7
وسيادتك رجع مرتبك اربع سنين لوره تعرف انك مش محترم -------------- وهنا تعرف الفرق -----------------
لما تلاقى نفسك لو اشتكيت هتترفد ويجى مكانك الف كلب --------- زى ما صحبى قال -------- يابنى انت يوم لما يكرشوك الشغل مش هيقف -- هييجى غيرك الف كلب -- وبأقل من مرتبك كمان ===============
فى الحاله دى تعرف انك مش محترم -----------------------------------------------------------------------------
لما ما تحدش علاوة دوريه --- ولا علاوة تشجيعيه -- ولا علاوه اجتماعيه-- فى الحالة دى تعرف انك مش محترم
لما يدولك العلاوة الخاصة على مربوط الدرجة ---يعنى تزيد فى السنة 4.8 -- يعنى بيعملوك على انك عايش فى عصر الملك فاروق == هتروح تشترى كيلو اللحمة ب/5 ابيض فى الحالة دى تعرف انك مش محترم
لما يعملوا كل ده وانت لسه خايف تعرف ساعتها انك انسان غير محترم =======================
ومعذرة لاخوانى المدرسين على هذه الالفاظ السيئه التى لايحق لى وانا واحد منكم ان اصف نفسى اولا واصفكم بها انما فعلت ذلك لشدة غضبى وحزنى مما بفعل بنا ويحاك ضدنا -- اخوانى انا فعلت كل السبل من الشكاوى ولم يسمع لى اخوانى انا ليس امامى الا واحد اشكو له وهو الواحد الذى وعد بنصر المظلوم
اخوانى عليكم بالدعاء ليل نهار على من اصدر قرار الخصم من مرتبنا == اخوانى لاتتركوه يفلت بفعلته فالله وعدكم بالاجابة فقال تعالى{ فدعا ربه انى مظلوم فانتصر} وقال صلى الله عليه وسلم{ ليس بين دعوة المظلوم وبين الله حجاب } وفال الشاعر - تنام عيناك والمظلوم منتبه يدعو عليك وعين الله لم تنم =========
شكرا لكم اخوانى والسلام عليكم ورحمة الله وبركاته=================

تنام عيناك والمظلوم منتبه
يدعو عليك وعين الله لم تنم.
اللهم فرج هم المهمومين
ووفق زملائنا المتعاقدين

