مشاهدة النسخة كاملة : ارجوكم اللى يقدر يفيدنى يرد عليااا "بخصوص هندسة الزقازيق"


BORO2
06-10-2009, 02:06 PM
هاااااااااى .......أنا هخش فى الموضوع على طول ...انا كنت جايب 384 و جالى هندسة المنيا عملت تحويل الكترونى لهندسة المنصورة و طبعا مش اتقبل فعملت تحويل ورقى برده لهندسة المنصورة و متقبلش برده فعملت تحوييل لهندسة الزقزيق "للأسف" يوم 28/9 و لسه لغاية دلوقتى نتيجته مظهرتش رحت سألت امبارح قالى الورق سافر القاهرة يوم 4/10 و كل ده انا بحضر عادى فى الزقازيق مش فى المنيا من أول الدراسة فعايز أفهم هو فى أمل انى أتقبل مع العلم ان فى ناس اتقبلوا هناك و مجموعهم 382.5 يعنى أقل منى و كمان أنا مش عارف لغاية دلوقتى انا فى أنهى مجموعة أو انهى سيكشن فاللى يعرف أى حاجة يرد علياااا :giljotiiniug3:

الاسكندراني88
06-10-2009, 05:45 PM
انت كلامك مش واضح
لان 384 ده تقريبا مجموع السنه اللى فاتت وما تدخلشي هندسة خالص
ومافيش تحويل الكتروني اولا تحويل من اى محافظه تانية غير القاهرة
وضح اكتر وان شاء الله ممكن تلاقى حد يفيدك

BORO2
06-10-2009, 08:48 PM
لا يا اكندرانى انا لسه داخل اعدادى هندسة و ده مجموعى فى الثانوية و جالى هندسة المنيا لأنى كنت كاتبها قبل المطرية و اسيوط و حولت للمنصورة قالولى استنى النتيجة فى المرحلة التانية فحولت للزقازيق اضمن لتى لقيتها قبلت اصحابى كتير بمجموع 382.5 يعنى اقل منى و دلوققتى بحضر فى الزقازيق و مستنى النتيجة و هى لسه مظهرتش فأنا كده اسمى لسه مش فى الكشوف فمش عارف انا فى أنهى مجموعة و لا عارف انا فى أنهى سيكشن و كده فمش عارف هو عشان محول متأخر شوية ممكن مقبلش ولا عادى و عما النتيجة تظهر لو فى غياب بيتاخد فى سكاشن هيبقى ايه نظامى و كده يعنى؟؟؟

battisha
06-10-2009, 08:56 PM
المفروض ان احنا ناخد ورقة من شؤن الطلبة اللي في الكلية اللي احنا فيها تثبت ان اسامينا لسة متحتطش في المجاميع والسكاشن عشان الغياب والحضور

وردة بلدنا
06-10-2009, 09:03 PM
انا نفس حالتك وعاملة تحويل للزقازيق ومجموعي 391 وبحضر هناك عادي بس ازاي جايبين المجموع ده واتقبلوا
انت متاكد ان الكلام ده السنادي

BORO2
07-10-2009, 05:29 PM
ازااى انتى جايبة 391 و مش دخلتى الزقازيق بالمجموع ده تنسيق الزققازيق كان اقل م كده و انا متأكد انهم اتقبلوا من مجموع 382.5 و الله و شايف الكشوفات بعينى و اصلا ده اقل حد لهندسة السنة دى و يا رب كلنا نتقبل ان شاء الله

BORO2
07-10-2009, 05:38 PM
انا رحت سألت امبارح فى مركز التحويل اللى جنب تجارة قالولى النتيجة كمان 15 يوم كده فمش عارررف طول الفترة دى هيكون النظام عامل ازاى و كمان المجموعات هحضر فى أنهى مجموعة و كده و ربنا يسهل

وردة بلدنا
07-10-2009, 08:58 PM
ازااى انتى جايبة 391 و مش دخلتى الزقازيق بالمجموع ده تنسيق الزققازيق كان اقل م كده و انا متأكد انهم اتقبلوا من مجموع 382.5 و الله و شايف الكشوفات بعينى و اصلا ده اقل حد لهندسة السنة دى و يا رب كلنا نتقبل ان شاء الله


ازاي يعني انت ثانوية سعودية ولا حاجة تانية :excl:
الموقع مش راضي يفتح معايا عشان كدة مش عارفة اتاكد بس هي دي الدرجة اللي في بطاقة الترشيح
وانا متقبلتش في الزقازيق على فرق 2. بس;)

BORO2
09-10-2009, 04:31 PM
لا انا مش ثانوية سعودية ولا حاجة انا واخدها من مصر بس انا اتأخرت فى التحوييل بس