مشاهدة النسخة كاملة : هل انت ضد ام مع التشديد على البنات؟؟؟؟
كــارمن 20-09-2009, 07:00 PM ازيكم عاملين ايه يارب تكونوا بخيير دايما
ندخل فى الموضوع على طول
حبيت اعرض عليكم واناقش معاكم ظاهرة موجوده ومنتشره بشكل كبير الا وهي ظاهرة التشديد على البنات
كتير من اهلنا يقومون بالتشديد والضغط على البنات وبيكونوا فاكرين ان هو ده الاسلوب والطريقه المثلى في تربية البنات ..فالبنت ممنوع عليها كل حاجه تقريبا .
وعيب تعمل كل شي
وده بيكون حرص وخوف
من الاهل على البنات
والمشكله انهم مش بيراعوا ان البنت مخلوق لطيف وحساس
ويمكن ان البنت تفسر هذا الحرص على انه شك وحرمان وخاصه لو كان عند البنت صديقه يسمح لها بما لا يسمح للبنت بالقيام به فتعتبر البنت هذا الشي تمييز وتسلط...بالتالي تضطر البنت انها اتعمل الحاجه من ورا هلها
لان من الطبيعي ان الضغط يولد الانفجار
وطبعا هتكون العواقب وخيمه بعد مايكتشف الاهل
وبعد كل ده اللوم بيكون على البنت
أخيرا وليس اخرا
احب اعرف رأيكم في هذا الموضوع من خلال الاجابه عن هذا السؤال
زيزو1900 20-09-2009, 07:06 PM ازيكم عاملين ايه يارب تكونوا بخيير دايما
ندخل فى الموضوع على طول
حبيت اعرض عليكم واناقش معاكم ظاهرة موجوده ومنتشره بشكل كبير الا وهي ظاهرة التشديد على البنات
كتير من اهلنا يقومون بالتشديد والضغط على البنات وبيكونوا فاكرين ان هو ده الاسلوب والطريقه المثلى في تربية البنات ..فالبنت ممنوع عليها كل حاجه تقريبا .
وعيب تعمل كل شي
وده بيكون حرص وخوف
من الاهل على البنات
والمشكله انهم مش بيراعوا ان البنت مخلوق لطيف وحساس
ويمكن ان البنت تفسر هذا الحرص على انه شك وحرمان وخاصه لو كان عند البنت صديقه يسمح لها بما لا يسمح للبنت بالقيام به فتعتبر البنت هذا الشي تمييز وتسلط...بالتالي تضطر البنت انها اتعمل الحاجه من ورا هلها
لان من الطبيعي ان الضغط يولد الانفجار
وطبعا هتكون العواقب وخيمه بعد مايكتشف الاهل
وبعد كل ده اللوم بيكون على البنت
أخيرا وليس اخرا
احب اعرف رأيكم في هذا الموضوع من خلال الاجابه عن هذا السؤال
لو الاب والام مصاحبين اولادهم مش هيبقي فيه مشاكل ولا الكلام دة كله
لكن ظروف الحياه زى الشغل الخ بتخلي الام والاب بعاد شويه عن بنتهم
ودة بيخليهم بيشددو علي بناتهم
واعتقد ان اسلوب كويس بس عايز تقنين
يعنى يبقي مقنن
riham_eg 20-09-2009, 08:50 PM انا ضد التشدد والتعصب فى اى حاجه
وخصوصا فى التربيه
عمر مصطفى احمد 20-09-2009, 09:09 PM طبعا احنا ضد التشدد بس ممكن اسال سؤال
انا عشان مكنش متشدد المفروض اعمل ايه
انا كاب او اخ او زوج
لو اختى او مراتى او زوجتى عايزه تلبس لبس ضيق او غير لائق او عايزه تخالط الرجال
اعمل ايه عشان مكنش متشدد او متسلط
هل اسيبها تلبس ملابس ضيقه
هل اسيبها تماذح الاغراب
يا ريت الاخ اللى كاان بيكلمنا عن التشدد كان عرفنا هو كان يقصد ايه بكلمه تشدد
اخى فى الله اى مسلم لازم يغار على عرضه يغار على اخته يغار على زوجه
طبعا لو الاسره ملتزمه مش هيكون فى اى مشكله لان الام والاخت والزوجه اكيد هيكونوا عارفين المفروض يعملوا ايه وميعملوش ايه
لكن لو مش ملتزمه من هنا هتيجى المشاكل
اسال الله ان يردنا الى الحق ردا جميلا وان يهدى نسائنا واخواتنا وبناتنا وسائر المسلمين
يا ريت يا اخوانى تقلولى ايه رائيكم فى كلامى
عشان لو غلط احاول اعرف الصح ايه
اخوكم عمر
عمر مصطفى احمد 20-09-2009, 09:20 PM انا اسف ممكن اكمل باقى تعليقى
احنا قلنا ان لو الاسره ملتزمه مش بيكون فيه مشكله لان كل واحد فى الاسره عارف اللى ليه واللى عليه وعارف حقوقه والتزماته
لكن لو هى اسره غير ملتزمه بتحصل مشاكل ليه بقى
اولا لان رب الاسره لو صهين وكبر دماغه وساب اهله يلبسوا اللى عايزينوا ويعملوا اللى عايزينه طبعا هو بياذى المجتمع
وبيخلينا نشوف مناظر وافعال مليئه بعدم الغيره والدياثه
كمان ده ممكن يؤذى اسرته نفسها لان المرأه بطبعها تحب ان زوجه يغار عليها هى ممكن تطلب تلبس معين وتكون مقتنعه انه لبس غير لائق وتحاول تقنع زوجها بيه ولو وافق مره على مره هو بينزل من نظرها
المشكله التانيه احيانا بيكون فى رجال فى الاسره غيورين وجزء اخر غير غيور فالجزء غير الغيور يحاول يغير الوضع بطريقه عنيفه
فبيحصل مشاكل كتير فى الاسره
فانا انصح اى انسان غيور فى مثل هذه الحاله ان يكون حكيم ويحاول يحل الامور بحكمه وهدوء
زيزو1900 20-09-2009, 09:39 PM طبعا احنا ضد التشدد بس ممكن اسال سؤال
انا عشان مكنش متشدد المفروض اعمل ايه
انا كاب او اخ او زوج
لو اختى او مراتى او زوجتى عايزه تلبس لبس ضيق او غير لائق او عايزه تخالط الرجال
اعمل ايه عشان مكنش متشدد او متسلط
هل اسيبها تلبس ملابس ضيقه
هل اسيبها تماذح الاغراب
يا ريت الاخ اللى كاان بيكلمنا عن التشدد كان عرفنا هو كان يقصد ايه بكلمه تشدد
اخى فى الله اى مسلم لازم يغار على عرضه يغار على اخته يغار على زوجه
طبعا لو الاسره ملتزمه مش هيكون فى اى مشكله لان الام والاخت والزوجه اكيد هيكونوا عارفين المفروض يعملوا ايه وميعملوش ايه
لكن لو مش ملتزمه من هنا هتيجى المشاكل
اسال الله ان يردنا الى الحق ردا جميلا وان يهدى نسائنا واخواتنا وبناتنا وسائر المسلمين
يا ريت يا اخوانى تقلولى ايه رائيكم فى كلامى
عشان لو غلط احاول اعرف الصح ايه
اخوكم عمر
كلامك مظبوط جدا جدا
عشان كدة انى مع التشدد للي هو للي انت تقصده ويكون التشدد مقنن
يعنى مينفعش اسيب اختى او مراتى ولابسه لبس ضيق
ولو منعتها يبقي تشدد
لااااااا طبعا
عمر مصطفى احمد 20-09-2009, 09:58 PM بارك الله فيك يا زيزو كلامك اسعدنى جدا
