مشاهدة النسخة كاملة : تفتكروا إيه المشكلة دى؟
Eng. Ahmed Said 26-09-2009, 04:51 PM دلوقتي أنا باخد عربى فى سنتر جنبى، المهم أنا فعلاً مش بحب أتسأل من المدرسين سواء فاهم الدرس أو مش فاهم، أنا بتقبل السؤال لإنى بحدد من خلاله المستر مصحصح وعايزينا نستفيد أقصى إستفادة و يشوفنا هنسأل لو مش عارفين ولا لأ، بس أنا للأسف مش بحب أقعد وسط مجموعة كبيرة جداً والمستر يسألنى عشان ساعات ممكن تجيلى حالات إضطراب وأبقى مشتت ومضطرب أوي والحاجات مش مجمعها كويس، طبعاً أنا النهاردة كنت قاعد على أعصابى أثناء الحصة من قلقى الشديد إن المستر هيسألنى ولا لأ، لدرجة إنى مفهتمش الدرس تقريباً!!!
وبكرة عندى حصة برضه ومش عارف حالة الواحد هتبقى عاملة إزاى!!
هستنى رأيكم إن شاء الله، مع إنى متأكد إنى هلاقى إللى يقولى إنى مش إجتماعى أو كده، وبالعكس أنا الحمدلله بعرف أتعامل مع الناس وبتأقلم على الجو الخارجى ده، بس المشكلة إنى مش بحب أختلط أوى ببعض النوعيات والأمثلة من الناس عشان دول إللى بجد مش بعرف أتعامل معاهم عشان أنا مش بستحمل أوى الخبطات وأبسط حاجة مش ظريفة أوي حتى لو على سبيل الهزار ممكن تضايقنى وتأثر فيا، وطبعاً للأسف النوعيات دى بقت منتشرة أوي.
|| Dr sCorpion || 26-09-2009, 05:30 PM على فكره انا كنت كده بردو مش بحب اتسأل مع انى كنت شاطر يعنى
بردو بكون مضطرب بس عادى والله مره بمره هتاخد على كده
شوف هو فيه حلين :-
الأول .. لإما تقول للمستر ميسألكش فى الحصه وقوله يعنى مش بعرف اجمع وكده
واكيد هو هيتقبل ده عادى وخصوصا لو انت شاطر وهو عارف انك كده
التانى بقى .. انت ممكن تحاول تقعد يعنى ومتحطش فى دماعك الحكايه دى
وهى وظروفها اكيد مره هتتسأل ومرتين لأ فشيل من دماغك الحكايه دى هشان تعرف تفهم
براءة 27-09-2009, 01:18 AM طيب انا متبينتش اوى سبب انك مبتحبش تتسال
بس واضح ان ثقتك فى نفسك قليلة
ولازم تحاول تتعامل مع ده متتهربش منه
وانت الوحيد اللى يعرف ايه اللى يضيع القلق ده
هل مادتك العلمية ضعيفة؟؟ هل تركيزك ضعيف ولا ايه بالظبط مشكلتك؟؟
طيب مثلا انت لو مش فاهم حاجة بتسال المدرس ولا بتقلق بردو؟
Eng. Ahmed Said 27-09-2009, 04:34 PM على فكره انا كنت كده بردو مش بحب اتسأل مع انى كنت شاطر يعنى
بردو بكون مضطرب بس عادى والله مره بمره هتاخد على كده
شوف هو فيه حلين :-
الأول .. لإما تقول للمستر ميسألكش فى الحصه وقوله يعنى مش بعرف اجمع وكده
واكيد هو هيتقبل ده عادى وخصوصا لو انت شاطر وهو عارف انك كده
التانى بقى .. انت ممكن تحاول تقعد يعنى ومتحطش فى دماعك الحكايه دى
وهى وظروفها اكيد مره هتتسأل ومرتين لأ فشيل من دماغك الحكايه دى هشان تعرف تفهم
شكراً ياباشا، والله مالهاش غير التوكل على الله من الآخر !
