مشاهدة النسخة كاملة : صيدلة ولا طب اسنان -----
m.aas_91 18-09-2009, 08:23 PM يا جماعة انا عايز اخد رأيكو في حاجة .
انا محتار جدا بين صيدلة وطب اسنان, وكل ما اسأل واحد في صيدلة يقولي صيدلة , والعكس.
بس مش عارف ايه الفرق بين صيدلة وطب اسنان, لاني في كتير من صحابي فضلوا طب اسنان.
وكمان هو لازم الواحد يكون شاطر في الكيمياء علشان يخش صيدلة؟؟؟؟
وبالنسبة للمستقبل في الخليج علشان انا جاي من الامارات وان شاء الله هرجع بعد ما اخلص ,الصيدلة ولا طب اسنان؟
ياريت تقولولي رأيكو والسبب .
وشكرا يا دكاتره
dr.boody 18-09-2009, 08:58 PM على فكره الاتنين احسن من بعض...الصيدله مستقبلها مضمون جدا...وكذلك الاسنان,لكن لو عايز تدخل اسنان لازم تشتغل فيها كويس وتفهمها كويس لان دلوقتى مافيش اى دكتور اسنان شاطر إلا قليل جدا ...فلو عايز تدخل اسنان لازم تذاكر جامد....
وكذلك صيدله ...اما عن حكاية الكيميا فأنا من وجهة نظرى المتواضعه انك لازم تكون كيمائى شويه وتفهم كيميا كويس...
والله الموفق
حنان الزيبق 18-09-2009, 09:21 PM انا الحمدلله دخلت صيدلة وفضلتها عن طب اسنان
لان انا شايفة انها افضل كليه بالنسبة للبنت
اما بالنسبة للولد
اعتقد ان طب اسنان جميلة ليهم
بس ده حسب هدفك انت
يعنى ادخل الحاجة اللى انت عارف انك هتبدع فيها
المهم بعد كده تكون ناجح ف اى مجال تشتغل فيه
ولو مش حاسس انك هتتفوق ف اسنان
لو دخلت صيدلة ابسط حاجة هتفتح صيدلية وهتبقى مصدر دخل دائم
كمان الدول العربية بتحتاج كيميائين وصيادلة
طب الاسنان اعتقد مستقبله ف اوروبا والدول دى
ع العموم فكر كويس والقرار قرارك
ومتنساش اهم حاجة تصلى استخارة
وربنا يوفقك
|| Dr sCorpion || 18-09-2009, 10:16 PM هو على حد علمى الاتنين فى السفر بره بيشتغلوا كويس
لانى اعرف صيادله ودكاترة اسنان مسافرين بره وشغالين الحمد لله حلو اوى
انا الحمد لله دخلت اسنان بعد استخارة ربنا واستشارة ناس كتير اوى
لانى كنت محتار جدا بينها وبين طب وصيدله
صيدله بردو -اعتقد زى ما سمعت- انك لازم تكون كويس فى الكيمياء لانها محور الدراسه
وفى اسنان احياء طبعا اكتر والعملى فيها كتيــــــــــر جدا
فصلى استخاره كده وشوف المجال اللى تحب تدرس فيه وهما الاتنين فى الشغل كويسين اوى
يلا ربنا يوفقك وتختار اللى ليك خير فيه إن شاء الله
ولو انه مش قسمى بس شوفت الموضوع من بره فدخلت يمكن افيد اللى بيسأل
سورى يا دكاتره
:)
m.aas_91 18-09-2009, 11:45 PM شكرا يا دكاتره على رايكم.....
بس انا كل قرايبي بينصحوني بصيدلة بس انا خايف من حكاية الكيمياء دي .... انا عايز اسأل : هو انتوا لما دخلتم صيدلة كنتوا بتحبو الكيمياء, ... ولا مشيتوا فيها عادي وحبيتوها بعد ما دخلتوا صيدلة؟؟؟؟؟
m.aas_91 18-09-2009, 11:46 PM هو على حد علمى الاتنين فى السفر بره بيشتغلوا كويس
لانى اعرف صيادله ودكاترة اسنان مسافرين بره وشغالين الحمد لله حلو اوى
انا الحمد لله دخلت اسنان بعد استخارة ربنا واستشارة ناس كتير اوى
لانى كنت محتار جدا بينها وبين طب وصيدله
صيدله بردو -اعتقد زى ما سمعت- انك لازم تكون كويس فى الكيمياء لانها محور الدراسه
وفى اسنان احياء طبعا اكتر والعملى فيها كتيــــــــــر جدا
فصلى استخاره كده وشوف المجال اللى تحب تدرس فيه وهما الاتنين فى الشغل كويسين اوى
يلا ربنا يوفقك وتختار اللى ليك خير فيه إن شاء الله
ولو انه مش قسمى بس شوفت الموضوع من بره فدخلت يمكن افيد اللى بيسأل
سورى يا دكاتره
:)
شكرا يا دكتور على مرورك بس هما قلولك ايه على اسنان علشان اقتنعت بيها؟؟؟؟
dr.boody 19-09-2009, 12:13 AM على الفكره الصيدله كلها كيميا .....وانا بموت فى حاجه اسمها كيميا عشان كدا دخلتها....بس زى ما الدكاتره قالوا ..صلى صلاة استخاره اول و شوف بقي ....
