مشاهدة النسخة كاملة : أيـــــــــن ملفاتنا ؟؟؟؟؟؟؟؟((يا أهل الشهادات المعادلة))
ابراهيم نجيب 24-09-2009, 09:36 PM يا جماعة في مشكلة كبيرة أوي كلكم غافلين عنها في زحمة النتايج والتحويلات
انا الحمد لله ظهرت نتيجتي وجالي بفضل الله اللي بتمناه ولفرحتي الشديدة تاني يوم علطول نزلت الكلية مع قريبي ولما سألنا عن الاجراءات دار بيني وبين الموظف اللي شكله استغفر الله مش عايز أغلط الحوار التالي:
أنا : السلام عليكم ورحمة الله لو سمحت انا شهادات معادلة والنتيجة ظهرت اني في الكلية عندكو هنا ايه هي الاجراءات عشان ألتحق وخلص ورقي
هو : شهادات معادلة .........معادلة ايه (( وكأني قلت حاجة حرام ))........يعني بتوع السعودية والكويت والثانويات اللي بره دي
أنا : أيوه بالضبط زي ما حضرتك بتقو.......... وقاطعني بشراسة قائلا : لسه يا بني لسه يا يبني مجاش حاجة
أنا: طب ممكن أعرف ايه الاجراءات لما يجي حاجة ان شاء الله
هو: لما بقى يجي حاجة تبقى تجيب معاك بطاقة الترشيح عشان نطابقها بالكشف وتجيب معاك أصل الشهادت واستمارة اتنين جند للذكور وست صور وشهادة ميلاد أصل
أنا : ماهو حضرتك كل اللي بتقول عليه ده سلمنا لمكتب التنسيق وخدنا بيه وصل
هو : يعني ليك ملف في مكتب التنسيق طيب هو يبقى يبعتوه بقى ولما يجي يا سيدي تبقى تيجي تفكر في الاجراءات والمصاريف والكشف الطبي وأما لو ملفك ماجاش ملكش مكان عندنا
المهم خلص الحوار ومشيت وانا حاسس اني كنت رايح أشحت من الراجل مكان عندهم بس عذرت الراجل وقلت انا اللي غلطان النتيجة لسه باينة امبارح وانا جاي النهاردة
واستنيت لبعد العيد وبعدين رحت تاني لما بدأو شغل ولقيت مفجأة حلوة نفس الرجل على نفس المكتب بنفس القعدة زي ما يكون ما قامش من ساعة ما سيبته ودار بيننا الحوار التالي:
أنا: السلام عليكم كنت لو سمحت عايز أسأل عن الشهادات المعادلة امتى هتيجي ملفاتنا
هو : قريب ان شاء الله بس مش عارفين امتى ولحد ما تيجي ما نقدرش نعمل اي اجراء ...............
طبعا انا شفت في ناس تانية فهمت انهم مثلي شهادات معادلة ...كانت ست ومعاها بنتها كده وحاولت اني أدني واقف بعد ما خلصت كلام معاه عشان أشوف الناس اللي مثلي دول واستفهم منهم وأستفاد
واذ بالفراش اللي مقعدينو في شئون الطلبة وعامل فيها عليا العميد بيقولي بأعلى صوته ما تتفضل بره بقى يا استاذ وبلاش تعملنا زحمة وكأن أنا لوحدي عشرة واقفين وأصلا مفيش حد الا انا ومشيت وبعد ده كله وبعد الاهانات دي كلها يبقى السؤال:
أين ملفاتنا ومتى ستأتي لكلياتنا خصوصا ان لو هي أتخأرت يبقى احنا كأننا مش في الكلية اصلا لأن اسمائنا مش فيها والدراسة هتبدأ ومش لينا مكان في السكاشن وفي الكليات العملية مش هتقدر برده تخش لا مشرحة ولامعامل ولا غيره ؟؟؟؟؟؟؟؟؟؟؟
أين ملفاتنا ومتى ستأتي لكلياتنا ياريت لو حد عارف يقول وينقذني؟
أنا سألت قبل كده في توبيك تاني على شكل ردود ومحدش عبرني فعملت توبيك مخصوص للموضوع ده؟
انجدووووووووووووووووووووووووووووووووووووووووووووون ي بالله عليكم؟
:confused::confused::confused::confused::confused: :confused::confused::confused::confused:
A L M A S 24-09-2009, 09:44 PM انا كنت لسة داخل علشان استفسر عن الموضوع ده ..
