من بدايه العام القادم بأذن الله الدراسه موقفه فى كليات التجاره والاداب والحقوق فى جامعتى القاهره وعين شمس لطلبه انتساب موجه ,وذلك بسبب انفلوانزا الخنازير
وسوف يتم اذاعه المحاضرات عبر قناه تلفيزيونيه
والحضور فقط لطلبه انتظام بشرت ارتداء الوقاء الوجهى ومن يعارض التعليمات سوف يسحب منه الكارنيه

ده كان الخبر اللى نزل فى الاهرام الصباحى وانا اول ما قراته بجد ما صدقت
ازاى يا جماعه مش هنروح الجامعه .زاكيد المرض ده لو انتشر لقدر الله هتبقى مصيبه بس تفتكروا هيلاقوا حل
اصله مش هينفع ناخد المحاضرات فى البيت ازاى
عايزين نناقش الموضوع ده ..شكراً
والله أعلم

حصلت "المصري اليوم" على خطة وزارتي التعليم العالي، والصحة لمواجهة مرض "أنفلونزا الخنازير" أثناء الدراسة بالجامعات.

وكشفت الخطة التي أعدها الدكتور "أشرف حاتم" عضو لجنة الطوارئ بوزارة الصحة، ومدير عام مستشفيات جامعة القاهرة، عن أنه من المتوقع أن تزيد خطورة انتشار المرض في يناير وفبراير2010، مشيرة إلى أنه في هذه الحالة قد تتخذ إجراءات تأجيل الدراسة في تلك الفترة، على أن يمتد العام الجامعي للصيف المقبل.

وتشمل خطة مواجهة وباء "أنفلونزا الخنازير" في الجامعات ثلاثة محاور، الأول يتعلق بإجراءات رفع مستوى الوعي الصحي بين الطلاب وتعريفهم بطرق الوقاية من المرض عن طريق حملات التوعية، بمشاركة أساتذة من كليات الطب، والطب البيطري، والتمريض، فضلا على توفير الملصقات ونشرات التوعية التي تعرف بكيفية الوقاية من المرض.

ويعتمد المحور الثاني على إجراءات التعامل مع الحملات المشتبه بها في مجتمع الجامعة، وتجهيز مستشفيات الجامعات لعلاج المرضى وتوفير عيادات طبية بالحرم الجامعي والمدن الجامعية مع وجود أطباء مقيمين.

أما المحور الثالث فيرتبط بتنسيق كل جامعة مع اللجنة العليا لمواجهة "أنفلونزا الخنازير" بوزارة الصحة،حيث يتم متابعة إجراءات الوقاية ومواجهة المرض.

وأكد الدكتور "أشرف حاتم" مدير عام مستشفيات القاهرة، أنه تم عرض ملامح الخطة في الاجتماع المشترك بين وزيري التعليم العالي والصحة ومساعديهم، وإجتماع المجلس الأعلى للجامعات، ولجنة إدارة الأزمة بوزارة الصحة، وغرفة العمليات المركزية لمواجهة وباء "أنفلونزا الخنازير" بمركز المعلومات ودعم اتخاذ القرار بمجلس الوزراء.

وتعتمد هذه الخطة على تجهيز المنشآت الجامعية وقاعات المحاضرات والورش والمعامل والمكتبات، وإعلان الجداول الدراسية وأماكنها وتوقيتاتها، وتقسيم الطلاب إلى مجموعات قليلة العدد في القاعات الدراسية باستغلال الإمكانيات المتاحة بالكليات والقاعات التعليمية الجديدة بالجامعة، إلى جانب مد اليوم الدراسي إلى 12 ساعة لتكون الدراسة من الساعة الثامنة صباحاً إلى الثامنة مساءاً لمدة 6 أيام في الأسبوع، بعد إلغاء أجازة السبت.

بالإضافة إلى قيام أطباء المستشفيات الجامعية بمتابعة الحالات الصحية للطلاب المقيمين بالمدن الجامعية، والتأكيد على متابعة نظافة المدرجات وقاعات المحاضرات بالكليات وتوفير التهوية اللازمة لها، فضلاً على إنشاء غرفة عمليات مركزية بإشراف نواب رؤساء الجامعات لشئون التعليم والطلاب لمتابعة إجراءات الوقاية ومتابعة أية إشارات تتعلق بالمرض واتخاذ ما يلزم من مواقف لمواجهته في مجتمع الجامعة.

وأشار حاتم إلى أنه تم تشكيل لجنة تنسيقية بين المستشفيات الجامعية ووزارة الصحة، مع اعتماد مدونة إجراءات مكافحة العدوى في حالات عدوى الجهاز التنفسي الحادة، وخطة للطوارئ في حالة حدوث الجائحة، مع دورات تدريبية لمقرري مكافحة العدوى بالمستشفيات الجامعية، والأطباء المقيمين، وأطباء الامتياز، والتمريض، تحت إشراف لجان مكافحة العدوى بالمستشفيات.

وأوضح أن اللجنة التنسيقية وضعت مؤشراً لبيان شدة الإصابة بالمرض لا يعتمد على عدد الحالات فقط، وتم تقديمه لمنظمة الصحة العالمية بواسطة وزير الصحة لاعتماده كمؤشر عالمي لشدة المرض، ويعتمد على الحالة الإكلينيكية للمرضى، ومعدلات الوفاه، ونسبة العدوى، وتحور الفيروس.

وأشار إلى أن اللجنة أوصت بتشكيل لجنة طوارئ في كل جامعة استعداداً للعام الدراسي الجديد، تكون برئاسة نائب رئيس الجامعة لشئون التعليم والطلاب، وعضوية مدير المستشفيات الجامعية، ورئيس اتحاد الطلاب، وذلك لمتابعة الوضع والتنسيق مع اللجنة المشتركة بين وزارتي التعليم العالي والصحة لمتابعة تنفيذ الخطة.

وقال إنه في حالة تفشي المرض، فسيتم رصد المرض بالمنشآت الجامعية وعمل خطة إسترشادية بمدونة هيئة الصحة العالمية، لغلق مدرج أو مبني أو كلية في وقت الدراسة بالجامعة لفترة محددة حسب عدد الحالات وخطورة الإصابة، التي من المتوقع أن يكون موعد جائحة المرض في (يناير وفبراير 2010)، مؤكداً أنه في هذه الحالة قد يتخذ إجراءات تأجيل الدراسة في خلال تلك الفترة وامتداد العام الجامعي للصيف المقبل.

كما سيتم إلغاء محاضرات الانتساب الموجه وإعطاء المحاضرات عن طريق القنوات التليفزيونية للجامعات، وقناة التعليم العالي، أو عن طريق شبكة الانترنت، وتوفيرأطباء مقيمين بالمدن الجامعية وإخلاء (5%) من الغرف، بحيث تكون صالحة لعزل المرضى إذا استلزم الأمر مع معالجة المصابين بالمنزل تحت إشراف أعضاء هيئة التدريس بمستشفيات الطلبة والمستشفيات الجامعية.

عالم بتستهبل

انا بجد مقهورة جدا عشان القرار الغلط اللى سمعتة دة بجد الحكاية مش ناقصة حد ينام ويقوم يطلع قرار سخيف واحنا يعنى مش دولة متقدمة عشان يطبقوا نظام التليفزيون الهبل دةطب مايقعدوا الناس فى بيتوها احسن ولا الانفلونزا مش هتيجى غير لبتوع الانتساب بس ولا هتيجى منهم كمان

واللة عنكوا حق انا انتظام بس مش موافقة على دا خالص دا قرار اهبل ووحش اوى انا لية اصحاب كتتتتتتتير انتساب وللاسف طبعا مش هيحضروا واحنا كلنا زعلاننين اوى وكما شفتوا الغبى اصلا انتظام اكتر من انتساب يعنى لو هيلغوا يبقى انتظام

ايه القرار الغبى ده

ياريت يا جماعه حد بقولنا ايه اخر الاخبار بتاعت انتساب

لان كده بجد حرام

بعدين فى قرار من جامعه المنصوره

ان بعض محاضرات انتظام وانتساب لكليتى تجاره وحقوق ستبث على النت

غباء * غباء

غباء * غباء
انت ايه اخبارك مع الاخبار اللى انت سامعها دى واللى احنا سامعنها دى كمان

بس من رااى وراى كل الناس ان استحاله يلغو كل المحاضرات وانهم هيلغو بعضها كما قال الاغلبيه

انت ايه اخبارك مع الاخبار اللى انت سامعها دى واللى احنا سامعنها دى كمان
انا الحمد لله
وانت يا حوده عامل ايه ؟؟

الحمد لله كويس وهما حاليا بيعدو جدول محاضرات للانتساب وان شاء الله هنحضر ومفيش حاجه اسمها هيلغو وكل سنه وانتم طيبين ومحمد الامير طيب

الله يبشرك بالخير يا حوده
طيب عرفت منين اني هما بيعدوا جداول محاضرات الانتساب

بدافع المال والكسب وبدافع راحت البال لصاحب المنصب وبدافع انهيار التعليم فى ام الدنيا وبدافع انهيار الاحلام احلام الطلب وبدون وعى وبكل سهوله
قرار
قرر الاستاذ ...........................الشلدربه
الغاء انتساب موجه من الكليات الثلاث والتى تحتاج اللى الدراسه العمليه وتحتاج الا المناقشه الفعليه اسناء المحاضرات
رفع المصروفات علشان ناخد الفلوس اللى كانو بيدفعوهم فى المواصلات كمان
ابقاء الرجال ومساواتهم مع النساء وتدريبهم على الجلوس فى المنزل اما التليفزيون والنت
تحت شعار كل واحد يخلى باله من سريره
انتظام ناس بيفهم هيدوهم تعليمات يمشو عليها فا المرض مش هاينتشر طبعا والباقى عيال ....... ناخد منهم فلوس وبس
تحت شعار ابقى قابلنى
الاولاد بتوع انتساب يكونو مستنين فى البيت على ويتفرجو وهما على السرير على الاولاد اللى بيتعلمه علشان خيفين عليهم
يفتحو سبيستون وهما هيتعلمه ويبقو محامين ومحاسبن فى شركت الكرتون انشاء الله
تحت شعار عمو ابو حفيظه
انشاء الله الطلاب هيسيبو الافلام الاجنبى وهيتفرجو على المحطات التعليميه
هيسيبه المتش ويبسو على المحاضره النظريه
هيسيبو الافلام الثقافيه على النت ويدورو على حاجه يزكروها
حتى التعليم بقى فى التليفزيون
تحت شعار ونتا عامل ايه دلوقتى
طبعا الباشا عامل كل خير
قاعد فى الحجره بتعته
اوع حد يدخل عليه
وبيزاكر
بس الله اعلم انهى مزكره بقى
هههههههههههههههههههههههههههههههه
وكله فاهم
واخيرا
وليس باخرا
انهارت الاحلام
والكل يبحث على المال
انهارت الافكار
والمسؤلين عنا مش مهتمين غير بجزء منا
انتشرت الاحزان فى بيوت الطلاب الانتسابين
والباقى مرتحين

بقلم ياسين شياكه