تعالوا نتكلم شوية جد يا شباب [الأرشيف] - بوابة الثانوية العامة المصرية

يالا بينا

18-09-2009, 10:35 PM

hema nasr

18-09-2009, 10:48 PM

بجد موضوع جميــــــــــــــــــــــل كتيــــــــــــــر

وفكرة جديدة ومفيدة

تسلم يا يالا بينا

ومن الحجات الى اتمنى انها تزول من العرب
الخلاف الدائم الى مبنهم
ونفسى يجى يوم
معنتش اسمع فية كلمة (لقد اتفق العرب على الا يتفقوا)
واكيد هنبئ احســن
ان شاء الله
وشكرا مرة تانية على موضوعك الممتاز

تقبل مرورى
hema

**(elktra)**

18-09-2009, 10:59 PM

مبدئيا : سلام عليكم
ايه رايكم لو نتكلم النهاردة ف الخلاصة؟
هنتكلم عن الاخلاقيات ف المجتمع.....
كل الكلام هيدور حول اجابة عن سؤال واضح:
"ما هو الخلق الذي تتمنى زواله من المجتمعات العربية في عصرنا؟"
انا بصراحة احب نتكلم عن المجتمعات العربية بشكل عام .....بلاش الصرية فقط
كل يوم واحد فينا بيحاول يعمل موضوع للتخلص من خلق معين مش تمام ف المجتمع
طيب ايه بقى النقطة اللي محتاجة بجد تتناقش على مستوى اعلى وارقى؟
يالا تعالوا قولوا رايكم ......
ونتناقش.....
مش عارفة الاستطلاع اختياراته صعبة اوي
كان نفسي اختار صفة واحدة بس
لكن مش عرفت
فعلا الكذب والخيانة اهم صفتين معايا مش بحبهم نهائي
وبالرغم ان اي مكان ببقي موجودة فيه بلاقي الكدب والخيانة معايا ملازمني
ده غير بقي الواسطة بجد الي بقت منتشرة جدا جدا دلوقتي واتظلمت منها كتير اوي
لكن اهم حاجة الاول قبل اي مناقشة في اي صفة بجد
عاوزين ناخد درس في ادب الحوار والمناقشة ومكانة اي شخص قدامي واعرف ايه حقوقي وايه واجباتي
وبعدها لازم كل شخص بجد يقتنع اننا ممكن نغير العالم بجد
عمري ما كنت اؤمن بالمقولة * انا اللي هغير الكون *
جملة مستفزة اوي ومش بحبها
لازم اي شخص مهما كان مجاله لازم يتقنه ويبدع فيه ويحاول بجد انه يثبت مكانته في المجتمع
بحيث انه يبقي على دراية اكبر بكل اللي بيدور حوليه
موضوعك جميل اوي ومحتاج سنين لاعادة برمجة البشرية بجد
واعادة صياغة للانسان .......
مع شوية لباقة وصدق وحرية وامان ووفاء وحب وراحة وصفاء ذهن وايمان واخلاص و نحذف من قلبنا الحقد والحسد والغيرة والكذب والخيانة والغدر و.................... الخ .
كل الحاجات دي محتاجة مننا وقفة بجد
واولهم الايمان ونبقي مسلمين بجد
جزاكي الله خيرا
مواضيعك بجد هادفة وجميلة اوي

mohamadelhawary

18-09-2009, 11:06 PM

السلبيه
السلبيه

M7MED NOUR

18-09-2009, 11:13 PM

الكذب
الخيانة
الواسطة
عدم الاتقان

سيف عبد العظيم

19-09-2009, 02:32 AM

جزاكى الله خيرا وجعله فى ميزان حسناتك

BaNZeR

19-09-2009, 03:46 AM

الاختيارات متشابهة في المستوى
ولكنها مع ذلك ليست الشيء الذي نريد التخلص منه في مجتمعنا

