مفاجأة !!!!! طريقة التحويل بالتفصيل لطلبة الشهادات المعادلة [الأرشيف]

مشاهدة النسخة كاملة : مفاجأة !!!!! طريقة التحويل بالتفصيل لطلبة الشهادات المعادلة

7med@

24-09-2009, 02:15 AM

بسم الله الرحمن الرحيم

أولا: تحويل من كلية الى كلية مناظرة:

{لا يشترط بلوغ الحد الأدنى }

يعني طالما انت جبت مجموع الكلية تقدر تحول من الكلية اللي ترشحت فيها الى أي كلية زيها في مصر

مثال:

لو جبت هندسة قنا ( 393.54875 ) وعاوز تحول لهندسة طنطا ( 399.2375 )

مفيش أي مشاكل عادي جدا

ثانيا: تحويل من كلية الى كلية غير مناظرة:

{ يشترط بلوغ الحد الأدنى }

يعني لازم لما تحول لكلية غير الكلية اللي انت اترشحت فيها تكون جايب الحد الأدنى بتاعها

مثال:

لو جبت هندسة طنطا ( 399.2375 ) وعاوز تحول لصيدلة طنطا ( 399.49375 )

للأسف مش هاينفع

لكن لو جبت صيدلة القاهرة ( 400.16 ) وعاوز تحول لهندسة القاهرة ( 397.7 )

يبقى انت كده في السليم

ثالثا: متطلبات التحويل:

1- بطاقة الترشيح ( اللي طبعتها من النت )

2- صورة البطاقة الشخصية أو صورة من الجواز

3- صورة ايصال مكتب التنسيق ( اللي مكتوب فيها المجموع الاعتباري )

4- مبلغ 1000 جنيه

رابعا: الفترة المتاحة للتحويل:

من يوم الاربعاء 23 / 9 / 2009 الى يوم الأربعاء 30 / 9 / 2009

خامسا: معاد ظهور النتيجة:

بعد 10 أيام من دلوقتي يعني 3 / 10 / 2009

على يوم الدراسة بالظبط

وهما هيبعتولك بريد بالنتيجة يا اما تعرفها من النت من موقع التنسيق ببوابة الحكومة المصرية

http://www.tansik.egypt.gov.eg/application/

سادسا: خطوات التحويل ( للكليات المناظرة فقط ):

التحويل عند مكتب التنسيق اللي موجود في المدينة الجامعية بجامعة القاهرة بالجيزة

1- اذهب الى مبنى رقم 2 ( مش مبنى رقم 9 كالعادة انت هتروحه بس بعدين ) .

2- هتصف حضرتك طابور وتستنى دورك وهيطلب منك بطاقة الترشيح ومبلغ 1000 جنيه .

3- هيديك ورقة تملي بياناتها ( المجموع الاعتباري, الاسم , نوع الشهادة......الخ )

ومن البيانات هتلاقي 3 رغبات فقط للتحويل ولازم تختار كويس على حسب طبعا مجموعك

( طبعا هوا ينفع أي كلية مناظرة انت عايزها بس انا قصدي الواحد يستغل ال3 رغبات بحكمة

عشان يقدر يجيب اللي عايزه ان شاء الله, لأنك لازم تحط في الاعتبار انك مش انت الوحيد اللي

في البلد فيه ناس كتير عايزه تحول وفرص التحويل اذا كانت هتيجي ولا لا مبنية على عدد المحولين

للكلية اللي انت عايزها ومجاميعهم وكمان عدد الأماكن الشاغرة ) .

4- تروح مبنى رقم 9 عشان تسلملهم الأوراق ( صورة من البطاقة أو الجواز, ورقة طلب التحويل,

صورة من ايصال مكتب التنسيق ) .

سابعا: مبروك عليك التحويل!!!!!!!!!!!!!!!!!!!!! وبالقبول ان شاء الله

ملاحظة هامة جدا: طلب التحويل مش أكيد, يعني ممكن يقبل وممكن لا

والحكاية دي بتعتمد على عدد المحولين

للكلية اللي انت عايزها ومجاميعهم وكمان عدد الأماكن الشاغرة

زي التنسيق العادي بالظبط

وعلى فكرة لا عزاء للألف جنيه لو لا قدر الله ماتحولتش!!!!!!!!!!

