dr.wa7ed
05-10-2009, 03:55 AM
سلام عليكم
ازيكم يا شباب احب اعرفكم بنفسى انا د/محمد الفرقة الرابعة طب اسنان المنصورة ان شاء الله والله انا سعيد بيكم على المنتدى ده ويا رب تكون الكلية عجبت الناس بتوع اعدادى على الرغم انهم بيخدوا اول سنة فى علوم والناس بتوع اولى الى لسه اول سنة ليهم فى الكلية عندنا
على العموم يا جماعة ان اتحت امركم فى اي حاجة اى حد عاوز يعرف اية حاجة عن الكلية من اعدادى لحد ما تخلص وازاى تذاكر انا فى الخدمة يا شباب انا موجود ويا رب تكون سنة دراسية جديدة على كل الناس ويا رب دايما بالتوفيق
(وعلى راى المثل اسال مجرب ولا تسالش طبيب)
avnan
06-10-2009, 01:37 AM
انا من المنيا بس عايزة اشترك معاكم
وشكرا ليك
dr.wa7ed
06-10-2009, 09:10 AM
ماشى يا دوك زيزو معاك حقك فى ده بس احنا بتوع اسنان وكمان لسه متخرجتش يعنى طالب على العموم تسلم
واهلا بيك يا avnan وباهل المنيا كلهم
dr.wa7ed
06-10-2009, 09:56 AM
طيب يا جماعة انتو تامروا الى عاوز اى حاجة يقولى اها اموجود دايما هنا وفى الكلية الى تقابلة مشكلة يكلمنى على الايميل بتاعى على الياهو
dr.wa7ed * ymail.com
dr zidan
06-10-2009, 02:21 PM
لو سمحت يا دdr.wa7ed
هوا احنا هنذاكر من الكتب اللي هنخدها من الدكاترة والمذكرات بتاعتهم؟؟
ولا نجيب مذكرات من المكتبات اللي خارج الجامعة ؟؟؟
وياريت تقولنا علي المذكرات اللي نجبها واللي منجبهاش
dr zidan
06-10-2009, 02:33 PM
ايه اخبار الكلية معاكي ياavnan dr
avnan
06-10-2009, 05:17 PM
واهلا بيك يا avnan وباهل المنيا كلهم[/quote
الله يخليك:)
avnan
06-10-2009, 05:25 PM
ايه اخبار الكلية معاكي ياavnan dr
تعب يا د/ زيدان
والله الواحد مش عارف يذاكر ازاى ;)
احنا اخذنا محاضرة كمياء عضوية فيها حجات من ثانوى بس مش عارفة اذاكر من اللى كتبته
واخذنا محاضرة سيتولجى (علم الخلية) بس الدكتورة شكلها صعبة
ربنا يسهل
وانت اى الاخبار معاك يا دكتور:confused:
DR_Dreamsknight
06-10-2009, 07:30 PM
لو سمحت يا دdr.wa7ed
هوا احنا هنذاكر من الكتب اللي هنخدها من الدكاترة والمذكرات بتاعتهم؟؟
ولا نجيب مذكرات من المكتبات اللي خارج الجامعة ؟؟؟
وياريت تقولنا علي المذكرات اللي نجبها واللي منجبهاش
زي مقال دكتور زيدان احنا هنذاكر منين
dr zidan
06-10-2009, 10:46 PM
وانت اى الاخبار معاك يا دكتور:confused:[/quote]
اه ماشية افهم محاضرة و 2 لا
لكن اعتقد مع الوقت كل حاجة هتبقي سهلة انشاء الله
dr.wa7ed
07-10-2009, 01:03 AM
بصوا يا شباب هتذاكر منين دى ؟سؤال كل سنة
بس ان هقولك من الاخر سواء رضيت او مرضتش الدكاترة اصلا هيخلوك تشترى الكتب من القسم علشان الفولس يعنى وكدة لان بيبقى فيها شيت بس الكلام ده فى علوم يعنى اعدادى لكن لما تيجى الكلية فى السنين الى جاية مفيش عندنا كتب
بس فى اعدادى انت لاما تذاكر من الكتب بس هتاخد وقت منك ومجهود وبعدين خد بالك لانك مش بتاخد كل حاجة فى الكتاب زى ايام الثانوى يعنى لازم تحضر المحاضرات علشان تعرف اية الى انت خدته
لو مش عاوز تذاكر من الكتاب يبقى ممكن تجيب ورق دروس بس على فكرة هتلاقى ورق كتير وبردة فى حاجات زايدة كتير عن الى بتاخده فى المحاضرة وحاجات مش عليك اصلا كمان واحيانا هتلاقى ناس فى الدفعة بتيبض محاضرات وبتخلى الدكاترة تشوفها
بس لو عاوز راي ان اشخصيا ودة الى كنت بعملة ان كنت بحضر المحاضرات بتاعتى واكتب ورا الدكتور النقط الرئيسية الى كان بيقولها وبعدين كنت بذاكر النقط دى من الكتاب او بمعنى اصح كنت بذاكر بس المواضيع الى بناخدها
وبعدين فى الاول متستعجلش عن المصدر الى هتذاكر منه لان الكيب احيانا بتتاخر شوية وكمان ورق الدروس يعنى الافضل انك تحضر المحاضرات وتبيضها ولو حتى بالعربى فى الاول لحد ما تاخد على الدراسه بالانجلش
اتمنى ان اكون افدتكم واى خدمة انا تحت امركم يا شباب
DR_Dreamsknight
07-10-2009, 08:09 AM
thanxxxxxxxxxxxxxxxxxxxxxxxxxxxxxxxx
dr.wa7ed
07-10-2009, 11:41 PM
لا شكر على واجب يا شباب احنا فى الخدمة دايما