stoneKane
09-10-2009, 04:49 PM
السلام عليكم انا عايز اعرف انتوا عملتوا ايه النهارده او خدتوا ايه لانى معرفتش ادخل عشان كانوا عايزين البطاقه الشخصيه وانا مجبتهاش معايا, يا ريت لو تقولولى اليوم كان ماشى ازاى عشان ابقى معاكم
|
مشاهدة النسخة كاملة : لكل اللى راح النهارده (اولى اجتماع انتساب القاهره) stoneKane 09-10-2009, 04:49 PM السلام عليكم انا عايز اعرف انتوا عملتوا ايه النهارده او خدتوا ايه لانى معرفتش ادخل عشان كانوا عايزين البطاقه الشخصيه وانا مجبتهاش معايا, يا ريت لو تقولولى اليوم كان ماشى ازاى عشان ابقى معاكم rinoa 09-10-2009, 10:30 PM اهلا اهلا:049gc0: ازيك وبعدين في حد ينسي البطاقه الشخصيه ;) اليووووم كان تحفه فاتك نص عمرك ههههههههههههههههه اليوم النهارده اخدنا كل المحاضرات ما عدا علم الاجتماع الدكتوور كان غايب او بمعني اشمل محدش دخل:040vk0: وكان يوم كله تهريج وناس متخلفه بالذات بتوع المكتبات واللي حصل النهارده مش كأنك داخل مدرج كانك بالظبط في وسط البلد هههههههههههه قولي عايز تعرف ايه ؟ ومتنساش البطاقه تاني ههههههههههه نسيت تاكل ولا تشرب هههههههههههه:039uw8: stoneKane 10-10-2009, 03:15 PM ايه ده بجد مخدتوش حاجه !!! طب والله كويس انا بس كنت فاكر انكوا خدتوا حاجه بقى و انى فاتنى حاجات وكده يعنى مخدتوش بجد اى حاجه خالص ولا انتى بتهزرى :d sandy 92 10-10-2009, 06:03 PM احنا اخدنا 3 محاضرات امبارح بس الدنيا كانت زحمه جدا ومعرفناش نتحرك خدنا محاضرة جغرافيا عامه وفلسفه وطرق الخدمه الاجتماعيه والدكتور بتاع علم الاجتماع كان مسافر وقالولنا هناك مفيش فايده من حضور محاضرات اللغه العربيه والانجليزي والاحسن اننا ناخد ملازم المادتين دول لانهم مواد ممتده وهنمتحنها في اخر السنه sandy 92 10-10-2009, 06:09 PM فيه حاجه كمان احنا قسمونا مجموعات يعني لو اسمك بيبدا بحرف الالف او اي حرف لغاية حرف السين هتحضر بنفس الجدول اللي معاك ولو اسمك بيبدا بحرف الشين لغايه اخر الحروف يبقى هتحضر يوم الجمعه اللي جايه وهناك هيقوللك المدرج اللي هتحضر فيه وابقى افتكر البطاقه الشخصيه stoneKane 10-10-2009, 07:24 PM احنا اخدنا 3 محاضرات امبارح بس الدنيا كانت زحمه جدا ومعرفناش نتحرك خدنا محاضرة جغرافيا عامه وفلسفه وطرق الخدمه الاجتماعيه والدكتور بتاع علم الاجتماع كان مسافر وقالولنا هناك مفيش فايده من حضور محاضرات اللغه العربيه والانجليزي والاحسن اننا ناخد ملازم المادتين دول لانهم مواد ممتده وهنمتحنها في اخر السنه طب معلش ال 3 محاضرات دول اتقال فيهم ايه مهم؟ rinoa 10-10-2009, 09:57 PM لا اخدنا طبعا يا كريم اخدنا خمس محاضرات وكلهم معلومات طبعا وفي كمان حجز كتب ومواعيد الدراسه لسه مش عارفه لانهم قسمونا مجموعتين الف وباء مجموعه الف من الالف للكاف ومجموعه باء من اللام للياء ده اخر حاجه اتقالت في محاضره العربي ولسه مش عارفه هنحضر الاسبوع الجاي ولا لا لو عايز اي حاجه قولي وانا ان شاء الله افيدك واهلين يا ساندي انتي كنتي في اليوم الفظيع والمهرجان ده معانا ؟؟ stoneKane 11-10-2009, 11:31 AM شكرا جدا rinoa sandy 92 11-10-2009, 01:45 PM اه كنت معاكو وكان يوم غريب واتبهدلنا اخر بهدله ونقولنا من مدرج لمدرج تاني لدرجه اننا قاعدنا على الارض بين المدرجات بس انا محضرتش اخر محاضرتين ممكن تقوليلي قالو ايه تاني في المحاضرتين دول وكانو مهمين ولا لا rinoa 11-10-2009, 06:02 PM العفوو يا كريم ويا ساندي كان يوم وحش اووي وفي نص محاضره الجغرافيا طبعا مش حضرتها اللي اخدناه مش مهم كانت مراجعه في الانجليش والعربي بس sandy 92 11-10-2009, 06:38 PM بس يا خساره فاتك نص عمرك لان ماضره الجغرافيا العامه كانت احلى محاضره في المحاضرات كلها بس انا هنصحك نصيحه بدل متكتبي ورا الدكتور سجليله على الموبايل ولما تروحي اسمعي اللي قاله وسجليه وقارنيه باللي مكتوب في ملازم اي مكتبه من المكاتب والمهم في ده كله انك تكوني في الصفوف الاولانيه لانك لو قعدتي ورا مش هتفهمي اي حاجه شكرا rinoa sandy 92 11-10-2009, 06:40 PM وطبعا الاهم