جدول اعدادى بيطرى فى كليه علوم [الأرشيف] - بوابة الثانوية العامة المصرية

حمااده

27-09-2009, 03:41 PM

انا جبتلكم الجدول معلش هو صورة مش حلوة اوى لان الزجاج كان وحش ومترب
وكمان الشمس كانت ضربه فيه
بس انا دخت النهارده فى الكليه
وكنت صايم والشمس مبترحمش
يالا ولا يهمكواhttp://://www.herosh.com]http://img101.herosh.com/2009/09/27/867811188.jpg[/url]
المهم الجديد فى بيطرى لحد دلوقتى انهم نزلوا المشرفين الاكادمين
معلش والله تعبان مش قادر اكتب اقدر من كده
واسالوا نادر هيقول لكوا ان دى احسن صورة عرفنا نجبها
بعد لما ولاد الحلال توهونا فى الجامعة

حمااده

27-09-2009, 03:45 PM

http://www5.0zz0.com/2009/09/27/13/535309602.jpg

Hamset_Etab

27-09-2009, 04:32 PM

حمااده

27-09-2009, 06:20 PM

والله عندك حق

حمااده

27-09-2009, 06:22 PM

انا عندى واحد اوضح بس بالعكس هنقل منه

SENDRILLA

27-09-2009, 06:46 PM

جزاك الله خير يا محمد والله
ويارب تكون المواعيد كويسه ومش متعبه ليكو يعني
وبالتوفيق يا دكاتره

Dr.Nader Galal

27-09-2009, 08:17 PM

بسم الله الرحمن الرحيم
طبعاً دي صور جبناها بالعافية بعد ما لفينا يعني بتاع ساعتين بس كده ومن الشمس بقينا:giljotiiniug3:بس ياله مش مهم كان يوم وعدي واللي يروح علوم يقولنا نقوله السكه أزاي بدل ما يروحوياخدلو ساعتين لف وهو قدام المدرجات ومحدش عارف حاجه :040vk0:وأتخيلو أن و إحنا بنسأل في شئون الطلبه جوه واحده قاعده تقولي (إحنا علوم بس ) اقولها و في بيطري تندهش أوي!!! :slap1qk6:وتقولي روح لاستاذ مين.. واستاذ مين يقولي قول لمدام مش عافر ايه.. وكان يوم وبعديها طلعنا علي عندنا لقينا ارقام المشرفين الاكاديمين نزلت بس التسجيل هيبقي اول اسبوع في الدراسه والسكاشن إن شاء الله اخر الاسبوع ده وأتعرفنا علي ناس هناك ولقيت صحابي فوقفنا معاهم شويه ومحمد سابني وخلع بس عشان يسجل عشان المشرف بتاعه في الكليه القديمة ومتهيألي مرحش وروحت انا للمشرف بتاعي طلع دكتور تغذيه ابن حلال :022yb4:وكلمني شويه عن الكليه وبعدها سلمت علي صحابي اللي المفروض راحو عشان يظبطو لحفلتنا في اول اسبوع ومن بعدها كُتب لنا الرحيل والسلام عليكم ورحمه الله :friendsxs3::078111rg3::028ja7:

SENDRILLA

27-09-2009, 08:56 PM

حمااده

27-09-2009, 09:35 PM

علي فكره اللي حصللكو ده الطبيعي في مصر كلها

ان حد يكون شغال في كليه ومش عارف اي حاجه عنها
كل واحد يبعتك للتاني
كده يعني ايزي :d
بس انتو سجلتو ولا ايه
اصل التسجيل بيبقي غالبا في اول اسبوع مش عارفه التسجيل دلوقتي ايه نظامه

وياربت تبقي تقوللنا الحفله دي هتبقي امتي بالظبط عشان نبقي نحضرها رخامه يعني :d

انتى تنورى اى حفلة

حمااده

27-09-2009, 09:38 PM

حمااده

27-09-2009, 09:41 PM

يا جماعا بالنسبة للجدول
ف براف هرت خدو منى كروكى بالخط يعنى وبيظبطة وهينزله وهجيبوا منه على طول
لو نزل ولنل منزلتوش البركةة فى سندريلا تنقله
انا ببعته دلوقتى واول مايوصل هيوضبه وينزل ونتجيبه
معلش والله ده من النت
لان الصورة حلو على موبايلى

