مشاهدة النسخة كاملة : مصيبة علي الهندسة وكل طلبة الهندسة يا ريت الكل يشارك
titto19991 19-09-2009, 11:51 AM مصيبة علي الهندسة وكل طلبة الهندسة " الجامعات الخاصة بتقبل طلبة الثانوية العامة علمي علوم وعلمي متأدب للهندسة ومن مجموع 50 في المية هي المشرحة ناقصة ***ة
الكلام ده حقيقي وكفابة التعليم الخاص
التدريب في الشركات دلوقتي بقه بوسطة يعني الدنيا هتبوظ أكتر من كده واللي مش مصدقني
دي لينك صورة من موقع اكاديمية هندسية في مصر
[http://photos-h.ak.fbcdn.net/hphotos-ak-snc1/hs277.snc1/10433_130298832678_833102678_2303783_5277869_n.jpg]
وده موقع الاكاديمية دي
http://www.sva.edu.eg/
Eng. Alios 19-09-2009, 11:59 AM خليها على الله ....
ما هي بقيت حاجة تقرف ... و بعدين انت بتتكلم على جامعات خاصة
هههههههههههه
حاسبات و معلومات عين شمس يا معلم اللي هيا تعتبر كلية هندسية .... دخلوا فيها قسم جديد بيدخلوه علمي علوم ... و اسمه نظم المعلومات الحيوية ...
و في كليات الهندسة ح ينطبق نظام ان علمي علوم له الأحقية انه يدخل اقسام معينة في هندسة زي الهندسة الطبية مثلاً ...
الموضوع ده بيُناقش و ابتدوا ينفذوه في حاسبات عين شمس أهو ...
جزاكم الله كل خير
titto19991 19-09-2009, 12:13 PM خليها على الله ....
ما هي بقيت حاجة تقرف ... و بعدين انت بتتكلم على جامعات خاصة
هههههههههههه
حاسبات و معلومات عين شمس يا معلم اللي هيا تعتبر كلية هندسية .... دخلوا فيها قسم جديد بيدخلوه علمي علوم ... و اسمه نظم المعلومات الحيوية ...
و في كليات الهندسة ح ينطبق نظام ان علمي علوم له الأحقية انه يدخل اقسام معينة في هندسة زي الهندسة الطبية مثلاً ...
الموضوع ده بيُناقش و ابتدوا ينفذوه في حاسبات عين شمس أهو ...
جزاكم الله كل خير
طيب طالما الحوار كدا انا بقترح انهم يخلونا (علمي رياضة) لينا الحق في دخول الصيدلة علي اساس اننا درسنا كمياء و بكدة يبقي عدل ومحدش حيبقا فاهم حاجة في اي حاجة!!!!!:confused:
Its My Life 19-09-2009, 12:51 PM ههههههههههههههههههههه
علمي علوم
ازاي مش فهمه يعني
ههههههههههههههههههه
Eng. Alios 19-09-2009, 01:00 PM ح افهمك ....
حالياً الجامعات بتطبق انطمة عجيبة ... و منها حكاية علمي علوم دي ..
- حالياً الجامعات الحكومية ح تطبق نظام ان علمي علوم ممكن يدخل أقسام في كليات هندسة ... بل و طبقت فعلاً .
- جامعة عين شمس في كلية الحاسبات و المعلومات عندها ( كلية هندسية ) في الكلية في قسم اسمه : نظم المعلومات الحيوية .. القسم ده بيدرس ازاي تبرمج الاجهزة الطبية و ازاي تجربها ... يعني ربط الكمبيوتر و البرمجة بعلم الطب و بهندسة الطب .
- طبعاً الجامعة سمحت ان علمي علوم يدخل القسم دا و بس ... و بمصاريف بتوصل لـ 12 ألف جنيه في السنة . بس شرط انه يدرس رياضة 2 في أول سنة بالكامل .
- دلوقتي بعض الجامعات بتناقش ان علمي علوم ممكن يدخل اقسام معينة في هندسة ... بس مش ممكن طبعاً ح تلاقي علمي علوم دخل قسم مدني مثلاً ... !!!!!
لأ , علمي علوم ح يبقى داخل اقسام زي : كيميا - بتروكيماويات - طبية - نووية . لأن الحاجات دي علمية بحتة ...