من ده كله كتاب الدكتور rinoa 11-10-2009, 11:55 PM امممم طيب انا كنت عايزه النص التاني بتاع المحاضره واخبار الكتاب ايه قال عليه ولا لا بلييز معلش هتعبك معايا معلش يا ساندي هتعبك جامد وع فكره كله بيحذر من اوراق بين السرايات تحياتي sandy 92 12-10-2009, 10:46 AM بصي انا هكتبلك المحاضره كلها sandy 92 12-10-2009, 10:59 AM بصي يا rinoa انا اخدت محاضرة الجغرافيا العامه من مكتبة القبه ولقيت الكلام اللي موجود في الملزمه هوه نفسه الكلام اللي قاله الدكتور ومفيش اي فرق لاني كنت بسمع اللي انا مسجلاه للدكتور واشوف اللي مكتوب في الملزمه ملاقيتش اي فرق بين اللي قاله الدكتور وبين اللي في الملزمه وانتي تقدري تجيبي الملازم بتاعت المكتبه ديه بكل سهوله مش انتي حضرتي المحاضرات وشفتي بتوع المكتبات هتلاقي فيهم ناس بتوع مكتبه اسمها مكتبة القبه هما هيقوللك مكان المكتبه وازاي تقدري تجيبي الملازم منهم بس كده وطبعا كل الدكاتره لازم يحظروكوا من ورق بين السرايات sandy 92 12-10-2009, 11:48 AM بصي يا rinoa قوليلي انتي حضرتي لما الدكتور كان بيقول ايه وانا هكتبللك اللي ناقصك ماشي واي حاجه تحتاجيها او عايزه تسالي عليها انا لو عندي الرد مش هتاخر عليكي rinoa 12-10-2009, 09:39 PM اخر حاجه هي علم التباينات الاقليميه rinoa 12-10-2009, 09:49 PM احنا التلاته هنا قسم اجتماع ياريت نساعد بعض وكل جديد نقول لبعض عليه والمحاضرات نكمل بعض وكده دي فكره ياريت تعجبكو stoneKane 13-10-2009, 11:26 AM اكيد طبعا الفكره جميله واحنا فعلا بدأنا نساعد بعض rinoa 13-10-2009, 07:23 PM ان شاء الله نتواصل دايما مع بعض sandy 92 13-10-2009, 08:02 PM بصي ياقمر اللي اتقال بعد كده ثالثا فروع الجغرافيا : 1-الجغرافيا الاصوليه :systehatic geography او الجغرافيا العامه:general geography 2-الجغرافيا الاقليميه :specail geography 3- الجغرافيا التاريخيه :historical geography sandy 92 13-10-2009, 08:14 PM الجغرافيا التاريخيه:وهي الفرع الذي يهتم بدراسة المظاهر الجغرافيه في المناطق سواء كانت طبيعيه او بشريه في الازمنه القريبه والبعيده sandy 92 13-10-2009, 08:27 PM الجغرافيا الاقليميه : وهي الفرع الذي بهتم بدراسه المناطق المتشابهه والمناطق المختلفه داخل الاقليم وتحدد التشابهات والاختلافات داخل الاقليم الواحد sandy 92 13-10-2009, 08:30 PM الجغرافيا الاصوليه: وهي من اهم فروع الجغرافيا وتنقسم الى قسمين وهما: 1-الجغرافيا الطبيعيه physical geography 2-الجغرافيا البشريه:human geography sandy 92 13-10-2009, 08:32 PM اهلا بيك ياكريم معانا في كليه اداب قسم اجتماع برده اي حاجه تحتاجها وعايز الرد عليها لو عندي الرد مش هتاخر وكلنا نفيد بعض sandy 92 13-10-2009, 08:34 PM بصي يا rinoa الجزء اللي انا كتبتوهللك ده اخر حاجه سمعتها بس معرفتش احضر في المدرج التاني وهعتمد على الملزمه بس انا لسه مجبتهاش ماشي stoneKane 13-10-2009, 10:39 PM باذن الله يا ساندى نقدر نفيد بعض كلنا rinoa 14-10-2009, 10:56 AM اوك يا ساندي شكرا على المساعده rinoa 14-10-2009, 10:58 AM وانت يا كيمووو حاول تتواصل معانا وان شاء الله الجمعه اللي بعد الجايه نفهم اللي هيتقااال ويكون احسن من الجمعه اللي فاتت مشكوووووووووووووووووره كتيييييييييييييير يا ساندي stoneKane 14-10-2009, 12:36 PM وانت يا كيمووو حاول تتواصل معانا وان شاء الله الجمعه اللي بعد الجايه نفهم اللي هيتقااال ويكون احسن من الجمعه اللي فاتت مشكوووووووووووووووووره كتيييييييييييييير يا ساندي انا مش هحاول انا هعمل كده فعلا ;) الجمعه اللى بعد الجايه ليه امال الجمعه الجايه هنعمل ايه اجازه؟ ولو اجازه مين قالك او انتى متاكده يعنى :blush: sandy 92 14-10-2009, 02:51 PM وانت يا كيمووو حاول تتواصل معانا وان شاء الله الجمعه اللي بعد الجايه نفهم اللي هيتقااال ويكون احسن من الجمعه اللي فاتت مشكوووووووووووووووووره كتيييييييييييييير يا ساندي لا شكر على واجب وان شاء الله نستمتع بيوم الجمعه اللي بعد الجايه sandy 92 14-10-2009, 02:54 PM انا مش هحاول انا هعمل كده فعلا ;) الجمعه اللى بعد الجايه ليه امال الجمعه الجايه هنعمل ايه اجازه؟ ولو اجازه مين قالك او انتى متاكده يعنى :blush: ليه ياكريم انت مش معاك الجدول ولا ايه الجدول مكتوب فيه اننا مش هنحضر كل جمعه هنحضر جمعه اه وجمعه لا عموما انا هروح الجامعه بكره وهتاكد من المعلومه ديه rinoa 14-10-2009, 07:01 PM انا متأكده من المعلومه دي لاني كنت هناك امبارح وسالت في القسم قالولي الجمعه الجايه مفيش اللي بعدها في rinoa 14-10-2009, 07:03 PM اجازه يعني تقعد في البيت اصلها ناقصه هههههههههههه علشان اللي نازلين الجمعه دي بتوع تاريخ يا بختهم هههههههههههههههههههههه stoneKane 14-10-2009, 07:21 PM ليه ياكريم انت مش معاك الجدول ولا ايه الجدول مكتوب فيه اننا مش هنحضر كل جمعه هنحضر جمعه اه وجمعه لا عموما انا هروح الجامعه بكره وهتاكد من المعلومه ديه كان مكتوب فين الكلام ده والله ما اخدت بالى يظهر ان الزحمه عملت عمايلها :slap1qk6: على العموم ابقى طمنينا من الموضوع ده stoneKane 14-10-2009, 07:22 PM اجازه يعني تقعد في البيت اصلها ناقصه هههههههههههه علشان اللي نازلين الجمعه دي بتوع تاريخ يا بختهم هههههههههههههههههههههه يا بختهم فى ايه :d انا اول يوم روحت لقيت بتوع تاريخ فعلا كانوا فى مدرج 74 rinoa 14-10-2009, 07:37 PM هههههههههههههههههههههههههه لا دول كانو تاريخ واجتماع وعربي هههههههههههههههههههه stoneKane 14-10-2009, 07:39 PM هههههههههههههههههههههههههه لا دول كانو تاريخ واجتماع وعربي هههههههههههههههههههه يا لهوى اتارى شكلهم كان غرييييييييييييييييييييييييييييييييييييييب :d انا كنت شايف واحد ماسك جدول بقوله ممكن اعرف ايه ده قالى ليه بقرف :stickjo4: rinoa 14-10-2009, 07:44 PM هههههههههههههههههههههه كان يوم وحش اصلا كان كله استهباااااال هههههههههههههههههه لو بارتي هتكون احسن من كده ههههههههههه rinoa 14-10-2009, 07:46 PM تحس ان كان في موجه غباء منتشره الدكتور يقول ده لاجتماع بس بتوع عربي يخرجو تلاقي بتوع عربي قاعدين مفيش خاااالص ولا كأن حدا بيحكي شئ نهائي ههههههههههههههههههههههههههههه stoneKane 14-10-2009, 07:49 PM تحس ان كان في موجه غباء منتشره الدكتور يقول ده لاجتماع بس بتوع عربي يخرجو تلاقي بتوع عربي قاعدين مفيش خاااالص ولا كأن حدا بيحكي شئ نهائي ههههههههههههههههههههههههههههه مهو اصل المصريين بيمتازوا بحاجتين اول حاجه خفة الدم وتانى حاجه الغباء اللامحدود :022yb4::d rinoa 14-10-2009, 07:58 PM ههههههههههههههههه ولسه يا ما راح تقابل rinoa 14-10-2009, 08:01 PM مهو اصل المصريين بيمتازوا بحاجتين اول حاجه خفة الدم وتانى حاجه الغباء اللامحدود :022yb4::d ههههههههههههههههههه وياريت كده وبس كنت شوف بتوع المكتبات واللي سووه في المدرج هههههههههههههه :039uw8: كان بدي اقتل شي واحد منهم هههههههههههههه:abdoog8::stickjo4::stickjo4::stickj o4: stoneKane 15-10-2009, 07:41 PM والله الواحد مش عارف يعمل ايه هو احساس حلو ووحش فى نفس الوقت انى ابقى قاعد فاضى واصحابى كلهم يذاكروا وحتى لو جبت الكتب مش هذاكر منها لان مفيش حد فى الجامعه بيذاكر من الكتب بجد دى اطول اجازى فى عمرى :romarioxp6: sandy 92 19-10-2009, 11:23 AM بما اننا اتقسمنا مجموعتين مجموعه الف ومجموعه باء يبقى اكيد فيه تغيير في الجدول ممكن اللي يعرف فيكو جدول مجموعه الف هيكون ايه وجدول مجموعه باء هيكون ايه يقولي لو سمحتوا انا محتاجاه ضروري معلش هتعبكم معايا rinoa 20-10-2009, 12:08 AM والله الواحد مش عارف يعمل ايه هو احساس حلو ووحش فى نفس الوقت انى ابقى قاعد فاضى واصحابى كلهم يذاكروا وحتى لو جبت الكتب مش هذاكر منها لان مفيش حد فى الجامعه بيذاكر من الكتب بجد دى اطول اجازى فى عمرى :romarioxp6: انا بس تيجي الكتب هقراها واسلي نفسي لاني زهقت من الاجازه اجااازه ملل rinoa 20-10-2009, 12:11 AM بما اننا اتقسمنا مجموعتين مجموعه الف ومجموعه باء يبقى اكيد فيه تغيير في الجدول ممكن اللي يعرف فيكو جدول مجموعه الف هيكون