Dr.Nader Galal

27-09-2009, 10:09 PM

والله يا سندريلا احنا بعد ما توهنا عرفنا انو طبيعي بس الحمدلله وصلنا يعني وبالنسبه للحفلة سمعت في كان في اسرتين أولي سمارتاويه ومش فاكر التانيه :blush:وسمعت ان اول يوم هما هيجولنا علوم ويبقوا معانا كده وسمعت ان في حفله هتبقي اول يوم نروح فيه عندنا الكليه وكانو لسه بيظبطو بس انا مشيت وبعدين أنتي تنوري أي حفله وتكوني قبلينا كمان
حمااده انا بهزر وعارف انك تعبت وكنت صايم وانا فاطر :(:(أما بالنسبه للتسجيل فهيبقي اول اسبوع إن شاء الله والسكاشن هتنزل الاسبوع ده يعني عـ الاربع او الخميس بس لسه محددتش هروح ولا هعمل ايه :dكسل بقي:av4056bb7jp3:

Hamset_Etab

28-09-2009, 01:10 AM

lobna24

28-09-2009, 01:37 AM

شكرا يا جماعه ع الجدووول واحمدوا ربنا ان التعب مش جه ع الفااااضى
ما علينا الحمد لله ان حد رااح عشان انا مكسله انزل هههههههههه

Hamset_Etab

28-09-2009, 01:52 AM

:pبسم الله الرحمن الرحيم
طبعاً دي صور جبناها بالعافية بعد ما لفينا يعني بتاع ساعتين بس كده ومن الشمس بقينا:giljotiiniug3:بس ياله مش مهم كان يوم وعدي واللي يروح علوم يقولنا نقوله السكه أزاي بدل ما يروحوياخدلو ساعتين لف وهو قدام المدرجات ومحدش عارف حاجه :040vk0:وأتخيلو أن و إحنا بنسأل في شئون الطلبه جوه واحده قاعده تقولي (إحنا علوم بس ) اقولها و في بيطري تندهش أوي!!! :slap1qk6:وتقولي روح لاستاذ مين.. واستاذ مين يقولي قول لمدام مش عافر ايه.. وكان يوم وبعديها طلعنا علي عندنا لقينا ارقام المشرفين الاكاديمين نزلت بس التسجيل هيبقي اول اسبوع في الدراسه والسكاشن إن شاء الله اخر الاسبوع ده وأتعرفنا علي ناس هناك ولقيت صحابي فوقفنا معاهم شويه ومحمد سابني وخلع بس عشان يسجل عشان المشرف بتاعه في الكليه القديمة ومتهيألي مرحش وروحت انا للمشرف بتاعي طلع دكتور تغذيه ابن حلال :022yb4:وكلمني شويه عن الكليه وبعدها سلمت علي صحابي اللي المفروض راحو عشان يظبطو لحفلتنا في اول اسبوع ومن بعدها كُتب لنا الرحيل والسلام عليكم ورحمه الله :friendsxs3::078111rg3::028ja7:
يا ساتر يارب
هو كل يوم حد يجى يحكى عن حكايته الماسويه مع الكليه
امبارح لبنى والنهارده انتو
ياترى اليوم بتاعى امتى؟؟;)
ربنا يسترها انا لحد دلوقتى الكليه تمام معايا ومحصلش حاجه وحشه :p
ومش عوزاها تقلب بغم لانى لو حصلت معايا حاجه مش لطيفه من الاول كده
هتعقد من المكان كله

Dr.Nader Galal

28-09-2009, 02:06 AM

lobna24

28-09-2009, 02:35 AM

الحمدلله يا همسة انو محصلش معاكي ..وموقف لبني حصل ليا اول يوم وانا بقدم وكان سبت وكرهت نفسي يومها لاني تعبت علي ما وصلت ولاقيتها مافيهاش نفر واحد والنهارده قصدي امبارح بقي لما وصلنا الكليه في علوم جالنا شلل ومحدش عارف حاجه ولحد دلوقتي معرفناش نسأل مين عشان نعرف تقسيمة الدفعه مجموعتين نعرف احنا في انهي مجموعه ازاي فنصيحه بقي تاخدي دورك :022yb4:وتورحي تسألي وأهو تلفي وتتوهي عشان محدش يبقي احسن من حد :dوتبقي كسبتي فينا ثواب لو عرفتي ;);)

ههههههههههههههه
فعلن والله الواحد وهو ف كليه علوم حاسس سوررى يعنى انه حماااااار كل ما تسال حد لاما يسيبك ويمشى لاما يقولك معرفش او يطلع محترم معاك ويشاورك ويقولك هناك هناك فين بقى هههههههههههه
هى دى المشكله :bosyht9:يالله اهو الواحد مش بيتعلم بالساهل :slap1qk6:

Hamset_Etab

28-09-2009, 02:38 AM

الحمدلله يا همسة انو محصلش معاكي ..

