علوم طنطا [الأرشيف] - بوابة الثانوية العامة المصرية

مشاهدة النسخة كاملة : علوم طنطا

sky stars

29-09-2009, 12:00 PM

كل سنة واعضاء المنتدى طيبين
بمناسبة العيد و اقتراب بداية الدراسة
واتمنى ان يكون العام الدراسى القادم عام سعيد
وارجو من طلاب علوم طنطا المقيمين فى طنطا
وضع جدول المحاضرات اذا كان نزل

genious girl

30-09-2009, 12:13 AM

اهلا بكل طلاب علوم جامعة طنطا انا اولى علوم اول سنة فى الكلية ياريت نتعرف ولو حد عرف الجدول يقولنا

sky stars

30-09-2009, 11:15 AM

اهلا انا كمان اولى علوم

SokRat238

30-09-2009, 04:20 PM

وانا علوم طنطا برده :av4056bb7jp3:

هانم بنت باشا

30-09-2009, 09:59 PM

السلام عليكم انل ثانية علوم طنطا بيولوجى لو حد عايز اى سؤال من سنة اولى وياريت لو حد معاه الجدول

هانم بنت باشا

30-09-2009, 10:20 PM

اهلا بكل طلاب علوم جامعة طنطا انا اولى علوم اول سنة فى الكلية ياريت نتعرف ولو حد عرف الجدول يقولنا

اهلا بيكى فى علوم طنطا انا ثانية علوم بيولوجى لو عايزة اى سؤال انا معرفشى الجدول لسة بس هتلاقيه متعلق اول يوم

genious girl

01-10-2009, 12:03 AM

انا علوم بيولوجى قوليلى شوية معلومات عن القسم

هانم بنت باشا

01-10-2009, 06:03 AM

انا علوم بيولوجى قوليلى شوية معلومات عن القسم
السلام عليكم علوم بيولوجى احد3 اقسام من علوم طنطابالنسبة اولا للمواداللى هتدرسيها هما 5 مواد1_ الكمياءوهى 3فروع(فيزيائية وعامة وعضوية)**2_النبات وهو3_فروع(خلية ووراثة وشكل ظاهرى)**3_الحيوان وهو4فروع(بيئة وانسجةوفسيولوجى واجنة)**4_لغة(انجليزى)وده ترم اول فقط*****5-فهى طبيعة(خواص مادة وحرارة)+رياضة(جبر وهندسة) وهما مادة مشتركة يعنى بيضافوا على بعض وبيكونوا تقدير واحدوبتفضل ممتدة للترم التانى يعنى تقدير الترم الاول بيضاف على التانى وبيشيلوا بعض ودى المادة الوحيدة اللى كدا اما باقى المواد فالترم الاول منفصل عن الترم التانى****ملحوظة لكل فرع من المواد له دكتوربس فى الاخر كل الفروع بتضاف على بعض وبيكون تقدير المادة النهائى ***وعلى حسب تقدير اولى +تقدير ثانية بتدخلى القسم فى ثالتة يعنى بيولوجى بيتقسم فى تالتة*********اخيرا لو عايزة اى حاجة اسئلى وادعلى ان ربنا يوفقنى فى سنة تانية وادخل القسم اللى انا عايزاه

SokRat238

01-10-2009, 06:43 AM

السلام عليكم علوم بيولوجى احد3 اقسام من علوم طنطابالنسبة اولا للمواداللى هتدرسيها هما 5 مواد1_ الكمياءوهى 3فروع(فيزيائية وعامة وعضوية)**2_النبات وهو3_فروع(خلية ووراثة وشكل ظاهرى)**3_الحيوان وهو4فروع(بيئة وانسجةوفسيولوجى واجنة)**4_لغة(انجليزى)وده ترم اول فقط*****5-فهى طبيعة(خواص مادة وحرارة)+رياضة(جبر وهندسة) وهما مادة مشتركة يعنى بيضافوا على بعض وبيكونوا تقدير واحدوبتفضل ممتدة للترم التانى يعنى تقدير الترم الاول بيضاف على التانى وبيشيلوا بعض ودى المادة الوحيدة اللى كدا اما باقى المواد فالترم الاول منفصل عن الترم التانى****ملحوظة لكل فرع من المواد له دكتوربس فى الاخر كل الفروع بتضاف على بعض وبيكون تقدير المادة النهائى ***وعلى حسب تقدير اولى +تقدير ثانية بتدخلى القسم فى ثالتة يعنى بيولوجى بيتقسم فى تالتة*********اخيرا لو عايزة اى حاجة اسئلى وادعلى ان ربنا يوفقنى فى سنة تانية وادخل القسم اللى انا عايزاه
اولا اسمحيلى انا ادعيلك ربنا يوفقك .
انا برده علوم طنطا فرقه اولى السنه دى وانا كنت علمى رياضه وكان عندى سؤال بسيط . و انا ينفع اخش جيولوجى ؟؟ ولو ينفع هخش القسم دا فى سنه كام ؟؟؟ وايه احسن الاقسام اللى ممكن تشغلنى فى مجال البترول والتعدين ؟؟؟ :078111rg3:

genious girl

01-10-2009, 12:59 PM

متشكرة ليكى على المعلومات بس عايزة اعرف ملقتيش صعوبة فى الانجليزى والمذاكرة واذاكر ازاى يعنى بيقولوى انها جد قوى

sky stars

01-10-2009, 01:33 PM

هانم بنت باشا

01-10-2009, 05:54 PM

اولا اسمحيلى انا ادعيلك ربنا يوفقك .
انا برده علوم طنطا فرقه اولى السنه دى وانا كنت علمى رياضه وكان عندى سؤال بسيط . و انا ينفع اخش جيولوجى ؟؟ ولو ينفع هخش القسم دا فى سنه كام ؟؟؟ وايه احسن الاقسام اللى ممكن تشغلنى فى مجال البترول والتعدين ؟؟؟ :078111rg3:
اولا شكرا على الدعاء ثانيااللى كان علمى رياضة فى ثانوى بيبقى له علوم طبيعية فقط فى سنة اولى اما اللى كان علمى علوم فبيقسموه على علوم بيولوجى وعلوم جيولوجيا وده على حسب توزيع مجموعهم وجيولوجيا بتاخذ اقل من بيولوجى*********ثم ترجع تتقسم تانى بالنسبة1_ قسم علوم طبيعيةبيتقسموا فى سنة تانيةعلى قسمين1*شعبة رياضة وطبيعة(بناء على رغبة الطالب)وبيتقسموا تانى فى سنة تالتةالى(رياضيات*احصاء وعلوم حاسب*طبيعة)2*شعبة الكمياء(كمياء اسبشيل)وبيتقسموش تانى:ودى طبعامجالاتها احسن واعلى(ويقبل بها الطالب على اساس مجموع سنة اولى +مجموع مادة الكمياء فى الترم الاول والتانى ويتم ترتيب الطلاب تنازلى)واخذت السنة الماضية اللى مش شايل اى مادة تخلف**ودى طبعا كل مجالات علوم طبيعية فى طنطاوملهاش قسم جيولوجيا***اما عن مجالات الشغل بتاعتك وخصوصا لو بقيت ان شاء الله قسم كمياءفهى كتير جدا(كميائى فى شركة ادويةويطلق عليك دكتور_كميائى فى شركة بترول ومياه واسمدة وبلاستيك وصابون واسمنت وحديد وصلب ومياه غازيةوعصائروالبان وزجاج وسيراميك وزيوت وسكر وقطن ومناديل........... وفى الحالة دى هتبقى مهندس كميائى)اما مهندس بترول فى شركة بترول فبيبقى قسم جيولوجيا وفى مجالات اكتر بكتير للكمياء قرات عنها واخيرا ربنا يوفقنا جميعا:)

