مرعي يصالح الخبراء وينصف العاملين [الأرشيف] - بوابة الثانوية العامة المصرية

مشاهدة النسخة كاملة : مرعي يصالح الخبراء وينصف العاملين

محمد عاطف 22

28-09-2009, 03:19 PM

في خطوة رسمت السعادة علي وجوه موظفي الوزارة.. أصدر المستشار ممدوح مرعي وزير العدل قراراً بزيادة مكافأة نهاية الخدمة لخبراء وزارة العدل والكيميائيين والأطباء الشرعيين ومصلحة الطب الشرعي إلي ستة أشهر عن كل عام عند الإحالة للمعاش.. وأيضاً زيادة مكافأة نهاية الخدمة للموظفين والعاملين بالوزارة إلي خمسة أشهر عن كل عام وزيادة منحة الزواج إلي عشرة أشهر من الأساسي بحد أدني ثلاثة آلاف جنيه.
كان المستشار عبدالسلام تمراز مساعد وزير العدل للديوان العام وصندوق الرعاية الصحية والاجتماعية لأعضاء الهيئات القضائية قد عرض مذكرة بمطالب العاملين علي المستشار مرعي.
وصرح تمراز بأن الوزير يحرص علي دعم كل الجهات المعاونة والموظفين بالوزارة إيماناً بدورهم في المنظومة القضائية.. مشيراً إلي أنه تم زيادة بدل العلاج للعاملين إلي 120 جنيهاً تصرف شهرياً مع مرتب أكتوبر القادم وزيادة بدل نظارة إلي 350 جنيهاً.
أضاف أنه يستفيد من هذه القرارات ما يقرب من 30 ألفاً من الفنيين والعاملين بالديوان العام ومصلحة الخبراء والطب الشرعي مشيراً إلي أنه تمت أيضاً زيادة منحة المولود إلي 600 جنيه والقيصري 1250 جنيهاً و1650 جنيهاً إعانة وفاة.

http://www.algomhuria.net.eg/almessa/today/first/detail00.asp

طيب مهو فية فلوس فى الدولة اهوة
أحنا المتعاقدين منحة الجواز
2
واحد يقولى 2 أزاى
على رأى الكابتن محمود بكر
أقولة
2 جنية

محمدعلى تيتو

30-09-2009, 01:37 AM

بدل العلاج يساوى معلم متعاقد و ربع يعنى المتعاقد بياخد 100 جنيه ويا ريت بيصرفهم كلهم
الا الخصم شغاللللللللللللللللللللللللللللل
الحمد لله لكن ده لا يمكن يرضى ربنا
اخيكم / محمد على عبد الستار

مدرس اول لغة انجليزية /سنورس/ الفيوم

hamada331

02-10-2009, 08:09 PM

مع احترامي الشديد للاخوة محمد عاطف ومحمد علي انتوا بتقولوا ان ده مايرضيش ربنا وان اللي انتوا فيه ده ظلم وحرام علي فكرة انا بشتغل في وزارة العدل ، بشتغل أمين سر بس وعهد الله كل موظف في وزارة العدل بيتهلك شغل يعني المرتب اللي احنا بناخده مهما كان كبير يعتبر مايتوافقش مع المجهود اللي احنا بنبذله في كم القضايا اللي مابتخلصش وكم المشاكل اللي عندنا وشد الاعصاب اللي احنا فيه ، انا بالنسبة لشغلي لو في قضية ضاعت ممكن ادخل السجن انما انتوا مفيش عليكم اي خطر او سجن بعد الشر عنكم
فانا م الاخر عاوز اقولكم ارضوا باللي قسموا ربنا ليكم وهو ده اللي ربنا هيبارك فيه ليكم وعلي فكرة مش مهم المرتب يبقي اد ايه المهم البركة هتبقي اد ايه ؟ وبعدين احنا بنروح الساعة 3 بنام لغاية الساعة 9 بليل انتوا بتطلعوا تديوا دروس وبترزق برضة يبقي نقول كلنا الحمد لله

محمد عاطف 22

02-10-2009, 09:08 PM

hamada331

03-10-2009, 10:56 PM

مع احترامي الشديد ليك يا أخ محمد أنا ليا بعض التعقيبات علي موضوعك وربنا يعلم اني بقيت بكن ليك كل احترام وتقدير
أولا : انا اقصد انك ماتربطش بين وزارتك اللي انت تابع ليها وبين اي وزارة تانية في الدولة علشان احنا لو عملنا كده ممكن نقول أن قطاع البترول والبنوك أعلي مننا في المرتبات وده مش مقياس أن في فلوس في الدولة أو مفيش وبكده هنيأس وحياتنا هتوقف