مجتمعنا يحتاج إلى الحرية وعدم التسلط
إذا أخذ كل شخص في هذا البلد فرصته وحريته وحقه في كل الحصول على مايريد
لن يضطر إلى الكذب ولا السرقة ولا الخيانة

مجتمعنا مكبوت
ويفرغ ذلك من خلال اساليب مختلفة ومعظمها خاطئ

نحتاج في مجتمعنا البساطة والتواضع لا التسلط وفرض الرأي
وأعتقد ان الاسباب الاربع ليست هي سبب اساسي في مشكلتنا الحالية

د/بسمة الاسلام

19-09-2009, 05:03 AM

انا بقي الحاجة الى نفسي فعلا
تتلغى تماما من حياتنا هي
الرواشة والكول واللارج و........................الكلام الفارغ ده
نفسي الشباب والبنات يتقوا ربنا وربنا يهديهم كده
ونعمل معا لصالح الامة
ساعتها هنلاقى كل الاخلاقيات بتتصلح لوحدها ان شاء الله
الف شكر للموضوع الهادف

لا يوجد اسم

20-09-2009, 04:37 AM

الشئ اللى مش عجبنى فى مجتمعنا

الجهل

للاسفة نسبة الجهل كبيرة جدا فى مجتمعنا العربى

رغم ما عندنا من خيرات وكنوز الا اننا مازلنا بلاد فقيرة بسبب الجهل

اريد ان نتقدم ويكون عندنا كل يوم 100 احمد زويل

yomna1993

20-09-2009, 07:38 AM

هو انا اكتر حاجة بكرهها في حياتي الكذب طبعا لانه مولد اي فعل غلط بعد كده

بس في مجتمعنا هو عدم الاتقان
هو ده الي خلانا متخلفين و طول ما احنا معندناش اتقان هنفضل ورا
شكرا على موضوعك المميز يا قمر
بجد كل مواضيعك عسولة جدا:)

مسرة سعيد

20-09-2009, 08:56 AM

موضوع جميل كما تعودنا منك يا (يالا بينا)
طبعا ردي متاخر شوية لكن اعذريني
انا نفسي يروح من اخلاقنا (الرياء)
الياء اسوأصفة عرفتها البشرية لانه مدخل للنفاق

الاميره ايه

20-09-2009, 09:57 AM

بجد العاده اللي نفس تخلص من الناس
الكذب والنميمه والغدر اللي ديما بقلبهم ( يا ناس ده غش ده بالف وش)
شكرا علي الموضوع:)

M.Sherif

20-09-2009, 01:06 PM

نو كومنت .......

يالا بينا

20-09-2009, 01:21 PM

مبدئيا:عايزة اقول اني اتفاجئت بعدد الردود بصراحة......
واسفة لاني مش قادرة اعطي كل واحد حقه ف التعليق.....لكن لاشك مشكورين كلكم ع التفاعل..
بخصوص كلامنا بقى :انا لاحظت ان في ناس جاوبت على سؤالنا وهي مقيدة بالاختيارات بتاعة الاستطلاع الاربعة......طبعا مش تمام الحكاية دي....خيارات الاستطلاع هي الاخلاقيات الاكثر انتشارا فقط ...
على كل حال دي كانت نقطة حبيت اوضحها....
نقطة تانية بقى....وهي الحاجات اللي انتوا اضفتوها....
زي مثلا (السلبية)دي ملاحظة ممتازة جدا...لان فعلا السلبية خطوة على درب الفشل ف اي مجال ف الدنيا....
في برده...(الجهل)دا كمان مصيبة كبيرة زي ما قلتم ,ويحضرني هنا مقولة ممتازة بتقول:قمة الجهل ان تجهل مدى جهلك.
كمان قلتم (الرياء)فعلا قمة الخيابة موضوع الرياء ده...لان المرائي مخلي الناس هم الحاكم عليه ,مع ان هم بشر زيه وربنا هو الوحيد اللي اعلم بحالته الداخلية وزي ما قلتم الرياء فعلا مدخل للنفاق..
برده لفت انتباهي التعليق بتاع (عدم وجود الحرية او التسلط الموجود ف المجتمع)واللي هو للاسف الشديد تتحكم فيه طبقة معينة من النظام سواء الحكومي او الاجتماعي....لكن المشكلة بتكون اكبر لما يبقى باسم الدين....
موضوع مهم كمان اثرتوه..وهو(الخلاف العربي)ودي قضية بنتكلم فيها تقريبا من 65سنة ولسه هنتكلم فيها كمان50سنة قدام....لكن النتيجة :محلك سر....دا لان مفيش تفكير راقي ف مسالة الوحدة ...وبشارككم الامل ف الوحدة وربنا ييسر...
كان في افاق على ان خيارات الاستطلاع من اسوأ الصفات اللي موجودة دلوقتي....ولا شك ان الكلام تمام..