و حالياً بيُناقش الموضوع ده ... و اهم طبقوه في حاسبات و معلومات عين شمس ... و طبقوه في معاهد هندسة كمان زي معهد هندسة رجب اللي في اسكندرية ...
ربنا يسترها ان شاء الله ...
كل سنة و انتم طيبين !!
Its My Life 19-09-2009, 01:23 PM أصل الخرابه نقصه عفاريت
eng--zako 19-09-2009, 02:14 PM مش ننكن اللي بيحصل ده
هيا سايبة و لا سايبة
Eng. Alios 19-09-2009, 02:31 PM هيا الخرابة مش ناقصة عفاريت .... دي العفاريت ناقصة عفاريت !!
و بعدين علمي علوم ح ياخد رياضة 2 في سنة كاملة زيه زي علمي رياضة برضه اللي اخد رياضة 2 في ثانوي ... بس اعتقد ان الناظم ده ح يفشل , لأن علمي علوم باصص للطب و الصيدلة و بس ... ما اعتقدش انه باصص بقى لحاسبات و لهندسة , لان معظم علمي علوم دماغهم متبرمجة على الحفظ و الصم ... لكن انهم يفهموا , فده مستحيل ....
فاحنا المفروض اننا نفتخر بان دماغنا نضيفة ... بتفكر و تفهم و تبدع ... و إلا مكناش دخلنا لا هندسة و لا فنون و لا حاسبات و لا بترول حتى !!!
midoo_shindy 19-09-2009, 03:18 PM هيا الخرابة مش ناقصة عفاريت .... دي العفاريت ناقصة عفاريت !!
و بعدين علمي علوم ح ياخد رياضة 2 في سنة كاملة زيه زي علمي رياضة برضه اللي اخد رياضة 2 في ثانوي ... بس اعتقد ان الناظم ده ح يفشل , لأن علمي علوم باصص للطب و الصيدلة و بس ... ما اعتقدش انه باصص بقى لحاسبات و لهندسة , لان معظم علمي علوم دماغهم متبرمجة على الحفظ و الصم ... لكن انهم يفهموا , فده مستحيل ....
فاحنا المفروض اننا نفتخر بان دماغنا نضيفة ... بتفكر و تفهم و تبدع ... و إلا مكناش دخلنا لا هندسة و لا فنون و لا حاسبات و لا بترول حتى !!!
على فكرة الواضح من كلامك انك أسأت لناس متعرفهمش وصغرت من قيمتهم علشان موضوع زى ده ومش يعنى انك قولت انهم بياخدوا احياء يعنى هم اعتمدوا على الحفظ والصم ومتنساش ان هم برده اخدوا فيزياء واخدوا رياضة 1 زيكوا وبعدين انت مخدتش فى ثالثة ثانوى مادة ادبية برضه اللى هى (علم نفس - تاريخ - فلسفة - اقتصاد واحصاء )
ولو كانوا بيعتمدوا على الحفظ والصم فهم دخلوا علمى علوم علشان يبقوا حاجة كويسة طبيب _ صيدلى _ عالم وغيره .... انما انك تشكر فى رياضة 2 وتقول عليها بتفكر و تفهم و تبدع فمن المهروف ان الثانوية العامة حتى لو رياضة 2 بتعتمد على الحفظ اكثر من الفهم والشاطر اللى يتفوق فى مجاله
وربنا يوفقوا جميعا
EnG.Mohammed 19-09-2009, 03:55 PM سمك لبن تمر هندي ...........!
Eng. Alios 19-09-2009, 04:38 PM معلهش يا باشا ..
انا قاعد مع علمي علوم اكتر من علمي رياضة ...
رياضة 2 عمرها ما كانت حفظ .... انا عايزك مثلاً تحل لي امتحان تفاضل من التمانينات او بتاع 2008 اللي كان كارثة ده ... يبقى رياضة 2 حفظ برضه ؟
و علمي علوم فعلاً معظمهم ( مش كلهم ) بيحبوا الحفظ اكتر من الفهم ( حتى لو أخدوا فيزيا ) ...
انت عارف امتحان الفيزيا في الثانوية العامة ... اللي بيخلصه بتوع علمي رياضة قبل علمي علوم , لان المسائل في الفيزيا عايزة تفكير عمييييق ...و علمي علوم دماغه مش زي دماغ رياضة ...
