مشاهدة النسخة كاملة : ___( نفسي اسال )ـــ


سيـــــــ(الحق)ـــــــف
02-10-2009, 10:56 AM
نفسي اسأل شوية اسئلة بس خايف يعملولي مشكلة

وانا علي قد حالي لا ليا دهر ولا ساكن في برج عالي

ولا عندي فيلا في مارينا ولا شالية في الساحل الشمالي

اهم حاجة عندي بلدي وعيالي

كل اما اجي اتكلم يقولولي خليك في جنب

هو انت اللي هاتغير الكون والا انت اللي ها تزيح السد

ودول ودول ولاد كلب

وانا باقولهم يا جماعة البلد دي مش بلد فرد

البلد دية شعب وناس وارض

ودنيا تانية اسمها الوطن

الاسم دة اتشال من القاموس

الاسم دة سبب الكابوس

يعني اية وطن ويعني اية بلد كل همها

انها تدوس علي الشعب المنحوس

وكل اما تيجي تتكلم وتكح جنب المعلم

يعملولك قضية وتبقي عميل امريكاني قد الدنيا

وتبقي بسلامتك جاسوس

ولسة عايزني اسأل أسئلة

وساعتها هابقي لوحدي ومش هاتبقي مرجلة

وما تعرفوش اذا كنت هاتعلق في سلسلة

والا هايقولوا دا كان وكان ودي كانت مرحلة

والله لسة واقفة في زوري الأسئلة

الله لو اروح فى ابونكلة لا سألها

وربنا ياخدني والا يباركلي مش مشكلة

نفسى اسال يعنى اية رئيس جمهورية

وهية فين الجمهورية

ولية السجاد الاحمر بينفرش منين ميروح

هو مشيةعلى الارض مش مسموح

وليةالكل قدامة بيبقى مطاطى فى الارض

وكانة عامل ذنب

امل فين الشجاعة ولا الشجاعة بس علينا ياولاد كلب

البلد دى بتاعت مين ولا كلنا بتوع فرد

يعنى اية ديمقرطية مش هية هية المحا كم العسكرية

بالظبط زى الكستر والمهلبية وانا اختصرت الكلام

يااللة حسن الختام وربنا يهون عليك وعليا

اصل انا لحد دلوقتى مش عارف الفرق بين الاستعمار والحرية

mr.mahmood_rabee
02-10-2009, 09:30 PM
ربنا يهون عليك وعلية
الاسئلة دى تودى ف داهية.....بس منطقية

FARIDA 2010
03-10-2009, 06:43 AM
بسم الله الرحمن الرحيم
السلام عليكم و رحمة الله و بركاته
بجد يا استاذ سيف الحق جميلة جدا جدا و صادقة فعلا .. و احلي حاجة فيها طريقة حضرتك في كتابتها ..
و الاسئلة بصراحة في مكانها جدا ..
و لكن هل من مجيب؟!!
ربنا يوفق حضرتك و يزيدك من الموهبة

السلام عليكم و رحمة الله و بركاته

سيـــــــ(الحق)ـــــــف
03-10-2009, 05:18 PM
ربنا يهون عليك وعلية
الاسئلة دى تودى ف داهية.....بس منطقية

اسعدني مرورك

سيـــــــ(الحق)ـــــــف
03-10-2009, 05:20 PM
بسم الله الرحمن الرحيم
السلام عليكم و رحمة الله و بركاته
بجد يا استاذ سيف الحق جميلة جدا جدا و صادقة فعلا .. و احلي حاجة فيها طريقة حضرتك في كتابتها ..
و الاسئلة بصراحة في مكانها جدا ..
و لكن هل من مجيب؟!!
ربنا يوفق حضرتك و يزيدك من الموهبة

السلام عليكم و رحمة الله و بركاته


جزاك الله كل خير علي هذا المرور العطر

:: [ K A B B O W ] ::
03-10-2009, 08:22 PM
مش عارف ليه شامم ريحه راب فى الموضوع :d
انت بقيت تغنى راب يا كيمو و لا ايه ؟
جميله جدا يا كيموا و الله عاشت ايدك
و دايما نشوف جديدك يا جميل

سيـــــــ(الحق)ـــــــف
03-10-2009, 08:36 PM
مش عارف ليه شامم ريحه راب فى الموضوع :d
ههههه راب اية بس :o
انت بقيت تغنى راب يا كيمو و لا ايه ؟
يعني هما عرضو علي بس انا لسه مش وافقت :d
جميله جدا يا كيموا و الله عاشت ايدك
و دايما نشوف جديدك يا جميل

الله يخليك يا باشا

أم عمار قائد الأحرار
03-10-2009, 09:11 PM
ماشاء الله لا قوه الا بالله

القصيده عجبتني كتير بالرغم من اني مش بحب الشعر العامي بس فعلا تحمل معاني جميله
وجزاك الله خير وأدام عليك نعمه الابداع

سيـــــــ(الحق)ـــــــف
04-10-2009, 07:40 PM
ماشاء الله لا قوه الا بالله

القصيده عجبتني كتير بالرغم من اني مش بحب الشعر العامي بس فعلا تحمل معاني جميله
وجزاك الله خير وأدام عليك نعمه الابداع


جزاك الله كل خير علي هذا المرور العطر

توته_ غنا
05-10-2009, 04:20 PM
ايه الجمال ده ياكيمو ( والله وكبرنا وعرفنا نكتب)
انا هجيلك كل يوم ومعايا العيش والحلاوه

جنة الوكيل
06-10-2009, 12:03 PM
بص بجد العمل ده حلو جدا وبيحمل معاني كلها اروع بس عندي تعليق صغير على العمل
العمل جميل وكل حاجه بس يا ريت انت تخفف الشتايم شويه لان ده بيخلي العمل ينزل لتحت بدل ما يطلع لفوق يا ريت نرتقي بالالفاظ وشكرا ليك لانك فعلا عبرت عن معاناة الشعب يا جميل

محمود حسن عبدالعال
12-10-2009, 08:50 PM
ايه الحلاوة دى

لالالالالالا

انا مش قادر اقول حاجة

فى انتظار القادم يا كيمو

دموع الضمير
25-11-2009, 03:00 PM
جميل جدا تسلم بس تودى فى داهيه شويتين ههههههههههه

a7med_sale7
16-12-2009, 05:16 PM
اخى الكريم تفسير ذلك هو موت بعض ضماير الناس وبعدهم عن الدين وانشغالهم بمصالح الدنيا

شمس بياض
16-12-2009, 11:39 PM
جزاكم الله خيرا معانيها واضحة
احييكم على شجاعتكم فى الحق
وقول الحق
ولاتخشى الا الله
والمثل بيقول
ان خفت ماتقول وان قولت اهرب على طول
ههههههههههه
قصدى وان خفت ماتقول وان قولت ماتخاف

a7med_sale7
13-04-2011, 05:06 PM
ربنا يستر

ربنا معاك وتسأل

zozza love
13-04-2011, 07:07 PM
جميله جداااااااااا
تسلم ايدك
واسئلتك عجبتنى جداااااااااااااااااا

إلهام صلاح لاشين
15-04-2011, 08:19 PM
ولا داهية ولا حاجة إسأل براحتك وحقك تعرف الإجابة ولايمكن هتكون صانع الإجابة مفيش مستحيل طول ما احنا عايشين