السلام عليكم ورحمة الله وبركاته




اريد الاستفسار عن الشهاده الجامعيه اللتي تصدر عن طريق معادلة الخبرات العمليه من امريكا


هل جامعة القاهره تعتمد هذا النظام من الشهاداة لأكمال الماجستير عليها ؟؟؟




ارجو رجااااااااااء خاص بالإفادة


انا من السعوديه واريد العلم الاكيد




ارجو منكم جميعآ ان كان لديك العلم فأفدني او أسأل مادمت من اهل القاهره


جزاكم الله خير الجزااااااء

مبدأياً قبل أى شئ انا قولت قبل كدا اي سؤال هايتحط خارج باب الاستفسارات هايتمسح تلقائى

بس انا هاعتبر الموضوع دا استثنائى عشان حضرتك ممكن تكون ماخدتش بالك

ومع ذلك هايتمسح برده .. بس بعد فترة صغيرة

اريد الاستفسار عن الشهاده الجامعيه اللتي تصدر عن طريق معادلة الخبرات العمليه من امريكا

من الاخر وبدون كلام كتير .. اللي بيطلع الشهادات دى الجامعات بتاعة التعليم عن بعد

وطالما تعليم عن بعد يعني مالوش معادلة هنا في اي جامعة مصرية

غير كدا كمان سمعة التعليم عن بعد هنا في مصر بقت مش كويسة بالمرة

لإن بيبقي فيها كوسة ومافيش عدل ..

لإن كل من هب ودب معاه قرشين بيروح يقدم على بكالوريوس وماجيستير ودكتوراه

وفى ظرف سنتين يبقى معاه شهادة يتنطط بيها على خلق الله !!

هل انتا تساوى واحد طلع عينه في الدكتوراه من جامعة القاهرة بواحد اشترى شهادته من جامعة عن بعد من اي حتة تانية ؟!

هل جامعة القاهره تعتمد هذا النظام من الشهاداة لأكمال الماجستير عليها ؟؟؟

لأ .. مافيش ولا جامعة مصرية بتعتمد النظام دا ..

انما فيه مكاتب معينة هنا في مصر

بتقوم بدور الوسيط مابينك ومابين انك تقدم في جامعة من الجامعات بتاعة التعليم عن بعد ..

الجامعات دي أشهرها ashwood http://www.ashwooduniversity.net/

ودي جامعة ماحدش يعرفلها جنسية .. بس يقال ان مصدرها في باكستان

عندك جامعة تانية اسمها Brixtony .. Brixtonuniversity.com (http://thanwya.com./vb/Brixtonuniversity.com)

الجامعات من النوعية دي كتيرة وهاتتلاقيها موجودة على النت بوفرة ..

لكن في مصر مافيش غير جامعة واحده بس بتقدم حكاية التعليم عن بعد دي

اسمها الجامعة المصرية للتعلم الالكتروني http://www.eelu.edu.eg/wps/portal

مبدأياً قبل أى شئ انا قولت قبل كدا اي سؤال هايتحط خارج باب الاستفسارات هايتمسح تلقائى

بس انا هاعتبر الموضوع دا استثنائى عشان حضرتك ممكن تكون ماخدتش بالك

ومع ذلك هايتمسح برده .. بس بعد فترة صغيرة



من الاخر وبدون كلام كتير .. اللي بيطلع الشهادات دى الجامعات بتاعة التعليم عن بعد

وطالما تعليم عن بعد يعني مالوش معادلة هنا في اي جامعة مصرية

غير كدا كمان سمعة التعليم عن بعد هنا في مصر بقت مش كويسة بالمرة

لإن بيبقي فيها كوسة ومافيش عدل ..

لإن كل من هب ودب معاه قرشين بيروح يقدم على بكالوريوس وماجيستير ودكتوراه

وفى ظرف سنتين يبقى معاه شهادة يتنطط بيها على خلق الله !!

هل انتا تساوى واحد طلع عينه في الدكتوراه من جامعة القاهرة بواحد اشترى شهادته من جامعة عن بعد من اي حتة تانية ؟!



لأ .. مافيش ولا جامعة مصرية بتعتمد النظام دا ..

انما فيه مكاتب معينة هنا في مصر

بتقوم بدور الوسيط مابينك ومابين انك تقدم في جامعة من الجامعات بتاعة التعليم عن بعد ..

الجامعات دي أشهرها ashwood http://www.ashwooduniversity.net/

ودي جامعة ماحدش يعرفلها جنسية .. بس يقال ان مصدرها في باكستان

عندك جامعة تانية اسمها brixtony .. brixtonuniversity.com (http://thanwya.com./vb/brixtonuniversity.com)

الجامعات من النوعية دي كتيرة وهاتتلاقيها موجودة على النت بوفرة ..

