اعزائي رواد منتدي الثانويه العامه

اهلا و مرحبا بكم

اقدم لكم اليوم خدمه جديده

خدمه : اسأل .... استشير

اذا كنت طالب او طالبه في آداب انجليزي

و عندك اي استفسار بالنسبه للمواد

او اي سؤال في الادب الانجليزي

او محتاج اي مساعده في الدراسه

او محتار و عايز تعرف هتذاكر ازاي

ضع سؤالك هنا و سوف اجيب عليك

في خلال 24 ساعه ...

مع ارق تحياتي /

د/ مينا ماهر

هل مناهج اداب انجليزى سنة ثانية في جامعة اسكندرية مثل جامعة القاهرة؟

د/ مينا ماهر

في البداية احب اشكر حضرتك علي الخدمات اللي بتقدمها في المنتدي .. والحقيقة انا في أشد الحاجة لأجوبة لبعض الأسئلة اللي عندي.

أنا طالبة بالفرقة الأولي بقسم اللغ الانجليزية ، كلية الآداب ، جامعة جنوب الوادي .. والحقيقة أنا داخلة الكلية عن حب وفضلتها عن تجارة انجليزي. أنا كان نفسي أدخل آداب القاهرة لكن علي الموقع بتاع الجامعة قالوا انهم بياخدوا الطلبة اللي جايبين 48 من 50 ، وانا جايبة 47.5 فمحاولتش اني اروح وأشوف .. لكن بعد كدة عرفت اني ممكن احول ويقبلوني لانهم بياخدوا من 45 !

ممكن تكون بتفكر ، طب ماتخليكي في مدينتك أحسن بجوار عائلتك وأصحابك ، وأنا فكرت بكدة بس كل اصحابي اللي رايحين 2 آداب انجليش لما سألتهم عن الدكاترة ، أحبطوني لان 98% منهم مابيديش أكتر من جيد ويوم ماحد يجيب جيد جدا يبقي حدث .. ده رئيس القسم نفسه مش بيدي غير مقبول . الحقيقة انا اتأكدت من المعلومات دي عن طريق الموقع بتاع الجامعة اللي فيه النتيجة. وانا انسانة طموحة وعايزة اجيب تقديرات حلوة وخايفة بعد ماتعب الاقي نفسي جبت مقبول، عشان كدة بفكر اروح جامعة القاهرة أو عين شمس بس المشكلة اني ماعرفش حد هناك يقوللي هل الدكاترة بيظلموا زي اللي هنا ولا لأ . فلو حضرتك عندك أي معلومات بخصوص الدكاترة اللي في الجامعتين دول ياريت تقوللي. وهل تنصحني بالذهاب للقاهرة ولا استني هنا؟

وشكرا مقدماً

هل مناهج اداب انجليزى سنة ثانية في جامعة اسكندرية مثل جامعة القاهرة؟

المناهج مختلفه

د/ مينا ماهر في البداية احب اشكر حضرتك علي الخدمات اللي بتقدمها في المنتدي ..

ده واجبي ..... و انا في خدمتكم جميعا...

أنا طالبة بالفرقة الأولي بقسم اللغ الانجليزية ، كلية الآداب ، جامعة جنوب الوادي .. والحقيقة أنا داخلة الكلية عن حب وفضلتها عن تجارة انجليزي.

بصراحه كليه الآداب كليه مميزه و خصوصا قسم انجليزي و مستقبله كويس جدا ...

ممكن تكون بتفكر ، طب ماتخليكي في مدينتك أحسن بجوار عائلتك وأصحابك

هو ده الكلام المضبوط ...

وأنا فكرت بكدة بس كل اصحابي اللي رايحين 2 آداب انجليش لما سألتهم عن الدكاترة ، أحبطوني لان 98% منهم مابيديش أكتر من جيد ويوم ماحد يجيب جيد جدا يبقي حدث

هقولك علي حاجه بلاش تسمعي كلام حد و امشي في طريقك ...

انا انسانة طموحة وعايزة اجيب تقديرات حلوة وخايفة بعد ماتعب الاقي نفسي جبت مقبول

" إن الله لا يضيع أجر من أحسن عملا "

عشان كدة بفكر اروح جامعة القاهرة أو عين شمس بس المشكلة اني ماعرفش حد هناك يقوللي هل الدكاترة بيظلموا زي اللي هنا ولا لأ .

كل مكان فيه الحلو و فيه الوحش ... اعملي اللي عليكي و اجتهدي .... و بأذن الله ربنا هيكرمك ....