الحمد لله
وموقف لبني حصل ليا اول يوم وانا بقدم وكان سبت وكرهت نفسي يومها لاني تعبت علي ما وصلت ولاقيتها مافيهاش نفر واحد
معلش تعيش وتاخد غيرها
والنهارده قصدي امبارح بقي لما وصلنا الكليه في علوم جالنا شلل ومحدش عارف حاجه ولحد دلوقتي معرفناش نسأل مين عشان نعرف تقسيمة الدفعه مجموعتين نعرف احنا في انهي مجموعه ازاي فنصيحه بقي تاخدي دورك :022yb4:وتورحي تسألي وأهو تلفي وتتوهي عشان محدش يبقي احسن من حد :d
لا مش هروح خالص هى الكليه هتطير
خلينا قاعدين احسن ، وبعدين انا اساسا المشور من البيت للقاهره بيخلينى مش شايفه قدامى
فمش ناقصه حاجه تانيه
وتبقي كسبتي فينا ثواب لو عرفتي ;);)

اكيد هعرف انتوا مستقلين بيا ولا ايه:d
ويله هبقى اقولكم اهو نكسب ثواب

Dr.Nader Galal

28-09-2009, 03:14 AM

والله فعلاً يا لبني الواحد مبيتعلمش بالساهل..:blush:ولو حكيتلك اللي حصلي وانا بسأل حد ده مش هتصدقي من كُتر المواقف بس الواحد الي حد ما عارف بعض حاجات ...:)وطبعاً يا همسة محدش يقدر يستأل بيكي :028ja7:بس يا ريت تفيدينا عشان حتي توفري علينا المشوار..ولازم تروحو خلال الاسبوع ده يا جماعه علوم وعندنا تعرفو معظم الاماكن يعني وهتتعبو بس استحملوا بقي أهو عشان تعرفو بدل ما تنزلو تايهين أول يوم ويضيع عليكو حاجات كتير وأهو يبقي نص العمي :av4056bb7jp3:ولا العمي كله :angry2:

Mego_me

28-09-2009, 03:34 AM

ياجماعه سلو كليتنا كده....انك لازم تتوه حتي لو كنت رايح وانت عارف كل حاجه...بس شئون الطلبه في علوم دماغهم مقفله اوووي بس الجدول بيتعلق جنب الشئون هناك...فكرتوني وانا رايح اسئل مره هناك موظفه في الشئون عن الجدول..وكانت الموظفه ظاهر عليها الذكاء ما شاء الله بصطلي بصه بله شويه وفتحت بقها وقالتلي هو بيطري بيدرس في علوم....ربنا يكون في عونكم

Dr.Nader Galal

28-09-2009, 03:39 AM

والله يا ميجو حصل معايا الموقف ده بالظبط في شئون الطلبه وفي ملحق البيوفيزكس والمفروض كان في ناس جايه واخدلي بالك أنتا يا ميجو وطلعو علي عين شمس :040vk0::friendsxs3:

lobna24

28-09-2009, 07:18 AM

ياجماعه سلو كليتنا كده...
هههههههههههههههههههه يا ما شاء الله حتى الكليات بقى ليها سلو

.انك لازم تتوه حتي لو كنت رايح وانت عارف كل حاجه..

