اخوانى بهذا المنتدى الجميل الموضوع ده حقيقى وليه تجربة

فيه بس مش هقدر احكيها لانى لسه معرفتش نهايتها

1-هل تؤمن بالحب الروحى ؟

2-هل هناك حقا حب عبر الانترنت ؟

3-ماهى نهاية الحب عبر الانترنت ؟

الحب الروحى او الذى لا يرى فيه المحبين بعضهما مثل الانترنت او التليفون حقيقى
وهو اقوى من الحب العادى لانه ممتزج بالشغف لرؤية من تحبه واللهفة لترى نتيجة
تخيلاتك له هل هى صحيحة ام خاطئة .
- الحب عبر الانترنت غريب جدا لانه يعتمد على الخيال حيث انه غالبا لاترى صورة
من تحدثه بل ترسمها انت من خلال طريقة كلامه والالفاظ التى يستخدمها .
يتميز هذا النوع من الحب بالجرأة لانك تتكلم بحرية وصراحة، يموت الخجل بداخلك
ان كنت انسانا خجولا تنطلق كلماتك بغزارة ان كنت صامتا على الحقيقى ، تترك
العنان لخيالك ليرسم لكما مكانا هادئا تنفصلا فيه عن العالم كله .
نهايات هذا النوع من الحب غالبا ما تكون
1- سعيدة
حيث كل مايتخيله الطرفان عن بعضهما صحيحا ويعد هذا تمازجا روحيا غريبا يدمر
الحواجز ويعبر الحدود ليتقابل الحبيبان بروحهما يرى كل منهما الاخر لا ادرى كيف
ان كانت هناك عين تسمى بعين الخيال فهى التى يستخدمها المحب ليرى محبوبته
والعكس وبهذا يكون هذا الحب صافيا عذبا جريئا لا يقف امامه الخجل ولايعترضه التردد .

ينتهى بالنهاية الطبيعية للاى حب وهى الزواج واتمنى لكل عضو او عضوة تعرض
لهذا النوع من الحب ان يكون الزواج هو نهاية حبه .

النهاية الثانية
2-مضحكة
عندما يقرر الطرفان ان يلتقوا يرى كل منهما انه فشل فى تخيل شكل من يحدثه
وينتج عن هذا الاحساس بعدم الارتياح لكلا الطرفين مما يؤدى الى بعض المواقف المضحكة .

نصيحة لاى انسان ذو احساس مرهف او لم يسبق له المرور باى تجربة حب
اخوانى مستخدمى برامج الشات والمحادثة احترسوا من التلاعب بمشاعركم من خلال بعض
المجردين من الاحساس التى تعتبر هوايتهم المفضلة هى التسلية والترفية حتى لو بالكذب
والخداع والغش .

فى النهاية يهمنى سماع رأى كل من يقرأ هذا الموضوع


الموضوع منقول بالحرف مزودتش فيه كلمه عشان محدش ياخد الكلام ع نفسه
سلام

ههههههههههه خفت مني ياد صح

بص الحب ع النت حقيقي بس اهم حاجا يتحول لواقع وبعلم الأهل

مشكور يا بيسو

سلاحف

خفت منك ايه يا بني
انا بس بحترمك
ع العموم مسمعتش منك رد مقنع
سلاموز

مفيش احلي من الحب الحقيقي

لا انترنت بلا كلام فاضي كله بيكدب علي كله و بيزين الحقيقة


اسألواااا مجرب

والله موضوع مهم جدا وحيوى خالص

و كل كلمه فى الكلام اللى ا نت قولته صح

بس فيه حاجه انت فى الاول قولت انك مريت بتجربه زى دى
وفى الاخر قولت ان الموضوع منقول

ياترى انت مريت بالتجربه دى ولا الكاتب الاصلى للموضوع هو اللى مر بالتجربه :D

انا نسيت اقول حاجه
هو لازم كل مانتلكم نتكلم عن الحب
هو الحب مهم اوى كده

<div class='quotetop'>إقتباس(midoragab @ Nov 17 2006, 07:57 PM) 239961</div>
مفيش احلي من الحب الحقيقي

لا انترنت بلا كلام فاضي كله بيكدب علي كله و بيزين الحقيقة


اسألواااا مجرب
[/b]

