أخدت قرار .. يا تر ى أنا صح ولا ايه ؟ [الأرشيف] - بوابة الثانوية العامة المصرية

مشاهدة النسخة كاملة : أخدت قرار .. يا تر ى أنا صح ولا ايه ؟

طارق حسام

27-09-2009, 07:01 AM

السلام عليكم
أهلاً شباب
ده أول موضوع ليا معاكم في المنتدى
و بصراحة المنتدى عجبني جداً
المهم
نخش في الموضوع
أنا بصراحة داخل على ثانوية عامة السنة دي
و انا كنت أخدت قرار اني مش هاخد دروس خصوصية
مع العلم أن المدرسة فيها مدرسين 100 % و شرح أكثر من رائع
بس طبعاً زي ما الكل شايف أن معظم الناس بتاخد دروس
و بدأت من زمان و انا لسه مبفتحتش كتاب
و على فكرة أخواتي الكبار كانو نفس الحكاية و مأخدوش دروس
بس برضو الواحد قلقان و خايف ليكون ضيع نفسه ولا حاجة
و اللى مخوفني أكثر من القرارات اللى عمالة تطلع من الوزارة
و مش عارفين هيحصل ايه في الآخر
خصوصاً أن أى قرار على المدارس هتأثر بيه جداً
و بجد عايز رأيكم يا جماعة في اللى أنا عملتو

BaNZeR

27-09-2009, 07:48 AM

طارق حسام

27-09-2009, 07:55 AM

بص عايز اقولك قرار ثابت ويطلع غلط واخد ذنبك فيه

بس انا حرشدك وانت تقرر

مدرسين المدرسة بيكونو تمام وزي الفل وكل حاجة
بس المدرس بيبقى داخل عارف اللى قدامه ده بياخد درس
يعني مثلاً مدرس الالماني بتاعنا في تانية ثانوي
مكنش بيشرح غير بسيط لو مكناش لسه اخدنا الدرس بره
وبيفضل بقية الحصص يحل معانا في دليل التقويم ويجيبلنا اسئلة وكده

لو انت شايف مدرسين المدرسة عندك مش بيعملو كده وبيشرحو من اول وجديد ماشي
يبقى خلاص

لو انت مش من النوع اللى مبيذاكرش غير لما حد يقفله
يبقى اعتمد على نفسك

لو محتاج حد يتابعك وفي المدرسة مش مأديين الغرض
يبقى خد دروس

شكراً يا باشا على الرد
بالنسبة للمدرسين فالحمد لله عندهم ضمير و تمام
و كده كده كلها أسبوع أو اتنين و الناس بتعض في بيوتها
و يريحونا ..
+
بالنسبة للإعتماد على النفس و الكلام ده
فأنا عمري ما أخدت دروس ولا عمري اعتمدت عليها
أصلاً
بس اللى مخوفني أني بسمع كلام اللى يقولك
لازم تاخد دروس و بتاع
+
أنا حاسس أني متأخر لأن الكل بدأ و أنا لسه مستنى أبدأ
مع الدراسة

booklife

27-09-2009, 01:51 PM

لو انت هتذاكر من البداية وهتفهم من المدرسين اللى فى المدرسة عادى متخدش
لكن لو مش ضامن نفسك ومش هتفهم منهم تبقى تاخد دروس

أسيل رزق

27-09-2009, 02:31 PM

صلى صلاة إستخارة الأول
و لو انت فعلاً جواك مش عايز دروس أبداً يبقى مفيش مشاكل إعتمد على نفسك وتوكل على الله و إن شاء الله خير بس حاول برده تصور ملازم من اصحابك و ركز على الحل الكتير بس لو مش ضامن إن المدرسين فى المدرسة يشرحوا كويس إدخل دروس أفضلك
و لو مش هتدخل حاول تدخل المراجعات النهائية فى آخر السنة مع مدرسين كويسين علشان تلم المنهج كله
و ربنا يوفقك فى القرار اللى هتاخده

