الحكاية كده مش جايبة همها بجد :d [الأرشيف] - بوابة الثانوية العامة المصرية

Sherif Elkhodary

19-09-2009, 04:27 AM

السلام عليكم ورحمة الله وبركاته
ازيكوا يا جماعة كل سنة وانتوا طيبين
هدخل في الموضوع علي طول عشان نلحق نصلي الفجر وننام :D
الموضوع لكل مافيه باختصار شديد ان انا بطلب من الادارة متابعة المشرفيين
انا عارف ان اللورد قال ان هيبقي فيه متابعة بس الكلام ده هيبقي امتي
انا لغاية الدراسة ان شاء الله هيبقي اشرافي
بعد كده هبقي عضو
المهم
يعني دلوقت انا مشرف سوبر علي 7 اقسام منهم قسم البنت المسلمة بدخله بالصدفة
اشيل ال 7 اقسام لوحدي ؟
ليه يعني هو انا سوبر مان :slap1qk6:
انا طول شهر رمضان مش بشوف حد يدخل يشتغل معايا حتي ولو في ركن الخيمة الرمضانية مع انهم موجودين
يعني المواضيع بتبقي هي هي حتي لو بعض الاداريين بيدخلوا يشيلوا موضوع او اتنين
طيب وبعدين و المشرفيين ؟!
ياريت الموضوع ميتفهمش علي انه سخرية من المشرفيين او مجرد اني شايف نفسي اني المشرف اللي مفيش زيه
والله انا مقصدي كده خالص
كل اللي قصدي ان يبقي فيه متابعة او تبلغوا المشرفيين الباقيين
انا بدخل اشيل المخالفات من اقسامهم و هما بيلفوا في بقية الاقسام
بدون ذكر اسماء _طب وده ينفع _
انا معنديش مشكلة اني اشيل كذا قسم لوحدي بس ميبقاش معايا مشرفيين و انا شغال وهما لا
انا بس حبيت اوضح النقطة دي
و ياريت يبقي فيه رد واضح و خصوصا من اللورد و تقولي رد واضح واعتقد اني قولتلك الاسماء
وانت اتاكدت بنفسك من اللوحة
في امان الله

MoHaMeD ELsHeRbEnY

19-09-2009, 02:00 PM

السلام عليكم ورحمة الله وبركاتة
شريف كلامك تمام الا نقطة واحدة
بلاش نقول محدش بيشتغل
فية مشرفين معاك بصراحة شغالين بجد
بيدخول اكتر من 12 ساعة فى اليوم وكلهم شغل
الى هيا اسمها بالانجليزى بتاع صوتيات ومرئيات محبة الفردوس تقريبا
دى بس الى لحقت اشوفها
وكنت شايف واحدة قبل كدة الى هيا خوخة الى انت بتكلم عليها
وفعلا معاك حق فيها
عموما النهاردة هقولك مين شغال ومين لا
والى مش شغال انا هكلمة ياسيدى
فى رعاية الله

Sherif Elkhodary

19-09-2009, 03:54 PM

انا مبقولش كله
وبنت دمنهور شغالة
ياريت تشوف مين اللي مش شغال
وتقوله مش ترفعه لان لو رفعته مش هتلاقي مشرفيين
وانتوا حرين انا قولت اللي شايفه
في امان الله

..Just Stop

19-09-2009, 04:06 PM

يا شريف
انت سوبر ومعاك المشرفين على اقسامك
انت الى بتتابعهم مش احنا
قول لنا مين اللى مش شغال
حجرة المشرفين السوبر اتعملت علشان تقول المشرف الفلانى مش شغال والمشرف الاولانىي تبعتله تحزير
والمشرف دا نرفعه لانه مبيشتغلش
فياريت تقوللنا مين شغال ومين لا
ولو عايز ترفع حد وتعين حد مكانه مفيش مانعه يا بو شريف
قولت ايه يابو منير :d

Sherif Elkhodary

19-09-2009, 04:49 PM

احم احم
تس تس تس
المايك تمام
يا جماعة انا مش بقولكوا ترفعوا حد
خلاص بما اننا هنتكلم بجد وانا جرئ يعني ميغركوش :d
انا قصدي علي خوخة
مش هتكلم علي هنا لانها كاتبة في توقيعها انها مضغوطة
طيب خوخة ؟ شغلها في قسمها بقا معدوم المخالفات بتبقي واضحة و مش بتتشال
والخيمة الرمضانية انا شايلها كلها لوحدي من اول شهر رمضان
مفيش اي مشكلة لما اشيله لوحدي
بس اللورد عينها معايا تبقي تشتغل معايا ولا ايه ؟

..Just Stop

19-09-2009, 05:02 PM

انت بعتلها تحزير يا شريف
رسالة يعنى قولتلها فيها ياريت الهمة شوية ؟
ابعتلها الاول
وفى حالة عدم الاستجابة هيبقا فى تصرف تانى
كل سنة ونت طيب يا شريف بيه :d

Sherif Elkhodary

19-09-2009, 05:15 PM

برئ يا بيه والله مبعت حاجة مش انا اللي اقولها اشتغلي ولا لا
انا حتة مشرف سوبر
بقلب علي ابيض ساعات :d
قولولها انتوا او استنوا لما ايه تر وهي تقولها

..Just Stop

19-09-2009, 05:44 PM

هههههه
يبنى انت المشرف السوبر
يعنى فى مقام الادارى بتاعها :d
ولما تيجى منك افضل ما تيجى مننا
اقل حاجة هتقولهالى
فى مشرف مسئول عى هو الى يكلمنى
ميبقاش مخك تخين بقا :d

Sherif Elkhodary

19-09-2009, 06:13 PM

هههههههههه ماشي يا حودا
معلش بعيد عنك انا كنت رياضة :d

MoHaMeD ELsHeRbEnY

19-09-2009, 06:54 PM

انا معينتش حد معاك يا شريف
دا برأى الادارية المسئولة عن الركن
اية من الله
اتفقو مع بعض
وزى ما محمود قالك انتم الى تحذرو مش احنا
انا عليا ارفع يالورد
اللورد يرفع
عين يالورد
اللورد يعين
شغال عنكم يعنى :(
وربنا المفروض تعطونى مرتب :d

..Just Stop

19-09-2009, 07:46 PM

وربنا المفروض تعطونى مرتب :d

اصرفوله 3 سنين سجن
:d

الجويرية

20-09-2009, 03:15 PM

احم انا جيت متاخرة
بس فعلا انا مع حضرتك فى كل نقطة ياخ شريف
وخوخة كان لها ظروفها ولازم نحترمها لانها قدمت اجازة مش غابت كدة
انا كنت هاعمل موضوع نتناقش فيه
بس كويس ان حضرتك عملت
ياريت بقى ممكن نتناقش من الاول خالص ونمسك كل مشرف ونشوف نظامه ايه؟
وجزاكم الله خيرا

Sherif Elkhodary

20-09-2009, 05:43 PM

ان شاء الله تناقش في امر كل مشرف
بس انا عاوز بس اعرف حاجة
المشرف اللي مش شغال و ثبت ده هيتشال ؟

الجويرية

20-09-2009, 05:50 PM

المشرف اللي مش شغال و ثبت ده هيتشال ؟

ده هانبعتله انذار لو مااتحسنتش هاتتشال
لو فضل كدة اكيييييد هايترفع
وجزاكم الله خيرا

Sherif Elkhodary

20-09-2009, 05:57 PM

طيب تمام انا بس كل اللي بقوله ان يبقي فيه متابعة للمشرفيين في كل الاقسام مش الديني بس فيه اقسام مش عليها سوبر
و ياريت يبقي فيه مراقبة ع السوبر و المشرفيين والاداريين انا كل لما اقول للورد الكلمتين دول يقولي بتتناقش في حجرة الاداريين

الجويرية

20-09-2009, 06:10 PM

ههههه
هى بصراحة المناقشات بتستمر فوق
بس هو فعلا الاخ اللورد عامل موضوع لتحديد الادوار
بس التفااااعل؟؟
عموما انا مع حضرتك فى تحليل المشرفات ان شاء اله
وجزاكم الله خيرا

MoHaMeD ELsHeRbEnY

20-09-2009, 07:43 PM

اولا اسف للتدخل
بس بعد مناقشاتكم بالكامل
هيبقى ليا تعليق بأذن الله على اكثر من حاجة
على فكرة فية طاقم ادارين جديد جارى المناقشة علية بأذن الله