dr/ ahmed 19-09-2009, 02:56 AM شكرا يا دكاتره على رايكم.....
بس انا كل قرايبي بينصحوني بصيدلة بس انا خايف من حكاية الكيمياء دي .... انا عايز اسأل : هو انتوا لما دخلتم صيدلة كنتوا بتحبو الكيمياء, ... ولا مشيتوا فيها عادي وحبيتوها بعد ما دخلتوا صيدلة؟؟؟؟؟
انا مكنتش بحب الكيمياء والكيمياء هى اللى نزلت مجموعى فى تانيه ثانوى كتير
لكن دخلت صيدله والحمد لله ماشى كويس وعلى فكره اكتر ماده جبت فيها تقدير عالى كانت عضويه اعدادى
لكن بالنسبه لمواد الدراسه مش كلها كيمياء وبس انت بتدرس مواد تانيه خاصه بالأدويه وبتدرس مواد طب الاكاديميه وان كانت اقل بالنسبه للكم فى بعض المواد لكن بندرسها يعنى الكليه بتحتاج شطاره فى الكيمياء وكذالك فى الاحياء وان كانت الاحياء اكثر لأن الكيمياء اللى بتدرسها بتختلف عن كيمياء الثانويه
اهم حاجه شوف ايه اللى يناسبك من ناحيه الشغل و نظام كل كليه هترتاح فين ايه الكليه اللى ممكن بعد
ماتتخرج تقدر تكون من اكفاء المهنه
بس اهم حاجه شوف نظام الشغل بعد التخرج مش قصدى المرتب وكده انا قصدى من ناحيه الشغل العملى
يعنى مثلا اسنان كل تعاملك هيكون فى الفم وطبعا محتاج مهاره وخبره شوف لو بتخاف من الدم مثلا وبتخاف من الاحتكاك المباشر بجسم الانسان لأنك هتكون المسؤل المباشر يبقى متنفعكش اسنان
عاوز الاحتكاك المباشر ايضا مع المرضى ( لكن دون التدخل المباشر بالجسم ذى مثلا الجراحه والتشخيص) وطبعا الاحتكاك المباشر مع الادويه يبقى صيدله
لكن لو تقدر على الاتنين وبتحبهم يبقى شوف ميولك الاقوى فين واعمل استخاره وشور الأسره والاهل
بس فيه حاجه اسنان تحتاج مبلغ كبير لتجهيز العياده بعد التخرج بسبب ان الأجهزه غاليه وظهور اجهزه احدث واغلى هو ده بصراحه السبب اللى مخلنيش ادخل اسنان
لكن بالنسبه للكليتين من حيث العمل والمرتبات بعد التخرج فكلاهما مطلوبين بكثره ان كان فى مصر او الدول العربيه وفرص عملهم كثييره فلا تقلق بالنسبه لهذه الجزئيه
الخيار الاول والاخير لك طبعا........... وربنا يوفقك
m.aas_91 19-09-2009, 03:59 PM شكرا يا دكتور احمد طمنتني من ناحية الكيمياء
|| Dr sCorpion || 19-09-2009, 04:12 PM شكرا يا دكتور على مرورك بس هما قلولك ايه على اسنان علشان اقتنعت بيها؟؟؟؟
هقولك
انا جايب 99 % وبعدين زى م قولتلك كنت محتار بين التلات كليات
سيبك من طب دلوقتى لانها مش فى اختياراتك
اسنان 5 سنين زى صيدله بس فيها سنة امتياز بتشتغل وبتقبض فيها عادى
وشغل اسنان كويس جداا داخل و خارج مصر
والدراسه بتاعتها لذيذه يعنى بس فيها عملى كتير زى م قولتلك
صيدله .. هو بس مجالات عملها مش عجبانى اوى سواء كصيدلى فى صيدليه او مندوب فى شركه .. وفى مجالات تانيه بس بردو مش حاببها اوى - ده بالنسبالى انا.
