السلام عليكم ورحمة الله و بركاته
كانت هذه احدى الفضفضات التى صادفتها على احد المواقع لحل المشكلات
ولكنى أخذت أقرأها مرات و مرات
وانا غير مصدق بأن كاتبة هذه الفضفضة هى فى 6 ابتدائى!!
و بتقول انها كانت بتحب من 1 ابتدائى!!
مش عارف ازاى!!
لا وكانت بتكلمه كمان على النت
انا فاكر انى اول مرة استخدم النت كان فى 3 اعدادى <_<
بس انا مش عارف ايه الجيل البايظ ده
بقى بنت فى 6 ابتدائى و تقول الكلام ده؟
هل العيب منها؟ولا من اهلها؟ولا من مين؟؟؟
اترككم مع الفضفضة...
--------------------------------------------------------------------------





أولا أنا عندي 12 سنة بالظبط، في 6 ابتدائي في مدرسة مشتركة.. كنت بحب واحد من 5 سنين وهو كمان بس ماكانش بيقول لي.. كان بس بيلمح لي لحد ما قال لي.. من ساعتها وهو متغير معايا.. ده كان في الوقت نفسه اللي كان واحد صاحبه تاني قال إنه بيحبني قوي، أنا ماكنتش حاسة بيه خالص، بعدت عن الأولاني خالص وحبيت التاني زي ما هو بيحبني، ودلوقتي احنا مش هنشوف بعض تاني، وكلمني على النت، وقال لي إني لازم أنساه وهو كمان عشان كده حرام وإن كده غلط.



أنا مش عارفة أنساه خالص قلت له: "نبقى أصحاب".. قال لي: "احنا عمرنا ما كنا لبعض أصحاب".. مع العلم إنه في الأول كان بيقول لي إن لما نكبر هيتجوزني.. أنا دلوقتي مش عارفة أنساه والأولاني بيحاول يرجع لي تاني بس أنا مش عايزة.. أرجو الرد.

ن-م

----------------------------
وبعد ما قريتم فضفضتها مستنى ردكم
شكرا

هففففففف ....

مبحبش التخلف الصراحة ...

سورىى .. هرد اقول ايه ؟؟

==================

سلام

:huh: :o ايـــــــــــــــــــــه ده؟؟؟؟؟؟؟؟؟ :huh: :o :blink:

ربنا يرحم ايام زمان

واضح ان الجواز بعد كده هيبقي من k.g 1

يانهار اسود

للدرجه دى

دا احنا شعب عايز الحرق والله

عدنها 12 سنه

وبتقولك من خمس سنين

اللهم صلى على النبى

عيال عندهم 6 - 7 سنين وبيتكلموا فى الجواز

بسم الله ما شاء الله

ده على مايكون عندهم 15 سنه

هيبقى جدود

وهيتحولوا ع المعاش

وجزاكم الله خيرا

هو طبعا مش بيبقي حب حقيقي
بس بيبقي حب نظيف ميعرفش الخيانة والكدب بيبقي حب بريءوجميل
هوممكن يكون غلط عليهم بس
بيبقوا عايزين يجربوا خليهم يجربوا ويخبطوا لغاية ما يتعلموا

ادي اهمال الاهالي يوفرو كل اسباب الخراب وميراقبوش يبقى يتحملو النتايج
حسبي الله ونعم الوكيل

ياااااااااه مستعجلين ليه
ده الحب بهدله و اسالوا مجرب و يبجرب!
اعتقد العيب من اهلها .. ازاي يحطوها في مدرسه مشتركه اصلاً في السن ده
و اصلاً انا مش بشجع المدارس المشتركه دي

يلا على رأي أيه هما عايزين يجربوا ..
معلش يا جماعه التليفيزيون بوظ دماغهم
انا اول مره دخلت نت من تانيه اعدادي .. مش اولى ابتدائي لإنه ماكنش دخل اصلاً لما كنت وقتها

