انقذوا طالب ..تاه فى حصن الثانوية [الأرشيف] - بوابة الثانوية العامة المصرية

مشاهدة النسخة كاملة : انقذوا طالب ..تاه فى حصن الثانوية

مسترلوفا

08-10-2009, 01:07 PM

السلام وعليكم ورحمته وبركاته

انا عمرو...علمى علوم

....دخلت فى البداااية خالص ثنوى على طلب منى رغم ان اهلى قدمو الورق بتاعي صنايع عملت اضراب وشوية خناقات وبعدها بكااام يوم قدرت اخلى والدى ينقل الورق للثانوية العسكرية المهم.....دخلت ومتحمس جدا وحاطط بين عينى كلية كويسة جدا وبتمنى ادخلها وفجأة شعلة الحماس دى قوى عليها الهوا وطفاها مبقتش قادر اذاكر :( انا وبدون غرور والله بس يعنى نقدر نقوووول انى كويس فى الانجلش من غير ما اذااكره ...والريااضة وبفضل اسطورة مصرية محدش اكتشفها(مدرس الرياضة بتاعى) بفضله .. طبعا بعد ربنا انا كويس فيها بسبب مجهوده اللى بيعمله معانا وبرضه مش بزاكرها الامر وما فيه انى مبقتش بزاكر.........ايه دا واحد فى تانية ثنوى مبيزاكرش.....وربنا عااارف انى فمصيبة وحاسس بالموضوع وكل لما اقعد عالكمبيوتر اقعد اعاتب نفسى او ونا قاعد بتفرج عالتلفزيوون...طب والحل ....كلمت ناااس كتير ونا ليا صحاب يعنى والله من خيرة الناس واغلبهم اكبر منى منهم اتنين واحد فى هندسة والتانى فى اداب فرنش كلهم قالو انهم كانو بيزاكرو والتانى على حد تعبيره بيدح وااجى ابص لنفسى الاقينى ولا حاجة جنبهم طب مهو بالمستوى دا بعد سنتين ورقى هيكون فى كلية زراعة .... الدكتور ابراهيم الفقى له دوور فحياااتى كبير اوى انا بسمعه من سنتين يعنى ونا عندى 15 سنة بسمع الراجل دا ومقتنع بكلامه جدا بس لما بتيجى حتة التطبيق بئا الاقى نفسى مثلا اعمل لنفسى جدول ومش امشى عليه ..احط صورة كبيرة قدام عينى اللى هى الكلية بتاعتى وحياتى اللى جاية يفوووت كام يوم او كام اسبوووع وانسى كل دا والاقينى ماشى زى اللى ماشيين عارف انى فمحنة ومصيبة ومش هيفيدنى غير ارااائكم الصغير قبل الكبييييير وحتى لو فيه انتقاد هسمعه المهم انى الاقى عندكو الاجابات والنصايح والتحفيزات اللى انا عاوزها وهستنااااا ردودكم وخلى بالكم لو جيت اقيس معدل مذاكرتى فاليوم ممكن الاقيه نص ساعة وغالبا بتكون ببص فى كتاب او بعمل واجب ....مع انى مكنتش بالطريقة دى انا كنت من الاوائل فى الاعدااااادية وبعدين لو قولنا انى كويس فى الانجلش والرياضة ومن غير مذاكرة طب ما باقيى المواد عوزة مذاكرة ونا فيهم ميييييييييييييييييييييح :frown: :frown:

مسترلوفا

08-10-2009, 06:28 PM

5 مشاهدات ومحدش رد ليه كدا يجماعة والله محتاج ارائكم

filopateer

08-10-2009, 07:58 PM

rabna ma3ak we 3alash astahml shewaea hawl tfok 3an nafsk shewaea we ba3dan arga3 zaker tany we ad3y le rabna e2of ma3ak bas anta sabha 3ala rabna we a3mal 2aly 3alk

floura

09-10-2009, 05:12 AM

طب انت ايه اللى مش بيخليك تذاكر هى الدراسة صعبة فى الثانوى العسكرى؟؟؟؟ ولا فى سبب تانى ؟؟

