مشاهدة النسخة كاملة : ايه النظام يا طلبه حلوان
احمد بووجا 06-10-2009, 02:55 AM ازيكم يا بشمهندسين المستقبل يا ريت تقولولى ايه اللى حصل النهارده (الاثنين) فى الكليه ويا ترى اخدوا محاضرات ولا لا ولا الاسبوع ده للتعارف فقط لان ناس كتير قالولى مش مهم اروح اول اسبوع لانه مش مهم وياترى الجدول ده هو
ده الاساسى ولا هيتعدل من الاسبوع الجاى ولو فيه سكاشن هتبقى امتى ........ معلش بس ده اخر سؤال هو العملى هيبقى امتى؟؟؟؟؟؟؟
ياريت اللى راح النهارده يقولى ضرورى
وربنا يوفقكم ويوفقنا جميعا
hopeless sara 06-10-2009, 10:27 AM بص اللى حصل الحد هو الى حصل الاتنين :stickjo4:...مافيش محاضرات الدكاترة ولا واحد فيهم جه :abdoog8:...و فعلا بلاش تيجى اول اسبوع معتقدش انهم هايدونا حاجه ف الاسبوع ده ...بنروح نتشوى ف الشمس و بنيجى :mad::mad::mad:
و الجدول ده مش اساسى قالونا هيتغير ز كمان هو فعلا اتغير لان النهارده كان المفروض عندنا انجلش بدل الاربع ف تقريبا هايتغير
بالنسبه للسكاشن ف هى تقريبا من الاسبوع الجاى و الله اعلم ..و العملى معرفش بصراحه
بس بجد حرام تيجى و ف نفس الوقت مش عارفه هناخد محاضره الاربع دى ولا لا :040vk0:
و ربنا معانا كلنا و يرحمنيييييييييييييييييييييييي :(
احمد بووجا 06-10-2009, 02:18 PM شكرا ليكى يا بشمهندسه ساره على المعلومات دى وربنا يكون فى عونكم لان بجد الجو هناك حاااااااااااااااااااااااار جدا بس معلش (اطلبوا العلم ولو فى حلوان ) وربنا يوفقنا جميعا
Eng. Alios 06-10-2009, 02:31 PM لازم يا جماعة تحضروا حتى و لو حاجات ملهاش لزمة ...
مش عارفين ربنا مخبي لنا ايه بعد كدا ؟
اما بالنسبة لحلوان ... فحلوان جافة جداً , يعني ممكن متلاقوش شتا ... و بالعكس احسن حاجة جفاف حلوان , بكده لا ح يجيلكم انفلونزا و لا حاجة خالص ... لان الجفاف ده بيقضي على الامراض دي بسرعة ...
معلهش استحملوا ... كلها اربع سنين ... :-)
احمد بووجا 06-10-2009, 02:53 PM ازيك يا بشمهندس اه انا معاك ان لازم نحضر بس انا ساكن فى بلد جنب المنصوره والمسافه بينى وبين الجامعه حوالى 4 ساعات ونص
ده غير التكاليف فطبعا هيبقى صعب انى اروح وفى الاخر مخدش حاجه ولو اخدنا فطبعا البركه فى البشمهندسين اصحابنا هنصرف منهم وطبعا عندك حق فى حته ان حلوان جافه بس للاسف دى سلاح ذو حدين لان زى ماهيا حلوه للاوضاع اللى ماشيه دلوقتى زى ماهيا وحشه لان الجو فيها حاااااااار وطبعا لازم نستحمل وكله فدا التعليم وربنا يكون فى عونا ويارب يوفقنا جميعا
the Bosy cat 06-10-2009, 03:00 PM يا جماعة على فكرة فى شئون الطلبة قالولنا ان فى اول اسبوع فى الغالب مش هناخذ حاجة وان الجدول مش هيثبت الا بعد ما جدول السكاشن والمعامل ينزل ومعلش نستحمل الحلر شويه وربنا معانا