يا اخوانا احنا مش عايزين نبقى متشددين بس كمان مش عايزين نبقى ديوثين
انا الله لا ينظر للرجل الديوث يوم القيامه
والرجل الديوث هو اللى مش بيغار على اهله
وشكرا
totta2010 20-09-2009, 10:05 PM انا مع التشدد المقنن ف التربية بس لازم برده يكون فى تفاهم بين الاب والام والابناء يعنى البنت متعملش كده مش علشان خايفة من والدها لا لازم تكون مقتنعة انا دا غلط
علشان لو كان ادبها ادب خوف لما تبعد عن اهلها ف الجامعة مثلا هاتعمل كل اللى ييجى على مزاجها
لازم يكون فى احترام متبادل بين الاباء والابناء علشان تكون فلى تربية سليمة
كــارمن 20-09-2009, 10:20 PM لو الاب والام مصاحبين اولادهم مش هيبقي فيه مشاكل ولا الكلام دة كله
لكن ظروف الحياه زى الشغل الخ بتخلي الام والاب بعاد شويه عن بنتهم
ودة بيخليهم بيشددو علي بناتهم
واعتقد ان اسلوب كويس بس عايز تقنين
يعنى يبقي مقنن
حضرتك جبت المفيد
خير الامور الوسط
لا تشدد ولا تحرر
لازم كل شىء يكون مقنن
عمرو المستر 20-09-2009, 10:46 PM انا ارى ان الجمع بين الاسلوبين افضل على حسب الموقف وطبيعة و شخصية البنت
ويمكن ان نفسر التشديد على البنت من منطلق الخوف و الحرص عليها
براءة 20-09-2009, 10:55 PM ازرع المبادئ
وازرع الصح والغلط جواها
واعرفها انى واثقة فيها
واتمنى نها انها بتصرفاتها متخونش ثقتى بيها
بس كده
ولكن لو حصل انى شفت البنت بدات تنقاد لطريق الفساد وجب التشديد عليها
ده رايي
كــارمن 20-09-2009, 11:00 PM ازرع المبادئ
وازرع الصح والغلط جواها
واعرفها انى واثقة فيها
واتمنى نها انها بتصرفاتها متخونش ثقتى بيها
بس كده
ولكن لو حصل انى شفت البنت بدات تنقاد لطريق الفساد وجب التشديد عليها
ده رايي
انا معاكى فى كده بس انتى تقصدى انهى نوع من التشديد ضرب ولا بالكلام
لان برضه لما بيزيد بيضر
براءة 20-09-2009, 11:10 PM التشديد يعنى انى اراقبها اقلل من الصلاحيات اللى انا سمحالها بيها
ولازم افهم يومها بيمشي ازاى
والضرب ده بيبقي اخر حل اعتقد
أميرة الأحلام 21-09-2009, 12:39 AM والله يا جماعه لو التشدد هيخلينا نبطل نشوف المناظر الى بنشوفها فى الشوارع يبقى اهلا بيه ولو الى هيجبر بناته واخواته وزوجته انهم يلبسوا لبس محترم هيتقال عليه متشدد يبقى وماله متشدد متشدد .
بس الصراحه لازم الواحد يحاول يقنع الى قدامه الاول انه يعمل الصح والله اقتنع خير وبركه ما اقتنعش يبقى لازم الرجل يجبر اهل بيته على الصح لانه هيتحاسب عليهم . وبرده نفس الكلام على التشدد فى الامور المتعلقه بالمستقبل والتفكير لازم ندى البنت الفرصه انها تعبر عن رايها بس فى حدود المسموح بيه لان الامور الى واضحه فى الدين ما فيهاش نقاش ونقتنع ومنقتنعش والكلام ده .
النقاش يكون في الامور العاديه بما لا يخالف شرع الله يعني ادي البنت الفرصه انها تعمل الي يريحها في حدود الادب يعني بنتي متقوليش عاوزه اروح ارقص وانا اقول ماشي مهو مستقبلها وهي حره فيه لاء الكلام كده غلط .
ان تقوي الله والرحمه والاعتماد علي الاسلوب الديني الصحيح في التربيه هو الحل وشكرا ليكى على الموضوع المهم ده.
العمييد 21-09-2009, 12:50 AM غالبا موضوع التسيب فى اللبس اللى بنشوفوا فى الشارع سببه الاول الام يمكن شايفه ان بكده بنتها ح تغرى
الولاد و ح يروحوا يخطبوها على طول و الاب يا اما مكبر يا اما مش حاكم يا اما مشغول فى عمله
بالنسبه للاجابه على السؤال هل انت مع ام ضد لابد من اختيار الزوجه الصالحه اولا قبل الاجابه على هذا السؤال
fatma2007 21-09-2009, 07:50 AM انا طبعا ضدد التشديد بس برده في حدود لان البنت لو لقيت حرية زيادة عن اللزوم ممكن تسئ استخدامها
fatma2007 21-09-2009, 07:52 AM يعني الاب والام يربوا بنتهم كويس ويبقوا واثقين فيها وبعدها يدوها حريتها ويبقوا عارفين انها هتستخدمها صح
سيف عبد العظيم 21-09-2009, 09:31 AM الامور دى ليس هناك وسط ابدا
وعاوز اقول حاجه وهى مهمى جدا البنت النهرده عرفى الصح والغلط ومع ذلك بتغلط وديما الشباب بيحكو عليهم مثل الزواج اعرفى وخلافه بنت ايه اللى تيجى بالعافية او بالطيبه
لا تشديد ولا تخفيف
اهم الاهم هى التربيه والتمسك بالدين خلاف كا فكل النظريات غلط مع احترامى للجميع
تانى مره هقول تانى
اهم حاجه هى التربيه والتمسك بالدين الدين التربيه
وشكرا مع انى عارف ان هناك من يغضب من اسلوبى
فى رعاية الله
yomna1993 21-09-2009, 08:14 PM اهم حاجة القيم و المبادىء الاسلامية تكون موجودة في التربية
و تحديد الصح و الغلط
و طول ما البنت عارفة ربنا و مؤمنة ان ربنا رقيب عليها قبل باباها و مامتها عمرها ما هتفكر تغضبه ابدا طبعا
و اهم حاجة طبعا في دور الاهل انهم يصاحبوا اولادهم جدا بانهم يدوهم الثقة
لو ادوا لبناتهم الثقة بالذات الامهات و الله هيدونا الثقة اننا ما نخبيش عليهم حاجة و نقطنع بكلامهم
اكيد في خوف من الاهل لازم منهم او عليهم
بس يا ريت الخوف منهم ده ميوصلش لدرجة الشك لان الشك هو الي بيخلي البنت متعقدة و ممكن تعند جدا
بس الحقيقة انا من رايي موضوع التشديد ده او الهدوء و الصحبيه بين الاهل ده بيبدا من و البنت طفلة
يعني مش هيجوا الاهل و البنت عروسة و يتعاملوا معاها باسلوب غير الي متعوده عليه لانه ممكن يكون سلبي
شكرا جدا على الموضوع الهادف ده
EL-leader 21-09-2009, 08:17 PM طبعا ضد التشديد لان ده ممكن يخليها تعمل حاجة غلط
والصح ف التربية ان الاهل يربوا بناتهم ع الصراحة ويكونوا البنات نفسهم يكونوا مقتنعين ان الحاجة دى غلط لان الاهل ممكن تشددع البنت وهى تعمل غلط من غير مايعرفوا والغلط ساعتها هتكون غلط كبير