ثانيا : أعلم اولا وأخيرا أن العملية رزق ولو ليك نصيب في رزق لو احنا عايشين في الصومال هيوصلك رزقك ده ، واعلم ان الرضا والصبر بيرفعا من القدر

ثالثا : ممكن يكون مرتبك قليل بس راحة بالك بالدنيا ، احنا والله كموظفين بوزارة العدل بنعيش ديما في قلق وفي ضغوط كتير وشغل متعب ونظام ورقي وروتيني قددديم ، وم الاخر اي غلطة عندنا احنا بالذات بحبس

رابعا : انت كتبت الموضوع ده وحوالي اكتر من 350 واحد هيدخلوا يردوا عليك ويقولوا اه والله فعلا احنا في ظلم وده مايرضيش ربنا ، وده في حد ذاته هيخلي الفلوس اللي هتيجي هيبقي مافيهاش ريحة البركة هههههههه

وبجد فرصة سعيدة اني اتعرفت علي حضرتك

البرشومى

05-10-2009, 04:26 PM

محمد عاطف 22

05-10-2009, 05:46 PM

ولما انتوا راضيين وبتقولوا البركة فى القليل ما بتقولوش الكلام ده لنفسكم ليه وانتوا الخبراء بتوعكم اللى بياخدوا اد كده قعدوا على السلالم وباتوا فى الشوارع وبعدين احنا ما بنقرش ولكن نطالب بتصحيح الاوضاع نسبيا
وربنا يهدينا ويبارك لنا اجمعين

ياجماعة الموضوع ميتخدش كدة
للأستاذ حمادة كل التقدير والاحترام
أستاذى الفاضل كلنا وراء النبى فى قولة : ارض بما قسمة الله لك تكن اغنى الناس
نحن راضين والحمد لله
ولكن لما لا نطمع فى الدنيا . ليس طمع بمعنى الجشع والعياذ بالله
يقول النبى :- اعمل لدنياك كانك تعيش ابدا ,, واعمل لاخرتك كانك تموت غدا
لا اقول بأن الحكومة مطالبة بأن تعطينا مبالغ طائلة كمنحة للزواج ولكن نطالب المعقول
من غير المعقول اطلاقا ان تكون منحة الجواز جنيهين فى حين ان كيلو اللحم يقدر بأربعين جنية
أخى الفاضل :-
انت المفروض تكن معنا قلبا وقالبا خصوصا بانك فى هذة المحنة فكما تقول ((( مطحون شغل )))
هل مثلا عندما تطلب مكافأة نكون نحن اول من يثبط من عزيمتك ونقول لك ارض ارض
نعم راض ب 300 جنية شهريا ولكن لما لا اطمح للمزيد

hamada331

05-10-2009, 06:03 PM

ولما انتوا راضيين وبتقولوا البركة فى القليل ما بتقولوش الكلام ده لنفسكم ليه وانتوا الخبراء بتوعكم اللى بياخدوا اد كده قعدوا على السلالم وباتوا فى الشوارع وبعدين احنا ما بنقرش ولكن نطالب بتصحيح الاوضاع نسبيا
وربنا يهدينا ويبارك لنا اجمعين

والله يا أخ برشومي انا مش من خبراء وزارة العدل علشان تقولي " مابتقولوش لنفسكوا ليه الكلام ده" ولما كان الخبراء بايتين علي سلم الوزارة انا كنت ساعتها في بيتنا وكنت حامد ربنا علي مرتبي ماكنتش معاهم بطالب بزيادة مرتبي ولاحاجة !!
تاني هام انك ماتعرفش الخبراء دول نظام شغلهم أيه وان شغلهم لازم يتم في وقت قياسي وبأقصي دقة ممكنة زي التأكد من صحة بصمة او صحة توقيع اوعي تفتكر العملية دي بتاخد مع الخبير 3 دقايق بس دي بتعمي الخبير عما بيعمل تقريره
لانك ماشوفتش تقرير الخبير ده بيبقي منظره ايه ولا بيبقي مبذول فيه جهد اد ايه بغض النظر عن مرتباتهم الكبيرة وده يرجع لانك مادخلتش محاكم قبل كده ولاتعرف شغلها عامل ازاي وربنا يبعدكم ويبعدنا عن المحاكم

