حصرياً : جدول محاضرات (انتظام) كلية التجارة جامعة القاهرة [الأرشيف]

vampire1188

29-09-2009, 07:52 PM

كل عام وانتوا بخير يا شباب ويا بنات تجارة

وزي ماوعدناكوا وفينا بالوعد

حـــصـــريـــــــاً

وقبل اي موقع تاني

جدول المحاضرات الرسمى لجامعة القاهرة للعام الدراسى
2009/2010

ملحوظة بسيطة بس

1- تم تعديل الجداول طبقاً لما ورد من ادارة الكلية
(يعني الجداول الحالية هيا الجداول النهائية)

2- تم رفع الجداول الناقصة
وكذلك جداول الفرقة الرابعة

++التحميل++

الفرقة الأولى
http://ifile.it/u1vj53c

الفرقة الثانية
http://ifile.it/eib29t3 (http://ifile.it/eib29t3)

الفرقة الثالثة
http://ifile.it/i3ap8we

الفرقة الرابعة
http://ifile.it/s1ygwzd

hoky70

29-09-2009, 07:57 PM

مجهود هايل يا باشا وربنا معاك انتا وشباب جامعة القاهرة كلهم

ahmedal3mda

29-09-2009, 08:16 PM

كل عام وانتوا بخير يا شباب ويا بنات تجارة

وزي ماوعدناكوا وفينا بالوعد

حـــصـــريـــــــاً

وقبل اي موقع تاني

جدول المحاضرات الرسمى لجامعة القاهرة للعام الدراسى
2009/2010

التحميل من المرفقات

تمام اخيرا وصل الف شكر يافمبير بس على فكرة فوق وهو متثبت مش هيلفت النظر لان الواحد قليل لما بيبس على المواضيع المثبتة
لسة تقسيم المجموعات اختيارى ولا اية النظام

totti_pop_2008

29-09-2009, 09:16 PM

طب يا باشا انتساب مالهاش محاضرات خالص (ان شاالله على التلفزيون حتى.........)وبالنسبة للدخول عادى ولا ايه بالظبط..........يعنى مالاخر ايه مصير طلبة انتسابــــــــــــــــــــــــــــــــــــــــــــ ـــــــــــــــــــــــــــ

احمد 1992

29-09-2009, 09:26 PM

التؤمان

29-09-2009, 09:32 PM

مجموعة ج فين ج2 بتاعتها ولا هو جروب واحد بس ؟

Mr.BaND

29-09-2009, 10:05 PM

نفس السؤال يا فمبير

اشمعنى مجموعة ج 1 بس

مفيش ج 2 ولا ايه .. ياريت توضح لنا معلش

و مشكور جدا لمجهودك الكبير

ahmedal3mda

29-09-2009, 10:20 PM

التؤمان

29-09-2009, 10:53 PM

اة نسيت اقولك يا فاميبر هو مافيش راحة بين المحاضرات ؟

هشام 2000

30-09-2009, 12:31 AM

بالنسبة للانتساب يا جماعة مفيش لخبار من فضلكم ردوا عليا؟

هشام 2000

30-09-2009, 12:33 AM

الانتساب ليهم محاضرات ولالا؟

احمد 1992

30-09-2009, 01:19 AM

الانتساب ليهم محاضرات ولالا؟

لا للاسف الانتساب مالهمش محاضرات والكلام ده بقى اكيد بعد نزول الجدول
لان محاضرات الانتساب اتلغت من الجدول ... وده خلاص بقى شىء مؤكد

mora el2mora

30-09-2009, 06:51 AM

ya gma3a eh gdawel teara english

ahmedal3mda

30-09-2009, 09:48 AM

ياجماعة التقسيم للمجموعات أ ,ب , و, ج, د سواء 1 او 2 مش اختيارى

شرح التقسيم على النحو التالي
مجموعة أ => حرف أ كله
وتم تقسيمها كالتالى :-

مجموعة أ 1 ==> تبدأ من أ إلى إسلام
مجموعة أ 2 ==> تبدأ من أسماء لآخر حرف الألف

مجموعة ب => من ب الى ظ

وتم تقسيمها كالتالى :-

مجموعة ب 1 ==> تبدأ من حرف ب لنهاية حرف ر
مجموعة ب 2 ==> تبدأ من حرف ز لآخر حرف ظ

مجموعة ج => من ع الى محمدين
وتم تقسيمها كالتالى :-

مجموعة ج1 ==> تبدأ من حرف ع لآخر حرف ل
مجموعة ج2 ==> تبدأ من حرف م الى محمدين

مجموعة د => من محمود الى الاخر
وتم تقسيمها كالتالى :-

مجموعة د1 ==> تبدأ من محمود لاسم مينا
مجموعة د2 ==> تبدأ من حرف ن للآخر
والله الموفق

mryem

30-09-2009, 11:13 AM

فين مجموعة 2-د ملهاش جدول

mryem

30-09-2009, 11:25 AM

فيييييييييييييييييييييين ثانية - د ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الاميرة الحالمة

30-09-2009, 01:05 PM

روان 2010

30-09-2009, 01:25 PM

انا عايزه اعرف انا دخلت متميزه ولا لا اعرف منين قبل ما ادخل لان لو دخلت هيبقي محاضراتي متاخره بدل ما انزل من الصبح وانا محضراتي الساعه 5

عمرو ع

30-09-2009, 04:12 PM

انزلى على الساعه 3 او 4 بدرى ساعه او اتنين واعرفى انتى قبلتى والا لا

التؤمان

30-09-2009, 07:33 PM

اية محدش رد لية انا سالت هو مجموعة ج مالهاش جيم 2 ؟ وهو ما فيش بريك بين المحاضرات ؟

روان 2010

30-09-2009, 07:37 PM

انا لو عاديه انتظام محضرتي الساعه 11 لو مميزه الساعه 5 فرق كبير جدا وانا سكنه بعيييييد

الاميرة الحالمة

30-09-2009, 07:37 PM

ahmedal3mda

30-09-2009, 08:32 PM

يا فامبير انا عايزاة ااعرف حاجة هو نظام التقسيم لي مجموعة 1 و2

يعني انا اولي تجارة مجموعة ب هل ليا حرية الاختيار اني احضر في ب1 او ب2 ولا لاء

وكمان استفسار هولو اسم مني تالتة تجارة تبقي مجموعة اية
مجموعة ب => من ب الى ظ

وتم تقسيمها كالتالى :-

مجموعة ب 1 ==> تبدأ من حرف ب لنهاية حرف ر
مجموعة ب 2 ==> تبدأ من حرف ز لآخر حرف ظ

vampire1188

30-09-2009, 08:43 PM

اة نسيت اقولك يا فاميبر هو مافيش راحة بين المحاضرات ؟

لا طبعا فيه .. بس بيبقي مش قانونى

يعني مثلا الميعاد الرسمي لبدأ المحاضرة الساعة 2 ..

تتلاقي الدكتور على بال ماينزل من مكتبه ويوصل المدرج تكون وصلت 2وربع

غير كدا كمان المحاضرة اللي قبلها الدكتور بيكون ماشي

قبل ماتخلص رسمي (زي ما مكتوب في الجدول) بييجي ربع ساعة

هاتلاقي نفسك واخده ييجي تلت ساعة او نص ساعة بريك تريحي فيه

بالنسبة للانتساب يا جماعة مفيش لخبار من فضلكم ردوا عليا؟

الانتساب ليهم محاضرات ولالا؟

انتسااااااب محاضراتها خلاص اتلغت (مؤقتاً لغاية ما الأزمة دي تعدي وتنتهي)

ومحاضراتهم هاتتبث على التليفزيون خلاص .. ودا قرار نهائى ومافيش كلام تاني فيه

vampire1188

30-09-2009, 08:48 PM

وبالنسبة للدخول عادى ولا ايه بالظبط..........يعنى مالاخر ايه مصير طلبة انتسابــــــــــــــــــــــــــــــــــــــــــــ ـــــــــــــــــــــــــــ

مصير انتساب القعدة في البيت (وماتزعلش مني والله مش تريقة ولا حاجة)

لإن القرار الجديد اللي ظهر ان بيقولك هايعملولكوا كارنيهات حمرا

وطالما كارنيهات حمرا يبقى كدا ممنوع دخولك الجامعة الا في اوقات معينة هايتم تحديدها

عشان تبقي تروح الشئون بقي وتخلص ورقك وكدا

حتى بتوع انتظام نفسهم .. من المتوقع ان مايبقاش فيه قعدات بره المدرجات والكلام دا

لان النظام العادي بتاع السنين اللي فاتت .. ان أمن الجامعة كان بييجي على بالليل كدا

ويقعدوا يصفروا ويمشوا في الناس اللي قاعدة بره مابتعملش حاجة عشان يمشوا ..