زيزو1900 21-09-2009, 10:00 PM الامور دى ليس هناك وسط ابدا
وعاوز اقول حاجه وهى مهمى جدا البنت النهرده عرفى الصح والغلط ومع ذلك بتغلط وديما الشباب بيحكو عليهم مثل الزواج اعرفى وخلافه بنت ايه اللى تيجى بالعافية او بالطيبه
لا تشديد ولا تخفيف
اهم الاهم هى التربيه والتمسك بالدين خلاف كا فكل النظريات غلط مع احترامى للجميع
تانى مره هقول تانى
اهم حاجه هى التربيه والتمسك بالدين الدين التربيه
وشكرا مع انى عارف ان هناك من يغضب من اسلوبى
فى رعاية الله
اكيد طبعا الدين اهم حاجة
لكن نفترض انك عملت ده وهى مش متقبله الكلام دة
ومثلا عايزة تلبس ضيق
ساعتها هتعمل ايه وانت رب الاسرة والمسئول عنها؟؟؟؟؟؟؟؟؟؟؟؟؟؟؟؟
زيزو1900 21-09-2009, 10:04 PM طبعا ضد التشديد لان ده ممكن يخليها تعمل حاجة غلط
والصح ف التربية ان الاهل يربوا بناتهم ع الصراحة ويكونوا البنات نفسهم يكونوا مقتنعين ان الحاجة دى غلط لان الاهل ممكن تشددع البنت وهى تعمل غلط من غير مايعرفوا والغلط ساعتها هتكون غلط كبير
اكيد طبعا ضد التشدد
لكن لازم يكون فيه تشدد لازم لازم
وزى ما قلت لو انتى مسئوله عن بنت وعايزة تلبس ضيق تعملي ايه
لازم تستخدم التشدد هنا شويه بس طبعا مش تشدد يعنى خلاص
لا تشدد بغرض التربيه والتوجيه ويكون مقنن زى ما قلت
العمييد 22-09-2009, 01:56 AM الأم الأم هى سبب تسيب و انحلال اخلاق البنت يمكن شايفه ان لبس المحزق و الضيق و حط الاحمر و الاصفر ح يجيب العريس
كــارمن 22-09-2009, 03:17 AM لأم الأم هى سبب تسيب و انحلال اخلاق البنت يمكن شايفه ان لبس المحزق و الضيق و حط الاحمر و الاصفر ح يجيب العريس
الجمله دى غلط على فكره وبعترض عليها مفيش ام بتعمل كده ابدا
اسيــــــــــــــــــــل 22-09-2009, 09:09 AM انا ضد تماما التشديد من واقع تجربة شخصية
وانا في اول ثانوي كان اهلي مشددين عليا كنت بعاند واعمل الي انا عايزاه
كله كله منغير محد يعرف
ولما كبرت شوية وبطلوا يشددوا عليا قلت لازم ابقى قد المسؤولية وبقيت اخد بالي من كل تصرفاتي تقريبا وبس
يارب يكون رايي افاد
ضيِّ القمر 22-09-2009, 10:04 AM انا معاكم بالطبع
ولكن ليييييييييييه بس البنت؟؟؟
والولد برده لازم يتشدد عليه
لانه من رايي راس معظم المصائب
مش شايفين ان دي عنصريه
كــارمن 22-09-2009, 12:02 PM نا معاكم بالطبع
ولكن ليييييييييييه بس البنت؟؟؟
والولد برده لازم يتشدد عليه
لانه من رايي راس معظم المصائب
مش شايفين ان دي عنصريه
معاكى حق الولد برده مفروض يتشد عليه
بس هى مش مساله عنصريه
هو بس بعض الاسر بيدوا للاولاد صلاحيات اكتر من حقهم
كــارمن 22-09-2009, 12:15 PM لو الاب والام مصاحبين اولادهم مش هيبقي فيه مشاكل ولا الكلام دة كله
لكن ظروف الحياه زى الشغل الخ بتخلي الام والاب بعاد شويه عن بنتهم
ودة بيخليهم بيشددو علي بناتهم
واعتقد ان اسلوب كويس بس عايز تقنين
يعنى يبقي مقنن
مفيش اختلاف مع رايك بس الاولى انهم الاول
يتفاهموا معاهم
لان التشدد بدون استخدام حل تانى بيولد الخوف ونتائج سلبيه بتأثر عليه
يعنى نعامل برفق وفى نفس الوقت نعرفها ان فى حاجه اسمها ثواب وعقاب
روميو 22-09-2009, 12:16 PM انا من رايى
ان البنات بطبعها بتكون محتاجة الحنية والتفاهم اكتر من الولد
لكن التشدد له وقت والحرية ليها وقت
يعنى مش ادى البنت حرية مطلقة ولما تغلط اعاقبها المفروض اعاقب نفسى عشان ادتها الحرية المطلقة دى
وكمان مش اشد عليها اوى وطبعا من خلال الكبت وكده ممكن تعمل حاجة تخرجها من الكبت والتشدد ده يبقى برده قبل ما اعاقبها اعاقب نفسى
يعنى فى حرية بس محكومة شوية اه انا اديتك حرية بس برده فى شدة اعملى اللى انتى عاوزاه طالما فى حدود الدين والادب والاخلاق
لكن التشدد بجد مش بيجيب نتيجة ده ممكن يكون بيجيب نتيجة عكسية
كــارمن 22-09-2009, 12:17 PM طبعا احنا ضد التشدد بس ممكن اسال سؤال
انا عشان مكنش متشدد المفروض اعمل ايه
انا كاب او اخ او زوج
لو اختى او مراتى او زوجتى عايزه تلبس لبس ضيق او غير لائق او عايزه تخالط الرجال
اعمل ايه عشان مكنش متشدد او متسلط
هل اسيبها تلبس ملابس ضيقه
هل اسيبها تماذح الاغراب
يا ريت الاخ اللى كاان بيكلمنا عن التشدد كان عرفنا هو كان يقصد ايه بكلمه تشدد
اخى فى الله اى مسلم لازم يغار على عرضه يغار على اخته يغار على زوجه
طبعا لو الاسره ملتزمه مش هيكون فى اى مشكله لان الام والاخت والزوجه اكيد هيكونوا عارفين المفروض يعملوا ايه وميعملوش ايه
لكن لو مش ملتزمه من هنا هتيجى المشاكل
اسال الله ان يردنا الى الحق ردا جميلا وان يهدى نسائنا واخواتنا وبناتنا وسائر المسلمين
يا ريت يا اخوانى تقلولى ايه رائيكم فى كلامى
عشان لو غلط احاول اعرف الصح ايه
اخوكم عمر
تمام بس هو المفروض يتفاهم معاها يحاول يقنعها وجد ان مفيش امل يلجأ سعتها مش هنقول لتشدد لانها كلمه مرفوضه بس ممكن نقول عقاب
شكرا لردك ياعمر
كــارمن 22-09-2009, 12:20 PM لتشديد يعنى انى اراقبها اقلل من الصلاحيات اللى انا سمحالها بيها
ولازم افهم يومها بيمشي ازاى
والضرب ده بيبقي اخر حل اعتقد
انا مع نفس رأيك برده يابراءة لان بيتبادر للذهن ان اول خطوه هى الضرب علطول فى التشدد وطبعا ده غلط
اسيــــــــــــــــــــل 22-09-2009, 12:22 PM انا مع الاستاذ روميو اوي في حكاية النتيجة العكسية دي
كــارمن 22-09-2009, 12:22 PM والله يا جماعه لو التشدد هيخلينا نبطل نشوف المناظر الى بنشوفها فى الشوارع يبقى اهلا بيه ولو الى هيجبر بناته واخواته وزوجته انهم يلبسوا لبس محترم هيتقال عليه متشدد يبقى وماله متشدد متشدد .
