ايه رايكو ف التنسيق؟؟؟؟؟؟ [الأرشيف] - بوابة الثانوية العامة المصرية

مشاهدة النسخة كاملة : ايه رايكو ف التنسيق؟؟؟؟؟؟

nana92

17-09-2009, 12:54 PM

سلام عليكم
اولااااا ... مبرووووووووووووووووووووك ليكو جمييييييعا :av4056bb7jp3::av4056bb7jp3::av4056bb7jp3:

ثانيا .. ندخل ف الموضوع بقى

ايه رايكو ف التنسيق ؟؟؟؟

انا شيفه ان تنسيق البنين اقل من تنسيق البنات ... ايه رايكو يا بنااااااات :bosyht9:

وبردو ايه رايكو يا بنييييين :bosyht9:

منتظرة ارئكو ف التنسيق

ومبرووووووووووووووووك للجمييييع

nana92

17-09-2009, 12:57 PM

Einstein

17-09-2009, 01:24 PM

من رايي ان فى ظلم كبييييييييير بين كليات البنين والبنات
يعنى هندسة بنين وخده من 93 وشوية .. وهندسة بنات وخدة من 95 وشوية
طب مش دا ظلم بقى

يعنى وحدة زى حلاتى بدل ما كنت ادخل علوم لو كان تنسيق البنات زى البنين كان زمانى لحقت هندسة

حاجة طبيعية ان تنسيق البنات أكبر من البنين لأن فى الطب والأسنان والصيدلة والهندسة كلية واحدة

التنسيق للبنين أنا كنت متوقع انه يبقى الطب من حوالى 97.8 لكن هوا بصراحة نزل شوية السنادى

بس الواحد كان حاسس انه هينزل شوية عشان المجاميه السنادى مكنتشى أوى وكمان أكتر اللى جايبين مجاميع فوق 98 كان منهم اللى عايز صيدلة ومنهم هندسة

تنسيق البنات نزل شوية بس مش زى البنين لأن الطب بنات كان السنة اللى فاتت بنات 98.4 والسنادى 98.1

يعنى نزل 3 من عشرة أما عند البنين نزل 7 من عشرة

على حسنين

17-09-2009, 01:38 PM

التنسيق حلو بس فرقت الصيدله معايا درجةونص
انا جايب 619.5 وهى والصيدله خدت من 621

nana92

17-09-2009, 02:18 PM

يا Einstein ليييييييه يبقى حاجة طبيعية ان تنسيق البنات اعلى م البنين
ليه التفرقة ... !!!
المفروض ميبقاش فى ظلم

nana92

17-09-2009, 02:22 PM

يا على التنسيق من رايك حلو عن البنات زى البنين ؟؟؟

Einstein

17-09-2009, 02:24 PM

يا einstein ليييييييه يبقى حاجة طبيعية ان تنسيق البنات اعلى م البنين
ليه التفرقة ... !!!
المفروض ميبقاش فى ظلم

طيب ما انا قولت ليه من الأول

لأن طب وطب أسنان وصيدلة وهندسة كلية واحدة عند البنات

لكن عندنا تلاتة طب واتنين اسنان وااتنين صيدلة و ...

nana92

17-09-2009, 02:30 PM

اااه
يعنى عشان الكليات العلمية بنات مفيش غير وحدة بس تنسيقنا يكون عاااااالى
طيب ربنا يعيننا بقى

ويوفقنا جميييييييييعا

لولو الصغيره 115

17-09-2009, 05:14 PM

حسبى الله ونعم الوكيل
أنا خلاص كرهت البنين بسبب التنسيق عشان أحنا البنات كده مظلومين علطول بسببهم
تحياتىوالسلام عليكم
اســــــــتغــــــفر الله وأتوب اليه

Einstein

17-09-2009, 06:16 PM

حسبى الله ونعم الوكيل
أنا خلاص كرهت البنين بسبب التنسيق عشان أحنا البنات كده مظلومين علطول بسببهم
تحياتىوالسلام عليكم
اســــــــتغــــــفر الله وأتوب اليه

كرهتى .. ليه بس كدا واحنا مالنا احنا :frown:

انو مش مظلومين ولاحاجة

أولا زى ما قلت عندكم كلية واحدة

ثانيا التنسيق دا على حسب عدد اللى جايبين مجاميع عاليه

وتالت حاجة أن مثلا لو طب البنات بياخد 400 واحدة ودفعة السنة اللى فاتت كانت 400 بس منجحش منهم غير 300 ساعتها هيكون عدد الدفعة اللى بعدها 300 لأن فى زيادة 100 منجحوش