عشان خلاص الكلية بتفضي

الكلام دا بقي متوقع انه يحصل من بداية اليوم .. يعني مافيش حد يقف او يقعد بره

اللي عنده محاضرة يخش ياخدها .. لكن تقعد بره مافيش ، المرواح يبقى احسنلك

وطبعا كل دي اجراءات "متوقع" انها تحصل .. عشان يقللوا من كثافة التجمعات منعاً لانتشار المرض

vampire1188

30-09-2009, 08:57 PM

شكرا يا فامبير على المجهود الرائع ده وانا فعلا كنت الصبح فى الكلية وانا فى الفرقة الاولى مجموعة ((أ)) لكن المجموعة مقسومة ل (( أ-1)) و (( أ-2)) عايز اعرف ايه الفرق ما بينهم و ازاى اعرف انا فين من التقسيمة دى

والله كل اللي حصل ان زميلنا ahmedal3mda اتفضل مشكورا و حطلنا التقسيم الجديد في اللينك دا

http://thanwya.com./vb/showthread.php?t=157137

تعليقي بقي على التقسيم دا ان برده هايظل التقسيم اختياري للطالب .. الا في حالتين :

1- ان دكاترة المجموعتين" 1 و 2" يختلفوا عن بعض (ودا طبعا مستبعد)

2- ان الدكتور يفرق بين المجموعتين "1 و 2" في المنهج

(وبالتالي هايبقي فيه امتحانين للمجموعة الواحده ودا برده مستبعد)

واحد ذكى هايسألنى يقولي طب نعرف الموضوع دا منيييييين ؟؟؟

اقوله من خلال الكارنيه بتاعك .. لو اتكتب عليه مجموعة( د1 ) يبقي كدا فيه اختلاف فعلا ..

لكن لو اتكتب عليه ( د ) بس .. يبقي 90% مافيش اختلاف .. والله أعلم ..

كل دي تكهنات لسه .. وكل دا هايتعرف ان شاء الله فى أول يوم دراسة

3- ان يبقى فيه اجراء امنى مشدد على التزام الطالب بالحضور فى مجموعته

من خلال اذن حضور محاضرة او ما شابه (ودا بقى اللي مش مستبعد)

بس لغاية دلوقتى انا شايف ان برده معا وجود التقسيم الجديد هايبقى الموضوع برده اختياري للطالب

vampire1188

30-09-2009, 09:03 PM

ya gma3a eh gdawel teara english

لسه مانزلش .. انا روحت الكلية بنفسي وشوفت هناك مالقيتش أي جداول متعلقة

حتى تقسيم الاسماء بتاعة المجموعات كمان لسه مانزلش .. يا ينزل بكرة الخميس ان شاء الله او أول دراسة

فين مجموعة 2-د ملهاش جدول

فيييييييييييييييييييييين ثانية - د ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اية محدش رد لية انا سالت هو مجموعة ج مالهاش جيم 2 ؟

ليها جدول طبعاً .. بس ماعرفتش اشوفه .. الجدول محطوط بطريقة غبية جدااااااا

بحيث ان عشان الواحد يشوفه لازم ينام في الارض عشان يعرف ينقله !!

مش مصدقني روحوا وشوفه بنفسكوا

vampire1188

30-09-2009, 09:06 PM

انا عايزه اعرف انا دخلت متميزه ولا لا اعرف منين قبل ما ادخل لان لو دخلت هيبقي محاضراتي متاخره بدل ما انزل من الصبح وانا محضراتي الساعه 5

تروحى بكرة (الخميس) .. او تروحي اول يوم ان شاء الله بدري

وتسألى في شئون أولى "انتظام" ان كنتى اتقبلتى أو لأ

vampire1188

30-09-2009, 09:09 PM

يا فامبير انا عايزاة ااعرف حاجة هو نظام التقسيم لي مجموعة 1 و2يعني انا اولي تجارة مجموعة ب هل ليا حرية الاختيار اني احضر في ب1 او ب2 ولا لاء

مانا قولت لغاية دلوقتى انا شايف ان الموضوع اختيارى

الا اذا اتخذوا اجراءات حاسمة في حكاية الحضور دي

( اقري المشاركة رقم 26 في اول الصفحة )

ahmedal3mda

30-09-2009, 09:11 PM

بقولك اية يافمبير اول يوم احنا بنخش الساعة كام واية النظام

روان 2010

30-09-2009, 09:20 PM

انا ساكنه بعيد انا قدمت مميزه اعرف اتقبلت ولا لا منين لاني عايزه اعرف انا انهي مدرج ولا مميزه لان مواعيد المحضرات مختلفه خالص لان اول محاضره مميزه الساعه 11.5 والمدرج الخاص بحرفي الساعه 5 بليل الفرق كبير

vampire1188

30-09-2009, 09:21 PM

بقولك اية يافمبير اول يوم احنا بنخش الساعة كام واية النظام

الجامعة بتفضل فاتحة من الساعة 7 الصبح لغاية 8 بالليل

المحاضرات بتبدأ من 8 الصبح وآخر محاضرة بتنتهي 8 بالليل

طبعاً انتا مش في مدرسة عشان يبقي ليك ميعاد محدد تخش فيه الجامعة وتخرج منها !!

اللي بيحصل ان انتا ليك حرية دخول الجامعة في اي وقت وطبعاً الأمن مش هايقدر يقولك حاجة

لكن انتا بيبقي ليك جدول محاضرات .. الجدول دا فيه مواعيد معينة ..

المفترض انك تكون متواجد في الجامعة طبقاً للمواعيد اللي موجودة في جدولك دي

روان 2010

30-09-2009, 09:23 PM

معلش انا هتقل عليكوا ردوا عليا لاني محتاره جدا وكمان جدول المحاضرات اللي علي موقع الكليه دا اخر جدول

vampire1188

30-09-2009, 09:23 PM

انا ساكنه بعيد انا قدمت مميزه اعرف اتقبلت ولا لا منين لاني عايزه اعرف انا انهي مدرج ولا مميزه لان مواعيد المحضرات مختلفه خالص

الوحيد اللي تقدري تعرفي منه اتقبلتي ولا لأ هوا شئون الطلبة .. والله انا مش هاقدر افيدك

انا لو اعرف افيدك كنت قولتلك ووفرت عليكي المشوار .. بس دي كشوفات خاصة بشئون الطلبة

زي ماقولتلك تروحي للشئون وتسأليهم بنفسك

وكمان جدول المحاضرات اللي علي موقع الكليه دا اخر جدول

عشان تبقي عارفه بس ..

موقع الكلية دا هوا اخر حاجة تقدري تفكري فيها عشان تاخدي خدمات منهم :angry2:

واللي على موقع الكلية دا يبقى جدول محاضرات السنة اللي فاتت !!