طب سؤال بس انا تهت كذا مره لازم اتوه تانى والا خلاص كده ؟؟؟؟؟؟؟؟

.بس شئون الطلبه في علوم دماغهم مقفله اوووي
يا راجل قوووووووول الحق بقى مش بتوع علوم بس وبتوع شؤن الطلبه بتوعنا برضو دماغهم جزمه هما كمان
يا عم والله روحت اول مره عشان اقدم كانت الاسامى لسه ما جتش وبعدين بسألها ورق ايه اللى اجيبه قالتلى التعليات ع الباب اصل الحلوه كانت بتفطر وما ينفعش تتكلم بقها هيعمل مجهود يا عينى ههههههههه
وكان مطلوب 6 صور وسالتها ع بطاقه الترشيح هتعوزيها قالت لى هى مكتوبه عندك قولتلها لا قالتلى خلاص يبقى لا
وسبحان الله بعدها باسبوع اروح اقدم تكون الصور بقدره قادر 9 صور (مع العلم انك اصلن بتتصور 8 )ومطلوب بطاقه الترشيح !!!!!!!!!
بس الجدول بيتعلق جنب الشئون هناك...فكرتوني وانا رايح اسئل مره هناك موظفه في الشئون عن الجدول..وكانت الموظفه ظاهر عليها الذكاء ما شاء الله

ههههههههههههههه
الظاهر ان كلهم كده بسألها اتصور فورى منين قالت لى ف الجيزه هههههه ياصلاه النبى عليها بقولها الجيزه فين يعنى تقولى الجيزه ههههههههه
بصطلي بصه بله شويه وفتحت بقها وقالتلي هو بيطري بيدرس في علوم....ربنا يكون في عونكم

اه والله ربنا يكون ف عونا

lobna24

28-09-2009, 07:21 AM

والله يا ميجو حصل معايا الموقف ده بالظبط في شئون الطلبه وفي ملحق البيوفيزكس والمفروض كان في ناس جايه واخدلي بالك أنتا يا ميجو وطلعو علي عين شمس :040vk0::friendsxs3:

عين شمس !!!!!!!!
اتلخبطوا للدرجه دى هههههههههههههه

Dr.Nader Galal

28-09-2009, 07:28 AM

lobna24

28-09-2009, 07:52 AM

لا يا لبني متلخبطوش ده ميجو اللي كان المفروض جاي كان يعني فعل ماضي ومجاش :022yb4:وعلي فكره شئون الطلبه عندنا زفت..
ولو الست اللي بتقولي عليها دي اللي قاعده علي تالت مكتب يمين اما تخشي الاوضه لو هيا فدي كنت هولع فيها بسم الله ماشاء الله عليها برود ينقط..
انا بصراحه مش فاكره هى كانت الاخيره فالصف اللى ع اليمين والا اللى قبل الاخير
ما علينا المهم انا منها لله وخلاص يابنى طب انا وكنت عامله حسابى ومعايا ومعايا بطاقه الترشيح المشكله ان كان ف راجل كده لابس جلبيه وجاااى يقدم لابنه وعمال يتحايل عليها تخد منه الورق وتقول اشوف بطاقه الترشيح الاول ويتحايل عليها وهى دماغها والف جزمه تشوفها ويقولها انا مش من هنا ولا عارف اى حاجه تقوله وانا مالى والله كان صعبان على اوووووى منها لله بقى
وتناكه تحسي انها:028ja7:عميد الكليه.. ياله ربنا علي المفتري والظالم:049gc0:
ههههههههههه
عميد ايه يابنى دى رئيسه الجامعه كلها هههههههه

Mego_me

28-09-2009, 08:15 AM

والله يا ميجو حصل معايا الموقف ده بالظبط في شئون الطلبه وفي ملحق البيوفيزكس والمفروض كان في ناس جايه واخدلي بالك أنتا يا ميجو وطلعو علي عين شمس :040vk0::friendsxs3:

والله يامان مش تزعلو مني بس خلصت في جامعه عين شمس الساعه 3 وكنت مطبق يوميها وكنت موميا مقدرتش انزل جامعه القاهره...تتعوض ان شاء الله

اه والله ربنا يكون ف عونا

متخفيش يادكتور هي بس اول سنه بيبقي فيه لغبطه شويه بعد كده هتتعودي...

Dr.Nader Galal

28-09-2009, 09:38 AM

ولا يهمك يا ميجو :friendsxs3:انا وحماده رايحين وكنا مطبقين وماشين بنام ومش عارفين و الدنيا كانت فُل :romarioxp6:ويا لبني ربنا معانا ولا يحوجنا لشئون الطلبه عندنا أبداً:frown:;)

حمااده

28-09-2009, 11:52 AM

يا جماعا انا فاتنى كتير اوى هو غايب من سنة كام
بس والله ظروف انا روحت نمت كتييييير اوى

