مشاهدة النسخة كاملة : الزمالك معموله عمل....!!!!!
dr.boody 24-09-2009, 04:54 AM فى ناس كتير جدا من الزمالكويه وانا منهم طبعا بدأنا نشك ....لا مش نشك....بدأنا نتأكد فعلا ان الزمالك معموله عمل
طب فكروا معايا كدا....
اولا ...اداره موجوده بإرادة الجماهير واختيارها....مافيش حجه.
ثانيا...لاعيبه على احسن مستوى موجودين...مافيش حجه.
ثالثا...مدير فنى كويس زى هنرى دا اللى درب فرنسا قبل كدا...مافيش حجه.
رابعا..ودا الاهم...جماهير الزمالك اعظم جماهير فى مصر ..وبتسانده بقالها يجو شويه كتار اوى اوى...مافيش حجه.
طب يبقى ناقص ايه ..؟؟...انا عاوز اعرف بقي..
واحد يقولى مافيش توفيق من عند ربنا...اقوله لا ياعم دا ربنا رؤوف رحيم مش هايمنع التوفيق عن الزمالك حوالى 5او6سنين متواصلين....
واحد تانى يقول الاعيبه ماعندهاش روح ...يبقى ماتستحقش انها تلبس تى شيرت الزمالك وتجيب اسمه فى التراب كدا....
يبقى لسه ناقص ايه...؟؟....اراهنكم مش انا لوحدى بس وناس زمالكويه كتير ان الزمالك معموله عمل...وبكره تشوفوا.
بس احنا اولا و اخيرا مافيش ادامنا غير اننا ندعى للزمالك ان ربنا يرجعهولنا بالسلامه زى ماكان....ويرجعهله اسمه وتاريخه وسمعته اللى ضايعين بقالهم ست سنين...
يارب الزمالك يرجع زى زمان....
امين ....امين ....امين
eng_coach23 24-09-2009, 11:25 AM .
ثانيا...لاعيبه على احسن مستوى موجودين...مافيش حجه.
رابعا..ودا الاهم...جماهير الزمالك اعظم جماهير فى مصر ..وبتسانده بقالها يجو شويه كتار اوى اوى...مافيش حجه.
لا تعليق....
dr.boody 24-09-2009, 02:43 PM شكرا ع التعليق الجميل دا يا بش مهندس
زملكاوى للأبد 24-09-2009, 03:00 PM فى ناس كتير جدا من الزمالكويه وانا منهم طبعا بدأنا نشك ....لا مش نشك....بدأنا نتأكد فعلا ان الزمالك معموله عمل
معموله عمل.....:excl::excl::excl:
dr.boody 24-09-2009, 06:26 PM انتا حضرتك شايف ايه؟
مش معموله عمل....؟
انا عارف ان دا كلام مش منطقي بالمره...بس انا خلاص ...ماعدش عندى صبر
Eng_lfc 24-09-2009, 06:28 PM عادى خالص خسر تلات ماتشات يعنى الأهلى خسر كام ماتش الموسم للى فات ؟
_GUIDE_ 24-09-2009, 07:00 PM قال معموله عمل قال
ده معمولة خيبة :d
عامل زى الديك الرومى ريش على مفيش
انا بقترح من موقعى هذا
اننا نستعين بلاعيبة الزمالك كامشرفين هنا فى المنتدى :d
تطبيقا لسياسة الاحتراف
eng_coach23 24-09-2009, 11:02 PM انا مش شايف ان الزمالك معمولة عمل ولا حاجة
يعني انت شايف حضرتك ان الاعيبة عملت اللي عليها
مش شايف ان اللاعيبة والجماهير استعجلوا وقالو انهم خدوا الدوري حتي من غير ما يبدء
مش شايف ان انتوا اديتوا بعض الاعيبة اكبر من حجمها ....