Eng. Ahmed Said 27-09-2009, 04:46 PM طيب انا متبينتش اوى سبب انك مبتحبش تتسال
بس واضح ان ثقتك فى نفسك قليلة
ولازم تحاول تتعامل مع ده متتهربش منه
وانت الوحيد اللى يعرف ايه اللى يضيع القلق ده
هل مادتك العلمية ضعيفة؟؟ هل تركيزك ضعيف ولا ايه بالظبط مشكلتك؟؟
طيب مثلا انت لو مش فاهم حاجة بتسال المدرس ولا بتقلق بردو؟
أنا ثقتى بنفسى عالية فى معظم الأوقات مؤمن جداً بالمواهب إللى ربنا بيرزقها للواحد الحمدلله، لكن المشكلة إللى بجد إنى مش بعرف أستثمر ثقتى دى فى بعض المواقف
أنا ببقى عارف إنى غلطان وإنى مش صح وإنى المفروض أواجه بشكل أكبر من كده
بالنسبة للمادة العلمية فأنا الحمدلله رب العالمين، تركيزى معقول الحمدلله برضه
أنا لو مش فاهم حاجة بسأل مش بتكسف بس ساعات بقلق برضه مكدبش عليكى.
BaNZeR 27-09-2009, 05:05 PM الحصة الوحيدة اللى كنت بركز فيها 150% هي حصة العربي بتاعتنا
لأنه الاستاذ كان بيسمعلنا الدرس كله واحنا قاعدين
مدارس الادب كان يوقف واحد ويقوله خصائص المدرسة كلها
كان بيخلينا نحفظ الحاجة قبل ما نطلع (صحيح كله بيتبخر بس كنا بنركز وخلاص :d )
عشان كده في نظرتي الشخصية
انت لو طلبت من مدرسك ميسألكش
انا متأكد إنه تركيزك حيقل كتير
لانك عارف انه مش حيسألك
معرفش إنت ليه عاكس الموضوع يعني
أسيل رزق 27-09-2009, 06:27 PM أنا برده من النوع اللى مش بحب المدرس يسألنى لإنى مش بعرف أجمع و أجاوب شفوى و كان حل المشكلة دى عندى إنى قلت لكل المدرسين مايسألونيش شفوى و لو عايزين يسألونى يبقى تحريرى
لكن المشكلة اللى وقعت فيها لما دخلت الكلية و كان عندنا إمتحانات شفوى كتير دا غير الأسئلة الشفوى اللى بتكون فى السكاشن و كان حلها عندى إنى أدرب نفسى على الإجابة فى أى وقت و بقيت بذاكر بصوت عالى و اسئل نفسى و أجاوب فى نفس اللحظة و الحمد لله المشكلة إتحلت عن الأول
فحاول تقول للمدرسين إن الجزء الشفوى عندك مش كويس و فى نفس الوقت خليك مركز فى الحصة بقدر المستطاع و درب نفسك على الإجابة على الأسئلة يعنى إسأل نفسك و جاوب أو خلى حد من البيت عندك يسألك و انت تجاوب
و ربنا يوفقك
FRANKENSTEIN 27-09-2009, 07:03 PM نا برده من النوع اللى مش بحب المدرس يسألنى لإنى مش بعرف أجمع و أجاوب شفوى و كان حل المشكلة دى عندى إنى قلت لكل المدرسين مايسألونيش شفوى و لو عايزين يسألونى يبقى تحريرى
ولا انا بحب المدرسين اللي بيسألوا شفوي
ببساطه بيصحوني من اجمل نومه :d
بيبقوا سخاف اوي
ع العموم بالنسبه للموضوع
انا شايف ان االاسئله اللي بيسألها المدرس
انتا لو فكرت فيها من ناحيه
ممكن تلاقيها محرجه او بتسببلك انزعاج شوية
يعني مش كلنا بيحب يتسأل
ومش كلنا بيقدر يجاوب بسرعه او بيحب يتسأل قدام ناس كتير
بس انتا لو بصتلها من ناحيه تانية
حتلاقيها فرصه تنمي فيها مقدرتك ف الكلام مع الناس
بتنمي قدرتك فيها ع الحوار او النقاش
وبجد دي فايده بتكون اكبر من الدرس نفسه لو ركزت فيها
حتفيدك بعد كدا ف حياتك