بس الصراحه لازم الواحد يحاول يقنع الى قدامه الاول انه يعمل الصح والله اقتنع خير وبركه ما اقتنعش يبقى لازم الرجل يجبر اهل بيته على الصح لانه هيتحاسب عليهم . وبرده نفس الكلام على التشدد فى الامور المتعلقه بالمستقبل والتفكير لازم ندى البنت الفرصه انها تعبر عن رايها بس فى حدود المسموح بيه لان الامور الى واضحه فى الدين ما فيهاش نقاش ونقتنع ومنقتنعش والكلام ده .
النقاش يكون في الامور العاديه بما لا يخالف شرع الله يعني ادي البنت الفرصه انها تعمل الي يريحها في حدود الادب يعني بنتي متقوليش عاوزه اروح ارقص وانا اقول ماشي مهو مستقبلها وهي حره فيه لاء الكلام كده غلط .
ان تقوي الله والرحمه والاعتماد علي الاسلوب الديني الصحيح في التربيه هو الحل وشكرا ليكى على الموضوع المهم ده.
شكرا لردك ياحبيبتى
بس مش احنا نقصد الحريه بانه يقولها تعمل حاجه وحشه ويديها الصلاحيات لكده انا اقصد ميبقاش التشدد للبنت كارت ارهاب يخوفها مفيش احسن من التفاهم والاقناع
كــارمن 22-09-2009, 12:24 PM غالبا موضوع التسيب فى اللبس اللى بنشوفوا فى الشارع سببه الاول الام يمكن شايفه ان بكده بنتها ح تغرى
الولاد و ح يروحوا يخطبوها على طول و الاب يا اما مكبر يا اما مش حاكم يا اما مشغول فى عمله
بالنسبه للاجابه على السؤال هل انت مع ام ضد لابد من اختيار الزوجه الصالحه اولا قبل الاجابه على هذا السؤال
هو رغم ان مش ده الموضع بس مفيش اب او ام يقولوا لابنتهم البسى لبس غير لائق عان يجيلك عريس اعتقد صعب كده ان دة يحصل
كــارمن 22-09-2009, 12:26 PM طبعا ضد التشديد لان ده ممكن يخليها تعمل حاجة غلط
والصح ف التربية ان الاهل يربوا بناتهم ع الصراحة ويكونوا البنات نفسهم يكونوا مقتنعين ان الحاجة دى غلط لان الاهل ممكن تشددع البنت وهى تعمل غلط من غير مايعرفوا والغلط ساعتها هتكون غلط كبير
اها طبعا
انتى اثارتى حاجه مهمه انت البنت برده مسئوله عن كده المفروض تحاول تتعامل مع الوضع المفروض عليها سواء كان تشدد او اعتدال
كــارمن 22-09-2009, 12:28 PM نا ضد تماما التشديد من واقع تجربة شخصية
وانا في اول ثانوي كان اهلي مشددين عليا كنت بعاند واعمل الي انا عايزاه
كله كله منغير محد يعرف
ولما كبرت شوية وبطلوا يشددوا عليا قلت لازم ابقى قد المسؤولية وبقيت اخد بالي من كل تصرفاتي تقريبا وبس
يارب يكون رايي افاد
اولا اهلا بيكى واضح انك عضوه جديده
انتى فعلا ذكرتى مثال مهم بس برده انتى توافينى فى رأى ان المفروض يبقى فيه مبدأ العقاب ومش التشدد سؤاء مع ولد او بنت
كــارمن 22-09-2009, 12:30 PM انا من رايى
ان البنات بطبعها بتكون محتاجة الحنية والتفاهم اكتر من الولد
لكن التشدد له وقت والحرية ليها وقت
يعنى مش ادى البنت حرية مطلقة ولما تغلط اعاقبها المفروض اعاقب نفسى عشان ادتها الحرية المطلقة دى
وكمان مش اشد عليها اوى وطبعا من خلال الكبت وكده ممكن تعمل حاجة تخرجها من الكبت والتشدد ده يبقى برده قبل ما اعاقبها اعاقب نفسى
يعنى فى حرية بس محكومة شوية اه انا اديتك حرية بس برده فى شدة اعملى اللى انتى عاوزاه طالما فى حدود الدين والادب والاخلاق
لكن التشدد بجد مش بيجيب نتيجة ده ممكن يكون بيجيب نتيجة عكسية
هو ممكن اذا منفعش التفاهم مع البنت والاقناع
نستخدم معاها الشده والعقاب وليس التشدد
العمييد 22-09-2009, 11:29 PM لا بيحصل يا كارمن الامهات بيخلو بناتهم يرقصوا فى الافراح عشان يغروا (غ عليه سكون) الولاد و الام بتكون فرحانه ما بنتها
تتعاكس بتعتبر ان العرسان ح يكتروا على بنتها و البنات الوقتى بيتمكيجوا و يكوا شعرهم و على سنجة عشرة و يقفوا فى الشوارع او يرحوا و يجوا من غير لازمه اكيد كل ام عايزه بنتها تتجوز مش تخلل جنبيها بس بيختلف الاسلوب و الطريقه
فى اللى بتبقى منقبه عشان تقول للعريس انا محترمه و تقيه و كلى ورع و ايمان و فى اللى بتظهر مفاتنها و حلوتها
و امها بتشجعها و ساعات بتكون هى المحرضه و الايه فى القراءن واضحه بسم الله .ولا تكرهوا فتياتكم على البغاء ان اردن تحصنا ً لتبتغوا عرض الحياة الدنيا و من يكرهن فإن الله من بعد اكراهن لغفور رحيم . صدق الله العظيم
زيزو1900 22-09-2009, 11:38 PM فعلا الكلام دة بيحصل
بتاع الافراح والخروجات الخ
والجديد دلوقتى ان بقيت الامهات بتخلي بنتها تصلي التراويح عشان تتخطب وتتجوز
أ / طارق عتمان 22-09-2009, 11:45 PM قال رسول الله صلي الله عليه وسلم
يا عائشة ارفقي ، فإن
الرفق لم يكن في شيء قط إلا زانه و لا نزع من شيء قط إلا شانه "
أحمـدنجـم 23-09-2009, 12:00 AM غالبا موضوع التسيب فى اللبس اللى بنشوفوا فى الشارع سببه الاول الام يمكن شايفه ان بكده بنتها ح تغرى
الولاد و ح يروحوا يخطبوها على طول و الاب يا اما مكبر يا اما مش حاكم يا اما مشغول فى عمله
بالنسبه للاجابه على السؤال هل انت مع ام ضد لابد من اختيار الزوجه الصالحه اولا قبل الاجابه على هذا السؤال
انا من رايى
ان البنات بطبعها بتكون محتاجة الحنية والتفاهم اكتر من الولد
لكن التشدد له وقت والحرية ليها وقت
يعنى مش ادى البنت حرية مطلقة ولما تغلط اعاقبها المفروض اعاقب نفسى عشان ادتها الحرية المطلقة دى
وكمان مش اشد عليها اوى وطبعا من خلال الكبت وكده ممكن تعمل حاجة تخرجها من الكبت والتشدد ده يبقى برده قبل ما اعاقبها اعاقب نفسى
يعنى فى حرية بس محكومة شوية اه انا اديتك حرية بس برده فى شدة اعملى اللى انتى عاوزاه طالما فى حدود الدين والادب والاخلاق
لكن التشدد بجد مش بيجيب نتيجة ده ممكن يكون بيجيب نتيجة عكسية
طبعاً أنا في مشاركتي وردي
جمعت مجموعة من الآراء التي ستوفر علي الكثير من الكلام
وعشان ميكونش فيه تكرار لأي كلام قيل قبلي
الحكاية كلها يا جماعة تتلخص في الآتي
أولاً
ما قبل ...