وهل تنصحني بالذهاب للقاهرة ولا استني هنا؟

نصيحتي ليكي خليكي في جنوب الوادي ... و ربنا هيكرمك ....

ً


و اهلا بيكي في منتدي كليه الآداب ...

السلام عليكم

أنا في اولى اداب انجليزي جامعة القاهرة

و بعد اذن حضرتك أنا عايزة أعرف ازاي اذاكر المادة Aesthetics of visual culture.
انا أخدت فيها محاضرتين و لغاية دلوقتي مش عارفة هي ايه بالظبط

و كل محاضرة الدكتورة تدينا كام صفحة نقرأها و نحضرها في البيت
و معلش عايزة أعرف الامتحان حييجي ازاي فيها,
و هي المادة صعبة مش كدة؟

و انا متشكرة جدا على المجهود و الخدمات اللي حضرتك بتقدمه لنا

السلام عليكم

ازيك يا استاذ مينا
لو سمحت انا عنندى طلب صغير كده
عاوزه ايه حاجه عن قصه burid child

انا سنة اولي اداب انجليزي
مطلوب ابحاث وانا مش عارف اعملها الزاي
ولا حتي عارف هذاكر اية لاني مش فاهم اي شيئ الي الان ..
اتمني نصحتك ..
شكرااا

انا بقى حاجة تانية خالص انا فى سنة ثالثة اداب انجليزى فى المنصورة وجبت فى تانية 77%
بس السنة دى انا مش عارف اذاكر اى حاجة
please, I need your help

اولا كدا احب اشكرك د-مينا ع مساعدتك للطلبه وجزاك الله كل خير يارب
انا طالبه بكليه الاداب انا داخلاها بارادتى بس بعد عناء طويل والله
لانى كنت فى كليه علوم وحولت لانى مكنتش حباها ومش مبسوطه فيها
مع انى نجحت فيها والله بس كنت خايفه اكمل فى حاجه مش حباها
المهم لما دخلت حسيت باحباط مش عارفه ليه
المهم انا نفسى اجيب تقدير بس الدكاتره حاساهم بيصعبوا دا علينا مش عارفه ليه
انا بس لو سمحت يا د-مينا عايزه اعرف شويه معلومات عن طريقه الامتحان
وطريقه المذاكره فى ماده مهارات القراءه والدراما ازاى بيجى فيها الامتحان
بعد ازن حضرتك وممنونه لقبولك اسئلتى

السلام عليكم ورحمه الله وبركاته
انا طالبه بالفرقه الاولى قسم اللغه الانجليزيه جامعه المنصوره
وبعد ازن حضراتكم كنت عايزه اعرف شويه معلومات عن ماده مهارات القراءه
يعنى هى الامتحان فيها بيجى ازاى واذاكرها ازاى
بليز يا جماعه جاوبونى لانى بجد تايهه فى الكتاب ومش فاهمه حاجه خالص:028ja7::av4056bb7jp3:
تحياتى القلبيه تقبلوا مرورى:)

ياريت يا جماعه حد يرد علينا فعلا احنا مش فاهمين اى حاجه فى الماده دى

س- أنا عايزة أعرف ازاي اذاكر المادة culture

ج - الماده دي بتعتمد علي الحفظ و المذاكره اول بأول ....... حاولي تذاكري بالورقه و القلم .

س - انا أخدت فيها محاضرتين و لغاية دلوقتي مش عارفة هي ايه بالظبط

ج - عشان لسه الماده جديده عليكي

س - عايزة أعرف الامتحان حييجي ازاي فيها,

ج - الامتحان عباره عن مجموعه اسئله مقاليه و بتجاوبي عليها من خلال دراستك للماده

س - هل المادة صعبة مش كدة؟

ج - لو ذاكرتي اول بأول هتبقي سهله جدا جدا ...... و لو اهملتي فيها هتبقي صعبه.



و مرحبا بيكي في منتدي الثانويه العامه

لو سمحت انا عندى طلب صغير كده
عاوزه ايه حاجه عن قصه buried child

دي مواقع هتفيدك :

http://en.wikipedia.org/wiki/buried_child

http://www.theatredatabase.com/20th_century/buried_child.html

http://www.enotes.com/buried-child


و اهلا بيك في المنتدي

مطلوب ابحاث وانا مش عارف اعملها الزاي

طيب ايه هي الابحاث المطلوبه ؟؟؟

ولا حتي عارف هذاكر اية لاني مش فاهم اي شيئ الي الان ..