و بعدين رياضة 1 دي متسميهاش رياضة ( مع الاعتذار يعني ) .... رياضة 1 دي تعتبر تأهيل , و المخ هوا اللي بيحكم ...
* * * * * * *
لكن حضرتك تعمل ايه في البلد الزرنيخ دي ...
المنطق يقول ان الهندسة علمي رياضة مش علمي علوم ...
و الطب علمي علوم مش علمي رياضة ...
لكن معلهش ... اختراعاتنا المتخلفة دايما بتزيد ...
انت متعرفش ان مجلس الشعب عاوز يخلي معهد الرقص الشرقي يبقى تبع التنسيق و يحولوا اسمه لكلية و ياخد مجموع عالي ؟!!!!
ده مش معهد الرقص الشرقي و بس ... ده كل المعاهد ( فنون مسرحية - الباليه - الكونسفرتوار ) ... عاوزين يحولوهم لكليات ..
استرح يا ولدي ... فمصر بلد العجائب و الغرائب
BaNZeR 19-09-2009, 07:06 PM انا سمعت فعلاً قرار الوزير بإنه ممكن بتاع علمي علوم او ادبي ممكن يدخل هندسة
وده طبعاً شيء من المستحيلات
هما اللى حيخسروا في الآخر مش احنا
المهم بالنسبة للى بيتكلموا
عن علمي علوم وعلمي رياضة
مما لا شك فيه إنه بتاع علوم بيحفظ اكتر من بتاع رياضة
واللى بيقول رياضة 2 للحفظ فقط يبقى - بعد اذنكو- مش فاهم
دنا بتحسر على الايام اللى كنت بفهم فيها الرياضة في ثانوي :d
لكن بتاع علمي اكيد طبعاً بيستخدم الحفظ بدرجة كبيرة جداً
لكن مينفعش إننا نقول مبيفهموش
هما مستواهم عالي برده ومنقدرش نقول حاجة
سواء فهم او حفظ
لكن مش لدرجة يدخلو هندسة من علمي علوم حتى ولو اخدوا رياضة 2
THE LAST FALCON 19-09-2009, 07:09 PM حبيبى الموضوع ده موجود من زمان مش عارف ايه الجديد
معروف إن فيه جامعات خاصة لو أنت علمى علوم و دخلتها ممكن تدخل هندسة عادى جدًا
بل لو واحد علمى علوم و دخل منحة فى الجامعة الأمريكية مثلاً و ده معناه أنه شاطر أوى
أول حاجة هيفكر فيها هندسة لأن مفيش طب فيها
ده المعلومات اللى عندى و بعدين الجرايد كانت علطول بتكتب حتة أنه الهندسة تقبل علمى علوم
أما بقى حتة رياضة 2 فمعلش ده سنة درستها و المنهج مكانش كبير أوى
ممكن تتعوض فى الكلية بالمجهود الذاتى و بعدين اللى يعرف يثبت نفسه فى كلية هندسة
سواء من مصر أو السعودية أو غيره
علمى علوم أو شهادة معادلة أو غيره
أهلاً و سهلاً
احنا ما بنكرهش الخير لحد
و بالنسبة للحفظ صحيح طول عمرى بألس على بتوع علمى علوم و طب فى وشهم
بس ساعة الجد أقول الحفظ فى حد ذاته نوع من أنواع الذكاء و نوع صعب كمان
بس أقصد الناس اللى بتحفظ بسرعة
و عمومًا يا بشمهندس ليه القسوة ده احنا رافعين شعار الهندسة للجميع
اللى عايز يدخل هندسة حتى لو خاصة مطلوب منه يثبت نفسه سواء فى الكلية أو فى الشغل إن شاء الله
و الدنيا كلها بتتكلم هندسة ^_^
و عجبــــــــــــــــــــــى
بس اللى عايز أعرفه لو حصل العكس و دخلت مثلاً طب أو أى حد فيكم
هل هيسلك فيها ؟؟؟ و لا هيسقط
EnG.BeLaL 19-09-2009, 07:16 PM هي باظت اصلا
titto19991 20-09-2009, 07:48 AM المشكلة يا باشمهندسين الواسطة الموجدة في التدريب و الي حتبقا بعد كدة في الشغل يعني الكفاءة ولا تسوي
Eng. Alios 20-09-2009, 08:53 AM يا جماعة ..... دا فيه بلاوي انيل من كدا ....
