غادة جاد
28-09-2009, 04:15 PM
السلام عليكم ورحمة الله وبركاته
من الطبيعي أن تتأثر شخصية الإنسان من حين لآخر- وتبعا لمواقف معينة - فيقف مع نفسه يفندها ويحورها لتكون ملائمة للظروف الجديدة
ومن أهم المحطات التي يتعرض لها الإنسان هي الدخول في مجال العمل والتفاعل مع مجريات المهنة التي يمارسها
ومع اختلاف طبيعة كل مهنة تختلف طباع كل من ينتمي إليها
فقل لنا ...... ماذا أضافت لك مهنتك .. ؟؟؟؟
وماذا غيرت فيك ؟
sympathique
28-09-2009, 04:49 PM
احم
طب اولا كل مرحلة فى عمرنا الواحد بيتغير فيها
وانا بصفتى طالب جامعى فطبيعى ان تصرفات الانسان تختلف والافكار وكل مرحلة عمرية هكذا
وايضا العمل والمشاركة فى الانشطة وكل هذا القبيل
غادة جاد
28-09-2009, 08:02 PM
احم
طب اولا كل مرحلة فى عمرنا الواحد بيتغير فيها
وانا بصفتى طالب جامعى فطبيعى ان تصرفات الانسان تختلف والافكار وكل مرحلة عمرية هكذا
وايضا العمل والمشاركة فى الانشطة وكل هذا القبيل
طب أولاً
أهلا بك في الموضوع
نورته وشرفته
وكلامك بالطبع صح
ففي كل مرحلة من مراحل حياة الإنسان
يختار لها ما يناسبها من الأدوات
والاستراتيجيات
لتحقيق أهدافة المرتبطة
بخططه خلال تلك المرحلة
وفي مجال العمل
وهي المرحلة المستمرة
يؤثر الإنسان الفعال في مجال عمله
وأيضاً يتأثر به
ومن الطبيعي جداً أن تتغير أشياء وأشياء
في شخصية ذلك الإنسان
وهي ما سنتعرض لها في هذا
الموضوع
بأشكرك جداً جداً على تواجدك
بارك الله في عمرك
تحياتي
يالا بينا
29-09-2009, 12:32 AM
حقيقة يعني....هو السؤال ممتاز جدا
بس بالنسبة ليا بشكل شخصي
انا اشتغلت مده قصيرة .... لكن اعترف اني فشلت ومكملتش....
وعشان كده انا شايفة ان العمل بيغير كتير في العامل...
على الاقل بيكسبه خبرة....
انا استفدت من مدة اللي اشتغلتها دي....اني اركز ف جانب معين عشان انجح
الفشل كان سببه انا وليس الاخرين........ودا غير تفكيري مع الاخرين تماما...
حاليا انا لسه ع الجامعة ان شاء الله
ربنا يسهل
بس زي ما بيقولوا "الطالب عامل"
ف ان شاء الله نشتغل ف الصيف ونشوف هنتغير من اي زاوية.........