الفارس المتألق

18-09-2009, 05:13 AM

ايه يا لولو الصغيره 115 الجو القاتم ده
والبنين ذنبهم ايه

ربنا يوفق الجميع

بس احنا لو حبينا نتكلم عن الموضوع ده اعتقد ان فيه جوانب كتير منقدرش نغفلها او ننسها
زي ان احنا عندنا الكليات منفصله مش مشتركه زي العام
زي ما احنا عارفين ان البنين ليهم تنسيق مستقل والبنات تنسيق مستقل
وكل منهم ليه الكليات الخاصه بيه في المحافظات
فاعتقد ان ده سبب مؤثر جدا وبيخلي عدد الكليات المتاحه للقسمين قليله
بمعني ان هم مثلا لو عايزين ينشؤا كلية طب جديده مثلا في طنطا
محتاجين يعملوا مبنين منفصلين وكل مبني ليه دكاتره
اما لو كله تنسيق واحد وكليات واحده
كان هيبقي مثلا كليات الطب علي مستوي الجمهورية 4 او 5
واللي يدخلهم اكتر الناس اللي جايب مجاميع سواء من البنين او البنات

واعتقد ان السبب التاني الرئيسي زي ما ذكر اخي اينشتين
ان عدد كليات القمه في البنين اكبر من البنات
فبيستوعب عدد اكبر من الطلبه فبيقلل التنسيق شويه

انا طولت كتير .. هبقي اكمل كلام بعدين

كونان باشا

20-09-2009, 02:27 PM

اولا السلام عليكم
اسمحولى اقولكم ان التنسيق بالنسبه للبنات اكيد لازم يكون اعلى لان البنين فى كل الكليات بيكون اكتر منها بكليه او اتنين فمثلا الطب البنين 3 والبنات كليه واحده بالقاهره وده سبب اختلاف تنسيق البنات على البنين

Einstein

20-09-2009, 05:00 PM

لولو الصغيره 115

21-09-2009, 04:30 PM

Einstein

21-09-2009, 05:36 PM

nana92

22-09-2009, 11:51 AM

والله ربنا يصبرنا ويعيدوا النظر فى نظام الأزهر
وياجماعه انا كرهت البنين اقصد بيها يعنى أنى انا أحقد عليكم بمعنى أغبطكم
واللى مضايقنى أن البنين مش كلهم بصراحه يعنى بيتعبوا فى المذاكره زى البنات وفى الأخر تنسيقهم نازل
وعالعموم يارب على حظ أخوى يفضل التنسيق نازل وبالتوفيق للجميع
ومافى زعل لأنى لى أصدقاء بنات فرق معاهم الهندسه والعلوم والأسنان على درجتين فى الميه عشان كده انا حزينه
وربنا معاكم جميعا وكل عام وانتم جميعا بخير
وفـــــــــــــــقـــــــــــــــــكـم الــــــــــــــــــــــــــــلـــــــــــــــــــ ـــــــــه

كلامك صح يا لولو ... والله البنات بيزكرو كتييييييير وانا فارق بيني وبين هندسة اربع درجات ..شفتى الظلم!!

اولا السلام عليكم
اسمحولى اقولكم ان التنسيق بالنسبه للبنات اكيد لازم يكون اعلى لان البنين فى كل الكليات بيكون اكتر منها بكليه او اتنين فمثلا الطب البنين 3 والبنات كليه واحده بالقاهره وده سبب اختلاف تنسيق البنات على البنين

طب لغايت امتى هيبقى فى كلية واحدة على مستوى الجمهورية ... دا ظلم اولا وتخلف ثانيا لانهم كده بدل ما يخلونا نتقدم لاء يقعدونا ف البيت بقى
والله ربنا يخدلنا حقنا منهم

قطوف دانيه

22-09-2009, 02:36 PM

nana92

22-09-2009, 08:12 PM

السلام عليكم جميعا
افتكر يا اخواتى ان ده نظام الازهر من زمان يعنى من قبل ما اولياء اموركم كانوا ناويين يخلوكم ازهريات يعنى مدخلنكم الازهر وهم راضيين يبقى ما ينفعش ان انتم تعترضوا دلوقتى فات الاوان
طيب لو كان اولياء الامور دخلوكم ازهر وانتم صغيريين ومش فاهمين لما كبرتم وفهمتم ما اعترضوش ليه
على العموم كل واحده خدت نصبها والخيره فيما اختاره الله
وتذكرن ان الاخرة خير وابقى
والسلام عليكم ورحمة الله وبركاته

