مشاهدة النسخة كاملة : يلا نتعرف
midoragab 23-11-2006, 10:45 PM <div align="center">معاكم احمد رجب
طالب في كليه هندسة شبرا
اعدادي
الكلية علي اد الكلام التعبان اللي بيتقال عليها و الهي جميلة جدا
و الدكاترة فيها 10/10 و كويسين في المستوي الانساني و المستوي العلمي عالي جدا
الكلية بتوفر لطلبة اعدادي الشغل في الورش بأديهم علي عكس كل الكليات
الكلية التخصص فيها بيبدأ من بدري برضه علي عكس الكليات التانية
اللي عايز يزور الكلية اهلا و سهلا بيه
و هعزمه علي كابيتشينو من الكافيتريا عندنا بس انتو تعالوا
و هو ده ايميلي الجديد اللي ببأي موجود فيه علطول
midoragab2006@yahoo.com</div>
=ivan= 21-12-2006, 09:02 AM ايه يا مان ! محدش عندو ورش غيركو وللا ايه ..؟؟ ههههههه
الصراحة انا والناس اصحابى اللى من العاشر اتفرقنا فى كل الهندسات .. بس ماعدا شبرا ..
فى فعين شمس والمطرية والزقازيق .. بس انا حظى الحلو ودانى المنصورة ..
و اكيد مفيش هندسة وحشة طبعا .. كفاية انك موجود فيها يا بوب
اعدادى برضو للأسف .. ادعولنا يا جماعة نعدى من السنة دى ان شاللى بمواد .. بس نعدى
akk-maddy 21-12-2006, 06:19 PM هههههه
انا 2 اعدادى مدرسة مش هندسة
يا ميدورجب فعلا كلية هندسة شبرا من اجمل كليات الهندسة بابا متخرج منها و استاذ فيها بس راح السنة دى فى جامعة تانية السعودية و هى على مستوى عالى فعلا بجد نفسى ادخل هندسة شبرا دى باذن الله عن اي هندسة بجد و المنصورة حلوة والدى كان بيصححها قبل كدة مستوى الطلبة فيها حلو كمان مش وحش
ربنا يوفقكم
بس ورش ايه دى يا كريزى؟
=ivan= 21-12-2006, 08:44 PM هههههههه..بعيد عنك ..ربنا ما يوريك ..
احلى سنين اعدادى والله ..
مبحبش استخدم نظرية الصدمة .. قلبى ضعيف .. متهيألى ميدو ممكن يشرحلك احسن بقلب جامد .. لانه على الاقل مش فاشل زيى ...
wa_islamah2100 24-12-2006, 05:12 AM شكرا يا ميدو :D
انا بقى محمود ابو خطاب
من رشيد
هندسة الاسكندريه اعدادى( برضه)
بس بجد الكلية عندنا جمييله جداا جداا والدكاتره احسن ما فيها بجد
احنا بده عندنا ورش وبنشتغل بأيدنا (ده الى عايز يشتغل :D ) فى مادة الانتاج :(
وانا دلوقتى بكلمكم وكمان 3 ساعات ونص بالظبط هبقى امتحن عملى فيزياء ان شاء الله ادعولى بقى
والى عايز يجى الكلية ولا حاجه اهلا وسهلا بيه وبرده يا ميدو عندنا كابتشينو بس احسن من الى عندكم :P
وبجد الكليه جمييله جداا من جوه من بره وتعتبر اوسع كليه فى اسكندريه وهتعجبكم اوى :D
وادهولنا بقى ربنا يوفقنا لأن هندسة الاسكندريه من اصعب كليات الهندسة بجد وفيها مواد صعبة جداا مش بتدرس فى بعض الكليات زى الهندسة الوصفية(الاسقاط الهندسى)
ويارب كل واحد نفسه يدخل هندسة يدخلها ان شاء الله :D
_the_sad_smile_ 24-12-2006, 06:12 PM اهلا وسهلا
انا بقى بسمة يعنى كلية علوم
يعنى احسن كلية فى مصر واسهل كلية واجمل كلية الكلية دى رائعة بمعنى الكلمة والله انا عايزة احكيلكم عنها مش عارفة هو اقل وصف عنها رائعة