الجويرية

24-09-2009, 04:33 PM

يااخ شريف روحت فين؟؟؟
ياريت يكون فى سرعة استجابة معلش
عاوزة خلال يومين اكون حددت مصير كل مشرف
انا مستنية حضرتك تبدا
لو عاوزنى انا ابدا مفييش مشاكل
وجزاكم الله خيرا

Sherif Elkhodary

24-09-2009, 05:31 PM

يااخ شريف روحت فين؟؟؟
ياريت يكون فى سرعة استجابة معلش
عاوزة خلال يومين اكون حددت مصير كل مشرف
انا مستنية حضرتك تبدا
لو عاوزنى انا ابدا مفييش مشاكل
وجزاكم الله خيرا
اخ شريف موجود و عنده سرعة الاستجابة
بس كنت بخلص شكلة
ماشي ابدأ انا
نبدأ بهنا ؟
كلمتك يوم الاجتماع المشئوم
اول اجتماع واخر اجتماع مع مشرفي الركن الديني
نتكلم عليها
حضرتك قولتي عندها ظروف قولتلك نشيلها قولتي لا
قولت ننقلها قولتي لا بردو و حصلت المشكلة وقتها
طيب الموضوع ده هيفضل لامتي
نبدأ بهنا ؟ و ننقلها لقسم مش نشيط و نحط مشرفة بتدخل عن هنا في قسمها ؟
و يكفي مشرفة واحدة علي حي ع الفلاح
يعني ممكن نجيب بنت دمنهور
او عاشقة جنة الفردوس علي اساس اننا كنا قولنا عليها
حضرتك عاوزة المناقشة تبقي كده ولا باي شكل ؟
معلش بس بدل ما ابعت للورد و هو مش موجود دلوقت
ممكن ترجعيلي موضوع حوار مع غير المسلمين قسم حي ع الفلاح
و ياريت ميتفتحش
وجزاكم الله خيرا
في امان الله

الجويرية

24-09-2009, 06:18 PM

اخ شريف موجود و عنده سرعة الاستجابة
بس كنت بخلص شكلة
ماشي ابدأ انا
اتفضل
نبدأ بهنا ؟
تمام
كلمتك يوم الاجتماع المشئوم
اول اجتماع واخر اجتماع مع مشرفي الركن الديني
نتكلم عليها
تمام
حضرتك قولتي عندها ظروف قولتلك نشيلها قولتي لا
قولت ننقلها قولتي لا بردو و حصلت المشكلة وقتها
طيب الموضوع ده هيفضل لامتي
انا قولت هاصبر عليها لبعد رمضان
وانا عملت الى عليا بعتلها انذارات كتير جدا ولا بترد عليها
ولا هى بتبعت تعتذر
ورمضان خلصت والمهلة خلصت معاه
علشان كدة قولت نناقش
نبدأ بهنا ؟ و ننقلها لقسم مش نشيط و نحط مشرفة بتدخل عن هنا في قسمها ؟
لا هنا اخدت فرصتها كتير وتواجدها ده مش هاينفع حتى مع قسم صوتيات
ممكن تترفع خالص ونشوف حد ممكن يدى اكتر؟
و يكفي مشرفة واحدة علي حي ع الفلاح
يعني ممكن نجيب بنت دمنهور
او عاشقة جنة الفردوس علي اساس اننا كنا قولنا عليها
كنت ممكن ايام الاجتماع اوافق لكن دلوقتى براتحة ولا موافقة على رنا ولا بنت دمنهور
اولا رنا تقدرر حضرتك تدخل تشوف اقسامها كلها مخالفات انا عارفة ان عندها ظروف بس من قبل الظروف كمان
فمش هاقدر اديها حى على الفلاح احنا عاوزين حد شعله نشاط ولم فى نفس الوقت
وياسمين مفروضة
لان كفاية عليها قسمها وهى بتحبه
حضرتك عاوزة المناقشة تبقي كده ولا باي شكل ؟
ايوة تمام كدة
نمسك مشرف مشرف ونحطه حت النظر ونشوف حكايته ايه لنحدد نهايته
معلش بس بدل ما ابعت للورد و هو مش موجود دلوقت
ممكن ترجعيلي موضوع حوار مع غير المسلمين قسم حي ع الفلاح
و ياريت ميتفتحش
وجزاكم الله خيرا
في امان الله
حااااضر
وجزاكم الله افضل منه
منتظرة رد حضرتك
فى رعاية الله وامنه

Sherif Elkhodary

24-09-2009, 06:34 PM

كنت ممكن ايام الاجتماع اوافق لكن دلوقتى براتحة ولا موافقة على رنا ولا بنت دمنهور
اولا رنا تقدرر حضرتك تدخل تشوف اقسامها كلها مخالفات انا عارفة ان عندها ظروف بس من قبل الظروف كمان
فمش هاقدر اديها حى على الفلاح احنا عاوزين حد شعله نشاط ولم فى نفس الوقت
وياسمين مفروضة
لان كفاية عليها قسمها وهى بتحبه
شعله نشاط
؟؟؟؟
في الاقسام الدينية ؟؟
قسم حي ع الفلاح بقا من اكتر اقسام المنتدي مخالفة
عمري مشوفته كده
انا طول شهر رمضان تقريبا مدخلتوش غير بالصدفة
لاني كنت مشغول في قسم الخيمة
طيب تقدري حضرتك تقولي اسماء لو عند حضرتك
بس انا شايف ان مفيش غير الاستاذ خالد سليمان
وانا مش موافق عليه
تقدري حضرتك تعرفي ليه من الموضوع اللي قولت لحضرتك ترجعيه
علي العموم مجتش علي قسم حي علي الفلاح
انا ممكن اشيله كمشرف
المهم في بقية الاقسام اللي كلها مخالفات مفيش غير بنت دمنهور اللي بتشتغل
اي نعم الباقيين بيدخلوا بس فيه مخالفات
ولا انا كلامي غلط
ولا ايه راي حضرتك ؟

الجويرية

24-09-2009, 06:43 PM

شعله نشاط
؟؟؟؟
في الاقسام الدينية ؟؟
ايوة
قسم حي ع الفلاح بقا من اكتر اقسام المنتدي مخالفة
عمري مشوفته كده
لانه بقى قسم نشيط يااخ شريف
ماشاء الله التواجد فيه بقى اكتر
انا طول شهر رمضان تقريبا مدخلتوش غير بالصدفة
لاني كنت مشغول في قسم الخيمة
طيب تقدري حضرتك تقولي اسماء لو عند حضرتك
بس انا شايف ان مفيش غير الاستاذ خالد سليمان
وانا مش موافق عليه
هو فعلا انشط واحد فيه حاليا
وان كمان مش موافقة لانه هايقلبه خالص
بس على اننا نلاقى حد ونشيط مش هانغلب نعمل فرز للمشاركات ونشوف الى يستحق
تقدري حضرتك تعرفي ليه من الموضوع اللي قولت لحضرتك ترجعيه
علي العموم مجتش علي قسم حي علي الفلاح
انا ممكن اشيله كمشرف
حضرتك سوبر يااخ شريف
خلى كل واحد يتحمل مسؤليته
دلوقتى اى مشرفة تيجى تغيب تقول ماالاخ شريف هاياخد باله منه
بقت الحكاية تواكل لعدم نشاط
انا عاوزاهم يعتمدوا على نفسهم ويكون فى رقابة وشديدة
المهم في بقية الاقسام اللي كلها مخالفات مفيش غير بنت دمنهور اللي بتشتغل
لا خوخة نبهتها وخلتها تنضف قسمها خالص ونشطت كام صفحة من ورا تقدر حضرتك تشوف القسم
ورنا بعتلها تنبيه من شوية وهاشوف ايه نظامها
اي نعم الباقيين بيدخلوا بس فيه مخالفات
ولا انا كلامي غلط
ولا ايه راي حضرتك ؟

تمام مع حضرتك فى كل كلمة
وانا اوزة رنا تترفع من صوتيات كفاية عليها البنت المسلمة لان الصوتيات كلللللللللللله مخالفات وعاوز اهتمام
وعاوزة اعين عليه بوسى
هى تواجدها كتير واعتقد انها ممكن تدى فيه جامد
ولا ايه رائ حضرتك؟
وجزاكم الله خيرا

الجويرية

24-09-2009, 06:44 PM

معلش هستاذن انا دلوقتى وبالليل هابقى اكمل المناقشة
وجزاكم الله خيرا

Sherif Elkhodary

24-09-2009, 06:54 PM

فعلا لازم يتعين مشرف علي حي علي الفلاح
انا لو شلت القسم دلوقت مين هيشيله بعد كده
علي العموم ممكن نشوف مين انشطط احد يمسك القسم