ربنا يبارك فيكم كلكم وشكرا ع التفاعل يا شباب ويا بنات

fatma2007

22-09-2009, 12:42 AM

مش عارفة هو في كتير بس اوضح التفرق العربي الي حاصل يعني ايه اللي بيحصل في فلسطين و العراق ولبنان وسوريا
المفروض ان دول اخوتنا ودينا امرنا بنجدتهم كل شوية قمم و مؤتمرات ولكن مفيش حاجة بتتغير

Einstein

22-09-2009, 01:42 AM

أنا ممكن أدخل فى الموضوع حاجة كبيرة جدا التعليم

أنا من وجهة نظرى هيا التعليم الفاشل

ليه الواحد بعد ميتخرج ميكونش اولا مثقف عنده ثقافة دينية و....و...

ليه ميكونش عنده أخلاق ومتربى على قيم ومبادئ ويقدر يكون نافع فى مجتمعه

يعنى تخيلى لوحصل كدا والولد اتربى من الحضانة على أخلاق دينه هيكون فيه كدا

ليه مثلا ما يتعلمش يكون عنده انتماء لوطنه ويحترم أى وظيفه فى مجتمعه

طبعا هيكون فيه برضه الكلام دا مش زى الأول وبالتدريج هيقل

يعنى قصدى نربى ولادنا ان هما يرفضوا المبادء دى من أساساها

وطبعا الموضوع فيه كلام كتيير بس كفايه كدا لأن طبعا الموضوع ليه جوانب كتيير جدا

يالا بينا

22-09-2009, 01:57 AM

تمام الكلام
موضوع التعليم عليه كلام كتير فعلا
والمشكلة فيه مشتركة برده
واكتر من كده
ان في ناس شايفة انه مفيش مشكلة اصلا
ودي اكبر كارثة