اوك بالنسبة للمحاضرات احنا بناخد من 8 الصبح لحد6باليل ودة متواصل مفيش خمس دقايق ولا ثانية بين المحاضرات
بالنسبة للمناهج رائعة لدرجة انى مسيبتش حاجة ماخدتش فيها كورس
بالنسبة للدكاترة رائعين وبيحبونا اوى لدرجة انهم بيقومونا نحل على السبورة
بالنسبة للدفعة فهى 108مبيجيش منهم غير سبعين ساقط منهم اربعين اه هما من سنين قبل كدة هما بيحبوا الكلية لدرجة انهم مدبلرين فيها ربنا يوفقهم <_< بيجيبولى تفاؤل
بالنسبة للطلبة عقد وربنا هنتحر لحد دلوقتى مصاحبتش حد عقد عقد اوى ولو بقى قعدنا شلة مع بعض كل واحدة تقول اه يا ختى كان نفسى فى هندسة والتانية وانا يا عينى كان نفسى فى حقوق محدش مبسوط انه دخل علوم زيى :blink:
بالنسبة للكابتشينو بقى والله مقدرش اعزم حد بس مش انا السبب صدقونى مفيش كافتيريا واحدة فى الكلية لو يعنى حبيت مفيش غير اللى فى تربية جنبنا متشوفوش بقى الكلية بتبقى شكلها عامل ازاى يوم السبت تلاقيهم كلهم بينهجوا ومبرقين مهو يوم السبت بتبقى تربية قافلة هايكلوا منين يا عينى بتبقى ماســـــــــاه مجاعة
والله يا جماعة انا ليا نداء لكل القلوب الرحيمة هيا استغاثة الى كل اللى شاف الكلام المعبر دة ويعرف ازاى احول معهد فنى تجارى او لو ينفع صنايع يا ريت يبعت ويقولى مستنية (يارب اصعب على حد يارب)
wa_islamah2100 26-12-2006, 02:43 PM هههههههههههههههه
ايه التفاؤل ده يا اخت بسمه :D
لا بس ان شاء الله ربنا يصبرك ويصبرنا على فكرة جدول امتحانات التيرم عندنا نزل انهارده :(
علمي علوم 26-12-2006, 07:59 PM انا أميرة من كلية علوم القاهرة
كليتنا بجد جميلة جدا بس متعبة موووووووووووووت
ومعلش يا بسمة كلامك بجد يقطع القلب .......... هى سنة اولى فى علوم متعبة جدا كدا...... ربنا معاكى
بس انت علوم ايه يا بسمه؟
واشكرك اخى ميدو رجب على الموضوع الجميل وربنا يعينا كلنا يا رب
محمد البري 26-12-2006, 08:08 PM <div align="center">:D حلو يا ميدو
انا اسمي هو النيك نيم بتاعي المهم
محمد البري
إعدادي صيدلة طنطا
مش هتكلم ع الكلية اناا في شهر 10 كنت بمتحن ميد تيرم وفي شهر 11 عملي وناو بمتحن تيرم يعني أكيد فهمتوا اللي انا عاوز اقوله م الصبح
أملي وعمري ( مش أغنية أم كلثوم أكيد )
اني ادبلر واحول اي كلية تانية بعيد عن القرف دا :(:(</div>
اسلام رشوان 26-12-2006, 08:12 PM السلام عليكم
ازيكم يا شباب
انا اسلام
اعدادي اسنان - جامعة الاسكندرية
المفروض اني دراستي في علوم طول السنة دي ، يعني مش بدخل كلية طب الاسنان دي خالص غير السنة الجاية
الكلية مش حلوة قوي بس شغالة ، و بالنسبة لدراسة الاعدادي بالنسبة للاسنان سهلة جدا بس عاوزه متابعة مع الكلية لان الامتحان النظري زي الثانوية اخر السنة فالواحد لازم يستعد ليه من بدري لانه بيمتحن في مواد التيرمين
و بالنسبة للصحاب صحابي في الكلية زي الفل و مية مية و بالنسبة لو حد جه يزورنا حيشربنا نسكافيه حلو و مش غالي قوي ماشي يا رانيا
احنا مش بخله زي ناس :D
و سلام عشان مطولش عليكم بأى
_the_sad_smile_ 27-12-2006, 02:57 AM اميرة انا فى علوم دمياط جامعة المنصورة