انا بردوا روحت على الكلية تاني يوم النتيجة و معايا بطاقة الترشيح قالوا لي لسة لبعد العيد ..
هو انت كلية ايه ؟؟
ابراهيم نجيب 24-09-2009, 09:46 PM طب الزقازيق وانتا؟؟؟؟؟
A L M A S 24-09-2009, 09:56 PM صيدلة حلوان
dr.abdullah 24-09-2009, 10:09 PM الصبر حلو يا جماعة
التقديم والكشف الطبي ودفع المصاريف كله مش هياخد يوم
واحنا لسه قدامنا اسبوع .
بالتوفيق :d
ابراهيم نجيب 25-09-2009, 12:28 AM الصبر حلو يا جماعة
التقديم والكشف الطبي ودفع المصاريف كله مش هياخد يوم
واحنا لسه قدامنا اسبوع .
بالتوفيق :d
طبعا طبعا لازم نصبر بس خلي بالك يا دكتور عبد الله احنا من اول الاجازة تعبانين في توثيق وتصديق وتنسيق ورغبات وتوقعات وانتظارات للنتيجة وآهات وبعدين بعد ده كله كمان مانروحش مع زملائنا ونتعب في اجراءات الاتحاق كمان
وده كمان مع العلم ان احنا اكتر ناس دفعنا
ابراهيم نجيب 25-09-2009, 12:31 AM على فكرة نسيت انا حاجة مهمة جدا شكلها عايزة لها توبيك جديد كمان هي المصاريف الراجل قالي ان المصاريف:
2760 جنيه
والناس هناك واقفة بتدفع 160 جنيه مصاريف بالذمة مش حرام؟
جنة الوكيل 25-09-2009, 12:46 AM السلام عليكم
حضرتكم انا كمان زيكم بالضبط الحمدلله جات النتيجه
بس بجد انا اتفاجأت ان النظام بالشكل ده ومكنتش اعرف اني هعاني كده
عالعموم انا لسه مرحتش
بس اوعدكم اول ما نروح علطول هدخل واكتبلكم انا عملت ايه
بس يا ريت الدعوات تقبل
ربنا يكون فعونا كلنا
والله الواحد اتبهدل كتير ومش ناقص بهدله
غير اني اصلا مش من القاهره
ومطلو مني كل ما عاوز استفسر عن حاجه اروح المكتب بتاع التنسيق فالقاهرة عشان استفسر عن اللي انا عايزاه
لان للاسف ارقام التلفونات اللي معانا كل ما نتصل بيهم بيجاوبوا علينا وهم مش عارفين حاجه اصلا
الواحد قرف من من اللي هو فيه
بس هنفضل نقول يااااااااا رب
جنة الوكيل 25-09-2009, 12:48 AM بس كنت عايزة استفسر عن حاجه
هو بالنسبه للكليه ايه الاوراق اللي المفروض اخدها معايا عشان اقدم لاني مش عارفه
A L M A S 25-09-2009, 12:52 AM انا قالوا لي ان اجيب معايا و انا رايح .. 200 جنيه و شوية ..