وفي الأخير بقول لن يصيبنا الا ما كتب الله لنا

يعني لو بفضل ربنا اتحولت ادعيه واشكره على نعمه

ولو لا قدر الله ماتحولتش احمده على كل حال على الأقل جبت الكلية اللي انت عايزها

وكلها سنة بالطول ولا بالعرض وتحول عادي جدا وطبعا 100% هيقبلوا تحويلك

يا رب الشرح ده يكون أفدكم

منقوووووووووووووول

eng.ahmed55

24-09-2009, 02:29 AM

شكرا ليك يا بشمهندس
ربنا يوفقك ويجازيك كل خير ان شاء الله

eng.ahmed55

24-09-2009, 02:37 AM

شكرا ليك يا بشمهندس
ربنا يوفقك ويجازيك كل خير ان شاء الله
اصدى يا دكتور

7med@

24-09-2009, 02:42 AM

اصدى يا دكتور معلش الواحد شكله شارب بانجو

ههههههههه
مش فارقة دكتور من بشمهندس من استاذ
كلهم ناس محترمين

الف شكر يا باشا على ردك الجميل
وربنا يوفقك ويكرمك

الطالبة المطحونة !

24-09-2009, 11:02 AM

Merci beaucoup pour vous docteur Ahmed

اليثابي

24-09-2009, 02:23 PM

شكرا جزيلا على المعلومات ديه

ميدو الخفجاوى

24-09-2009, 02:34 PM

الله يجزيك خير دكتور احمد على فكرة انا كنت المعلومة دى عشان انا جالى هندسة كفر الشيخ وعايز احول هندسة اسكندرية ورلابنا يوفقك يا رب

Tiger masked

24-09-2009, 03:06 PM

جزاك الله خيرا

النجم 999

25-09-2009, 02:52 AM

طيب لما النتيجة تاريخ 3 / 10 .. هنروح الكلية ازاي و احنا مش عارفين اماكنا و لا عارفين احنا في اي جامعة !!!
+ امتى هنكمل بقية الاجراءات في الجامعة و النتيجة متأخرة كده ..

لاراا

25-09-2009, 10:32 AM

شكرا ليك بجد احنا محتاجين المعلومات دي

حبيبة رسول الله

25-09-2009, 08:34 PM

يا جماعة انا كنت عايزة اسال اذا كان مكتب التنسيق فاتح بكرة ولا لا ؟لو حد يعرف يرد عليا بسرعة عشان مروحش على الفاضي

ميدو مارتن

25-09-2009, 09:29 PM

اه ان شاء الله فاتح بكرة لانهم فتحم باب التحويل من يوم 23/9 وحيقفل يوم 30/9 وانا ان شاء الله باذن الله رايح مكتب التنسيق بكرة ان شاء الله لاني عايز احول علوم السويس وانا مجموعي جايبها بس مش عارف في مكان ولا لا ان شاء الله خير وربنا يوفقك ويوفقنا جميعا وكل سنة وانتي طيبة وممكن اتعرف بحضرتك وانتي جالك كلية صيدلة فين وكده

abo0o0d

25-09-2009, 10:03 PM

طيب حد يعرف نتيجة اللي جالهم استنفاذ امتى؟؟؟؟؟؟؟؟؟؟
ياليت حد يرد وبلاش طنش ياحلوين

dr-rana

25-09-2009, 10:12 PM

ربنا يستررررررر

معتصم tates

26-09-2009, 02:42 PM

طب يادكتور احمد او اي واحد بايدوا يفيدني
لو سمحتوا
عاوز احول من حاسبات الاسماعليه لحاسبات الفيوم
هو الملف راح هناك (الاسماعليه ) ولا مش هايروح حاجه الا لما يشوفو نتيجه التحويل

اليثابي

26-09-2009, 03:22 PM

يا جماعة هى نتيجة التحويل هتطلع امتى؟

7med@

26-09-2009, 03:33 PM

merci beaucoup pour vous docteur ahmed

العفو يا دكتورة مطحونة
شكرا على الرد الفرنساوي الجميل ده :)

شكرا جزيلا على المعلومات ديه

العفو
اتمنى تكونو استفدتم منها

الله يجزيك خير دكتور احمد على فكرة انا كنت المعلومة دى عشان انا جالى هندسة كفر الشيخ وعايز احول هندسة اسكندرية ورلابنا يوفقك يا رب

ربنا يوفقك في التحويل ان شاء الله وتروح اسكندرية

جزاك الله خيرا

وجزاك مثله
شكرا على مرورك

طيب لما النتيجة تاريخ 3 / 10 .. هنروح الكلية ازاي و احنا مش عارفين اماكنا و لا عارفين احنا في اي جامعة !!!
+ امتى هنكمل بقية الاجراءات في الجامعة و النتيجة متأخرة كده ..