وعاوزة اعين عليه بوسى بوسي مين ؟؟
bosy 3
???
refused

MoHaMeD ELsHeRbEnY

24-09-2009, 10:39 PM

اولا اقسم بالله لا بجامل حد ولا يخصنى اى حاجة
بس دى شهادة حق
تعليق بسيط انا مش بدخل الاقسام الدينية كتير
بس حضراتكم بتقولو عاشقة الفردوس مش شغالة
وبتحكمو على كدة بناء على المخالفات الى فى القسم
طيب نعقلها مع بعض ؟
هوة مشرفين العام مش شغالين ؟
ودول تلاتة مع بعض ؟
القسم فية حالا 4 مواضيع مخالفة واكتر من رد مخالف
بس هما شعلة نشاط خصوصا شرين حاليا
القسم هوة الى نشيط
طيب لية منحكمش بناء على الشعل ؟
المهم رنا عاشقة الفردوس كـ شغل و كـ تواجد و كـ نشاط
من انشط مشرفى الركن الدينى واقسم بالله ما مجاملة ولكن شهادة حق
وهجيب برنت اسكرين لبنت دمنهور وعاشقة الفردوس
وتقارنو حضراتكم بينهم
عموما بعد كلامك كلة فى النهاية قبل تنفيذ اى شئ
ياريت يكون عندى علم بيه
فى رعاية الله

الجويرية

24-09-2009, 11:27 PM

فعلا لازم يتعين مشرف علي حي علي الفلاح
انا لو شلت القسم دلوقت مين هيشيله بعد كده
علي العموم ممكن نشوف مين انشطط احد يمسك القسم
خلاص تمام يعنى هنا هاتتشال
بوسي مين ؟؟
bosy 3
???
refused

هههههههههههه
ايه السبب يعنى ؟
والله دى نشيطة خالص

اولا اقسم بالله لا بجامل حد ولا يخصنى اى حاجة
بس دى شهادة حق
تعليق بسيط انا مش بدخل الاقسام الدينية كتير
بس حضراتكم بتقولو عاشقة الفردوس مش شغالة
محدش قال مش شغالة خالص
هى كانت فى فترة نشيطة جدا وجه قلت شوية مع ان عندها ظروف وده ذكرته بس نشاطها قل عماا كان
وبتحكمو على كدة بناء على المخالفات الى فى القسم
طيب نعقلها مع بعض ؟
هوة مشرفين العام مش شغالين ؟
ودول تلاتة مع بعض ؟
القسم فية حالا 4 مواضيع مخالفة واكتر من رد مخالف
بس هما شعلة نشاط خصوصا شرين حاليا
القسم هوة الى نشيط
تمام اوى
بس صوتيات المواضيع الغريبة اللى بالانجليزى دى بتقعد باليومين؟؟
وانا اللى بروح احذفها اكتر من مرة تحصل
طيب لية منحكمش بناء على الشعل ؟
المهم رنا عاشقة الفردوس كـ شغل و كـ تواجد و كـ نشاط
من انشط مشرفى الركن الدينى واقسم بالله ما مجاملة ولكن شهادة حق
وهجيب برنت اسكرين لبنت دمنهور وعاشقة الفردوس
وتقارنو حضراتكم بينهم
عموما بعد كلامك كلة فى النهاية قبل تنفيذ اى شئ
ياريت يكون عندى علم بيه
فى رعاية الله
لالا اكيد طبعا
ده مجرد نقاش لاتفاق على قرارات
كاننا فى اجتماع بالظبط
واكيد هانعلم حضرتك
وبالنسبة لرنا فانا عمرى ماهستغنى عنها ولا هى ولا بنت دمنهور لانهم فعلا نادر الاقى حد زيهم
وجزاكم الله خيرا

Sherif Elkhodary

25-09-2009, 01:03 AM

ايه السبب يعنى ؟
انا قولت رافض
بلاش اقول الاسباب
بس العضوة دي لو بقت مشرفة
هيبقي اكتر قرار سلبي اخدتوه
ها حضرتك شايفة مين يتعين علي حي علي الفلاح ؟
و ياريت المشرف اللي يمسك قسم ميمسكش غيره

اولا اقسم بالله لا بجامل حد ولا يخصنى اى حاجة
بس دى شهادة حق
تعليق بسيط انا مش بدخل الاقسام الدينية كتير
بس حضراتكم بتقولو عاشقة الفردوس مش شغالة
بالعكس هي انشط مشرفة في الركن هي وبنت دمنهور
بس هنخفف من عليها قسم

وبتحكمو على كدة بناء على المخالفات الى فى القسم
طيب نعقلها مع بعض ؟
هوة مشرفين العام مش شغالين ؟
ودول تلاتة مع بعض ؟
القسم فية حالا 4 مواضيع مخالفة واكتر من رد مخالف
بس هما شعلة نشاط خصوصا شرين حاليا
القسم هوة الى نشيط
متناقضش نفسك يا محمد

الجويرية

25-09-2009, 01:24 AM

انا قولت رافض
بلاش اقول الاسباب
بس العضوة دي لو بقت مشرفة
هيبقي اكتر قرار سلبي اخدتوه
يااخ شريف ياريت اسباب
من غير اسباب للاسف مايعتبرش رفض
انا مش شايفة انها فيها حاجة
وهى نشيطة عموما
ها حضرتك شايفة مين يتعين علي حي علي الفلاح ؟
و ياريت المشرف اللي يمسك قسم ميمسكش غيره
هو فعلا هانخصص لكل شخص قسم واحد
انا مش عارفة صراحة لحد دلوقتى
بس عاوزة حد عنده علم اهم حاجة
كان فى اخ اسمه ابو البراء محمد تقريبا
ده كان نشيط بس تقريبا مبقاش يدخل

مش عارفة ياريت حضرتك تقترح
او ممكن نعين عليه الاخ ساى اوبريشن؟
ونعين حد مكانه على الشاب المسلم؟
هو بصراحة قسم الشاب المسلم متابع كوويس
منتظرة رائ حضرتك
وجزاكم الله خيرا

MoHaMeD ELsHeRbEnY

25-09-2009, 01:47 AM

بالعكس هي انشط مشرفة في الركن هي وبنت دمنهور
بس هنخفف من عليها قسم

على اى اساس هيا نشيطة وتخفف عليها قسم ؟
الغلطة من البداية يا شريف لو التعين كان غلط
بس مينفعش نصلح الغلط بغلط اكبر
انا مقدرش ارفع مشرف وهوة شغال وبنشاط
تقدر تعين معاها حد لو تحب اما ارفعها وهيا نشيطة
للاسف مينفعش

متناقضش نفسك يا محمد

انا مش متناقض والله يا اخ شريف
انا بتكلم عليهم بصفة عامة
هما انشط مشرفين فى المنتدى بالكامل من بداية تعينهم
وخصوصا ياسمين وطبعا ولاء كانت معاها
حاليا ياسمين ومها فى اجازة على ما اعتقد
وشرين نشيطة ما شاء الله
اية التناقض الى فى كدة ؟
عموما دا كان مجرد مثال مش بفرضهم والله

Sherif Elkhodary

25-09-2009, 01:55 AM

يااخ شريف ياريت اسباب
من غير اسباب للاسف مايعتبرش رفض
انا مش شايفة انها فيها حاجة
وهى نشيطة عموما
خلاص يبقي متعتبرهوش رفض :)

هو فعلا هانخصص لكل شخص قسم واحد
انا مش عارفة صراحة لحد دلوقتى
بس عاوزة حد عنده علم اهم حاجة
كان فى اخ اسمه ابو البراء محمد تقريبا
ده كان نشيط بس تقريبا مبقاش يدخلمحمد ابوا البراء بيدخل ع الميل
بس ما اعتقدش انه هيوافق
هقوله ولو وافق هقولكوا

مش عارفة ياريت حضرتك تقترح
او ممكن نعين عليه الاخ ساى اوبريشن؟
ونعين حد مكانه على الشاب المسلم؟
هو بصراحة قسم الشاب المسلم متابع كوويس
منتظرة رائ حضرتك
وجزاكم الله خيرا
ماشي موافق محمود يمسك القسم
بس مين هيمسك قسم الشاب المسلم
ممكن نسيب محمود عليه علي اساس انه مش نشيط
انا مش شايف حد نشيط في القسم
كنت هقول ابو تريكة سابقا
بس هو حاليا مش فاضي
بيلعب العضو المجهول:bosyht9:

على اى اساس هيا نشيطة وتخفف عليها قسم ؟
الغلطة من البداية يا شريف لو التعين كان غلط
بس مينفعش نصلح الغلط بغلط اكبر
انا مقدرش ارفع مشرف وهوة شغال وبنشاط
تقدر تعين معاها حد لو تحب اما ارفعها وهيا نشيطة
للاسف مينفعشعلي اساس انها تهتم بالقسم بتاعها اكتر
يعني نشاطها ينصب في قسم واحد احسن من قسمين
لو الغلط في التعيين متحاسبنيش انا
مين قال اننا هنرفعها
احنا هنرفع هنا عشان مش بتدخل
احنا مش هنرفعها احنا هنشيل منها قسم

انا مش متناقض والله يا اخ شريف
مسمعتش منك الكلمة دي من اول مسجلت :)
انا بتكلم عليهم بصفة عامة
هما انشط مشرفين فى المنتدى بالكامل من بداية تعينهم
وخصوصا ياسمين وطبعا ولاء كانت معاها
حاليا ياسمين ومها فى اجازة على ما اعتقد
وشرين نشيطة ما شاء الله
اية التناقض الى فى كدة ؟
عموما دا كان مجرد مثال مش بفرضهم والله مفيش يا محمد انا اسف :)

MoHaMeD ELsHeRbEnY

25-09-2009, 02:15 AM

علي اساس انها تهتم بالقسم بتاعها اكتر
يعني نشاطها ينصب في قسم واحد احسن من قسمين
لو الغلط في التعيين متحاسبنيش انا
مين قال اننا هنرفعها
احنا هنرفع هنا عشان مش بتدخل
احنا مش هنرفعها احنا هنشيل منها قسم

شريف انا بعين بأساس وبرفع بأساس
انا بمشى برأى الاغلبية بس بناء على نقاط معينة
مشرف نشيط ؟ متواجد ؟ لة شغل داخل قسمة ؟
مقدرش ارفعة
لو القسم كتير علية
اعين معاة حد يشيل القسم معاة
لكن مرفعوش يا شريف لانة مش شغال عندى انقلة بمزاجى
لانها نشاطها حاليا زى بداية تعينها متغيرش هيا نشاطها زاد فى فترة من الفترات
ولكن فى بداية التعين على القسمين وحاليا مفيش اى تغير
ولو الغلط فى التعين طبعا مش هحاسبك انت ولا انا
بس هيا ملهاش دعوة مين موجود ومين مشى
هيا ليها انها مشرفة فى ادارة بوابة الثانوية العامة
بالنسبة لقرار رفع هنا بردة لا موافق ولا رافض الى انتم شايفينة صح اتفقو علية
وفى الاخر هشوف شغلها ودخولها وانا شفتها من فترة فعلا دخولها شبة منعدم
ونقول موافقة مبدائية
وفية اقتراح هيتناقش بأذن الله عن الدورة اشرافية هتنشط المشرفين بشكل اكبر
ربنا يسهل ان شاء الله

مسمعتش منك الكلمة دي من اول مسجلت :)

كلمة اية ياباشا ؟

مفيش يا محمد انا اسف :)

مش هرد عليك ياشريف :)

Sherif Elkhodary

25-09-2009, 02:20 PM

شريف انا بعين بأساس وبرفع بأساس
طيب يا باشا
اساس ايه اللي بترفعه
بتربي مشرف اني يبقي سوبر ولا ايه :)
و بترفع اساس مين ؟
مش فاهم بجد
انا بمشى برأى الاغلبية بس بناء على نقاط معينة
مشرف نشيط ؟ متواجد ؟ لة شغل داخل قسمة ؟
مقدرش ارفعة
مين جاب سيرة رفع ؟
لو القسم كتير علية
اعين معاة حد يشيل القسم معاة
وليه متعينوش علي قسم و تجيب حد تاني علي قسم من اقسام الاولاني اللي اترفع من عليها
لكن مرفعوش يا شريف لانة مش شغال عندى انقلة بمزاجى
لانها نشاطها حاليا زى بداية تعينها متغيرش هيا نشاطها زاد فى فترة من الفترات
مش بقولك متناقضي نفسك يا باشا
انت نفسك قايلي ع الميل محدش بيبقي نشيط زي الاول
و كلنا بنبقي كده في الاول
ولكن فى بداية التعين على القسمين وحاليا مفيش اى تغير
ولو الغلط فى التعين طبعا مش هحاسبك انت ولا انا
بس هيا ملهاش دعوة مين موجود ومين مشى
هيا ليها انها مشرفة فى ادارة بوابة الثانوية العامة
مش عارف ليه يا محمد محسسني اننا ظلمنا المشرفة و بنطالب برفعها
بالنسبة لقرار رفع هنا بردة لا موافق ولا رافض الى انتم شايفينة صح اتفقو علية
اللي احنا شايفينه صح رفع هنا
وفى الاخر هشوف شغلها ودخولها وانا شفتها من فترة فعلا دخولها شبة منعدم
ونقول موافقة مبدائية
وفية اقتراح هيتناقش بأذن الله عن الدورة اشرافية هتنشط المشرفين بشكل اكبر
ربنا يسهل ان شاء الله
اكيد جار المناقشة صح :d

كلمة اية ياباشا ؟
اخ شريف :)

مش هرد عليك ياشريف :)

طويب :romarioxp6:
شكرا يا حاج محمد :)

MoHaMeD ELsHeRbEnY

25-09-2009, 02:42 PM

طيب يا باشا
اساس ايه اللي بترفعه
بتربي مشرف اني يبقي سوبر ولا ايه :)
و بترفع اساس مين ؟
مش فاهم بجد

الاساس الى انت بتتريق علية يا شريف
هوة الكلام الى بعد الجملة دى تقدر تشوفة فوق تانى

مين جاب سيرة رفع ؟

انت مش بتقول هنخفف عنها قسم ؟
وطبعا دا مش هينفع بناء على الكلام الى انا سبق ووضحتة
دا بقول علية رفع مليش دعوة هيا مشرفة على قسم تانى ولا لا
انا بتكلم على قسم معين يا شريف

وليه متعينوش علي قسم و تجيب حد تاني علي قسم من اقسام الاولاني اللي اترفع من عليها

لانة مش شغال عندى اعين بمزاجى وانقل بمزاجى ياشريف
هيا شغلها قل عن بداية تعينها على القسم ؟
فى الحالة دى نقدر نقول الكلام دة
لكن شغلها مقلش فى بداية تعينها نهائيا
وطبعا انت والاخت اية فى الوقت دة مكنتوش متابعين الركن بشكل كافى
الاخت اية كان ليها ركن تانى وانت كنت رافض الاشراف
واللوحة هيا الى تحكم
هجيبلك برنت اسكرين لشغلها القديم وشغلها الحالى بأذن الله

مش بقولك متناقضي نفسك يا باشا
انت نفسك قايلي ع الميل محدش بيبقي نشيط زي الاول
و كلنا بنبقي كده في الاول

شريف انا كلمت على عاشقة الفردوس على الميل قبل كدة ؟
انت لية بتدخل الخطوط فى بعضها ياباشا ؟
احنا تقريبا كنا بنكلم على خوخة لو تفتكر

مش عارف ليه يا محمد محسسني اننا ظلمنا المشرفة و بنطالب برفعها

ايوة طبعا معنى تخفيف قسم على مشرفة
ملهاش معنى غير انها شغالة تحت رعايتنا
ننقلها بمزاجنا ونعينها بمزاجنا !!
وطبعا دا مينفعش

اللي احنا شايفينه صح رفع هنا

الى تشوفوة صح اتفقو علية
ويا اخت اية بعد اذنك بعد انتهاء النقاش تماما
كل الى اتفقتو علية اعملية فى موضوع فى حجرة الادارين
وهراجعة من اللوحة بأذن الله

اخ شريف :)

منش فاهم اية الغلط الى فيها ياشريف
بس لو تقصد ان دا مش اسلوبنا مع بعض
فانا والله ما اقصد
تقدر تقول غلطة مطبعية :d