amar ellzaman7192 25-09-2009, 06:52 AM سلام عليكم
أنا نفس المشهد اتكرر معايا بس في كلية الالسن عين شمس
ولما سألت عن المصاريف قالولي 1750 جنية عشان شهادة معادلة مع اني اعرف ناس لسه هتدخل السن و بتدفع 150 جنية
ربنا يكون في عونا كلنا
الطالبة المطحونة ! 25-09-2009, 02:11 PM على فكرة نسيت انا حاجة مهمة جدا شكلها عايزة لها توبيك جديد كمان هي المصاريف الراجل قالي ان المصاريف:
2760 جنيه
والناس هناك واقفة بتدفع 160 جنيه مصاريف بالذمة مش حرام؟
وأنا كمان سألت في طب الزقازيق قالولي نفس الكلام
momo alex 25-09-2009, 02:27 PM يجماعة مش عارف عارف احسدكم ولا ازعل عشانكم انا واحد من الناس اللي استنفذت رغباتهم ومش عارف مصيري فين
بس عايز استفسر عن حاجة هو موضوع المصاريف ده علشان ابقى عامل حسابي لو سمحتو عايز رد سريع
الطالبة المطحونة ! 26-09-2009, 08:46 AM يجماعة مش عارف عارف احسدكم ولا ازعل عشانكم انا واحد من الناس اللي استنفذت رغباتهم ومش عارف مصيري فين
بس عايز استفسر عن حاجة هو موضوع المصاريف ده علشان ابقى عامل حسابي لو سمحتو عايز رد سريع
هتدفع 20 ضعف من اللي زميلك اللي واخذ الثانوية العامة من مصر يعني أنا في طب الزقازيق ورحت سألت في الكلية قالولي المصاريف 2670 جنيه وزميلي اللي درس في مصر مصاريفه 170 جنيه...
ميدو مارتن 26-09-2009, 12:03 PM يعني مصاريف الكلية يا الطالبة المطحونة حتكون 2760 جنيه للطلاب للشهادات المعادلة ولا ايه عشان انا جالي علوم الفيوم وعايز احول علوم السويس وحروح المكتب وحدفع 1000 جنيه عشان احول وحادفع كمان المبلغ ده مصاريف الكلية ولا ايه ممكن تقوليلي معلش يا الطالبة المطحونة ارجو الرد سريعا
ميدو مارتن 26-09-2009, 12:18 PM لو سمحت يا الطالبة المطحونة ردي علي لو سمحت عشان ابقى اعمل حسابي المصاريف ده حقيقي بجد طيب ده في مكتب التنسيق ولا لما انتظم في الكلية وكده يعني ادفع المصاريف ده ارجو الرد سريعا عشان اعرف بس
معتصم tates 26-09-2009, 02:29 PM لو سمحتوا عشان خاطري بليييييييييييييز
جالي حاسبات الاسماعليه وعاوز احول حاسبات الفيوم
والدراسه السبت الجي يعني هل الملف راح الاسماعليه ولا هما مستنيين عشان حد لو هايحول
ولا ايه النظام انا زهقت
momo alex 26-09-2009, 05:32 PM هتدفع 20 ضعف من اللي زميلك اللي واخذ الثانوية العامة من مصر يعني أنا في طب الزقازيق ورحت سألت في الكلية قالولي المصاريف 2670 جنيه وزميلي اللي درس في مصر مصاريفه 170 جنيه...
بااااااه ولله حرام بجد
على فكرة الناس فكرة ان اللي اخد شهادة من برة اهلو شغالين وزراء
ولله حاجة تكسف :abdoog8:
ربنا يوفقك يا مطحونة وا تمنى انك متفضليش مطحونة :blush:
الطالبة المطحونة ! 27-09-2009, 05:16 PM لو سمحتوا عشان خاطري بليييييييييييييز
جالي حاسبات الاسماعليه وعاوز احول حاسبات الفيوم
والدراسه السبت الجي يعني هل الملف راح الاسماعليه ولا هما مستنيين عشان حد لو هايحول
ولا ايه النظام انا زهقت
ايوة بالظبط زي ما قلت لحضرتك المصاريف 2670 جنيه ...
ابراهيم نجيب 27-09-2009, 05:39 PM ايوة بالظبط زي ما قلت لحضرتك المصاريف 2670 جنيه ...