بردو الدراسه فيها جميله على حد م سمعت
اللى مش عاجبنى فيها - بالنسبالى بردو - ان فيها دراسة نبات كتير اوى وانا مش بحب دراسة النبات
وهى معظمها كيمياء فاعتقد انك لازم تكون حاببها
فى حاجه تانيه ان الدفعه بتاعة اسنان صغيره جدا مقارنة بصيدله
يعنى مثلا عندنا فى المنصوره دفعة اسنان 280 تقريبا وصيدله فوق ال 800
ابن عمتى صيدلى فى السعوديه لما سألته قالى اسنان احسن بكتير
ده اللى حصل معايا
بس الاتنين دراستهم كويسه وشغلهم كويس اوى
يارب اكون افدتك فى حاجه
عمر الغندور 19-09-2009, 07:38 PM انا هقول علي الحقيقه اللي شوفتها انا بابا طبيب اسنان سافرنا السعوديه والصيدلي كان بياخذ 3اضعاف مرتبه الحمد لله اناداخله صيدله طنطا ربنا يوفق الكل
m.aas_91 19-09-2009, 08:46 PM شكرا يا جماعة استفدت منكم كتير
حنان الزيبق 20-09-2009, 01:39 AM المهم قررت ايه
m.aas_91 20-09-2009, 02:48 AM صيدلة ان شاء الله:d:d
وشكرا على الاهتمام.......
بس عندي سؤال عن الفيزياء في صيدلة عبارة عن ايه , و ايه مواضيعها.. علشان اشوف هحتاج كتب 3 ثانوي ولا لأ ؟؟؟؟؟
|| Dr sCorpion || 20-09-2009, 05:47 PM الف مبرووووك
إن شاء الله يكون ليك خير فيها
على فكره انا سمعت من مستر الكيميا فى ثانوى ان كل طلبة الكليات الطبيه بيحتاجوا كتب ثانوى
بتاعة الكيميا والفيزيا والاحياء
يلا ربنا يوفقــــــك
m.aas_91 20-09-2009, 11:58 PM شكرا يا دكتور على النصيحة وربنا يوفق الكل
dr/ ahmed 21-09-2009, 01:57 AM صيدلة ان شاء الله:d:d
وشكرا على الاهتمام.......
بس عندي سؤال عن الفيزياء في صيدلة عبارة عن ايه , و ايه مواضيعها.. علشان اشوف هحتاج كتب 3 ثانوي ولا لأ ؟؟؟؟؟
كتاب الفيزياء ممكن تحتاجه مثلا عشان جزء الفيزياء الحديثه
كتاب الكيمياء حتحتاج منه اخر جزء اللى هو الالكان والالكين وكده
كتاب الأحياء خليه معاك هتحتاجه لغايه متخلص
m.aas_91 21-09-2009, 02:46 PM شكرا يا دكتور احمد على اهتمامك
العمييد 22-09-2009, 01:29 AM يا خسارة يا دكتور حد يسيب برستيج دكتور الاسنان و يروح لتواضع الدكتور الصيدلى
بتعمل زى هارد لك فى الثانويه اللى جايه ههههههههه
m.aas_91 22-09-2009, 01:55 PM هو صراحة لقيت كل الناس حتى قرايبي بيقولولي صيدلة فقلت لحسن اعارضالكل وادخل اسنان و بعدين اندم...
Bent 3bdo 22-09-2009, 06:22 PM الف مبرووووك
إن شاء الله يكون ليك خير فيها
على فكره انا سمعت من مستر الكيميا فى ثانوى ان كل طلبة الكليات الطبيه بيحتاجوا كتب ثانوى
بتاعة الكيميا والفيزيا والاحياء
يلا ربنا يوفقــــــك
أنا اتخلصت م كل الكتب والملازم و الكشاكيل
واى حاجه تخص الثانويه العامه
:022yb4::022yb4::022yb4::022yb4:
العمييد 23-09-2009, 02:26 PM و نحن كذلك فعلنا
--Dr.Mostafa-- 24-09-2009, 04:49 AM والله انا مش عايز احيرك بس مش عارف انا عن نفسي حاسس انه اسنان احسن !!
مع انه ف ناس قرايبي قالولي انه صيدلة احسن بس اللي شدني لاسنان انه دفعتها دايما مش كتير ..
اكتر حاجة ممكن تلاقي 250 وف اسكندرية 300 لكن الطب البشري والصيدلة دايما اقل حاجة 900 او 800 طالب
وكمان ف اسنان مش محتاج انك تحضر بعد ما تخلص بعكس البشري والصيدلة لازم تحضر علشان تقدر تفتح سواء صيدلية او عيادة
وربنا يوفقك دا رايئ ... واتمنى اني ماكنش شتتك ولو كنت مقتنع بصيدلة فتوكل على الله وصلي صلاة الأستخارة
وربنا معاك
|