الحاجة الوحيدة اللي تستنيها على الموقع الفقر دا

هوا النتيجة بتاعة الترم او اخر السنة .. غير كدا انسى :(

ahmedal3mda

30-09-2009, 09:24 PM

الجامعة بتفضل فاتحة من الساعة 7 الصبح لغاية 8 بالليل

المحاضرات بتبدأ من 8 الصبح وآخر محاضرة بتنتهي 8 بالليل

طبعاً انتا مش في مدرسة عشان يبقي ليك ميعاد محدد تخش فيه الجامعة وتخرج منها !!

اللي بيحصل ان انتا ليك حرية دخول الجامعة في اي وقت وطبعاً الأمن مش هايقدر يقولك حاجة

لكن انتا بيبقي ليك جدول محاضرات .. الجدول دا فيه مواعيد معينة ..

المفترض انك تكون متواجد في الجامعة طبقاً للمواعيد اللي موجودة في جدولك دي

انا عارف الكلام دة بس كنت بسأل على اول يوم بس علشان انت كنت بتقول لحد ابقى تعالى اول يوم بدرى قبل المحاضرات

روان 2010

30-09-2009, 09:28 PM

جزاك الله خيرا استاذ فامبير

vampire1188

30-09-2009, 09:29 PM

بس كنت بسأل على اول يوم بس علشان انت كنت بتقول لحد ابقى تعالى اول يوم بدرى قبل المحاضرات

دا كان عشان هيا في المميزة ومش عارفه هيا اتقبلت ولا لأ ..

فابقولها روحي بدري عشان تعرفي ..

لكن طالما انتا عارف مجموعتك وجدولك يبقي خلاص كدا

التؤمان

30-09-2009, 10:00 PM

هو ينفع احضر فى ا1وا2 بحيث ما افضلش للساعة 8 باليل ؟ يعنى مثلا السبت والاحدو الاربعاء لان الدكاترة هم هم ؟

vampire1188

30-09-2009, 10:17 PM

هو ينفع احضر فى ا1وا2 بحيث ما افضلش للساعة 8 باليل ؟ يعنى مثلا السبت والاحدو الاربعاء لان الدكاترة هم هم ؟

السؤال دا والله العظيم انا ذات نفسي بسأله ..

يااااااااااا جماعة انا مش بدعى ان انا ابو العريف وان انا عارف كل حاجة ..

انا كل اللي بعمله ان الخبر اللي بيجيلي بعرفهولكوا مش اكتر

وانا لغاية دلوقتى الخبر اللي واصلنى ان الحضور اختياري (حتى مع وجود التقسيم الجديد)

وانا شرحت ليه الحضور اختياري قبل كدا

أي مستجدات بقى هاتيجي خلال اليومين الجايين دول اكيد ان شاء الله هاتعرفوها

حتى لو المستجدات دى خالفت الكلام اللي انا بقوله دلوقتى

التؤمان

30-09-2009, 10:52 PM

اية رايك فى الدكاترة اللى انا هكتبهالك دى (على الديب، عادل زايد،عادل امين، احمد الزاملى،مجدى نصار،فوزى مدكور،ابراهيم مرجان،عاطف نجد،شوقى بشادى)

vampire1188

30-09-2009, 11:11 PM

على الديب،

راجل برنس .. دا ماسك وكيل الكلية كمان .. بس عموما امتحاناته تمام وراجل تمام التمام يعني

عادل زايد

جامد اخر حاجة .. شرحه فوق الممتاز .. ودكتور كوميدي جدا وزي العسل ..

وشخصيته جامدة ماشاء الله .. اداني في سنة اولي ادارة وجيبت معاه جيد جدا

غير كدا كمان هوا ماسك نائب رئيس الجامعة .. يعني اعملولوا حساب شوية

عادل امين،

ماعرفوش

احمد الزاملي

راجل ممل .. ورغاى .. وخنيق .. بس امتحاناته كويسة ..

ادانى في سنة اولي برده وجيبت معاه 14 http://l.yimg.com/us.yimg.com/i/mesg/emoticons7/47.gif ..

بس الحمدلله ان انا اساسا جيبت الدرجة دي في ظل الظروف المنيلة اللي انا كنت فيها

المهم .. الراجل دا بينزل تطبيقات (كتاب تمارين يعني) فيه سين وجيم للمنهج كله ..

ركزى عليه اوي عشان 80% من الامتحان بييجي منه

مجدى نصار

راجل زي العسل وامتحاناته تمام التمام وشرحه ميه ميه ودرجاته كويسة ..

بس يعيبه صوته المزعج مش اكتر

غير كدا لابس نضارة عجيبة اوي .. نضارة نظر وشمس في نفس الوقت ..

فيها عدستين !! حاجة تضحك بجد

فوزى مدكور،ابراهيم مرجان،عاطف نجد

ماحدش فيهم درسلي .. بس اكيد يعني سمعت اسمائهم قبل كدا

شوقى بشادى

دا اقل مايقال عنه انه راجل تيت .. (تيت دي تشمل اي شتيمة تطرأ على بالك مهما كانت درجة قباحتها)

يعني بجد انا مش عايز احبطك .. لكن غالباً نص الدفعة عندكوا هاتشيل المحاسبة بإذن الله

عشان دا دكتور معقد .. شرحه زبالة .. كتابته في المحاضرة ازبل .. بيطرد طلبة كتير اوي على أتفه الاسباب

يعني بجد ربنا يكون في عونكوا معاه السنة دي

واحد زي دا ماعتمديش على شرحه من الاخر .. وانا بقولهالك اهو من دلوقتى

يستحسن كمان توفري على نفسك حضور محاضرته .. لإنك اصلا مش هاتفهمي حاجة منه

اعتمادك كله يبقي على الله ثم على ملازم الشرح اللي بتتباع بره في المكتبات بقى

لكن هاتعملي فيها مجتهدة وانك تحضريله وتتعبي نفسك وتكتبي ..

والله العظيم ماهاتخدي غير وجع الدماغ وحرقة الدم وبس .. دا اساسا خسارة فيه ان الواحد يحضرله

التؤمان

30-09-2009, 11:23 PM

طب شوقى بشادى دا سيبك منة هو مينفعش اخد سكاشن او دروس مع اى حد غيرة وبلاش المحاضرات دى خالص زى ما انت قلت

nerry

30-09-2009, 11:40 PM

we rb3a malhash gdwal leh we sana tnya d2 malhash

vampire1188

30-09-2009, 11:41 PM

طب شوقى بشادى دا سيبك منة

أسيبني منه ازااااااي .. ماهو هوا دا اللي هايحطلك الامتحان وهوا دا اللي هايصححلك ورقتك

منه لله البعيد .. دا ضيع عليا سنة بحالها كنت ممكن احولها لانتظام ..

سقطنى فيها .. لا وايه انتقم كمان وادانى فيها 6 .. عشان ماخدش فيها درجات رأفة ..

اسكتي والنبى احسن دانا كل مافتكر اقعد ادعى عليه وربنا http://l.yimg.com/us.yimg.com/i/mesg/emoticons7/109.gif

هو مينفعش اخد سكاشن او دروس مع اى حد غيرة وبلاش المحاضرات دى خالص زى ما انت قلت

فيه سكاشن بره بتاعة شرح برده .. بس بتبقي بفلوس طبعا ..

على حسب المعيد وعلى حسب عدد الطلبة في المجموعة الواحده وكدا

غير كدا كمان انتوا ليكوا اصلا سكاشن في الكلية ذات نفسها .. بس المعيدين بتوع الكلية هما اللي بيشرحوا

طبعا هاتقوليلي طب ازاي المعيد هايشرح والدكتور بيشرح برده .. طب مانا اسمع للدكتور انفض للمعيد

هاقولك اللي بيحصل ان الدكتور بيسيب بعض الجزئيات "الغبية والتقيلة" للمعيد عشان يشرحها في السيكشن

عشان انتوا كطلبة غصب عنكوا تحضروا للمعيد وتسمعوا منه .. والا كدا يبقي المعيد مالوش لازمة

اهو المهم خلاصة الموضوع .. فيه سكاشن ودروس بره بيتشرح فيها المحاسبة والرياضة وكل المواد

بس طبعا انتي مش هتحتاجي شرح غير في المواد العملي بس "رياضة ومحاسبة" ..

