السلام عليكم ورحمة الله وبركاته
قمت بوضع موضوع
خاص بانفلوانزا الخنازير
وتحذير من المصل العلاجى لها
http://www.thanwya.com/vb/showthread.php?t=155655
قد قصدت ان اضعه فى العام حتى يتسنى للجميع قراءته
ومعرفه ما به من معلومات هامه
وحتى اضمن اكبر عدد من الاعضاء ان يقراه
لكن نقله فى القسم الطبى
رواد القسم الطبى قليلون
اخواتى انا قمت بنقله مرة اخرى للعام
على الاقل فى تلك الفترة
حتى تكتمل الفائده من الموضوع ولو لمده اسبوع بعدها يتنقل
ملحوظه لم افعل هذا لسبب شخصى او ان الموضوع موضوعى
ولكن كنت سافعل ذلك لو كان الموضوع لعضو اخر
لان الموضوع بالفعل مهم
وينبغى نشره فى كل مكان قدر الامكان
تقبلوا كلامى
فى امان الله

وعليكم السلام ورحمة اللهوبركاته
فى حل تانى يا ميس رانيا وهيكون افضل
احنا ننقله من العام للركن الطبى ونسيب علامة توجيه
بحيث يبقا الموضوع موجود فى المكان المناسي
وف نفس الوقت ناس كتير تقدر توصله
ايه راى حضرتك؟
دمتم فى رعاية الله

خلا ص يا جماعه اللى تشوفوه

اولا انا اللى نقلت الموضوع ده عشان الاخوات بتوع العام ميتظلموش بس
ثانيا بقى الموضوع بيناقد نفسه حضرتك
فى ايه لا نكرر الكذبه
ونتاكد الاول !!
وفى ايه نصدق الموضوع

إن انفلونزا الخنازير ليست إلا "موّال" آخر من المحاولة لنشر الذعر والفوضى بين السكان

!!!!!!!!!
ازاى يعنى حضرتك !!
ده وباء
مفيش حكومه تقدر ع وش الارض تروج لفكره وجود وباء مش موجود
حتى لو بنتكلم عن الحكومه المصريه
الموضوع هنا بيخرج عن اطار مصر
احنا بنتكلم عن وباء عالمى
مش كل الحكومات هتتفق مع بعضها اكيد يعنى

أكثر وذلك بمساعدة منظمة الصحة العالمية who !!!


الهو منظمه عالميه زى الامم المتحده
مش متواطئه
احنا بنتلكم ازاى بس
حضرتك اكيد جايبه الموضوع من مكان
بس هل حضرتك مدركه لخطوره الكلام ده
ده كلام مش منطقى بجد بالمره
مش هنفضل مع نظريه المؤامره دى كتير
بعد اذن حضرتك انا فعلا غلطت لما نقلت الموضوع
لانى كان مفروض احذفه !!!
ياريت حد يشوف بقى الموضوع ده
انا مش هينفع اعمل حاجه الا بموافقه حضرتك
دلوقتى الكلام اللى اتقال هناك ده
مفيش دليل واحد ع صحته!!!

بفايروسات أخرى مثل فايروس hiv.

يعنى المنظمه اللى بتحارب نقص المناعه فى افريقيا وفى العالم كله
هتكون السبب فى انتشار الوباء باى شكل من الاشكال !!!!!
:::::::
ياريت حد يقوم بحذف الموضوع لو سمحت

مش اللى نشوفه يا ميس رانيا
شوفى حضرتك عايزة ايه وحنا نعمله
دمتم فى رعاية الله

انا مبقتش فاهم حاجة

مش اللى نشوفه يا ميس رانيا
شوفى حضرتك عايزة ايه وحنا نعمله
دمتم فى رعاية الله
اللى صح مش اللى اى حد عاوزه الموضوع ده من غير اثبات -مع العلم ان فيديوهات اليوتيوب مش اثبات-
مينفعش يفضل من غير حاجه تثبت ده اللى اعرفه
مع خالص احترامنا وتقديرنا لحضرتك يا استاذه رانيا .. وانا عارفه ان حضرتك عاوزه المصلحه العامه
وانا شايفه ان لو احنا عاوزين كده فعلا يبقى مينفعش نسيبه

انا مكنتش شوفت مشاركتك يا ياسمين
هنستنى بس نشوف رد ميس رانيا على كلامك
واللى هنتفق عليه هيحصل
دمتم فى رعاية الله