اللهم فرج همومنا يارب

حد يصدق ان فى حد يقول على نفسه كدى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا والعياذ بالله من قولة انا لكن لما تعرف ان انا متعاقد فى الازهر هتعرف انا ليه قلت كدى بل المفروض ان اقول اكتر من كدى زى لما صحبى قالى اوعى تفكر يابنى انك موظف انتو شوية كلاب { محدش يزعل ولا يغلط فيه- دى راجل محترم ومغلطش}-------------- طب ازاى -------- اقول لما الازهر اعلن عن اول مسابقه بالتعاقد سنة 2005 قدمت وكنت عارف ان انا هتعين علشان مجموعى كبير جدا ----- واتعينت فكنت باتباهى ان انا راجل موظف محترم وتمر الايام ولاقى اللى اشد معاه فى الكلام ويحب يشتمنى يقلى { يامتعاقد} انا فى الاول مكنتش واخد بالى انها شتيمه -- بس بعد اما مرت السنين وكل سنة اروح اجدد العقد واشوف الذل عرفت ان الشتيمة ارحم من التعاقد ----- ولما اشوف زميلى المتثبتين ما بيحضروش ما بيشتغلوش وانا باشتغل وباحضر كل يوم حتى فى الصيف ---- هنا تعرف الفرق --بس مش كله -- كل ده عادى ----- لما تلاقى زميلك زادوا فى شهر /7
وسيادتك رجع مرتبك اربع سنين لوره تعرف انك مش محترم -------------- وهنا تعرف الفرق -----------------
لما تلاقى نفسك لو اشتكيت هتترفد ويجى مكانك الف كلب --------- زى ما صحبى قال -------- يابنى انت يوم لما يكرشوك الشغل مش هيقف -- هييجى غيرك الف كلب -- وبأقل من مرتبك كمان ===============
فى الحاله دى تعرف انك مش محترم -----------------------------------------------------------------------------
لما ما تحدش علاوة دوريه --- ولا علاوة تشجيعيه -- ولا علاوه اجتماعيه-- فى الحالة دى تعرف انك مش محترم
لما يدولك العلاوة الخاصة على مربوط الدرجة ---يعنى تزيد فى السنة 4.8 -- يعنى بيعملوك على انك عايش فى عصر الملك فاروق == هتروح تشترى كيلو اللحمة ب/5 ابيض فى الحالة دى تعرف انك مش محترم
لما يعملوا كل ده وانت لسه خايف تعرف ساعتها انك انسان غير محترم =======================
ومعذرة لاخوانى المدرسين على هذه الالفاظ السيئه التى لايحق لى وانا واحد منكم ان اصف نفسى اولا واصفكم بها انما فعلت ذلك لشدة غضبى وحزنى مما بفعل بنا ويحاك ضدنا -- اخوانى انا فعلت كل السبل من الشكاوى ولم يسمع لى اخوانى انا ليس امامى الا واحد اشكو له وهو الواحد الذى وعد بنصر المظلوم
اخوانى عليكم بالدعاء ليل نهار على من اصدر قرار الخصم من مرتبنا == اخوانى لاتتركوه يفلت بفعلته فالله وعدكم بالاجابة فقال تعالى{ فدعا ربه انى مظلوم فانتصر} وقال صلى الله عليه وسلم{ ليس بين دعوة المظلوم وبين الله حجاب } وفال الشاعر - تنام عيناك والمظلوم منتبه يدعو عليك وعين الله لم تنم =========
شكرا لكم اخوانى والسلام عليكم ورحمة الله وبركاته=================
والله عندك حق فى كل شئ
تخيل انك لو مغششتش فى الامتحان ممكن يهددوك انهم هيدولك بالجذمه...............:abdoog8:

انت بتعبر عن كل مافى انفسنا
هى دى الحقيقة المرة

حسبي الله ونعم الوكيل في كل اللى ظلمنا
اللى سايبين عقود البترول تقبض خمس الاف ولما يتثبت يخادله تمن تلاف
وجاين علي خمسين جنية عمي بناخدهم وخصموهم

شكرا لكم جميعا على المحبة والاخاء وقد كنت عند كتابتى هذا الموضوع اظن ان الجميع سيعترض وتاخذه العزة
ولكنى كتبته ولم ابالى --- ولكن بعد الردود الرائعة اسمحوا لى ان اظهر لكم ما لم ارد اظهاره فأنا تكلمت بإيجاز شديد
وشكرا خاصا ل/أ /ممدوح نائب المدير العام

انت تريد وانا اريد والله يفعل مايريد

ربنا يرحمنا جميعا دائما قولوا حسبي الله ونعم الوكيل

حمله الدعوه على كل ظالمممممممممممممممممممممممم
دعوه فى كل ركعه=17 دعوه*ألاف المتعاقدين = الفرج ان شاء الله

فعلا هو دى الطريق الصحيح اللى احنا اهملناه ومش عارفين قيمته --- لو كلنا دعينا على الظلمة اللى بيخصموا من مرتبنا ممكن ربنا يعجل بالاجابه ويجيله شلل فيسيب الشغل ويجى واحد تانى يعدل اللى اتخرب وشكرا

فلنبدأ حملة الدعاء ابتداء من أول شوال الى اخره ونسمى الحمله:
ففروا الى الله

موافقون على رأى مجلس الشعب

انت متعاقد
اسمك مكتوب بالقلم الرصاص
انت لسة عقد
متعملش مشاكل
هيجيبوا غيرك
أحترم لقمة عيشك