مسترلوفا

10-10-2009, 12:25 PM

السبب ببساااطة شديدة فيا انا مش فى المناهج منا صحابى بيزاكرو وكويسين بس انا اللى كل لما اقرب للكتاب يركبنى عفريت وغير كدا وكدا السنة راح مها شهرين وبجد بئت خايف اوى

مسترلوفا

10-10-2009, 12:26 PM

فيلوباتير شكرااااا على المرور وياررييييت تقرو ردودى وتجاوبونى انا هستناكو كل يوم يمكن الاقى عندكو الترياق الشافى

smart_girl

10-10-2009, 07:54 PM

السلام عليكم
على فكرة انا كمان ثانويه عامة وكنت فى الاول خايفة جدا علشان مذاكرتى مش كبيره بس لقيت اصحاب فى جامعات ومنهم حد فى هندسة كان ما شاء الله ممتاز ولسه كده فى الكليه بتاعته المهم قالى ان هوة كان بيذاكر ويلعب يعنى كان بيعمل اللى هوة عاوزه فبتهيألى مش ضرورى تضغط نفسك بالمذاكرة يعنى حاول تختار الوقت اللى ذهنك فيه صافى تماما وذاكر فيه يارب ساعتين كل يوم ومع الوقت ان شاء الله عدد ساعات المذاكرة حيزيد لانك حتكون اتعود وبالنسبه للوقت فمفيش مشكله لان انا اعرف ناس لسه مبدأوش اساسا وربنا يوفقك ويوفق جميع المسسلمين ويجعلهم زخر للاسلام

davebatista

11-10-2009, 10:20 AM

السلام عليكم
علي فكرة انا كنت زيك كده وكنت بقي بدرس في السعودية كمان والله والله والله كمان مرة طول عمري متعود اني افضل اللعب وف اخر السنه انجح لان في السعودية الدراسة سهلة لما نزلت مصر بقي وف ازهري كمان شوفت منهج مكنتش متخيله انه هيبقي كده ابدا فضلت اللعب برضو بس والله شديت حيلي وحطيت فدماغي اني لازم ادخل جامعة كذا والحمدلله نجحت فلازم طحت فدماغك هدف متبقاش قاعد بتذاكر كده وخلاص وانا بذاكر بالطريقة اللي تعجبني اهم حاجة ازاكر علي النت بقي في الشارع في النادي اهم حاجة مبقاش مخنوق

مسترلوفا

11-10-2009, 06:38 PM

طبعا سمااارت مشكوووورة جدا لزيارتك وردك بس انتى بتقولى بتلعبى وتزاكرى طب واللى بيلعب بس يروح ينتحر (دا احسن حل)

شكرا على مرورك سمارتى وربنا يوفقك يا جميل

مسترلوفا

11-10-2009, 06:40 PM

باتيستااااا شكرررررااااا يا غالى عالمرووووور ومنور مصر يا رياااااسة بس صدقنى الحوااار مش حوار مذاكرة انا مبقتش بطيق الكتاااب نهار اسود دنا فثنوية عامة الموضوع كدا مصيــــــــبة

شكرا يا غالى على مرووووووووووووووووورك

**اية

12-10-2009, 12:25 PM

السلام عليكم

انامش هطول عليك ولكن هقولك حاجة واحدة انت دلوقتي لسه عندك فرصة عظيمة للمذاكرة ممكن حتي لو مفتحتش اي كتاب انك تذاكر وتنجح بتفوق
وكل لما تبدأ المذاكرة سمي بأسم الله اولا
وضع هدفك دائما امامك
ونصيحة عن تجربة هتندم جداااا علي اي وقت هيضيع بعد كدة
عشان بتفرق من درجة من كلية لكلية او قسم او اي حاجة
فدائما تذكر هدفك وضعه دائما هدفك امام عينك وابذل اي تعب ومجهود لتصل لهذا الهدف
وربنا يوفقك