وكدا كدا دكتور علي الديب كويس في الرياضة فامش هتحتاجي درس ..

لكن اللي فعلا هاتتعبي فيه بجد هيا المحاسبة

في ظل وجود الكائن الحي اللي اسمه شوقي بشادي دا

بجد والله انا مش بقولك كدا عشان هوا شيلنى المادة

لأ دا هوا فعلا فظيع .. حتى اسألى الناس بتوع مجموعة هـ السنة اللي فاتت

تقريبا نص الدفعة برده شالت المادة دي .. فانا نصحتك وخلاص .. عايزة تاخدي بنصيحتي يبقي تمام

مش عايزة وهاتعتمدي على نفسك .. هاتتعبي وممكن تعدي فيها وممكن لأ

vampire1188

30-09-2009, 11:43 PM

we rb3a malhash gdwal leh we sana tnya d2 malhash

جداول سنة رابعة للأسف انا ماحلقتش اجيبها والله ..

الظابط كان موقفني اصور الجداول بالعافية اصلا

وبالنسبة لجدول سنة تانية د ..

فانا ماعرفتش انقله عشان الجدول محطوط بطريقة غبية وماحدش يعرف يشوفه اصلا

فامعلش سامحونى بقى لو فيه جداول ناقصة

التؤمان

30-09-2009, 11:46 PM

ومين احسن معيد او دكتور بيدى محاسبة اقدر اخاد معاة

nimooo

30-09-2009, 11:56 PM

بلييييييييييييييييييييييييز حد ير عليا و يقولي جدول قسم اللغة الانجليزية نزل و لا لأ ارجوكم حد يرد عليا

vampire1188

30-09-2009, 11:57 PM

ومين احسن معيد او دكتور بيدى محاسبة اقدر اخاد معاة

بصي .. فيه معيدين جوا الجامعة .. وفيه بره الجامعة

المعيدين اللي جوا الجامعة صراحة وعن تجربة .. فيه واحد اسمه هيثم أحمد ..

دا اسمراني شوية كدا وطويل .. بجد والله الراجل دا شرحه فوق الممتاز

اسألى عليه لو عايزة تاخدي معاه .. انا ماعرفش صراحة ازاي توصليلهم ..

بس الراجل دا كان حظي حلو معاه لانه كان بيدرسلي في سيكشن الاكاونتنج في الترم التاني ..

وكان شرحه ماشاء الله عليه

اما بالنسبة للي بره الجامعة .. فانتي عندك اتنين اشهر من نار على علم

عمرو شيحة و محمود عبد الكريم .. الاتنين دول اساسا بيطحنوا في بعض في حكاية الدروس دي

بس محمود عبد الكريم احسن .. بس هاتتلاقي دروسه غالية شوية

عموماً بصي .. انتي كدا كدا اول ماهاتخشي الكلية وتحضري في المدرج بتاعك

هاتتلاقي ناس من المكتبات بتاعة بره هايخشوا عليكوا المدرج

ويفضلوا يعملوا في اعلانات ويوزعوا عليكوا عينات من المحاضرات عشان تشتروها وكدا

فانتي شوفي مين المكتبة المشهورة اللي بتعمل ملازم لمجموعتك دي ..

واطلعيلهم واستفسري منهم على سكاشن الدروس بالتفصيل ..

وشوفي اسعارهم ايه وفاضلى مابينهم ومابين الناس التانية

وان شاء الله ربنا يجيب اللي فيه الخير

vampire1188

30-09-2009, 11:59 PM

بلييييييييييييييييييييييييز حد ير عليا و يقولي جدول قسم اللغة الانجليزية نزل و لا لأ ارجوكم حد يرد عليا

لسه مافيش اي جداول نزلت لتجارة انجليزي خااااالص ..

اول ماتنزل ان شاء الله هاتتلاقيها هنا ع المنتدي

التؤمان

01-10-2009, 12:01 AM

معلش يا فاميبر لو شوقى بشادى بيدرسلى علشان اتلاشى ممكن اخد معاة درس او سكشن اصل انا مبحبش الاغبية

nimooo

01-10-2009, 12:03 AM

طب فامبير في أمل تنزل بكرا و لا لو رحت هروح ع الفاضي و مش هلاقيها نزلت بردوا

nimooo

01-10-2009, 12:21 AM

احم احم احم سوري انا عارف سألت كتير بس معلش حد يرد عليا لان انا صعب اروح جامعة بكرا بس لو جدول هيزل هروح بس شفت ناس هنا ع النتدى كاتبة ان جدول قسم انجليزي مش هينزل الا مع بدأ الدراسة فعايز ة اعرف يعني مفيش امل ينزل بكرا

مانى كتكوتة

01-10-2009, 12:23 AM

طب انا تالتة مجموعة متميزة فين جاولنا

newlife

01-10-2009, 12:24 AM

لوسمحت عاوزين جدول اعداى فنون جميلة فنون جامعة حلوان

مانى كتكوتة

01-10-2009, 12:24 AM

جداول المجموعة المتميزة لتالتة فين

مانى كتكوتة

01-10-2009, 12:26 AM

ارجوكم ردوا علية فين جداول تالتة متميزة

vampire1188

01-10-2009, 12:35 AM

طب فامبير في أمل تنزل بكرا و لا لو رحت هروح ع الفاضي و مش هلاقيها نزلت بردوا

صدقنى مش هاتفرق كتير لو روحت بكرة او روحت اول يوم دراسة

لإن راعى كمان ان كشوفات توزيعات الاسماء على الجروبات بتاعة سنة اولي لسه مانزلتش

وبالتالي مافيش جداول لسه .. لإن استحالة الجدول ينزل من غير ما الطالب يعرف مجموعته ايه

وبالتالي برده استحالة جدول اولي ماينزلش وجداول الفرق التانية هيا اللي تنزل

غاااالباً الجدول مش هاينزل الا في اول يوم دراسة ..

وحتى لو روحت بكرة ومالقيتش الجدول هاتدب مشوار ع الفاضي .. يبقي روح في اول يوم احسن

على الاقل على لو عندك محاضرات في اليوم دا يبقي خير وبركة .. ماعندكش اهو قضيها وخلاص

طب انا تالتة مجموعة متميزة فين جاولنا

جداول تالته متميزة للأسف مالحقتش اصورها عشان كان فيه ظابط واقف مستنيني عشان امشي

حظك وحش والله

vampire1188

01-10-2009, 12:39 AM

معلش يا فاميبر لو شوقى بشادى بيدرسلى علشان اتلاشى ممكن اخد معاة درس او سكشن اصل انا مبحبش الاغبية

مافيش دكاترة يابنتى بيدوا دروس في الكلية عندنا طبعاً

اصل معنى انك تاخدى درس معا دكتور دا اربع حاجات

1- ان انتى مش عاجبك شرحه في المحاضرة

2- ان انتى عايزة تميزى نفسك عن باقى زمايلك

3- انه يبقى تحت طوعك عشان انتي دافعه فلوس وهوا بيديكي درس

4- لو احتمال 1% الكلام دا حصل .. درسه هايبقي غالي جدا

وممكن يوصل لألف جنيه ومش هايقبل كمان !!

nimooo

01-10-2009, 12:39 AM

صح بس على فكرة ي مان تقسيم المجموعات نزل من شوية على موقع جامعة القاهرة انا لسة شايفه و عرفت مجموعتي بس جدول للأسف منزلش