انتا تحاول تستحمل الموضوع شوية ف الاول بس
_GUIDE_ 27-09-2009, 08:29 PM نصيحة منى
مترحش الدرس تانى
..Just Stop 27-09-2009, 09:08 PM نصيحة منى
مترحش الدرس تانى
معلش يا احمد
الاخ كاره التعليم واللى بيعلمو واللى بيتعلمو عنده عقدة بعيد عنك :d
::::::::
بص يا احمد افندى
الحكاية مش مقلقة بالدرجة اللى انت حاططها لنفسك دى
الحكاية اسهل من كدا بكتير
انت تخليك مركز مع المدرس وافهم هو بيقول ايه علشان لو فرضنا وسئلك تقدر تجاوب
انما لو قلقت نفسك ولا هتفهم الدرس ولا هتركز فى حاجة
ولما هيسئلك هيجيلك رهبة من السؤال فمش هتعرف تجاوب حتى لو كنت عارف الاجابة
مينفعش ميسألكش لانه لو مسألكش احتمال تأقلم نفسك على كدا ومتركزش اصلا فى الدرس
الحكاية سهلة جدا
ايه يعنى لما تتسأل ومتجاوبش
عادى جدا
انا كنت بقف ادام مدرس الفيزيا يسئلنى ونا اقوله معرفش شوف اللى جمبى مع اننا كنا ولاد مع بنات
اى نعم احنا معندناش دم :d
بس خد الحكاية ببساطة
ربنا يوفقك يا ريس
Eng. Ahmed Said 28-09-2009, 07:38 PM والله ياجماعة كلامكم جميل ومنطقى جداً وعلى دماغى من فوق، بس أنا لحد دلوقتى مش عارف أوي أنفذ كده
محتاج أبقى بارد ومعنديش دم وسئيل ... بجد!
Eng. Ahmed Said 28-09-2009, 07:45 PM النهاردة المستر زعقلى جداً بعد الدرس وقالى إن بدايتى معاه وحشة ومش مبشرة وإنه مش مبسوط منى وإنى مش بذاكر ولا بلتزم ومهمل جداً ومش منظم
أنا قلتله يامستر بجد أنا آسف وأنا فعلاً قصرت النهاردة لكن غصب عنى وإن شاء الله هبقى أحسن المرات الجاية، لكن أنا إللى ضايقنى إنه قال إنى مش بذاكر ولا بعمل الواجب، وأنا الحمدلله رب العالمين مذاكر وعامل الواجب وتعبت فى يوم كامل إنى أخلص إللى ورايا فى الـ Math، وكل ما أحاول أوضحله إنى ذاكرت وحليت ومستعد أوريله الكتاب "لامى" هو يرفض ويقول مليش دعوة أنا بتكلم على إللى بشوفه قدامى هنا دلوقتى، أنا فعلاً ياجماعة مكنتش مركز 100%، بس كنت بحاول وكمان أنا مش بعرف أحل المسألة على أكمل وجه فى وسط الحصة كده، لازم أرجع البيت أراجعها مرة وإتنين وأحل عليها مرة وإتنين.
أنا مخنوق جدااااااااااااااااااااااااا
براءة 28-09-2009, 09:08 PM النهاردة المستر زعقلى جداً بعد الدرس وقالى إن بدايتى معاه وحشة ومش مبشرة وإنه مش مبسوط منى وإنى مش بذاكر ولا بلتزم ومهمل جداً ومش منظم
أنا قلتله يامستر بجد أنا آسف وأنا فعلاً قصرت النهاردة لكن غصب عنى وإن شاء الله هبقى أحسن المرات الجاية، لكن أنا إللى ضايقنى إنه قال إنى مش بذاكر ولا بعمل الواجب، وأنا الحمدلله رب العالمين مذاكر وعامل الواجب وتعبت فى يوم كامل إنى أخلص إللى ورايا فى الـ math، وكل ما أحاول أوضحله إنى ذاكرت وحليت ومستعد أوريله الكتاب "لامى" هو يرفض ويقول مليش دعوة أنا بتكلم على إللى بشوفه قدامى هنا دلوقتى، أنا فعلاً ياجماعة مكنتش مركز 100%، بس كنت بحاول وكمان أنا مش بعرف أحل المسألة على أكمل وجه فى وسط الحصة كده، لازم أرجع البيت أراجعها مرة وإتنين وأحل عليها مرة وإتنين.