فى رعاية الله

الجويرية

25-09-2009, 02:42 PM

احم احم
الله يخربيت الاجتماعات واللى بتفكر تعملها علشان الواحد يرتاح
انا كدة تيقنت بجد ان الفقر فقر
يااخ اللورد
ده كانه اجتماع بينى وبين الاخ شريف بس بدل مايكون على الخاص فهو على العام
يعنى مجرد مناقشة بس
احنا لسه ولا اتكلمنا فى قرارات ولا فى اى حاجة مناقشة للقسم
واى شئ هانعلم حضرتك بيه
ولحضرتك القبوول والرفض طبعا
فمفيش داعى للخلافات دى كلها الله يخليكم
شكل الابالسة ماصدقوا يتفكوا وشغالين
فاستهدوا باله كدة
وهارد شوية ان شاء الله
وجزاكم الله خيرا

MoHaMeD ELsHeRbEnY

25-09-2009, 02:49 PM

يعنى مجرد مناقشة بس

ما هيا المناقشة دى انا شايف ان حضراتكم بتقنعو بعض على حاجة غلط !!
وبما انى على علم بيها وشايفها فى اللوحة
لية اسيبكو تتفقو وتكلمو وتقنعو بعض
وفى الاخر اقولكم لا مينفعش ؟
عموما انا غلطان انى بريحكم اتفضلو كملو براحتكم
بس ياريت مفيش اى مشرف يعرف بالكلام دا نهائيا
مش هرد هنا تانى ان شاء الله
بس ياريت يا اخت اية تخالى بالك من نقطة مهمة
عشان تريحكم كتير فى المناقشة
مش هينفع نصلح الغلط بغلط اكبر منة

Sherif Elkhodary

25-09-2009, 03:07 PM

الاساس الى انت بتتريق علية يا شريف
هوة الكلام الى بعد الجملة دى تقدر تشوفة فوق تانى
والله متريقة
قولي اساس ايه انا مش فاهم من كلامك اللي فوق حاجة

شريف انا كلمت على عاشقة الفردوس على الميل قبل كدة ؟
انت لية بتدخل الخطوط فى بعضها ياباشا ؟
احنا تقريبا كنا بنكلم على خوخة لو تفتكر
مش خوخة ولا غيرها ولا بدخل خطوط انت اللي مش فاهمني
يا باشا انت اتكلمت بوجه عام قولت كل المشرفيين في البداية كده
متجيش تغير كلامك دلوقت

ما هيا المناقشة دى انا شايف ان حضراتكم بتقنعو بعض على حاجة غلط !!

عموما انا غلطان انى بريحكم اتفضلو كملو براحتكم
يعني بعد ما اتعب واتكلم كل ده تقولي مش هيتنفذ ؟
مش عارف يا محمد بجد
مش عاوز اقولك كلمة انا متأكد انها ممكن تزعلك
بس يلا في داهية الكلام كله ولاتزعل

مش هرد هنا تانى ان شاء الله
لا يا باشا رد عليا
الكلام هيبقي اجتماع بيني و بينك مش بيني وبين اخت ايه

مش هينفع نصلح الغلط بغلط اكبر منة

انا بقي عاوز اعرف الغلط والغلط اللي اكبر منه

..Just Stop

25-09-2009, 04:30 PM

هتوحشنى المناقشات دى
:d
كملو كملو ربنا معاكم
:d

MoHaMeD ELsHeRbEnY

25-09-2009, 05:31 PM

مش خوخة ولا غيرها ولا بدخل خطوط انت اللي مش فاهمني
يا باشا انت اتكلمت بوجه عام قولت كل المشرفيين في البداية كده
متجيش تغير كلامك دلوقت

كنت ناوى مردش تانى بس لازم اوضح
الكلام الى انا قولتة كان بناء على كلامنا على خوخة يا شريف
وقولت ليك اى مشرف فى بداية تعينة بيكون شعلة نشاط
اما عاشقة الفردوس بداية تعينها زى دلوقتى بالظبط
دا الى بقولة يا شريف

يعني بعد ما اتعب واتكلم كل ده تقولي مش هيتنفذ ؟
مش عارف يا محمد بجد
مش عاوز اقولك كلمة انا متأكد انها ممكن تزعلك
بس يلا في داهية الكلام كله ولاتزعل

لا اله الا الله
يعنى لا كدة عاجب ولا كدة عاجب ؟
عموما انا من حقى ارفض اى شئ طالما عندى سبب واضح
واعتقد انى وضحت فوق كل كلامى
وكنت بتناقش كمان معاك والاخت اية رفضت وفعلا هيا معاها حق
انا غلطان انى تدخلت

لا يا باشا رد عليا
الكلام هيبقي اجتماع بيني و بينك مش بيني وبين اخت ايه

لا ياباشا انا مش فى اجتماع انا بوضح خطأ مش اكتر

انا بقي عاوز اعرف الغلط والغلط اللي اكبر منه

عنيا ياباشا
الغلط هوة تعين عاشقة الفردوس على قسمين فى وقت واحد
والغلط الى اكبر منة هوة انى ارفعها من على قسم منهم هيا نشاطها متغيرش فية
ثابت يعنى لو عاوزين نصلح الخطأ دة
بنيعن معاها حد انشط منها فى الحالة دى بنعمل مقارنة ونقدر نرفعها

شريف معلش لو تحب تتناقش معايا وترد على المشاركة دى
بلاش نبوظ الموضوع دة
كمل انت والاخت اية هنا براحتكم خالص
واعمل موضوع جديد انا بس الى هرد عليك فية
فى رعاية الله

Sherif Elkhodary

25-09-2009, 05:41 PM

كنت ناوى مردش تانى بس لازم اوضح
الكلام الى انا قولتة كان بناء على كلامنا على خوخة يا شريف
وقولت ليك اى مشرف فى بداية تعينة بيكون شعلة نشاط
اما عاشقة الفردوس بداية تعينها زى دلوقتى بالظبط
دا الى بقولة يا شريف
طيب ايه رايك ان الكلام كان عليا انا مش علي خوخة ؟؟؟؟:d

الغلط هوة تعين عاشقة الفردوس على قسمين فى وقت واحد
ومين يتحمل نتيجة الخطأ ده ؟

الموضوع مش اشكال يبوظ يبقي يتحذف بعد لما نكمل
مش عارف ليه انت متمسك بالموضوع اوي
مع ان المجاهد عين في كلمتين
ولما اجي اتكلم ودي مجرد مناقشة شايفك زعلت او مش موافق
علي العموم صل خير انا قولت وجهة نظري
ها يا اخت ايه قولتي ايه علي هنا ؟
محمد ابو البرا مش بيدخل

الجويرية

25-09-2009, 05:59 PM

وكنت بتناقش كمان معاك والاخت اية رفضت وفعلا هيا معاها حق
انا غلطان انى تدخلت

معرفش حضرتك فهمت كلامى ازاى بصراحة
ده كان مجرد توضيح ان دى مجرد مناقشة مش قرارات لسه بس
لكن مقولتش حاجة على تدخل حضرتك وده مش تدخل ده حق
حق اى حد يناقش ويعترض
وجزاكم الله خيرا

الجويرية

25-09-2009, 06:41 PM

ها يا اخت ايه قولتي ايه علي هنا ؟
محمد ابو البرا مش بيدخل
هنا هاتترفع يااخ شريف
وممكن نعين الاخ ساى على حى على الفلاح مكانها
كدة تمام؟؟
ولا فى حاجة فيها اعتراض؟

وبوسى هاتتعين خلاص مع رنا على صوتيات؟؟؟
وجزاكم الله خيرا

Sherif Elkhodary

25-09-2009, 06:58 PM

طيب خلاص تمام
اعتقد اننا ما اتنقشناش في حاجة واتنفذت غير محمود ساي
علي العموم كويس
معتقدش ان فيه حاجة تانية محتاجة مناقشة
في امان الله

الجويرية

25-09-2009, 07:05 PM

اعتقد اننا ما اتنقشناش في حاجة واتنفذت غير محمود ساي

مش فاهمة???
يعنى حضرتك مش موافق على الباقى ولا ايه؟

Sherif Elkhodary

25-09-2009, 07:16 PM

هو ايه الباقي
اتفقنا اننا نشيل اخت رنا من علي صوتيات اللورد موافقش
قولت بلاش نعين بوسي وافقتوا
ولو عاوزين اسباب
عدم احترام الغير
و ياريت محدش يدخل يقول ده بيربط بينه وبين موقف حصل معاه
والله مش كده خالص
هل فيه حاجة اتفقنا عليها و هتتنفذ ؟