بالرمو

01-10-2009, 12:40 AM

شكككككككككككككككككككككككككككككككرااااااااااااااااا ااااااا كتير يا نجم

nimooo

01-10-2009, 12:41 AM

اية ده بجد مفيش دكاترة بتدي دروس في كلية و لا حتا المعيدين

vampire1188

01-10-2009, 12:46 AM

صح بس على فكرة ي مان تقسيم المجموعات نزل من شوية على موقع جامعة القاهرة انا لسة شايفه و عرفت مجموعتي بس جدول للأسف منزلش

اه فعلا عندك حق .. حتى اللينك اهو .. انا لسه برده شايفه

http://results.commerce.cu.edu.eg/enggroups.aspx

طالما كدا يبقي احتمال كبير الجداول تنزل بكرة .. لكن الله اعلم بقي

ايه ده بجد مافيش دكاترة بتدي دروس ولا حتى معيدين

لا فيه معيدين بس .. لكن دكاترة استحالة طبعا

انتا مش في ثانوي .. خلاص دي مرحلة وعدت .. انتا كبرت ودخلت جامعة

nimooo

01-10-2009, 12:53 AM

هاهاهاهاها يلا اهو ثانوي وراح
شكراااااااااااااااااااااااااا جدااااااااااااا انك رديت بجد ميرسي
بس ياريت اول متنزل جدوال تنزلوها

انجى ماجد

01-10-2009, 02:13 AM

طب انا رابعة فين الجدول انا مرعوبة وحياتكم حد يطمنى دى اخر سنة والواحد مرعووووووووووووووووب

مانى كتكوتة

01-10-2009, 10:40 AM

مانى كتكوتة

01-10-2009, 10:42 AM

طب هل بعد كدا حترفعوا الجدول بتعانا يعنى لللمجموعة المتميزة وهل حترفعوا برضوا محاضراتنا زى المجموعات الاخرى

engy hamed

01-10-2009, 10:57 AM

شكرا جدا على المجهود الرائع فى الموقع

maramero1

01-10-2009, 12:39 PM

فين جداول سنة رابعة؟

tefa lover

01-10-2009, 01:36 PM

الف شكر يا باشا بس هو فين جدول تجاره انجليش ياريت تعرفهلنا

مصطفي رافت

01-10-2009, 01:48 PM

مشكورررررررررررررررررررررررررررررررررررررررررررررر ررررررررررررررررررررررررررررررررررررررر

حبيبة القلب

01-10-2009, 02:44 PM

ممكن اعرف جدول تجاره انجيليزى الفرقه الاولى هينزل امتى

شيري22

01-10-2009, 05:08 PM

كل عام وانتم بخير:o:bosyht9:;):006et4:

bakaleeto

01-10-2009, 07:09 PM

والنبى يارييييت جدول محاضرات الفرقه الاولى تجاره بكليه حلوان انتظام والنبى النهارده الخميس والجامعه السبت ياريت بسرعه قبل دخول الجامعه

مايا 55

01-10-2009, 07:18 PM

انا علي كلامك هبقي فرقه اولي مجموعه ب 2
ادعيلي ربنا يوفقني احسن انا خايفه موت وحاسه اني مش هعرف اى حاجة فـ اى حاجة :(

bakaleeto

01-10-2009, 07:22 PM

ليلي ماجد حنا

01-10-2009, 07:28 PM

فاففقاىغاااااااااااااااااااااااااااااااااااااااااا اااااا

maramero1

01-10-2009, 07:31 PM

منكن جدول الفرقة الرابعة قسم محاسبة مجموعة د 1

مايا 55

01-10-2009, 07:34 PM

مش راضي يتحمل عندي مش عارفه ليه :(

مايا 55

01-10-2009, 07:35 PM

تيب ممكن بليز لو عرفت تجبلي الفرقه الاولي مجموعه ب (2)

mrmr18

01-10-2009, 07:42 PM

السلام عليكم يا جماعة
انا عضو جديد فى المنتدى
ومش عارفة اجيب الجدول
ممكن حد يقوللى ازاى اجيبة
وشكرا

يارا احمد

01-10-2009, 08:27 PM

vampire1188

01-10-2009, 08:27 PM

شكرا جدا انك رديت عليه ولكن انا كل ما ادخل اى موقع مافيش اهتمام لينا خالص ولا اى شىء لينا خالص للمجموعة المتميزة لتجارة القاهرة طب نعمل ايه احنا يعنى بعد كدا فارجو الاهتمام بينا شوية زى المجموعات الاخرى لو سمحتم

جدول المميزة كان قدامي والله .. بس ماعرفتش اشوفه ..

الجدول محطوط بطريقة مش كويسة بحيث ان ماحدش يعرف يشوفه اساساً !

طب هل بعد كدا حترفعوا الجدول بتعانا يعنى لللمجموعة المتميزة وهل حترفعوا برضوا محاضراتنا زى المجموعات الاخرى

أكيد ان شاء الله هاينزل ع المنتدي

الف شكر يا باشا بس هو فين جدول تجاره انجليش ياريت تعرفهلنا

ممكن اعرف جدول تجاره انجيليزى الفرقه الاولى هينزل امتى

انا روحت النهارده الكلية وشوفت مالقيتش اي جداول لتجارة انجليزي نزلت ..

انتظروها اول يوم دراسة وعليكوا خير بقى

vampire1188

01-10-2009, 08:30 PM

بعد اذنك يا فامبير تقسيم مجموعات تجاره اجليش القاهره نزل ع الموقع الرسمي بتاعهم بالنسبه لجدول المحاضرات انا كنت انهرده في الكليه مافيش حاجه نزلت والراجل قالي انهرده بالليل ع النت لو سمحت يا فامبير اما تنزل ارفعهلنا عشان الموقع بتاع الجامعه مافيهوش حاجه و موقع شباب تجاره مش بيجع وبيقولي ايرور

ماهو انا برده النهارده كنت في الكلية .. وياريتني ماروحت .. عربية خبطتني http://l.yimg.com/us.yimg.com/i/mesg/emoticons7/2.gif

والجداول برده لسه مانزلتش بتاعة انجليش ..

ان شاء الله لو وصلنى خبر انها نزلت اكيد هاتتلاقيها مرفوعة هنا من غير ماتطلبي يعني

ahmedal3mda

01-10-2009, 08:36 PM

ماهو انا برده النهارده كنت في الكلية .. وياريتني ماروحت .. عربية خبطتني http://l.yimg.com/us.yimg.com/i/mesg/emoticons7/2.gif

والجداول برده لسه مانزلتش بتاعة انجليش ..

ان شاء الله لو وصلنى خبر انها نزلت اكيد هاتتلاقيها مرفوعة هنا من غير ماتطلبي يعني
الف سلامة عليك مش علشان الجداول تضيع نفسك اكيد مابصتش يمين وشمال ابقى خلى بالك بعد كدة

يارا احمد

01-10-2009, 08:39 PM

عربية خبطتني
يا ساتر يا رب وانت كويس يعني دلوقتي
ان شاء الله لو وصلنى خبر انها نزلت اكيد هاتتلاقيها مرفوعة هنا من غير ماتطلبي يعني
شكرا

vampire1188

01-10-2009, 08:52 PM

الف سلامة عليك مش علشان الجداول تضيع نفسك اكيد مابصتش يمين وشمال ابقى خلى بالك بعد كدة

الله يسلمك يا حمادة .. واحد اعمي ياعم مابيشوفش قام خابطني في ركبتى

والمهم ان انا جاي في وشه وشايفني .. وقام خابطنى من الجنب .. بس يالا خير خير ان شاء الله

يا ساتر يا رب وانت كويس يعني دلوقتي

اه الحمدلله بس ركبتى وارمة شوية .. بس اهو بعرف امشي الحمدلله

اللي يضحك في الموضوع انى اساسا كنت خارج من مستشفي الطلبة

عشان كنت بكشف على نفس الرجل اللي اتخبطت

وجاي وانا خارج .. اتخبطت فيها تاني .. حظي نحس فيها الرجل دي والله

ahmedal3mda

01-10-2009, 08:54 PM

الله يسلمك يا حمادة .. واحد اعمي ياعم مابيشوفش قام خابطني في ركبتى

والمهم ان انا جاي في وشه وشايفني .. وقام خابطنى من الجنب .. بس يالا خير خير ان شاء الله