يا جماعة على فكرة مصاريف الكليات العلمية غير النظرية يعني تجارة وحاسبات ومعلومات والحاجات دي أقل النص من الكليات العلمية
يعني السنة اللي فاتت كانت العلمية 2000 والنظرية 1000
يا جماعة انا زهقت بليز حد يطمني على الملفات
ميدو مارتن 27-09-2009, 06:44 PM طيب هي كلية علوم بتعتبر كلية علمية والفلوس المصاريف حادفعها اول مادخل الكلية وانتظم وامتى وكده يعني وكام المبلغ بالظبط وانتي عملتي ايه يا طالبة مطحونة وياريت بلاش كلمة حضرتك دي احنا تلاميذ وطلاب واصحاب في سن بعض وربنا يوفقك وردي علي بسرعة والنبي يا طالبة مطحونة
ابراهيم نجيب 27-09-2009, 06:54 PM طيب هي كلية علوم بتعتبر كلية علمية والفلوس المصاريف حادفعها اول مادخل الكلية وانتظم وامتى وكده يعني وكام المبلغ بالظبط وانتي عملتي ايه يا طالبة مطحونة وياريت بلاش كلمة حضرتك دي احنا تلاميذ وطلاب واصحاب في سن بعض وربنا يوفقك وردي علي بسرعة والنبي يا طالبة مطحونة
كلية العلوم علمية يا ميدو
عندنا في طب المبلغ بالضبط 2670 جنيه عندكم كام بالضبط بقى دي عايزه انك تروح للكلية وتسأل بنفسك
وتنتظم امتى دي بقى خليها على الله لأن في أخبار كده يعني ان الدراسة ممكن تتأجل لبعد الشتاء
مناجية الله 28-09-2009, 02:29 AM عارفين انا نفسي في ايه بجد
انا بدعي ربنا ان الدراسة تتأجل عشان متبدأش واحنا قاعدين في البيت مفيش كلية تحتوينا
لاورق وصل لينا ولا نتيجة تحويل ظهرت
العمييد 28-09-2009, 02:39 AM يبختوكوا ...............زعلانين على 2000 جنيه انا طالبين منى3400 فى صيدلة عين شمس
و بعدين بالنسبه للاوراق و الملفات انت بتروح الكلية اللى اترشحتلها و بتدخل ببطاقة الترشيح لمدة اسبوعين بعديها ان شاء الله بالكارنيه بس تكون دفعت المصاريف طبعا ً
basma3li 28-09-2009, 11:53 AM يبختوكوا ...............زعلانين على 2000 جنيه انا طالبين منى3400 فى صيدلة عين شمس
و بعدين بالنسبه للاوراق و الملفات انت بتروح الكلية اللى اترشحتلها و بتدخل ببطاقة الترشيح لمدة اسبوعين بعديها ان شاء الله بالكارنيه بس تكون دفعت المصاريف طبعا ً
tab ana 3andi moskla moshbha ya3ni la7 maa ..ana gatlih kolih aklim wa ro7t 3ashan a7wal wa a5do mani kol 7aga .. asdi 1000 ganih wa elasial wa btaat el tarshi7 wa all an hatzhr ba3d 15 youm
tab ana fe el fatrih dih ha3od fe el bait wala aro7 el kolih bta3t el aklim wala aro7 el kolih alih madmh talb 3ahan a7wal feaha ???