حد بينادى :d

وعليكم السلام ورحمة الله وبركاته

ميس رانيا موضوع حضرتك بعيداً عن اللى قالته ياسمين .. مكرر

لا تكرر كذبة ... تأكد أولا منها ..!! (أنفلوانزا الخنازير) كذبة جديدة (http://www.thanwya.com/vb/showthread.php?t=155655&highlight=%C7%E4%DD%E1%E6%E4%D2%C7+%C7%E1%CE%E4%C7 %D2%ED%D1+%E1%ED%D3%CA+%22%E3%E6%F8%C7%E1%22+%C7%E 1%E3%CD%C7%E6%E1%C9+%E1%E4%D4%D1+%C7%E1%D0%DA%D1)

اخبار عن تطعيم انفلونزا الخنازير (http://www.thanwya.com/vb/showthread.php?t=156840&highlight=%C7%E4%DD%E1%E6%E4%D2%C7+%C7%E1%CE%E4%C7 %D2%ED%D1+%E1%ED%D3%CA+%22%E3%E6%F8%C7%E1%22+%C7%E 1%E3%CD%C7%E6%E1%C9+%E1%E4%D4%D1+%C7%E1%D0%DA%D1)

حقيقة انفلونزا الخنازير! (http://www.thanwya.com/vb/showthread.php?t=155260&highlight=%C7%E4%DD%E1%E6%E4%D2%C7+%C7%E1%CE%E4%C7 %D2%ED%D1+%E1%ED%D3%CA+%22%E3%E6%F8%C7%E1%22+%C7%E 1%E3%CD%C7%E6%E1%C9+%E1%E4%D4%D1+%C7%E1%D0%DA%D1)

اولا انا اللى نقلت الموضوع ده عشان الاخوات بتوع العام ميتظلموش بس


ثانيا بقى الموضوع بيناقد نفسه حضرتك
فى ايه لا نكرر الكذبه
ونتاكد الاول !!
وفى ايه نصدق الموضوع
انا عمرى مكتبت اى كلام متناقض لانى عارفه كويس انا بكتب ايه تى لو موضوع منقول بكون قراته قبلها
!!!!!!!!!
ازاى يعنى حضرتك !!
ده وباء
مفيش حكومه تقدر ع وش الارض تروج لفكره وجود وباء مش موجود
حتى لو بنتكلم عن الحكومه المصريه
الموضوع هنا بيخرج عن اطار مصر
احنا بنتكلم عن وباء عالمى
مش كل الحكومات هتتفق مع بعضها اكيد يعنى

الهو منظمه عالميه زى الامم المتحده
مش متواطئه
احنا بنتلكم ازاى بس
حضرتك اكيد جايبه الموضوع من مكان
بس هل حضرتك مدركه لخطوره الكلام ده
ده كلام مش منطقى بجد بالمره
انا مش طفله انا مدركة كل حاجه
شكرا على اسلوبك الجميل
مش هنفضل مع نظريه المؤامره دى كتير
بعد اذن حضرتك انا فعلا غلطت لما نقلت الموضوع
لانى كان مفروض احذفه !!!
يعنى جاملتينى لما نقلتيه انا مش بحب حد يجاملنى
ياريت حد يشوف بقى الموضوع ده
انا مش هينفع اعمل حاجه الا بموافقه حضرتك
دلوقتى الكلام اللى اتقال هناك ده
مفيش دليل واحد ع صحته!!!
لا الادله كتير
الرابط ده مثلا بيوضح ازاى ان الموضوع مبالغ فيه لتحقيق هدف الحاجة الى مصل
واللى كتبته دكتورة متخصصه يعنى مش كلامى انا
http://www.aleqt.com/2009/09/29/article_280911.html
يعنى المنظمه اللى بتحارب نقص المناعه فى افريقيا وفى العالم كله
هتكون السبب فى انتشار الوباء باى شكل من الاشكال !!!!!
:::::::

ياريت حد يقوم بحذف الموضوع لو سمحت

على اى حال شكرا لك على ردك
عامة انا هحذف الموضوع وناسف لازعاجكم

يا استاذتنا ياسمين مش قصدها حاجة .. يا ريت ماتزعليش من كلامها

لا اله الا الله
استاذة رانيا انا بعتذر لحضرتك
لو اسلوب يا سمين شديد شوية
والله العظيم هيا متقصدش اى اهانة لحضرتك
واحنا كلنا اخوات حضرتك الصغيرين
ياريت متزعليش منها
وانا اسف مرة تانية لحضرتك