اه الحمدلله بس ركبتى وارمة شوية .. بس اهو بعرف امشي الحمدلله

اللي يضحك في الموضوع انى اساسا كنت خارج من مستشفي الطلبة

عشان كنت بكشف على نفس الرجل اللي اتخبطت

وجاي وانا خارج .. اتخبطت فيها تاني .. حظي نحس فيها الرجل دي والله

اكيد حد بصلك فى الكشف دة ربنا يستر

mrmr18

01-10-2009, 09:02 PM

لوسمحت يا فامبير
ممكن حضرتك تقوللى ازاى اشوف الجدول
عشان كل اما بدوس عليه مش بيظهرلى
حاجة
من فضلك رد عليا بسرعة

ahmedal3mda

01-10-2009, 09:32 PM

لوسمحت يا فامبير
ممكن حضرتك تقوللى ازاى اشوف الجدول
عشان كل اما بدوس عليه مش بيظهرلى
حاجة
من فضلك رد عليا بسرعة
اضغتى على الفرقة بتاعتك من المرفقات وهيظهر التحميل على طول

ahmedal3mda

01-10-2009, 09:33 PM

لوسمحت يا فامبير
ممكن حضرتك تقوللى ازاى اشوف الجدول
عشان كل اما بدوس عليه مش بيظهرلى
حاجة
من فضلك رد عليا بسرعة
على فكرة يافمبير الجدول اللى فى المرفقات مش شغال يايرت تشوفة علشان الناس اللى عايزة تحملة

mr honda

01-10-2009, 11:42 PM

111111111111111111110

عمر مصطفى احمد

02-10-2009, 12:04 AM

يارا احمد
لو سمحتى
هو انتى من كفر الشيخ

يارا احمد

02-10-2009, 12:39 AM

هو انتى من كفر الشيخ
ده يشرفني
بس لا انا من القاهره

rana emara

02-10-2009, 01:26 AM

كل عام وانتوا بخير يا شباب ويا بنات تجارة

وزي ماوعدناكوا وفينا بالوعد

حـــصـــريـــــــاً

وقبل اي موقع تاني

جدول المحاضرات الرسمى لجامعة القاهرة للعام الدراسى
2009/2010

ملحوظة بسيطة بس

يُـــقـــال ان الجداول لسه فيها تعديلات

احب اقول بس ان الجداول الموجودة هنا دى اللي متعلقة حالياً فى الكلية

يعنى انا مش جايب جداول من بيتنا

وبالتالى أى تعديل هايحصل ان شاء الله هايكون فيه نسخة معدلة من الجداول

هايتم رفعها هنا

التحميل من المرفقات

شكرا يا معلم

مايسه احمد فكرى

02-10-2009, 01:41 AM

شكراااااااااااااااا

kanoute

02-10-2009, 03:36 AM

mersssssssssiiiiiiiiiiiiiiiiiiiiiiiiiiiiiiiii

doody2

02-10-2009, 08:48 AM

ازيك يافامبير
اكيييد نسيتني انا كالعادة هموت واعرف ايه اخبار الدكاترة اللي بتديني :o
انا ولت انتظام وفي مجموعه ج1
والدكاترة بتوعي:(
د/وائل قرطام
د/سنيه توفيق
د/احمد الصباغ
د/فوزي مدكور
د/سامي السيد
بلييييييييز يافامبير قوللي ايه اخبارهم يعني كويسين ولا زي المحمدي كدة :angry2:

همسه حنين

02-10-2009, 01:45 PM

ياجماعه انا عايزه جدول الفرقه التانيه انتظام ا واسمى اميره عايزه اعرف انا ا1 ولا ا2

akoty pop

02-10-2009, 01:55 PM

مشكوووووور

michael miko

02-10-2009, 01:58 PM

الجداول مش راضية تتحمل من على المرفقات:friendsxs3::friendsxs3:

mohammedabbas_2020

02-10-2009, 02:11 PM

امال فين جداول الفرقه الرابعه

دودي&

02-10-2009, 02:35 PM

لو سمحت المرفقات مش شغالة

kareem mounir

02-10-2009, 02:47 PM

thanxxxxxxxxxxxxxxxxxxxxx

rubineye

02-10-2009, 03:08 PM

merciiiiiiiiiii awee

vampire1188

02-10-2009, 03:46 PM

ازيك يافامبير اكيييد نسيتني انا كالعادة هموت واعرف ايه اخبار الدكاترة اللي بتديني

عيب عليكي انسى ازاي بس .. لا طبعاً فاكرك ..

مبروك النجاح في سنة اولي وانك حولتى انتظام ..

شدي حيلك بقى سنة تانية تقيلة وعايزة مذاكرة

والدكاترة بتوعي:(
د/وائل قرطام
د/سنيه توفيق
د/احمد الصباغ
د/فوزي مدكور
د/سامي السيد
بلييييييييز يافامبير قوللي ايه اخبارهم يعني كويسين ولا زي المحمدي كدة :angry2:

ماعرفش فيهم كلهم غير احمد الصباغ وسامي السيد

احمد الصباغ راجل سئيل وممل ..

شرحه كويس اه بس دايما شغال بنظام الفلاشا واللاب توب والحوارات التعبانه دي

شوفته في مرة قبل كدا كان بيدي مجموعة د في سنة تانية السنة اللي فاتت .. واتخنقت منه

اما سامى السيد فاهوا راجل محترم جداً ..

وشرحه ميه ميه وان شاء الله ربنا يكرمك وتجيبي تقدير كويس معاه

اما باقي الدكاترة ماكدبش عليكي ماعرفش نظامهم ايه ..

هوا انا اسمع عن فوزي مدكور دا كتير .. بس ماعرفوش صراحة

cr777

02-10-2009, 04:05 PM

thaaaaaaaaaaaaaaaaaanx

beautyrose

02-10-2009, 04:58 PM

جداول تجاره انجلش فين يا جماعه الفرقه الاولى

احمد 1992

02-10-2009, 05:01 PM

معلش بقى يا فامبير بما انك الخبرة بتاعتنا هنا ممكن بعد ازنك تقول معلومات عن الدكاترة دى لو ما فيهاش رزالة يعنى
1- مصطفى عبد الغنى
2- احمد جلال فهمى
3- اميرة فؤاد
4- احمد الزاملى
5- مجدى نصار

lotfy31

02-10-2009, 06:03 PM

مشكورررررررررررررررررررررر

EL naser 80

02-10-2009, 06:17 PM

سلام عليكم

شكرا ليك يا اخ فامبير على مجهودك

بس ليا رجاء ياريت .. جداول الفرقه الرابعه انتظام كليه تجارة جامعه القاهرة وتقسيمها

عشان بنت عمى بتعمل عمليه ومش هتقدر تعرفها الفترة اللى جايه خالص ولا تنزل الكليه حاليا

وياريت لو جدول السكاشن كمان نزل أو حتى مواعيدها بتبقى ايه من خلال خبرتك فى الكليه دى

