الاثنين السابق
قطعت إدارة قناة دريم بث برنامج "الطبعة الأولى"، الذي يقدمه الكاتب الصحفي أحمد المسلماني، بعدما هاجم وزير الاستثمار الدكتور محمود محيي الدين، والذي قال عنه المسلماني:" إنه تحول من أقصى اليمين إلى أقصى اليسار، وأنه كان أثناء دراسته في الجامعة يقود المظاهرات دفاعا عن حقوق الفقراء والعمال، ولكنه وعندما أصبح من رجال السلطة، يقدم الفقراء والعمال كبش فداء لكسب رضا الحكومة".
كان المسلماني قد أعلن عن فاصل إعلاني ثم يعود ليستكمل الحلقة، ولكن الفاصل انتهى، ولم يعد البرنامج للبث مرة أخرى، ولم يذع في اليوم التالي، مما يؤكد وجود مشكلة بين الحلقة الأخيرة وما جاء فيها، والانتقادات التي توجهها الحكومة المصرية مؤخرا على جرأة مذيعي القناة عليها، خاصة أن معظم مقدمي هذه البرامج من كبار الصحفيين، والذين قد تعودوا الجرأة الصحافية، وكان هذا سببا لتميزهم عن مذيعي التلفزيون الذين يعرفون جيدا المحاذير الرقابية.

هو صحفى كويس جدا بصراحه
بس هو وقع من نظرى من ساعه ما اتكلم عن شيخ الأزهر بأستهزاء
فمعتش يفرق اذا كان موجود او لا
و الواقعه دى تدل على ان مصر تتمتع بالديموقراطيه :d

قصدك ايه .....شيخ الازهر........!
ابقي اقرا اخر اخباره .., اللي يستحق الاحترام

واكيد الخبر منشور هنا في المنتدي بتاع طالبة الازهر

انا عارف انك بتتكلمى عن موضوع النقاب
و انا من اشد المعارضين ليه فى النقطه دى
و مع انى ازهرى لكن لا اتبع الأزهر فى اغلب كلامه
فلست مع تساهلهم فى الأمور و اجازة تعاملات البنوك و و صفهم للحيه بأنها سنه لا ترتقى لرتبه الفرضية و غيره و غيره من الأمور
لكن مع كل هذا يجب احترام كيان شيخ الأزهر
ليس احتراما للدكتور محمد سيد طنطاوى لكن احتراما لمكانة الأزهر
و اعتقد اننا بنحترم ناس كتيره جدا عملت حاجات اسوأ من اللى عملها شيخ الأزهر
لو بصيتى فى التليفزيون هتشوفى احنا بنحتفل قد ايه بوزير الثقافه علشان الأنتخابات اللى هو داخل فيها
و المناصب اللى بيأخدها ... شوفى التليفزيون قاعد يمجد فيه قد ايه
و اعتقد ان نفس الشخص ده هو اللى كانت مصر كلها مش طايقاه بسبب الحجاب
فليه نمسك فى شيخ الأزهر او اى شخص له علاقه بالدين و نسيب اى حاجه تانيه

انا بحب الصحفى دا اوى بس هو جرئ زيادة عن اللزوم

راجل جريء ونظيف

امال يعني عايزاهم يوقفوا برنامج زي برنامج لماذا بتاع القاهرة والناس انا الحمد لله ماشفتش هذه القناة ولا البرنامج لكن النت مليان كلام عن القناة والبرنامج " انا قريت اه استضاف المبجلة ايناس الدغيدي وقالت بالحرف الواحد يارب ما تكتب عليا اتحجب " وطبعا هي قالت كدا من هنا والرنامج اتوقف من هنا بل القناة كلها"
...............طبعا دي خيالات المؤلف ما تصدقيش انه اتوقف يتوقف واحد زي احمد المسلماني بس

شكرا على الخبر
والف تحية وتقدير
للصحافى الجرى
أ/ أحمد المسلمانى
الذى لم يقل غير ما وجده من حقائق متناقضة .

هو صحفى كويس جدا بصراحه
بس هو وقع من نظرى من ساعه ما اتكلم عن شيخ الأزهر بأستهزاء
فمعتش يفرق اذا كان موجود او لا
و الواقعه دى تدل على ان مصر تتمتع بالديموقراطيه :d
ممكن حضرتك تقرا الموضوع السابق بعنوان المنقبة وشيخ الازهر

كلاكيت تاني مرة


بعدما عاد برنامج احمد المسلماني امس يوم الاحد بعد توقف دام اسبوع تقريبا

اليوم الاثنين قبل بدء البرنامج قالوا بعد قليل برنامج احمد المسلماني

ولكنه لم يبدأ..........................!


حقا....هذه هي بلدنا
من يقول حقيقة..يكون ذلك مسواه

انا عارف انك بتتكلمى عن موضوع النقاب
و انا من اشد المعارضين ليه فى النقطه دى
و مع انى ازهرى لكن لا اتبع الأزهر فى اغلب كلامه
فلست مع تساهلهم فى الأمور و اجازة تعاملات البنوك و و صفهم للحيه بأنها سنه لا ترتقى لرتبه الفرضية و غيره و غيره من الأمور
لكن مع كل هذا يجب احترام كيان شيخ الأزهر
ليس احتراما للدكتور محمد سيد طنطاوى لكن احتراما لمكانة الأزهر
و اعتقد اننا بنحترم ناس كتيره جدا عملت حاجات اسوأ من اللى عملها شيخ الأزهر
لو بصيتى فى التليفزيون هتشوفى احنا بنحتفل قد ايه بوزير الثقافه علشان الأنتخابات اللى هو داخل فيها
و المناصب اللى بيأخدها ... شوفى التليفزيون قاعد يمجد فيه قد ايه
و اعتقد ان نفس الشخص ده هو اللى كانت مصر كلها مش طايقاه بسبب الحجاب
فليه نمسك فى شيخ الأزهر او اى شخص له علاقه بالدين و نسيب اى حاجه تانيه

]

ماهي لو كانت اختك كان كلامك اتغير
المشكلة مش نقاب ولا حجاب
المشكلة بالطريقة اللى كلم البنت بيها بس مش اكتر

الصحفي احمد المسلماني فعلا صحفي متميز خلقا وادبا وعلما والماما بامور يتمتع بجراه لكنه لايتطاول علي احد ويحفظ مقامات من يتحدث عنهم ولكن يستهجن افعالهم لان مصر ليست ملكا للوزراء وليست عزبه للكبار ووزير الاستثمار ناظر علي العزبه دي مصر دي وطن علينا ان احنا ننتشله سواء بالكلمه سواء بالعمل باي وسيله كانت