ــــــــــــــــــــــ

بالنسبة للموضوع انا شايف ان مها
ردت وبتقول انة مكرر
فانتم ادرى منى اكيد يعنى
وانا متابع معاكم بأذن الله
فى رعاية الله

على اى حال شكرا لك على ردك
عامة انا هحذف الموضوع وناسف لازعاجكم


ثانيه يا استاذه رانيا بس
ليه حضرتك اخدتى الكلام ع انه شديد
الموضوع نفسه لما قريته الواحد صعب عليه نفسه مش اكتر
معظم الردود اللى ردت وقالت شكرا وبتاع كل الردود دى كانت لناس مقروش الموضوع
ومفكرين ان هدفه بس هو التحذير من انفلوانزا الخنازير الا قله قليله تكاد تكون مش موجوده اصلا
انا قريته ولقيت ان الكلام مش مظبوط
ومش لاقيه تعبير ازوق بيه الكلام الصراحه هقول ايه يعنى !!
ليه تاخدى حضرتك الكلام ع انه اتهام شخصى ولا حاجه
حضرتك نفسك ناقله الموضوع يعنى لو كلامى بيهاجم حد فهو بيهاجم اللى كتبه مش اكتر
وبما اننا بنى ادمين بنفهم والحمد لله ربنا ادانا عقل
يبقى المفروض افكر فى الحاجه اللى انا بقراها
ولا ايه ؟!
هل المفروض ان اى موضوع اقول امين وبتاع
لا طبعا ده حقى انى اعترض ع حاجه !!
او ده اللى اعرفه يعنى

انا مش طفله انا مدركة كل حاجه
شكرا على اسلوبك الجميل


معلش حضرتك
مفيش حد مدرك كل حاجه
احنا بشر قدرتنا العقليه بتتوقف عند حدود معينه
حضرتك ممكن تعرفى حاجه
انا معرفهاش والعكس
دى الطبائع البشريه ع ماأظن
وللأسف لغايه دلوقتى مش لاقيه حاجه فى اسلوبى غلط
حضرتك كنتى ممكن تردى ع ردى نفسه مش ع اسلوبى لو كان صعب مع انى مش شايفه كده!
يعنى جاملتينى لما نقلتيه انا مش بحب حد يجاملنى

لا مش بجامل للاسف :d
انا بس مقرتش الموضوع كله
زى اى حد مقرتش الا بعدها بشويه
بس كان طبى يبقى يتنقل فين !!
المفروض اللى ماسكين الركن الطبى بقى واللى اكيد الكتر منى علم ده لو موجودين فى الاساس
هما اللى يحذفوه او يسيبوه
اعتقد ان ده البروتوكول الطبيعى اللى بنتعامل بيه هنا


لا الادله كتير
الرابط ده مثلا بيوضح ازاى ان الموضوع مبالغ فيه لتحقيق هدف الحاجة الى مصل
واللى كتبته دكتورة متخصصه يعنى مش كلامى انا

يعنى هل من الطبيعى واللى بيمليه عليا العقل والمنطق
انى اصدق فرد واكدب منظمه !!!
وقريت انا مقال الدكتوره نورا
وبالغرم ان كلام دوك نورا مش بيأكد كلام حضرتك
بل ع العكس بينفيه
هقول لحضرتك بقى من النحيه الطبيه
احنا كلنا قابلين للاصابه بالسرطان بالمناسبه
قابليه الفرد بتختلف من حد للتانى
هو اللقاح الجديد بيزيد من الاحتماليه دى مش اكتر
وبعدين كلنا عارفين ان اللقاح الجديد ليه اثاره الجانبيه
ده مش معناه انى اروج واقول متخدوش
ده فى حد ذاته بيقسمنا لنصين
وده غلط احنا ناقصين تحصل بلبله لما نكون احنا سبب فى نشرها
الناس بتقول انها خايفه ان يكون التطعيم اصعب من المرض نفسه
بردو من الخبره الطبيه المتواضعه جدا
حضرتك عارفه كان علاج البلهارسيا ازاى
كانت حقن فى البدايه مش اربع الحبوب اللى بتتاخد دلوقتى
الحقن دى كانت بتسبب للفلاح احساس
ان فى قطر بضاعه عدى عليه
وكان الفلاحين بيفضلوا ان البلهارسيا تعيش جواهم
ع انهم يتعالجوا !!!
هل ده معناه انى اسيب المرض او الوباء يتفشى لمجرد ان علاجه
ليه اثار جانبيه
مرض زى الكالاازار اعتقد اسمه كده او المرض الاسود ده
بردو الحقن والامصال بتاعته بتسبب نفس الاعراض
هل اموت بيه لان الدوا بتاعه شديد ولا اعالجه !!!