- دلوقتي فتحوا تعليم مفتوح لفنون جميلة ..... فنون جميلة اللي مبتبقلش اي حد , بقى فيها تعليم مفتوح ...
- الاقسام الخاصة اللي في كلية هندسة دي زيها زي التعليم المفتوح , هيا بس واخدة شرط انك تجيب مجموع هندسة ... و زيها زي التعليم المفتوح علشان ماشية بنظام الساعات المعتمدة , يعني ممكن تخلصها في تلات سنين و ممكن تخلصها في عشر سنين ... الكلية مش مشكلتها تخلصها في قد ايه , المهم تخلصها ...
- علمي علوم بقى متاح له الكليات الهندسية .... و مادام كده كوسة كوسة , يبقوا بفتحوا بقى الطب لبتوع رياضة ... ما الطب فهم و ذكاء قبل الحفظ و الطرش ...
- و انتم ناسيين حاجة مهمة , مجلس الشعب عاوز يخلي معهد الرقص الشرقي يبقى كلية و تبقى تبع التنسيق و تاخد مجموع عالي كمان .... مش معهد الرقص لوحده , دا معهد الفنون المسرحية و الباليه .... كل دا عاوزينه يبقوا كليات ...
- و لما يبقى في نقابة للمهندسين و مينضمش ليها خريجي حاسبات و معلومات , يبقى دا ظلم و لا لأ ..... مع ان خريجي حاسبات و معلومات مسماهم مهندسين برمجيات و مهندسين معلومات و مهندسين شبكات ... لكن نعمل ايه في النقابة المتخلفة اللي محددة شرط ان الدراسة خمس سنين مش اربعة ... يعني لما ينضم لنقابة المهندسين خريجي فنون تطبيقية قسم منسوجات و مينضمش ليها الحاسبات و المعلومات أجمد كلية في مصر !! يبقى دا ظلم و لا لأ ...
- و المعاهد الخاصة مسبتش هندسة في حالها , كل اقسام هندسة بقيت مفتوحة في المعاهد دي , علشان كده كليات الهندسة بتلجأ لفتح اقسام خاصة مش موجودة في اي حتة ... علشان ميقولوش خريج هندسة زي خريج معهد ...
- و لما جامعة خاصة زي فاروس تفتح قسم بترول و تشغلهم أكتر من هندسة بترول نفسيها .... يبقى دا عك و لا لأ
- و في بترول نفسيها بتاعت السويس , فتحوا قسم خاص اسمه انتاج و استكشاف البترول .... و العميد نفسه قال ان القسم دا الخريجين بتوعوا ح يشتغلوا اكتر من هندسة بترول العادية ... و القسم ده مصاريفه فوق ال 25 الف في السنة ... دا غير الكتب و اللي و اللي ...
احنا في بلد العجايب ... و ياما ح نشوف بلاوي كتييير ....
بالنسبة بقى لمشكلة رياضة 2 و علوم ...
- الحفظ اي نعم وسيلة صعبة , لكن اللي بيتبرمج على الحفظ لو اديت له مسألة تافهة , و الله ما ح يعرف حلها ... لانه حفيظ صميم مش بتاع تفكير و فهم و ... و ....
- و علمي علوم بيحفظوا من غير ما يفهموا ( معظمهم مش كلهم ) ..... يعني لو اديت لهم امتحان فيزيا .. بتاع رياضة يخلصه في ساعتين ... و بتاع علوم يخلصه في تلات ساعات و يمكن اكتر ... و دي حقيقة انا شفتها بنفسي ...
ربنا يتولانا
و كل سنة و انتم طيبين !!