نفسي افهم ليه اطلقتوا علي ميدو وزكي وشيكابالا مثلث الرعب... ارعبوا مين عشان تقولوا كده
ولو شايف حضرتك ان جماهير الزمالك اعظم جماهير في مصر ....فاكر واقعة السيد حمدي ولا لأ مع انه معملش حاجة د جاب جون بس وده برده لاعب للمنتخب وممكن يحصلوا حاجة
المشجعين اكنهم رايحين حرب مش متش كورة
مش عاوزين حتي الاعيبة بتاعتكم تخاف علي نفسها
اما يبقي جمهور الزمالك اعظم جمهور يبقي جمهور الاهلي ايه
الفرق بتبتسم عند الهزيمة وتتواضع عند النصر والزمالك مش عاوز يتواضع عند الهزيمة
في تراكمات كتير يا كابتن ومش هتتحل بالساهل .....اصبروا علي فريقكم
د الزمالك ناد عريق ميستاهلش منكوا كده حتي في لاعيبة في الزمالك ميستهلوش يلعبوا فيه
انا من زمان مستمتعتش للكرة الجميلة بين الاهلي والزمالك
بلاش معموله عمل والكلام ده
تقبل مروري
eng_coach23 24-09-2009, 11:04 PM وعلي فكرة ياكابتن انا اهلاوي ونفسي الزمالك يرجع زي ماكان
احنا كأهلاوية مبنستمتعش لما بناخد بطولة من غير منافسة
dr.boody 25-09-2009, 12:21 AM خلاص يا جماعه ....انا اسف انى قولت ان الزمالك معموله عمل
مافيش عمل ولا حاجه ......هوا مافيش حظ
مافيش تقدير من الاعيبه للنادى اللى بتلعب فيه....
ماعدش فى روح المنافسه على اى بطوله...
ماعدش فى احترام للنادى زى ماقولت ولا احترام للجماهير اللى جالها السكر والضغط والقلب والله اعلم لسه هيجيلها ايه تانى...
الاعيبه زى ما حضرتك قولت اسم على الفاضى ودا فعلا حقيقه...
وانا من وجهة نظرى ان الزمالك لايمكن يرجع زى زمان الا فى تلات حالات بس....
1-القيامه تقوم........ودا ممكن
2-جيل الزمالك بتاع طارق السيد وطارق السعيد والقبانى و عبد الحليم...والناس دى اللى كانوا فعلا مقدرين اسم النادى اللى بيلعبوله ومحترمين الجماهير اللى تمشي وراهم..
3-معجزه واعتقد ان دا مستحيل لان زمن المعجزات دلوقتى بقي over
وانا قولتها قبل كدا وبكررها تانى اننا مافيش ادامنا غير اننا ندعى للزمالك انه يرجع زى ماكان ان شاء الله...امين
زملكاوى للأبد 25-09-2009, 12:34 AM أنا من وجهة نظرى إن المشكله فى نفسية اللاعيبه و ليس كيانهم لأن الزمالك عنده أحسن لاعيبه فى مصر من حيث الامكانيات البدنيه أما الضغط العصبى اللى بيتعرضوا له قبل الماتشات اللى هو لازم تكسبوا لا بديل عن الفوز حتى تشوف لما أى لاعب يضيع فرصه اللاعب اللى جنبه يقعد يزعق له و ده يدل انهم بيلعبوا تحت ضغط و ده اللى مبوزهم
dr.boody 25-09-2009, 03:55 AM يعنى حضرتك عاوز تقول انهم بقالهم ست سنين بيلعبوا تحت ضغط انهم لازم يكسبوا.........
دا على كدا بقي احنا لازم ننفجر من كتر الضغط اللى علينا....