ايه وجدول مجموعه باء هيكون ايه يقولي لو سمحتوا انا محتاجاه ضروري معلش هتعبكم معايا والله واحنا يا ساندي بس لسه زي ما هو الجدول القديم انا كنت هناك النهارده ومش لاقيته اتغير يمكن نعرفه قبل المحاضرات يوم الجمعه زي ما حصل مع بتوع تاريخ ولو عرفته اكيد هنزله ومفيش تعب يا قمر stoneKane 20-10-2009, 01:26 AM انا بس تيجي الكتب هقراها واسلي نفسي لاني زهقت من الاجازه اجااازه ملل منا هعمل كده برضو لانها فعلا اجازه ملل فيس بوك وماسنجر وخروجات ونفس الحاجات بتتعمل كل يوم :romarioxp6: sandy 92 20-10-2009, 08:22 PM شكراااااااااااااااااااااااااااااااااااااااا rinoa mai sheco 23-10-2009, 09:28 PM السلام عليكم انا كنت عاوزه اعرف عملتم ايه النهارده في الكلية stoneKane 24-10-2009, 01:03 AM النهارده كانت الدنيا زحمه برضو و مكان المحاضرات اتغير بقى فى المبنى اللى فى وش المبنى الرئيسى ومجموعة أ بتاخد فى مدرج 202 اول محضرتين مقدرش اقولك عنهم حاجه لانى جيت على محاضرة الفلسفه وعرفت انه مش بيدخل حد,محاضرة الخدمه الاجتماعيه الدكتور بتاعها كويس بس عيبه انه رغاى شويه يعنى بيتفرع عن الموضوع اللى بيتكلم فيه كتير وبالنسبه لعلم الاجتماع فا فى نظرى الدكتور ده هو احسن دكتور فى السنه دمه خفيف وقالنا انه مش مسئول عن اى طالب يعتمد على الملازم اللى بتتوزع وان كتابه لما نجيبه هنخطط على النقط المهمه و نكتب فوقيها السؤال واللى مخططين عليه ده هو الاجابه,العربى خدنا نصوص والمفروض كان هيبقى فيه نحو بس هو طول اوى ومشى والانجليزى انا استنيته كتير ومجاش فا لو جه يا ريت تقولوا خدتوا ايه :blush: بالنسبه للكتب كتاب الفلسفه ب 35 جنيه و الاجتماع 30 من مكتبة الزعيم و فيه شيت كده للعربى ب 10 جنيه وده خدنا فيه واجب :006et4: المفروض الشيت ده بندهوله اخر السنه وعليه درجات اتمنى اكون افدتك:d الساحره المجنونه 24-10-2009, 03:25 PM أنا عايزه افهم حاجه دلوقتى الدكاتره بتقول ان الملازم بتسقط ومش بتنجح ولا بتجيب تقدير والكتب لسه عليها شويه عقبال ما نستلمها طيب المفروض نعمل دلوقتى دى الامتحانات خلاص كلها شهرين واحنا لسه ما فتحناش كتاب حد يقولى ايه المطلوووب دلوقتى:078111rg3: :078111rg3: :078111rg3: :078111rg3: stoneKane 24-10-2009, 06:06 PM والله انا كمان مش عارف بس الكلام ده اللى قاله دكتور الاجتماع بس على حد علمى انا عن نفسى هذاكر كل المواد من الملازم بتاعت مكتبه القبه دى و الاجتماع من الكتاب rinoa 24-10-2009, 11:08 PM انت كمان جيت متأخر كان في جغرافيا اول محاضره وكمان جاي تمشي على احلي دكتوووور بتاع اللغه الانجليزيه انا مشيت في اخر العربي علشان صدعت بس رجعت في الانجلش قالكو ايه في الاخر ؟؟؟ stoneKane 24-10-2009, 11:28 PM يا خساره طب خدتوا ايه فى الانجليش :d دكتور العربى كان بيشرح النص لحد اما واحد دخله لانه طول اوى :d:d hamadamomo 25-10-2009, 03:36 PM يا جدهان انا فى اولى انتساب اجنماع القاهره و كنت مسافر ولسه راجع النهارده ممكن حد يفهمنى اعمل ايه و ابتتدى منين علشان حاسس انى تايه:romarioxp6::romarioxp6: وكمان عايز اعرف مين معايا فى الجامعه علشان انا معرفش حد فى الجامعه خالص rinoa 25-10-2009, 05:26 PM دكتور الانجليزي ادانا نص في الكتاب وشويه تمارين عليه بس مش اكتر وبتاع العربي صدعت منه وطرق الخدمه لو كنت كتبت حاجه قولي لاني مش فهمت حاجه خالص وواجب ايه اللي قال عليه بتاع العربي؟؟ rinoa 25-10-2009, 05:29 PM يا جدهان انا فى اولى انتساب اجنماع القاهره و كنت مسافر ولسه راجع النهارده ممكن حد يفهمنى اعمل ايه و ابتتدى منين علشان حاسس انى تايه:romarioxp6::romarioxp6: وكمان عايز اعرف مين معايا فى الجامعه علشان انا معرفش حد فى الجامعه خالص حمد الله ع السلامه وفااااتك كتييير :040vk0::040vk0: الساحره المجنونه 25-10-2009, 09:44 PM والله انا كمان مش عارف بس الكلام ده اللى قاله دكتور الاجتماع بس على حد علمى انا عن نفسى هذاكر كل المواد من الملازم بتاعت مكتبه القبه دى و الاجتماع من الكتاب اشمعنى الاجتماع اللى هتذاكره من الكتاب على العموم انا جبت ملازم العماد بس عايزه اعرف فى الاخر هنجيب تقدير ولا لو عرفنا نجيب مقبول نحمد ربنا حد يقولى لحسن انا خلاااااص جبت اخرى:stickjo4::stickjo4: :) stoneKane 26-10-2009, 12:12 AM دكتور الانجليزي ادانا نص في الكتاب وشويه تمارين عليه بس مش اكتر وبتاع العربي صدعت منه وطرق الخدمه لو كنت كتبت حاجه قولي لاني مش فهمت حاجه خالص وواجب ايه اللي قال عليه بتاع العربي؟؟ والله يا بنتى ولا انا فهمت اى حاجه :022yb4: هو راجل عمال يتفرع كده فى حاجات كتيره الواجب بتاع العربى اننا نطلع كل الجمل الاسميه من النص (التدريب ده اكيد موجود فى الشيت) stoneKane 26-10-2009, 12:15 AM انا رحت النهارده الصبح دفعت المصاريف والكتب اول الشهر باذن الله,وحجزت كتاب الاجتماع من مكتبة الزعيم و كتاب الفلسفه من قسم فلسفه كتاب الاجتماع ب 30 ج و الفلسفه 35 ج hamadamomo 26-10-2009, 04:47 PM الله يسلمك يا rinoa بس انا عايز حد يقولى اعمل ايه و ابتدى منين والمنهج صعب لا سهل انا والله مش عارف اعملايه بجد يا ريت حد يساعدنى:( sandy 92 26-10-2009, 06:57 PM اهلا بيك يا hamadamomo الاول انت في جامعة القاهره مش كده بص لو انت في جامعه القاهره اعتمد على المحاضرات لغايه لما الكتب تنزل وعلى فكره المنهج سهل مش صعب وانا عن نفسي اتعاملت مع مكتبة القبه وباخد منها المحاضرات لانهم بيجيبوا كل حاجه قالها الدكتور بالحرف ومفيش اي اختلاف وكمان عاملين سكاشن علشان نفهم اللي بيقولو الدكتور وشرح كامل وسهل وان شاء الله ربنا هيوفقك sandy 92 26-10-2009, 07:01 PM انته بتسال تبدا منين روح للمكتبه اللي انت عايز تتعامل معاها وقولهم انك عايز المحاضرات اللي فاتتك عموما المكتبه اللي انا بتعامل معاها ديه كويسه جدااااااااا واي حاجه هتحتاجها هيساعدوك فيها بما انك كنت مسافر stoneKane 27-10-2009, 12:08 AM فعلا انا بقالى يومين بذاكر من المذكرات بتاعت مكتبه القبه و الكلام فيها سهل جدا فى الحفظ وهى احسن من العماد لانى جبت الاتنين وقارنتهم ببعض لقيت ان العماد بتختسر كتير فى الكلام عكس القبه الساحره المجنونه 27-10-2009, 02:21 AM فعلا انا بقالى يومين بذاكر من المذكرات بتاعت مكتبه القبه و الكلام فيها سهل جدا فى الحفظ وهى احسن من العماد لانى جبت الاتنين وقارنتهم ببعض لقيت ان العماد بتختسر كتير فى الكلام عكس القبه بجد افدنى جدا الرد ده لانى كنت محتاره وكمان حد قالى ان الاتنين واحد بس حسيت انه مش فاهم اى حاجه بجد شكرا على التوضيح stoneKane 27-10-2009, 12:43 PM بجد افدنى جدا الرد ده لانى كنت محتاره وكمان حد قالى ان الاتنين واحد بس حسيت انه مش فاهم اى حاجه بجد شكرا على التوضيح العفو انا فى الخدمه دائما ويا ريت اى حد يعمل خطوه يقول عليها وكلنا ناخد رأى بعض لاننا كلنا جداد stoneKane 28-10-2009, 02:35 PM هو دكتور الفلسفه وقف اخر مره عند ايه عشان انا الجمعه اللى فاتت دى جيت متاخر ومعرفتش عشان اعرف اذاكر منين لفين hamadamomo 29-10-2009, 05:34 AM شكرا يا sandy انا فعلا فى القاهره وهعمل زى مقلتلى و انشاء الله خير :D :d sandy 92 29-10-2009, 10:13 AM لا شكر على واجب وان شاء الله على خير sandy 92 29-10-2009, 10:15 AM كريم انت اخدت الملازم المحاضره ديه ولا لا عموما لو خدتها ذاكر الملزمه كلها مش هتخسر حاجه اديك تبقى عارف الماده فيها ايه stoneKane 01-11-2009, 03:44 PM انا هذاكر اول 6 صفح لان عندى حاجات تانيه هذاكرها انا عندى اقتراح يا جماعه ايه رايكم نتقابل كلنا يوم الجمعه الجايه ونتعرف على بعض اكتر لو موافقين قولولى عشان كل واحد هيقول فينا هيلبس ايه عشان نعرف بعض:) لو مش موافقين احنا اصحاب برضو هنا sandy 92 01-11-2009, 08:39 PM يا جماعه على فكره كتاب الجغرافيا العامه نزل في مكتبة دار الثقافه العربيه التاب مدعم ب5جنيه فقط sandy 92 01-11-2009, 08:42 PM ٌrinoa ايه حكايه كتاب الانجليزي واقدر اجيب الكتاب ده منين واحنا عندنا نصوص في الانجليزي ولا انتي قصدك على العربي ممكن تقوليلي اقدر اجيب كتاب الانجليزي ده منين rinoa 02-11-2009, 05:04 