لا لا لا هنعمل مشاكل
هنوريهم ان احنا احسن منهم
هنوريهم انها ممكن تقف من غيرنا

هنوريهم ان احنا كتار




هنوريهم ان احنا مش شوية عيال

هنوريهم ان احنا أفضل منهم بالعمل

مظبوط ياحمد لازم نشاغب

العالم ديه مش فاهمه إن اكتر من نص المدارس شايلها المتعاقدين، ولولا ستر ربنا وإن الواحد بيعامل ربنا عشان يحلل القرشين (أسف هما أصلاً مش فلوس) كان الواحد مشتغلش ف المدرسة
والحمد لله إن فى رب سامع وشايف وشاهد على اللى بيحصل ومستحيل يرضى بالظلم
حسبنا الله ونعم الوكيل ف الظالم والمفترى وإبن الجزمة اللى فكرة فى فكرة العقود من أصله.....................(سوهاجى للابد)

السلام عليكم
طبعا انا معاكم فى كل الكلام دة لانو بيحصل تقريبا فى كل المدارس وفى كل المحافظات بلا استثناء وكأنة وباء بين الموظفين وكأننا مش زى ولادهم مثلا مع وجود بعض الاستثناءات فى بعض المدارس والادارات اللى فيها ناس بتقدر الظروف والضغوط انا اشتغلت بنظام الحصة ايام ما كانت الحصة ب 70 قرش وكنت باخد 34 جنية فى الشهر اول ما اتخرجت سنة 99 و 2000 حتى 2004 تقريبا وبعدها ادونا نصاب كامل يعنى المرتب زاد ل 120 جنية تقريبا كأخصائى مكتبات بالاجر وبعدها قاللو مفيش نصاب هنشغل ناس كتير بنفس عدد الحصص يعنى بقو يقسمو النصاب ال هو 21 حصة على 3 الناس بتمشى لقدام واحنا بنمشى لورا حسبنا الله ونعم والوكيل

ياجماعة لن يضيع حق وراءه مطالب - فين الفاكسات للجهاز المركزى فين الفاكسات لشيخ الازهر فين الفاكسات لوزير التربيه والتعليم فين الفاكسات لوزير التنمية الاداريه - فين الدعاء ياجماعه قال تعالى { الذين قال لهم الناس ان الناس قد جمعوا لكم فاخشوهم فقالوا حسبنا الله ونعم الوكيل } فكانت النتيجة السريعة المعقبة بالفاء وهى تدل على سرعة حدوث الامر ساعة القول
كما لو قلت ( جاء محمد فاأحمد ) اى تلاه فى نفس الوقت - والنتيجة كما قال تعالى { فانقلبوا بنعمة من الله وفضل لم يمسسهم سوء } ياجماعة ارجوكم ادعوا عليهم قولوا حسبنا الله ونعم الوكيل فى الظالم اللى بيتصيد الفرص ليضرنا -
لعل الله ان يتقبل من احدكم لصلاحه او لمحنته القوية فيفيد نفسه ويفيدنا .
اللهم هل بلغت اللهم فاشهد ..................

يارب سترك ورضاك......
الناس ديه مش خايفه ان أحنا نسمم عقول الطلبه ونكرههم فى مصر
لازم يعرفوا ان التدريس هى أخطر مهنه فى الوجود
بس أحنا بنراعى ضميرنا ..........

ايه ياعم تامر اللى انت بتقوله ده -/ هو لسه فى حد بيحب مصر
هههههههههههههههههههههههههههههههههههههههههههههه

طبعاً كلنا بنحب مصر
والمشكله مش فيها المشكله فينا ، وكفايه انها بتتسرق من 7 الاف سنه ولسه واقفه، أخى الفاضل لا تستعجب أنت من جواك بتحبها ولكن للظروف اللى حواليك انت بتقول كده، وكفايه إنها البلد الوحيد اللى جاء اسمها ف القرآن الكريم ، وكفاية انك تقف ساعة على نيلها وتنسى كل همومك
ولكى الله يامصر ..لكى الله يامصر ( على رأى يحيى الفخرانى)
سوهااااجى للابد

سبحان الله وبحمده، سبحان الله العظيم

يارب سترك ورضاك......
الناس ديه مش خايفه ان أحنا نسمم عقول الطلبه ونكرههم فى مصر
لازم يعرفوا ان التدريس هى أخطر مهنه فى الوجود
بس أحنا بنراعى ضميرنا ..........