لا اله الا الله

استاذة رانيا انا بعتذر لحضرتك
لو اسلوب يا سمين شديد شوية
والله العظيم هيا متقصدش اى اهانة لحضرتك
واحنا كلنا اخوات حضرتك الصغيرين
ياريت متزعليش منها
وانا اسف مرة تانية لحضرتك

ــــــــــــــــــــــ

بالنسبة للموضوع انا شايف ان مها
ردت وبتقول انة مكرر
فانتم ادرى منى اكيد يعنى
وانا متابع معاكم بأذن الله

فى رعاية الله

والله يا استاذه رانيا انا مش قاصدى اضايق حضرتك
حضرتك بس مقتنعه بفكره هى من رايي غلط
اكيد هيحصل كده لان كل واحد بيدافع عن وجه نظره
المشكله ان المنطقى هو اللى مفروض نمشيه الحاجه اللى بتحترم عقولنا
يا جماعه
انا بعد اذنكم كده هحذف المواضيع اللى ع الشاكله دى واللى معنديش القدره ع حذفها اتفضلوا انتو
انا مش عشان مكرر انا عشان هو مينفعش يتحط

السلام عليكم ورحمة الله وبركاته
تعدد وجهات النظر واختلافها لا يفسد للود قضيه
ولكن اتفاجئت بطريقه الرد نفسها
على اى حال حصل خير

السلام عليكم ورحمة الله
هو توضيح بسيط ممكن يكون مش في مكانه
فعلا في مرض إسمه أنفلونزا الخنازير
أو تاميفلو
أو إسمه العلميn1h1
و في الطب هناك مرض بهذا الإسم معترف به
و هذا من دكاترة أعرفهم معرفة شخصية
و يأكدون لي من وجود هذا الفيروس
في أمان الله

السلام عليكم ورحمة الله وبركاته
تعدد وجهات النظر واختلافها لا يفسد للود قضيه
ولكن اتفاجئت بطريقه الرد نفسها
على اى حال حصل خير



ههههههههههههههههههههههه
تقريبا يا ميس رانيا ياسمين بتعانى من طريقة الرد
لكن هى واضح فى كلامها انها بتهاجم المنقول منه مش حضرتك خالص
بس طبعا يا ياسمين انا نفسى كنت هزعل لو الموضوع معايا
كسلتى تكتبى ان محرر الموضوع كذا وكذا وكذا

طبعا ميس رانيا لياسمين تحية مننا على وجهة نظرها اما موضوع الاسلوب ده فسهل يعنى احنا وراها والزمن طويل هتروح مننا فين ؟

ايه ده ايه ده :o
لالا يا ياسمين انتي بردو غلطانة
متسبيش حقك يا استاذة
اظن دي مفيهاش تسخينة ولا حاجة :d
الامر واضح زي الشمس
متسبيش حقك يا استاذة
دي فيها 3 ايام وقف
طبعا انا بهزر
بعتذز يا استاذة رانيا لو فيه اي احراج اتسبب لحضرتك
حقيقي حضرتك اختنا الكبيرة
ومنقدرش نزعلها


السلام عليكم ورحمة الله
هو توضيح بسيط ممكن يكون مش في مكانه
فعلا في مرض إسمه أنفلونزا الخنازير
أو تاميفلو
أو إسمه العلميn1h1
و في الطب هناك مرض بهذا الإسم معترف به
و هذا من دكاترة أعرفهم معرفة شخصية
و يأكدون لي من وجود هذا الفيروس
في أمان الله
بيعجبني في محمود انه بيرد الرد المناسب في المكان المناسب:d
الف سلامة يا حودا:slap1qk6: