السلام عليكم ورحمة الله وبركاته
اخوتى الافاضل ساعدونى
عندى شك فى مرتبى الذى اتقاضاه
حيث ان الموظف الذى يقوم بعمل المرتبات عندنا فى المدرسه لا يفقه شىء بخصوص كشوف المرتبات بل ويسند عمله لموظف بالادارة التعليمية نظير مبلغ كل شهر وينتابنى شعور ان الموظف الثانى ( موظف الاداره ) يستقطع من المرتبات والله اعلم كيف لى معرفة ان كان راتبى مضبوط ام لا ؟؟؟؟
كنت اقارن نفسى بزملائى فى العمل ممن يساوينى فى التعيين ولكن مع حصولهم على الكادر مرحلة تانيه وعدم حصولى عليه لم اعد اعرف .
ومع زيادة شهر 7 الماضى فوجئت بمن فى مثل تعيينى ومن تم تعيينهم بعدى بعامين بان الزياده عندهم 30 جنيه بينما عندى 24 فقط .
انا طلبت مفردات مرتبى من الاداره التعليمية وتحججت فى الطلب باننى اريد تحويل مرتبى على البنك وحصلت فعلا على مفردات مرتبى ولكنى اريد ان اقارنها بمن فى مثل ظروفى وتعيينى ولا اعرف . فيأست وقلت مش مشكله
ولكنى فوجئت بان اسمى ليس فى كشوف المرتبات وعندما سألت قالوا اننى طلبت تحويل مرتبى على البنك فتم تحويله
فذهبت للبنك وعندما سألت قالوا لا يتم تحويل المرتب على البنك الا بجواب رسمى من البنك يخاطب الادارة التعليمية وهذا لم يحدث .
وعند خروجى من باب البنك قابلت موظف الادارة ونادانى وطلب منى ان اعيد له ورقة بيان مفردات المرتب اولا .
وهذا اثار شكوكى منه ثانية لماذا يريدها؟؟؟؟ ولماذا هو متخوف منها ؟؟؟؟؟ وليه خايف من توقيعه اللى عليها ( كما قال لى )طالما هى سليمه ؟؟؟؟؟؟

اعمل ايه واتأكد ازاى ان راتبى مضبوط ؟؟؟؟
يا ريت لو حد بيعمل المرتبات فى مدرسته يقولى وانا اعطيه مفردات مرتبى علشان يقارنها بمن فى مثل ظروفى .
انا على الدرجه الثالثه
تعيين 10 / 2000

اذهب الي المديريه بخطاب من المدرسه لاحضار مفردات المرتب من الحسابات سوف يقوم الموظف بأعطاك جواب بالاساسي مختوم و بكده سوف تتأكد

شوفت سهله ازاي

اذهب الي المديريه بخطاب من المدرسه لاحضار مفردات المرتب من الحسابات سوف يقوم الموظف بأعطاك جواب بالاساسي مختوم و بكده سوف تتأكد

شوفت سهله ازاي
انا بالفعل معايا مفردات مرتبى ( حصلت عليه من الادارة التعليمية )
هل مفردات مرتبى التى حصلت عليه من الادارة تختلف عن تلك التى ممكن ان احصل عليها من المديريه ؟
واذا كانت هى هى كيف لى ان اعرف انها سليمة وليس بها تلاعب ؟

والغريب اننى كنت كبرت دماغى لكن ما شككنى فى الموضوع ثانية هو اصرار الموظف بضرورة اعادة ورقة بيان المفردات اليه بحجة انها عليها توقيعه .
خايف من ايه ؟؟؟؟؟
اذن فيه حاجه فى البيانات دى مش صحيحة وهو خايف منها
انا الاساسى بتاعى 218.64

دى مشكلة تواجه الكثيرين منا أرجو من ادارة المنتدى الاهتمام بهذا الامر وياريت يكون فيه متخصص بالمنتدى نقوم باعطاءه الأساسى وهو يعطينا الصافى المقتضى صرفه حتى لو كانت هذه الاستشارة بمقابل مادى انا عن نفسى مستعد لكى اعرف حقى وانا بنفس الوضع الموظف اسند عمل الكشف لموظف اخر بالادارة التعليمية.

فعلا مشكله وموافق علي الاقتراح

انا بالفعل معايا مفردات مرتبى ( حصلت عليه من الادارة التعليمية )
هل مفردات مرتبى التى حصلت عليه من الادارة تختلف عن تلك التى ممكن ان احصل عليها من المديريه ؟

طبعا ممكن جدا...و دائما....المهم اطلعي بجواب من المدرسه علي المديريه

و لمو في اختلاف قديمي الجواب للمدرسه و ممكن تصريفي بأثر رجعي كمان

لا إله إلا أنت سبحانك إني كنت من الظالمين