أنا مخنوق جدااااااااااااااااااااااااا
مينفعش تفضل كده
ومتكررش كلمة مبعرفش كتير
متعرفش ليه؟؟
واشمعنى غيرك يعرف؟؟
مع انك عارف ان مستواك مش ضعيف ابدا
انا شايفه ان المدرس ده اللى بيعمله
والله علشان مصلحتك
الضغط هيخليك تبذل مجهود متتعودش على الدلع
لو المدرس ده شايفك مش تمام مكانش هيهتم يانبك
اعتقد لازم تحاول تكون افضل
ولازم تبذل جهد اكبر
وكلامك ليه مش اللى هيثبت لا جهدك المبذول هو اللى هيتكلم
اللى هيطلبه منك زود انت عليه كمان
ولازم كمان تاقلم نفسك
تذاكر فى اى مكان وتركز فى اى مكان
يوم الامتحان مش هتيجى تقولهم اصلي بركز فى البيت
يوم الامتحان الضغط عليك هيبقي مضاعف
هتلاقى اللى بدا يعيط وغيره وغيره
اقلم نفسك ع انك تقدر تتصرف ايا كانت الدنيا حواليك
وربنا يوفقك يا رب
أسيل رزق 28-09-2009, 09:26 PM النهاردة المستر زعقلى جداً بعد الدرس وقالى إن بدايتى معاه وحشة ومش مبشرة وإنه مش مبسوط منى وإنى مش بذاكر ولا بلتزم ومهمل جداً ومش منظم
أنا قلتله يامستر بجد أنا آسف وأنا فعلاً قصرت النهاردة لكن غصب عنى وإن شاء الله هبقى أحسن المرات الجاية، لكن أنا إللى ضايقنى إنه قال إنى مش بذاكر ولا بعمل الواجب، وأنا الحمدلله رب العالمين مذاكر وعامل الواجب وتعبت فى يوم كامل إنى أخلص إللى ورايا فى الـ math، وكل ما أحاول أوضحله إنى ذاكرت وحليت ومستعد أوريله الكتاب "لامى" هو يرفض ويقول مليش دعوة أنا بتكلم على إللى بشوفه قدامى هنا دلوقتى، أنا فعلاً ياجماعة مكنتش مركز 100%، بس كنت بحاول وكمان أنا مش بعرف أحل المسألة على أكمل وجه فى وسط الحصة كده، لازم أرجع البيت أراجعها مرة وإتنين وأحل عليها مرة وإتنين.
أنا مخنوق جدااااااااااااااااااااااااا
جايز انت تكون متخيل إنك بتعمل اللى عليك لكن فى نظر المدرس إنك ممكن تعمل أفضل من كده
مشكلتك إنك مخوف نفسك زيادة عن اللزوم .. شيل من جواك الرهبة دى و ركز فى الدرس و حاول على قد ما تقدر تجاوب على اسئلة المدرس و الواجب لازم يكون أفضل بكتير من اللى متخيله المدرس ليك علشان يحس إنك هتقدر تجاوب فى الامتحان و هيتأكد إنك بتذاكر و بتحل و بتعمل اللى عليك و شطارة منك لو إداكم 10 مسائل حل انت 20 بزيادة يعنى
ممكن ده هيسببلك إرهاق بس هترتاح لما المدرس يغير فكرته عنك و كمان هيقلل من أسئلته ليك كل حصة لإنه عارف إنك كويس و ده كله هيفيدك فى تثبيت المذاكرة فى عقلك
و ماتفضلش تخوف نفسك و تقول مش هعرف أجاوب أو تفضل خايف من إنتظار السؤال من المدرس
و إن شاء الله ربنا يوفقك
Bent 3bdo 29-09-2009, 12:48 AM النهاردة المستر زعقلى جداً بعد الدرس وقالى إن بدايتى معاه وحشة ومش مبشرة وإنه مش مبسوط منى وإنى مش بذاكر ولا بلتزم ومهمل جداً ومش منظم
أنا قلتله يامستر بجد أنا آسف وأنا فعلاً قصرت النهاردة لكن غصب عنى وإن شاء الله هبقى أحسن المرات الجاية، لكن أنا إللى ضايقنى إنه قال إنى مش بذاكر ولا بعمل الواجب، وأنا الحمدلله رب العالمين مذاكر وعامل الواجب وتعبت فى يوم كامل إنى أخلص إللى ورايا فى الـ math، وكل ما أحاول أوضحله إنى ذاكرت وحليت ومستعد أوريله الكتاب "لامى" هو يرفض ويقول مليش دعوة أنا بتكلم على إللى بشوفه قدامى هنا دلوقتى، أنا فعلاً ياجماعة مكنتش مركز 100%، بس كنت بحاول وكمان أنا مش بعرف أحل المسألة على أكمل وجه فى وسط الحصة كده، لازم أرجع البيت أراجعها مرة وإتنين وأحل عليها مرة وإتنين.
