مشاهدة النسخة كاملة : **ملتـــــــقى طلاب كليـــــــــــــــــــــــة الأداب**
HAISOAM 18-09-2009, 06:00 AM http://oalahmady.jeeran.com/photos/729281_l.jpg
.................................................. .......
السلام عليكم ورحمة الله وبركاته
..................................................
ازيكم عاملين ايه يارب تكونوا بالف خير وسلامه
وكمان تكونوا مبسوطين انكوا داخلين ان شاء الله
الجامعة السنة دى.
................................................
بناءاً على رغبة الكثير منكم بإنشاء موضوع
يتم فيه مناقشة ماتم أثناء اليوم الدراسى معانا فى الجامعة
سواء اليوم انهارده كان حلو ولا وحش
وكمان هيتم فيه مناقشة كل حاجة
من الألف الى الياء.
ولكن لن يتم فيه مناقشة الطلبات
وذلك لأن موضوع الطلبات والاستفسارات
له موضوع مخصص لذلك وثبت فى أعلى القائمة.
وهذا الموضوع إن شاء الله لن يصبح له فائده
إلا بمشاركتكم فيه.
وشكراً جزيلاً لكم على تفاعلكم فى موضوع
التعارف.
...............................
مع أرق تحياتى وأمنياتى
بسنة سعيده وجميله علينا كلنا
HISAOAM
مشرف قسم كلية الأداب.
طالب جامعى كلية الأداب
قسم اللغة الفرنسية.
عبدالقادر محمد 18-09-2009, 12:49 PM انا فخور ديما ان اول واحد بيرد عليك
فى موضوع
بس فكرة جميلة جدا
ان شاء الله هعمل كدة
ربنا يسهل ونعرف القسم بعد العيد ادعيلى انت ياهيثم
Egypt for Ever 25 18-09-2009, 01:47 PM بجد فكرة مميزة
لموضوع مميز
و ان شاء الله هبقي معاكوا علي طول في الموضوع ده
لحد ما تزهقوا مني خالص
اصل اعمل ايه الموضوع عجبني جدا
و اتمني الدراسة تبدا بسرعة
علشان اشارك فيه بجد
تقبل مروري
Nour Khaled 18-09-2009, 02:38 PM موضوع هايل وانا فكرت فية قبل كده:av4056bb7jp3:
لان الجامعة دى بتحصل فيها مواقف ممتعة وبتفضل علامة فى حياتنا
وأنا مبسوطة اوى انى بشارك معاكو فى الموضوع دة:028ja7:
وبجد انا مستنية الدراسة علشان أشارك فية :022yb4:
snowwhait 21-09-2009, 03:03 AM في حد فاتح
الورده الحمرا 22-09-2009, 05:17 AM حلو الموضوع ده
وان شاء الله نكون اسره واحده ونفيد بعض
وياريت بقى كل واحد يقول هو هيدخل قسم ايه
ان شاء الله
ابدأ انا واقول .....
انا اداب طنطا قسم تاريخ ان شاء الله
وربنا يوفق الجميع
ميرسى كتير نيس توبيك
HAISOAM 23-09-2009, 12:59 PM انا فخور ديما ان اول واحد بيرد عليك
فى موضوع
بس فكرة جميلة جدا
ان شاء الله هعمل كدة
ربنا يسهل ونعرف القسم بعد العيد ادعيلى انت ياهيثم
ربنا يخليك يا عبدو
وميرسى اووى على ردك الجميل ده
وان شاء الله ربنا يكرمك وتدخل احسن قسم فى كلية الاداب.
دينا دونا 24-09-2009, 12:51 PM ميرسى ليك على مجهودك الرائع.
عاشقة الشهادة 25-09-2009, 12:58 AM انا بقى فى اداب بنها قسم تاريخ
يعنى زيك ياختى الوردة الحمرا انا راحة الفرقة التانية وانتى فى اى فرقة وممكن تقبلين ان اكون صديقتك
ياسمينايا 25-09-2009, 01:24 AM توبيك جميل جدا وميرسي لحضرتك ..
ويارب نستفيد كلنا ياارب ..
ونتفوق كلنا ..ان شاء الله ..