مع احترامى لرايك الا ان للاسف الواقع اللى شفته فعليا فى بعض المدارس كطالبه وبعدين كمدرسه

واللى زمايلى بيحكولى عنه وضع مؤسف للغايه وبيقول ان كتير من المدرسين معندهمش ضمير بالمره

لما مدرس يجبر طالب عنده انه ياخد درس علشان اعمال السنه يبقى معندوش ضمير وليه حق الوزير انه يقلل من سلطاتنا على الطالب

لما مدرس يحاول انه يعقد طالب ويزهقه علشان بياخد عند مدرس غيره درس وتكون النتيجه ان الطالب يكره الماده واحتمال المدرسه يبقى مدرس معندوش ضمير

لما مدرس يغشش طالب علشان بياخد عنده درس ويكتبله فى ورقه الاسئله علشان ينجح يبقى من غير ضمير

وبصراحه انا بقيت حاسه ان موضوع الغش دا بقى عادى جدا فى اغلب المدارس بقى الشىء المعتاد

والناس عادى عندها انها تغشش الطلبه وان الطلبه كلهم لازم ينجحوا وان نتيجه المدارس لازم تبقى عاليه

وان الامتحان يدخل للجان محلول من السؤال الاول للاخير واضيع طالب شاطر مش مشكله ولا فارقه

حتى اولياء الامور بقوا بيشجعوا ولادهم على الغش مش عارفين ان لما اعلم ابنى انه يغش اول واحد هيغشه هو انا والمدرس اللى ميغشش يبقى مدرس صعب ومعقد ويتحط فى البلاك لست

وياريت بنعلمهم الغش وبس دااحنا كمان بنعلمهم ازاى يكدبوا وازاى ينافقوا بقت اغلب المدارس للاسف لابتربى

ولا بتعلم بل بالعكس بقينا بنربى طالب غشاش وكداب وبفقد الطالب الشاطر ايمانه بقيم كتير جميله وبنضيع حقه

وبنحبطه وبنساويه بطالب فاشل

مره كنت موقفه طالب قلتله بس اقراى عنوان الدرس معرفش

طالب تانيه اعدادى مش عارف يقرى عنوان الدرس ياترى مين السبب

مدرس معندوش ضمير كتبله فى الامتحان ياترى هو كدا نفعه ولا ضره ياترى علمه حاجه

مره كنت بقول لطالب انت مش بتذاكر ليه قالى واذاكر ليه ماانا هغش اخر السنه وهنجح ياترى مين السبب

برضه مدرس معندوش ضمير غششه وعلمه ان الغش شىء طبيعى

ومره تانيه لاحظت ان مستوى طالب ممتاز

فى تالته اعدادى انخفض بشكل ملحوظ جدا فجبته وسالته ايه السبب

قالى ياابله وانا هذاكر ليه ذاكرت الترم الاول وزميلى اللى اقل منى بكتير جاب اعلى منى علشان الكتا ب كان معاه فى اللجنه المدرس دخل حلله الاسئله

والامثله على كدا كتير وبتهيالى كل المدرسين عارفين دا واكتر من كدا كمان

ياترى المدرسين اللى بيعملوا كدا نفعوا الطالب سواء الشاطر ولا الخايب بالعكس دول ضروا الاتنين

ضروا الطالب الشاطر بانهم احبطوه وافقدوه الحافز من المذاكره بانه يبقى متفوق وفوق كل داافقدوه الايمان بحاجات كويسه اسرته ربته عليها
وضروا الطالب الخايب لانه لا علموه ماده علميه ولا حتى ربوا فيه صفه كويسه بالعكس دول علموه ازاى يبقى غشاش وشجعوه على دا

وبالمناسبه كل الطلبه سواء الشاطرين او الخايبين اخر مدرس ممكن يحترموه هو المدرس اللى بيغششهم

