ahmedal3mda
16-09-2009, 09:22 PM
بالنسبة ليا التعليم المفتوح دة اجمل حاجة لانة فرصة جميلة جت لاى شخص ان يكمل فى المجال اللى بيحبة من غير اى قيود دة بغض النظر عن مساواة الطلاب ببعض والكلام دة
وبالنسبة لتجربتى انا مجموعى فى الثمانينات وجاتلى كلية تجارة جامعة القاهرة بسبب ان اتحسبلى نصف درجة الرياضة والا كان زمانى داخل اعلام لكن الحمد لله بحس والله العظيم ان التعليم المفتوح دة اتلغى شرط الخمس سنوات دة علشانى انا بس انا الحمد لله قدمت اعلام واتقبلت... والحاجة التانية الجميلة ان شهادتها بكالريوس اعلام من جامعة القاهرة على الاقل احسن من اى جامعة من الجامعات الخاصة
فهى فرصة جميلة لازم الاستفادة منها وفى نفس الوقت ممكن حد تانى يقولك ان نظام الجامعة المفتوحة ماينفعوش علشان ماتعودش ان يقعد فى البيت .... كل واحد بقى حسب تفكيرة....
فانا مع الجامعة المفتوحة بالرغم ان انا مش جايب 50%
اما بالنسبة اللى بيقول انها بتاخد من خمسين فى المية يشوف عدد اللى جايبين خمسين ودخلوا مش هيلئيهم كام واحد واللى بيقول بتدرس مع مسنين كل اللى داخلين دفعة 2009 واللى اكبر من كدة بيبقوا اكبر بكام سنة مش اكتر.................
واللى عندة اى تعقيب للكلام دة ممكن يرد
real love 4 ?
16-09-2009, 09:41 PM
مش عارفه بصراحة الواحد خايف يقدم عشان الكلام الى بنسمعه انا بقالى يومين اروح اقدم وقلبى ميطوعنيش
allah_islam
16-09-2009, 10:00 PM
طبعا كلامك جميل والدراسة جميلة فيها ومصروفتها حلوة جدا وشهادتها حلوة جدا
لكن اللى مش جميل
انك عمرك ما هتتساوى وانت رايح تقدم على عمل باللى جايب94 %
هل لو انت صاحب شركة وجالك اتنين واحد شهادته من التعليم المفتوح جامعة القاهره
والتانى معاه شهادة من جامعة القاهره برده و لكن علشان يدخل اعلام جاب 94%
بزمتك هتختار مين
وانت عارف انها مش ماشية دلوقتى غير بالوسايط يبقى هنبوظها اكتر بتعليم مفتوح اللى معروف عنه انه للتكمله للكبار وكده
ورايى انها مش نافعه بكل المقاييس وهيا اساسا اتعرفت بانها بتاعت الـ 50%
بعد قرارا ال5 سنين
محمد عبد المحسن سليمان
16-09-2009, 10:39 PM
لا لا الموضوع مش مقارنة بين كلية التعليم المفتوح وبين كلية الجامعة
المقارنة بتبقى بين كلية التعليم المفتوح وبين المعاهد العليا الخاصة لان ببساطة البيدخل التعليم المفتوح بيبقى مش سايب الاعلام القاهرة ورايح اعلام الجامعة المفتوحة هو ظروف مجموعة خلته يختار بين الاتنين دول وبالتالى شوف الافضل
من حيثيات كتير بين التعليم المفتوح والمعاهد الخاصة وحقيقى مش كلام الارزاق سواء هنا او هنا هتجيك
وانا فى رأى ان التعليم المفتوح التخصص - آداب لغات - هو افضل من اى معاهد خاص
فى الوقت الحالى وباقى التعليم المفتوح من تجارة او اعلام او حقوق تدخل معاهد خاصة افضل فى التخصصات الفيها فرص عمل اكتر
وربنا يوفق الجميع والاخ كاتب الموضوع مدام قررت يبقى تشد حيلك وفكر بطريقة عملية بجانب البتدرسة الحاجة الهتشتغل فيها محتاجة ايه الايام دى وتعملها زى اى سى دى ال وتدرس لغة حاول تميز نفسك وتنسى الفترة المر بتاع الثانوية اطلاقا وافتح صفحة جديدة مع التعليم