للاسف احنا بنغالط نفسنا.......وبنعيش نفسنا فى وهم
يلا بقي....ربنا يسامحه اللى كان السبب
eng_salwa 26-09-2009, 11:19 PM لااااا مش حكايه عمل
احنا ناقصنا الروح في الملعب
لو لاعيبة الزمالك كلها لاعبت بروح واحده
عاوزين رووح زماااان ترجع تاني
عاوزين الاعيبه تعرف يعني ايه الفانله البيضا
ده شرف ليهم انهم انضموا للزمالك
وجماهير الزمالك اللي هو جمهور الصفوه اللي هو احسن جمهور في مصر
هيفضل وراااااااه ودايما معاه لو نزل حتي درجه عشرين
totta2010 28-09-2009, 07:00 PM ثانيا...لاعيبه على احسن مستوى موجودين...مافيش حجه.
فعلا حاجه عجيبة؟
طيب يا أخى بدلالت ايه؟
ايه الى عملوه؟
كام واحد منهم فى المنتخب؟
سبحان الله
ويخلق مالا تعلمون
totta2010 28-09-2009, 07:01 PM لااااا مش حكايه عمل
احنا ناقصنا الروح في الملعب
لو لاعيبة الزمالك كلها لاعبت بروح واحده
عاوزين رووح زماااان ترجع تاني
عاوزين الاعيبه تعرف يعني ايه الفانله البيضا
ده شرف ليهم انهم انضموا للزمالك
وجماهير الزمالك اللي هو جمهور الصفوه اللي هو احسن جمهور في مصر
هيفضل وراااااااه ودايما معاه لو نزل حتي درجه عشرين
فيه واحد كويس بيحضر ارواح ابقى اقولك على عنوانه؟
ان شاء الله يجيب نتيجة
eng_salwa 28-09-2009, 07:07 PM فيه واحد كويس بيحضر ارواح ابقى اقولك على عنوانه؟
ان شاء الله يجيب نتيجة
مين قالك اني عاوزه اعرفه اصلااااااا
شكراااااااا :):)
totta2010 28-09-2009, 07:10 PM مين قالك اني عاوزه اعرفه اصلااااااا
شكراااااااا :):)
احنا حبينا نخدم بس؟
بصراحه انتو صعبانين عليا
الله يكون فى العون
سلاااااااااااااااااااام
bonno 05-10-2009, 01:21 AM المشكلة ان اللاعبين بيجوا النادي بس وقت التمرين وده وقت قصير يعني مش عارفين بعض كويس ولا تفكير بعض ولا النادي كاسم عاوز ايه
الدليل انهم اخطاء التمريرات كتييييير
اللاعب يرمي الكورة والمهاجم يجري وراها مش يستنا تجيله زي ما كل المهاجمين بيعملوا عشان كده اكتر فرقة بتجري هي الزمالك بس على الفاضي
والاهداف اللي بتيجي فيهم الداع كله واقف ماحدش عارف مين هيتاخل في الكورة
انا زملكاوي ومنتظر رجوع الزمالك
فوءة سامي 06-10-2009, 02:44 PM بسم الله الرحمن الرحيم
اهدوا كده يا جماعة وصلوا على النبي مكنتش كورة يعنى انا طرف محااااااايد وانا شايفة ان بتوع الاهلى مزودينها شوية ..لما الزمالكوية يمدحوا في ناديهم دا ميدايقش الاهلوية في حاجة هم مغلطوش في حد ..يبقى مفيش داعي لده كله انا بحب نادي الزمالك جدا والاهلى كذلك والتنين نوادي مصرية ربنا يوفقهم ويكرمهم ..ولو الزمالك بيخسر مفيش مشكلة دا ابتلاء من ربنا وربنا مبيبتليش غير عباده اللي هو بيحبهم ..والاهلى احيانا بيخسر برضه خلونا صرحاء ..ولاعبي الزمالك كويسين جدا والاشبال مستواهم عالي جدا .... سبونا من التعصب ده وصلوا على النبي عليه الصلاة والسلام
dr.boody 06-10-2009, 02:52 PM عليه الصلاة والسلام
عندك حق والله
|