|
مشاهدة النسخة كاملة : خبر جديد لطلاب كليه الاداب sara_gm90 22-09-2009, 05:51 AM بسم الله الرحمن الرحيم اولا عيد سعيد عليكم جميعا انشاء الله انا سمعت خبر كده وحبيت نناقشه كلنا مع بعض اصله اكيد هيفرق فى قررات ناس كتير( جامعه القاهره عملو فيها قسم جديد قسم ايطالى اول سنه السنه دى) بس مش عارفه شروط القسم انا عن نفسى هتفرق جدا معايا لان لو ممكن انل هنقله لان اكيد هيبقى افضل من اليونانى واللاتينى اللى جالى ده يعنى ياريت اللى يعرف معلومات يجيبها لينا ويقول ايه رايه فى الوضوع ده الورده الحمرا 22-09-2009, 05:55 AM الايطاليه لغة جميله بس مش عارفه حاجه بصراحه عن القسم ده لانى مش فى القاهره بس ان شاء الله هحاول اشوفلك اخبار عنه وربنا يوفقك sara_gm90 22-09-2009, 05:58 AM شكرا ليكى على الرد السريع ده بجد وياريت تجيبلنا اخبار عن القسم ده فعلا ربنا يوفقك الورده الحمرا 22-09-2009, 06:07 AM بصى يا قمر ادخلى على اللينك ده ممنوع منعاً باتاً وضع أى روبط / الادارة. هو مافيش قسم ايطالى بس لو انتى هتدخلى اى قسم من الاقسام دى الانجليزى والفرنساوى والالمانى والاسبانى ممكن تاخدى اللغه الاوربيه فى اى قسم من دول تاخديها اللغه الايطاليه ده اللى عرفته وهشوفلك تانى برده sara_gm90 22-09-2009, 06:15 AM بصى يا قمر ادخلى على اللينك ده http://lecture.cu.edu.eg/ هو مافيش قسم ايطالى بس لو انتى هتدخلى اى قسم من الاقسام دى الانجليزى والفرنساوى والالمانى والاسبانى ممكن تاخدى اللغه الاوربيه فى اى قسم من دول تاخديها اللغه الايطاليه ده اللى عرفته وهشوفلك تانى برده مرسى يا جميل والله على تعبك بس اناكنت كاتبه فى الرغبات اسبانى ومجاليش والالمانى والفرنساوى شروطه مش عندى والانجليزى شروطه اكون جايبه 48 فى السنتين وانا جايبه 45 بس جالى يونانى الناس كلها بتقولى وحش قلت اشوف القسم الجديد ده ممكن احوله الورده الحمرا 22-09-2009, 06:22 AM لو مش حابه اليونانى ممكن تحولى بعد الدراسه وروحى الكليه واسألى وان شاء الله ربنا هيعمل اللى فيه الخير sara_gm90 22-09-2009, 06:26 AM هوه اليونانى مكنش طموحى ابدا الحقيقه كنت عايزه ادخل يابانى او صينى او اسبانى لانهم احسن الاقسام وشروطهم كانت منطبقه على درجاتى بس هما بياخدو احسن 20 طالب فى الدرجات جالى الرغبه الرابعه يونانى متخيلتش انه هيجيلى ابدا لاقيت كل الناس بيقولو ملهوش اى مستقبل وممل شويه معنديش اختيار تانى تقريبا الورده الحمرا 22-09-2009, 06:31 AM ليه بس ماتفقديش الامل شوفى اى قسم تانى غير اليونانى طالما مش حباه غير الاقسام بتاعت 20 طالب لان كده هتتعبى جامد دى نصيحتى ليكى sara_gm90 22-09-2009, 06:34 AM انشاء الله احسن حاجه اروح الجامعه واسال ولو محصلش وعرفت احول يبقى ده نصيبى بقى بس انتى مقولتيش انتى فى جامعه ايه وقسم ايه الورده الحمرا 22-09-2009, 06:41 AM الاول بس عايزه اقولك انك ماتخديش بكلام حد ممكن الوحش عندهم يكون حلو ليكى لو ذاكرتى وربنا يوفقك يارب وانا اداب طنطا قسم تاريخ ان شاء الله sara_gm90 22-09-2009, 06:45 AM ربنا معاكى ويوفقك انا بس نفسى حد يقولى ميزه واحده بس على اليونانى ده تخلينى اتمسك بيه ميزه القسم ده الوحيده ان ربنا هوه اللى اختاره ليا بس انشاء الله هحاول و الباقى على ربنا الورده الحمرا 22-09-2009, 06:53 AM طيب لما مش حاباه كتبتيه فى الرغبات ليه من الاول عموما بيبقى فى تحويل لما الدراسه تبدأ تقريبا لمدة شهر وشوفى فى قسم ايه تانى ممكن تدخليه فى اقسام حلوه فى الاداب غير اليونانى sara_gm90 22-09-2009, 06:57 AM انا كتبته رغبه رابعه عادى زى اى حاجه معرفش انهم هيسيبه ال3 رغبات اللى قبله ويجيبوه ليا (الحمد لله) ومرسى كتيييييييييييييييييييييير على الافاده والاهتمام وربنا معاكى ويوفقك الورده الحمرا 22-09-2009, 07:02 AM يارب احنا والمسلمين جميعا وابقى طمنينى عملتى ايه سلام يا جميل *التـوأم المـزعج* 22-09-2009, 03:41 PM هم فعلاً افتتحوا قسم اللغه الأيطاليه ف جامعه القاهره وشروطه قريبه جدا جدا من اقسام اللغات التانيه تقريباً هي هي هي ان القسم بيقبل أعلى 25 طالب في مجموع اللغات التلاته وطبعاً بيبقى أفضل لو كان درس اللغه الايطاليه وربنا يكرمك sara_gm90 24-09-2009, 03:07 AM انا رحت الجامعه وعرفت شروط القسم ده( لازم نجمع المجموع الكلى +اللغه الاولى والتانيه والمستوى ويكون 453) :blush:بس انا محولتش لان مجموعهم عندى 447 الحمد لله وشكراااااااااااااااااااااااا يا جماعه على النصايح والرد الورده الحمرا 25-09-2009, 11:51 PM 6 درجات طيب احمدى ربنا على كده ربنا شايلك الاحسن وربنا يوفقك sararabiaaa 01-10-2009, 05:58 PM انا داخله كليه اداب سنه اولي وعايزه اعرف جدول اداب عشان اعرف هروح امتي sararabiaaa 01-10-2009, 05:59 PM لوسمحت الرد بسرعه realman0129 01-10-2009, 09:43 PM حولي كليه تجاره مستقبلها احسن light_123456 02-10-2009, 02:47 AM انتى ممكن تدخلى قسم جغرافيا فتحوا فية اقسام جميلة ذى قسم نظم ومعلومات لو انتى بتحبى الانجليزى والكمبيوتر وقسم مساحة لو بتحبى الرياضة وقسم الاستشعار عن بعد وشعبة عامة لو بتحبى التدريس بحس احسن قسم فيهم نم ومعلومات لانك بتحبى اللغات واللى ربنا كتبة هيكون وانتى ونصيبك |