هههههههههههههههههههههههههههههههههههههههههههههههههه هههههههههههههههها

تصور بحباك يا محمود هههههههههههههههها

ام ممم موضوع مهم

اولا انا رايى مخالف
انا مش بلوم على البنت فيها ايه يعنى تحب من وهى صغيره حقها ده قلبها يا جماعه طب ماهى بتحب امها وهى صغيرة وابوها وهى صغيرة جينا يعنى على انسان زيها وقلنا ما ينفعش يا جماعه الحب عمره ما كان بالسن الله ومسيرها هتعيش وهتتعلم من تجاربها وكويس انها بداءت فيها من صغرها عشان تتعلم اكتر واكتر

حرام عليكم طب شوفلها حل بدل ما انتوا بتتريقول عليها

انا شايفة انه موضوع عادى وبيحصل كنتيجة انهم متاثرين جامد بالمجتمع اللى حوليهم والطريقة اللى عايش بيها غيرهم وكمان اكيد من قلة اهتمام اهاليهم وبعدين دى براءة طفولة وبيحصل كدة كتيير

بدل مانتم بتعملوا كدة حد يقولنا على النتيجة

nooooooooooooooo comment <_< <_<

Meci beaucoup

aaaah ya Rabbi! I'm SHOCKED!!! No Comment

هههههههههههههههههههههههههههههههه

انا هموت من الضحك

the person i would blame is not the little innocent girl, i would blame the parents, especially the mother because she's supposed to be the closest person to her daughter...where's this little girl's mother? she should've guided her from the begining and explained to her what she should/shouldn't do

انا كنت برضو بحب بنت في اولي ابتدائي وكنت بقوم من جنب صاحبي واروح اقعد جنبها وكنت بحبها اوي
وكنت بروح المدرسه كل يوم علشان اشوفها والايام الي هي كانت بتغيب فيها كنت بزعل اوي
والميس بتاعتنا كمان كانت عارفه ان احنا كنا بنحب بعض وكانت كل ماتشوفنا مع بعض كانت بتضحك
وانا كنت بستغرب هي كانت بتضحك ليه ولما كبرت عرفت هي كانت بتضحك ليه وعرفت انه كان حب برئ

انا كنت برضو بحب بنت في اولي ابتدائي وكنت بقوم من جنب صاحبي واروح اقعد جنبها وكنت بحبها اوي
وكنت بروح المدرسه كل يوم علشان اشوفها والايام الي هي كانت بتغيب فيها كنت بزعل اوي
والميس بتاعتنا كمان كانت عارفه ان احنا كنا بنحب بعض وكانت كل ماتشوفنا مع بعض كانت بتضحك
وانا كنت بستغرب هي كانت بتضحك ليه ولما كبرت عرفت هي كانت بتضحك ليه وعرفت انه كان حب برئ

aww! that's cute! lol:p0

هي القصه عجبتك ولا ايه يا سارة

بس انا مش فاهم يعني ايه الكلمة دي cute

هي القصه عجبتك ولا ايه يا سارة

بس انا مش فاهم يعني ايه الكلمة دي cute

ooh umm..ya3ni
القصه أموره:p:)

ooh umm..ya3ni
القصه أموره:p:)

شكرا
بس مش هتبقي اموره زي ردك

شكرا
بس مش هتبقي اموره زي ردك
lol! thank you:)

السلام عليكم و رحمه الله و بركاته
احب اشكرك يا محمد علي الموضوع الجميل واللي بيطرح حاجه مهمه تستحق النقاش
علي فكرة يا جماعه دي حاجة مألوفه جدا
نيوتن قال " لكل فعل رد فعل مساو له في المقدار و مضاد له في الإتجاه " طبعا القانون ده كان لمكانيكا نيوتن بس القانون ده نقدر نعممه علي المواقف اللي زي دي
لما البنت اهلها يسمحولها انها تسمع التلفزيون و الإفلام الرومانسيه و القبلات و تنويهات الفسق و تصريحتها كمان يبقي ايه اللي مفروض البنت تعمله ؟! ( الفعل )
ان البنت قلبها ينبض و تبدأ تحس بالمراهقه المبكره وتبدأ مشاعرها بالنضج في ظل انها لسه موصلتش لحاله من النضج العقلي ( رد الفعل )
النتيجه بقه عواقب وخيمه لما الولد و البنت في سن زي ده يتكلموا عن الزواج و ما شابه
يبقي التطور الطبيعي للعلاقه دي انهم يتكلموا علي (ما شابه) بطريقه عاديه دون ادني وعي بالصح و الغلط نظرا للمرحله السنيه بتاعتهم
-------------------------------------------------------------------------------------------
ادينا طرحنا ليه البنت شعرت وحست بكدا