•-{«-•OkOhama•«-}-•

27-09-2009, 04:11 PM

السلام عليكم ورحمة الله وبركاته

طبعا مفيش كلام بعد الناس الكبيره قلته :d

بس في حاجه بص

الدروس ما هي الا حاجه بتلزمك بالمذاكره بس

بس انا اهو داخل 2 ثانوي ومش خدت دروس كنت عاوز اخد

بس بابا مش رضي بس الحمد لله الدراسه مشيا تمام معايا وكل حاجه

واختي بردو دخلت صيدله من غير ما تاخد دروس

بص

بدام مش خت دروس قبل كده خلاص متقلقش

والناس اللي بتقلك لازم تاخد دول بيقولو كلام وخلاص

ودول اكيد بيبقو في الغالب بيخدو دروس واتعودوا عليها

ومش يقدروا يستغنوا عنها فا بيقولو كده

بس ... :)

تقبل مروري

sympathique

27-09-2009, 04:23 PM

اتوكل على الله

وابدا فى الدروس

Eng. A'laa Salah

27-09-2009, 04:42 PM

انت لو تقدر فعلا تتابع نفسك ومتهملش المذاكره وتحل من كتب ومذكرات ومتهملش نفسك
يبقي مفيش مشاكل
بس لو مش هتقدر وتهمل في المذاكره خد درس
وشوف بردو في مدرستك المدرسين مهتمين وشغالين كويس ولا معتمدين ان اللي قدامهم بياخدوا دروس
انا لما كنت في الثانويه العامه كنت في فصل فائقين وكانوا مدرسين رائعين وشغالين اكتر من ممتاز
بس كان في فصول تانيه معانا مدرسينها مش مهتمين

عبدالرحمن طارق

27-09-2009, 05:01 PM

بص أنصحك إنك تاخد دروس في المواد الصعبة بالنسبالك بس واللي فاتك افهمه من المدرسة
وخير الأمور الوسط , يعني مش ضروري تاخد في كل المواد ولا تسيب كل المواد
وصلي صلاة استخارة قبل أي حاجة
وشكرا

طارق حسام

27-09-2009, 05:15 PM

شكراً شباب لكل اللي ردوا
و أنا كانت خطتي في الثانوية
أني مخدش دروس و في فترة المراجعات النهائية
أبدأ آخد مراجعات بحيث أني أقدر أحل أكبر قدر
من الأسئلة و آخد برضو خبرة المدرس اللى هيديني
المراجعة ...
شكراً لكل الشباب
و أكيد نصايحكم على عيني و راسي ..

BaNZeR

27-09-2009, 05:16 PM

شكراً يا باشا على الرد
بالنسبة للمدرسين فالحمد لله عندهم ضمير و تمام
و كده كده كلها أسبوع أو اتنين و الناس بتعض في بيوتها
و يريحونا ..
+
بالنسبة للإعتماد على النفس و الكلام ده
فأنا عمري ما أخدت دروس ولا عمري اعتمدت عليها
أصلاً
بس اللى مخوفني أني بسمع كلام اللى يقولك
لازم تاخد دروس و بتاع
+
أنا حاسس أني متأخر لأن الكل بدأ و أنا لسه مستنى أبدأ
مع الدراسة

خلاص يبقى توكل على الله وبلاش دروس

الدروس زي ما قلتلك ملهاش غير فايدة واحدة
هي اللى بتزقك عشان تذاكر

فإذا كنت شايف نفسك حتقدر تحل مع نفسك كتير وتجيب من هنا وهناك
وتربط مع مدرسينك وتاخد نمرهم عشان لو عندك اسئلة او كده تلاقيهم في اي وقت

وكل حاجة حتمشي باذن الله

ومتسمعش كلام حد متبرمج
خد كلام اللى فاهم بس

طارق حسام

27-09-2009, 05:21 PM

خلاص يبقى توكل على الله وبلاش دروس

الدروس زي ما قلتلك ملهاش غير فايدة واحدة
هي اللى بتزقك عشان تذاكر

فإذا كنت شايف نفسك حتقدر تحل مع نفسك كتير وتجيب من هنا وهناك
وتربط مع مدرسينك وتاخد نمرهم عشان لو عندك اسئلة او كده تلاقيهم في اي وقت

وكل حاجة حتمشي باذن الله

ومتسمعش كلام حد متبرمج
خد كلام اللى فاهم بس
و الله عندك حق :)
و لو دي فايدة الدروس الوحيدة
فانا الحمد لله أقدر أستغنى عنها ..
و على العموم انا مش هرحم مدرسين المدرسة :d
يعني أخويا الكبير مثلا حل مع أستاذ العربي 30 امتحان في المدرسة
قبل ما يعض في البيت
و بعدها أخد مراجعة
يعني أظن كده 100 %
تسلم على الرد :)