توته_ غنا
22-09-2009, 06:55 AM
السلام عليكم
كل سنه وانتم طيبين بمناسبه عيد الفطر المبارك اعاده الله علينا وعليكم بالخير واليمن والبركات
طبعا الموضوع باين من عنوانه ## عملت ايه فى العيد ## يعنى كل عضو هيدخل يحكلنا كل الى عمله فى العيد وراح فين وزار مين وكده يعنى .....
يلا نشوف اول عضو هيرد على الموضوع ويحكلنا
يلا سلاااااااااااااااموز
JusT l0sT
22-09-2009, 07:39 AM
كل سنة وانتى طيبة يا توته:blush:
ما تشجعينا انتى وتحكى الاول:d
علشان احنا كمان نحكى
يلا احكى متنسياكى
:)
توته_ غنا
22-09-2009, 07:54 AM
اوك انا هحكى اول واحده :)
انا هحكلكم بالتفصيل الممل
يلا نبدا ....
ليله العيد دى انا منمتش فيها ( كنت مطبقه يومين)
المهم رحت صلاه العيد وكانت اغرب صلاه بالنسبه لى لانها كانت فى النادى مش الجامع:d اه والله انا سمعت انها كانت سنه عن الرسول (ص) ان صلاه العيد تصلى فى الخلاء المهم رحنا صلينا فى ملعب كره القدم على النجيله وكانت جميله جداااااااا وبعدين روحت البيت فطرت ورحت عند اصحابى لفيت عليهم كلهم واتجمعنا ورحنا الملاهى ( اكتر حاجه بحبها) وبعدين نزلت النادى وادبست فى غدوه على حسابى :angry2: رجعت البيت فى العصر كده اشتغلت اتفرج على التلفزيون شويه وبعدين نزلت النادى تانى علشان كان فى حفله وكانت حفله جميله جداااااااا وكان فيها مسابقات وانا الحمد لله كسبت كرت شحن ب 10 جنيه ( اللهم لا حسد:d) المهم روحت البيت على الساعه 12 ونص وكنت هموت نوم لانى كنت ليا 2 يوم منمتش
تانى يووووووووووم
رحت عند خلاتى وجمعتهم واتفسحنا كلنا ودبستهم فى غدوه انما غدوه ( اشمعنا انا الى ادبس :blush:) فى المغرب كده اخت بنات خلاتى ونزلنا نجع حمادى واتفسحنا وتوته توته خلصت الحدوته حلةه ولا منتوته
JusT l0sT
22-09-2009, 08:00 AM
زى القمر يا توتى
حلوه حكايتك
وحلو اوى العيد عندكم
وبقول بلاش انا احكى احسن يجيلك احباط:d
كل سنة وانتى طيبة يا جميلة:blush:
**(elktra)**
22-09-2009, 10:54 AM
وبقول بلاش انا احكى احسن يجيلك احباط:d
بجد يومين حلوين يا جميلة
كل سنة وانتي طيبة
وانا كمان مش هحكي لان مش في حاجة حصلت
بس العيد فرحة بقي
يلا عيد سعيد علي الجميع
عاشقـــ الانمى ـــة
23-09-2009, 01:29 AM
ولله الحمد مش عملت اى حاجة:d
dr \manoo
23-09-2009, 10:44 PM
فعلا عيد سعيد
بس انتوا عارفين
الحياة بقيت متكررة
والبنات مظلومه جدا فى العيد علشان الزحمه
وكده