والمصحف عندك حق


ااما شاعر الحب
انا قايل ليه تجربه يعني كاتب الموضوع الاصلي
انا شخصيا بأمن بمقوله للكات العظيم برنادر شو " في حياه الانسان مأساتان الاولي عندما يفتقد الحب والثانية عندما يجده "
يبقي خلينا ف الماساه الاولي

الحب عن طريق الانترنيت موجود وفيه بعض حالات الحب بتنجح والباقى مش بينجح بس هو موجود ومااجمل انك تحب حد مش شوفته يعنى تخيلات يعنى حبيته بروحك وحبيت روحه يعنى مش قولت بقى ده شكله ازاى وكده وبجد الحب عن طريق النت له مذاق وطعم تانى خالص لانك بتحب الروح وده من اعظم انواع الحب وده رايى

<div align="center">
طبعا لا...........

ومن يعانى من حب قديم فسوف يجد علاجة هنا فى هذا الرابط

http://www.thanwya.com/forums/index.php?showtopic=18710&hl=


وشكرا بات مان 2

هى الثانوية تخلى حد يحب

خلى بالك من مذاكرتك ..عوزين 150%

ربنا يوفقك يارب وتحقق كل ما تتمناه

واكرر شكرى

................</div>

والله يا بنى كله يجوز فى الزمن ده :D
بس مهرة جابت المفيد
روح ذاكر فيزياء ياااااااااض :D

الموضوع ده اتعمل قبل كده وانا قلت ان الحب عبر النت والتليفون وكده يعنى

مش حقيقي ولا هيكون

ودى وجهة نظرى لا زودت ولا نقصت

ميرسي بسام على طرحك الموضوع

قصدى شكرا

منور المنتدى يا بسام دايما بموضوعاتك الجامدة
انا رايى ان الحب عن طريق الانترنت حب غير مكتمل الجوانب
لان الحب(على ما اظن)يبدا برؤيةالطرف الاخر ثم التحدث معه و الاعجاب بشخصيته و بعد ذلك ينمو الحب فى قلوبنا
لكن الحب من غير رؤية من نحب ممكن يتحول لصدمة عند رؤيته و السبب مش لانه (وحش او قصير او............)لا نه ممكن يكون مخالف تماما للصورة الللى رسمناها
ده احنا يا عم بسام ساعات بنكون شايفين اللى بنحبه و تحصلنا صدمة لما نكتشف اننا مخدوعين فيه
انا بجد اسفة لان التعليق طويل بس الموضوع شدنى زى كل موضوعاتك

السلام عليكم
اود ان اشكرك اخي الكريم على طرحك للموضوع الانه مهم حاليا في وقت الانترنت
حيث نجد المئات او الملايين من شباب و شابات العرب يجلسون طوال ساعات على الانترنت
ولا ندي فيها يتحدثون وغالبا ما يكون موضوع الحب هو الجاري بينهم فيجلس الشاب يتخيل صورة الفتاة التي يحدثها و هي بالمثل تناجيه فهل هذا هو الحب؟
الحب كما قال الاخ يأتي بالتعرف الى الطرف الاخر بشخصيته و تفكيره و ما يزن عقله
اي شاب لما يخاطب فتاة من خلال الانترنت او التلفون و هي لاتعرفه يحاول ان يبدي احسن ما عنده من خلق و تفكير و عقل متزن لكنه في الحقيقة عكس ذلك تماما فهو يكذب على نفسه وكذلك الفتاة تحاول ابداء أجود ما عندها مما يخلق الكذب و النفاق بين طرفين مجهولين وهذا ليس حبا الحب أعمق من ذلك .
انا أظن ان مثل هذه الوسائل تقتل الحب و تظهره في أسوء صورة ربما صورة استغلالية رغم انه نبع حياة الانسان
وام يعد للحب ذلك المعنى العريق الاصيل الذي يحافظ على كرامة الطرفين.
وارجو ان تتقبلوا رأيي
جزاكم الله خيرا

:D No ComMEnt رأي خاطئ جدا طب على كدا انا كداب بأى :D طيب سلاحف بدل ما تقلب بخناق :lol:

<div class='quotetop'>إقتباس(مهرة @ Nov 17 2006, 08:27 PM) 239973</div>
<div align="center">
طبعا لا...........