انا عندي امل ان الدراسة ممكن تتأخر اسبوع كمان
بس لو متأخرتش هنضطر نحضر في الكلية الاولى حوالي اسبوع ببطاقة الترشيح على ما تطلع بطاقة الترشيح التانية
عادي الاجراءات ان شاء الله هنكملها خلال الدراسة مفيش مشكلة يعني

شكرا ليك بجد احنا محتاجين المعلومات دي
العفو
وده اللي خلاني انقلها ليكم لأني عارف انها مفيدة لينا كلنا في التحويل
ويارب كلنا تحويلنا يتقبل ان شاء الله

حبيبة رسول الله

26-09-2009, 03:35 PM

يا جماعة احنا دلوقتي قدمنا طلب التحويل لما الدراسة هتبدا هنحضر في اي كلية ؟
الي يعرف يرد عليا ضروري

مناجية الله

26-09-2009, 05:46 PM

يا جماعة احنا دلوقتي قدمنا طلب التحويل لما الدراسة هتبدا هنحضر في اي كلية ؟
الي يعرف يرد عليا ضروري

معاك حق والله يا حبيبة نفسي حد يرد على السؤال ده الواحد تعب

7med@

26-09-2009, 08:25 PM

يا جماعة هى نتيجة التحويل هتطلع امتى؟

ان شاء الله من 10 -15 يوم
ادعوا بس متتأخرش عن كده

طب يادكتور احمد او اي واحد بايدوا يفيدني
لو سمحتوا
عاوز احول من حاسبات الاسماعليه لحاسبات الفيوم
هو الملف راح هناك (الاسماعليه ) ولا مش هايروح حاجه الا لما يشوفو نتيجه التحويل

والله يا بشمهندس معتصم مقدرش افيدك
بس مش هتفرق كتير
المهم لما تروح الكلية تلاقي ملفك هناك
متفرقش معانا هوا اتبعت ولا لسه

يا جماعة احنا دلوقتي قدمنا طلب التحويل لما الدراسة هتبدا هنحضر في اي كلية ؟
الي يعرف يرد عليا ضروري

معاك حق والله يا حبيبة نفسي حد يرد على السؤال ده الواحد تعب

هنحضر في الكلية اللي جت في الأول
يعني اللي معاكوا في بطاقة الترشيح لغاية ما نتيجة التحويل تظهر وبعدها نبقى نروح للكلية الجديدة

مناجية الله

27-09-2009, 12:12 AM

طيب ما هو يا دكتور أحمد الكلية التانية اللي جتلنا بعيدة عن محافظتنا سفرها تقريبا 3 أو 4 ساعات هنروحها ازاي كل يوم هنعقد في مدينة جامعية يعني مستحيل

دكتور11

27-09-2009, 12:44 AM

السلام عليكم ورحمة الله وبركاته

يا جماعة انا جالي طب الفيوم وعاوزة احول طب القاهرة

بس مش عارفة يعني هو طلبات التحويل بتبقى كل دولة لوحدها ولا كله على بعضه

وبعدين انا كنت سمعت ان الفيوم وبني سويف تبع القصر العيني وان انا ممكن احول السكاشن من غير ما احول من الكلية

هل الكلام ده صحيح

؟؟؟

افيدوني افادكم الله

dr.abdullah

27-09-2009, 12:24 PM

السلام عليكم ورحمة الله وبركاته

يا جماعة انا جالي طب الفيوم وعاوزة احول طب القاهرة

بس مش عارفة يعني هو طلبات التحويل بتبقى كل دولة لوحدها ولا كله على بعضه
التحويل كل الدول مع بعض

وبعدين انا كنت سمعت ان الفيوم وبني سويف تبع القصر العيني وان انا ممكن احول السكاشن من غير ما احول من الكلية
طب بني سويف مع القصر العيني واللي اعرفه انك اذا عايز تحول بعد اول سنة مفيش قدامك غير القصر العيني
هل الكلام ده صحيح

