يا جماعة حد يلحقني و يرد عليا بسرعة لو سمحتم؟؟؟؟؟ [الأرشيف]

مشاهدة النسخة كاملة : يا جماعة حد يلحقني و يرد عليا بسرعة لو سمحتم؟؟؟؟؟

dedeee

30-09-2009, 01:55 AM

انا خلصت ثانوية عامة السنادي و جبت 92.5 و كان نفسي جدا ادخل كلية طب بس مجموعي مسمحليش

و حطني في كلية علوم انا في الاول كنت زعلانة و كانت الكلية دي اول كلية مستبعداها في الرغبات

بس لما جاتلي حسيت بسعادة فوية جدا و فرحت اوي يمكن عشان دي اقرب كلية ممكن اطلع منها دكتورة زي ما كنت بتمنى

بس المشكلة ان كل الناس بيحظروني ادخلها و بيقولوا انها صعبة بس انا صممت عليها و قررت ادخلها فعايزة

حد يساعدني و يقولي اعمل ايه هل فعلا الكلية صعبة للدرجاتي و محدش بيجيب فيها تقدير ده سؤالي الاول

و السؤال التاني التخصصات في كلية علوم على اساس التقدير اول سنة و لا التخصص في سنة كام

حد يفيدني و عايزة اعرف انا عايزة التخصص بتاع تحاليل طبية بيقولوا ادخل قسم كيمياء حيوية و ميكروبيولوجي

بس يا ترى دي بتاخد تقدير كام .......و الاهم هل انا ممكن امشي فيها و اجيب تقدير كويس ياهلني ادخل

القسم الي انا عوزاه يا ريت تقولولي بسرعة و بذات تقدير الميكرو بيولوجي

شكرااااااااااااااااااااااااااااااااااااا جدااااااااااااااااااااااااااااااااا

شكراااااااااااااااا ليكوا جدا و ارجوا الرد باقصى سرعة

DESIGN2000

30-09-2009, 02:07 AM

انا زيك داخل اولى علوم
بردو الناس حظرتنى بس اللى اكبر منى طمنونى قالو انها زى اى كلية عايزة مذاكرة والاعتماد على ربنا وانا اعرف واحد طلع الخامس على الدفعة السنةاللى فاتت فى حلوان قالى اول ما دخلت كانت صعبانه عليا نفسى لانى مكنتش فاهم حاجة بس الحمد لله فهم الدنيا ماشية ازاى وتفوق وعقبالى وعقبالك
اما التخصص لو انتى فى حلوان فى التخصص على حسب رغبتك مش التقدير وباين التخصصن فى السنة التانية او التلتة
اما القاهرة فالتخصص بالتقدير ويا ستى استنى خلاص ناقص يومين واخشى الجامعة وعرفى بقى كل حاجة وكل قسم بيكلم عن ايه

ومعلش طولت عليكى يارب اكون افادتك
والسلام عليكم

زيزو1900

30-09-2009, 02:08 AM

MuHaMeD kHaLeD

30-09-2009, 02:25 AM

ماتخفيش
الكليه سهله للي بيزاكر وبيبيض ويفهم
وصعبه للي مش بيزاكر
وانا عن نفسي طالع من الاوائل علي الكليه وعادى جدا
الاهم انك تعملي اللي عليكى
وبالنسبه لاقسام الكمياالحيوى والميكرو بتاخد من جيدجدا

مشكور يا زيزو طيب ممكن اعرف لو انا كيميا فيزيا ممكن اعمل دبلومة كيميا حيويه
بعد التخرج و اشتغل فالتحاليل برده مش كده

زيزو1900

30-09-2009, 02:45 AM

مشكور يا زيزو طيب ممكن اعرف لو انا كيميا فيزيا ممكن اعمل دبلومة كيميا حيويه
بعد التخرج و اشتغل فالتحاليل برده مش كده

علي حسب الجامعه للي فيها الدبلومة
فيه جامعات بتقبل كميا وفزيا وفيه جامعات مش بتقبلهم

mohammedmhrez

30-09-2009, 03:02 AM

خلاص ما عدتش تفرق سينا من سونيا

زيزو1900

30-09-2009, 03:06 AM

خلاص ما عدتش تفرق سينا من سونيا

لا تفرق طبعا

dedeee

30-09-2009, 10:43 PM

انا لسة سامعة دلوقتي ان كل الجامعات جالها نشرة بان التخصص من اول سنة و اول ما ندخل هيدونا كتاب دليل الطالب و نختار القسم الي احنا عايزينوا

Travel

01-10-2009, 09:27 PM

لاء طبعا
لازم اول سنة دى تكون عامة يعنى 3 اقسام بس
وبعدين التخصص ف السنين اللى بعدها

براءة

01-10-2009, 10:47 PM

لاء طبعا
لازم اول سنة دى تكون عامة يعنى 3 اقسام بس
وبعدين التخصص ف السنين اللى بعدها

يا وزة الناس مش كلها حلوان :d
بموت ف ثقتك فى نفسك

Travel

02-10-2009, 10:13 PM

يا وزة الناس مش كلها حلوان :d
بموت ف ثقتك فى نفسك

هههههههه
احم
حددوا يا جماعة علشان متشمتوش الناس فيا
:d