لآن انا معرفش عنها حاجه لآنى خريج جامعه عين شمس

شكرا ليك يا صديقى مرة تانيه

وبالتوفيق ليك ولباقى الطلبه

midoghany

02-10-2009, 07:35 PM

مشششششششششكور

vampire1188

02-10-2009, 07:40 PM

يا جماعة
المرفقات انا لغيتها عشان كان فيها عيوب
زائد كمان ان انا كدا برخم على الناس اللي مش عاملة عضوية
فاقولت الغيها احسن وارفعها على لينكات عادية (شوفتوا انا حلو ازاي ;))
المهم .. اللينكات دلوقتى شغاله تمام وميه ميه
وجميع الفرق موجودة والحمدلله
بما ضمنهم الفرقة الرابعة والمجموعات المميزة
كل عام وانتوا بخير وكل سنة وانتوا طيبين

ahmedal3mda

02-10-2009, 07:42 PM

يا جماعة

المرفقات انا لغيتها عشان كان فيها عيوب
زائد كمان ان انا كدا برخم على الناس اللي مش عاملة عضوية
فاقولت الغيها احسن وارفعها على لينكات عادية (شوفتوا انا حلو ازاي ;))
المهم .. اللينكات دلوقتى شغاله تمام وميه ميه
وجميع الفرق موجودة والحمدلله
بما ضمنهم الفرقة الرابعة والمجموعات المميزة

كل عام وانتوا بخير وكل سنة وانتوا طيبين

بالتوفيق للجميع والى الامام دائما

vampire1188

02-10-2009, 07:43 PM

بس ليا رجاء ياريت .. جداول الفرقه الرابعه انتظام كليه تجارة جامعه القاهرة وتقسيمها

بالنسبة لجداول الفرقة الرابعة فانا لسه رافعها حالاً من شوية طبقاً لآخر تعديل

بالنسبة لتقسيم المجموعات .. حضرتك تقدر تخش ع اللينك دا وانتا تعرف التفاصيل كلها

http://thanwya.com./vb/showthread.php?t=157137

وياريت لو جدول السكاشن كمان نزل أو حتى مواعيدها بتبقى ايه من خلال خبرتك فى الكليه دى

أكيد ان شاء الله .. بس السكاشن لسه مش دلوقتى .. قدامك كمان ييجي شهر كدا وتبدأ

روان 2010

02-10-2009, 08:13 PM

ممكن اعرف فين اللينكات دي عشان اعرف مجموعتي

روان 2010

02-10-2009, 08:17 PM

بليز حد يرد عليا لان خلاص الكليه بكره وعاوزه اعرف ميعاد اول محاضره لو حد هنا مميزه ممكن يقولي عرف منين انا ام مميزه لو اتقبلت او مجموعه د2

vampire1188

02-10-2009, 08:28 PM

بليز حد يرد عليا لان خلاص الكليه بكره وعاوزه اعرف ميعاد اول محاضره لو حد هنا مميزه ممكن يقولي عرف منين انا ام مميزه لو اتقبلت او مجموعه د2

قبولك في المميزة بتعرفيه من خلال شئون الطلبة .. روحي لشباك شئون الطلبة بتاع سنة اولي "انتظام"

واسأليهم انتي اتقبلتي ولا لأ .. هايقولك انتي جيبتي كام في الثانوية العامة ؟ ..

هاتقوليله المجموع .. هايقولك انتي اتقبلتي او لأ

وماتسألنيش هيا قبلت حد أدنى كام .. لإن انا سألت هناك ومارضيوش يقولولي

ahmedal3mda

02-10-2009, 08:48 PM

بقولك اية يافمبير بكرة هيبقى فى دراسة ولا اية لان النهاردة بتوع الجامعة المفتوحة مقاعدوش فى الجامعة ومشوهم علشان اول محاضرة عندى الساعة 8

mrmr18

02-10-2009, 09:47 PM

ياجماعه انا عايزه جدول الفرقه التانيه انتظام ا واسمى اميره عايزه اعرف انا ا1 ولا ا2

شوفى يا اميرة
تقسيم المجموعة أ
أ(1)==تبدا من حرف أ الى اسلام

أ(2)==تبا من اسماء الى اخر حرف أ

يعنى انت فى أ(2) معايا ان شاء الله

واول محاضراتنا يوم الثلاثاء ان شاء الله

روان 2010

02-10-2009, 10:37 PM

مفيش حد هنا مميزه ولو سمحتو ممكن جدولها بس ممكن سؤال انا لو مدخلتش مميزه هدخل مجموعه د ومكتوب يومين بس ازاي مش فاهمه

احمد فكري عامر

03-10-2009, 08:36 PM

الانتساب اساسا ملهمش محاضرات في الجامعه من زمان بس الداكتره كانوا بيدوا الماحضرات دى جدعانه بس والموضوع ده مش حكايه انفلونزا ولا حاجه

mohawahby

03-10-2009, 08:44 PM

شكراااااااا

بنت تجاره

04-10-2009, 10:01 PM

طب يا جماعه ايه اخبار الكليه بالنسبه للناس اللى حضروا
والجو عامل ايه فى الكليه

التؤمان

04-10-2009, 10:11 PM

الجو عادى خالص ايزى يعنى الدكتور بيخش يشرح ويعرف نفسة هو فية دكاترة شرحوا وناس لا ياريت تقولى انتى مجموعة اية
يمكن اقدر افيدك

Mr.BaND

05-10-2009, 04:14 PM

كان يوم تحفة بصراحة اول يوم

و تعرفت على اصحاب كتير و انا اصلا معايا نص اصحاب مدرستي فى الجامعة

حاجة فل يعني

akoty pop

05-10-2009, 07:29 PM

مشكووووووووووووووووووور

هشام 2000

06-10-2009, 03:36 PM

انا انتساب على فكرة ودخلتها غصب بس مش معنى كده انى اقعد فى البيت واسكت لا انا جايب 85 وفى كتير زى برده يعنى احنا مش وحشين زى ما ناس كتير فاكرة لا بالعكس احنا احسن من انتظام كمان لانن كنا علمى اصلا

أنين المذنبين

06-10-2009, 08:44 PM

مفيش حد هنا مميزه ولو سمحتو ممكن جدولها بس ممكن سؤال انا لو مدخلتش مميزه هدخل مجموعه د ومكتوب يومين بس ازاي مش فاهمه
بصى ياروان انا هحطلك جدول ا وب بس لازم تقوليلى اسمك وجايبة كام عشان اقولك انتى فى انى مجموعة\

مواعيد تجارة مميزة مجموعة ب
السبت
3.5:2 ادارة هشام البيحيرى
5:3.5 سلوكية دعاء رستم

الاحد
12.5:11 محاسبة احمد ابو طالب
2:12.5 موارد امال شاور
3.5:2 رياضة مصطفى عبد الفنى

الاربعاء
12.5:11 موارد امال شاور
2:12.5 ادارة هبه فؤاد

الخميس
12.5:11 محاسبة احمد ابو طالب
2:12.5 سلوكية دعاء رستم
3.5:2 رياضة زينب عبد الحميد

http://thanwya.com./vb/Image1.gif

doody2

07-10-2009, 09:36 PM

عيب عليكي انسى ازاي بس .. لا طبعاً فاكرك ..

مبروك النجاح في سنة اولي وانك حولتى انتظام ..

شدي حيلك بقى سنة تانية تقيلة وعايزة مذاكرة

ميرسي جدا يافامبير انا عارفه علي طول تعباك معايا وميرسي كمان انك لسه فاكرني
والله يبارك فيك الحمد لله انتساب دي كانت حمل تقبل علي قلبي وادعيلنا بقي في سنه تانيه انا عرفت انها صعبه وانت كمان بتاكدلي الحمد لله

ماعرفش فيهم كلهم غير احمد الصباغ وسامي السيد

احمد الصباغ راجل سئيل وممل ..

شرحه كويس اه بس دايما شغال بنظام الفلاشا واللاب توب والحوارات التعبانه دي

شوفته في مرة قبل كدا كان بيدي مجموعة د في سنة تانية السنة اللي فاتت .. واتخنقت منه

اما سامى السيد فاهوا راجل محترم جداً ..

وشرحه ميه ميه وان شاء الله ربنا يكرمك وتجيبي تقدير كويس معاه

اما باقي الدكاترة ماكدبش عليكي ماعرفش نظامهم ايه ..