أنا مخنوق جدااااااااااااااااااااااااا
انا المشكله دى كانت بتقابلنى مع معظم المدرسين تقريبا
علشان انا هاديه جدا
ومبعرفش اتكلم ف الدوشه ووسط الناس كده
ومش بعرف اركز وانا بتكلم
فبنبقى قاعدين ف الدرس والباقى ببتكلم وبتجاوب مع الميس او المستر وانا قاعده ساكته
وهما بيبقى بيتهيقلهم انى نايمه مع انى ببقى مركزة جدا جدا
مع انهم لو سألونى ع سؤال هرد عليهم وعادى بس مش بعرف اٌقعد اتلكم و أسأل مع كله
والموضوع ده كان بيضايقنى جدا
لدرجه انى تعبت جدا وروحت كشفت والدكتورة قالت لماما ان دى مش حاجه عضويه دى حاله نفسيه
حاول انك تبين للمستر انك فاهم ومركز معاه
ولو عمل امتحان وجبت فيه درجه حلوة
واقتنع انك شاطر
يبقى خير وبركه
لو مقتنعش
متحطش ف دماغك
واعمل اللى عليك وخلاص
وسيبك م كلامه
ف مدرسين لما بيحطوا ف دماغهم حاجه مش بيغيروها مهما حصل
وربنا يوفقك
MuHaMeD kHaLeD 29-09-2009, 04:58 AM خليك واثق في نفسك
_GUIDE_ 29-09-2009, 11:51 AM هو انا ليه ردى اتحذف ؟
مع انه كان فى صلب الموضوع
Eng. Ahmed Said 29-09-2009, 11:52 AM مينفعش تفضل كده
ومتكررش كلمة مبعرفش كتير
متعرفش ليه؟؟
واشمعنى غيرك يعرف؟؟
مع انك عارف ان مستواك مش ضعيف ابدا
انا شايفه ان المدرس ده اللى بيعمله
والله علشان مصلحتك
الضغط هيخليك تبذل مجهود متتعودش على الدلع
لو المدرس ده شايفك مش تمام مكانش هيهتم يانبك
اعتقد لازم تحاول تكون افضل
ولازم تبذل جهد اكبر
وكلامك ليه مش اللى هيثبت لا جهدك المبذول هو اللى هيتكلم
اللى هيطلبه منك زود انت عليه كمان
ولازم كمان تاقلم نفسك
تذاكر فى اى مكان وتركز فى اى مكان
يوم الامتحان مش هتيجى تقولهم اصلي بركز فى البيت
يوم الامتحان الضغط عليك هيبقي مضاعف
هتلاقى اللى بدا يعيط وغيره وغيره
اقلم نفسك ع انك تقدر تتصرف ايا كانت الدنيا حواليك
وربنا يوفقك يا رب
على فكرة دى كانت تانى حصة ليا معاه، باقى الجروب كان معاه من الإعدادية أصلاً، وعشان كده أنا ولا عارف "أقرا" المدرس كويس وأعرف إيه المطلوب منى عشان أكون ماشى صح مع نفسى ومع مادتى ومع مدرسها!، وكمان ولا هو عارف شكل قعدتى فى الدرس بتبقى إزاى، أنا مش بحب الكلام الكتير والدوشة فمش بتكلم إلا نادراً أو وقت اللزوم أو الحاجة المُلحة، هو ممكن يفتكرها فشل أو نقص القدرات أو عدم ثقة فى المادة، بس لعل الشدّة إللى هو عملاهالى دى تكون خير ليا بعد كده، لإنى فهمت هو عايز إيه وفهمت كمان إنى مهما بذلت مجهود لسه عندى حاجة أعلى تستحق إنى أعملها وبعد كده أبقى أستنى الثناء.