m.aas_91
17-09-2009, 12:10 AM
هو ايه التخصصات الي بتقبلها التعليم المفتوح
محمد عبد المحسن سليمان
17-09-2009, 01:52 AM
هو ايه التخصصات الي بتقبلها التعليم المفتوح
حقوق - آداب ((انجليذى فرنسى)) - تجارة - اعلام - دار علوم - زراعة دــ ه الـــ انا فاكرة
وممكن تدخلى على موقع جامعة القاهرة للتعليم المفتوح وتعرفى منه كل حاجة
haderr
17-09-2009, 02:02 AM
انا رائ فى التعليم المفتوح فرصه للطلبه اللى كان نفسها فى حلم ومتحققش
انا مثلا فرقت معايه على خمسه وتمانين من ميه فالتعليم المفتوح ممكن يعوض امل
ناس كتير وفى الاخر برضه مش هيتساوى بس انا رحت الجامعه وقدمت وعرفت ان الدراسه 4 ايام مش يوم واحد
يوم واحد بس للموظفين
ahmedal3mda
17-09-2009, 02:18 AM
طبعا كلامك جميل والدراسة جميلة فيها ومصروفتها حلوة جدا وشهادتها حلوة جدا
لكن اللى مش جميل
انك عمرك ما هتتساوى وانت رايح تقدم على عمل باللى جايب94 %
هل لو انت صاحب شركة وجالك اتنين واحد شهادته من التعليم المفتوح جامعة القاهره
والتانى معاه شهادة من جامعة القاهره برده و لكن علشان يدخل اعلام جاب 94%
بزمتك هتختار مين
وانت عارف انها مش ماشية دلوقتى غير بالوسايط يبقى هنبوظها اكتر بتعليم مفتوح اللى معروف عنه انه للتكمله للكبار وكده
ورايى انها مش نافعه بكل المقاييس وهيا اساسا اتعرفت بانها بتاعت الـ 50%
بعد قرارا ال5 سنين
نظام الجامعة المفتوحة ميفرقش مع حد زيك لكن يفرق مع حدمن اللى جايبين مجاميع متوسطة زى الستينات والسبعينات
وبالنسبة للوسطة الكلام دة فى الوظائف الحكومية وبعض الوظائف الخاصة لكن دلوقتى انا لو صاحب شركة هاختار الكفاءة طبعا
ahmedal3mda
17-09-2009, 02:20 AM
انا رائ فى التعليم المفتوح فرصه للطلبه اللى كان نفسها فى حلم ومتحققش
انا مثلا فرقت معايه على خمسه وتمانين من ميه فالتعليم المفتوح ممكن يعوض امل
ناس كتير وفى الاخر برضه مش هيتساوى بس انا رحت الجامعه وقدمت وعرفت ان الدراسه 4 ايام مش يوم واحد
يوم واحد بس للموظفين
اكيد هو فرصة جميلة بس انتى سألتى فى جامعة القاهرة ولا عين شمس ان 4 ايام
باسم موسى منير
14-10-2009, 06:03 PM
:blush:انا باسم ودخلت تعليم مفتوح كلية الاداب جامعة اسيوط قسم تنميه اجتماعية بس مش عارف هيوفقو على تاجيل الجيش فى اسيوط ولا الا
:(ولما نتخرج هناخد سنة وحده فى الجيش ولا اكتر وفى شغل ولا مفيش لينا ارجوكم جوبونى:confused:انا محتار بس قدمت خلاص وهى احسن من المعاهد
اسماء رضا
09-02-2010, 05:35 AM
انا دلوقتى نفسى ادخل الجامعة المفتوحة بس فى مشكلة بتقابلنى ان انا متخرجة من مدرسة نظام خمس سنوات وكان مجموعى 71% ومتخرجة سنة 2008 بعد التخرج رحت اسأل على التعليم المفتوح قالو لى تيجى تقدمى ورقك بعد 3 سنوات وانا دلوقى عاوزة اقدم هل يقبلونى دلوقتى ولا لا ؟ وهل ينفع اقدم فى الترم التانى ؟ وعايزة اعرف المصاريف كام وعدد المواد اللى فى التجارة والدراسة كام سنة ولا براحتى فى السنين ؟ ارجو الرد بسررررررررعة