filopateer

12-10-2009, 06:33 PM

" ثق ان الذي وضعك علي اول الطريق قادر ان يكمل معك " حكمه و نعمه بالله

مسترلوفا

14-10-2009, 02:56 AM

ايـــــه شكرا جدااااا على مرووورك وانتى عندك حق والله بس المصيبة انى عارف كل دا وشفت ناس اتبهدلت كمان بسبب الحكاية دى بس عشان نقول انى ابطل ادخل نت بئا واحبس نفسى وكدا احنا بنتكلم فى عبور سينا اسهل

مسترلوفا

14-10-2009, 03:05 AM

فيلوووباتيررر شكراااااا على مرورك يا نجم قوللى صحيح انتا كلية ولا ثنوية عامة ولا حوارك ايه؟

مسترلوفا

14-10-2009, 03:10 AM

وعلى فكرة صحيح بمناسبة انك تربية انجلش يا اية انا بحب الانجلش جداااا ويمكن دى المادة اللى كويس فيها هى والرياضة وحاطط فى دماغى يا تربية انجلش يا اما ألسن

pinkykitty

14-10-2009, 06:24 PM

السلام عليكم
اولا احب اقولك ان اللي انت فيه ده عادي جدا وانا مريت بيه لما كنت في ثانوي
وحكاية التليفزيون والكمبيوتر ديه كانت عادي بالنسبالي لاني كنت بتفرج على تليفزيون وكنت بقعد كتتير على الكمبيوتر بس لما كنت بذاكر كنت بذاكر كويس يعني بلاش تلوم نفسك علشان التليفزيون او الكمبيوتر بس اهم حاجة انك تشد حيلك وتذاكر كويس
اما بقى بالنسبة لحكاية انك كل ما تمسك الكتاب يركبك عفريت ديه فانا كانت بتجيلي الحكاية ديه احيانا بس مش من اولها كده زيك يعني على شهر 2 او 3 كده وبعدين كنت برجع تاني اذاكر
وعلى فكرة بجد بجد اياااااااااااااك تضيع الوقت والله حتندم كتير
والله والله والله انا في تالتة ثانوي كنت بحسب الوقت بالدقيقة كانت الدقيقة بتفرق معايا واوعى تخلى حاجة تتراكم عليك وما تسمعش كلام حد يقولك خلي المادة الفلانيه في الاخر وما تذاكرهاش اوي دلوقتي اوعى تعمل كده واللي حيقولك كده حتلاقيه بيذاكر المادة ديه كويس
بس نصيحة لو انت شايف ان التليفزيون والكمبيوتر وقتهم حييجي ع المذاكرة فحاول تقلل منهم شوية بلاش تبطلهم علشان ما تتخنقش بس بلاش تكتر يعني الاعتدال حلو
وحاجة تانية كمان في نوع من الطلاب وقتهم بيضيع بسبب الارهاق يعني مثلا الواحد ييجي من المدرسة او الدرس تعبان ويقول انا حنام ساعتين وبعدين اقوم اكل الكتاب اكل ده انا حخلص المادة ديه انهاردة وابقى قابلني بقى لو صحى من اساسه فيه نوعية من الطلاب كده من كتر الارهاق بيناموا كتير وبعدين ما يعرفوش يذاكرة واليوم يروح وانا كنت ساعات كده برضه فالاحسن انك تيجي من المدرسة تذاكر شوية او حتى تلم الموضوع وبعدين تنام ده لو انت من النوعية اللي انا قلت عليها
واهم حاجة انك تعرف ازاي تنظم وقتك صح وما تراكمش حاجة عليك علشان ما تجيش في اخر شهر وتقول يا ريت اللي جرى ما كان
معلش طولت عليك وربنا يوفقك