يا ريت تحدد المواد اللي عندك و هقولك طريقه مذاكرتها .



و اهلا بيك في المنتدي

انا فى سنة ثالثة اداب انجليزى فى المنصورة وجبت فى تانية 77%

ده شئ كويس جدا

بس السنة دى انا مش عارف اذاكر اى حاجة

ياريت تحدد ايه المواد الصعبه بالنسبه لك عشان اقدر اساعدك فيها



و اهلا بيك في المنتدي

عايزه اعرف شويه معلومات عن طريقه الامتحان في ماده الدراما

ممكن تشوفي الموضوع ده و هيفيدك جدا

الطريقه النموذجيه للاجابه في امتحان الدراما ( لطلبه و طالبات آداب انجليزي ) (http://www.thanwya.com/vb/showthread.php?t=94656)

وطريقه المذاكره فى ماده مهارات القراءه

بالنسبه للماده دي بيكون الامتحان فيها عباره عن اسئله مقاليه من خلال موضوعات بتدرسيها و بتعتمد علي الحفظ و المذاكره اول بأول .


و اهلا بيكي

المشاركة الأصلية كتبت بواسطة بكرة افضل http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=1751214#post1751214)
طيب ايه هي الابحاث المطلوبه ؟؟؟
مطلوب بحث في النقد و الشعر و المقال ..

يا ريت تحدد المواد اللي عندك و هقولك طريقه مذاكرتها .




المواد اللي عندي هي

مقال
ترجمة
شعر
رواية
نقد
لغة عربية ..

ازي حضرتك دكتور مينا
اولا انا بشكر حضرتك جدا جدا جدا على مساعدتك دي
بس انا عندي مشكلة جامدة اوي
مشكلتي في تلات حاجات
الا وهي

اولا الدراما
انا اصلا دخلت الكلية لاني بحب الادب جدا والطبيبعي بتاعي اني بحب القراية اوي
وكنت فاكرة اني من اول سنة هجيب امتياز:049gc0:
بس للاسف جبت في كل المواد امتياز وجيد جدا الا الدراما والتكست جبت فيهم مقبول :giljotiiniug3:
الدكتور بتاعتنا كانت تملي تقول لينا في الدراما مفيش حاجة اسمها صح وغلط في حاجة اسمها رأي وتعبير ودليل
بس معرفش ليه لما الموضوع تعبير عن اراء انا جبت فيها مقبول!!!:confused:

الحاجة التانية
انا في سنة تانية السنة دي
وعندنا كريتيسزم وللاسف انا باخد كورس ووقت الكورس متعارض مع المحاضرة
ومش عارفة الم المادة خااااااااااااااااالص ومرعووووووووووووبة جدا جدا جدا


الحاجة التالتة في البويتري
مش عارفة اذاكره ازاي
ومش فاهمة فيه حاجة
رغم اني الطبيعي بحب الشعر جدا وبحب كمان اكتب مع نفسي !!!
انا حاسة اني لما دخلت الكلية دي اكتشفت اني مليش في اي حاجة خالص
مش زي مانا كنت فاكرة:(
مع اني في كورس الانجلش التيتشر مبسوط جدا مني
وشايف اني اب ذا ليفل كمان
بس فعلا كانت عندي امال اني اجيب تقدير عالي السنة اللي فاتت وكلها اتحطمت
ممكن تساعدني؟؟؟

معلش دكتور مينا
افتكرت حاجة كمان
بالنسبة للبلوت
لما بيجي سؤال عن البلوت
دة انا مش فاهمة اجاوبه ازاي؟؟؟
وانا شفت انه في برة كورسات دراما
حضرتك تعرف اي حاجة هنا في مصر بتعمل الموضوع دة؟؟؟
انا بجد بحب جدا الدراما وصعبان عليا اوي اني اجيب فيها مقبول

السلام عليكم
انا ى سنة تانية اداب انجليزى مشكلتى الحضارة الانجليزية
مش عارفة الم الماده ومش عارفة اذاكرها اصلا

السلام عليكم و رحمة الله

د/مينا
أنا عندي سؤال بس هو مش في المناهج خالص بتاعة اداب انجليزي,

أنا في سنة أولى اداب انجليزي القاهرة
و عايزة أسأل عن أعمال السنة في الessay و الcomprehension

أنا عارفة انه سؤال غريب
بس أنا اسفة بجد:blush: ماعرفش أسأل مين غير حضرتك

ممكن الغياب يؤثر على أعمال السنة؟!
أنا بصراحة من بعد العيد و أنا مش بحضرهم
لأن الدكاترة بيدّو كل مرة نفس الحاجات و مش بيدّونا حاجات جديدة
عشان كدة ماباجيش
لكن أنا خايفة الكام يوم اللي غبت فيهم دول يأثروا على أعمال السنة بتاعتي

و شكرا.........

plzzzzzzzzzzz 7d y2oli gdwal lo3"at shr2ya l 3in shms hynzl mta????????????????????