** اينعم التطور اللي انا قولته ده عالي اوي بالنسبه للأطفال بس مفيش حاجة تدعو اننا نتعجب بعد كدا لاننا شوفنا كتير و لسه هنشوف كتير
لكن مش هنتكلم و نقول الدافع و خلاص
لازم نتكلم عن الحل ..
الحل له اوجه كتير
الأم : دي طبعا المفروض انها حلقه النقل و الترشيح للمعلومات اللي بتدخل البنت يعني الام المعلومه اللي في عقلها توصلها للبنت باللي يتناسب مع ظروف سنها و مفروض عليها انها تدي للبنت قدر الحنان والحب اللي هيا دورت عليه برا عشان ملقتهوش في البيت و زي ما انا بقول دايما ( في معاملة ابنتك و حبيبتك و اختك .. احرص علي ان يكون الحب من الإنتاج المحلي فإن لم تجده البنت فسرعان ما تبحث عن طريقه لتستورده من الخارج )

--------------------------------------------------------------------------------------------
الأب : عليه انه يكون برده جانب يقتدي به و يرغب البنت انها تقعد معاه و يحول مسار حبها الطفولي البرئ - اللي نبقي بنظلمه لو اطلقنا عليه حب - ويبقي مسارة الصحيح حب الأب مصدر الأمان و القدوة الطيبه
-------------------------------------------------------------------------------------------
وطبعا بجانب ده عليهم شغل اوقات فراغها و قتل اهتمامها بمشاهدة الاشياء المخالفه للمرحله السنيه اللي فيها
--------------------------------------------------------------------------------------------
الحل الباقي علي المجتمع بس طبعا مش هيتحقق غير لما الاسرة تعمل اللي انا قولته
---------------------------------------------------------------------------------------------
يا خبر ابيض كل ده رد والله انا سرحت في الرد يالا مش مشكلة

انا اسف علي الأطاله يا جماعه

السلام عليكم
وربنا يهديني و يهدي المسلمين

والله حاجة غريبة انا عندى 17 سنة ولسه محبتش اى واحد

الجيل لجديد وصل

:eek::eek::eek:لا تعليققق

ســـذاجـــة !!

انا بقى ردى فى الاغنيه دى
حبيتك واحنا فى سنه اولى..
من ساعت ماطلعتى الاولى ..
وفى تانيه لقيتك حاجه تانيه..
موعيدك مظبوطه بالثانيه..
وفى تالته لقيت قلبى ارتحلك..
وفى رابعه بدات المحلك..
وبتتشطرى ولا تتاخرى ودايما بتكونى انتى الاولى حبييييييييييييييييتك واحنا فى سنه اولى..
لا كن للاسف فى سنه 6اضطريت اسيبك علشان كان عندى شهاده وعايز اركز فى المزاكره ....

هههههههههههه وشكراااااااااااااااا

ِشكرااااااااااااااااااااااااااا

السلام عليكم و رحمه الله و بركاته
احب اشكرك يا محمد علي الموضوع الجميل واللي بيطرح حاجه مهمه تستحق النقاش
علي فكرة يا جماعه دي حاجة مألوفه جدا
نيوتن قال " لكل فعل رد فعل مساو له في المقدار و مضاد له في الإتجاه " طبعا القانون ده كان لمكانيكا نيوتن بس القانون ده نقدر نعممه علي المواقف اللي زي دي
لما البنت اهلها يسمحولها انها تسمع التلفزيون و الإفلام الرومانسيه و القبلات و تنويهات الفسق و تصريحتها كمان يبقي ايه اللي مفروض البنت تعمله ؟! ( الفعل )
ان البنت قلبها ينبض و تبدأ تحس بالمراهقه المبكره وتبدأ مشاعرها بالنضج في ظل انها لسه موصلتش لحاله من النضج العقلي ( رد الفعل )
النتيجه بقه عواقب وخيمه لما الولد و البنت في سن زي ده يتكلموا عن الزواج و ما شابه
يبقي التطور الطبيعي للعلاقه دي انهم يتكلموا علي (ما شابه) بطريقه عاديه دون ادني وعي بالصح و الغلط نظرا للمرحله السنيه بتاعتهم
-------------------------------------------------------------------------------------------
ادينا طرحنا ليه البنت شعرت وحست بكدا

** اينعم التطور اللي انا قولته ده عالي اوي بالنسبه للأطفال بس مفيش حاجة تدعو اننا نتعجب بعد كدا لاننا شوفنا كتير و لسه هنشوف كتير
لكن مش هنتكلم و نقول الدافع و خلاص
لازم نتكلم عن الحل ..
الحل له اوجه كتير
الأم : دي طبعا المفروض انها حلقه النقل و الترشيح للمعلومات اللي بتدخل البنت يعني الام المعلومه اللي في عقلها توصلها للبنت باللي يتناسب مع ظروف سنها و مفروض عليها انها تدي للبنت قدر الحنان والحب اللي هيا دورت عليه برا عشان ملقتهوش في البيت و زي ما انا بقول دايما ( في معاملة ابنتك و حبيبتك و اختك .. احرص علي ان يكون الحب من الإنتاج المحلي فإن لم تجده البنت فسرعان ما تبحث عن طريقه لتستورده من الخارج )

--------------------------------------------------------------------------------------------
الأب : عليه انه يكون برده جانب يقتدي به و يرغب البنت انها تقعد معاه و يحول مسار حبها الطفولي البرئ - اللي نبقي بنظلمه لو اطلقنا عليه حب - ويبقي مسارة الصحيح حب الأب مصدر الأمان و القدوة الطيبه
-------------------------------------------------------------------------------------------
وطبعا بجانب ده عليهم شغل اوقات فراغها و قتل اهتمامها بمشاهدة الاشياء المخالفه للمرحله السنيه اللي فيها
--------------------------------------------------------------------------------------------
الحل الباقي علي المجتمع بس طبعا مش هيتحقق غير لما الاسرة تعمل اللي انا قولته
---------------------------------------------------------------------------------------------
يا خبر ابيض كل ده رد والله انا سرحت في الرد يالا مش مشكلة

انا اسف علي الأطاله يا جماعه

السلام عليكم
وربنا يهديني و يهدي المسلمين


أولا : ردك يا أحمد مظبوط 100/100


ثانيا : أنا مستخدم للإنترنت من السنه اللي فاتت يعني وأنا عندي 9 سنين

والصراحه أنا مستغرب إزاي عيال صغيره لسه بيفكروا ف حجات تافهه يفكروا ف الحب والجواز و الحجات دي

ربنا يهدينا جميعا

زمان كانوا بيحب بعض بالمراسيل
ويقعدوا سنين ميشفوش بعض
دلوقتي............
ربنا يعينا علي الزمن اللي مش باينله ملامح


وشكرا ليييييييييييييك

نا فاكر اول مره اعت علي النت كان السنادي عشان ازكر ونزل مرجعات
هيه من سته الله الله الله ونعم

انتو مستغربين ليه :d

ده بقى شئ عادى

منا كنت ايام الدراسه(واللى هى سته برضو) كان اغلب الفصل عندى ماشيين مع صبيان من المدرسه وبراها

وتسليه كمان مش حب


كان فى وحده معايا ماشيه مع واحد سابته ومشيت مع واحد فى اليوم التانى


ربنا يهديهم :(

لالو سمحت يا محمد ممكن أعرف إسمك كامل وإيميلك لو سمحت

ههههههههه دا أنا عندي 18 سنه وفي فكري مش حتجوز غير كمان بتاع 10 سنين ولا حاجه وإحتمال متجوزش خالص علشان سيدنا حسني مبارك علي فكرة في الصعيد بيوقولوا عليه سيدنا ههههههههههه