هوا انا اسمع عن فوزي مدكور دا كتير .. بس ماعرفوش صراحة

طيب الحمد لله الله يبشرك :d اهو احمد الصباغ هو اللي هايفضل معايا وسامي السيد هايتغير ويبقي واحد اسمه هشام
انا عارفه ان انا فقريه:o من زمان ههههههههههههه

vampire1188

09-10-2009, 03:15 AM

ميرسي جدا يافامبير انا عارفه علي طول تعباك معايا وميرسي كمان انك لسه فاكرني

اكيد يعني .. مش زمايل برده وفي كلية واحده

والله يبارك فيك الحمد لله انتساب دي كانت حمل تقبل علي قلبي وادعيلنا بقي في سنه تانيه انا عرفت انها صعبه وانت كمان بتاكدلي الحمد لله

اه .. دي خنيقة جدااااا .. دانا بحمد ربنا اني عديت منها صافي ..

ركزي انتي بس كتير اوي على التسويق والانتاج .. احسن المادتين دول من ارخم مايمكن

لكن باقي المواد لذيذة وخفيفة وان شاء الله تعرفي تجيبي فيهم تقدير كويس

طيب الحمد لله الله يبشرك :d اهو احمد الصباغ هو اللي هايفضل معايا

ربنا يسترها معاكي بقي في مادته دي ..

ابقي حلي التطبيقات بتاعتها كتير عشان المادة دي نصها قيود يومية

روان 2010

09-10-2009, 12:30 PM

doody2

09-10-2009, 07:37 PM

اه .. دي خنيقة جدااااا .. دانا بحمد ربنا اني عديت منها صافي ..

ركزي انتي بس كتير اوي على التسويق والانتاج .. احسن المادتين دول من ارخم مايمكن

لكن باقي المواد لذيذة وخفيفة وان شاء الله تعرفي تجيبي فيهم تقدير كويس

اه والله الحمد لله فعلا انا بردة اول لما خلصت منها قلت الحمد لله دي كل حاجه فيها غلط من معامله لاسلوب الشرح ياللا الحمد لله
انا لسه ماحضرتش تسويق ولا انتاج بس عموما انا ناويه اصلا اني اذاكر كويس ان شاء الله السنادي وبعد كمان ماقولتلي انهم صعبين هاشد عليعم شويه ويارب اجيب تقديرات عاليه في الباقي انا وكل طلبه تجارة ان شاء الله وربنا ان شاء الله هايوفقك علي تعبك معانا كلنا

ربنا يسترها معاكي بقي في مادته دي ..

ابقي حلي التطبيقات بتاعتها كتير عشان المادة دي نصها قيود يومية

[/quote]
يارب والله وان شاء الله احل التطبيقات كويس واحضر السكاشن وربنا يستر

أنين المذنبين

13-10-2009, 05:31 PM

انا متشكره جدا انا خلاص عرفت جدولي بس علي فكره الجدول دا اتغير ومكان محاضراتنا كمان اتغير بس كويس الحمد لله اهم حاجه انه في تكييف وكلنا محترمين ودكتور بيقولنا علي تجاره عاديه انها الصين الشعبيه الحمد لله وشكرا لك جدا ربنا يوفقكم
اه انا اسف انا رفعتلك دى فى الوقت اللى كانت لسة االمور زى ماهى بس الحمد لله مدرج أ ده جميل اوى ومكيف حتى انى والله بسقع وبكون لابس بكم كماان وعلى فكرة اللى قال كدة الصين الشعبية الدكتور هشام البيحيرى وهو استاذ جامد جداااا! ! ! ! وبسى ده الجدول الجديد http://thanwya.com./vb/showthread.php?t=158514

أنين المذنبين

13-10-2009, 05:36 PM

السلام عليكم معلش يا استاذ فامبير ! ! ! متبقاش تقول اى معلومات عن الاستاذه الجامعين عشلن فى طلاب بيتخنقوا منهم ويكرهوا المادة وده مش اللى حنا عايزيمه طبعا احنا عايزين تفاعل تفائل!!!!!مشاركى أليس هذا شعارنا ؟؟؟ ارجو تقبل دعوتى ...يا جماعة مدش يغره انا بكلم فامبير كدة فامبير ده صديق من ايام الجيزة....!!! السلام عليكم

vampire1188

13-10-2009, 09:33 PM

السلام عليكم معلش يا استاذ فامبير ! ! ! متبقاش تقول اى معلومات عن الاستاذه الجامعين عشلن فى طلاب بيتخنقوا منهم ويكرهوا المادة وده مش اللى حنا عايزيمه طبعا احنا عايزين تفاعل تفائل!!!!!

ماشي يا سيدي .. من عنيا

يا جدعاااااااان .. ماحدش يبقي يسألنى تاني عن الدكاترة عشان كريم باشا قال ماحدش يسأل

يا جماعة مدش يغره انا بكلم فامبير كدة فامبير ده صديق من ايام الجيزة....!!!

هههههههههههههه .. بيس يا مان

ahmedal3mda

15-10-2009, 08:50 PM

أنين المذنبين

16-10-2009, 04:11 PM

مافيش مشكلة لما الواحد يعرف عن الدكتور دة مالوش دعوة بحبك للمادة او كراهيتك ليها تمام
السلام عليكم يا اخى انا ما وجهت الكلام لحضرتك انا قولت فامبير لا تتدخل فيما لا يعنيك ارجو منك ذلك

ahmedal3mda

16-10-2009, 08:01 PM

السلام عليكم يا اخى انا ما وجهت الكلام لحضرتك انا قولت فامبير لا تتدخل فيما لا يعنيك ارجو منك ذلك
يابنى دة مجرد رأيى انت واخد كل حاجة بالشكل دة لية

أنين المذنبين

20-10-2009, 09:23 PM

السلام عليكم يا جماعة ان شاء الله بتوع المجموعة المميزة امتحانتهم 11.8 ان شاء الله والله ولى التوفيق

antoo

02-11-2009, 09:15 PM

سانكس يا مااااااااااااااااااااااااااااااااااااااااااااان

زوزو 1990

11-11-2009, 04:39 PM

ديه اول مره ادخل المنتدي واشارك ف موضوع
وبجد شكرا علي مجهودك
بس يارب اقدر اوصل لكل اللي انا عايزاه
وانا بعد إذنك لما احتاج حاجه هاقولك عليها
لاني مش باروح الجامعه غير قليل جدا
وكمان
انا من الفيوم

زوزو 1990

11-11-2009, 04:42 PM

انا في سنه تانيه ب2 ممكحن اعرف انت بتدرس ولا وفي سنه كام

زوزو 1990

11-11-2009, 04:51 PM

يعني ايه تقسيم المجموعه اختياري ياريت تقولي علشان لو كدة احول لمجموعه تتناسب معايا لاني مش بحضر السكاشن بس في حاجه انا خلاص اشتريت الكتب ياريت تفهمني وفي اقرب وقت

vampire1188

12-11-2009, 08:29 PM

ديه اول مره ادخل المنتدي واشارك ف موضوع وبجد شكرا علي مجهودك بس يارب اقدر اوصل لكل اللي انا عايزاه

نورتى المنتدى

انا في سنه تانيه ب2 ممكحن اعرف انت بتدرس ولا وفي سنه كام

بدرس لسه .. سنة تالته انتظام

يعني ايه تقسيم المجموعه اختياري ياريت تقولي علشان لو كدة احول لمجموعه تتناسب معايا لاني مش بحضر السكاشن بس في حاجه انا خلاص اشتريت الكتب ياريت تفهمني وفي اقرب وقت

انا ماقولتش التقسيم اختيارى .. انا قولت الحضور اختيارى في 1 أو 2

يعني كمثال .. انتي دلوقتى مجموعة ب1 .. قدامك الاختيار انك تحضري في ب1 أو ب2

لكن ماينفعش انك تحضري معا مجموعة (ج) او مجموعة (د)