ومن يعانى من حب قديم فسوف يجد علاجة هنا فى هذا الرابط

http://www.thanwya.com/forums/index.php?showtopic=18710&hl=


وشكرا بات مان 2

هى الثانوية تخلى حد يحب

خلى بالك من مذاكرتك ..عوزين 150%

ربنا يوفقك يارب وتحقق كل ما تتمناه

واكرر شكرى

................
[/b][/quote]

هههههههههههههههههههههه
عندك حق يا مهره انا من اول شهر وحالى اتقلب ربنا يهد الثانوية العامه زى ما هدت اجيال :(
بسام نصيحه اختك ليك :D خليك فى الاحياء بتاعتك يمكن تلاقى فى الكتاب قطه تحبها :P وابقا راسلها فى ورقه الامتحان بقا :D
عموما شكرا على الموضوع وربنا يوفقك ويوفقنا باذن الله :)

كل اللى اقدر اقوله ان كل قاعده ليها شواذ :D

ملحوظه هااااااااااااااام جداااااااااااااااا( انا كنت بهزر )فى ناس بدات تزعل من هزارى اوى :(

<div align="center">السلام عليكم ورحمة الله وبركاته

انا عايزك تتخلى انك بتكلم واحدة على النت لمدة سنة كامله لدرجة انك حبتها وشوف بقى الانسان لما يحب
هتقعد ترسم لها بقى صورة فى خيالك اه شعرها يا سلام اصفر عنيها مقولكشى خضر شكلها جميل وحلوة

تخيل سنة كاملة وربما اكثر من سنة معايا وها قد جاءت اللحظة الحاسمة لحظة التقابل واخيرا اخذت منها ميعاد
ها معايا روحت تقابلها متنساش انك قايلها انك جميل ووسيم وعسول ومش بعيد تكون قايلها انك سوبرمان المنطقة
وبعدين اتقابلتم تخيل هيا كانت بتكدب عليك وانت بتكدب عليها

تخيل مدى الاحراج والخجل وانكسار المشاعر
من الاخر مغامرة فاشلة
بالله عليكم خلوا بالكم من المذاكرة اوى

نحن طلاب العلم وزى ما بنقول ونتناقش لازم نكون متفوقين
والله المستعان</div>

ههههههههههههههههههههه ومين قالك اننا بنعمل كدا طيب انا بحب على النت ولحد الأن الحمد لله التجربة ناجحة جدا واهلي يعرفوا وتقريبا مش هقولك بالجزم اهل الانسانة دي يعرفوا يعني اخوانها

ثانيا طول منا غرضي كويس ربنا هيوفقني وانا الحمد لله غرضي كويس قوي وعلى فكرة انا لا وسيم ولا عسول انا محمد :D :lol:

والانسانة اللي بحبها شافتني ولو مشوفتهاش مثلا مش هتفرق يا حبي كتير الانسان مش شكل وبس الانسان اخلاق واحاجاات كتيرة

هتقولي البنت اللي تكلم ولد ع النت غير محترمة

هقولك نظرية فاشلة جدا

بس لازم حب النت لو صادق يتحول لحقيقة والا هينهار

سلام

بري انت لا وسيم ولا بتنجان انت شكلك كده قرد

و اكيد عندك فلوس و انت طبعا عارف المثل اللي بيقول يا واخد القرد علي ماله يروح المال و يبأي ال*** علي حاله هههههههههه



بهزر معاك يا باشا اكمني عارفك بتقلب بسرعة بس مش عليا ياض


سلامونة بالتونة

ههههههه
يا مهره مش انا والله
انا ف حالي مليش دعوه بالعك دا
انا ف نظري الحب ع طريق النت مجرد وهم كبير اوي

ع فكره يا مها دمك مش خفيف وبجد انا زعلت اوي
فياريت متستظرفيش دمك


وشكرا ع المرور

اه نسيت خالد الفيزيا بجد سهله لحد دلوقتي
بس المدرس بتاع المدرسه وبتاع الدرس كأنهم مولودين فوق دماغ بعض
دا يقول كلمه التاني يقول عكسها
لحد ما بقيت بطنش الاتين عشان الدماغ بقي
سلاموز