ربنا معاكى ويوفقك
فتاة_الإسلام 27-12-2006, 01:13 PM <div align="center">السلام عليكم ورحمة الله وبركاته
أنا علا أولى تجارة إنجليزي جامعة حلوان
الكلية عندنا كنا فاكرينها سهلة جداً.. لكن أول ما دخلنا وتعمقنا في الدراسة عرفنا إننا أخدنا مقلب فيها.. مافيش عندنا إمتحانات ميد ترم.. الدراسة في الترم الأول 8 مواد; مافيش منهم غير مادتين بس اللي محتاجين تشغيل دماغ اللي هم المحاسبة (accounting) والرياضة (mathematics).. بقية المواد كلها حفظ :ph34r:
الـ 8 مواد خمس مواد منهم بندرسهم بالإنجليزي وثلاثة بندرسهم بالعربي.. إثنين من المواد العربي دول بندرسهم برضه بالإنجليزي هم الإقتصاد (economics) والإدارة (management) اللي علي إمتحان فيها بكرة :blink:
بس عامة الجامعة واسعة وكبيرة أوي.. تحس فيها إنك في فسحة مش في جامعة B)
والمشوار طوووويل بياخد ساعة ونص أو ساعتين عشان أوصل دة غير زحمة مترو الأنفاق اللي مش بيبقى فاضي أبداً <_<
بس الحمد لله على كل شيء الكلية ليها مستقبل حلو برضه إن شاء الله..
وإدعوا لي عشان إمتحان بكرة :blink:
السلام عليكم </div>
شاعرالحب 27-12-2006, 02:21 PM السلام عليكم ورحمة الله وبركاته
واللى فى جيبك انت وهو وهى هاته :P
احب اشارك معاكم ياحلوين :)
انا اسمى على 18 سنه كلية شريعه وقانون ــ الفرقه الاولى قانون
الكليه عندنا بسم الله ماشاء الله زباااااااااااااااله
بجد والله وفى مكان وحش جدا جدا جدا
ماينفعش يكون فيه كليه اساسا
لدرجة ان انا بزهق وانا رايح الكليه وكمان بكسل جداااااااااااااااااااا
والدكاتره بسم الله ماشاء الله
فيهم دكاتره كويسين طبعا
وطبعا فيهم غير ذلك
كمان انا بعانى من نفس المشكله اللى بتعانى منها فتاةــ الاسلام
وهى المواصلات او الوقت اللى بستغرقه فى السفر
المواصلات بجد وحشه جدا جدا جدا ...........
وزحمه جدا جدا جدا جدا جدا..............
وكمان الدكاتره عندنا مستغلين اسوء استغلال
عندنا ماده اسمها مطلح حديث
الدكتور نزل كتاب 100 ورقه ب30جنيه يعنى لو صورت الكتاب مش هايعمل 5 جنيه
بعدها طلب مننا بحث اوك عملنا البحث بس بشرط
مش هاياخد منك البحث غير لما تشترى مذكره ب10جنيه
والمذكره دى لو صورتها مش هاتكمل 2 جنيه
................................
انا لسه ماخلصتش بس مش عايز اطول عليكم اكتر من كده
صحيح نسيت اقول كليتى فى اجمل بلد فى مصر
دمنهووووووووووووووووووووووووووووووووووووور :angry: :P :lol:
علمي علوم 28-12-2006, 09:39 AM <div class='quotetop'>إقتباس(_THE_SAD_SMILE_ @ Dec 27 2006, 03:57 AM) 249643</div>
اميرة انا فى علوم دمياط جامعة المنصورة
ربنا معاكى ويوفقك
[/b]
اهلا بيكى يا بسمة
وربنا يوفقك ويعينك يا رب
انا نسيت اقول ... انا سنة تانية :)
ربنا يوفقنا جميعا ونطلع من كلياتنا على خير إن شاء الله :D
نهى جلال 28-12-2006, 07:04 PM اولا : السلام عليكم ورحمة الله وبركاته
ثانيا : ..... اختكم نهى ... 17 سنة وهاكمل 18 كمان خمس شهور ...
انا بقى في اجمل كليات جامعة طنطا ( وبلا فخر ) كلية التربية النوعية شعبة التربية الفنية .....الفرقة الاولى
كليتنا بقى ( بجد فعلا ) واخدة المركز الاول على جامعات طنطا السنوات اللي فاتت ... كلية صغنووووونة ومع نفسها وفي مكان رااااايق وفي احلى شوارع طنطا ....
واحلى حاجة بقى ان الكلية كلها عارفة بعضها جميع الشعب وجميع الفرق سواء اولى او تانية او تالتة او رابعة كلنا حافظين بعض وتواريخ بعض كمان وعارفين كل واحد من اول ما اتولد عمل ايه ..... بصراحة كلية زي العسل .. وبرده احلى حاجة الكافيتيريا ( مفيش ورانا غير الاكل ) :blink: :huh: :lol:
وحولينا جميع انواع المطاعم .. اي حد عاوز يزورنا هنعزمه بس هو يختار المطعم بس واحنا علينا الدفع .....
وانا عن نفسي املي فيها اني بس اعدي السنة دي وبعدين ان شاء الله اعمل ماجستير ودكتوراه .. ( بس بعد ما ادبلر السنة دي طبعا ) .....
وكفاية كدة كلام علشان طولت عليكم اوي :unsure: ( انا حرة ) :P :D
ranony 28-12-2006, 07:31 PM السلام عليكم و رحمة الله
احب اشارك معاكوا
انا رنا 17 سنة و نص اولى طب عين شمس
الحقيقة الكلية عندنا شيك اوىىىىىىىىىى
من اشيك كليات عين شمس (طبعا بهذر)هى فعلا قديمة اوى بس دمها خفيف و انا بجد بحب الاماكن اللى فيها
اما بالنسبة للدراسة فانا بجد مش عارفة اذا كنت مبسوطة و لا لاء انا مانكرش ان حلم حياتى كان انى ادخل الكلية دى بس هى ممتعة بس مرهقة
انا ما عنديش امتحان ترم بس فى امتحانات من يوم 14/1 عليها 20%من اخر السنة بس الللى هنمتحن فيه فى الترم هنمتحن فيه تانى فى اخر السنة
احنا عندنا مبنى جديد شيك بس للاسف مش لسنة اولى
و نسيت لقول انه من الساعة2 ممنوع ان الطلبة يقعدوا فى اى حتة العساكر بتقومهم يعنى اللى عندوه سكشن الساعة3 يتصرف
ادعولى اعدى السنة دى على خير
معلش طولت عليكوا و كل سنة و انتم طيبين
أسيل رزق 28-12-2006, 08:06 PM ههههههههههههههههههههههههههههههههه
حرام عليكم عقدتونى
ربنا يستر عليا
انا والحمد لله مها محمد طالبه تانيه ثانوى وبلا فخر :D
وبجد بحمد ربنا بعد اللى انتو قلتوه ده :blink:
قلبى اتشحتف عليكم :(
انتم السابقون ونحن اللاحقون <_<
مدرستنا مفيش احلى منها (اعدادى ثانوى ) وازاى متسئلونيش هوا كده
بنتعامل معامله اعدادى والحمد لله <_<
والمديرة ربنا يخليهالنا ( شبه مبارك الخالق الناطق :( )
كفايه كده لانى كلامى عيالى خالص بالنسبه لكلامكم :P
الله يعينكم ويعنى
ربنا يوفقنا جميعا :)
FRANKENSTEIN 29-12-2006, 01:23 PM انا بقي بسام
متنيل ف كارثه عامة
مرحله تانيه
السن 15 و11شهر و10 ايام واربع ساعات و22دقيقه
هههههههههههههههههه
ومعرفش حاجه عن المدرسشه اللي انا فيها لاني اصلا مبروحش عشان مواعيدها مش مناسباني
Miss_CaR!zma 29-12-2006, 01:49 PM ههههههه
كان الله فى العون
انا بقى مش بحب اتكلم عن نفسى
كل اللى اقدر اقوله انه فى مشروع انتحار قريب ليا وادعولى يالتوفيق :D
القطة الروشة 29-12-2006, 06:10 PM انا بقي نورهان
اولى ثانوى
داخلة على مصيبة قصدي ثانوية
السن 14 سنة
انا بقي مش فاشلة زيك
انا بروح المدرسة وبهرب بعد الحصة الاولى
طبعا فى فرق
اما المدير بقي فالمدير صحبي يرن عليا الصبح وانا ارن عليه بعد صلاة الظهر على طول
هو اه بخيل شوية لانه مش بيبعتلى رسايل بس كويس انه بيرن
مشروع الانتحار ده قريب جدا
احنا الاثنين فى الهوا سوا
eng7oudash 30-12-2006, 01:39 PM أنا بقى اسمى محمود
السن : داخل على 19 بعد خمس شهور
فى اولى هندسة طنطا قسم ميكانيكا
بعد إعدادى هندسة المنيا
كل اللى أحب أقوله " ربنا يستر السمة دى "
ألف شكر على الموضوع الجميل ده يا احمد
علمي علوم 31-12-2006, 10:46 AM ربنا معاكم جميعا يا رب وربنا يوفقنا
واهلا وسهلا بعودتك يا محمود ايه الغيبة الطويلة دى
وربنا معاك يا رب
eng7oudash 31-12-2006, 01:33 PM معلش يا علمى علوم انا اسف
بس انا لسه منستش المنتدى الجميل ده
ولازم ادخله حتى ولو على فترات بعيدة
محمد البري 31-12-2006, 01:41 PM ايه يعم منتا معانا في طنطا اهو :D :D يلا نبأى نقابلك في يوم :)
kaml_klamk 31-12-2006, 04:52 PM <div align="center">.: السلام عليكم ورحمة الله وبركاته :.</div>أنا احمد كلية تجارة المنصورة بس حولت فرع دمياط لانى ساكن فى دمياط ولانى مش بحب اروح المنصورة بنكون فى الامتحانات فى البرد هنموت ومش عارفين نركز اما بقى عن كليتنا فهى كلية كلها عايزه حفظ وكلية رخمة جدا ,
انا اصلا بحب الكمبيوتر وبموت فيه وبشتغل فى الصيانة بس لسه مش لاقى الفرصه اللى اخد مرتب 2000 جنيه لانى عايز اخلص الكلية واخطب علطول لاننا فى زمن الفلوس هى كل حاجه .
واسيبكو بقى الوقتى لانى عندى امتحانات ومش عارف حاجه فى المواد.
ahmed recoba 01-01-2007, 01:00 AM <div align="center"> انا بقى ( أحمد رجب ) صدفة يا mido ragab - بس انا مش ميدو محدش بيدلعنى
تالتة ثانوى ( علوم ) بس مستهيف الثانوية بس والله مش غرور دى قلة حيلة فى المذاكرة
بس ادعولى اخش صيدلة القاهرة </div>
haitham2005 01-01-2007, 10:55 AM السلام عليكم ورحمة الله وبركاته
انا بقى هيثم
اولى طب المنصورة
على فكرة طب المنصورة كلية( جميلة ونظيفة ومتطورة) شعار المدارس
لا الكلام ده بجد
وبالنسبة للدراسة فهى دراسة الطب ممتعة ولذيذة ومفيش اجمل منها
معندناش امتحانات فى نصف السنة الا امتحانات(MCQ)
المشكلة فى كمية الدراسة الرهيبة اللى بندرسها
وكمان طريقة الامتحانات التى تعتمد على الحفظ بطريقة فظيعة نظرا لكبر المواد
ارجو من اى طالب فى كلية الطب التعاون معى لكى نجتاز هذه المنحة
وشكرا لكم ...........................
نغم البحر 01-01-2007, 11:54 PM انا بقى اختكم دريم
اسمى الحقيقى احلام [size=4]
سنة 2 كلية اداب قسم اثار ودراسات يونانية ورومانية
شعبة اثار
القسم بتاعى بقى عبارة عن دراسات عتيقة بعيد عنكم
مواد اثرية زى الحفائر العمارة النحت الفخار العملة وهكذا حتى الادب اليونانى والرومانى قارفيننا بيه وما ادراكم بقى
واللغات اللى بندرسها لغة يونانية ولغة لاتينية
بس ايه جرامار كامل بالاعراب والترجمة
من الاخر يا جماعة القسم ده عايز دماغ عالية اوى وناس بتحب القديم والتراث الثقافى
وتدخله عن حب هتلاقوا الدراسة فيه رغم صعوبتها شويا الا انها ممتعة اوى
وخصوصا الرحلات والتدريبات
وربنا معاكم
ومعايا
الميهى 03-01-2007, 12:31 AM حلو اوى الموضوع دة يا جماعة علشان نتعرف على بعض اكتر
انا بقى ايمن و فى الكلية الفنية العسكرية الى اظن ان معظمكم ميعرفهاش او عمرة ما سمع عنها هيا فى القاهرة و انا من طنطا
و ابسط شرح ليها ان هيا بتخرج منها ظابط مهندس و انا دلوقتى فى سنة 2
د.حاملة المسك 03-01-2007, 01:01 AM اهلا وسهلا بيك
منور المنتدى
جميله 03-01-2007, 10:24 AM انا بقى اولى هندسه زراعيه
احلى كليه في مصر ( تجاوزا كليه انما هي قسم)
صحيح بهدله و متعبه من اول يوم
بس دراستها لذيذه اوي
و ليا كلام كتير فيها بعدين علشان مش فاضيه دلوقتي :)
د.حاملة المسك 03-01-2007, 03:17 PM اهلا بيكى يا جميلة
منورة المنتدى
الباتول 06-01-2007, 04:15 AM انا بقي في 3ثانوي نفسي اخش كليه علوم مش عارفه ممكن امشي فيها ولا لأ ادعولي بس اخشها و يارب يكرم كل اللي بيدعيلي
Mr_SeMa 06-01-2007, 08:13 PM [attachmentid=3797]انا بقي اسمي سليمان من طنطا بس في كلية لغات وترجمه القاهره شعبة ترجمه فوريه ازهر طبعا
اااااه انا في تانييه بعد اعدادي
والكليه عندنا جميله هي تقريبا اجمل كليه في كليات الازهر يمكن حد فيكم يعرفها وسلام </span> [font=Book Antiqua][font=Tahoma[color=#3366FF]]
د.حاملة المسك 07-01-2007, 08:39 PM السلام عليكم
اهلا بيكى حبيبتى الباتول
ان شاء الله احنا هنحاول نفيدكم بمعلومات عن كل اللى انتوا عايزينه بس بعد الامتحانات عشان بس مشغولة دلوقتى
وبنا يوفقك وتدخلى الكلية اللى انتى عايزاها :)
اهلا بيك يا اخ سليمان
راؤولينا 11-01-2007, 04:35 PM <div class='quotetop'>إقتباس(الباتول @ Jan 6 2007, 05:15 AM) 252734</div>
انا بقي في 3ثانوي نفسي اخش كليه علوم مش عارفه ممكن امشي فيها ولا لأ ادعولي بس اخشها و يارب يكرم كل اللي بيدعيلي
[/b]
الاخت الباتول
انا فى اولى علوم عين شمس وكنت علمى علوم
لو عايزة تسألى عن اى حاجة فى الاقسام او نظام الكليه انا فى الخدمة
و كلية علوم عايزة واحد داخلها يكون حاببها و ده مش حاصل معايا لانى دخلتها بعد صدمة
و اللى لاحظته انها افضل لعلمى رياضة من علمى علوم وده غريب جدا
عامة ربنا يوفقك للى تحبيه
مسيو محمد عياد 11-01-2007, 05:07 PM تحياتي لكم جميعاً
ولللأعضاء القدامي العائدين .. عوداً حميداً
وللأعضاء الجدد .. أهلاً بكم
سلامي الخاص للمهندسين .. لأني بحب الهندسة قوى
فرحتوني والله لما قولتو إن في دكاترة كويسين في مصر
بس يمكن يكون الكلام ده في الهندسة بس
شكراً على الموضوع
كان معكم
سترونج
محمد
طالب آداب سابق