الجويرية

25-09-2009, 07:26 PM

هو ايه الباقي
اتفقنا اننا نشيل اخت رنا من علي صوتيات اللورد موافقش
صح
قولت بلاش نعين بوسي وافقتوا
ولو عاوزين اسباب
عدم احترام الغير
لا ياخ شريف انا وافقت باسباب مش مش عدم احترام للغير ابدا
انا قولت لو رفض بدون سبب حتى واحد مش هايبقى رفض
لانه كدة مش مقنع؟
و ياريت محدش يدخل يقول ده بيربط بينه وبين موقف حصل معاه
والله مش كده خالص
هل فيه حاجة اتفقنا عليها و هتتنفذ ؟

انا وضحت ةجهة نظرى من ناحية بوسى
لو شايفنى غلط قولى
رفض موافقة بس سبب واحد

لكن بالنسة للورد
فمعرفش بقى
وجزاكم الله خيرا

Sherif Elkhodary

25-09-2009, 07:37 PM

لا ياخ شريف انا وافقت باسباب مش مش عدم احترام للغير ابدا
انا قولت لو رفض بدون سبب حتى واحد مش هايبقى رفض
لانه كدة مش مقنع؟
انا قولت السبب اللي عندي
واللي انتي شايفاه صح
اكيد تعاملك معاها غيري
فيه حاجة تاية غير المشرفيين نتناقش فيها ؟
كان محمود ساي بيتكلم علي المواضيع المثبتة
ايه راي حضرتك في المواضيع المثبتة في الركن الديني
باستثناء قسم حي ع الفلاح
هظبطه انا بس مستني حاجة كده
وايه راي حضرتك في موضوع الارشيف ؟
انا كنت بفكر اعمل موضوع خطبة الجمعة زي موضوع الداعية
و نبلغ اللي هيقولها قبلها بيوم
و اهي بالمرة هتساعده علي الاستفادة والتركيز في الخطبة :d

الجويرية

26-09-2009, 12:21 AM

انا قولت السبب اللي عندي
واللي انتي شايفاه صح
اكيد تعاملك معاها غيري
لا منا مش عاوزة اعين حد من غير اقتناع
او اكون ديكتاتورية فى حكم
فيه حاجة تاية غير المشرفيين نتناقش فيها ؟
لا قضايا عاملة للركن بس
اى ملاحظة يعنى
كان محمود ساي بيتكلم علي المواضيع المثبتة
ايه راي حضرتك في المواضيع المثبتة في الركن الديني
محتاجة تطهير جامد
احنا ممكن نطلب من ك مشرفة انها تشيل كل اللى متثبت وتعيد من تانى على نضيف تثبت اللى يستحق
وكحد ادنى يكون 4 تثبيتات لكل قسم مايزيدوش
تمام؟
باستثناء قسم حي ع الفلاح
هظبطه انا بس مستني حاجة كده
وايه راي حضرتك في موضوع الارشيف ؟
مش فاهمة
موضوع ارشيف ايه؟؟

انا كنت بفكر اعمل موضوع خطبة الجمعة زي موضوع الداعية
و نبلغ اللي هيقولها قبلها بيوم
و اهي بالمرة هتساعده علي الاستفادة والتركيز في الخطبة :d

كويس بس التفاعل؟؟
عموما موافقة ان شاء الله
وربنا ييسر
وياريت تاكيد ع الكلام
وجزاكم الله خيرا

Sherif Elkhodary

26-09-2009, 12:32 AM

لا منا مش عاوزة اعين حد من غير اقتناع
او اكون ديكتاتورية فى حكم
طيب منا قولت مش موافق وقولت سبب قولتي مش مقنع
طب اعمل ايه ؟

محتاجة تطهير جامد
احنا ممكن نطلب من ك مشرفة انها تشيل كل اللى متثبت وتعيد من تانى على نضيف تثبت اللى يستحق
وكحد ادنى يكون 4 تثبيتات لكل قسم مايزيدوش
تمام؟
اها تمام
بس بلاش نحدد حد ادني
دي هترجع لنوعية المواضيع

مش فاهمة
موضوع ارشيف ايه؟؟
موضوع الارشيف اللي كنت كلمت حضرتك عليه
وهو عبارة عن احلي موضوعات السنوات اللي فاتت بس محتاج مساعدة
هيام قالتلي هساعدك فيه بس من ساعتها مشوفتهاش

كويس بس التفاعل؟؟
عموما موافقة ان شاء الله
وربنا ييسر
وياريت تاكيد ع الكلام
وجزاكم الله خيرا
موافق ع الكلام اللي قولته

الجويرية

26-09-2009, 09:04 PM

طيب منا قولت مش موافق وقولت سبب قولتي مش مقنع
طب اعمل ايه ؟
هو حضرتك قولت سبب اصلا علشان اقول مش مقنع؟؟

اها تمام
بس بلاش نحدد حد ادني
دي هترجع لنوعية المواضيع

بس بتكون المواضيع كتيرة اووووووووووى
وشكل القسم تقريبا نصه مثبت اول صفحة
موضوع الارشيف اللي كنت كلمت حضرتك عليه
وهو عبارة عن احلي موضوعات السنوات اللي فاتت بس محتاج مساعدة
هيام قالتلي هساعدك فيه بس من ساعتها مشوفتهاش
اهاا مكتبة بمواضيع وكدة؟
بصراحة مقدرش اوعد حضرتك انى هاكون متابعة كويس
لانى هاتغيب فترة مش قليلة
ممكن نعمل حملة على حى ع الفلاح وتبقى بتضم كل مشرفين الركن الدينى
ومعتقدش حد هايتاخر
وياريت حضرتك تشوف الموضوع ده
http://www.thanwya.com/vb/showthread.php?t=63160
موافق ع الكلام اللي قولته

ياريت لو فى اى طلب تانى تقوله
وحضرتك اخدت موافقة الاخ ساى؟
وجزاكم الله خيرا

Sherif Elkhodary

27-09-2009, 01:30 AM

هو حضرتك قولت سبب اصلا علشان اقول مش مقنع؟؟

قولت بلاش نعين بوسي وافقتوا
ولو عاوزين اسباب
عدم احترام الغير
و محمود ساي قال ربنا يسهل
تقريبا موافق
حلو موضوعك ده
ممكن اكمل فيه
ربنا يقدم اللي فيه الخير
وحكاية التثبيت دي اكيد هيكون فيه متابعة بس مش عاوزين نخنق المشرف و نحدد عدد موضوعات

الجويرية

27-09-2009, 12:08 PM

و محمود ساي قال ربنا يسهل
تقريبا موافق
حلو موضوعك ده
ممكن اكمل فيه
ربنا يقدم اللي فيه الخير
وحكاية التثبيت دي اكيد هيكون فيه متابعة بس مش عاوزين نخنق المشرف و نحدد عدد موضوعات

بالنسبة لبسمة فخلاص احتراما لراى حضرتك
بس دى مهمة حضرتك الاشراف على القسم اول باول مع رنا
وبالنسبة لاخ ساى فتمام كدة ويترفع من الشاب علشان يتفرغ لحى ع الفلاح
ويتعين بداله الاخ بانزر اعتقد انه نشيط اوى وممكن يصحى القسم؟؟
والباقى تمام
ياريت تاكيد ع رفع الاخ ساى وتعيين الاخ بانزر علشان اعمل موضوع فى الاداريين بالمطلوب
وجزاكم الله كل خير

Sherif Elkhodary

27-09-2009, 04:13 PM

ويتعين بداله الاخ بانزر اعتقد انه نشيط اوى وممكن يصحى القسم؟؟
بانزر ؟
يانزر قسمه انشط من العام
اعتقد عليه ضغط كتير اوي
هيهمل واحد من القسمين علي حساب التاني

الجويرية

28-09-2009, 12:34 PM

خلاص تمام خلى بقى الاخ ساى عليه مؤقتا وهو اساسا قسم مش نشيط
انا هاعمل موضوع ف الاداريين باللى اتفقنا عليه
وجزاكم الله خيرا

Sherif Elkhodary

28-09-2009, 03:28 PM

تمام و انا بعت رسالة لاخت رنا و قولتلها الاهتمام بالقسم بتاع صوتيات
وانا طلعت عيني في القسم والله
وبنت دمنهور وخوخة بقوا كويسيين
و اصلا بانزر مش موافق علي الاشراف
و ان شاء الله هساعد محمود في قسم حي علي الفلاح
موافق علي كده ان شا ءالله
بس كان عندي ملحوظة
اخت هنا بتدخل اليومين دول
ممكن نعين محمود مع هنا علي القسم
بدل منشيلها عشان شايف انها بتدخل اليومين دول
ولا ايه راي حضرتك ؟