أسيل رزق

14-10-2009, 09:42 PM

وعليكم السلام ورحمة الله وبركاته

طبعاً مشكلتك مش سهلة و برده مش شعب حلها
حلها فى إيدك بس كل الحكاية بلاش تخلى الكسل يتغلب عليك لازم تقاومه و تغلبه
و حاول تقومى عزيمتك و إرادتك أكتر من كده و تكون جاد مع نفسك أكتر
و قرب من ربنا أكتر و أكتر لإن رضا ربنا فوق كل شىء و هو أسهل طريق لحل أى مشكلة بتقابل أى إنسان

إفتح الروابط الجاية

فيها مشاكل مشابهه لمشكلتك جداً و الآراء اللى فيها إقراها كويس يمكن تفيدك

http://www.thanwya.com/vb/showpost.php?p=1661453&postcount=386 (http://www.thanwya.com/vb/showpost.php?p=1661453&postcount=386)

http://www.thanwya.com/vb/showthread.php?t=158240 (http://www.thanwya.com/vb/showthread.php?t=158240)

و ربنا يوفقك و يوفق الجميع

*ساسُّو*

14-10-2009, 11:41 PM

تقريبا انا زى حضرتك بالظبط
بس فرق انى تانية ازهر وعلمى ومش عايزة اقرب لكتاب الفيزيا اطلاقا
بس فكر لو بكرة الامتحان هتعمل ايه؟
بس حضرتك ممكن تذاكر على النت تستفاد بوقتك
مش عارفة حضرتك حاليا ثانوى عسكرى ولا عام!!!
لو عسكرى مش اعرف المواد
ولو عام ممكن ابعت لحضرتك روابط فى رد تانى فيها كل المواد وشرح اون لاين
المهم ان حضرتك تفكر فى هدفك وتفكر هل ممكن توصله بالشكل ده؟
نت و فقط
نو مذاكرة ؟
شعلة الحماس راحت فين؟
ليه انطفت؟
متهيألى حضرتك ممكن يكون جالك ملل
يستحسن تغير جو حتى لو نص يوم عشان تجدد نشاطك وتفك الملل ده
على حسب كلامك حضرتك من المتفوقين
ممكن حضرتك تحط هدفك قدامك وخليك مُصر تحققه* انك مش تنزل من مستواك ابدا* ودايما متفوق
وعلى فكرة مش بعدد ساعات المذاكرة
فيه ناس بتذاكر 17 ساعة فى اليوم وتحصيلها بسيط
وناس بتذاكر ساعتين ما شاء الله *على حد كلامك حضرتك من النوع التانى*
ان شاء الله حتى لو مش ذاكرت كتير هتحصل كتير ومش مهم عدد الساعات المهم التحصيل وفقط
حضرتك ابدأ باول مادة بتحبها *انجلش مثلا* وبعدها مادة رخمة
واستخدم اقلام الوان فسفوريه وشوية صور كرتون مثلا فى الكشكول عشان منظره يشجع على المذاكرة
مع مشروب مفضل يقوى الذاكرة *شاى بنعناع او ليمون او قرنفل او اى عصير*
المهم اوعى تنسي هدفك او تكسل عنه
ومن وقت للتانى تابع نفسك ماشي تمام ولا لا
ان شاء الله نسمع ان حضرتك الاول
ربنا يوفق حضرتك