اه احمد بطل هزار مع البري عشان انت عارف ان لسانه طويل خمس ست حبات

الف شكر يا بسوم علي الموضوع الجامد دا يا حبي

والكلام فيه مش هيقف وهيستمر لانه موضوع مهم فعلا :(

بس طبعا اللي ليه تجارب من علي النت لازم يقولك غلط ومش عارف ايه وكدا

بس انا رايي انو حراام لاني سألت فيها شيخ

بس هو مش حراام في حاله واحده بس ان انت وهيا قولتوا لا اهليكوا

ودا طبعا من المستحيل :D :D

وشكرا مره تانيه ليك يا غالي

اجمل حاجه انك بتقرأ أراء وتشوف حوارات بس معظمها مجرد أفكار بدون حقايق ممكن تلاقي واحد او اتنين بيتكلم عن تجربة وعن ادراك لحدود الموقف وتفاصيله لكن محدش بيحاول يفكر ان رأي الانسان التاني ده صح وتقولي يا سيدي انا بكلمك عن تجربة لكن انت بتتكلم عن منطق رسمه ليك عقلك ومش دايما منطق العقل صح لكن هو لا طبعا مش هقتنع انت اللي كنت تجربة مش صح ...

ما علينا

المهم بقي يا سيدي انا هقولك علي رأيي في الموضوع ده

اللي بيقول ان الحب من خلال الانترنت وهم
بقوله انت غلطان لان في تجارب كتير تثبت انه موجود فعلا مش وهم وهتلاقي معظمنا يعرف حد وقع في تجربة من النوع ده وبعضنا وقع شخصيا فيها وانا عن نفسي أعرف قصة بدأت من النت وانتهت بجواز وحتي الآن الحمد لله سعداء وعايشين حياة كويسة وربنا رزقهم ببنت زي القمر ربنا يخليها ليهم .

واللي بيقول بقي حكاية انهم بيقعدوا يكلموا بعض سنة مثلا ويرسموا لبعض صورة وبيقعدوا يتخيلوا بعض هو يتخيل فتاة احلامه وهي تتخيل فارس احلامها
معتقدش ان لسه في حد بالسذاجه دي ويعمل فيها احمد حلمي في فيلم ميدو مشاكل بيكلم مديحة في التليفون ويروح يقابلها في سينما وبعدين تطلع مسجلة خطر . دلوقتي لما يوصلوا لمرحلة انهم يتقابلوا بقي في اختراع اسمه صور بيقدروا يشوفوا بعض وتنتهي مرحلة التخيلات " عارف هتقولي ممكن توريني صورة بنت اختها ولا حتي صورة اليسا هقولك طيب ليه اذا كنت هتقابلها وتعرف الحكاية " ما علينا المهم انا عايز اوصل انه الموضوع لما بيوصل للمقابلة والاحراج اللي ممكن يحصل في المواقف اللي ذكرتوها اصبحت حاجه نادرا ما بتحصل "

طبعا اللي قال انه حرام انا مقدرش افتي في حاجه انا معرفش حكمها لاني للاسف واكرر للاسف لست متفقها في الدين بالقدر الذي يعطيني الحق لاصدر فتوي .

بس سيبك بقي يا عم من اراء الناس وقلنا انت رأيك

حاضر هقولك

بص يا سيدي الحب عن طريق النت بيجي كالأتي بنت عرفتها بأي طريقة كانت من منتدي مثلا او شات عام المهم عرفتها وخلاص وبقيتوا تتكلموا بصفة شبه مستمرة ممكن في البداية يبدأ الموضوع بتزييف حقايق وكلام هو اقرب للمثالية منه للواقع لان كل انسان بيحاول يرسم في نفسه الصورة المثالية من وجهة نظره قدام الشخص التاني وبيحاول يظهر بيها دايما بس الموضوع بيتكشف بعد كده بسرعه لان القناع لازم بيقع في بعض المواقف والقصة هنا مش بتبان من عنوانها زي الروايات اللي بنقراها لكن القصة بتبان من المواقف اللي بيتحط فيها البطل وبينفعل بكامل انفعاله وبيظهر علطول الوجه الحقيقي للبطل " سيبك بقي من ادهم صبري والرائد نور والناس دي "
بيبدأ الحوار عادي مش بنفكر في حب وكده عادي جدا بتتكلم معاها زي اي بنت ممكن تكلمها وبعدين بتبدأ تعجب بأفكارها واسلوبها وطريقتها ومع الوقت زي ما قلت كل واحد بيبقي علي طبيعته اكتر ايا كان الانسان بيزهق من التمثيل وهنا بقي مرحلة الاعجاب تبدأ تطور وتلاقوا نفسكوا ااتعودتوا علي بعض وتبدأوا تتكلموا بانتظام ولو حصل مره ومش اتكلمتوا في الميعاد يركبك ميت عفريت وتحس ان في حاجه ناقصه منك ...
هتبدأ تفكر طيب انا ليه مخنوق اوي كده اني مكلمتهاش هي ايه بالظبط بالنسبه لي ؟؟ :o :unsure:
لو سألت نفسك السؤال ده اعرف انك كنت ماشي بالعربية بتاعتك في طريق زراعي وماسك الحارة اللي في الوسط ومش هامك اي حد ومنطلق بسرعة الصاروخ بس فجأة لقيت قدامك يافته بتقول انتبه ده اخر دوران هتقابله في الطريق ده بعد كده مفيش طريق للعودة وتروح ضارب فرامل مره واحده وواقف في وسط الطريق ولا كأنك سامع الكلاكسات اللي حواليك ولا حاسس بأي حاجه اصلا انت مجرد وقفت وبتفكر في حاجه من تلاته
ناس هبله زي حالاتي</span> وهتعمله
دور عربيتك وخد يمينك بردوه وبردوه هتروح عن الدوران بس مش هتلف وترجع تاني لأ انت هتحاول تثبت لنفسك انك سواق ميه ميه وهتمشي في المخالف وتقول لنفسك اهو انا كده بقيت في الأمان ممكن في اي لحظة اضرب فرامل وارجع تاني</span>

" وده معناه انك بتقول لنفسك لا لا عادي جدا دي واحده زي اي واحده وده مش حب ولا حاجه دي مجرد مسألة تعود بس ممكن ابطل اكلمها في اي لحظة وانسي الموضوع من اساسه وخلاص علي كده "

بس للاسف انت ملحقتش تقرأ اللي مكتوب بخط صغير علي اليافته اللي فاتت لانك علي ما اتخضيت من الكلام وضربت فرامل مره واحده كنت عديت اليافته خلاص
اقولك انا كان ايه اللي مكتوب " لاحظ انك بعد الدوران لازم تنسي ان في حاجه في عربيتك اسمها تجيب ورا وتمشي بضهرك ولا حتي في فرامل توقفك في مكانك وتكتفي حتي هذا القدر "

فهمت بقي قلتلك ليه ما تعملش اهبل زي حالاتي في الاول وتاخد الحل التالت لانك كده يبقي هتكمل هتكمل ومشيت في الطريق مظبوط او مشيت في المخالف كل الطرق تؤدي إلي مالطة في النهاية
اشمعنه مالطه ؟؟
هم بيقولوا كده انا مالي خليك معايا
هقولك علي حاجه تانيه الحل التالت معناه انك ماشي في المخالف يعني زي ما قلت هتكمل هتكمل بس تعبت نفسك علي الفاضي عمال تفادي ده وتفادي وممكن تلبس في ده
" اللي هو معناه يعني انك كل شويه قاعد تقول لنفسك انا لازم ارجع عايز ارجع بس مش هتقدر يعني لا رضيت باللي انت بتعمله ولا عارف ما تعملوش يعني حبيت يا باشا بس معذب نفسك لانك مش راضي بحبك ده"

<span style="color:#3333FF">بس يا سيدي دي الحكاية

اما نهاية الطريق بقي تختلف حسب العربية اللي انت راكبها

انا رغاااااااااااااااااااااااي جدا جدا جدا وصراحه انا مش عارف كتبت الكلام ده كله ازاي بس يلا بقي ربنا معاكم وتقرأوا

بس لو قرأتوه ياريت حد يعبرني ويقولي يا عم ايه الهبل اللي انت كاتبه ده
.
.

:D والله يا ميدو أحسن رد شوفته لحد الأن في أي منتدى عن الموضوع دا تسلم بجد ;) معاك في كل كلمة اكمني عايش برضو نفس الحكاية :D

والله يا ميدو انا احطه فى الصفحة الاولى بجد
رد نضيف وواقعى الحقيقة
تحياتى بجد لكيبوردك التى خطت هذه الكلمات :D

<div class='quotetop'>إقتباس(محمد البري @ Nov 19 2006, 12:27 PM) 240315</div>
:D والله يا ميدو أحسن رد شوفته لحد الأن في أي منتدى عن الموضوع دا تسلم بجد ;) معاك في كل كلمة اكمني عايش برضو نفس الحكاية :D
[/b]

الحمد لله اني قدرت اوصل الموضوع زي ما انا شايفه يا محمد


<div class='quotetop'>إقتباس(خالدالجن @ Nov 19 2006, 01:13 PM) 240326</div>
والله يا ميدو انا احطه فى الصفحة الاولى بجد
رد نضيف وواقعى الحقيقة
تحياتى بجد لكيبوردك التى خطت هذه الكلمات :D
[/b]

ههههههههههههههه شكرا يا خالد انا سعيد ان رأيي موافق لرأيك

وتحياتي انا وانت للكيبورد اصل انا في عشق بينها وبين صوابعي .
.
.

اوك يعني المحمدين معترفين بيه وفاكرينه حب حقيقي
اوك يا محمد عايز اقولك حاجه
عارف ليه هو وهم لان الانسان مش بيتصرف ع طبيعته وهو بيتكلم صح ولا لا
فبيكونش حب ع ادراك مش عارف اقول الكلمه دي ازاي
المهم هو مش حرام
بس معظم حالاته بتكون مجرد تسليه
او لعب عيال
انا بعترف مثلا بحب الكلام مع شخص معين كدا يعني
بس حب مبني عليه ارتبطاط
سوري لا صعبه جدا
وانتم بتخدعوا نفسكم

<div class='quotetop'>إقتباس(بات مان 2 @ Nov 19 2006, 05:42 PM) 240444</div>
اوك يعني المحمدين معترفين بيه وفاكرينه حب حقيقي

مش فاكرينه لا متأكدين منه

اوك يا محمد عايز اقولك حاجه

اتفضل

عارف ليه هو وهم لان الانسان مش بيتصرف ع طبيعته وهو بيتكلم صح ولا لا

مش دايما ولو قرات اللي كتبته هتلاقي اني قلت ان مع الوقت الانسان بيمل من التمثيل وبيظهر علي حقيقته ده لو كان بيمثل اصلا ..

فبيكونش حب ع ادراك مش عارف اقول الكلمه دي ازاي

ياريت تقدر تقولها علشان افهمها
المهم هو مش حرام
بس معظم حالاته بتكون مجرد تسليه
او لعب عيال

انت قلت معظم حالاته وده معناه ان في حالات مش مجرد تسليه ولا لعب عيال يبقي النوع ده من الحب موجود ومنقدرش ننكره

انا بعترف مثلا بحب الكلام مع شخص معين كدا يعني
بس حب مبني عليه ارتبطاط
سوري لا صعبه جدا
وانتم بتخدعوا نفسكم

مش صعبة ولا حاجه والله ايه الصعب انك تروح تتقدملها بعيدا طبعا عن مشاكل الشباب الاعتيادية
صدقني والله يا بسام الحب ده موجود موجود موجود موجود ولن اخفيك سرا انه انتشر الآن بدرجة انتشار الانترنت
[/b]

اتكلم معاك بجد بقي اللي انتشر مش الحب اللي انتشر اللعب والتسليه ع البنات يا باشا
انا مقلتش ان مفيش حب عن طريق النت بس
فيه بس قليل جدا
وحتي القليل دا نهايته ايه ممكن تقولي نهايته ايه

هههههههههههه بسام بطل :D

هبأى اتكلم معاك في الموضوع دا شكلك مش ناوي تجيبها البر :angry:

ايه يا ميدو
خلاص يا عم
انا والله مبقصدش حد
انا بس بقول رايي بصراحه
وعشان متزعلش مش متكلم تاني

فعلا انا معاك يا ميدو فى كل كلمة قلتها وفقت بجد توصل الحكاية
ويا محمد البرى ربنا يوفقك فى حكايتك ويتممها بخير
انا بجد اعرف كتيييييييير اوى مرتبطين من النت والحمد لله ربنا وفقهم :D

وزى ما روميو قال
_الحب عن طريق الانترنيت موجود وفيه بعض حالات الحب بتنجح والباقى مش بينجح بس هو موجود ومااجمل انك تحب حد مش شوفته يعنى تخيلات يعنى حبيته بروحك وحبيت روحه يعنى مش قولت بقى ده شكله ازاى وكده وبجد الحب عن طريق النت له مذاق وطعم تانى خالص لانك بتحب الروح وده من اعظم انواع الحب وده رايى_

ودة رايى انا كمان لانى من وجهة نظرى اللى يحب حد عشان مظهرة والارتباط عندة مرتبط بالمظهر والشكل اكتر(هايف)
وان بطريقة النت بتقدر تعرف شخصية اللى قدامك بجد تفكيرة دماغة ماشية ازاى ودة الاهم فى رايى
حكاية الكدب بقى مش بسيطة وبالعكس برة النت اسهل بكتير محدش ساذج اوى كدة او نادر دلوقتى هتلاقى اللى بيضحك علية مش بيدخل نت كتير مش عنده خبرة بانواع الناس الموجودة على النت بجد الموضوع بيبقى باين اوى اللى بيكدب بيبقى مفضوح من الاول وبيقع فى كدبة كتييير ومش هيقدر انة يكدب علطول وبردة مينفعش نبقى عبيطين نصدق اى حاجة تتقالنا

السؤال هل تؤمن بالحب عبر الانترنت؟ :unsure:
اجابتى اه طبعا اؤمن دة بقى واقع
المشكلة بقى مش فى جيلنا فى اجيال قبل كدة مش متقبلة الموضوع ورفضاة وغالبا بيكونوا سبب فشل الحكاية ;) (اللى هما الاهل يعنى)

السلام عليكم
بجد الحب عبر النت موجود ولكن دائما نجد ضحايا والكذب يتخلله من جميع النواحي
ولذلك يجب على الشخص تفاديه بكل الطرق الممكنة
وشكرا على الموضوع الرائع

هو انا قلت مفيش
انا قلت اغلبيه حالاته تسليه ولعب

وبرضه محدش جاوبني اخرته ايه

اقولكم انا اهي تسليه وترفيه واسمك بتحب وخلاص

بلاش حد يزعل مني
ولو عاوزني اخرص حخرص

شكرا ع التفاعل

<div align="center">بص بقا انا بقول ان في حب عبر الانترنت بس نادر جداااا
بصراحه اللي بيقول انا بحب عن طريق الانترنت يبقا ده وهم مش حقيقيه وعاوز يحس
انو بيحب وبيتحب وخلاص </div>

انا قريت رد ع الموضوع دا عجبني جدا

اهو


كثرت مؤخرا العلاقات عبر الهاتف او الانترنت تحت دعاوى الحب وقد تلجا اليها بعض البنات خوفا من اللقاءات وتحسبا لضياع السمعة وطلبا لملء الفراغ العاطفى باقل قدر ممكن من الخسائر كما يتوهمن والحقيقة انها تخصم كثيرا من سلامها النفسى ومن قدرتها على التواصل العاطفى الجيد مع زوج المستقبل بسبب التصورات الخاطئة عن العلاقات فضلا عما تسببه من خسائر وجراح عند تخلى الطرف الاخر عنها بكل سهولة وكمان اصلا الحب بالمراسلة توهم للحب حيث يحرص الطرفان على تقديم انفسهم فى صورة مثالية لا يستطيع الطرف الاخر كشف زيفها بسهولة لعدم تواجد تواصل حقيقى ومباشر وممكن اى واحد منهم يعيش فترات طويلة اسير للوهم والطرف الاخر عادى وعايش حياته وبيقيم اكثر من علاقة بالطريقة نفسها وفى نفس الوقت ويتجوز مثلا من واحدة ميعرفهاش ويواصل علاقاته التانية مفيش مشاكل عشان يرضى غروره
وبعدين اكيد مفيش اى وجه مقارنة بين اتنين بيحبوا بعض وعارفين بعض وبيشوفوا بعض واتنين مشافوش بعض اكيد فى اختتلاف جامد