midoragab 12-01-2007, 06:21 PM <div align="center">ياااااااااااااااااااااااااااه كل ده حصل و انا نايم
اسف يا جدعان اني مكنتش متابع الموضوع كنت بجهز للمنتدي بتاعي عقبالكم كده
المهم
شكرا لكل اللي ردووا علي الموضوع و نوروني بجد
و الموضوع مش مجرد انك بتكتب اسمك و خلاص لا يا حلوين
الموضوع انا عامله اساسا عشان نعقد الناس اللي لسه في الثانوي و نحبطهم بس
بهزر طبعا و ده من تأثير الامتحانات عندي فيزيا بكرة ان شاء الله
الموضوع معمول ان احنا تدور بيننا مناقشات حول الكليات و مشكلاتها و القضايا المهمة
اللي تنور اللي اصغر مننا
و انا مستعد اجاوب اي حد عن مجالي و هو الهندسة ( كأني فالح اوي يعني ههههه )
و طبعا انا فرحان جدا لان الموضوع ده جمعنا تاني في مكان جميل و هو المنتدي
و فرحان اكتر اني بشوف ناس جديدة بتشارك في الموضوع
حبيب الملايين احمد رجب ( ميدو رجب مش recoba )
و اتمني لكم دوام الصحة و التوفيق
ادعولي يا اخواننا
</div>
ahmed_mody13 24-01-2007, 02:31 AM وانا احمد علوم عين شمس قسم جيوفيزيكس ...يعني التعب والملل والارف والاكتئاب كله عندنا
انا مفيش لحد دلوقتي امتحان واحد خرجت منه وانا فرحان الا الكمبيوتر .....والمصيبه انه طلع مبيضفش للمجموع
eng7oudash 24-01-2007, 12:16 PM <div class='quotetop'>إقتباس(محمد البري @ Dec 31 2006, 01:41 PM) 250932</div>
ايه يعم منتا معانا في طنطا اهو :D :D يلا نبأى نقابلك في يوم :)
[/b]
ماشى معنديش مشكلة
بس انت قسم ايه؟
الميهى 24-01-2007, 12:51 PM كويس اوى يا شلتوت ان انتا فى هندسة طنطا بس البرى مش فى هندسة اصلا هوا فى صيدلة
على فكرة انا كنت فى هندسة طنطا قبل ما ادخل كليتى وانا بردة قسم ميكانيكا يعنى ممكن نفيد بعض
eng7oudash 29-01-2007, 01:30 AM <div class='quotetop'>إقتباس</div>على فكرة انا كنت فى هندسة طنطا قبل ما ادخل كليتى[/b]
طيب انت فين دلوقت؟
فى جامعة ايه؟
وفى سنة كم ؟
انا فى سنة أولى
nisreen 16-02-2008, 07:58 PM اهلا
يمكن اكون جيت متأخر شوية
انا كلية علــــــــــــــــوم جامعة اسكندرية سنة اولى
وهي كلية محترمة جدا و جميلة جدا
بتدخل ف كل المجالات
الساهره 04-03-2008, 10:15 PM هااااااى ياجماعه
انا مبسوطه اوى من الموضوع ده
انا كليه العلوم جامعه عين شمس
قسم نبات كيمياء
وهى كليه صعبه جدا
وعندى بكره امتحان ادعولى
ونفسى كل اللى فى علوم عين شمس فى المنتدى نتقابل فى الكليه
ماعرفش الاقتراح ده يعجبكم ولا لا
جايدا 10-03-2008, 11:14 AM انا بقى ايمن و فى الكلية الفنية العسكرية الى اظن ان معظمكم ميعرفهاش او عمرة ما سمع عنها
انا اعرفاها يمكن علشان اخويا فى 4 حربيه
MohammeD el_SadaT 10-03-2008, 11:35 AM انا بقى ايمن و فى الكلية الفنية العسكرية الى اظن ان معظمكم ميعرفهاش او عمرة ما سمع عنها
انا اعرفاها يمكن علشان اخويا فى 4 حربيه
محسسنى إننا مش من هنه
على العموم يا سيدى ربنا يوفقك
محمد الســادات كليه تجاره
جامعه أسيوط ربنا ما يورهالكو
bebo_crazy_boy 10-03-2008, 08:59 PM انا علوم عين شمس
sparkel 15-04-2008, 11:42 PM هاي يا احلى شباب وبتاتيت ازيكم ايه اخباركم
انا بقى عضوه جديده ف المنتدى ده واسمي سباركل وعندي 18 سنه
اعدادي صيدله
جامعه المنصوره
بكره المذاكره جدا ومش بحب الكليه بتاعتي خالص
بروح عشان صحابي وبث يلا سلام عشان مطولش عليكوا
|