طب لو أهملنا فيما قبل نعمل ايه؟
ثانياً :
7 و 7 و 7
طب لو أهملنا في 7 منهم نعمل ايه؟
طيب هفسر الموضوع عشان محدش يتضايق ..
صلوا على رسول الله صلى الله عليه وسلم ..
نتكلم الأول في أولاً : اللي هي ما قبل :
وأنا أقصد بها ما قبل زواج الأب أصلاً وهي أن يختار
لأبنائه الذين لم يأتوا بعد إلى الحياة (أماً صالحة)
فلما سئل الفاروق رضى الله عنه عن وقت تربية الأبناء قال الأبناء نربيهم من قبل الزواج بأن نختار لهم أماً صالحة..
ولن أسهب في كلامي فكلنا نعلم أن
(الأم مدرسة)
طيب لو أهمل الأب في اختيار الأم ..
آآآآه والله دي كارثة
لأن الأب في الحالة دي لازم يربي 3
نفسه + مراته + عياله
والحاجة الوحيدة اللي ممكن تربي الـ 3 مرة واحدة
بسيطة أوي وموجودة في كل بيت وكل عربية وكل مسجد وكل مكتبة ومعظم الأماكن اللي بنروحها
(القرآن الكريم )
فلما سئلت عائشة رضي الله عنها عن خلق رسول الله صلى الله عليه وسلم قالت :
"كان خلقه القرآن"
...
طيب تعالوا بقى لثانياً
الأب صالح والأم صالحة
يبقى في 7 لعب
7 تربية
7 صحوبية وصداقة
الـ 7 الأولانيين .. لعب في لعب في لعب ..
ايه دا العيال كده يطلعوا متدلعين ..
لا لا لازم نربيهم ونضربهم لو غلطوا
يا لهوي الواد كسر الفازة
الواد وقع الكوباية
البت بتبص للعصير اللي في ايد الضيفة
لازم احرق بالشمعة
لازم اقرص
لازم اعض
لازم .. ايه دا احنا في معتقل؟
لعب يعني لعب
قال الصادق المصدوق :"لاعبوهم سبع"
ازاي؟
اللعب يعني لعب
والتقييم عن طريق اللعب
والتربية عن طريق اللعب
اعلمه الصدق بلعبة
اعلمه الكرم بلعبة
اعلمه القرآن بلعبة
أعلمه الصلاة بلعبة
كله عن طريق اللعب
اشمعنى لما بحب أأكله بلاعبه
يبقى كله لعب في لعب
وأوعوا ننسى أن الأطفال مش مكلفين
لو كان ربنا هيعاقبهم يبقى نعاقبهم احنا ..
ولا ايه؟؟؟؟؟؟؟؟؟؟
طيب الـ 7 التربية ..
آه دي مشكلة والله
خلاص لاعبناهم والواد بقى عنده 7 أو البنت
فجأة بقى تاني يوم يعني 7 ويوم
نرمي اللعب ونجيب الخرزانة والفلكة والضحكة تتبدل تكشيرة
والله الواد يتعقد في عشته دا لو مقالش ايه بابا ولا ماما المجانين دول (آسف على التعبير)
طب الصادق المصدوق قال : "أدبوهم سبع"
التأديب يعني التهذيب والتهذيب يعني إصلاح المعوج طب افرض مظهرش معوج يبقى نعمل وقاية لو ظهر ميأثرش في عيالنا
يعني التدرج من مرحلة اللعب من أجل اللعب لمرحلة الفهم والتطبيق
الولد داخل على مرحلة تكليف إلهي لازم نعده ليها
كل همنا ان ابننا يبقى شاطر في المدرسة بس
لا طبعاً مش دا الهدف الوحيد
خلي ابنك مستعد للامتحان الكبير
ليوم القيامة
مش كده ولا ايه؟؟؟؟؟؟؟
******
دا أنا طولت اوي
عارفين الـ 7 التالتة
صاحبوهم سبع
هتلاقوها جت لوحدها لو نفذنا الأولى والتانية
التالتة هتيجي لوحدها
هنلقى الثقة المتبادلة والصدق في التعامل
هنلقى الفضفضة
هنلقى الصداقة مش تمثيل الصداقة
الولد مش غبي
والبنت مش غبية
طب لو فاتت علينا 7 من السبعات التلاتة
مفيش حل غير ....
القرآن برضه
من أراد الدنيا فعليه بالقرآن
ومن اراد الآخرة فعليه بالقرآن
ومن أرادهما معاً فعليه بالقرآن
....