جوووورى

22-09-2009, 02:40 PM

طبعا فيه حاجات كتيرة جدااااااااااااااااااا

يعنى مش هنخلص لو اتكلمنا فيها كلها مرة واحده

بس اصعب حاجه بجد واللى لقيت ان ما فيش حد

اتكلم عنها رغم اهميتها

وطبعا باقى الصفات اللى اتقالت مهمه جدا

بس دى اهم واحده فيهم .......،،،،،،،،،

هى احنا

يعنى انا وانت ....،،،

احنا كعرب معظمنا بيحاول يعمل فيها ابو العريف

دايما بيبدأ باللى حوليه وينسى نفسه

وطبعا دى مش انكار ذات لنفسه وايثار للاخرين

دى عيب كبير جدا يا حضرات
ربنا قال " لا يغير الله ما بقوم حتى يغيروا ما بأنفسهم

بس احنا قلبنا الايه غيرنا ما بأنفس غيرنا وما غيرناش ما بانفسنا

وياريت غيرنا دى اتغير بجد

احنا ليه ناس بنبيع كلام هى اكيد نظرة مش شامله

بس هى للحصر والذكر فقط

اننا ما بنبدأش بنفسنا

يعنى احنا المشكله والبذرة لحاجات كتير

زى الكذب والخيانه والاميه

وطبعا اكيد فيه عوامل تانيه كتير لكن احنا ممكن تقولوا

اننا بذرة والباقى تفرعات مننا

احنا الاصل

يالا بينا

22-09-2009, 05:08 PM

account closed

23-09-2009, 11:14 PM

أنا شايفة عدم الاتقان

لو كل حد اتقى ربنا وعمل بإتقان

حالنا هيتصلح

themoondream

23-09-2009, 11:51 PM

انا شايفة اكتر اتنين
الكدب ديه كارثة انا بشوف ناس واخدة الحلفان بالله لبانة و ده يبقى مفيش ثقة يعني مافيش حاجة حلوة بعد الكدب
لو الكدب راح كله هيبقى كويس بس تقول ايه لناس مش عايزة تفهم
و في برضه عدم الاتقان
لو كل واحد اشتغل باتقان و اخلص عمله خلاص كده كله هيبقى تمام
بس انا شايفة الكدب اوحش ( ديه وجهة نظري )
وياريت الناس تتصلح عشان الحياة بقت وحشة اوي ولا أمان وللا ثقة ولا تقدم ولا حاجة حلوة خالص

يالا بينا

25-09-2009, 12:45 AM

أنا شايفة عدم الاتقان

لو كل حد اتقى ربنا وعمل بإتقان

حالنا هيتصلح

ايوة طبعا
انا حاسة اننا خلينا الاتقان عدونا
وبنفرح اوي لما نقول اننا شاريين منتج مستورد
ومن الغباء ما قتل

يالا بينا

25-09-2009, 12:47 AM

اكليل الورد

25-09-2009, 01:05 AM

dr_alaa

25-09-2009, 01:10 AM

الخيانه بكرها عن اي صفه تانيه بجد حاجه باد اوي

يالا بينا

25-09-2009, 07:39 PM

بصراحة انا في الاول بحب اشكرك علي الموضوع ده

فعلا احنا في بلادنا في بعض الخلق التى ظهرتفي بلدنا للاسف مثل

حب النفس وقلة الضمير وقلة الحب لبلدنا وفي وجهة نظري انها سبب (لكذب وخيانة.......)

لو كل واحد احب لأخيه كما يحب لنفسه

اعتقد اننا مش هنحب ان حد يكذب علينا او ياخد حق من حقوقنا او حقوق ولادنا

لو الشخص مرتشي لو فكر شوية هيجى يوم علي احد من عائلته يريد

مثلا تعين او اي خدمة وهيلاقي كل اللي بياخد الخدمات هما الأشخاص ذات وسطة والمرشين

بجد مش عارفة ارد على انهو نقطة ف كلامك
لكن لاشك انتي وصلتي لمعنى مهم جدا....انت دمجت كل الاخلاقيات الفاسدة دي ف بعضها....وبكده وضحتي ان كلها مرتبطة ببعضها....وغالبا المصاب بواحدة فيهم عليه ان يتخلص منها او ينتظر الباقي...

يالا بينا

25-09-2009, 07:42 PM

الخيانه بكرها عن اي صفه تانيه بجد حاجه باد اوي

اوفكورس باد
لكن تفتكر ايه السبب ف الخيانه؟
ايه اصلا مفهومها عند حضرتك؟

master666666

26-09-2009, 12:56 AM

الكلام الي موجود جميل جدا

فعلا كل واحد بيبقي مش عجبه مجتمعه وشايف حاجات مش كويسه بتحصل بس التغيير الحقيقي ان الواحد يبدأ بنفسه

يعني فعلا لو كل واحد بص لنفسه هيلاقي حاجات كتير مش كويسه ف يغيرها في الوقت ده يبقي مجتمعنا في افضل حال ان شاء الله

