ازيكم يا حضرات المبرمجين
انا احمد
16 سنه
طالب فى تانيه ثانوى
وامنيه حياتى انى اخش حاسبات ومعلومات
حاببها من كل قلبى
ومن صغرى يسالونى نفسك تطلع ايه اقولهم مبرمج؟؟؟
وانا مش فاهم يعنى ايه مبرمج اصلا
بس الحمد لله فهمت على ايديكوا
وعاوز استفسر عن حاجه!!!!
يا ريت كل واحد يقولى عن افضل جامعه ممكن اخش فيها حاسبات
يعنى القاهره ولا عين شمس ولا حلوان ولا ايه بالظبط؟؟؟؟
واستفسار تانى معلش
يا ترى لما النقابه تتعمل مجموع الكليه هايزيد؟؟؟:unsure::unsure:
ويا رب ما يزيد الا بعد ما ادخل الكليه يا رب
ادعولى ربنا يوفقنى
واجيب المجموع مهما كان اد ايه
معلش تقلت عليكو
اخوكو الصغير بقى
سامحونى
ويا ريت ردود يا جماعه:078111rg3::078111rg3::078111rg3::078111rg3:: 078111rg3:

أولاً : ازيك يا عم احمد ..
ثانياً : مبروك ... أهنيك على أول انجازاتك , حبك لكلية حاسبات و معلومات ... أجمد كلية في مصر !!

تعال بقى نشوف اسئلتك :
- ايه افضل جامعة ممكن ادخل فيها كلية حاسبات ؟

و الله يا عم أحمد كله زي بعضه ... يعني القاهرة زي عين شمس زي اسيوط زي حلوان ..
هوا بس اللي تخاف منه جامعة بنها .... لأن الدراسة في جامعة بنها تلات سنين بس ...

طبعاً أصعب جامعة على الإطلاق : جامعة عين شمس .. و جامعة المنصورة و جامعة حلوان
أسهل جامعة : القاهرة و اسيوط و بقية الجامعات ...

و جامعة عين شمس ميزتها انها بتدربك في شركات كمبيوتر من سنة تالتة و كذلك برضه حلوان ..

----

- ياترى لما النقابة ح تتعمل , مجموع الكلية ح يرجع يزيد تاني ؟

و الله احتمال كبييير .... لأنه لما يكتمل عدد خريجين الحاسبات لـ 5000 , كليات الحاسبات ح ترجع تلعلع تاني و تبقى زي هندسة في المجموع كمان ... ما هو مادام في نقابة , يبقى المجموع احتمال كبير يعلى ...

و لو عايز تعرف ايه هيا الاقسام الموجودة في كل كليات الحاسبات .... ح تلاقي موضوعنا هنا في القسم اسمه : كل اقسام كل كليات الحاسبات و المعلومات ... هنا المختصر المفيد ...

-----

طبعاً ربنا معاك ان شاء الله ... اهم حاجة انك تدح دح ... عارف يعني ايه تدح ..
علشان يا ابني متقعش وقعة علمي رياضة السنة دي ....
السنة دي تنسيقنا كان زبلاة ... الوزير المحترم المبجل الاستاذ الدكتوز : هاني ابن عمو هلال , كرم علمي علوم في تنسيقهم ... و علمي رياضة السنة دي خسف بيهم الارض ....

فلازم تدح دح ... علشان عمو هاني يحبك ... :-)

جزاكم الله كل خير

عين الشمس الاصعب و الافضل
وهى محط انظار الشركات الاجنبية
شركة مايكروسوفت مثلا بيدوا فى عين شمس كورسات مهمة ببلاش
و اول 10 فى اى دفعة فى عين شمس محجوز مكانهم فى شركة مايكروسوفت بمرتبات خيالية
و باقى الدفعات بتتوزع على شركات تانية قوية
دا غير السامر كورسس اللى فيها و المعامل و المشاريع المستمرة طول فترة الدراسة
و من سنة تالتة بيودوك شركات كبرى تتدرب فيها

أنا عاوزة أسأل حضرتك مين قالك انى جامعة بنها 3سنين هو فى أصلا كليه 3سنين

متشكر اوى يا جماعه على ردودكم
ويارب النقابه ماتتعمل الا بعد ما ادخل الكليه بيوم
وانا برضه ناس كتير قالتلى عين شمس هى الافضل
وربنا هو الموفق
وانا فعلا شوفت الاقسام اول حاجه بس لسه مش راسى على ميولى
لكن اللى انا متاكد منه ان الاقسام كلها ممتازه
واى قسم هايكون ليا فيه مستقبل باذن الله
وشكرا مره تانيه

معلش يا جماعه
ممكن حد فى قسم تكنولوجيا المعلومات it
يدينى معلومات اكتر عنه
عشان الموضوع بتاع الاقسام مش موضح
قسم تكنولوجيا المعلومات

قسم تكنولوجيا المعلومات باختصار يا باشمهندس بتدرس فيه برمجة مواقع الانترنت و برمجة الشبكات عموماً .... ح تعرف فيه ايه هوا الانترنت و اتعمل ازاي و ليه اتعمل ... و ح تتعلم فيه لغات البرمجة الخاصة بالانترنت زي الجافا و الفي بي سكريبت و البي اتش بي و الايه اس بي دوت نت و غيرهم ....

بس مش عارف ازاي انا مش موضح في الموضوع ...
لو عايز بقى المواد و كده يبقى عليك و على انك تدور في المنتديات علشان معنديش فكرة عن المواد صراحة ...

جزاكم الله كل خير

والله انا تعبتك معايا
وبجد متشكر جدا
وانا الظاهر كده ميولى it او is
وربنا هو الموفق

الحمد لله عرفت كل اللى بيتدرس فى الit
وقولت اكتبها عشان نستفيد كلنا
1-برمجه الشبكات
2-امن الشبكات
3-تحليل وتصميم الشبكات
4-شبكات الحاسب وادارتها
5-تراسل البيانات
6-معالجه الاشارات الضوئيه والرقميه
7-تكنولوجيا الاتصالات
8-معالجه الصور
9-الرسوم المتحركه
10-نظم الرسم بالحاسب
11-الواقع الافتراضى <اللى موجود فى فيلم ماتريكس> ههههههههههههههه
12-تكنولوجيا الانترنت وبرمجته
13-تصميم الدوائر المنطقيه
14-الالكترونيات
15-النظم المدمجه
16-الانسان الالى والرؤيه بالحاسب
وهو ده قسم تكنولوجيا المعلومات باذن الله
وارجو ان اكون افدت اى حد فى القسم

يا عم لا تعب و لا حاجة ...

انت لو ميولك is , يبقى انت ح تدخل مجال التجارة الإلكترونية و برمجة قواعد البيانات ..
لكن لو ميولك it , يبقى تعيش في الواقع الإفتراضي ... ههههههههههههههه

ربنا معاك و يوفقك ان شاء الله

هههههههههههههههههههه حلوه
ان شاء الله ربنا يسترها معايا
ومع كل اللى عاوز الكليه دى

طبعاً الواقع الافتراضي زي ما بتقول .. هيا حاجة زي الماتريكس كده ..

بس لو تعرف , الماتريكس كله كله واقع افتراضي ..

و في تطبيقات من الواقع الافتراضي موجودة هنا في مصر زي :
- السيميلاتور ... اللي موجود في دريم بارك و ماجيك لاند ...
- لو تعرف فيلم السلم و التعبان ... في لقطة منه كان الحاج هاني سلامة و الحاجة هلا زيحا كانوا لا بسين نضارات عجيبة كده وقاعدين يرقصوا ... ده برضه جهاز واقع افتراضي
- البلاي ستيشن و العابه ... ده يعتبر واقع افتراضي
- في قناة على التلفزيون اسمها selevision , القناة دي كل برامجها واقع افتراضي , لأنها كانت عاملة عرض على تضارة 3D علشان تقدر تعيش في برامج القناة الاستكشافية ... و اعتقد قنوات ديسكفري و انيمال بلانيت و ناشونال جيوجرافيك عاملين كده برضه ...

يعني دي مقتطفات من تطبيقات الواقع الإفتراضي ...

و طبعاً الواقع الافتراضي ده عالم تاني ... يعني لو عملت فيه دكتوراه تبقى واد فلتة زمانك ...

و جزاكم الله كل خير

لو سمحتو ياجماعة انا لسة داخلة حاسبات اسماعيلية وعاوزة حد يكلمنى عنها علشان انا محتارة بين الحاسبات وبيطرى بنى سويف .فلو سمحتم ممكن حد يرد ع

دى تبقى جامده جدا
بس مظنش ليها فى مصر شغل
والله اعلم

بيطرى ايه بس يا جيرسى
حاسبات وانت مغمضه طبعا
هى صعبه اه بس بجد حلوه جدا
مش هاتندمى
ولو عايزه معلومات عنها
انطلقى زى ما انتى عايزه ما بين المواضيع
هتلاقى اللى ياكد كلامى
بس فكك من البيطرى
واسمعى الكلام

طيب بص يا احمد اصلى انا بنت ولما بسمع كلام الناس بيقولو زيها زى تجارة وانتى حتقعدى بعدها فى الشارع .فاية رايك

حضرتك ممكن تلاقي موضوع بعنوان : دخلت حاسبات و معلومات ... طب تعال ...