مرة تانية:
مشكورة ع الطرح المميز
سيف عبد العظيم
30-09-2009, 06:44 PM
والله اقدراقول كل واحد بيتطبع على حسب عمله
ولاكن انا مثلا تعلمت الا اخون واحافظ على مكانى لانى انا فى مانه الحمد لله واما بنعمت ربك فحدث
ميرسى اختى الفاضله
MoHaMeD ELsHeRbEnY
01-10-2009, 08:34 PM
مممممممم
انا مشتغلتش بشكل رسمى
بس اوقات بنزل المكتب عندنا
وحتى غير الشغل دة شغلى فى المنتدى حتى
انا تعلمت حاجات كتير الحمد لله بفضل من ربى سبحانة وتعالى
ومنها زى انى تعلمت الثقة بالنفس
تعلمت تحمل المسئولية بجد
تعلمت النظام
تعلمت التفكير قبل اتخاذ اى قرار
تعلمت النظر لاى فكرة من جانب سلبيتها قبل ايجابيتها
تعلمت الصبر
تعلمت القدرة على التحمل
تعلمت اسلوب الاقناع
تعلمت العلاقة الاجتماعية مع الغير
اكتسبت خبرة فى الحياة
تعلمت ان اضع امام عينى هدف لابد من تحقيقة
ودا كلة جزء بسيط من الدنيا
وطول ما احنا عايشين واحنا بنتعلم
ومفيش حد كبير فى العلم
شكرا على الموضوع
جزاكى الله خيرا
فى رعاية الله
•-{«-•OkOhama•«-}-•
01-10-2009, 08:47 PM
امممممم
هو التوبيك جميل
بس
انا لسه مش اشتغلت :d
بس يعني انا حاسس اني لما اشتغل
هتعلم :d
الصبر والاعتماد علي النفس
يعني والتعامل مع الاخرين
بس لما اشتغل بقي :d
ميرسي علي التوبيك
Last Fantasy
02-10-2009, 01:22 AM
أنا كنت شغال فتره في الصيف في سنترال بس كنت قاعد علي كمبيوتر نغمات وبرامج بس يعني مليش في حاجه تانيه ودي حاجه عدت عليا المفروض كنت أشتغل كله بس كنت بتفرج علي اللي شغالين حوليا فاتعلمت إزاي تتعامل مع الزبون وبنفس الطريقة غيرت كتير في معاملتي مع الناس وبصفه عامه بقي لغة الحوار تغلب بس مش دايما علشان مبقاش كداب
BaNZeR
02-10-2009, 03:59 AM
بما إني عندي خبرة من غير ما اشتغل :d
فأنا شايف إنه في وظيفتك لو ببتعامل مع الزبون او العميل اايا كانت مهنتك
فاكيد لازم اسلوبك بيكون راقي جداً وجذاب في نفس الوقت
مع الوقت لازم بتكتشف شخصية اللى قدامك
مين اللى ممكن يكمل معاك ومين اللى مش باينله قرار
مين اللى حيشتري ومين اللى عايز يقرفك او يفاصل وخلاص
ده من ناحية المعاملة بين صاحب العمل والزبون
واكيد حاجات تانية كتير تختلف حسب مجال الشغل الحياة كفيلة بتعليمها لينا
Magdy.zen
02-10-2009, 04:33 AM
انا بحب مهنتي الحمد لله و مخلص لها لانها فعلا هي اساس كل شيىء
مستشار قانوني
و طبعا علمتني ان العدل اساس كل شىء في الكون
و طبعا الصدق مع ربنا و الامانة
و التمسك بالحق حتى لو كان على حياتي
شكرا على الموضوع الهادف
..Just Stop
02-10-2009, 11:26 AM
المهنة الحالية طالب
طالب ابتدائى لمدة ست سنوات
طالب اعدادى لمدة تلات سنوات
طالب ثانوى لمدة اربع سنوات احم :d
طالب جامعى لمدة سنة وادى التانية وياعالم هنكمل الخمسة واللا لا :d
فى كل مرحلة من دول تفكير كل فرد يختلف
المعاملة نفسها بتختلف
لو هنقول فترة الابتدائى كان تفكير الانسان سطحى يدوبك لسة بيتعلم الكلام ومش بيعرف يتعامل ماشى على حاجات باباه او مامته محقظينهاله
فى الاعدادى تفكير الانسان اتغير وبناءا عليه طريقة التعامل وهكذا فى باقى المراحل
المراحل العمرية هنشبهها بطفل صغير بيكتسب خبرات كل ما تقدم بيه السن
وكل ما اتحط فى ظروف مختلفة بيغير طريقة المعاملة
اكيد اى انسان بيتحط فى مكان بيحاول يتأقلم عليه
يا اما بيخلى تفكيره يطغى على المكان
بس فى الغالب
بيغير طريقة تفكيره
هو الموضوع دا كان بيتكلم عن ايه؟
:d
دمتم فى رعاية الله