مشاهدة النسخة كاملة : إبعتلى بلوتوث بالir !!!!؟؟
eng/el doktor 29-09-2009, 05:28 AM عرض خاص لعملاء فودافون
إشحن أى كارت إتصالات
تآخد دقايق مجانيه لأى رقم موبينيل
المرسل موبايلى
اللى معاه موبايل يرفع ايده
بجد يا جماعه ظاهره من كترها أصبحت معتاده
السنه دى اللى جاب 70% يجيله n70
واللى جاب 80% يجيله n80
( عشان كده العشره الاوائل بيستلموا لابتوب )
أنا عن نفسى جبت الn ومستنى ال 73 لما تفرج
المهم نخش ف الموضوع
طبعا الموبايل عاد أكتر م الهم ع القلب الوقتى
طالب تانيه إبتدائى الوقتى يخرج م البوابه (أو من ع السور ) يرن لمامى عشان تسخنه الاكل عما يوصل
الموبايل عاد ضروره ملحه من ضروريات الحياه الوقتى
ودى مش حاجه وحشه .....بالعكس
أمال إيه المشكله ؟؟؟؟؟
المشكله إن إحنا بنستخدمه وكل اللى نعرفه إزاى نفتح البلوتوث وازاى نشحن ع الطاير وازاى انزل برنامج ادخل بيه على موبايل تانى ...ومن دا كتير
طب علاقة ده ايه بينا ...هو إحنا ناقصين
يعنى مش واخدين بالكوا يا جماعه إن إحنا دايما بنربط مجالنا بالكمبيوتر بس
يقتصر دور الموبايل عندنا على الاتصال وبس
لا دا الموبايل أساسه عندنا
أنا حبيت ألفت النظر لان إحنا عاوزين بعد كده إن شاء الله نعرف كل حاجه ف الموبايل ولو لمجرد الثقافه عشان حتى نكبر ف نظر نفسنا واحنا بنستخدمه منحسش إن إحنا كمثل ال.......يحمل اثقالا
وإن زى ما هنعرف كل حاجه ف الكمبيوتر هنعرف كل حاجه ف الموبايل وأى حاجه ف مجال الإلكترونيات وبجد الذكى فعلا لا يقتصر على اللى هيدرسه ف الكليه
لازم يجمع من كل حته ويتعب وتطلع عينه عشان هيجنى ثمرة ده بعد كده إن شاء الله
ربنا يوفقنا جميعا إلى كل ما يحبه ويرضاه
وكل ميسد وانتوا طيبين
BaNZeR 29-09-2009, 05:53 AM ايوه قصدك ايه يعني :d
يعني احنا لما عرفنا نتكلم بيه ونستعمل بلوتوث ونحط برامج وندخل عالاجهزة التانية باقي ايه كده عشان يستخدمو الموبايل صح ؟
ولا قصدك إنه اللى يستاهل وميستهلش بقى معاه موبايل
ولا فيه حاجة تاني عايز توصلهالنا ؟
الاسطورة 29-09-2009, 05:56 AM اه ياريت والنبى توضحلنا قصدك
اصلى مش فاهم حاجتين
محتوى الموضوع
وعلاقتة بقسم كلية حاسبات !!!!
hopeless sara 29-09-2009, 06:01 AM انا اعتقد يعنى :)
ان قصده اننا نكون فاهمين في ال موب ذى م هانكون فاهمين ف الكمبيوتر..مش نكون بنستخدمه بس علشان الحاجات دى ..