7ejazy 28-09-2009, 01:55 PM يا جماعة اطمنو
انا في طب المنصورة وملفي وصل من يومين
ورحت عملت كشف طبي ودفعت المصاريف 2170 جنيه
:: بنوتة مصرية :: 28-09-2009, 05:56 PM طب يا جماعة حد يعرف مصاريف صيدلة طنطا كام .. ؟
بليز اللي يعرف يقولي
لاراا 28-09-2009, 08:42 PM يا جماعة اطمنو
انا في طب المنصورة وملفي وصل من يومين
ورحت عملت كشف طبي ودفعت المصاريف 2170 جنيه
انت شهادة معادلة ولا مصرية؟
7ejazy 28-09-2009, 09:40 PM انت شهادة معادلة ولا مصرية؟
انا شهادة معادلة
لاراا 28-09-2009, 11:10 PM انا شهادة معادلة
ازاي ده ملفك وصل قبل جامعة الزقازيق ؟؟ده انا بتصل من يوم السبت بالجامعةوبيقولوا لسة الملفات موصلتش للشهادات المعادلة....
مناجية الله 29-09-2009, 01:46 AM سبحان الله
اليثابي 29-09-2009, 09:16 PM محدش يعرف مصاريف الهندسة اد ايه انا صراحة زهقت من قعدة البيت وعايزة الدراسة تبدأ بس مش عارفة انا جاتلي هندسة بنها وكتبت تحويل لاسكندرية احضر فى بنها ولا اسكندرية مش عارفة ؟
الطالبة المطحونة ! 30-09-2009, 09:18 AM طيب هي كلية علوم بتعتبر كلية علمية والفلوس المصاريف حادفعها اول مادخل الكلية وانتظم وامتى وكده يعني وكام المبلغ بالظبط وانتي عملتي ايه يا طالبة مطحونة وياريت بلاش كلمة حضرتك دي احنا تلاميذ وطلاب واصحاب في سن بعض وربنا يوفقك وردي علي بسرعة والنبي يا طالبة مطحونة
أكيد كلية علوم كلية عملية(ع فكرة مااسمهاش كلية علمية اسمها عملية لأن المقابل لها اسمها كلية نظرية مش كلية أدبية ... ) وبالنسبة للمصاريف أنا شايفة ان من الأفضل تروح تدفعها دلوقتي في الكلية عشان ماتكونش مشغووول في أيام الدراسة بيها وهتنتظم مع الطلبة اللي أخذوا الثانوية العامة من مصر عادي ؛اللي أنا عملته بقى اني خلاص قدمت ورقي وبقيت مسجل خطر في كلية طب الزقازيق... :p
king ehab 30-09-2009, 01:23 PM انا دخلت كلية علوم عين شمس وطلبو مني 3020 جنيه مصاريف وكشف طبي
ولسة مخلص ورقي النهاردة فبسأله اجي امتى أخد الكارنيه قالي بعدين وقعد يزعق ويقول مفيش كارنيهات دلوقتي
ولما إديته ورقة الكشف الطبي ما حطاهاش في الملف بتاعي طبقها وكتب عليها شهادة معادلة وحطاها ع جنب
يعني إهمال لأبعد درجة
وكمان وأنا بدفع المصاريف لقيت قدامي واحد دفع 210 جنيه وأنا ادفع 3020 جنيه بجد حرام
dr.abdullah 30-09-2009, 01:26 PM انا عايز اعرف حاجة
هيا المصاريف الضخمة دي هندفعها اول سنة بس
ولا كل سنة هندفع ال3000 جنيه؟
amar ellzaman7192 30-09-2009, 01:45 PM لا يا دكتور عبد الله
انا سألت و قالولي المصاريف دي بتدفع اول سنه بس
الطالبة المطحونة ! 30-09-2009, 11:27 PM بااااااه ولله حرام بجد
على فكرة الناس فكرة ان اللي اخد شهادة من برة اهلو شغالين وزراء
ولله حاجة تكسف :abdoog8:
ربنا يوفقك يا مطحونة وا تمنى انك متفضليش مطحونة :blush:
يارب ويوفقك وادعيلي إنت بس ومش هأفضل مطحونة ...
الطالبة المطحونة ! 30-09-2009, 11:29 PM انا عايز اعرف حاجة
هيا المصاريف الضخمة دي هندفعها اول سنة بس
ولا كل سنة هندفع ال3000 جنيه؟
لأ أول سنة بس...
|