hamada331

05-10-2009, 06:12 PM

ياجماعة الموضوع ميتخدش كدة
للأستاذ حمادة كل التقدير والاحترام
أستاذى الفاضل كلنا وراء النبى فى قولة : ارض بما قسمة الله لك تكن اغنى الناس
نحن راضين والحمد لله
ولكن لما لا نطمع فى الدنيا . ليس طمع بمعنى الجشع والعياذ بالله
يقول النبى :- اعمل لدنياك كانك تعيش ابدا ,, واعمل لاخرتك كانك تموت غدا
لا اقول بأن الحكومة مطالبة بأن تعطينا مبالغ طائلة كمنحة للزواج ولكن نطالب المعقول
من غير المعقول اطلاقا ان تكون منحة الجواز جنيهين فى حين ان كيلو اللحم يقدر بأربعين جنية
أخى الفاضل :-
انت المفروض تكن معنا قلبا وقالبا خصوصا بانك فى هذة المحنة فكما تقول ((( مطحون شغل )))
هل مثلا عندما تطلب مكافأة نكون نحن اول من يثبط من عزيمتك ونقول لك ارض ارض
نعم راض ب 300 جنية شهريا ولكن لما لا اطمح للمزيد

انا احترم اسلوبك المحترم لانك شخص فعلا محترم
انا عاوز اقول لحضرتك انك من حقك تطالب بزيادة مرتبك ومن حقك انك تبقي طموح
بس تعقيبي كان علي انك متقارنش نفسك باي حد اعرض أفكارك عن شغلك وطبيعته ومدي صعوبته ومدي حاجتك لزيادة مرتبك ولكن لاتقول انا عاوز مرتب مثل مرتب فلان لان ده هيحسس فلان ده انك باصصله في لقمة عيشه مع انك ماتقصدش بس هو ده اللي انا عاوز اقولهولك واقوله للاخ برشومي
واوجه ليكم وافر الاحترام والتقدير

محمد عاطف 22

05-10-2009, 10:21 PM

ما اريد قولة اخى ان المدرس هو من يخرج الرئيس والوزير والخبير والمهندس والمعلم والغفير والنجار ...الخ
فوضعة الاجتماعى يجب ان يكون عادلا ..فلا رئيس ولا وزير بدون معلم كفء
كما ان المشكلة المطروحة ليست لى وحدى
للعلم
كل شخص ينظر الى مهنتة بأعتبارها اصعب المهن
من الغفير الى الوزير

شكرا لمداخلاتك اخ حمادة مع خالص تمنياتى لك بحياة كريمة

hamada331

06-10-2009, 01:35 AM

علي فكرة انا اسمي مصطفي والاكونت اللي بدخل بيه ده باسم حماده ده بتاع اخويا وهو مدرس انجليزي وانا لامس نفس مشكلتكم معاه وشايفها يوميا اوعي تفتكرتي يا استاذ محمد مش حاسس بيك او بغيرك من المدرسين الشباب ذوي الدخول الغير مرضية
بس بإذن الله ربنا هيعدلها من عنده
بس سلمها لله واعتمد عليه حق الاعتماد فستجده يرزقك من حيث لاتحتسب
واكيد دور المدرس دور محوري في المجتمع لالالالا يمكن الاستغناء عنه وانا معظم التغيرات اللي حصلت في حياتي كانت بسبب مجموعة فاضلة من المدرسين وربنا يعلي من مكانتكم ويوسع عليكم
وكل عام وحضراتكم بخير اخوكم مصطفي

محمد عاطف 22

06-10-2009, 09:55 AM

شكرا ليك اخ مصطفى
هكذا يكون الحوار بين الاخوة
لسنا هنا للتشاجر وانما لعرض وجهات النظر بشكل ودى وعادى جدا
ولكل منا رأية الشخصى
شكرا للأخ برشومى لمداخلتة
والشكر للأستاذ مصطفى للتوضيح
أخوكم -محمد عاطف ابو الخير

rashadbaker

06-10-2009, 11:12 AM

من عشرين سنة اول تعينى كنت بقول منحة جواز 2 جنيه والله حرام

والموضوع ده بيتكرر تانى هههههههه
حاجة غريبة
بعد 200 سنة هتبقى هى 2 جنيه منحة جواز
انا اسف