السلام عليكم ورحمة الله بركاته
انا خريجة تربية انجليزي بتقدير مقبول وكنت عايزة اكمل دراسات عليا في كلية الاداب قسم اللغة الانجليزية (لغويات)
وكنت عايزة اسأل ايه هي شروط الالتحاق ببرنامج الدراسات العليا بالاداب؟وايه الاوراق المطلوبة؟وهل يمكن التحاقي بالدراسات العليا بالاداب مع العلم ان تقديري التراكمي مقبول؟وان كان غير متاح لي الالتحاق ببرنامج الدراسات العليا بالاداب بسبب تقديري الا يوجد طريقة اخري تمكنني من الالتحاق مثل عمل الدبلومة التي تسبق الدراسات العليا ؟ ام ان هذه الدبلومة ايضا تتطلب تقدير؟
معهلش اسئلتي http://www.thanwya.com/vb/images/smilies/SnipeR (27).gifكثيرة حتعبك معايا - جزاك الله كل خير

بجد أنا بشكر حضرتك قوي د/ميــــنا
علي مجهودك وخدماتك ف المنتدي
أنا طالبة ف تالتة اداب انجليزي جامعة بني سويف
هو قسم كويس بس طبعا بغض النظر عن دكاترتنا اللي زي ((العســـــــل)) .....
انا عندي مشكلـــــــــــة ف مادة syntax
والمشكلة اني بعيد المادة لتاني مرة لاني مش فاهمة حاجة فيها
واتمني من حضرتك انك تقولي حتي اعمل ايه واذاكرها ازاي
لاني كل مرة بذاكرها بحس اني مش فاهمة حاجة خــــــــــــــالـــــص
وكمان الامتحان بيبقي صعب قــــــــــــــــــــــوى
انا اسفـــــة جدا اني طولت علي حضرتك
بس مش عارفة اعمل ايه
وشكـــــــــــــــــرا

نـــــــــــــــداء عـــــــــــــــاجـل
أنــــــــا عندي امتحان syntax بكرة
وفي تعريفين اسمهم descriptive and prescriptive
ومش فهمــــــــــاهم خالص
يـــاريت حد يساعدنـي

السلام عليكم ورحمة لله تعالى اولا يبدو لي من اسئلة الاعضاء والمشاركين ان هذا المنتدى مصري وحتى اعضاء وامشاركين فيه مصرين اذن انا ساكون متطفلة قليلا لاني مغربية اظن ايضا ان مساعدتكم لي ستكون صعببة بما ان المناهج مختلفة ولكن انا عندي مشكلة فضيعة انا دخلت لجامعة ابن طفيل مسلك انجليزي وانا لا افهم اللغة الا السهل منها ولكن اواجه صعوبة في فهم ما يقوله الاساتذة و تجميع الكلمات ولا استطيع فهم نص من 100 كلمةمثلا حتى اشرح 70 كلمة هذا لئبين النقص الذي اواجهه وشرحي للكلمات لا يكون بالانجليزي بل بالعربي لاني عندما احاول ان اشرح كلمة مثلا لا افهم ذلك الشرح نفسه وقال لي البعض ان استعمال اللغة العربية سيحد من تطوري في هذه اللغة ولكن هل يجب ان يكون لدي مفردات ضخمة حتى استطيع فهم كل الكلمات اذن يجب ن اكون قاموسا حيا يمشي على قدمين وماذا افعل بالظبط حتى اجيد هذه اللغة؟ بصراحة رغم المستوي المشلول والذي لا امل منه و الذي عندي الا اني احب هذه اللغة واحب التكلم بها لذلك انا الوم نفسي على عدم قدرتي على تطوريها وفي بعض الاحيان ارجع السبب لمستوىذكائي ولكن اظن ايضا ان كل ما احتاجه هو اناس ييجدون التوجيه واعطاء النصائح المفيدة اطلت في شرح مشكلتي لذلك ارجو المعذرة وشكرا على وقتكم واجو ردا سريعا:d:039uw8:

اشكركم تانية