حمااده

28-09-2009, 11:55 AM

ماشى يا عم ميجو انت تروح عين شمس واحنا ناخد ضربة شمس

حمااده

28-09-2009, 11:56 AM

بس ايه رايك يا نادر فى المرشد السياحى اللى كان معاك

حمااده

28-09-2009, 11:58 AM

منورين يا دكاترة همسة ولبنى وسندريلا وميجو ونادر منورين والله

حمااده

28-09-2009, 12:00 PM

اخويا نازل الجيزة يوم الثلاثاء فانا هخليه يروح الاربعاء واروح معاه
مدرسته واشوف اخر تطورات الكليه وممكن اروح الخميس بدل الاربعاء بس ده هو اللى هيقرره

حمااده

28-09-2009, 12:27 PM

الجدول دلوقتى على ملف
يمكنكم تنزليه
معلش يا جماعة اتاخرت
الرابط اهه
http://www.4shared.com/file/135967688/e83e7e4e/_______.html

حمااده

28-09-2009, 12:29 PM

الجدول اهه يا جماعة عشان خاطركم

lobna24

28-09-2009, 01:01 PM

شكرا يا محمد وربنا يجعله ف ميزان حسناتك

SENDRILLA

28-09-2009, 02:16 PM

ياسلاام
كأني لسه امبارح كنت بتبهدل البهدله دي هههههه
جزاك الله خيرا يا محمد
وان شاء الله اسبوعين في الدراسه كده هتبقو فل :d
وبعدين اسألو متتكسفوش يعني
يعني ممكن مثلا بدل ما تدبو مشوار عشان تنزلو تسألو علي حاجه
تتصلو بالشؤون وهما يقولولك مثلا الكشوفات نزلت ولا لا
بالنسبه لتقسيمات السكاشن بتاعت علوم
هتلاقوها في قسم النبات في الدور الاول
بس احنا اصلا شفناها اول يوم في الدراسه
لانك طبيعي من اول يوم هتروح 8 حتي لو طلع معندكش حاجه وقتها
ولو في اي استفسار اسألو واحنا موجودين

Dr.Nader Galal

28-09-2009, 02:27 PM

SENDRILLA

28-09-2009, 03:09 PM

بسم الله الرحمن الرحيم
أولاً ده نورك يا حمااده وكنا تايهين اه بس أستمتعنا بالوقت :dومن الصدمة كنا مقضينها ضحك :dوسؤال رُفيع بس يا سندريلا وطلب يعني في نفس الوقت (أفتري بقي ):blush:عاوز رقم شئون الطلبه ده عشان مش معايا :slap1qk6:والسؤال بقي مبني النبات ده اللي في السكه بين مشرفة ووالي يعني قبل والي بحبه صغنططين ولا مش هوا؟:):stickjo4:
بص يا دكتور
هو انا سألتلكو شيرين عشان هي في علوم
وهي قالتلي الوصف ده
انت اول ما بتدخل من الباب الرئيسي هتمشي علي طول
هتبقي قدام المبني الرئيسي اللي في علوم اللي هو قسم الرياضيات
علي يمينه قسم نبات
وبعديه مدرج والي
علي شماله بالترتيب
قسم الكيمياء وبعديه مدرج مشرفه
انا كنت بس متلخبطه شويه عشان مرحتش هناك من ساعة امتحان العملي بتاع الكيمياء يعني 5 شهور تقريبا :bosyht9:
وده ارقام شؤون الطلبه
35720399 - 35720478 - 35710306 - 35736886 - 35733722

دي جبتها من ع النت
لكن اللي انا بتصل بيه علي طول
ده
33254539:)

Hamset_Etab

28-09-2009, 03:15 PM

شكرا لمجهودك يا محمد
وطبعا شكرا لدكتور براف هارت:)

Hamset_Etab

28-09-2009, 03:26 PM

يا جماعه هو انتوا عرفتوا هما محتاجين صور تانيه ولا كده كفايه
يعنى الكارنيه بتاع الكليه عوزين ليه صوره ولا هما معاهم:(

SENDRILLA

28-09-2009, 03:32 PM

يا جماعه هو انتوا عرفتوا هما محتاجين صور تانيه ولا كده كفايه

يعنى الكارنيه بتاع الكليه عوزين ليه صوره ولا هما معاهم:(

لأ الصور اللي معاهم دي ملهاش دعوه بالكارنيه
الا اذا كانو خدو منكو صور زياده في التقديم وهما هيعملوه :blush:
بس غالبا هيبقي زي ما حصل معانا
انتي بتروحي بعد ما تدفعي المصاريف تاخدي الايصال ومعاكي صوره وتوديها معمل الكمبيوتر اللي في الدور الاخير من مبني الاداره
وتروحي بعد يومين او 3 تاخدي الكارنيه
بس لسه شويه يعني ع الكارنيه
مش اقل من اسبوعين بعد الدراسه