دا كان رأيي من خلال كلام رسولنا صلى الله عليه وسلم
حبيبي محمد صاحب الخلق العظيم
يالا بينا 23-09-2009, 12:39 AM والله خير الامور الوسط
وان كان على الاهل مسئولية الحفاظ على بناتهم وولادهم
فعلى البنات ولولاد مسئوليتين:طاعة اباءهم....وتقوى الله ف نفسهم
ولا شك انه من حق اي اب او ام يخاف على ابنه او بنته من المجتمع المعاصر
EL-leader 23-09-2009, 07:55 AM اكيد طبعا ضد التشدد
لكن لازم يكون فيه تشدد لازم لازم
وزى ما قلت لو انتى مسئوله عن بنت وعايزة تلبس ضيق تعملي ايه
لازم تستخدم التشدد هنا شويه بس طبعا مش تشدد يعنى خلاص
لا تشدد بغرض التربيه والتوجيه ويكون مقنن زى ما قلت
لو انا مسؤلة عن بنت وهى صغيرة هسيبها تلبس كل اللى هي عاوزاها علشان لما تكبر مش يكون عندها رغبة ف اللبس الضيق ولا عقدة ولو هى اصررت ع اللبس الضيق ف الاول هااحاول اقناعها ولو مانفعش اكيد استعمل معها التشديد لكن كان كلامى م ع اللبس الضيق انا اقصد ان الاهل ماتشددش ع البنت فى التصرفات ومايكونش عندها الحرية حاجة زى دى ممكن يخليها تمارس الحرية بطريقة خاطئة معنى كلامى ان الاهل المفروض تسمح لبنتهم بشوية حرية بدون تجاوز العيب والحرام علشان هى ماتمارس الحرية وتتجاوز الحلال والعيب
وشكراااااااااااااااااا ع التوبيك
كــارمن 23-09-2009, 09:29 AM لا بيحصل يا كارمن الامهات بيخلو بناتهم يرقصوا فى الافراح عشان يغروا (غ عليه سكون) الولاد و الام بتكون فرحانه ما بنتها
تتعاكس بتعتبر ان العرسان ح يكتروا على بنتها و البنات الوقتى بيتمكيجوا و يكوا شعرهم و على سنجة عشرة و يقفوا فى الشوارع او يرحوا و يجوا من غير لازمه اكيد كل ام عايزه بنتها تتجوز مش تخلل جنبيها بس بيختلف الاسلوب و الطريقه
فى اللى بتبقى منقبه عشان تقول للعريس انا محترمه و تقيه و كلى ورع و ايمان و فى اللى بتظهر مفاتنها و حلوتها
و امها بتشجعها و ساعات بتكون هى المحرضه و الايه فى القراءن واضحه بسم الله .ولا تكرهوا فتياتكم على البغاء ان اردن تحصنا ً لتبتغوا عرض الحياة الدنيا و من يكرهن فإن الله من بعد اكراهن لغفور رحيم . صدق الله العظيم
كل شىء جايز بس فعلا معاك حق ان موضوع الرقص فى الافراح ده بقى ظاهر ومنتشر وبيكون قدام الاب والام
كــارمن 23-09-2009, 09:31 AM من أراد الدنيا فعليه بالقرآن
ومن اراد الآخرة فعليه بالقرآن
ومن أرادهما معاً فعليه بالقرآن
....
دا كان رأيي من خلال كلام رسولنا صلى الله عليه وسلم
حبيبي محمد صاحب الخلق العظيم
جزاك الله كل خير حضرتك ردك اكثر من رائع وانا اتفق مع حضرتك فى كل كلمه فيه
كــارمن 23-09-2009, 09:33 AM فعلا الكلام دة بيحصل
بتاع الافراح والخروجات الخ
والجديد دلوقتى ان بقيت الامهات بتخلي بنتها تصلي التراويح عشان تتخطب وتتجوز
ليه التحامل ده على الام مهى برده حق مشروع ليها انها نفسها بنتها تتجوز اوك احنا اعترضنا لو انها تسمحلها بالتسيب لكن مش الكل كده ودى نسبه قليله
كــارمن 23-09-2009, 09:34 AM والله خير الامور الوسط
وان كان على الاهل مسئولية الحفاظ على بناتهم وولادهم
فعلى البنات ولولاد مسئوليتين:طاعة اباءهم....وتقوى الله ف نفسهم
ولا شك انه من حق اي اب او ام يخاف على ابنه او بنته من المجتمع المعاصر
صح زى ماقلتى دى مسئوليه مشتركه
كــارمن 23-09-2009, 09:45 PM جزاكم الله كل خير على الردود
mohamadelhawary 24-09-2009, 12:07 AM السلام عليكم و رحمه الله وبركاته
لما بنقول للبنت متتأخرش باليل علشان محدش يعتدى عليها و تعيش حياتها فى المصحات النفسيه
كمان الشباب مبيخسرش زى البنات علشان كده
ده خوف مش أكثر
المهم فى أسلوب التربيه
ممكن أحرم البنت من شئ برغبتها و بأسلوب موضوعى
و ممكن لا و بس
المهم أسلوب التربيه
كــارمن 24-09-2009, 01:02 AM كلام حضرتك صح التفاهم مطلوب
DR/ AHMAD 25-09-2009, 10:25 PM بصراحة انا مش فاهم قصدك ايه بالتشدد
يعني تروح بدري مثلا طب دا من مصلحتها وهو
دا الصح ، تلبس كويس ما دا المفروض اللى
مبيتعملش وياريت الكل يتشدد على بناته لو كان
هو دا التشدد
اسيــــــــــــــــــــل 25-09-2009, 10:36 PM لا يا دكتور احمد معلش كلام حضرتك استفزني جدا البنات لبس اغلبهم محترم وكويس وتقريبا تلات ارباع بنات مصر محجبات
ده في الاماكن العادية الي بروحها وده الي بشوفه يا ريت حضرتك تقولي بتشوف فين اللبس الي مش محترم ده في المسلسلات او الاغاني؟؟؟؟ طب ده كلام تاني
كــارمن 25-09-2009, 10:40 PM حضرتك زى ماقالت اسيل ان احنا مش نقصد بالتشدد هو اننا نلنزم بالدين
دة شىء مفروغ منه نحن نقصد الاعتدال
عدم الترهيب
استخدام اسلوب الحوار
***star*** 26-09-2009, 12:36 AM الممنوع
..........
مرغوب
كــارمن 26-09-2009, 06:19 AM فعلا كلام حضرتك صح بس مش دايما يكون مرغوب
Dr/yara 26-09-2009, 07:06 AM الموضوع حلو جدااااا وفعلا ممكن تلاقى فى بنات كتيرة محترمه ومحجبه ولكن اللبس يعنى المفروض يظبط شويه زى الجينس على الحجاب بس انا ضد التشدد وفعلا خير الامور الوسط وفكرة انا مع او ضد لو التشدد المقصود بيه الحرمان من كل شىء فانا اكون ضد وغير ان الممنوع مرغوب لان انا بعتقد فى الموضوع ده جامد فالحرمان يولد الكبت والامراض النفسيه ولكن اذا كان التشديد يقصدالاحترام فانا معه جداااااااااااا وتقبلوى مرورى
منه الله فؤاد 26-09-2009, 02:12 PM لا اصاحبهم واقرب منهم لانى بنت واى بنت ممكن تحتاج حد يكون قريب منها
خصوصا الام والام تنصح مرة واتنين لكن لو البنت غلطت نفس الغلط يبقى لازم
يتشدد عليها ولو عادته تبقى مختله عقليا
وميرسى على التوبيك التحفه ده
DR/ AHMAD 26-09-2009, 05:44 PM لا يا دكتور احمد معلش كلام حضرتك استفزني جدا البنات لبس اغلبهم محترم وكويس وتقريبا تلات ارباع بنات مصر محجبات
ده في الاماكن العادية الي بروحها وده الي بشوفه يا ريت حضرتك تقولي بتشوف فين اللبس الي مش محترم ده في المسلسلات او الاغاني؟؟؟؟ طب ده كلام تاني
ازاي فين البنات دي في الجامعة الكل بناطيل جينز
وتسشيرت نص وتحتيه بدي ضيق جدا
او جيبة شانيل او .... ..... .....