pureheart

15-10-2009, 02:45 PM

بص اولاً انت بتدلع شويتين
احساس الملل ده طبيعى
بس موضوع انك تحط هدف و كدة مش لازم يعمل تحفيز ده ممكن يحسسك بعدم الرغبة فى المذكرة
يعنى لما انا كنت فى ثانويه عامة موضوع الهدف و انك تحط ورقة فيها اللى انت عايزه منفعش معايا و لا كنت بحس انه بيعمل تحفيز ( الا فى اخر 3 شهور فى 3 ثانوى )
بص انت لما تقعد عشان تذاكر اولاً يبقى المكان مفهوش حد معاك يعنى ادخل اوضتك و اقفل الباب بعدين ابدا بالمادة اللى بتحبها و لو لقيت نفسك زهقت تعالى شوية على نفسك و كمل المذاكرة متستسلمش لاحساس الزهق و لما تخلص اول مادة خد استراحة 10 دقايق ربع ساعة
بعديها كمل فى المادة التانية
و خلى للكمبيوتر وقت محدد يعنى مثلاً ساعة قبل النوم او بعد الغدا بس متبقاش اول متصحى من النوم
و لما تلاقى نفسك بتذاكر و بتعرف تحل حتدخل فى ال mode بتاع المذاكرة و موضوع الملل حيقل
اخيراً خلى عندك ثقة فى قدراتك و انت الوحيد اللى تعرف انت تقدر تعمل ايه ( و انسى ان اهلك كانوا عايزينك تدخل صنايع )و متفكرش فى كليه مجموعها قليل خلى عندك تفكير متفائل يعنى فكر فى طب مثلاً
ربنا يوفقك و يهديك

مسترلوفا

15-10-2009, 06:50 PM

بينكى كيتى طبعا منورة الموضووع ومش طولتى عليا ولا حاجة دنا يمكن محتاج الكلااااام دا أوى كمان ويخليكى انتى وكل اللى شاركو بجد انا حكايتى ممكن تفرق بأرائكم دى

مسترلوفا

15-10-2009, 06:56 PM

اســــــــــــــــــــــــــــــيل ربنا يخليكى والرواابط انا بتصفحها دلوقتى وشكرررراااا على مروووورك وعلى فكرة بجد والله من غير اى مجااملاااات توقيـــــــــــــــــــــــعك روووعة وشكراااا على مرررروك نورتينى

مسترلوفا

15-10-2009, 07:00 PM

ســــــــــــــــــــــــــــاســـــــــــــــــو بجد من اجمل ما قرأت هو ردك وشكـرا جدا انك كتبتى رأيك اللى انا محتاجه فعلا

ثــــــانيا انا ثانوى عسكرى بس باااخد الموااااااد بتاعة عااااام كمااااااان يعنى انا هستنى الروابط بتاعة الدرووووس الاونلاين اللى انتى قلتى عليــــــــها

وبجد شكرا ليكى وهستنى طلبى فى الرد الجااااااااى

مسترلوفا

15-10-2009, 07:07 PM

pureheart

15-10-2009, 09:32 PM

اوووووووولااااااا د/ بيوور هيرت نورتى موضوعى بس انا هقووولك على حاااجة انا من البنى ادمين اللى عمره ما عرف الدلع اساسا .... بس يمكن فى الدراسة اه وطبعا كل الاحترام لرأيك ونا موافق عليه كمان بس خلينا واقعيين شوية انااااا.......ووو .........كلية طب او كلية عالية....................دحنا لسة بنقول مبفتحش كتاب وبعدين مدرس الكميا لقيتو بيقوللى عليك امتحان الحصة الجاية لقيتنى بقوله فالتلفون انا مسافر ومش هقدر اجى لانى بصراحة لو كنت رحت ومسكت ورقة الامتحان هقل بنفسى ودرجتى هتخلينى قاعد عاوز اقوم اولع فنفسى