Hamset_Etab

28-09-2009, 04:00 PM

لأ الصور اللي معاهم دي ملهاش دعوه بالكارنيه

الا اذا كانو خدو منكو صور زياده في التقديم وهما هيعملوه :blush:
بس غالبا هيبقي زي ما حصل معانا
انتي بتروحي بعد ما تدفعي المصاريف تاخدي الايصال ومعاكي صوره وتوديها معمل الكمبيوتر اللي في الدور الاخير من مبني الاداره
وتروحي بعد يومين او 3 تاخدي الكارنيه
بس لسه شويه يعني ع الكارنيه

مش اقل من اسبوعين بعد الدراسه

اممممممممم يارب ميحتاجوش صور تانيه لانى بجد معنديش
ومش لسه هتصور تانى بقى
هى مش شغلانه:angry2:
احنا قدمنا ب 9صور
ووديت الباقى تقريبا للتقديم فى المدينه

SENDRILLA

28-09-2009, 04:51 PM

علي فكره يا دكتور نادر انا عدلت الرد اللي قبل اللي فات بتاعي
وكتبت الوصف الصح اللي كنت بتسأل عليه
ربنا يوفقكو يا دكاتره ان شاء الله

حمااده

28-09-2009, 07:18 PM

يا رب يا سندريلا
ومتشكرين ليكى جدا
ومنورين يا دكاترة
وانا المشرف بتاعى فى الكليه القديمه يعنى هزورك كتير يا سندريلا وهتجبيلى الحاجة الساقعة بتاعت الامتياز

SENDRILLA

28-09-2009, 07:39 PM

يا رب يا سندريلا
ومتشكرين ليكى جدا
ومنورين يا دكاترة
وانا المشرف بتاعى فى الكليه القديمه يعنى هزورك كتير يا سندريلا وهتجبيلى الحاجة الساقعة بتاعت الامتياز
هو انت متعرفش اني مش هاجي الكليه القديمه غير عشان السكاشن بس :d
بس علي فكره المشرف الاكاديمي مش بتحتاجه غير مرتين
مره وانت بتسجل
ومره وانت رايح تجيب لاستماره عشان تدخل بيها الامتحان ;)
بس
وانا كمان بسجل عند د.اشرف بتاع السموم والطب الشرعي
تكونشي بتسجل عنده انت كمان :friendsxs3:
وربنا يوفقكو
بقيت بدعيلكو كتير انا اليومين دول
بس متاخدوشعلي كده بعدين هاخد منكو فلوس :d

Dr.Nader Galal

28-09-2009, 10:29 PM

بسم الله الرحمن الرحيم
شكراً سندريلا علي الاهتمام وعلي فكرة المشرف بتاعي في الكليه الجديدة دكتور عصام قسم التغذيه بس لو فيها حاجه ساقعه أجيلكو الكليه القديمه كمان لو تحبوا..و منا كده كده رايح للمشرحه :av4056bb7jp3::av4056bb7jp3:لا مفر يا سندريلا :dوشكراً علي الاهتمام وتعديل الرد و رقم التلفون وياريت دعواتكو بقي لمنتخب الشباب عشان دلوقتي متعادلين :abdoog8::slap1qk6:

حمااده

28-09-2009, 10:32 PM

عفرتو ده نجم الاهلى الجديد واد ايه بقا100/100
انا عند مشرف الادويه يا سندريلا

Dr.Nader Galal

28-09-2009, 10:34 PM

منورين والله يا دكاترة التواجد (حماده وسندريلا ولبني وهمسة )و ميجو لو ظهر علي الموقع :022yb4:وياله هقوم أنا أكمل الشوط الثاني ولنا لقاء أخر بعده... سـلامـ الله عليكمـ;):friendsxs3:

SENDRILLA

28-09-2009, 10:43 PM

ربنا يوفق المنتخب بقي ونكسب المره دي كمان:028ja7:
عارفين بقي احاجه الساقعه هعزمكو عليها امتي :blush:
لو المنتخب خد كاس العالم:022yb4:
يعني ضمنت مش هدفع حاجه:p

Dr.Nader Galal

28-09-2009, 11:31 PM

ههههههههههههههههههههههه سندريلا عشان مبتدعيش من قلبكـ أدينا خسرنا :frown:خلاص بلاش حاجه ساقعه.. بس خلي الدعوه صافيه يعني.. ويا مسهل علي ايطاليا:049gc0:

Mego_me

28-09-2009, 11:35 PM

:mad::mad::mad::mad::mad::mad::mad::mad::mad:
دمنا اتحرق..............

