هذا الصباح وكل صباح لا يتغير سيناريو كل يوم ولكن هناك ما لاحظته مختلف
خرجت من بتنا وقابلت واحد جارنا وقلتله صباح الخير زي كل يوم لكن الغريب لقيته بيرد عليا شنج فنج لنج
استغربت من الرد لكن لاني طبعا لسه صاحي قلت يمكن انا لسه مفوقتش قلت احسن حل اني اروح لعم فتحي بتاع الفول انتشلي ستندوتشين فول علي واحد طعميه يمكن افوق واصحصح
ولسه بقول للواد ايطه صبي عم فتحي هاتلي 2 فول واحد طعميه
قالي ( تسج منج بوشو )
استغربت تاني وقولت يمكن لسه بس عشان مفطرتش
المهم كلت وقلت بقه عايزين نحبس بكوبايه شاي
وقلت في عقل بالي يله اجرب قهوه كتكوت الناس كتير بتشكر فيها وفيها مشاريب حلوه
ابعتلي واحد شاي وصايا يا جابر
وكانت الصاعقه لي
رد جابر( بنج ميشو بونج)
بصراحه يا جماع انا اتخضيت قولت اكيد وداني جري فيها حاجه انا لازم اروح لدكتور ودان احسن انا كده شكلي بايظ خالص
المهم اتصل عليا واحد صحبي علي الموبايل ورديت عليه
ولقيته بيكلمني( شنج بونج تيشي موشي )
بصراحه التليفون وقع من ايدي من الخضه وقلت اكيد في حاجه مش مظبوطه
قلت خلاص انا احسن حاجه اشتري الجرايد دي اكيد ملهاش علاقه بالسمع دي هتبقي بعنيا والحمد لله انا شايف كويس اهو
واول ما مسكت الجرنال زي ما يكون مسكت سلك كهربا عريان
لقيت الكتابه من فوق لتحت ورسومات مش فاهم منها حاجه
وبطريقه غير اراديه قطعت الجرنال الف حته
وطبعا كان فعلي هذا مسار دهشه من رواد القهوه
وجالي واحد شكله كده عيان زيي وودانه وجعاه وعينه مش شايفه
الزبون : صباح الخير
انا: مش معقول انت بتقول صباح الخير يعني انا كويس مش عيان
الزبون: مالك يا كابتن
انا: مش عارف من الصبح بسمع حاجات غريبه وبشوف حاجات اغرب
الزبون: طب وايه يعني
انا: في ايه ايه اللي حصل
الزبون: يا جااابر هات قلم رصاص وكراسه
بصراحه انا قلت يمكن الزبون ده شاعر ولا كاتب وعايز يكتبلي قصيده ولا حاجه او رسام وعايز يرسملي صوره
الزبون : شايف القلم ده
انا: ايوه شايفه
الزبون صنع ي الصين
الكراسه صنع في الصين
قوم كده واقلب الكرسي اللي انت قاعد عليه هتلاقيه صنع في الصين
بص في قفا اللي قدامك (طبعا مش قصدي القفا مصنوع في الصين )
بس التكت بتاع القميص مكتوب عليه صنع في الصين
شايف جزمه الاخ ده صنع في الصين
الكوبايه اللي انت بتشرب فيها الشاي صنع في الصين
البراد اللي اتعمل فيه الشاي صنع في الصين
اللمبه اللي بتنور القهوه صنعت في الصين
المروحه المتعلقه في السقف صنع في الصين
كل حاجه بقت صنع في الصين
مش عايز الناس تتكلم بالصيني ليه؟
عموما هسيبك بقه عشان تشرب الشاي براحتك واقولك شونج بونج هونج كونج
يعني مع السلامه
وفعلا بدات افكر ان كل حاجه بقت في حياتنا صيني
نزلت العتبه وشوفت كل حاجه بتتباع صيني- مقشره بطاطس صيني
مفكات صيني - اقلام رصاص وحبر صيني -ملابس صيني - احذيه صيني -لوازم المنزل كلها صيني -لوازم الديكور بقت صيني وبما اني مهندس ديكور فالموضوع ده انا عارفه كويس اوي
فحسيت يا جماعه ان في حاجه غلط
تفتكرو فعلا هيجلنا يوم ونتكلم صيني ؟
ربنا يستر
embossed

<div align="center"></span> </div>
<div align="center">[size="3"]أكيد فاهمها</div>

اسمحلي يا محمد هضحك زيك بالصيني

ههههههههههونج ههههههههههههونج

والله كلام معقول يا خالد ممكن فعلا يجي يوم ونتكلم بالصيني ؟؟؟

بس حتي لو اتكلمنا احنا صيني بردوه لغة القرآن حافظها رب العربي والانجليزي ومش هنسي الصيني


شونج بونج هونج كونج


قصدي مع السلامه
.
.

فعلا الموضوع ده ملفت للنظر اوى
والله انا الساعات بتاعتى كلها made in china
بس الحاجات الصينى بتبقى خفيفه وفى نفس الوقت شيك
يعنى مش هنخلص من الموال ده خالص لان احنا كشعب مصرى بندور على المعقول وللا ايه؟
ومش هنتكلم صينى باذن الله
هنتكلم ايطالى واحتمال انجليزى علشان الصناعات الثقيله من هناك :D
شكرا لموضوعك الجميل يا خالد
بس هو انت ناوى على هندسه ديكور وللا ايه :D

كونج جونج ورحمة الله وبركاته يا جماعة
<div class='quotetop'>إقتباس</div>هههونج .. هههونج .. هههونج .. هههونج
سلامونج بونج[/b]
هو ده اللى فاهمه من كلامك معرفش الكلام واللغة العجيبة اللى كاتب بيها دى :D

<div class='quotetop'>إقتباس</div>سمحلي يا محمد هضحك زيك بالصيني
ههههههههههونج ههههههههههههونج
والله كلام معقول يا خالد ممكن فعلا يجي يوم ونتكلم بالصيني ؟؟؟
بس حتي لو اتكلمنا احنا صيني بردوه لغة القرآن حافظها رب العربي والانجليزي ومش هنسي الصيني
شونج بونج هونج كونج
قصدي مع السلامه[/b]
الله يسلمك :D مع ان الجملة غلط بالصينى :P
بس ياريت اساسا نعرف عربى
شونججنوج ورحمة الله :D


<div class='quotetop'>إقتباس</div>فعلا الموضوع ده ملفت للنظر اوى
والله انا الساعات
ساعات؟؟؟!!!(ربنا يزيد ويبارك....اصلى معنديش غير واحدة....متخافيش انا مش بحسد انا بقّر بس)
بتاعتى كلها made in china
بس الحاجات الصينى بتبقى خفيفه وفى نفس الوقت شيك(نسيتى الجودة كمان)
يعنى مش هنخلص من الموال ده خالص لان احنا كشعب مصرى بندور على المعقول وللا ايه؟
ومش هنتكلم صينى باذن الله
هنتكلم ايطالى واحتمال انجليزى علشان الصناعات الثقيله من هناك
شكرا لموضوعك الجميل يا خالد
بس هو انت ناوى على هندسه ديكور وللا ايه [/b]
اى حاجة بس ندخلها الاول :D

هههههههه
طبيعى يبقى عندك واحده
شفت ولد يلبس ساعه روز وتركواز وحاجات من دى؟
لا طبعا :P

<div class='quotetop'>إقتباس</div>هههههههه
طبيعى يبقى عندك واحده
شفت ولد يلبس ساعه روز وتركواز وحاجات من دى؟
لا طبعا :P [/b]
ههههههه
المشكلة انى بشوف :D