واعزيني يا ( يالا بينا ) نسيت اعرفك بنفسي احمد

أميرة الأحلام

26-09-2009, 01:19 AM

بجد موضوع جميل جدا ..............
وفعلا والله لو الواحد اتكلم عن الحاجات الى مش عجباه فى المجتمع هيتكلم كتيييييييييير قوى
بس بجد اكتر حاجه مش عجبانى وبتستفزنى لابعد الحدود هى البرود وبجد لو كان الاستهتار رجلا لقتلته يعنى بصراحه الناس معدش دمها حامى كده لاء بقى عندهم برود غريب الطلاب مستهترين والناس فى الشارع سلوكهم بقى سيىء جدا كل الناس تقريبا. ممكن تنضرب وتتبهدل وتتسرق فى الشارع ومحدش يقولك مالك نادر جدا لو حد ضايقك وقال انه آسف. وده بردو مرتبط بالسلبيه والانانيه كل واحد بيقول انا ومن بعدى الطوفان.
يمكن دخلت حاجات كتير فى بعضها بس فى رأيى كلها مرتبطه ببعضها.

يالا بينا

26-09-2009, 02:07 AM

الكلام الي موجود جميل جدا

فعلا كل واحد بيبقي مش عجبه مجتمعه وشايف حاجات مش كويسه بتحصل بس التغيير الحقيقي ان الواحد يبدأ بنفسه

يعني فعلا لو كل واحد بص لنفسه هيلاقي حاجات كتير مش كويسه ف يغيرها في الوقت ده يبقي مجتمعنا في افضل حال ان شاء الله

اه اكيد طبعا....وجهة نظر محترمة فعلا
واعزيني يا ( يالا بينا ) نسيت اعرفك بنفسي احمد

نو كومنت
وانت عارف ليه....

يالا بينا

26-09-2009, 02:10 AM

منه الله فؤاد

29-09-2009, 04:09 PM

صوت الامة

29-09-2009, 04:34 PM

السلام عليكم ورحمة الله وبركاتة
اولا احى حضرتيك على الموضوع المهم
فعلا موضوع مهم
علشان المجتمع العربى كا كل
يتصلح حالة
اولا العودة الى الله تبارك وتعالى
والتحكيم بكتابة عز وجل
واتباع سنة النبى صلى الله علية وسلم
ثانيا ترك كل الى حضرتيك اشرتى علية
من سلبية و الكذب والخيانة والوساطة وعدم الاتقان
كل دة حيتغير اذا اتبعنا ديننا الاسلامى
والتزمنا بقواعدة
المشكلة ايضا تندرج فينا نحن اولا
يقول الله عز وجل فى كتابة
بسم الله الرحمن الرحيم
( وما كان ربك ليهلك القرى بظلم واهلها مصلحون)
قنبدا بنفسنا اولا
ونتحلى بخلق الاسلام
اعتقد لو اتبعنا هذا المنهج
سنسود شعوب الارض كلها
كما كنا فى الاسبق
ولكم نحن نسير بمنهج غير اسلامى على الاطلاق
ربنا يهدينا جميعااااااااااااااااااااااااااااااا
شكرا لحضرتيك على الموضوع
ودى وجهة نظرى
ربنا يهدى النقوس

secretman20032002

30-09-2009, 01:08 PM

[بصراحه يا جماعه انا جديد في الموقع ومعرفش اي حاجه عن اللي فيه ممكن نتواصل مع بعض لو سمحتم ولو فيه حد في الصف الأول الثانوي

يالا بينا

30-09-2009, 05:03 PM

توبيك حلووووووووووووو اوى وجديد
بس انا رأي التدخل فى شئون الغير
يعنى وانت ماشى تلائى حد اتدخل
في والميك اب والطرحه لبسك كذا
ومش عارفه ايه ده
غير الكلام من وراك ولو انت اعد تلائى
حد من اصحابك يتنقد على ده وده
بصراحه حاجه تخنق اووووووووووووووووى
وكفايه عشان طولت عليكوا
والسلاااااااااااااااااااااااام ختام

الله يبارك فيكي يامنه
انت اشرت لحاجة خطيييرة فعلا
التدخل في شئون الغير
لكن برده حاولي يبقى عندك فارق بين النصيحة والتدخل
لان لما حد ينقد فيكي جزء معين..... ممكن يكون هدفه النصيحة مش التدخل...
ولا رايك ايه؟