هبل ايه انا من راْيك طبعا

والاصحاب كمان متهيالى انها مش بدوم

انت بس بتعمل علاقات مع الناس يعنى بتعرف ناس من بلاد عمرك ما سمعت عنها قبل كده

انا من رايك

انا من الكام رد بتوعك يا بيسو
شايف طبعا انك مش مؤيد للفكرة
معاك طبعا يا باشا
اولا : لازم نفهم اول حاجة
ان اللى عبر الانترنت ده مسمهوش حب
قول حالة نفسية ....ارتياح مثلا لشخص معين...تحب تسمع آراؤه...بتحب طريقه كلامه
كل هذا بلا صوت او لون او حركة......بمعنى ان
الحب ليه حيثيات(اسباب)
كون مثلا ان اتنين حبوا بعض عالنت
وقابلوا بعض حاجة من الاتنين ودى الحقيقة زى ما قولتوا
شكلهم محترم وابن ناس..الحب هيزيد او الاحترام.....الخ
شكلهم يقطع الخميرة من المخبز.....احتمال يتخانقوا فى الشارع كمان وده بنسبة 99.9999999999999%
ده مش اسمه حب
وازاى تحب حد من غير متشوفوه
اذا كان الحب ده مواقف مش اكتر وده الفيصل ان تحب ولا لأ
والحب من طرف واحد (اكيد وراه مصلحة...ده رايي )
يبقى نخلص اننا نسميه حاجة تانية(هيثم.... حسن ....كايداهم...ألخ)
وعالاساس ده نتكلم فى الموضوع
لكن كل ده بيصب فى مصلحتك
انك بتوسع مداركك
وبتاخد خبرات فى الحياة...عشان تبقى شخص اكثر احتراما باذن الله
========================
<span style="color:#660000">الدليل على ذلك
انا يا عم دخلت قبل كده منتديات ياما
وفى مرة طقت فى دماغى ادخل باسم بنت
اجرب يعنى
وووالله ولا شاركت ...ولا قولت رأييى فى حاجة ولا بعت رسايل
بس كده بتجول
عدد المشاركات: صفر
والاقى رسايل عجيبة
عاوز اتعرف
الحياة احلى
اسم الجميل ايه
على قد ما بضحك عليها
على قد ما ببقى حزين بجد عالناس الفاضية
وازاى الشباب الفاضى بتلزق فى اى حاجة وخلاص
يعنى مش حب يا باشا
وزعلت انى عملت الحكاية دى الصراحة <_<

ده فضييييييييييييااااااااااااااان بس
اما الحب فميدو اتكلم بشكل افضل شوية فى اعتقادى
قوللى بقى ده اسمه اييييييييييه؟؟؟؟؟؟!!!!!!!!</span>
===================================
.......
نلتقى بعد الفاصل :D

بجد بجد موضوع جامد يا بسام
ورايى انا بقى
النت ده فيه كل حاجه احنا اللى بنختار
واعتقد ان مش معقول هتعجب بشخص فهتلغى عقلك وتكبر الاعجاب جواك لحد ما توصله لحب
وبعدين تكتشف انه مثلا بيتسلى ( وده طبييييييعى جدا ) وتقول نت مش نت كلهم كده :P
المهم انا مش بعترف بيه اساسا وده رايى الشخصى واحنا فى منتدى ديمقراطى
بس انا اكتر راى عجبنى بجد بجد مهره
روحوووووووا ذاكروا :D

طب وفى الاجازة يا استاذة :D :P

لما تبقى تيجى يحلها ربنا بقى
وعلى فكره لو جيت تدور على اصل المشكله كلهم ثانويه عامه يابابا :D

هو فى حب فعلاً عبر الأنترنت بس طبعاً مش كله بينجح فى الحب من على النت

انا اعرف واحد حصل موقف ان هو قعد يحب فى واحدة المفروض انها جميلة وهى من امريكا ونزلت مصر بعد ما حبها راح قبلها فى المطر لقها حوالى 70 سنة

<div class='quotetop'>إقتباس(معتز مجدى @ Nov 23 2006, 11:15 AM) 241153</div>
هو فى حب فعلاً عبر الأنترنت بس طبعاً مش كله بينجح فى الحب من على النت

انا اعرف واحد حصل موقف ان هو قعد يحب فى واحدة المفروض انها جميلة وهى من امريكا ونزلت مصر بعد ما حبها راح قبلها فى المطر لقها حوالى 70 سنة
[/b]

ههههههههههه ده كان احمد عيد في فيلم شورت وفانلة وكاب بس كان بريد مش نت

شكرا

لا يا برنش مش قصدى على احمد عيد بس هو حوار قريب الى ذلك