؟؟؟

افيدوني افادكم الله

بالتوفيق :d

معتصم tates

27-09-2009, 12:42 PM

انا في واحد قالي ان سنه اولى السنادي اساسا هايتأخرو عشان التحويلات
وبعديييييين انا والله مش فاهم حاجه خالص وعايز اللي يقعد معايا واحده واحده يفهمني احنا دلوقت هنعمل ايه بالنسبه للي هايحولو هانروح فين يعني انا مثلا في اسماعليه طيب هاروح هناك هاقعد فين لحد مالنتيجه تظهر طيب ماروحش مش عرف
حاجه تجنن

اميره مملكه القمر

27-09-2009, 12:45 PM

طيب ممكن اسالكو سؤال الله يخليكو الطلبات ايه اللى مطلوبه علشان التحويل يا ريت حد قدم التحويل يقوللى ايه اللى طلبوه منكم الله يخليكم

معتصم tates

27-09-2009, 12:47 PM

يا اميره القمر
لو محولتيش الحقي حولي بسرعه عشان اخر حاجه الاربع

اميره مملكه القمر

27-09-2009, 12:49 PM

طيب الله يخليك ايه الطلبات اللى مطلوبه بسرعه

معتصم tates

27-09-2009, 12:50 PM

ultas devils

27-09-2009, 05:10 PM

بيقولوا لواحد صاحبى راح يحول
انه لو طلبوا اتقبل حيدفع 4 الاف جنيه تانى للكلية كتبرع
ده غير المصاريف
صح ولا غلط الكلام ده

مناجية الله

27-09-2009, 05:15 PM

صح الصح كمان أنا أختي عملوا معاهاه كده لما حولت من 4 سنين
دي ناس مفترية كأن اغلشهادات المعادلة دول قاعدين على تل فلوس أو بنك مثلا
ربنا يسامحهم
الواحد مش عارفة هيروح فين دلوقتي كليته الأصلية ولا اللي عايز يحول ليها
نفسي بجد حد يرد علينا

dr.abdullah

27-09-2009, 06:40 PM

يا جماعة

اللي مستني نتيجة التحويل :bosyht9:

يروح الكلية اللي اترشح فيها الأول ويقدم ببطاقة الترشيح

واذا ظهرت النتيجة وحولت يبقى خير وبركة

واذا لا قدر الله محولتش تستمر في الكلية

لأن النتيجة قدامها 10-15يوم من يوم 30/9

يعني لو النتيجة هتطلع في معادها

مش هتطلع قبل 10/9

بالتوفيق للجميع :d

ميدو مارتن

27-09-2009, 06:54 PM

بصي حقولك انا على كل حاجة بالتفصيل وياريت تعمليها زي مبقولك بالظبط اول حاجة تعمليها تكةني جايبة من البيت معاكي تصوري بطاقة الترشيح اللي انتي طبعتيها ويكون معاكي نسخة تانية ماشي وتصوري البطاقة وتصوري شهادة الميلاد وتصوري جوازك وتصوري الوصل اللي استلمتيه من مكتب التنسيق اللي مكتوب فيه المجموع الاعتباري ماشي وتروحي مبنى رقم2 وتروحي تدفعي 1000جنيه ةحيديكي وصل وتروحي مبنى رقم 9 عند شباك حديد ماشي وتقدمي الورق بتاعك وحيديكي ورقة عشان تملي بياناتك وتحطي تقريبا 3 رفبات سواء للاماكن او الكليات ماشي والنتيجة حتظهر بعد 10 ايام وانا ان شاء الله بكرة انا رايح عشان اعمل كده بردو وربنا يوغفك يارب ويكتبلك الخير وينويلك مرادك وكل سنة وانتي طيبة

اليثابي

27-09-2009, 10:54 PM

يعنى ان شاء الله الدراسة تبدأ ونحضر فى الكلية اللى احنا عايزين نتحول لها ولا ايه
يا ريت حد يقوللي

مناجية الله

28-09-2009, 02:25 AM

طيب لما نروح كليتنا الأصلية ما هي بعيدة عن محافظتنا هنروح ازاي ومفيش مكان نقعد فيه ؟؟؟؟؟؟؟؟؟؟؟؟؟؟؟!!!!!!!!!!!!!

العمييد

28-09-2009, 02:44 AM

بالنسبه للمعاهد الخاصه المناظرة نفس نظام الكليات و لا مختلف

NUCLEAR boy

07-10-2009, 06:47 PM

حبيت أضيف صوتي كحائر من التحويل
التوقيع : محول من هندسة أسيوط ل هندسة أسكندرية

die killer

22-10-2009, 11:45 AM

ممكن اعرف لو فات ميعاد التحويل اعمل اية