يالا بينا

30-09-2009, 05:06 PM

يالا بينا

30-09-2009, 05:09 PM

[بصراحه يا جماعه انا جديد في الموقع ومعرفش اي حاجه عن اللي فيه ممكن نتواصل مع بعض لو سمحتم ولو فيه حد في الصف الأول الثانوي

احنا معاك كلنا اهو
عايز تعرف ايه بالضبط يا فندم؟

pureheart

01-10-2009, 02:25 AM

الشفق الباكي

01-10-2009, 02:35 AM

اولا التوبيك فكرته جامده جدا
بالنسبه للاستطلاع
بجد 4 حاجات لازم نخلص منهم
كدب استحاله نقدر نتعايش مع الكدب الخيانه نفس الشئ بل ابشع كمان من الكدب
عدم الاتقان بيهدم كل حاجه فى المجتمع
الواسطه بتحط ناس ماتستاهلش احيانا فى اماكن اكبر منهم وبتهدم حاجات كتير فى المجتمع بالاضافه انها ممكن تحرم ناس من فرصها فى المجتمع
لكن مش دول اعتقد الحاجات الاساسيه اللى المفروض نتخلى عنها
المفروض نتخلى عن فكره ان كل الناس غلط يبقى انا لازم ابقى غلط زيهم علشان اعيش فى وسطهم
اصل المجتمع دا انا وانت والناس دى كلها
فلو كل واحد قال اشمعنى دا غلط وبيعمل كده جات عليا
دا بيدمر قيم كتير اوى فى المجتمع
وبينشأ عليه سلوكيات اصعب
الكدب
الخيانه
الحاجات دى كلها بتنشأ من كلمه ليه مابقاش زى دا
مشكوره على التوبيك

يالا بينا

01-10-2009, 07:03 AM

انا شايفة ان اوحش صفة فى
المجتمع و اللى مضايقنى جداً هى
الانحطاط الاخلاقى فى التعامل و هو اللى بيوصل لكل الحاجات التانية
يعنى اللغة اللى بيتعامل بيها الناس مع بعض لا تخلو من قلة الادب
سواء الشتايم او التلميحات الواحد يحس ان مفيش حاجة اسمها احترام !!!

والله كلام مقنع
وخاصة ان فعلا الناس بقت لغتها مع بعضها سيئة للغاية
حتى اللي يحب يهزر بيشتم
واللي يحب يثبت لواحد حبه ليه يشتمه
ف هو فعلا النقطة دي مهمة
بس يا ترى ايه الحل المناسب لطبع زي كده؟

يالا بينا

01-10-2009, 07:05 AM

~~ yaso ~~

01-10-2009, 01:07 PM

يالا بينا

01-10-2009, 11:17 PM

انا من رأيى ان اللى مودى الدول العربية فى داهية هو الجهل وعدم اتقان العمل وعدم المبالاة والصراع الداخلى وعدم الغيرة على الوطن وعدم وحدتهم وان رجال الاعمال بيستثمروا فلوسهم برة الدول العربية وان محدش بيهنم بالمخترعين والمبتكرين

يمكن حابة توضحي نقطة (عدم الاحساس بالانتماء)
واكيد عندك حق
ايه اللي يخلي رجل اعمال يستثمر امواله برا بلده الا اذا كان ضعيف الانتماء؟
لكن في نماذج طيبة زي مثلا:
د.احمد بهجت
ف احنا دايما بناكد على ان الصورة مش سودا تماما.........في نقط مشرقة واكيد هي اللي بتشجعنا نكمل ف الطريق المظبوط