المشكله إن إحنا بنستخدمه وكل اللى نعرفه إزاى نفتح البلوتوث وازاى نشحن ع الطاير وازاى انزل برنامج ادخل بيه على موبايل تانى ..أنا حبيت ألفت النظر لان إحنا عاوزين بعد كده إن شاء الله نعرف كل حاجه ف الموبايل ولو لمجرد الثقافه عشان حتى نكبر ف نظر نفسنا واحنا بنستخدمه منحسش إن إحنا كمثل ال.......يحمل اثقالا
بجد عجبانى اوى الفكره ع قد م فهمت يعنى :d
و ربنا يوفقنا كلنا ان شاء الله
eng/el doktor 29-09-2009, 03:45 PM أنا أقصد إن إحنا داخلين كلية الحاسبات وبنعرف نستخدم الكمبيوتر كويس جدا جدا
طب داخلين الكليه ليه بقى ؟؟؟
الشيئ بالشيئ يذكر
زى ما بنعرف نستخدم الكمبيوتر بنعرف نستخدم الموبايل
اللى أقصده بقى تطبق اللى هتدرسه ف الكمبيوتر عشان تبقى فاهم كل حاجه فيه ع الكمبيوتر
على الموبايل برضه لانه كمان بينزله برامج وأساسيياته هى أساسيات الحاسوب ولكن احنا بنعتبره أداة اتصال فقط
وشكرا ليكى يا بشمهندسه
ما يجيبها إلا مهندساتها
بالنسبه لمحتوى الموضوع وعلاقته بكلية الحاسبات
ولع نار تحت الكلام اللى مكتوب بالحبر السرى ف التوبيك هيظهرلك المضمون إن شاء الله
وإبقى طمنا عليه
eng/el doktor 29-09-2009, 03:50 PM رأى رأى رأى رأى رأى رأى رأى رأى رأى رأى رأى رأى رأى رأى رأى رأى رأى رأى رأى رأى رأى رأى رأى
يا رب تكون وضحت
the Bosy cat 29-09-2009, 04:06 PM هى الفكرة حلوة وعجبنى اكتر ان احنا نعرف حاجات تانية غير اللى بندرسها على الاقل كنوع من الثقافة وربنا يوفق الجميع
الاستاذ / عاطف ابو خاطر 29-09-2009, 04:43 PM الحمد لله
عرفنا حاجه جديده
بدل ما نقضيها رنات
احمد بووجا 29-09-2009, 05:25 PM عندك حق والله يا بشمهندس احمد لان الواحد لازم فى الكليه دى يطبق اللى اخده عشان دراسه من غير تطبيق يبقى مش هتفيده فى حاجه وربنا يوفقنا جميعا
Eng. Alios 29-09-2009, 05:34 PM يا جماعة الدكتر قصده كده...
ان احنا نطور من الموبايل ... صناعته و برمجته و صيانته ...
منبقاش كل حياتنا بلوتوث و زفت توث ...
يعني زي مثلاً الكمبيوتر ...
كل المصريين بيستخدموا الكمبيوتر .... و كلنا بنستخدمه علشان نتفرج على فيلم و نكتب على الماسنجر و نسمع اغاني و نلعب تاني ...
و الامور دي بالنسبة لخريج حاسبات و معلومات قمة الجهل ....
يعني احنا دلوقتي محدش فكر فينا مثلاً انه ينزل الفيجوال بيسك 2009 لأي لغة و يتدرب عليه .... و يقدر يعمل برنامج انشالله لو صغير ...
محدش فينا مثلاً فكر ازاي اتعمل الويندوز اللي احنا بنشتغل عليه ده ...
محدش مثلاً فكر ازاي اتعملت برامج الميديا و الألعاب اللي احنا بنلعب عليها دي ...
فالدكتور عاوز يوضح ان احنا لازم نكتشف الموبايل ... متبقاش كل حياتنا جاليري و أوديو و فودا فون لايف ...
نفكر سيستم الموبايل ده اتعمل ازاي .... ازاي برامج الموبايل دي اتعملت ... ازاي الموبايل بيقرا صيغ الاوديو و الصور .... ازاي نعمل برامج عليه ...
جزاكم الله كل خير
eng/el doktor 29-09-2009, 05:42 PM يا جماعة الدكتر قصده كده...
ان احنا نطور من الموبايل ... صناعته و برمجته و صيانته ...
منبقاش كل حياتنا بلوتوث و زفت توث ...
يعني زي مثلاً الكمبيوتر ...
كل المصريين بيستخدموا الكمبيوتر .... و كلنا بنستخدمه علشان نتفرج على فيلم و نكتب على الماسنجر و نسمع اغاني و نلعب تاني ...
و الامور دي بالنسبة لخريج حاسبات و معلومات قمة الجهل ....
يعني احنا دلوقتي محدش فكر فينا مثلاً انه ينزل الفيجوال بيسك 2009 لأي لغة و يتدرب عليه .... و يقدر يعمل برنامج انشالله لو صغير ...
محدش فينا مثلاً فكر ازاي اتعمل الويندوز اللي احنا بنشتغل عليه ده ...
محدش مثلاً فكر ازاي اتعملت برامج الميديا و الألعاب اللي احنا بنلعب عليها دي ...
فالدكتور عاوز يوضح ان احنا لازم نكتشف الموبايل ... متبقاش كل حياتنا جاليري و أوديو و فودا فون لايف ...