لكن في مصر مافيش غير جامعة واحده بس بتقدم حكاية التعليم عن بعد دي

اسمها الجامعة المصرية للتعلم الالكتروني http://www.eelu.edu.eg/wps/portal



ياهلا ومرحبا بك اخو وكل سنة وانت طيب

وعيدك مبارك ان شاء الله

ينعاد علينا وعليك وعلى الأمة الاسلاميه بكل خير


اولآ انا سعيد جدآ بردك على موضوعي واشكرك جزيل الشكر على التوضيح



ثانيآ في مكتب في السعوديه قالي بأن الشهاده اللي بيجيها هوه من جامعة ويست كلايتون بأمريكا


بينها وبين جامعة القاهره التفاقيه بأن من يريد اكمال الماجستير بعد هذه الشهاده اللتي هي شهادة معادلة الخبرات صادرة من جامعة ويست كلايتون بأمكانه تكملة الدراسةفي جامعة القاهره


وقال لي بأنه هو بنفسه سيأتي لي بالقبول


ولكن انا بصراحه خايف من صحة كلامه


لأن كل الكلام بينيوبينه بالتلفون وانا من اهل الشرقيه وهو من جده يعني بيني وبينه 1400 كيلو

وهو قال تعال المكتب وشوف كل حاقه بعينك

وانا الحين مش عارف هل كلامه سليم 100 % ولا لا




اريد مشورتك اخي العزيز


ماذا اعمل ؟؟؟



ولك مني خالص الحب والتقدير وكل الشكر




اخوك نواف

بص يا استاذ نواف

بصرف النظر عن اتفاقية جامعة القاهرة معا ويست كلايتون او اي حاجة من الحاجات دي

اللي يهمنى دلوقتى حاجة واحده .. هل الجامعة دي معترف بيها ولا لأ

انا دلوقتى كل اللي عملته اني دخلت على موقع الجامعة ذات نفسه http://www.westclayton-edu.org

ودخلت على الـ accreditation (الاعتراف) اللي هوا بيبن وبيوضح مين الجهات اللي بتعترف بالجامعة دي

لاقيت ان الجامعة دي معترف بيها من جهتين .. International Distance learning accrediting Association
، Accredits Online and Distance Educational Firms and Institutions Worldwide

طب وانا دلوقتى عايز اعرف مين الجهتين دول .. وايه مدي مصداقيتهم

قومت داخل على موقع http://www.ope.ed.gov/accreditation/

ودا ياسيدي موقع بيوضح كل الجهات الرسمية اللي ليها حق الاعتراف بالجامعات داخل امريكا

اعمل سيرش بقي عن الجهتين اللي فوق دول .. مش هاتتلاقيهم

والتالى يبقي الجامعة اصلا غير معترف بيها في امريكا ..

يبقي ازاي بقى عايزها تعمل اتفاقية معا جامعة القاهرة وهيا غير معترف بيها

بص يا استاذ نواف عشان تبقي فاهم حاجة مهمة اوي

فيه نوعين من انواع الاعتراف الاكاديمي .. حاجة اسمها regionaly وحاجة تانية اسمها nationaly

الجامعة دي بقي لا معترف بيها regionaly اللي هيا اعلى مراتب الاعتراف

زي هارفرد وواشنطن دي سي وفيرجينيا والحتت دي ..

ولا كمان معترف بيها nationaly !! .. يعني العملية بايظة من كله

دا بالنسبة للجامعة .. اما بالنسبة لحكاية المكتب اللي بتقول عليه دا ..

فعايز اقولك ان كان حصل قبل كدا ان الشرطة السعودية عندكوا قفلت 52 مكتب نصب

بيعمل عملية الشهادات بتاعة التعليم عن بعد دي

الخبر دا انا كنت قريته ع النت قبل كدا بس للاسف مش عارف اجيبلك اللينك بتاعه

اما بالنسبة لجامعة القاهرة ..

فاكل اللي اعرفه ان كلية التجارة موقعه اتفاقية وحيدة معا جامعة ويلز

عشان تجارة انجليزي وجامعة جورجيا عشان برنامج جورجيا ..

غير كدا بيتهيألي مافيش

ومن الاخر .. عشان ماضيعش في وقتك اكتر من كدا (انا عارف اني رغيت كتير :blush:)

حضرتك اعمل الآتى وربنا يجيب اللي فيه الخير ..

1- راسل جامعة القاهرة من خلال التليفون (عشان الايميل 90% مش هايردوا عليك!!)

واستفسر عن اتفاقية جامعة القاهرة مع جامعة ويست كلايتون دي

2- راسل جامع ة ويست كلايتون نفسها واستفسر

http://www.westclayton-edu.org/ContactWCU.html

3- اتصل بالمكتب اللي انتا قولت عليه دا واعرف منه كل صغيره وكبيرة عشان مايتنصبش عليك

ويستحسن تسأل عن المكاتب دي عشان ماتتعرضش لعملية نصب

(يعني اتأكد من مدى قانونية نشاطها)

وربنا يجيب اللي فيه الخير ان شاء الله

ربي يعطيك الف عافيه


جعله ان شاء الله في ميزان اعمالك


والف الف الف شكر على تعبك معي وانا مقدر كل اللي عملته معي

بصراحه مش عارف اقولك ايه


ربنا يوفقك بالدنيا والآخره على اللي عملته معايا وعلى التعب اللي تعبته عشاني



ربي يجزاك كل خير



طلب مني اخير اتمنى ترسلي ايميلك على الخاص


عشان اي استفسار اريده عخنقك معايا



باين عليك ماشاء الله ماشاء الله يبارك الله فاهم في حاجات كتيره


وانا طامع بانك تديني ايميلك لأي استفسار عاوزه منك


جزاك الله خير النعيم في الدنيا والآخره



تقبل مني خالص الشكر والتقدير والمحبه




اخوك

نواف