بنوووتة

29-09-2009, 12:01 AM

lobna24

29-09-2009, 03:00 AM

ههههههههههههههههههههه
هم بتوع الكوره كلهم دمهم لازم يتحرق هههههههههههههههه
عادى يعنى فيها ايه كوره يعنى ههههههههههه

Mego_me

29-09-2009, 03:07 AM

ههههههههههههههههههههه
هم بتوع الكوره كلهم دمهم لازم يتحرق هههههههههههههههه
عادى يعنى فيها ايه كوره يعنى ههههههههههه

مش بتوع الكره.....المصريين كلهم دمهم اتحرق :angry2::angry2::angry2::angry2:

Dr.Nader Galal

29-09-2009, 03:13 AM

أيه يا لبني انتي مزعلتيش علي المنتخب دي مصر مش كولالمبور :040vk0::d

Mego_me

29-09-2009, 03:36 AM

واضح يا مان ان لبني مش مصريه :d من باراجواي :d

حمااده

29-09-2009, 10:08 AM

شكرا على تعبك معانا يا دكتور
جزاك الله كل خير وتقبل صيامك

لاشكر على واجب
انتى منورة
بس انتى معانا فى بيطرى القاهررة
اصل انا مش متابع بقالى مده

حمااده

29-09-2009, 10:10 AM

يا جماعة المتخب الكبير هو اللى انا خايف عليه

SENDRILLA

29-09-2009, 10:34 AM

ههههههههههههههههههههههه سندريلا عشان مبتدعيش من قلبكـ أدينا خسرنا :frown:خلاص بلاش حاجه ساقعه.. بس خلي الدعوه صافيه يعني.. ويا مسهل علي ايطاليا:049gc0:

لا والله صافيه صافيه يعني
ان شاء الله بقي هنكسب ايطاليا :romarioxp6:
بس كنت بدعي من قلبي والله ههههه

lobna24

29-09-2009, 02:54 PM

مش بتوع الكره.....المصريين كلهم دمهم اتحرق :angry2::angry2::angry2::angry2:

مممممممممممم
مصريه والله بس عااادى دى كوره يعنى
ف حاجات اهم ممكن البلد تحقق فيها حاجه

Mego_me

29-09-2009, 02:56 PM

مممممممممممم
مصريه والله بس عااادى دى كوره يعنى
ف حاجات اهم ممكن البلد تحقق فيها حاجه

اصل انا وطني اووووي:d

lobna24

29-09-2009, 02:56 PM

أيه يا لبني انتي مزعلتيش علي المنتخب دي مصر مش كولالمبور :040vk0::d

هههههههههههههههههه
يا راااااجل والنبى مصر اللى كانت بتلعب مممممممممممم
والنبى يا بنى ما اعرف الدنيا مشاااااااااااغل بقى
ههههههههه

lobna24

29-09-2009, 03:00 PM

واضح يا مان ان لبني مش مصريه :d من باراجواي :d

لالالاالالالالالالالالاللالاالالالالا لا اسمح لاحد انه يشكك ف مصريتى هههههههههههههه
بس خلاص تنزل المره دى ههههههههههههه

Mego_me

29-09-2009, 03:01 PM

لالالاالالالالالالالالاللالاالالالالا لا اسمح لاحد انه يشكك ف مصريتى هههههههههههههه
بس خلاص تنزل المره دى ههههههههههههه