نفكر سيستم الموبايل ده اتعمل ازاي .... ازاي برامج الموبايل دي اتعملت ... ازاي الموبايل بيقرا صيغ الاوديو و الصور .... ازاي نعمل برامج عليه ...
جزاكم الله كل خير
حلاوتك يا بشمهندس يا ناصر الغلابه
ايوه كده يا راجل ........ارجع تانى لنشاطك القديم ده
دا إحنا تلامذتك يا كبير
وبالمناسبه يا جماعه
أقدم خالص التهنئه بإسم جميع أعضاء المنتتدى وقسم الحاسبات والمعلومات للبشمهندس على نظرا لقبول تحويله إلى فنون جميله عماره جامعة الاسكندريه
تات ترارا تا تات
وكل عام أنتم جميعا بخير
eng.ahmed55 29-09-2009, 05:46 PM موضوع جميل
عندك حق لازم نطبق اللى خدناه
ولازم كمان نبقى فاهمين اى تطور يحصل سواء كان موبيل ,كمبيوتر,لابتوب,دش,.........الخ
انا لما جاتلى حاسبات واحد قالى ايه الفرق بينها وبين هندسة قسم حاسب قولتله احنا بنهتم اكتر بالسوفت وير وهما بيهتموا اكتر بالهاردوير
قالى يعنى انت بعد ماتتخرج هتفهم فى السوفتوير بتاع الموبيل قولتله لاه انا معرفش الحجات دى خالص واحنا مش هندرسها
حاجة كويسة انك تبدع فى مجالك ويبقى عندك ثقافة واسعة
مش عشان انت فى حاسبات يبقى تفهم بس فى الكمبيوتر
لا ......انت لازم تفهم فى كل حاجة وكمان تطبق
لان العملى غير النظرى خالص
ممكن واحد شاطر وبيجيب تقديرات كويسة فى الكلية ومش عارف حاجة
والدليل البشمهندس محمد السروى اللى كان بيتكلم عن تجربته
وان من غير تطبيق انت مش هتعرف تعمل حاجة
وشكرا على الموضوع ده
dr.boody 29-09-2009, 07:26 PM الموضوع مش ليه هدف برضه
eng/el doktor 29-09-2009, 11:26 PM الموضوع مش ليه هدف برضه
هههههههههههههههههههههههههههههههههههههههههههههههههه هههههههههه
الدكتور عبد الرحمن ........صديقى العزيز
إعدادى صيدلة المنصوره
شخصيه زى العسل
بس هو متطفل من قسم كلية الصيدله فاسمحوله
يلا ....غلبان برضه
كان عامل موضوع ف القسم بتاعه اسمه الصيدله الجينيه
وأنا رديت رد بايخ .......
ههههههههههه
فهو بيردهالى يعنى
وده ردى
بجد بجد يا دكتور الموضوع فوق الفظيع .....وتحت المريب
بجد جسمى أشعر مش قادر
لالالالالالالالالالالالالالالالالالالالا
دا انا كنت حاسبات وكده هفكر ف صيدله
هروح صيدلة جامعة دمنهور فرع طلخا المتفرع من شارع الجلاء بحارة ميمون القرد جامعة الازهر فرع المنوفيه
حاجه زى كده يعنى .......................
فهو بيآخد حقه سامحوه
few days 30-09-2009, 06:33 PM .................
few days 30-09-2009, 06:43 PM مين قال ان في الكلية مش في دراسة عن الموبايل :)
الي هيدخلوا قسم it
كلها شبكات وفي حاجات عن الموبايل والبلوتوث
وفي طلبة كمان بيعملوا مشاريع عبارة عن سوفتويرز للموبايل وداخل فيها طبعا شبكات وحاجات كدا
يعني مش زي ما الناس فاهمة ان الموبايل مش ليه اي فايدة في مجالنا
eng/el doktor 30-09-2009, 06:52 PM مين قال ان في الكلية مش في دراسة عن الموبايل :)
الي هيدخلوا قسم it
كلها شبكات وفي حاجات عن الموبايل والبلوتوث
وفي طلبة كمان بيعملوا مشاريع عبارة عن سوفتويرز للموبايل وداخل فيها طبعا شبكات وحاجات كدا
يعني مش زي ما الناس فاهمة ان الموبايل مش ليه اي فايدة في مجالنا
محدش قال يا كبير
اللى انت قولته ده بالظبط هو اللى كنت عاوز أقوله
تحياتى
|