PM ٌrinoa ايه حكايه كتاب الانجليزي واقدر اجيب الكتاب ده منين واحنا عندنا نصوص في الانجليزي ولا انتي قصدك على العربي ممكن تقوليلي اقدر اجيب كتاب الانجليزي ده منين اهلين ساندي ده بيتجاب برضو من دار الثقافه بتقوليلو عايزه كتاب انجليزي فرقه اولي والنصوص دي بتاعت العربي واي حاجه انا معاكم hamadamomo 02-11-2009, 08:53 PM انا موافق نتقابل لان انا معنديش اصحاب كتير فى اداب و ممكن نتعرف على بعض اكتر زى stonekane مقال hamadamomo 02-11-2009, 08:56 PM انا هذاكر اول 6 صفح لان عندى حاجات تانيه هذاكرها انا عندى اقتراح يا جماعه ايه رايكم نتقابل كلنا يوم الجمعه الجايه ونتعرف على بعض اكتر لو موافقين قولولى عشان كل واحد هيقول فينا هيلبس ايه عشان نعرف بعض:) لو مش موافقين احنا اصحاب برضو هنا انا موافق انامعنديش اصحاب كتير فى اداب sandy 92 03-11-2009, 10:19 AM شكرا rinoa Sue.Devilish 04-11-2009, 11:27 PM hwa el 7odor mohem wla la2 ?? w ketab torok el 5edma el egtma3ia nezl wla lsa?? ana 7agzto bs ma3rfsh aro7 agebo wla eh ... stoneKane 05-11-2009, 02:14 PM اكيد الحضور مهم فى الحاله اللى احنا فيها دى لاننا مش بنروح غير مرتين فى الشهر عشان نبقى عارفين راسنا من رجلينا وبالنسبه للكتاب انا معنديش معلومات عنه والله rinoa 05-11-2009, 04:31 PM كريم هو شكله انتظام مش انتساب rinoa 05-11-2009, 04:33 PM لان احنا كتاب طرق الخدمه لسه مش نزل اما في انتظام نزل واخدوه والحضور مهم في انتظام لان الدكتور بياخد الغياب وانزل خد الكتاب بتاعك ولو في اي تعليق او شئ احنا هنا rinoa 05-11-2009, 04:36 PM العفو يا ساندي sandy 92 07-11-2009, 11:19 AM اليوم كان حلو اوي امبارح بس الدكتور بتاع الجغرافيا فضل يرغي كتير اوي واحلى محاضرتين هما طرق الخدمه الاجتماعيه وعلم الاجتماع عموما كتاب الخدمه الاجتماعيه لسه منزلش بس نقدر نحجزه من مكتبة النصر وكتاب الانجليزي نزل وكتاب الجغرافيا النسخ بتاعته خلصت وكتاب علم الاجتماع اخر معاد للحجز الناهرده وبكره بس والاستلام يوم الاثنين واللي حجز كتاب الفلسفه المفروض يروح للدكتور وياخد منه اسم البحث بتاعه وياخد منه رقم علشان يقدر يستلم بيه الكتاب stoneKane 07-11-2009, 02:02 PM يا جماعه انا عايز اقولكم انى من النهارده هذاكر من الكتب لان بصراحه انا خفت بعد الكلام اللى قالوه الدكاتره امبارح وخصوصا دكتور العربى عشان ابقى ماشى فى السليم واجيب تقدير عالى rinoa 08-11-2009, 10:43 PM والله كلنا نفسنا نجيب تقدير بس المشكله اننا مش لاقيين اللي يدلنا ازاي نجيبه ودي المشكله rinoa 08-11-2009, 10:44 PM انت لو بدأت مذاكره ياريت تقولي اذاكر ازاي لاني مش عارفه Sue.Devilish 08-11-2009, 10:56 PM la2 ana entsab w manzltsh youm elgom3a w lsa msh gebt elwara2 bt3 el mo7drat :( yareet ta2olili 5adna eh ?? w elketab brdo lsa msh nezl wla eh... w el gadwl bt3 magmo3a mn 2alef dah byb2a eh 3ashn ana msh 3arfa :( .. w thnx ya gam3a :) rinoa 08-11-2009, 11:00 PM انتي انتساب معانا وقسم اجتماع كمان؟؟ Sue.Devilish 08-11-2009, 11:06 PM ah ana entsab ma3ako w kesm egtma3 kman rinoa 08-11-2009, 11:16 PM المحاضرات يوم الجمعه من تسعه لحد سبعه باليل والكتب نزلت ما عدا علم الاجتماع هينزل بكره واخدنا كتير بصراحه حوالي نص المنهج بيتهيالي Sue.Devilish 08-11-2009, 11:19 PM yaah ana fatni kateer :( ! Sue.Devilish 08-11-2009, 11:25 PM rinoa momkn ta3mlili add ? wla msh ynf3 ... :unsure: Sue.Devilish 10-11-2009, 09:48 PM hwa ya gam3a war2 maktbt el 2oba dah kwis wla we7sh ???.... azakr mno bs wla azakr elketab bs ? stoneKane 10-11-2009, 11:00 PM بصى هو فيه بعض الدكاتره قالوا ان الورق ده بيسقط وكل واحد حذر منها وقالوا اى واحد بيعتمد فى مذاكرته عليها يعرف انه ساقط فا ذكرى من الكتب احسن عشان تبقى مطمنه وربنا يوفقك sandy 92 11-11-2009, 09:56 PM ذاكري من الكتب ومن الملازم بتاعة مكتبة القبه يعني الاثنين مع بعض مش هتخسري حاجه لما تذاكري من الاتنين بس ركزي اكتر على كتاب الدكتور وربنا معاكي ومعانا rinoa 12-11-2009, 03:26 PM وانا كمان من راي ساندي وكريم وربنا معان كلنا ان شاء الله rinoa 12-11-2009, 03:28 PM اخبار البحث والشيت ايه معاكم؟؟ sandy 92 12-11-2009, 09:11 PM اخبار البحث والشيت ايه معاكم؟؟ انا عرفت اعمل البحث من على النت ومن كتاب الدكتور اما الشيت لسه مجتش جمبه خالص stoneKane 12-11-2009, 11:02 PM انا البحث هعمله بكره باذن الله ....شيت ايه انتوا تقصدوا الشيت بتاع العربى؟ Sue.Devilish 13-11-2009, 05:13 AM ma3lsh momkn ta2olili ba7s bt3 eh w el sheet bt3 eh ??.. w ageb menen el sheet w elba7s bt3 madet eh w elmafrod aktb 3an eh ... sry eni bas2l kateer =( bas ana msh 3arfa 7aga =( sry Sue.Devilish 13-11-2009, 05:14 AM wel ba7s wel sheet elmafrod a5r ma3ad lehom emta w dol mohemen wla eh ?? w sry tani eni bas2l kateer sandy 92 13-11-2009, 03:43 PM wel ba7s wel sheet elmafrod a5r ma3ad lehom emta w dol mohemen wla eh ?? W sry tani eni bas2l kateer اول حاجه البحث ده بتاع الفلسفه لدكتور صلاح اسماعيل تقدري تحجزي الكتاب بتاعه من عند عم نجاح اللي موجود في نفس المبنى اللي بنحضر فيه المحاضرات في الدور التاني ده لو محجزتيش الكتاب روحي احجزيه وبعد متحجزيه خدي من عم نجاح رقم البحث بتاعك وبعدين تروحي لدكتور الماده وهتديله رقم البحث بتاعك وهوه هيكتبلك اسم البحث بتاعك لان كل واحد ليه بحث مختلف عن التاني خالص وتقدري تجيبي حاجات عن البحث اللي هوه هيكتبهولك من كتاب الدكتور ومن على النت وممكن تستعيني بمكتبة الجامعه لو حبيتي البحث لا يقل عن عشر صفحات وعلى فكره الدكتور بيبقى موجود في الجامعه يوم السبت والاربع والجمعه وطبعا البحث ده مهم جدا علشان تنجحي في الماده sandy 92 13-11-2009, 03:50 PM wel ba7s wel sheet elmafrod a5r ma3ad lehom emta w dol mohemen wla eh ?? W sry tani eni bas2l kateer تاني حاجه الشيت الشيت ده بتاع كتابين علم الاجتماع والعربيوده بتستلميه مع استلام الكتابين الشيت بتاع علم الاجتماع هتحليه وتسلميه للدكتور في اخر الترم اما الشيت بتاع العربي برده هتحليه بس هتسلميه للدكتور في اخر السنه واسالي براحتك احنا مشتركين في الموقع ده علشان كلنا نفيد بعض stoneKane 13-11-2009, 05:58 PM يا جماعه محدش يعرف كتاب الخدمه الاجتماعيه و الاجتماع نزلوا ولا لا عشان انا عايز انزل اجيبهم يوم الاحد ان شاء الله هو دكتور الاجتماع قلنا نحل فى الشيت ده ولا لسه منحلش؟ rinoa 13-11-2009, 07:40 PM كتاب الخدمه اللي في المكتبه قالي يوم السبت وكتاب علم الاجتماع نزل امال انا بتكلم عن شيت ايه ههههههههههه وسمعت من ناس ان الشيت ده هيتسلم يوم الاتنين اخر ميعاد stoneKane 13-11-2009, 10:24 PM انهى اتنين اللى جاى ؟!!!! طب دلوقتى هنحل ايه فيه يعنى انا مش فاهم حاجه :d sandy 92 14-11-2009, 03:30 PM اده يا جماعه احنا هنحل شيت علم الاجتماع ونسلمه للمكتبه تاني ولا هنسلمه للدكنور في اخر الترم sandy 92 14-11-2009, 03:50 PM انهى اتنين اللى جاى ؟!!!! طب دلوقتى هنحل ايه فيه يعنى انا مش فاهم حاجه :d كريم معلش هتعبك معايا لو انت هتروح الجامعه بكره ممكن تسال على حكايه شيت علم الاجتماع ده واحنا فعلا هنحله ونسلمه يو الاتنين اخر ميعاد ولا لا وترد عليه ضروري rinoa 14-11-2009, 08:09 PM انهى اتنين اللى جاى ؟!!!! طب دلوقتى هنحل ايه فيه يعنى انا مش فاهم حاجه :d والله احنا تحفه ايوه اللي جاي ده زي ما اصحابي قالولي انهم سمعو الدكتور قال كده في المحاضره بس انا مسمعتوش بصراحه واللي هيتحل الاسئله اللي في الشيت وطبعا بعد ما تذاكر الكتاب:d rinoa 14-11-2009, 08:12 PM اده يا جماعه احنا هنحل شيت علم الاجتماع ونسلمه للمكتبه تاني ولا هنسلمه للدكنور في اخر الترم مكتبه يا ساندي :) لا يا قمر للدكتور طبعا هو اللي هيعلمه مش المكتبه :slap1qk6: وربنا يسهل بقا ونخلص الكتاب ونحل الشيت :romarioxp6::) stoneKane 15-11-2009, 01:15 AM