......حنفي :d:d

lobna24

29-09-2009, 03:06 PM

اصل انا وطني اووووي:d

ممممممممممم
والله يا عم انا وطنيه والله انا كمان زمان كنت بتفرج ع بعض المتشات بامانه مش كلها المهم منها بس
فجه حظى واتفرجت ع الماتش بتاع مصر وامريكا باين كده ع ما افتكر يعنى
دمى اتحرق الصراحه لانهم كانوا بيلعبوا بطريقه جزمه اووووووووى
فمن ساعتها ومش بتفرج ع متشات خااااااااااالص:bosyht9:

lobna24

29-09-2009, 03:08 PM

......حنفي :d

هههههههههههههههههههههه:d

Mego_me

29-09-2009, 03:24 PM

ممممممممممم
والله يا عم انا وطنيه والله انا كمان زمان كنت بتفرج ع بعض المتشات بامانه مش كلها المهم منها بس
فجه حظى واتفرجت ع الماتش بتاع مصر وامريكا باين كده ع ما افتكر يعنى
دمى اتحرق الصراحه لانهم كانوا بيلعبوا بطريقه جزمه اووووووووى
فمن ساعتها ومش بتفرج ع متشات خااااااااااالص:bosyht9:
انا الزمالك خلاني ابطل كره محليه....علمني الفضيله:d

Dr.Nader Galal

29-09-2009, 05:09 PM

بنوووتة

29-09-2009, 05:41 PM

لاشكر على واجب
انتى منورة
بس انتى معانا فى بيطرى القاهررة
اصل انا مش متابع بقالى مده

انا معاكو في بيطرى يا دكتور لاكن بيطرى الزقازيق

lobna24

29-09-2009, 07:02 PM

ههههههههههههههههه ربتا يعينك يا لُبني صحيح الدنيا مشاغل :d
ثانياً ميجو أنتا هتزعلني منك ولا ايه؟:stickjo4:زملكاوي !! بس اللي انا واثق منو انك اكيد بطلت تشجع كوره :dلو حبيت تنضم لجمهور الاهلي العظيم هنرحب بيك ماهو أحنا كده جمهور مضياف :av4056bb7jp3::friendsxs3:
ممممممممممممم
انا برضو لما لقيت زمالك ما رضيتش اتكلم
انا مش تبع الكوره بس اللى اعرفوا ان الواحد اهلاووووووووى بالفطره والا ايه :)

lobna24

29-09-2009, 07:03 PM

انا معاكو في بيطرى يا دكتور لاكن بيطرى الزقازيق

منوررره التوبيك يااااااااااااا قمر

Dr.Nader Galal

29-09-2009, 07:30 PM

ممممممممممممم
انا برضو لما لقيت زمالك ما رضيتش اتكلم
انا مش تبع الكوره بس اللى اعرفوا ان الواحد اهلاووووووووى بالفطره والا ايه :)

ههههههههههههههههههههههه لُبني أه بالفطره بس في ناس بتحب مبدأخالف تُعرف....ولكن المبدأ أثبت فشله وميجوو بطل تشجيع:av4056bb7jp3::d

بنوووتة

29-09-2009, 10:27 PM

منوررره التوبيك يااااااااااااا قمر

بنورك دكتورة لبنى
ممكن اعرف حضرتك جامعة ايه ؟ واكيد احنا اصحاب يا جميل :av4056bb7jp3:

Mego_me

30-09-2009, 11:19 AM

ياجماعه لو اتكلمتو عن الدوري او فرقه او حظ الأهلي في التوبيك هبطل ادخل التوبيك هنا و هولع في المنتدي...

Dr.Nader Galal

30-09-2009, 02:18 PM

لالا يا ميجو احنا بنمزح معاك :dحلوه بنمزح دي صح بس والله منورنا ولما تبطل تخش مين يفيدنا ؟:(ولا زهقت من كتر الاسئله... بيني وبينك الله يكون في عونك :av4056bb7jp3::blush::blush:

حمااده

30-09-2009, 02:34 PM

منورة يا بنوته
وانتى كمان يا لبنى
ومنور يا نادر
ومنور يا ميجو
منورين كلكم امال فين ايقيه

Mego_me

30-09-2009, 03:05 PM

لالا يا ميجو احنا بنمزح معاك :dحلوه بنمزح دي صح بس والله منورنا ولما تبطل تخش مين يفيدنا ؟:(ولا زهقت من كتر الاسئله... بيني وبينك الله يكون في عونك :av4056bb7jp3::blush::blush:

يامان انا بهزر...مزهقتش ياعم من الاسئله... والله انا سعيد جدا اني بجاوب علي اسئلتكم...انتم قدري...دانا النت باظ عندي في البيت دخلتلكم من الموبايل اهه مش بقولكم قدري