ودا فعلا من الواقع

وبقينا نقول واحنا مالنا ماكله ماشى كدا اشمعنى احنا يعنى ودا اللى جابنا لورا

يعنى للاسف احنا اللى خلينا الطلبه متحترمناش واحنا اللى خلينا الطلبه يروحوا المدرسه علشان يتفسحوا ويناموا واحنا اللى جرانا الطلبه علينا او على الاقل سهمنا بد ا


واحنا اللى ساهمنا ان بلدنا تبقى اغلب ناسها بالشكل دا منافقين وكدابين وغشاشين وكسلانين والباقى كلنا عارفينه

فطبيعى اننا نوصل للى احنا وصلناله وحالنا يبقى كدا واسوا كمان

لان من وجهه نظرى اهم شىء لرقى بلد هو تعليمها ولو عايزين نضر اى بلد نضر تعليمها على المدى الطويل

وللاسف اللى بيحصل فى بلدنا دلوقتى

السبب الرئيسى فيه نتاج تعليمنا

متعاقدة مخنوقة اسلوبك محسسني اني أعرفك هو حضرتك من الدقهلية ؟

طبعاً كلنا بنحب مصر
والمشكله مش فيها المشكله فينا ، وكفايه انها بتتسرق من 7 الاف سنه ولسه واقفه، أخى الفاضل لا تستعجب أنت من جواك بتحبها ولكن للظروف اللى حواليك انت بتقول كده، وكفايه إنها البلد الوحيد اللى جاء اسمها ف القرآن الكريم ، وكفاية انك تقف ساعة على نيلها وتنسى كل همومك
ولكى الله يامصر ..لكى الله يامصر ( على رأى يحيى الفخرانى)
سوهااااجى للابد
بالطبع مصر التى فى خاطرى وفى فمى احبها من كل روحى ودمى / لكن اخى بالله عليك هل لو حكمك اليهود وهم اسوأ اهل الارض غلى الاطلاق - هل سيفعلون ما يفعله اصحاب القرار عندنا؟ بالطبع لا عدوك لا يجرؤ ان يخصم من مرتبك قرشا - لان مرتبك يطلق عليه اعانة بطالة شغالة - اما اصحاب القرار فقد رأوا ان صدقاتهم قد زادت بحيث لابد ان يقص ربعها وشكرا

متعاقدة مخنوقة اسلوبك محسسني اني أعرفك هو حضرتك من الدقهلية ؟


مااعتقدش ان حضرتك تعرفنى لانى مش من الدقهليه

الموضوع ياجماعة لو سمحتوا شكرا

يعنى يا جماعه انت بعد المقال ده مش هتخلوا حد خالص يدخل تربيه وعلى فكره انا اختى واخده ليسانس تربيه ولقيت التربيه مش جايبه همها فشتغلت معده برامج للكمبيوتر اصل هى بتحب المجال ده وكمان بتفهم فيه يلا ما علينا امال الكدر اللى هيظبطوك بيه كدب ولا ايه وكام كلمه رفع معنويات يعنى شكلك هتقضوها رفع معنويات شويه كتار
(قم للمعلم ووفيه تبجيلا كاد المعلم ان يكون رسولا)

تنام عيناك والمظلوم منتبه
يدعو عليك وعين الله لم تنم.
اللهم فرج هم المهمومين
ووفق زملائنا المتعاقدين هو الدعاء لله اللي بيرجع الحقوق شكرا ا\ ممدوح اخي محمد قالو زمان من شاف بلاوي الناس هانت عليه بلويه
اذا كنت فقدت الامل اسمع كلام ي
انا مدرس متعاقد بسيناء اعمل بمدارس الوديان وما ادراك ماهي مدارس الوديان لايوجد كهرباء ولامياه شرب و لا اي خدمات
اماكن يموت فيها الانسان ومحش يحس بيه تذكر منهم يذوقون مراره العيش اكثر منك وربنا معاناكلنا وحسبنا الله ونعم الوكيل فيهم