بروف انس 21-09-2009, 06:56 AM ازيكم يا شباب عاملين ايه " خش في الموضوع " انا من رايي ان احنا عاملين هيصه كبيره اوي علي الحفظ والفهم والانضمام للنقابه والشغل في الحكومه المشكله دلوقتي انت لو عايز تدخل اي كليه ممكن تدخل لومعاك المفتاح " الفلوس" وطبعا سؤال يتبادر للذهن لماذا لا نقوم بعمل اختبارات قدرات للطلبه اللي هيتعلموا بفلوس والسؤال ده الحكومه مبتعرفش تجاوبه علشان الحكومه بتاخد نسبه من ارباح المعاهد والجامعات الخاصه
ثانيا بالنسبه لموضوع سوق العمل خريج هندسه يا شباب ميعتمدش كتير علي شغل الحكومه لان القطاع الخاص دلوقتي افضل من الحكومه ومش قصدي علي القطاع الخاص داخل مصر
ثالثا تطوير الذات انت بما انك طالب درست رياضه 2 يبقي دي ميزه كبيره اوي اوي وانا كنت بقول لما كنت بفتخر اللي مدرسشي رياضه اتنين يبقي مخدش رياضه خالص ويجماعه سيبوا المعاهد الخاصه تفتح اقسام ذي ما هي عايزه المهم نوع جوده التعليم اللي بتقدمه المعهد او الكليه هل هو معترف بيه ولا لا
eng_salwa 21-09-2009, 11:49 PM قالها وماااات الحاج سعد مافيش فايده
لما احنا يابتوع رياضه 2 نفلح
يبقواا يجيبوا بتوع علمي علووم
ومن رايي علمي علوم حفظ مافيش فهم عندهم في منهجهم يعني
وهندسه مش عاوزه حاجه الا واحد بيفهم وبيشغل عقله مظبوووط
وبتوع علمي علوم لو دخلوا هما اللي هيعقدوا نفسهم مش هيفموا حاجه اساسا :049gc0::049gc0:
fatac2 22-09-2009, 01:03 AM نحن في عصر اسماعيل باشا
وايام افتتاح قناة السويس
عام 1869
ورهنت مصر في عصر الامتياز الاجنبي والحكومة المختلطة ورهن مصر
راجعوا تاريخ 3 اعدادي
تعود الايام من جديد وبدرجة قذرة
روح منك لله ياللي في بالي
ياللي موظف شعب مصر كلهمن اجل خدمة كينونة مشكوك في امرها (من الخواجات )لكي يكسب منصب موظف في اليونيسكو
ahmed rushdi 22-09-2009, 01:12 PM دي مهزله ازاي هندسه تاخد من 55% وبعدين يقولوا ليه العمارات بتقع ولا ليه بيحصل هبوط في الشوارع ولا ولا ولا ------------------------------------------------------------------------------------------------------------------------------------------------------------------------------------ لا حول ولا قوة الا بالله.
eng_ baka 22-09-2009, 01:56 PM هههههههههههههههههههههه
البلد بقت ظريفه
Eng_lfc 23-09-2009, 12:50 AM هى ناقصة بوظان
theotherface 23-09-2009, 09:40 AM ياعم خلى الناس تعيش بعد كده هيخلى ممكن ان الواحد يحول من اداب قسم تاريخ لاسنان ولا هندسه واهو كله بفلوسه
Eng. Alios 23-09-2009, 10:36 AM او ممكن يحولوا من معهد رقص شرقي لبترول مثلاً ...
temoinlove 15-10-2010, 03:50 PM على فكره الى متعصب اوى كده عشان بس صعب عليه انه علمى رياضة
محطش فى باله اصلا انه كل الكليات بالمجموع والفلوس مش بالدماغ
BaNZeR 17-10-2010, 02:44 AM على فكره الى متعصب اوى كده عشان بس صعب عليه انه علمى رياضة
محطش فى باله اصلا انه كل الكليات بالمجموع والفلوس مش بالدماغ
ابقى قابلني لو في شركة خاصة بالفلوس مش بالدماغ (غير في بعض حالات الكوسة :redface:)
محمود311 21-10-2010, 02:45 PM هيا الخرابة مش ناقصة عفاريت .... دي العفاريت ناقصة عفاريت !!
و بعدين علمي علوم ح ياخد رياضة 2 في سنة كاملة زيه زي علمي رياضة برضه اللي اخد رياضة 2 في ثانوي ... بس اعتقد ان الناظم ده ح يفشل , لأن علمي علوم باصص للطب و الصيدلة و بس ... ما اعتقدش انه باصص بقى لحاسبات و لهندسة , لان معظم علمي علوم دماغهم متبرمجة على الحفظ و الصم ... لكن انهم يفهموا , فده مستحيل ....
فاحنا المفروض اننا نفتخر بان دماغنا نضيفة ... بتفكر و تفهم و تبدع ... و إلا مكناش دخلنا لا هندسة و لا فنون و لا حاسبات و لا بترول حتى !!!
