مشاهدة النسخة كاملة : بعد 3 ايام دراسة .. ايه انطباعتكم عن الكلية ؟


dando-255
05-10-2009, 03:52 PM
السلام عليكم
عاملين ايه يا باشمهندسين الفرقة الاولى
عاوزين نعرف كل واحد فينا انطباعوا ايه عن اول 3 ايام فى الكلية
و كل واحد يحكيلنا أول يوم حصل ايه
و ايه اللى عجبوا واللى معجبوش
..
انا اللى اقدر اقوله دلوقتى باختصار
ان كل يوم بحمد ربنا انى دخلت الكلية دى

BêDô ΜâśĦâĶëL
05-10-2009, 04:40 PM
السلام عليكم
عاملين ايه يا باشمهندسين الفرقة الاولى
عاوزين نعرف كل واحد فينا انطباعوا ايه عن اول 3 ايام فى الكلية
و كل واحد يحكيلنا أول يوم حصل ايه
و ايه اللى عجبوا واللى معجبوش
..
انا اللى اقدر اقوله دلوقتى باختصار
ان كل يوم بحمد ربنا انى دخلت الكلية دى


بصراحة يا بشمهندس انا لغاية دلوقتى موهوم بالنشاط الطلابى اللى قايمين بيه الزملاء اللى اكبر مننا
حاجة تشرف بجد
غير طبعا ان عندنا دكاترة متميزين ف المواد بتاعتهم :)
اينعم لسه الواحد مش استوعب كل كلمة بس بردو حاسس انهم عايزين يفهمو الواحد مش يرمو الكلمتين ويمشو

غير ان العميد الجديد دكتور حناوى بجد بدأ يظبطنا وفيه انظمة جديدة عندنا اتمنى انها تفى بغرضها على اكمل وجه

اما بالنسبة لأول يوم هو السبت والمفروض انه اجازة بس دخلنا وخدنا حاجة زى محاضرة عن انفلونزا الخنازير كدا وشغلولنا فيديو ع البروجكتور لرئيس الجامعة ودكتور كبير اوى اتكلم باستفاضة عن المرض لدرجة ان فيه ناس نامت :d
والمحاضرة دى كانت للفرق كلها مش المستجدين بس

بعد كدا كان فيه داتا شو ف المبني الاولانى بتاع السكاشن والمعامل
بعد كدا بقا ورونا معرض الصور للانشطة اللى عملوها زى يوم اليتيم وزيارة لدار ايتام وطبق الخير
بس واللى عايز يسأل على حاجة يسأل اى حد هيفيدو بزيادة

النهاردة بقا قالولنا عن حاجة وتعتبر من احسن النشاطات الطلابية اللى شفتها ف حياتى
جميع البرامج اللى هحتاجها + نسخ ويندوز + نسخ لينكس اى اسطوانة بجنيه ف مكتبة الكليه


بس ده اللى فاكرة من الحاجات اللى شفتها

احمد بووجا
05-10-2009, 05:16 PM
بصراحه يا بشمهندسين انا لسه مرحتش الكليه فياريت حد يقولى اخدوا ايه النهارده
وطبعا من غير ما اروح اكيد كليتنا من احسن الكليات فى الجامعه

dando-255
06-10-2009, 03:30 AM
انا فى حاسبات عين شمس
مهما أتكلم مش هقدر أقولكم انا حبيت الكلية دى قد ايه
معاملة نضيفة جدا من الكل .. دكاترة فريندلى و طيبين خالص .. قاعات فى منتهى النضافة
و مجهزة من كل شىء و مكيفة
الانشطة روعة
الدراسة ممتعة جدااا .. الكتب تفتح النفس ع المذاكرة رغم كبر حجمها
كل شىء مظبوط .. مفيش حاجة معجبتنيش
انا كل يوم بيعدى بحمد ربنا انى دخلت الكلية هذه الركلية الرائعة فى هذه الجامعة الرائعة

ahmed abdelaziz
06-10-2009, 06:04 PM
حقيقى الكلية تحفة
الناس كلها معاملتها محترمة جدا زى ما داندو بيقول
و كل شىء تمام الحمد لله

eng.ahmed55
07-10-2009, 12:41 PM
بجد الكلية دى تعتبر التوب فى البلد دى
اكتر حاجة عجبتنى فيها هما اتحاد الطلبة
بجد ناس فى منتهى الروعة وعاملين شغل جامد جدا جدا
والدكاترة طيبين جدا وبيحاولوا يوصلوا لينا المعلومة بكل الطرق
واستغربت من نفسى اوى ازاى كنت بفكر فى هندسة!!!!
انا بجد حبيت الكلية دى اوى اوى
الحمد لله انى دخلتها