يعنى المفروض اننا نستسلم ونقعد وخلاص ... ليه بقى بيقولو البنت زى الولد ولازم يبقى فى عدل بينهم
وبعدين اقول لحضرتك حاجة ... احنا اولياء امورنا دخلونا الازهر عشان نتعلم الدين وننفع البلد والامة الاسلامية وللاسف مكنوش عرفين ان ف النهاية هيبقى فى ظلم وتفرقة
ولما كبرنا مكناش نقدر نسيب الازهر لاننا خلاص اتعودنا عليه ومكناش هنقدر نتعود على نظام غيرو ... وبعدين ليه نسيبو :confused:
والاخرة هتبقى خير وابقى للى هينفع دينو والامة الاسلامية بما يقدمهم للامام
مشكورة ع الراى ودخول الموضووووع

aldemerdasch

25-09-2009, 03:31 AM

يا جماعه التنسيق بيتحط على حسب الجامعه محتاجه كم طالب السنه دى وربنا بيوفق يعنى
والحمد لله انا جبت 94.5 ودخلت هندسة القاهر
وبعدين مش مهم انا دخلت كلية ايه المهم انا هنجح فى مجالى ايه ؟؟ طب ايه الفايده لما ابقى دكنور فاشل او مهندس فاشل ممكن اكون مدرس بس ناجح او كيميائى وم كلية العلوم يا نانا وتكون متوفقه وناجحه وربنا يوفق الجميع الى ما فيه الخير والفلاح
لو حد دخل هندسة السنه دى فى القاهرة يا ريت يراسلنى على الايميل علان نكون اصدقاء
muhammad_rami*********** (muhammad_rami***********)

لولو الصغيره 115

26-09-2009, 05:22 PM

الفارس المتألق

28-09-2009, 01:12 PM

خبر جديد لمن يحس بالظلم من تنسيق البنات كان منشور في المصري اليوم امبارح
ودا رابط الخبر
http://www.almasry-alyoum.com/article2.aspx?ArticleID=227239
ودا الخبر نفسه
قيادات نسائية تعتزم مقاضاة جامعة الأزهر بدعوى «التمييز والتفرقة فى القبول بين البنين والبنات»

كتب أحمد البحيرى وهدى رشوان ٢٧/ ٩/ ٢٠٠٩http://aadbmedia.gazayerli.net/photo.aspx?ID=103775&ImageWidth=240 (http://www.almasry-alyoum.com/popimage.aspx?ImageID=103775)أحمد الطيب

تعتزم قيادات نسائية وطالبات فى جامعة الأزهر مقاضاة الجامعة، بدعوى «التمييز والتفرقة فى القبول بين الطالبات والطلبة»، على خلفية ارتفاع نسب القبول فى كليات فرع الأزهر للبنات مقارنة بكليات فرع البنين.
وشكا عدد من الطالبات من تعرضهن للظلم فى تنسيق القبول، بسبب ارتفاع الحد الأدنى فى كلياتهن عن الكليات المناظرة للبنين، وأثارت هذه الشكاوى استياء القيادات النسائية المدافعة عن حقوق المرأة، معتبرة التفرقة بين البنات والبنين فى دخول كليات الأزهر «نوعا جديدا من التمييز والتفرقة ضد المرأة، التى لا يمكن أن تحدث فى أى بلد متحضر»، فيما نفت الجامعة هذا الأمر، مرجعة اختلاف درجات القبول بين كليات البنات والبنين إلى كثرة أعداد الطلبة مقارنة بالطالبات.
وطالبت الدكتورة فرخندة حسن، الأمين العام للمجلس القومى للمرأة، أولياء أمور الفتيات اللاتى يشعرن بالتمييز بالتقدم بشكوى لمكتب شكاوى المرأة التابع للمجلس، حتى تقوم بعرض الموضوع على الدكتور أحمد الطيب، رئيس جامعة الأزهر.
كما طالبت نهاد أبوالقمصان، مدير المركز المصرى لحقوق المرأة، الفتيات بالطعن فى نتيجة التنسيق أمام القضاء الإدارى، باعتباره نوعا من التمييز ضد المرأة المناقض للمادة ٤٠ فى الدستور المصرى، والمادة ٢ فى الشريعة الإسلامية. وأكدت الكاتبة أمينة شفيق، أمين لجنة الإعلام بالمجلس القومى للمرأة، أن مبدأ تكافؤ الفرص بين البنين والبنات لابد أن يقوم على أساس إلغاء «الجندر»، أى التفرقة على أساس النوع.
فى المقابل، رفض الدكتور عزالدين الصاوى، نائب رئيس جامعة الأزهر لفرع البنات، ما يقال عن وجود تمييز ضد الطالبات فى الجامعة، وقال لـ«المصرى اليوم»: «العبرة عندنا بالأعداد التى تتقدم للالتحاق بكليات الجامعة، حيث تبلغ أعداد الطلاب ثلاثة أضعاف الفتيات».
جدير بالذكر أن نتيجة تنسيق القبول بكليات جامعة الأزهر أظهرت ارتفاع نسب القبول فى كليات «البنات» عن «البنين» خاصة فى الكليات العلمية، حيث بلغت نسب القبول فى الطب «بنات» ٩٨.١٥% مقابل ٩٧.٥٤% للبنين.