شكراً ليك :)
Eng. Ahmed Said 29-09-2009, 11:59 AM جايز انت تكون متخيل إنك بتعمل اللى عليك لكن فى نظر المدرس إنك ممكن تعمل أفضل من كده
مشكلتك إنك مخوف نفسك زيادة عن اللزوم .. شيل من جواك الرهبة دى و ركز فى الدرس و حاول على قد ما تقدر تجاوب على اسئلة المدرس و الواجب لازم يكون أفضل بكتير من اللى متخيله المدرس ليك علشان يحس إنك هتقدر تجاوب فى الامتحان و هيتأكد إنك بتذاكر و بتحل و بتعمل اللى عليك و شطارة منك لو إداكم 10 مسائل حل انت 20 بزيادة يعنى
ممكن ده هيسببلك إرهاق بس هترتاح لما المدرس يغير فكرته عنك و كمان هيقلل من أسئلته ليك كل حصة لإنه عارف إنك كويس و ده كله هيفيدك فى تثبيت المذاكرة فى عقلك
و ماتفضلش تخوف نفسك و تقول مش هعرف أجاوب أو تفضل خايف من إنتظار السؤال من المدرس
و إن شاء الله ربنا يوفقك
أنا فعلاً بخوف نفسى زيادة عن اللازم، وأنا أصلاً بيضايقنى جداً إنى أكون حاطط إيدى على الغلط أو العيب ومقدرش أصلحه بسهولة، وفكرة حضرتك جميلة فعلاً وأنا يمكن هحتاجها وهلاقى تأثيرها على نفسى قبل المدرس كمان، هلاقي العشر أسئلة الزيادة دول إدونى خطوة زيادة وثقة إنى أقدر أبقى أقوى من المستوى إللى هو عامله للجروب كله...وأنا فعلاً بحاول أشيل أى رهبة جوايا وأكون بجح لإن ده الحل الوحيد، وأنا واثق إنه ممكن يحصل إن شاء الله بس هياخد وقت
شكراً ليكى :)
Eng. Ahmed Said 29-09-2009, 12:01 PM انا المشكله دى كانت بتقابلنى مع معظم المدرسين تقريبا
علشان انا هاديه جدا
ومبعرفش اتكلم ف الدوشه ووسط الناس كده
ومش بعرف اركز وانا بتكلم
فبنبقى قاعدين ف الدرس والباقى ببتكلم وبتجاوب مع الميس او المستر وانا قاعده ساكته
وهما بيبقى بيتهيقلهم انى نايمه مع انى ببقى مركزة جدا جدا
مع انهم لو سألونى ع سؤال هرد عليهم وعادى بس مش بعرف اٌقعد اتلكم و أسأل مع كله
والموضوع ده كان بيضايقنى جدا
لدرجه انى تعبت جدا وروحت كشفت والدكتورة قالت لماما ان دى مش حاجه عضويه دى حاله نفسيه
حاول انك تبين للمستر انك فاهم ومركز معاه
ولو عمل امتحان وجبت فيه درجه حلوة
واقتنع انك شاطر
يبقى خير وبركه
لو مقتنعش
متحطش ف دماغك
واعمل اللى عليك وخلاص
وسيبك م كلامه
ف مدرسين لما بيحطوا ف دماغهم حاجه مش بيغيروها مهما حصل
وربنا يوفقك
شكراً جداً وأكيد هستفيد بكلام حضرتك، وإن شاء الله فيه إمتحان أصلاً يوم الخميس فى نفس المادة، وهو ده تعويضى ورد إعتبارى وإثبات الذات بإذن الله
Eng. Ahmed Said 29-09-2009, 12:09 PM خليك واثق في نفسك
بحتاجها بشكل فعلى أكتر من مجرد إقتناعى بأى حاجة جوايا وأسميها ثقة، شكراً :)
_GUIDE_ 30-09-2009, 12:36 PM بص يا احمد الباب اللى يجيلك منه الريح سده واستريح
زى ما المثل بيقول
مش عجبك المدرس ده سيبه وشوف مدرس تانى
مش مرتاح فى مدرستك غيرها وحول مدرسة تانية
اهلك ضغطين عليك فى البيت اطفش من البيت
كل مشكلة وليها حل المهم انت بس فكر واقعد مع نفسك
ثم صدقنى فى حاجات كتيرة مهمة اكتر من التعليم
فى حد دلوقتى بيهتم بالشهادة
وبينى وبينك الفوتشوب مخلاش الواحد نفسه فى حاجة
لو عايزنى اضربلك دكتوراة وانت لسه بتدرس هعملهالك