احمد بووجا 06-10-2009, 03:05 PM طب يا بشمهندسه الايام هتفضل هيا هياها ولا هتتغير ولا التغيير بس فى المحاضرات
the Bosy cat 06-10-2009, 03:09 PM انا بجد معرفش بس هو ده الكلام اللى انا عرفته وده مش عندنا بس لكن فى كل الكليا ت وجزاك الله خير
eng/el doktor 06-10-2009, 11:59 PM أهلا بيكم يا زملائى الأعزاء
أنا رحت يوم الحد والاتنين
وطبعا عشان كنت قاعد ف أكتوبر عشان مفيش مدينه
مش هروح تانى ..............بش تتعوض
كلها 150000000 سنه وابقى العميييييييييييييييييييييييييييد
ما علينا
مفيش ولا محاضره اتاخدت يا بشمهندس احمد
كل وقت المحاضره كان تعارف (من اى نوع ......ما علينا)
المهم المدرج فضل ينش طول وقت المحاضرتين بس كانت فرصه حلوه للتعارف
وبالذات للمجاهدين اللى زى حالتى على رأى البشمهندسه .................... المهم
بالنسبه للمدينه هتفتح يوم السبت ونسكن يوم السبت برضه
والعملى فعلا من تانى اسبوع
ويبقى الوضع على ما هو عليه وعلى المتضرر اللجوء للقضاء
جزاكم الله خير
lovely dina 07-10-2009, 08:56 AM السلام عليكم انا اول مره اشارك ممكن انضم ليكم؟ انا رحت الحد والاثنين بس مش ناويه اروح الاربع ممكن الى هيروح يقول فى محاضره ولا زى الحد والاثنين تقبلوا مرورى
eng/el doktor 07-10-2009, 02:28 PM السلام عليكم انا اول مره اشارك ممكن انضم ليكم؟ انا رحت الحد والاثنين بس مش ناويه اروح الاربع ممكن الى هيروح يقول فى محاضره ولا زى الحد والاثنين تقبلوا مرورى
طبعا ممكن ........ وأهلا بيكى معانا
هو كان ف النهارده محاضره إنجلش لدكتوره إسمها رجبيه
المحاضره دى متأجله من قبل كده
أنا رحت الحد والاتنين مخدناش حاجه
والنهارده اتصلت بواحد زميلى اتعرفت عليه
راح النهارده وبرضه ملقاش حاجه
هو الشغل بيبدأ من تانى اسبوع وخصوصا لما العملى ينزل وغالبا الجدول هيتعدل
جزاكى الله خير
lovely dina 07-10-2009, 06:51 PM طبعا ممكن ........ وأهلا بيكى معانا
هو كان ف النهارده محاضره إنجلش لدكتوره إسمها رجبيه
المحاضره دى متأجله من قبل كده
أنا رحت الحد والاتنين مخدناش حاجه
والنهارده اتصلت بواحد زميلى اتعرفت عليه
راح النهارده وبرضه ملقاش حاجه
هو الشغل بيبدأ من تانى اسبوع وخصوصا لما العملى ينزل وغالبا الجدول هيتعدل
جزاكى الله خير
شكرا ليك على الرد وجزاك الله كل خير
احمد بووجا 08-10-2009, 12:02 AM اهلا بيكى يا بشمهندسه دينا معانا وبجد نورتى المنتدى والموضوع
lovely dina 08-10-2009, 08:31 AM شكرا ليك يا بشمهندس احمد وياريت لو حد يعرف احنا عندنا نظام الساعات المعتمده زى القاهره ولا لازم اكون قسم هندسه برمجيات
eng/el doktor 08-10-2009, 06:05 PM شكرا ليك يا بشمهندس احمد وياريت لو حد يعرف احنا عندنا نظام الساعات المعتمده زى القاهره ولا لازم اكون قسم هندسه برمجيات
بالنسبه لحلوان .......