الجويرية

28-09-2009, 03:34 PM

اخت هنا بتدخل اليومين دول
ممكن نعين محمود مع هنا علي القسم
بدل منشيلها عشان شايف انها بتدخل اليومين دول
ولا ايه راي حضرتك ؟

اوووك خلاص ماشى
وهى كانت زعلانة اوى انها هاتترفع
ممكن ده يكون انذار ليها علشان تشتغل كويس؟
خلاص الاخ ساى يبقى معاها
وجزاكم الله خيرا

Sherif Elkhodary

28-09-2009, 03:43 PM

خلاص تمام ان شاء الله و انا هكلم محمود
وباذن الله لو ظهر حد نشيط في قسم الشاب المسلم هنعينه مع محمود
في امان الله

..Just Stop

28-09-2009, 04:03 PM

اوووك خلاص ماشى
وهى كانت زعلانة اوى انها هاتترفع
ممكن ده يكون انذار ليها علشان تشتغل كويس؟
خلاص الاخ ساى يبقى معاها
وجزاكم الله خيرا
اسف عى المداخلة
بس هنا هتترفع واللا لا؟

Sherif Elkhodary

28-09-2009, 04:52 PM

اسف عى المداخلة
بس هنا هتترفع واللا لا؟
لا يا حودا
هي بتدخل اليومين دول
لو حصل تقصير
تترفع لانها قصرت كتير في حق القسم وكل مرة كنا بنقول هنسيبها شوية

..Just Stop

28-09-2009, 08:44 PM

طب تمام كدا
ربنا معاكم
دمتم فى رعاية الله

الجويرية

29-09-2009, 09:19 AM

تم التنفيذ
وتم انشاء قسم اذاعة القرآن الكريم
ايه رائ حضرتك يتعين عليه الاخ صوت الامة ؟
وممكن كمان يمسك قسم الشاب المسلم؟
ولا هايبقى كتير؟
وجزاكم الله خيرا

Sherif Elkhodary

29-09-2009, 03:23 PM

طيب جميل
لا خلي صوت الامة علي الاذاعة
نشوفه نشاطه الاول
لو نشاطه كويس نعينه علي الشاب المسلم

الجويرية

29-09-2009, 05:51 PM

خلاص تمام ان شاء الله
وجزاكم الله خيرا

Sherif Elkhodary

01-10-2009, 04:19 PM

هيا القوانين بتبقى على مزاج حد يا شريف ؟
الى مش عاجبة قانون انا او غيرى هبعت لمشرفة القسم او ليك على الخاص
نتناقش فية
اما معملش موضوع قوانين موضوع نقاشى !

اقتباس:
وما اعتقدش في موضوع قوانين بيغلق ف الاقسام التانية
للاسف مش عارف اقول لحضرتك اية
مفيش موضوع قوانين فى الاقسام التانية الا وكان مغلق
وتقدرى حضرتك تتابعى بنفسك اى قسم ما عدا الركن الدينى
انا لسة بتابعة حاليا
فى رعاية الله

ممكن نتناقش في الموضوع ده هنا ؟
اولا
انا كان عندي اعتراض علي عنوان الموضوع و غيرته ل قوانيين القسم نرجو الالتزام
والاخت غيرته تاني
نسيبنا من العنوان والحاجات التافهة دي
القوانيين كلها باللغة العامية
و ده مفروض قسم ديني نتكلم فيه باللغة العربية
انا كان ليا اعتراض بردو علي الايموشن الموجود كتير اوي في الموضوع
مع اني كاتب في قوانيين قسم من الاقسام ممنوع وضع ايموشن كتير اوي كده
انا كنت هغير كل ده
بس جيت اغير العنوان الاخت اعترضت وقالتلي كده احسن
و هيفهموه كده اكتر
ياريت نتناقش في الموضوع ده
في امان الله

Sherif Elkhodary

02-10-2009, 05:25 PM

طيب بما ان موكوع القوانيين ده خلص علي خير
ياريت يا اخت ايه تقولي رايك اننا نشيل محمود من ع الشاب المسلم
و نحطه علي صوتيات ؟

MoHaMeD ELsHeRbEnY

02-10-2009, 05:44 PM

شريف انا اسف مأخدتش بالى من المشاركة بتاعتك والله

انت مقتنع برأى فى الموضوع بتاع القوانين ولا لا ؟

ثم انا معاك ان العنوان لا يليق بالادارة

وبردة فى الايموشن الكتير دة

ياريت تقولى رأيك فى الكلام دا

مع العلم ان هيام نفذت رأى وحذفت المشاركات وقفلت الموضوع

والاخت المشرفة دخلت رجعت المشاركات وفتحت الموضوع

هوة الموضوع عافية ولا اية ؟

منتظر رأيكم

فى رعاية الله

Sherif Elkhodary

02-10-2009, 06:28 PM

شريف انا اسف مأخدتش بالى من المشاركة بتاعتك والله

انت مقتنع برأى فى الموضوع بتاع القوانين ولا لا ؟
عن نفسي مش مقتنع
ثم انا معاك ان العنوان لا يليق بالادارة
انا عدلت العنوان اول متعينت و بعتلها رسالة
و رجعت هي غيرته وقالتلي معلش كده هيشد الناس اكتر !!!
وبردة فى الايموشن الكتير دة

ياريت تقولى رأيك فى الكلام دا

مع العلم ان هيام نفذت رأى وحذفت المشاركات وقفلت الموضوع
انا كان ممكن احذف المشاركات واقفل الموضوع
و كان ممكن احذف المشاركة ومترجعش تاني
بس واحنا ليه نعمل مشاكل
احنا عاوزين نتفق علي حل

والاخت المشرفة دخلت رجعت المشاركات وفتحت الموضوع

هوة الموضوع عافية ولا اية ؟

منتظر رأيكم

فى رعاية الله
انا بعتلها رسالة امبارح
قولتلها كده ميصحش
لازم تستاذن من المشرفة اللي حذفت المشاركات
قالتلي انا قولتلها و اتفقت معاها هي واللورد

MoHaMeD ELsHeRbEnY

03-10-2009, 07:55 AM

..Just Stop

03-10-2009, 09:04 AM

احم
صباح الخير
ها يا جماعة وصلتو لايه؟
:d

Sherif Elkhodary

03-10-2009, 12:45 PM

اتفقت معايا على اية ؟
هيا قالت ليا الموضوع الى قبلة بتاع القوانين كان على نفس النظام
وانا بصراحة مكنتش طايقها
فقولت لها انا قولت رأى وطالما انتم مقتنعين بالكلام دة
ادارة الركن الدينى يعنى خلاص الى تشوفوة
بس انا ما زلت عند رأى فى حالة ظهور اى سلبيات هكون متمسك برأى
يعنى انا لا وافقت ولا رفضت

دي رسالتي

يا اخت هنا
يعني انا مكنتش اقدر ارجع الردود اللي اتحذفت
يجب الاستئذان من المشرفة اللي حذفت الموضوع
عشان ميحصلش مشاكل بس
ياريت حضرتك لو ترجعي الردود محذوفة تاني
و تقوليلها
عشان ميبقاش فيه مشاكل
فائق احترامي
في امان الله

وده جزء من رسالتها اللي يص الموضوع اللي بنتكلم فيه

انا فعلا بعت رسالة لهيام وقلتلها
وعرفتها كمان اني مستئذنة من اللورد فاني احذف بس الردود اللي اتناقشنا فيها لان ده مش مكان نقاش
واسيب الباقي
من الواضح انها قالتلك
و استاذنت منك
علي العموم انا قولت لهيام اننا هنغيرها
و هوريها لهنا قبل محطها
و ربنا ييسر

احم
صباح الخير
ها يا جماعة وصلتو لايه؟
:d
اطلع بره يا محمود :d

..Just Stop

03-10-2009, 01:11 PM

اطلع بره يا محمود :d

يادى الاحراج
علشان بقا ليكو غرفة هتطردونا برا
لا اسمع امااقوللك
انا معايا تصريح بدخول اى مكان وف اى وقت متخلنيش اتعامل معاك بعنف
انا عامل اقامة انما انت مجرد عقد لما ينتهى هرميك بره
:d