كلامك كله كناية علي ان كل طلبة علمي علوم أغبية وصميمة وعقلهم أقرب الي الحيوانات ( فالحمار بيحفظ المكان اللي بيتكرر مرواحه له من غير ميفهم هو بيعمل ايه ) وانت كده غلط في حق ناس كتير أوي .
كل واحد له مجاله يا حبيبي وشكلك لسه صغير ومتعرفش الدنيا ماشية ازاي ،، محدش بيقدر يستغني عن حد قوللي انت تقدر تعيش من غير الدكتور اللي انت وصفته بأنه عاش وهيموت صميم وحفيظ بس ؟
انظر الي العالم كله ستجد ما هي قيمة الطبيب أو العالم (خريج علوم) اللي انت بكل بساطة وانت قاعد في بتكم سفهت منه .
وعلي فكرة أنا اعترف ان الطب (سواء كان بشري أو اسنان ) أو الصيدلة ودي كليات القمة (بتاع الحفيظة زي ما بتقول ) فيها جانب كبير من الحفظ لكن أنا متأكد انهم لو كانوا اختاروا رياضة 2 ( بتاع العباقرة علي حد فهمك انت ) مكنش نص أو اكثر اللي في سنهم وفي هندسة دخلوها ولا حتي عدوا من قدامها .
وكلامي مش تسفيه من طلبة الهندسة أبدا ، لكنه واقع المجاميع اللي بيقول كده .
سلام يا نيوتن باشا .....
waleeds 06-09-2011, 02:47 PM وجعه مربربه
zamalek1 06-09-2011, 02:59 PM بعد كده ادبى هبدخل الطب وعلمى هيدخل حقوق وصنايع هبدخل علوم ههههههه
فى الاخر والاول اصلا التعليم باااااااااااااااااااايظ
المفروض اى حد يدخل اى كلية فى مصر بعد خوض اختبارات للكلية اللى هو عايزه ولو قدراته تناسبت مع الكلية يدخلها مش بالمجموع
موافقين ولا ايه؟؟؟
Engineer .. 06-09-2011, 03:01 PM سمك لبن تمر هندي
محدش فاهم حاجه خااالص
شرم برم
ان شاء الله وألف ألف مبروك
انقذ مصلحي واشرب فانته لوب
وغير ذلك والله المستعان
Eng. Ahmed Said 06-09-2011, 05:12 PM يا هنــــــــــــاه
http://www.youtube.com/watch?v=MoQrO1bTauw
Eng. Ahmed Said 06-09-2011, 05:14 PM لو علمي علوم .. عديت فور شور !!
شريف سرحان 06-09-2011, 05:44 PM شكرا يا غالى
Bianka 07-09-2011, 04:38 PM NO Comment
طب ما يخلوه بالمره بتووع ادبى يدخلوه طب وهندسه
mohamed abo taha 09-09-2011, 07:10 PM ابقى قابلني لو في شركة خاصة بالفلوس مش بالدماغ (غير في بعض حالات الكوسة :redface:)
هو ده الكلام المظبوط سواء فى طب او هندسه مبيشتغلش فى الخاص (الى هو احسن من العام) الا الى بيشغل دماغه ومظنش ان فيه كوسه فى الخاص مفيش حد بيخسر نفسه فلوس عشان يجامل حد
mohamed abo taha 09-09-2011, 07:18 PM وبالنسبه للهندسه الطبيه مفيش حاجه اسمها اولويه لعلمى علوم لان خريجها مبيشتغلش فى الجراحه ولا التشخيص ولا اى حاجه من دى ولكنه بيدرس مواد طب على الضيق كمواد مساعده ودى تخصصاتها :
<LI style="TEXT-ALIGN: right"> هندسة النظم والتحكم ونمذجة النظم الحيوية الطبية. <LI style="TEXT-ALIGN: right"> نظم المعلوماتية الطبية والذكاء الإصطناعى. <LI style="TEXT-ALIGN: right"> معالجة الإشارات الحيوية الطبية. <LI style="TEXT-ALIGN: right"> معالجة الصور الطبية. <LI style="TEXT-ALIGN: right"> الإلكترونيات والأجهزة والقياسات الطبية. <LI style="TEXT-ALIGN: right"> الميكانيكا الحيوية والتأهيل.
الهندسة الإكلينيكية.
كلها هندسه فى الاصل
|