مفيش نظام الساعات المعتمده ده الا ف هندسة البرمجيات بس
هو نظام بريطانى ومأثبتش نجاح قد كده ف مصر
وموجود ف عين شمس ف قسم واحد برضه اللى هو نظم المعلومات الحيويه وده برضه قسم خاص
بس أغلى من هندسة البرمجيات تقريبا الضعف أو أكتر
بالنسبه للقاهره معنديش بيها علم والله إن كان فيها النظام ده ولا لا لا
بس معانا هنا ناس ف القاهره تقدر تقولنا
جزاكم الله خير
ahmed hany 22 09-10-2009, 02:20 AM السلام عليكم انا احمد هانى طالب معاكم في كلية الحاسبات فى حلوان وكنت عايز اسءلكم هوه احنا هنبتدى يوم السبت ولا الاحد ؟؟ مع العلم ان احنا ماخدناش اى محاضرة الاسبوع ده على عكس باقى الجامعات وشكرا
eng/el doktor 09-10-2009, 08:57 PM السلام عليكم انا احمد هانى طالب معاكم في كلية الحاسبات فى حلوان وكنت عايز اسءلكم هوه احنا هنبتدى يوم السبت ولا الاحد ؟؟ مع العلم ان احنا ماخدناش اى محاضرة الاسبوع ده على عكس باقى الجامعات وشكرا
اهلا بيك يا بوحميد
إتأخرت ليه يا راجل
بص يا سيدى
مفيش دراسه السبت
لكن بالنسبه للمغتربين هنروح السبت عشان نستلم المدينه
لكن على حسب الجدول الحالى الدراسه تبدأ الحد
وبالمناسبه يا جماعه أى حد قريب م الجامعه لو جاب جدول السكاشن لو كان نزل يرفعه ع المنتدى
وإن شاء الله الدراسه ع الحد يا بشمهندس
جزاكم الله خير
ahmed hany 22 12-10-2009, 11:31 PM ياجماعة الدكتورة بتاعت الانجليزى كروتتنا جامد اوى النهارده دى ماكملتش ربع ساعة يلا لما نشوف لما نجيب الكتاب هتعمل ايه؟
eng/el doktor 14-10-2009, 07:49 PM ياجماعة الدكتورة بتاعت الانجليزى كروتتنا جامد اوى النهارده دى ماكملتش ربع ساعة يلا لما نشوف لما نجيب الكتاب هتعمل ايه؟
هى أساسا ما شرحتش حاجه
هى قالت الإمتحان بيبقى ازاى وقالت على مكتبة الفتح اللى فيها الكتاب
وكل المحاضره كانت نص ساعه
وبعدين ع الأقل هنفهم منها ولو أى حاجه
المصيبه بقى الرياضه اللى كانت النهارده
بتاعة الدكتوره رجبيه الله يسامحها
أنا سبت المحاضره بعد نص ساعه كده
بعد لما يئست إنى أفهم منها حاجه
والعيال بيقولولى جت ف آخر المحاضره خالص وقالتلهم
آه..................أنا ناسيه إنكوا عربى
فاكرانا لغات يعنى
بجد ربنا يستر ف الماده دى خصوصا إنها شرحت فصل كامل بتاع الدوال
~: Zac :~ 14-10-2009, 08:42 PM حضرت محاضرات الدكاترة الرجالة بس مش عارف ليه محضرتش لحورية ورجبية دول ....
حاسس ان فاتني كتير عشان محضرتش الرياضة بس ان شاء الله خير ...
ولو حد يا جماعة يقدر يبقى يكتب تلخيص عام للمحاضرات يبقى ربنا يجازيه كل خير وادينا بنساعد بعض ....
وربنا يوفقك الجميع ..
the Bosy cat 15-10-2009, 02:13 PM ربنا يستر يا جماعة على الرياضة ده ده الدكتورة اصلا شكلها مش عايزة تشوفنا وانا كمان اتخنقت منها لما قالت خلى المعيد يفهمكم لان المفروض الساس الدكتور والمعيد يثبت المعلومة ربنا يستر علينا فى المادة ده:stickjo4::stickjo4::stickjo4:
ahmed_nabil200 15-10-2009, 04:43 PM ربنا يستر يا جماعة على الرياضة ده ده الدكتورة اصلا شكلها مش عايزة تشوفنا وانا كمان اتخنقت منها لما قالت خلى المعيد يفهمكم لان المفروض الساس الدكتور والمعيد يثبت المعلومة ربنا يستر علينا فى المادة ده:stickjo4::stickjo4::stickjo4:
المشكلة انها شرحت الدوال كلها فى محاضرة واحدة ... بتوع هندسة بياخدوا كل دالة لواحدها فى محاضرة :(