الموضوع ده ح يأكد إن خريج الحاسبات مش زيه زي خريج تجارة ...

طب انت لما تخشى طب بيطرى
هتلاقى الشغل على ودنه
حاسبات ممكن تشتغلى وانت قاعده فى بيتك زى الفل وشغلها مهم ومطلوب
وعلى فكره ما فيش وجه مقارنه بينها وبين البيطرى
واللى بيقول انها زى تجاره واجهيه وكلميه
هو يعرف ايه عن الكليه قبل ما يتكلم
ومايهمكيش كلام الناس عشان دى مصلحتك
ومحدش هاينفعك لما تفشلى فى البيطرى
وبرضه ارجعى شوفى ميولك
انت مياله لايه بالظبط؟؟؟؟
وحددى
وعشان خاطرك هاقولك شويه كلام عن الكليه
اولا المناهج عالميه
يعنى الكلام اللى انت هتدرسيه هو هو اللى بياخده بتاع امريكا والصين والمانيا
ثانيا الاعداد بتاعه الخريجين قليله جدا
ففرص العمل المحترم وحطى تحتها 100 خط متوفره
ثالثا اقسامها كلها مطلوبه جوه مصر وبراها
رابعا الدراسه مننتهى المتعه ما فيش بعد كده
ركزى واختارى بعقلك
ده مستقبلك انت
ونسيبنا من كلام الناس اللى جايبنا ورا
والبنت زى الولد
خصوصا فى حاسبات ومعلومات
وربنا معاكى يا رب يا جيرسى
ويهديكى للطريق الصح
ولو عايزه حاجه انا متواجد
سلام

شغل الواقع الافتراضي في مصر طبعاً مش ح تلاقي , لان تكنولوجيا الواقع الافتراضي لسه جديدة ... و دي معلومات عنها يا باشا ...

تكنولوجيا الواقع الافتراضي ظهرت في عام 1993 على يد مجموعة من المهندسين الامريكان المتخصصين في التكنولوجيا ..
كان الواقع الافتراضي أياميها مطبقينه على جهاز أتاري و عصيان joystick ... طبعاً جهاز الأتاري يعتبر أساس لظهور أجهزة الألعاب المتقدمة بعد كده ...
التكنولوجيا دي تطورت بعد كده و اصبح ليها خبراء و مهندسين كتيير ... لغاية لما عملوا جهاز البلاي ستيشن الأشهر في العالم في بداية الألفية الجديدة أو قبليها بشوية ...
كان البلاي ستيشن نازل أياميها حجمه كبير و تقيل ... لكنهم طوروا فيه و ادخلوا عليه تكنولوجيا الواقع الافتراضي ... لكن برمجة التكنولوجيا دي كانت بسيطة جداً و كانت تكنولوجيا الثري دي لسه بسيطة و مكنتش واقعية ...

طبعاً قبل البلاي ستيشن ما ينزل , كان اتعمل الجزء الأول من فيلم الماتريكس و اللي ساعد على انتشار التكنولوجيا دي في أمريكا و أوروبا كلها .... ( طبعاً مصر متعرفش يعني ايه اتاري أساساً أياميها ... )

و مع التطور , بدأت التكنولوجيا دي تتوسع في ما بين 2003 و 2004 ... و ظهرت أجهزة ألعاب متقدمة جداً و التكنولوجيا بتاعتها أعلى و أنقى ...
فظهر جهاز البلاي ستيشن المحمول , و ظهرت اجهزة الاكس بوكس ... و تطورت اجهزة النينتيدو و الجيم بوي اللي ظهروا في فترة التسعينيات ...

و بتطور الواقع الافتراضي , تطورت تكنولوجيا الثري دي و الفور دي لأقصى حد .... و حتبدأ تكنولوجيا الواقع الافتراضي تنتشر أكتر من الأول و بأفضل حال ..

و أحد المهندسين المؤسسين للتكنولوجيا دي قال : الواقع الافتراضي هو تجيسد لواقعنا الحقيقي ... فهو مشاعر و أعصاب و تفكير ... و نتمنى أن ندخل الجسد فيه ... ليصبح هذا الواقع هو كوكب أرضي آخر لكنه إفتراضي ... ( الكلام دا قاله لما بدأوا يعملوا التكنولوجيا دي ) ..

و في عام 2000 قال نفس الراجل : اصبحنا الآن نعيش في واقع افتراضي ... فالانترنت أتاح لنا الدردشة و المحادثة مع أشخاص معظمهم إفتراضيين ... حتى الانترنت اعتبرناه عالم افتراضي .... واقعنا الآن ليس كله افتراضي , فالجسد هو ما تبقى من الواقع الحقيقي ...