هانم بنت باشا

01-10-2009, 06:31 PM

متشكرة ليكى على المعلومات بس عايزة اعرف ملقتيش صعوبة فى الانجليزى والمذاكرة واذاكر ازاى يعنى بيقولوى انها جد قوى
طبعاانا كنت داخلة قلقانةجدا والكل حذرنى وبالمعنى الاصح كنت تايهة مش فاهمة اى حاجةمن اى دكتور لان كل مادة بالانجليزى حتى توزيعة الجدول مكنتش فهماها فى الاول بس والله عدم الفهم فى البداية وخصوصا اول ترم ده عادددددددى جدااااااااااااا ومتقلقوش لان كلكم هتبقوا كدا وبعدين وحدة وحدة هتتاقلموا مع الدكاترة والمواد وهتحبوا الكليةبس علوم صعبة:bosyht9: وسهلة :av4056bb7jp3:فى نفس الوقت ودى مش فزورة صعبةللى ما يذاكرشى وسهلةللى يذاكر فهى مش كلية عادية هتروح يوم وتسيبى يوم بل لازم تروح يوميا ووتعودى على مواعيد السكاشن اللى بتبقى نهيتها فى بعض الايام الساعة7وده طبعا مش كل الايام ومش فى الاول وكل واحد على حسب جدوله ***اما بقى على نظام المذاكرة والانجليزى فكل واحد هتلاقيه ماشى بنظام معين ومنه نظام الكورسات وانا بنصحكوا تسيبكوا منه نهائى وتركزوا فى المحاضرات والسكاشن احسن هتروحى تحضرى كل المحاضرات وحاولى تنقليى وتفهمى اى حاجة من كل دكتوروتركزى ايضا على السكاشن ودى عليها40%من الدرجة وفيها هتقدرى تسالى المعيدين براحتك حتى لو فى معنى كلمةطبعا فى اسامى علمية ملهاش ترجمة اما باقى الكلمات هتلاقيها كلها فى قاموس صغير اسمه قاموس الياس كلية العلوم هتشتريه ب15جنيه ومتشتريش الكبير اللى ب70جنيه علشان ملهوش لازمة وتبداى فى الاول تترجمى كل كلمة حتى توصلى حتى لجملة مفيدةوممكن تقعدى فى الصفحة الواحدة ساعة وده فى الاول وبعدكده هتتعودى على المزاكرة بالانجليزى من غير حتى ماتبصى فى القاموس لدرجة انك مش هتعرفى تزاكرى بالعربى تانى وعلى فكرة مادة الطبيعة بالعربى وفى الاخر ربنا يوفقنا جميعا واعذرونى لو كنت طولت عليكم بس حبيت اعرفكم كل حاجة:078111rg3:

genious girl

01-10-2009, 06:49 PM

شكرا ليكى جدا على المعلومات دى وربنا يوفقنى ويوفقك ونحقق كل ما نريدة بس على فكرة علمى رياضة ممكن يدخل جيولوجيا عادى

هانم بنت باشا

01-10-2009, 07:03 PM

شكرا ليكى جدا على المعلومات دى وربنا يوفقنى ويوفقك ونحقق كل ما نريدة بس على فكرة علمى رياضة ممكن يدخل جيولوجيا عادى
الشكر لله اولا بس اللى انا متاكدة منه ان فى طنطا لحد السنة اللى فاتت علمى رياضة ملهوش غير قسم علوم طبيعية فقط فىاولى وبعد كده بيتقسم تانى على الاقسام اللى انا قولتها ومش عارفة هما غيروا النظام ده السنة دى بس ما اظنش ده والله اعلم وعلى فكرة انا فى راى ان علوم طبيعية مجالاتها اكتر من جيولوجيا وربنا معاكم جميعا

منه22

25-12-2009, 02:09 AM

انا كمان 2 علوم بيولوجى:d

alea2009

25-12-2009, 03:39 AM

السلام عليكم ورحمه الله وبركاته .انا عليا ممكن تقبلوني صديقه معاكم وانا فى اولى علوم جيولوجيا

وشكرا لهانم بنت باشا علي النصائح الغالية التي قدمتيها وان شاء الله تدخلي القسم اللي عايزاه.

وعلي فكرة اللي عايز يحول من قسم فيزياء الى جيولوجيا ينفع ولكن الافضل عدم التحويل لان قسم الفيزياء والكيمياء فرصتهم فى الشغل افضل.

el masry

07-01-2010, 01:40 AM

انا اسمي ساري

في اولي علوم شعبه كمياء طبيعيه

وربنه يستر عليا بس لسه هدخل الكليه في الترم التاني

لان انا جاي من جبوتي والورق اتاخر شويه فاجلت الترم الاول

لو ممكن نتعرف كلنا علي بعض

BeNeFacToR

04-04-2010, 05:37 AM

منتدى كلية علوم طنطا (http://www.tscience.co.cc/forums/):

http://www.tscience.co.cc/forums/

You're Welcome :)

محمودعيد

07-05-2010, 04:00 AM

السلام عليكم ورحمة الله وبركاته انا مدرس رياضيات ابتدائى خريج تربية اساسى بتقدير مقبول وارغب فى تكملة كلية العوم قسم الرياضيات فما هو المطلوب برجاء الرد الله يكرمك