ahmed hany 22 20-10-2009, 12:11 AM اولا : دكتورة خنيقة فاكرانا عباقرة ثانيا: انا فى سكشن 2 والمعيدة بتشرح بسرعة جدا بس على الاقل فهمت نها كويس بس مالحقتش اكتب ثالثا : بالنسبة لمادة التراكيب اللى انا خايف منها لان لحد دلوقتى دافع فلوس الكتاب وافيش حاجة وكمان المعيدة ماجتش عشان تفهمنا اول محاضرة فربنا يستر علينا السنة دى وانا والله نفسي اذاكر بس مش عارف اذاكر ..... وياريت اعرف موقفكم بردو عشان نشجع بعض ... واسف على الاطالة
احمد بووجا 21-10-2009, 07:18 PM ازيكم يا جماعه بجد وحشتونى ايه اخبار المحاضرات معاكم والله انتوا عندكوا حق فى كلامكم عن دكتوره رجبيه الرغايه جدا على عكس الدكتوره حوريه اللى مشرحتش حاجه خالص منذ بدايه الدراسه وربنا يستر وبعدين مفيش اسف على حاجه يا بشمهندس احمد انت برحتك يا معلم مش كفايه انك معايه فى السكشن وياريت نبقى نعرف بعض والله يا احمد انا ذاكرت لغايه دلوقتى محاضره الفيزياء الاولى ومحاضره التراكيب بس وعموما ده طبيعى فى الاول بس بعد كده هنذاكر بجد وربنا يوفقنا
ahmed_nabil200 23-10-2009, 05:11 PM اولا : دكتورة خنيقة فاكرانا عباقرة ثانيا: انا فى سكشن 2 والمعيدة بتشرح بسرعة جدا بس على الاقل فهمت نها كويس بس مالحقتش اكتب ثالثا : بالنسبة لمادة التراكيب اللى انا خايف منها لان لحد دلوقتى دافع فلوس الكتاب وافيش حاجة وكمان المعيدة ماجتش عشان تفهمنا اول محاضرة فربنا يستر علينا السنة دى وانا والله نفسي اذاكر بس مش عارف اذاكر ..... وياريت اعرف موقفكم بردو عشان نشجع بعض ... واسف على الاطالة
انا فى سكشن 2 برضة .. هى المعيدة اة سريعة بس انا لحقت اكتب انا عموما شايفها ارحم بكتير جدا من د/رجبية ... و يا رب كتاب التراكيب يننفع يتذاكر منو لانى مش لامم محاضرتها اوى زز بس ان شاء الله تبقى المشاكل دى فى الاول بس و بعد كدة نتعود ..
the Bosy cat 23-10-2009, 10:02 PM يا جماعة محدش يضايق نفسه وان شاء الله السنة كويسة علينا كلنا وعلى فكرة انا سالت طلبة فى سنة تانية وقالوا ان ده عادى فى اول سنة وقالولى ان اهم حاجة اننا فى محاضرة د\رجبية نكتب كل اللى بتقوله وربنا معانا كلنا
eng/el doktor 26-10-2009, 05:43 PM يا جماعة محدش يضايق نفسه وان شاء الله السنة كويسة علينا كلنا وعلى فكرة انا سالت طلبة فى سنة تانية وقالوا ان ده عادى فى اول سنة وقالولى ان اهم حاجة اننا فى محاضرة د\رجبية نكتب كل اللى بتقوله وربنا معانا كلنا
والله أنا لا بسمع اللى هى بتقوله لانها بتبقى هبطانه طول المحاضره من طلوع السلم
ولا بشوف اللى بتكتبه ع السبوره
لكن أنا إعتمادى كليا وجزئيا ع السكشن
هى المعيده سريعه فعلا لكن شرحها كويس
جزاكم الله كل خير
احمد بووجا 03-11-2009, 10:56 PM هى فعلا بتبقى هبطانه اوى من طلوع السلم يبقى يتركبلها اسانسير وكمان المعيده اتغيرت ياعم احمد واظن المعيد اللى جالكوا مظبطكوا طبعا انت فاهمنى والمهم الواحد يجدعن ويذاكر وربنا يوفقنا جميعا
the Bosy cat 05-11-2009, 12:22 AM ربنا يستر يا جماعة انا كمان فى السكشن المعيدة اتغيرت وجه معيد ولكن شكله فى الضياع
احمد بووجا 06-11-2009, 03:07 AM انا فى سكشن 2 وجالنا معيده اسمها ضحى بجد هيا معيده جامده فى التعامل مع الطلبه وانها متقبله اسألتهم على عكس المعيده الاولى دعاء اينعم هيا ميه ميه فى الشرح وبجد بتفهم اوى بس فى التعامل للاسف مش اوى يعنى مش بتحب حد يسـألها كتير وعلى العموم ربنا يوفقنا يارب فى امتحانات الميد تيرم وتعدى على خير وخاصه بعد اللى عملته الدكتوره المبجله دكتوره مبدئ الاداره ربنا يسامحها ويجزيها على اد ما بتدى من عمل وخير
|