انا نادر لما الاقى بنت محجبة بطريقة ديننا القويم
معظمهم كاسيات عاريات.........
علشان مش نظلم البنات كلهم في منهم يا
ماشاء الله حجاب ملتزم بل خمار ........
كــارمن 27-09-2009, 04:01 AM الموضوع حلو جدااااا وفعلا ممكن تلاقى فى بنات كتيرة محترمه ومحجبه ولكن اللبس يعنى المفروض يظبط شويه زى الجينس على الحجاب بس انا ضد التشدد وفعلا خير الامور الوسط وفكرة انا مع او ضد لو التشدد المقصود بيه الحرمان من كل شىء فانا اكون ضد وغير ان الممنوع مرغوب لان انا بعتقد فى الموضوع ده جامد فالحرمان يولد الكبت والامراض النفسيه ولكن اذا كان التشديد يقصدالاحترام فانا معه جداااااااااااا وتقبلوى مرورى
رايك جميل جدا
وانا اوافقكى فيه
Dr/yara 29-09-2009, 01:34 AM ميرسى جدااااا يا كارمن على موفقتك على رايى بس انا هو ده اللى انا شيفاه بيحصل طيب والله انا اعرف ناس محترمه جدا بس فى اللبس واللى يشوفها يقول عليها انها متدينه جدااااااا ولكن فى الحقيقه بتكون لبسه البس ده تحت تشديد من الاب او الاخ كده يعنى فانا مع ان احنا لابد ان نهتم بالمظهر لانه كفايه انه بيبن المسلمه من غيرها ولكن لابد اولا ان نهتم بالروح المحركه للمظهر لان احنا لو اهتمينا بالدين والتربيه سيكون جيلا محترما فى كل شىء خُلقا وخِلقا وبالتالى هى هتكون لبسه محترم ومقتنعه بالبس وتكون مثل مشرف لاى فتاه مسلمه لان انا والله بشوف بنات فى الشارع ولبسين الحجاب ولكن اللبس لا يدل على اى اسلام لكنه من النوع اللى بيسىء للاسلام والله لما بشوف كده بقول يا رب اهديهم وكنت بتكلم مع واحده من الناس دول وكانت مقتنعه جدا ان هى صح وان دى الموضه وخلتنى وصلت معاه لطريق مسدود فقلتلها طيب ما تخلعى الحجاب احسن ما تسىء للاسلام ودى فى وجهه نظرى اقل خطرا على الاسلام من المحجبه المحترمه اللى بتعمل حاجات بجد ملهاش دعوه باى دين لانها بيتقال عليها متدينه من الدرجه الاولى وبعدين لما الناس تشوفها بتصرف غلط يقول شوفوا الاسلام والمسلمين والجماعه دول بيبقى لابسن الحجاب ياما غصب ياما تستر على حاجه غلط زى حمله سرقه الاطفال والكبار اللى كانت منتشرة من مده وكانوا بيقولوا ان اللى بيقوم بكده منقبات والله حرااااااااام يبوظوا سمعه المنقبات كده انا عارفه ان انا بعت عن الموضوع الاصلى بس انا شايفه ان اللتنين مرتطبين ببعض واسفه لو كنت طولت عليكم ويارب متقلوش على رغايه
كــارمن 29-09-2009, 01:12 PM بالعكس يا يارا انتى بجد نورتى الموضوع برايك العاقل
عمر مصطفى احمد 29-09-2009, 01:56 PM والله يا جماعه انا راى ان احنا نعرف الاول الحريه ونعرف التشدد
عشان نقدر نقول اذا كنا مع ولا ضدد
لان للاسف فى الزمن اللى احنا فيه فى تلاعب بالمصطلحات
يعنى على سبيل المثال لو فى واحد متدين نلاقى الناس بتقول عليه ده متشدد
ولو واحد مربى شعره وبيلبس لبس غريب وعامل تقاليع غريبه بنقول عليه متحرر
فانا شايف ان الاب والام فى البيت يبربوا اولادهم تربيه اسلاميه ويكونوا ملتزمين بلباس الدين واخلاق الاسلام
وممنوع طبعا منعا باتا الضرب والسب لازم نقوم سلوك اةلادنا باللين والحسنى لان ده من الاسلام
وشكرا
_GUIDE_ 29-09-2009, 02:05 PM انا بصراحة مع تشديد العقوبة مع البنات
وانا صراحة مع قانون ذبح الاناث
وأويد الحبس الانفرادى كمان :d
كاباكا المدهش 29-09-2009, 02:13 PM والله كل شئ لية مميزاتة وعيوبة انا برايي ان البنت تتاخد باللين والنصيحة وهى ان كانت على قد المسئولية هتسمع لوالديها ولكن ان كانت العكس لازم تتاخد بالشدة
eng_hoda 29-09-2009, 02:24 PM لو اتقى الاب الله فى تربية ابنائه وكذلك الام ولم تخشى الفتاة الا الله وارتدت الحجاب خوفا من الله وحرصا على عدم فتنة المسلمين لما احتجنا الى تشديد او تعقيد كل من يعمل عملا او يفعل شيئا فانه لا يريد به وجه الله ضاعت الامانة والاخلاص وحسن الخلق لاننا لم نعد نخشى الله اصبحنا نخشى كلام الناس فوالله لو اتقينا الله لسافرت المراه التى تريد الحج من العراق الى مكة سيرا على الاقدام ولايعترضها شىء ولاتخشى شيئا الا الله لقد خفنا ان يقول عن الغرب اننا متشددون حتى اصبحنا نفرط فى اركانا من الاسلام واردة فى الكتاب والسنه http://3.bp.blogspot.com/_RmUmrmFm-1E/SKM_hvdbt3I/AAAAAAAAAQ0/8eumDAp6SEM/s400/008598473661.jpg
متعاقده مخنوقه 29-09-2009, 02:56 PM طبعا انا ضد التشدد سواء مع البنت او مع الولد
لان فعلا الممنوع مرغوب
المفروض ان الاب والام يكونوا اصدقاء سواء للبنت او مع الولد
ويعلموهم انهم يكونوا صرحا معاهم من غير خوف ولا خجل ويتعاملوا مع عقولهم ويستخدموا اسلوب الاقناع مش فرض الراى
بس مش معنى كدا انهم يدلعوهم
يعنى لا يتساهلوا معاهم جدا ولا يشدوا عليهم جدا
لان التشدد للاسف بيجيب نتيجه عكسيه
كمان التشدد مع البنت هيخليها تبعد عن اسرتها
ويديها احساس انها مفتقده للاحساس بالحب والامان والاهتمام فتبتدى
تدور على دا بره البيت ومن هنا ممكن تحصل مشكلات كتير
واكتر مشكلات بتيجى من بنات اهاليهم بيشدوا عليهم
وبصراحه انا شايفه ان لو اى بنت عايزا تعمل اى حاجه مفيش اى حد يقدر يمنعها