pureheart

02-10-2009, 12:32 AM

والله كلام مقنع
وخاصة ان فعلا الناس بقت لغتها مع بعضها سيئة للغاية
حتى اللي يحب يهزر بيشتم
واللي يحب يثبت لواحد حبه ليه يشتمه
ف هو فعلا النقطة دي مهمة
بس يا ترى ايه الحل المناسب لطبع زي كده؟
اعتقد ان التربية هى الحل الوحيد للمشكله ديه
سواء فى البيت وده الاساس فى التربية
او فى المدرسة اللى مفروض بتخضع لوزارة اسمها
وزارة التربية و التعليم
:o:o

shosho_amoora

02-10-2009, 02:15 AM

انا من رايي ان الخيانة كلمة كبيرة اووووي وبتندرج تحتها معاني كتيرة من ضمنها
الكذب والواسطة وعدم الاتقان واحب اضيف كمان
ان اوحش حاجات لاقتها ف مجتمعنا النفاق وده غير المجاملة لان في ناس بتخلط بينهم.!!!
النفاق شيء مش في شخص وبقول انه موجود والمجاملة يعني مدحك بشيء موجود فيك
انا كنت بخلط بين فهم المعنيين ((لو حد عنده تصحيح لكلامي ف النقطة دي يقولهاليا ))
++ طبعا الناس اللي بتعمل نفسها ابو العريف طيب ليه يعني ربنا رزقك بفهم او معلومة زيادة
تتصرف كده مع الناس ؟؟؟

كمان موضوع النظام الطبقي ف مصر من خلال التاريخ كل عصر او زمن من الازمنة اللي بنمر بيها
بيكون في نظام طبقي بسسسس من كام سنة كده كان في طبقة فقيرة ومتوسطة وغنية
دلوقتي بئا طبقة تحت خط الفقر وطبقة فقيرة والطبقة المتوسطة تكاد بتنتهي بالاضافة للطبقة الغنية
الفقر ده اتحول للعديد من الجرائم اللي منتشرة بالبلد دي طبعا غير الجرائم البشعة زي القتل بالالات الحادة
النفس البشرية وصلت لمرحلة خطيررة اووي كل ده ليييييه؟؟؟؟

ده غير بئا كل شوية نلاقي اضراب في البلد وتعطيل لمصالح الناس +كمان مش كفاية انفلونزا خنازير وطيور
لاء كمان ري بعض المزروعات بمياه الصرف الصحي!!!! والثروة السمكية اللي المفروض نحافظ عليها
رايحين نخليها تنمو ف مياه غير صالحة بجــــــد حاجة تحزن وربنا يسترها على عباده
معلش لو كلامي اتجه لنواحي سياسية بس اللي بيحصل ده راجع لصفات مش كويسة خااااالص وموجودة بمجتمعنا .....
ونهاية لكلامي ايضا عاوزة اقول انا رايي ( جايز) خطأ يحتمل الصواب او صواب يحتمل الخطأ

متعاقده مخنوقه

02-10-2009, 02:22 AM

الكذب
الخيانة
الواسطة
عدم الاتقان

انا رايى ان كلهم ليهم علاقه ببعض والمفروض ان كلهم يختفوا من مجتمعنا

يالا بينا

02-10-2009, 06:12 AM

اعتقد ان التربية هى الحل الوحيد للمشكله ديه
سواء فى البيت وده الاساس فى التربية
او فى المدرسة اللى مفروض بتخضع لوزارة اسمها
وزارة التربية و التعليم
:o:o

والله
كده معاكي حق
اسمها وزارة (التربية)والتعليم
ف غالبا هي مسئولة بشكل كبير
لكن
نرجع ونقول:مش لوحدها
زي ما قلتي دور الاسرة مهم عشان يكمل

يالا بينا

02-10-2009, 06:20 AM

يالا بينا

02-10-2009, 06:22 AM

الكذب
الخيانة
الواسطة
عدم الاتقان

انا رايى ان كلهم ليهم علاقه ببعض والمفروض ان كلهم يختفوا من مجتمعنا

تماااام
كل كلامنا ف النهاية عايز يوصل للفكرة دي

shosho_amoora

02-10-2009, 05:52 PM

النظام الطبقي سببه (احنا)وليس الاخرين
ازاي؟؟ ؟؟؟
ياريت اعرف وجهة نظرك يا يالا بينا عشان مش فاهمة القصد