أسيل رزق 25-09-2009, 11:10 PM فكرة كويسة إن يكون لقسم الكلية ملتقى لطلبة آداب
بس يا رب يكون موضوع مفيد للجميع مش مجرد دردشة
ربنا يوفقنا جميعاً
و جزاك الله كل خير
الورده الحمرا 28-09-2009, 05:03 PM عاشقة الشهاده
اكيد طبعا اقبل اننا نكون اصدقاء
واهلا بيكم جميعا
شيماء شريف 02-10-2009, 03:48 PM موضوع ممتاز ربنا يوفقنا كلنا .
HAISOAM 02-10-2009, 10:33 PM تعالوا نرغى شوية فى الموضوع ده
أول يوم فى الجامعة.
..............................................
هسيبكوا تجاوبوا على الأسئله دى:......
(1) يا ترى أول يوم فى الجامعة كان شكله ايه؟
(2) ويا ترى يا هل ترى الجامعة أحسن ولا المدرسة؟
(3) وايه الحاجة اللى حسيتوا بيها والانطباع اللى اخدتوه عن الجامعة؟
(4) يا ترى هل فى موقف ما حصل معاكوا انهاردة وخلاكوا تضحكوا فى الجامعة؟
حاجات كتيير حصلت معاكوا فى اول يوم ليكوا فى الجامعة
أكيد هترغوا هنا كتيير عنها
لغاية ما أنا هيجينى صداع
هههههههههههههههههههههههههههههه
بهذر معاكوا هوا أنا أقدر أزهق منكوا.............
يلا بئه مستنى اول واحد هيرغى هنا.........
هيثوم.
عبدالقادر محمد 03-10-2009, 06:44 AM انا لما اجى هحكيلك ياهيثم
بس انا حاسس ان مش هيجيلى صداع زيك هيجيلى قراع
اصل احنا فى كلية معظمها بنات
والبنات معروفين عنهم ان هما رغايين جدا جدا وبيكلموا كتير
يعنى انا مجهز نفسى على ان شعرى هيطير والصداع هيدمر ماغى منهم لما يجوا ويحكوا
هههههههههههههه
ياريت ما فى بنت تزعل من كلامى على العموم انا اسف لكل الى تزعل
sunsero2000 08-10-2009, 10:45 AM اذيكو يا ادابجيه
عاملين ايه .
بصراحة اول يوم فى الجامعة كان جميل بشكل.
السعيد2005 28-10-2009, 05:18 PM لوممكن انا اداب قسم جغرافيا ممكن حد يساعدنى اعمل بحث عن البطالة فى الدقهلية
السعيد2005 05-11-2009, 11:24 AM محدش عاوز يساعدنى لية:040vk0:
فتاه ضد تل أبيب 13-11-2009, 07:30 PM الله
موضوع جامد جدااااااااااااااااااااا
بصو بقى
انا اول يوم ده كان بالنسبه ليا حاجه غريبه
حسيت ان كل حاجه الطلاب بيخفوا يعملوها باره الجامعه
للاسف بيعملوها جوه الجامعه
وحاجات كتير هبقى اقولكم عليها
على فكره انا فى اولى اداب عشان كده الجامعه دى غريبه بالنسبه ليا
شكرا ان خالتونى اقول رايى
memo_man 05-12-2009, 08:19 AM يا شباب في حد في اداب اسيوط ياريت الرد
mashakilmido 16-12-2009, 06:25 PM سوف تعرضون للطرد ان لم تحسنوا من الفاظكم
besoooooooo 18-12-2009, 10:36 AM هااااااااااى ازيكوا يا جماعه انا بسام 3 اداب جغرافيا الزقازيق
ممكن يا جماعه حد يساعدنى ويقولى اعمل ايه فى نظام الدكتره اللى قريب ممكن يعملولى جنان
ايه التحكمات دى
الدكتور ده بيحسنى انه مش من البشر ده من كوكب تانى
يعنى بره الجامعه الناس كلها بتحترمنى ادخل مكتب دكتور يعاملنى معامله خدامين ليه
اقولوكوا احسن حاجه ايه
ربنا ياخد كل دكتور ودكتوره ظالمه
هههههههههههههههههههههه
smsm alaa 07-01-2010, 08:50 PM ازيكو عاملين ايه ف المزاكره انا دخلت للمنتدى بالصدفه الاول اعرفكو بنفسى انا طالبه ف اداب اسيوط قسم اعلام سنه تانيه ارجو ان تقبلو مشاركتى معكم ومعلش الايام دى فيه امتحانات مش هاقدر اتواصل معاكو بس فى الاجازه ان شاء الله هاشارك تقبلو تحياتى
|