اهم حاجة بس متقهرش نفسك وتقول خايف ومش واثق ومهزوز
مينفعش
اسمع كلامى انا كل سنة كنت بطلع الاول على الدكة بتاعتى
اهدى كده وان شاء الله خير السنة لسه طويلة
وانت لسه صغير اتفسح وعيش حياتك وكله هيبقى تمام
أسيل رزق 30-09-2009, 02:00 PM بص يا احمد الباب اللى يجيلك منه الريح سده واستريح
زى ما المثل بيقول
مش عجبك المدرس ده سيبه وشوف مدرس تانى
مش مرتاح فى مدرستك غيرها وحول مدرسة تانية
اهلك ضغطين عليك فى البيت اطفش من البيت
كل مشكلة وليها حل المهم انت بس فكر واقعد مع نفسك
ثم صدقنى فى حاجات كتيرة مهمة اكتر من التعليم
فى حد دلوقتى بيهتم بالشهادة
وبينى وبينك الفوتشوب مخلاش الواحد نفسه فى حاجة
لو عايزنى اضربلك دكتوراة وانت لسه بتدرس هعملهالك
اهم حاجة بس متقهرش نفسك وتقول خايف ومش واثق ومهزوز
مينفعش
اسمع كلامى انا كل سنة كنت بطلع الاول على الدكة بتاعتى
اهدى كده وان شاء الله خير السنة لسه طويلة
وانت لسه صغير اتفسح وعيش حياتك وكله هيبقى تمام
إسلام بيهزر بس مش أكتر
ماتسمعش كلامه خالص
مصطفى الشقي 30-09-2009, 02:15 PM بسم الله الرحمن الرحيم
بص يا استاذ احمد انا مش عارف انت في سنة كام بس على العموم لو انت ثقتك في نفسك كبيرة و متأكد انك عامل اللي عليك ومذاكر فخلاص على فكرة معظم الناس و انا منهم مش بيعرفوا يجاوبوا على اسئلة شفوية بس في التحريري زي المكن في الحل بيحلوا و يتفوقوا فلو كنت انت كده حاول تفهم ده للمدرس و اثبت له انك كدة عن طريق الامتحانات التحريري بتاعة المدرس ده و فهمه انك بتحل كويس في التحريري لانك بتكون مستجمع تركيزك و هدوئك بس في الشفوي بتفقد كل ده
وربنا يوفقك و تقبل مروري
مصطفى الشقي
:022yb4::022yb4::022yb4::022yb4::022yb4:
هارى12345 01-10-2009, 08:39 PM بص يا احمد احسن حاجة تعملها علشان تتفوق ومتبقاش مش مركز فى الحصة او فى الدرس هو انك قبل ما تروح الدرس تذاكر اللى هتاخده طبعا مش تقعد تذاكره بالساعتين وكدة لا هى كلها نصف ساعة تذاكر الدرس وتاخد منه الفكرة العامة وتعيد عليه وكدة يعنى بحيث انك تروح الدرس تبقى عارف من الاول الدرس بيتكلم على ايه ولو هتقولى طيب مش لازم اروح الدرس لما انا هذاكره فى البيت. لا طبعا انت لما تذاكره الاول فى البيت هتروح تلاقى نفسك فاهم 80% او اكتر ولو الاستاذ سأل سؤال مهما كان صعب خليك واثق من نفسك وركز اوى وماتتوترش وانت هتلاقى نفسك جاوبت السؤال اجابة نموذجية واصاحب على طلبة شاطرين وذاكر كتير دى كلها سنتين وتخش كلية لو انت فى ثانوى ومهما الشيطان خوفك وكدة وحسيت انك متوتر صلى واقرأ القران ومتخليش الكلام ده يخش عليك تانى وحل اسئلة كتير وعلى فكرة لما تعمل الفكرة اللى انا قلتلك عليها هتطلع من الدرس فاهمه 1000% ويا سلام لما ترجع من الدرس وتذاكره تانى فى السريع وتحل اسئلة الاضواء والوسام والكتاب المدرسى او اى حاجة عندك وتشد حيلك وتسهر وما تاخدش الحكاية ببساطة والله ان شاء هتطلع من اوائل الجمهورية ان شاء الله وهما اصلا مش زايدين عنك حاجة
وربنا يوفقك
_GUIDE_ 02-10-2009, 02:02 PM إسلام بيهزر بس مش أكتر
ماتسمعش كلامه خالص
وربنا ما بهزر :d
|