دي يعني نبذة بسيطة عن الواقع الافتراضي ... و دلوقتي التكنولوجيا دي بنحاول نطبقها في مصر ...

و من أهم تطبيقاته في مصر : السيميلاتور ( و الجهاز ده طبعاً مستورد ) ...

جزاكم الله كل خير

يعنى اتوكل على الله وادخلها
اصلى خاااااااااااااااااااااااااايفة انها تكون زى تجارة لان مفيش حد عندنا دخلها قبل كدة.طيب هى كلها رياضة ورياضتها صعبة

ايه الكلام الجامد ده
ربنا يحميك يارب
يا نهار ابيض
بجد الموضوع ده جميل اوى
بس لو الواحد امريكانى
والله بزعل اوى على احنا فيه فى البلد دى
عشان احنا ماشيين وراهم وياريتنا ماشيين
ده احنا بنزحف واحنا اصلا عمى مش بنشوف
فاكيد قدامنا طريق طويييييييييل
علشان بس نقربلهم
للاسف الشديد
ربنا يتولانا
ويرحمنا برحمته يا رب

ياى جسرسى قولنا ملهاش دعوه بتجاره
ولو هى زى انت ما بتقولى
مكنش بنوع التجاره اللى مترميين فى كل حته غلبوا فى البحث عن وظيفه
بالنسبه للرياضه
انا اعرف ان فيها رياضه زى بتاعه الثانويه العامه
بس التركيز بتاعك كله يبقى على اجزاء البرمجه
وانا فرحان ان انت مجبتش سيره البيطرى على لسانك
عشان انت مقامك اعلى من كده بكتير
وتوكلى على الله
بس خلى بالك حاسبات مش كليه نظريه
ترمى موادها طول السنه
وتذاكرى اخر اسبوعين
وتروحى تجيبى جيد
لا مش كده خالص
ولازم تذاكرى كويس
وتجيبى اعلى تقدير تقدرى عليه
عشان الشركات تقبلك بدون تفكير
وتوكلى على الله
وربنا معاكى يارب

ياجماعه انا احتمال كبير انى اقعد فى ثانوية العامه للسنه الخامسه
واعيد على ماده واحدة بفكر جديا انى استفيد بالسنه واخد كرسات
والسنه الجايه ان كان لينا عمر هاقدم فى الاكاديميه البحريه
حاسبات ومعلومات بحيث انى يكون مستوايا اعلى من اللى فى سنى
تنصحونى ابتدى بكورسات ايه مع انى ابيض يدوبك كلام نظرى قريته فى كتاب عن علم البرمجيات
ارجو المساعده ضرورى وينفع لو اخدت كورسات اشتغل فى الوقت الحالى مبرمج كدا
لغايه السنه الدراسية الجايه

حضرتك فى مواضيع كتير داخل المنتدى عن الكورسات
تقدر تدور على اللى يناسبك
وتقدر طبعا تسال استاذنا كلنا eng.alios
انا متاكد انه هايفيدك

والله ياباشا اسال فين انا دورت كتير اوى
ومش لاقى اى مساعده من اى حد
ولو لقيت كل واحد يقول كلام غير التانى
وانا فى حيره شديدة

بص انا بصراحه لو مكانك اروح اسال فى الكليه ذات نفسها
عشان تجيب من الاخر

أولاً : انا مش استاذ و لا حاجة ... انا لسه طالب زيي زيكم ...

ثانياً : حضرتك مستعجل يا أخ فيوز .... لكن ح اقول لك على اللي بشوفه يعني ...

انت ممكن تبدي من دلوقتي كورسات لغات يعني كورسات إنجليزي و جنبه أي لغة تانية بالتوازي مع بعض كده ... أما كورسات البرمجة فانت ممكن تبديها بعد ما تخلص أولى , لأن أولى مش ح تاخد فيها برمجة خالص , أولى ح تاخد فيها يادوبك مقدمات عن الكمبيوتر و عن لغة السي كبداية ( لغة السي دي اللي انت كنت بتدرسها في تالتة اعدادي ) ...

انت تستعجل على اللغات , لكن البرمجة سيبها شوية ...

جزاكم الله كل خير

انا بقيت فى حيره دلوقتى
ايه الحل
واحد يقولى ابتدى بكورس الجافا عشان المستقبل للجافا
وواحد تانى مهندس يقولى كورس شبكات وفلاش والفوتوشوب
وواحد تالت يقولى كورس سى شارب او الفيجوال بيسك

لا بص ابتدي باللغات .. لان ده اساس شغلك يا معلم ...

مش حتشتغل الا باللغة ...

فعلا الكلام ده صح
واصلا كل واحد لازم يظبط الانجليزى بتاعه
حتى من قبل ما يدخل الكليه

ان شاء الله
تلاقى حد يساعدك فى الكورسات