احمد نوفل

02-10-2009, 07:31 PM

موضوع جميل وهادف مية فى المية
بس العيب فينا احنا
وسبب ذلك البعد عن العقيدة وعدم التقرب الى الله سبحانه وتعالى

(ان الله لايغير ما بانفسكم حتى تغيروا من نفسكم )

تقبلى مرورى

يالا بينا

02-10-2009, 10:16 PM

موضوع جميل وهادف مية فى المية
بس العيب فينا احنا
وسبب ذلك البعد عن العقيدة وعدم التقرب الى الله سبحانه وتعالى

(ان الله لايغير ما بانفسكم حتى تغيروا من نفسكم )

تقبلى مرورى

الله يبارك ف حضرتك
الاعتراف بالحق فضيييييلة

يالا بينا

02-10-2009, 10:24 PM

النظام الطبقي سببه (احنا)وليس الاخرين
ازاي؟؟ ؟؟؟
ياريت اعرف وجهة نظرك يا يالا بينا عشان مش فاهمة القصد

بصي يا عسلاية
دلوقتي لما عامل النضافة مثلا بيحس بالاهانة او بيكون مضطر انه ينكر وظيفته احيانا....بيبقى السبب ايه؟
السبب اننا لما بنشوفه بنحتقره.....
اذن سبب الطبقية احنا........
وقيسي على كده بقى امثلة كتييير

shosho_amoora

04-10-2009, 12:21 AM

شكرا يا عسلاية :wub:على التوضيح
وعايزاكي تتحفينا دايما بمواضيعك الساخنة :049gc0:

يالا بينا

04-10-2009, 08:07 AM

شكرا يا عسلاية :wub:على التوضيح
وعايزاكي تتحفينا دايما بمواضيعك الساخنة :049gc0:

الله يكرمك

~Roze~

04-10-2009, 11:34 AM

يالا بينا

04-10-2009, 04:44 PM

هى اكتر حاجه بكرهها الخيانه

بس انا كمان مش عارفه اختار ايه ولا ايه

لأن كل الصفات دى موجوده فعلا فى المجتمعات والدول العربيه

بس لو كل واحد حاول يصلح من نفسه

هتبقى الدنيا فيها القليل من الصفات دى

اه طبعا الخيانة
كل الناس تقريبا اجمعت على النقطة دي
لكن لاشك ان الكلام الصح هو اللي حضرتك قلتيه......
كل واحد يبدا بنفسه
وهتتظبط ان شاء الله:d

وتسلمي ع المشاركة

طالبة حزينة

11-10-2009, 11:26 PM

الكذب الكذب الكذب

مش محتاجة كلام دي

كل الناس بتكدب

الا من رحم ربي

يالا بينا

13-10-2009, 10:42 AM

الكذب الكذب الكذب

مش محتاجة كلام دي

كل الناس بتكدب

الا من رحم ربي

أكيد
الكذب اكبر جريمة ممكن يرتكبها الانسان في حق نفسه اولا وفي حق الناس ثانيا....
لكن الف شكر على المرور يا عسلاية

أحمد كووول

13-10-2009, 11:56 AM

الخلق الذي أتمني زواله
هو
الكبر
لا أريد متكبرون في الأرض
فمن تواضع لله رفعه

يالا بينا

14-10-2009, 09:02 AM

الخلق الذي أتمني زواله

هو
الكبر
لا أريد متكبرون في الأرض
فمن تواضع لله رفعه

ايوة فعلا افتكر ان في حد قال الكلام نفسه تقريبا في بداية الموضوع.....
وساعتها قلنا ان المتكبر انسان سخيف لانه مش متخيل انه بيتعامل مع ناس وشايف انه كل حاجة... وطبعا هو"ولاحاجة"
لكن الف شكر على مرور حضرتك يا فندم