MoHaMeD ELsHeRbEnY

03-10-2009, 02:53 PM

لا حول ولا قوة الا بالله

مع احترامى ليك يا شريف

وليكى يا هيام

انا حاسس ان انتم ملكوش كلمة على الاخت هنا

يمكن عاطينها اكبر من حجمها اوى داخل الركن

بدليل ان شريف عدل الموضوع وهيا بدون اى اعتبار رجعتة

هيام حذفت الردود وهيا بدون اى اعتبار رجعتها

عموما انا مش عيل صغير عشان الاخت هنا تركبنى غلط

والكلام الى قولتة فى الموضوع دة

هوة نفس المضمون الى قولتة فى الرسالة الخاصة

ولكن النت تقيل مش قادر اوصل للرسالة حاليا

المهم انا فاكر المضمون بالظبط الحمد لله

الحوار بدأ انها بعتتلى رسالة خاصة بتقولى على موضوع القوانين

والموضوع الى قبلة كان كدة مفتوح بردة

والموضوع مش نقاشى ولا حاجة وانت هتخلية يقلب خناقة

لو كان هيقلب يعنى فانا فضلت ابعتلك هنا

كلامها كلة على نفس النظام دة

وكان ردى والله يا اخت هنا انا مقولتش حاجة

طالما انتم شايفين ان دا الصح

انتم ادرى بالركن منى انا شخصيا

ولكن انا قولت رأى الشخصى الى انا مقتنع بية

ولكن لو انتم عاوزين الموضوع كدة وشايفين ان دا الصح

دى حاجة ترجع لكم

لانى يا اخت هنا مش ديكتاتورى زى ما بتقولى عليا

انا بمشى برأى الغالبية

مع وضع تحفظ ان فى اى حالة ظهور اى سلبيات داخل الموضوع

هكون متمسك برأى انى سبق واتكلمت فى النقطة دى

كان ردها عليا

انا هحذف الردود اللي ف الموضوع اللي اتناقشنا فيها
اوك؟

بدون اى نقاس فى الكلام الى قولتة

كان ردى باستغراب

اوك الى يريحك

فى رعاية الله

ممكن افهم بقى اية الغلط الحالى مش فاهم ؟

عموما لو ينفع يا شريف تعمل موضوع فى قسم المشرفين

يكون النقاش بينا احنا فقط انا انت هيام اية الاخت هنا واقول الكلام دا بالنص قدامها

فى رعاية الله

Sherif Elkhodary

03-10-2009, 05:22 PM

لا حول ولا قوة الا بالله

مع احترامى ليك يا شريف

وليكى يا هيام

انا حاسس ان انتم ملكوش كلمة على الاخت هنا

محمد :slap1qk6:
مين ده اللي ملوش كلمة :slap1qk6:
طيب منا ممكن احذف الموضوع و ميرجعش تاني ولا حد يقدر يرجعه :slap1qk6:
و اعمل موضوع جديد و اثبته
و ليه اعمل مشكلة
طيب محنا ممكن نتفاهم

يمكن عاطينها اكبر من حجمها اوى داخل الركن
كل مشرف داخل الركن عاطينله احترامه
مفيش حاجة اسمها اكبر من حجمه
كلنا سواء

بدليل ان شريف عدل الموضوع وهيا بدون اى اعتبار رجعتة

اها هي رجعت العنوان و انا كنت هرجعه و هيام كانت هترجعه
بس ليه نعمل مشاكل ده مش قسمنا لوحدنا
لازم كلنا نتفق علي حاجة واحدة
مش نسيب الشغل ونقعد نعاند بعض

هيام حذفت الردود وهيا بدون اى اعتبار رجعتها
الردود مرجعتش تاني
هيام دخلت حذفت كله

عموما انا مش عيل صغير عشان الاخت هنا تركبنى غلط

والكلام الى قولتة فى الموضوع دة

هوة نفس المضمون الى قولتة فى الرسالة الخاصة

ولكن النت تقيل مش قادر اوصل للرسالة حاليا

المهم انا فاكر المضمون بالظبط الحمد لله

الحوار بدأ انها بعتتلى رسالة خاصة بتقولى على موضوع القوانين

والموضوع الى قبلة كان كدة مفتوح بردة

والموضوع مش نقاشى ولا حاجة وانت هتخلية يقلب خناقة

لو كان هيقلب يعنى فانا فضلت ابعتلك هنا

كلامها كلة على نفس النظام دة

وكان ردى والله يا اخت هنا انا مقولتش حاجة

طالما انتم شايفين ان دا الصح

انتم ادرى بالركن منى انا شخصيا

ولكن انا قولت رأى الشخصى الى انا مقتنع بية

ولكن لو انتم عاوزين الموضوع كدة وشايفين ان دا الصح

دى حاجة ترجع لكم

لانى يا اخت هنا مش ديكتاتورى زى ما بتقولى عليا

انا بمشى برأى الغالبية

مع وضع تحفظ ان فى اى حالة ظهور اى سلبيات داخل الموضوع

هكون متمسك برأى انى سبق واتكلمت فى النقطة دى

كان ردها عليا

انا هحذف الردود اللي ف الموضوع اللي اتناقشنا فيها
اوك؟

بدون اى نقاس فى الكلام الى قولتة

كان ردى باستغراب

اوك الى يريحك

فى رعاية الله

ممكن افهم بقى اية الغلط الحالى مش فاهم ؟

عموما لو ينفع يا شريف تعمل موضوع فى قسم المشرفين

يكون النقاش بينا احنا فقط انا انت هيام اية الاخت هنا واقول الكلام دا بالنص قدامها

فى رعاية الله

وليه موضوع
نتناقش هنا
و بعدين نقولها
انا هغير القوانيين و هوريهالها
انا اتفقت مع هيام اننا هنغير القوانيين
و هحطه في موضوع جديد
بس كتة

MoHaMeD ELsHeRbEnY

03-10-2009, 05:31 PM

يا شريف انت وهيام بالنسبة ليا ثقة كبيرة اوى
وبناء على كدة اتفقو على القوانين الى انتم عاوزينها مع بعض
واعرضوة على هنا قبل التنفيذ
وحطها هنا فى الموضوع لو حد من الادارين او انا لينا تعقيب على حاجة
هنقولها بس الله يخليك بسرعة
احسن فية مشرف رخم عاوز يمشى ويوم ما هحس انة خلاص بيكلم بجد
هعمل لة حتت مفاجئة ملهاش حل
هنزل صورتة على السايت كلة :d

Sherif Elkhodary

03-10-2009, 08:03 PM

احسن فية مشرف رخم عاوز يمشى ويوم ما هحس انة خلاص بيكلم بجد
هعمل لة حتت مفاجئة ملهاش حل
هنزل صورتة على السايت كلة :dاحم
ايوه اكيد قصدك علي طه
بس طه مش رخم يا لورد:slap1qk6:
لالالا
متقولش علي طه كده :d
طيب هشوف القوانيين وهنزلها
يلا غور بقي:slap1qk6:
حبيبي يا واد :friendsxs3:
اكتر واحد بيصعب عليا اللورد:friendsxs3:
كل شوية اللي يقوله يا عم و ياض ويبني
و البواب و اللي اسمه اللورد
عسل والله الواد محمد ده :friendsxs3:
ها انزلهم الصورة يشوفوا الحلاوة الطحينية بتاعتك :d

الجويرية

04-10-2009, 09:39 AM

ها انزلهم الصورة يشوفوا الحلاوة الطحينية بتاعتك :d

اللى عاوز يرفه عن نفسه شوية يدخل قسم السوبر او الاداررييين هايظبط يعنى :006et4:
كلها فضايح بجد
استمروا :d

انا قريت اخر مشاركات
بالنسبة لهنا فانا متوافقة مع حضرتك جدا ان القوانين تتغير لان اسلوبها صعب والعنوان بردوا عدلته كتير بس بردوا بترجعه
عموما غير القوانين لان حضرتك السوبر
بس ياريت اخر مرة تقولها
لو رجعت القوانين تانى
ياريت حضرتك تبلغى اديها مخالفة لعدم الالتزام مع السوبر بتاعها

وبالنسبة للاخ ساى
مش موافقة حضرتك
احنا ممكن نعينه اة بس لما نلاقى مشرف كويس للشاب المسلم كدة نشيلة واحنا مطمنين
ونحوله على صوتيات
ممكن نستنى شوية والخ اسامة يتعين والاخ ساى يتنقل
بس شوية كدة علشان الاشراف مايكونش سهل

حاجة اخيرة
انا متاسفة على انى اتاخرت فى الرد
بس معلش كلها 12 يوم والنت هايدخل وهاتابع مع حضرتك
انا داخلة من سايبر الكلية والله مخصوص
وجزاكم الله خيرا