مهما كان درجه الحصار اللى فرضينه اهلها عليها
غير ضميرها والقيم والمبادىء اللى كونتها
فالتشدد مع البنت هيعلمها صفات سيئه جدا
زى الكدب مثلا علشان الخوف من العقاب
ومش هيخليها تتقبل تتعلم اى شىء وهتبتدى تكون قيمها ومبادئها من خلال العالم الخارجى
الاكتر تساهل معاها وهتبتدى تبعد عن اسرتها
والله اعلم بقى مين هيكون الاشخاص اللى هتتعامل معاهم بره
وايه هى اخلاقياتهم وممكن تتعلم منهم ايه
وعلى فكره كلامى دا مش مجرد كلام وبس
دا كلام بناءا على مشكلات كتيره عرفتها وتصرفات كتير انا
شفتها من بنات اهاليهم بيستخدموا بس اسلوب الشده معاهم
فانا فعلا شايفه ان افضل اسلوب للتربيه
هو الاسلوب المبنى على الصراحه والاقناع وعدم الخوف
zoooo 29-09-2009, 03:23 PM انا رايي نعلمهم ايه الصح والغلط والدين بيقول ايه وكمان يتعلموا يتقوا الله في المظهر والجوهر
متعاقده مخنوقه 29-09-2009, 03:43 PM انا رايي نعلمهم ايه الصح والغلط والدين بيقول ايه وكمان يتعلموا يتقوا الله في المظهر والجوهر
طبعا دى حاجه لا نقاش فيها بس المطلوب اى اسلوب تستخدم علشان تعلم دا
وايه رايك فى استخدام اسلوبب التشدد مع البنات
دا السؤال اللى بيطرحه الموضوع
عمر مصطفى احمد 29-09-2009, 03:48 PM انا عجبنى جدا راى المهندسه هدى
بارك الله فيكى
وده ان نم على شىء ينم على انك انسانه مهذبه وعلى خلق ومتدينه
صوت الامة 29-09-2009, 04:54 PM انا معاكم بالطبع
ولكن ليييييييييييه بس البنت؟؟؟
والولد برده لازم يتشدد عليه
لانه من رايي راس معظم المصائب
مش شايفين ان دي عنصريه
السلام عليكم
طيب اختى نتكلم شوية بالعقل ممكن
المسئلة مش عنصرية ولا حاجة
تيجى نعمل مقارنة صغيرة كدة
اقل حاجة نقول شاب ماشى فى الطريق شاف بنت لابسة لبس خليع من بتوع اليومين دول اية الى حضرتيك تنتظرية منة؟؟
نفس الشئ لو شاف واحدة محترمة ومتحجبة وملتزمة حيعمل اية؟
هل تفكيرة نفس التفكير؟
طب دماغة تروح لمين؟؟؟؟
عرفتى حضرتك الموضوع مش تعصب ولا حاجة
لو غيرت البنت من نفسها
واقسم بالله العلى العظيم
لاينصلح معظم الشباب
حضرتيك بتقولى ان الشباب راس معظم المصائب طيب تفتكرى حضرتيك اية الى خلاة كدة؟؟؟؟
انا وجة نظرى فى الموضوع من نفس وجهة نظر الاستاذ عمر مصطفى
وشكرا على الموضوع
كــارمن 30-09-2009, 07:24 AM انا بصراحة مع تشديد العقوبة مع البنات
وانا صراحة مع قانون ذبح الاناث
وأويد الحبس الانفرادى كمان :d
وانا بصراحه مبحبش اسلوب السخريه لما يبقى بنتكلم بجد
وانا بصراحه مع قانون عدم الاستهزاء بالاخر
وانا اؤيد ان حضرتك منور الموضوع :stickjo4:
thedentistmod 30-09-2009, 05:39 PM اعتقد انه من القصور فى علاج القضية المتعلقة بالمرأة ان نقصر الحديث عن الملبس و فقط و نقيم البنات على هذا الاساس فقط
<ميعنا مقتنعون ان الزى له شروط فى الدين يجب ان نلتزم بها و نحاول فعل ذلك و لكن حتى ممن يلتزمن بهذه الشروط نجد انواعا من الاعتداء عليهن سواء باللفظ او النظر او غيره
انا لا ارحب بالتشدد فى التعامل لانه قد يصل الى مدى سىء جدا فى النهاية و سيجعل البنت تتربى عندها نفسية العبيد
يجب ان تكون هناك مراقبة و مصارحة و بحث و حوار بين الفتيات و اهلهن و يجب ان يكون الرفض لفعل شىء ما نابع من داخل الفرد قبل ان يكون مفروضا عليه
توتو باشا 02-10-2009, 05:08 PM :abdoog8::abdoog8:انا طبعا ضد التشدد وربنا يوفقنا ويحمينا:abdoog8::abdoog8:
جعلتني مهندسا 02-10-2009, 05:19 PM أنا رأيي
أن في نوعين من البنات
النوع الأول ده عبارة عن البنات الؤدبة المحترمة اللي عارفة ربنا
ده ما يتقلقش منه وطبعا لا يمكن معاقبته
أما النوع التاني ده عبارة عن نوع مستهتر وتافه
عيش حياته بسطحية ولا مبالاة
مالوش دعوة باللي بيحصل حواليه
نوع الفيس بوك والشيشة
نوع لا يستطيع أن يربي أولاده
نوع في نظري بسميه
نوع تيمو حبيبي
ده طبعا نوع لا بد من محاولة بترة بأي طريق
وشكرا
أخوكم أحمد
احمد نوفل 02-10-2009, 07:39 PM والله موضوع جامد جدا
بس الافضل نمسك العصاية من النص بس فى حاجات مينفعش فيها الا الشدة
يعنى مثلا لو البنت لابسة مينى جيب ومفيش حاجة تحيها بنطلون مثلا ده يبقى كلام برضو
او مثلا عاملة ميكياج اوفر خالص تبقى دى تربية
يلا احنا بقينا فى زمن ربنا يسترها معانا
بكرة وبعده البنت هى الى هتيجى تخطب الولد
wafa2y 02-10-2009, 09:15 PM "أنا مع الشد برفق"
إن شاء الله الجميع يفهم قصدي إيه
في أمان الله
هانى الشرقاوى 06-10-2009, 12:26 PM أنا ضد التشديد ومصادرة الحريات باى شكل وبأى نوع وبأى طريقة
بس برده لازم يكون فيه رقابة من الاسرة للبنت وللشاب برده مراقبة من غير مصادرة الحربات
وأهم حاجة لازم الاسرة تزرع فى بناتها الاحساس بالثقة لان التشديد ده هيفجر مصايب احنا فى غنى عنها
foxthegreatest 06-10-2009, 03:10 PM التثقيف الدينى أهم شىء
احمد فاروق1991 07-10-2009, 09:32 PM موضوع التشديد على البنات او على اى حد موضوع متخلف من اى احد حتى لو فعلتة انا.
الموضوع مش بيتاخد بالعقل بس" لو انا قفلت عليها مش هتعمل كذا "
لكن الموضوع بالتجربة كل ما تشدد يعمل حاجات افظع من اللى انت بتخاف منة...
|