وشكررررااااااااااااااااااااااايا دكتورة على مرورك وعقباااال التخرج ياااااا رب ويااااااريت لو حد كان عندو خطة او طريقة يعنى للمذاكرة وازاى جداول المذاكرة تتعمل وكداااااا ياااا ريت يفيدنا
بص انا مش قصدى دلع كشتيمة :(
لا انا قصدى يعنى بتدلع على نفسك فى موضوع المذاكرة فاهم قصدى
بعدين اى حد بيدخل الثانوية العامة بيفكر فى الكلية اللى هو عايز يدخلها و بيحط احتمالات للكليات اللى ممكن يدخلها و فى كل الاحوال بيحط احتمال حلو و احتمال وحش
بالنسبة للامتحانات اللى فى الدروس المفروض انك تحضرها و لو حتى جبت درجة وحشة مش مشكلة االامتحانات ديه معموله عشان تغلط فيها و تعرف انت غلطان فى ايه و ايه اللى مفروض تركز عليه
عارف ان فى امتحان فيزياء فى شهر 12 جبت حوالى 10 من 20
تخيل :o
و عادى عرفت انا غلطانة فى ايه و ركزت عليه و فى اخر السنه جبت 48.5 يعنى امتحان اخر السنه حاجة و اللى فى الدروس حاجة تانية
اما بالنسبة للجدوال انا مكنتش بعمله اصل كل واحد ليه طريقة فى المذاكرة و هو ادرى بنفسه
فممكن حد تانى يفيدك فى الموضوع ده
المهم انك تقوم تذاكر يلا بلاش كسل :slap1qk6:

مسترلوفا

17-10-2009, 02:30 AM

pureheart

17-10-2009, 11:26 AM

:stickjo4::stickjo4:ههههههههههههههههههههه اولا احب اشكرررررر بس تواجدك انتى الوحيدة اللى ردت عليا بعد ما رديت عليها ومن ناحية شتيمة انا عارف انك مش بتشتمى دى مش اخلاق واحدة تشتم بس اللى اقصده بئا انى فكل حاجة كانو بيعاملونى على انى ابو زيد الهلالى من ونا صغير المهم صدقينى لو قلتلك انا حاطط فدماغى كليات ايه هتتفاجئى ونا محلمش انى اشوفها من برة حتى بمستوايا دا شكلى مش هخش زراااااااااااااااااااااااعة :slap1qk6: وحاسبى على اييييييييييييييييدك ههههههههههههههههههههه شكرا على ردك يا قمر
و احنا قدك كنا بردة عايزين حد يدينا الثقة فى نفسنا
فوجبنا دلوقتى ان احنا نساعد اللى اصغر مننا
و لو قولتلى على الكليات حصدقك متخفش
انا عايزك بجد تخرج من حاله الزهق و تدخل فى مود المذكرة
حيفرق كتير لما تلاقى نفسك حريص على المذاكرة و بتعمل اللى انت عايزوه حترفع من روحك المعنوية جامد و حترجع ثقتك فى نفسك
المهم بدات تذاكرت و لا لسه ؟:stickjo4:

**تسابيح**

17-10-2009, 12:50 PM

أولا:: أنت لسه في شهر 10 نصيحة مش تتعب اعصابك عشان تقدر تكمل الطريق وبرده مش تهمل عشان مش تزعل وتقول ياريت
ثانيا:: انت دلوقتي بتقول مش طايق امسك كتاب ... فكر كدا لما تلاقي اهلك فرحانيين انك دخلت الكلية الكويسة او جبت مجموع يخليهم يقولوا ابني دا جابي المجموع العالي ف الثانوية العامة
احساس جميل مش كدا ليه مش تشعر بيه عشان توصله!!
ثالثا:: لازم قبل اي شيء علاقتك بربنا تكون كويسة هو اللي هيساعدك وهيقف جانبك ولما تحتاجله هيساعد افضل بليون مرة من البشر يبقي لازم تصلي ركعتين لله قبل كل مذاكرة صدقني هتشعر براحة نفسيه رهيبة وكمان تصلي الفرض دايما
وهتحس انك عايز تذاكر
رابعا:: لازم تكتب ف اول كل صفحة انت نفسك تبقي ايه ؟؟ وتشجعك نفسك وكل لما تحس انك تعبت بص لهدفك وقال ::لا هوصلك مهما يحصل
لو زهقت اد لنفسك خمس دقايق غمض عينك وحس انك دخلت كليه بتحبها هيحمس دا ع فكرة
ورجع ذاكر من جديد
خامسا:: ابدأ من دلوقتي اي درس تأخذه ذاكره وحل عليه أسئلة ... طيب واللي فاااتت ..
هقلك او هتأخذ كل يوم صفحة من اللي فاتت ان شاء الله هتخلص كل المكرر وهتجيب مجموع متميز
سادسا:: موضوع انك شاطر ف الرياضة والانجلش دا تنساه خالص
لانك لو اعتملت انك بس شاطر ف الرياضة والانجلش وسبيتهم من عير مذاكرة صدقني هتفشل بطريقة
مثالية(بعد الشر عليك طبعا) بدل بتحبهم اوي كدا هات كتب كثير وحل فيهم وكتب المدرسة لازم تخلصها حل
يعني اجتهد انت ومش تستني حد يقلك ذاكر
سادسا::: موضوع انك بتتفرج ع التليفزيون وتدخل ع النت دا عادي جدا
بس ف وقت فراغك لما تكون عملت اللي عليك وخلصت العب زي ما انت عايز
بس اهم حاجة مش يكون عليك كدا وبتلعب دا الغلط ف حد ذاته
معلش رغيت كثير :d
بس اللي عايزك تعرفه ان ربنا دايما بيعمل الاصلح وهيوفقك طول ما انت بتتعب
ربنا معاك

مسترلوفا

19-10-2009, 11:54 AM

بيــــــــــــــــــــــــــور اولا طبعا شكر خااااص لانك متابعة الموضوع وردودى ثانيا ههههههههههههههههههههه صدقينى كليات غريبة يعنى اللى المرفوض يجيب سيرتهم العالم الدحيحة بس انا مينفعش اجيب سيرتهم حتى (بحالتى دى)

والف شكر على مروركيا بيور نورتى الموضوع

مسترلوفا

19-10-2009, 12:00 PM

تســــابيح كلامك مقنع جداااااااا وبجد ردك من اجمل الردوج اللى شفتها من تاريخ الموضوع اللى انا كتبته وشكراااااااااااا جداااااااا على انك رديتى وادتينى شوية من اللى انتى تعرفيه وعملتيه فى ثنوية (اكيد فى اكتر بس مخبية) ههههههههههههه

ونا والله بشووف نفسى يوم النتيجة ويوم منا داخل كلية وعلى فكرة بتحمس جدااااا بس كلها يوم ولا يومين وتلاقى الحكاية رجعت زى مكانت تااانى

ولدى نصحتك لما صوتى اتنبح ما تخافش من عفريت ولا من شبح وان هب فيك يوم عفريت قتيل اسأله مدافعش ليه عن نفسو يوم ما اندبح

الله عليك يا جااااهين

pureheart

21-10-2009, 12:05 AM

مسترلوفا

21-10-2009, 01:58 AM

هههههههههههههههههههههههه بالنسبة ليا اه مش موجودة اصل مش معقولة واحد زييى بيشتكى من المذاكرة ومش قادر على حتة كتاب يقدر يدخل صيدلة او ألسن كليتين اناحاططهم فى اولوياتى بس مين يجيب مجموعهم بئاااا .......انتى فين يا جـــــــــــــــهــــــــــــاد جهـــــــــــــــــــــــــــاد .......سلامة

ahmedkuwit

22-02-2010, 01:28 AM

ربنا يستر علينا
وكل واحد يجيب المجموع والكليه اللي عاوزها ويقدر يفرح نغس وأهله............. وبس...

انا زهقااااااااااااان

مسترلوفا

28-02-2010, 10:42 AM

ومين فينا مش زهقان يا احمد ........فاضل تسعين يوم يا معلم

ahmedkuwit

03-03-2010, 01:53 AM

اه ربنا يعديها ع خير يا رب