كريم معلش هتعبك معايا لو انت هتروح الجامعه بكره ممكن تسال على حكايه شيت علم الاجتماع ده واحنا فعلا هنحله ونسلمه يو الاتنين اخر ميعاد ولا لا وترد عليه ضروري انا باذن الله رايح يوم الاثنين وهبقى اسئل واما ارجع هقولكم ان شاء الله stoneKane 15-11-2009, 01:17 AM والله احنا تحفه ايوه اللي جاي ده زي ما اصحابي قالولي انهم سمعو الدكتور قال كده في المحاضره بس انا مسمعتوش بصراحه واللي هيتحل الاسئله اللي في الشيت وطبعا بعد ما تذاكر الكتاب:d استحاله الكلام ده يا جماعه :mad: ازاى يعنى احنا اصلا لسه مذكرناش من الكتاب انا هتاكد من الموضوع ده sandy 92 15-11-2009, 11:06 AM [QUOTE=stoneKane;1741047][center]انا باذن الله رايح يوم الاثنين وهبقى اسئل واما ارجع هقولكم ان شاء الله [/c شكرااااااااااااااااااااا كريم rinoa 15-11-2009, 04:24 PM ياريت تتأكد يا كريم انا نزلت السبت بس للاسف مش لاقيت الدكتور صلا وانا ان شاء الله هتأكد برضو الاتنين لما انزل stoneKane 16-11-2009, 11:55 AM انا نزلت الجامعه وخدت كتاب الاجتماع ومعاه الشيت و سئلت البنت بتاعت المكتبه اسلمه امتى قالتلى اسئل الدكتور يوم الجمعه وبصراحه انا مرحتش للدكتور لانى معرفش هو فين و انا متاكد انى مكنتش هلاقيه عشان انا قبل كده دورت على دكتور الفلسفه وملقتهوش برضو لانهم مش بييجوا الجامعه كل يوم اما بالنسبه لكتاب الخدمه الاجتماعيه فا الراجل بتاع المكتبه قالى الدكتور قالى سلم الكتب للطلبه يوم الجمعه بقوله ليه قالى عشان فيه شيتات وحاجات كده !!! يعنى اللى جاب الكتاب بتاع الخدمه الاجتماعيه يروح يجيب الشيت بقى يوم الجمعه ان شاء الله stoneKane 16-11-2009, 03:26 PM بصوا يا جماعه اجابة شيت الاجتماع اهى انا حليته خلاص الحمد لله :022yb4: السؤال الاول اللى هو (ما المقصود بخاصية العمومية فى الثقافة؟) اجابته فى الكتاب الصفحه رقم 32 السؤال الثانى اللى هو ( ما المقصود بمفهوم القوه؟) اجبته فى الكتاب ص 146 السؤال الثالث اللى هو ( ما المقصود باسرة الوصاية؟) اجبته فى الكتاب ص 107 اى خدمه sandy 92 16-11-2009, 06:54 PM بصوا يا جماعه اجابة شيت الاجتماع اهى انا حليته خلاص الحمد لله :022yb4: السؤال الاول اللى هو (ما المقصود بخاصية العمومية فى الثقافة؟) اجابته فى الكتاب الصفحه رقم 32 السؤال الثانى اللى هو ( ما المقصود بمفهوم القوه؟) اجبته فى الكتاب ص 146 السؤال الثالث اللى هو ( ما المقصود باسرة الوصاية؟) اجبته فى الكتاب ص 107 اى خدمه شكراااااااااااااااااااااااااااا اوي يا كريم :d انا انا سالت ناس كتير اوي ومحدش عرف يجاوبني ومكنتش هقدر انزل الجامعه اليومين دول خالص شكراااااااااااااااااااااااااااااااااا اوي:d rinoa 16-11-2009, 07:11 PM يعني كتاب الخدمه نزل ولا لا ؟؟ والحل ده انا تعبت على ما حليته مش كنت تقول من بدري stoneKane 16-11-2009, 08:52 PM كتاب الخدمه نزل بس الدكتور هيسلمه لينا يوم الجمعه والحل ده انا معرفتوش الا النهارده لانى لسه جايب الكتاب النهارده انتى حليتى الشيت فين فى ورقة فلوسكاب مش كده؟ stoneKane 16-11-2009, 08:55 PM شكراااااااااااااااااااااااااااا اوي يا كريم :d انا انا سالت ناس كتير اوي ومحدش عرف يجاوبني ومكنتش هقدر انزل الجامعه اليومين دول خالص شكراااااااااااااااااااااااااااااااااا اوي:d حاسس بتريقة عشان انا مش خدمتك :d بصى هو المنطق بيقول :blush: ان احنا هنسلمه الجمعه الجايه اطمنى اطمنى :d rinoa 16-11-2009, 09:13 PM انا كتبته وطبعته مش عارفه بقا هعمل نسخه تانيه فلوسكاب احتمال rinoa 16-11-2009, 09:15 PM ساندي شكل البحث ازاي لاني مش عارفه واخر ميعاد لتسليمه امته sandy 92 17-11-2009, 12:16 PM ساندي شكل البحث ازاي لاني مش عارفه واخر ميعاد لتسليمه امته البحث مكون من عشر صفحات مش عارفه تسليمه امتى بس انا عن نفسي هسلمه يوم الجمعه اللي جايه واهم حاجه في البحث انك تكتبي فيه كلام الدكتور حتى الكلام اللي هتجيبه من على النت يكون مرتبط بالكلام اللي كاتبه الدكتور في الكتاب وتكتبي عليه بيانتك كامله sandy 92 17-11-2009, 12:22 PM حاسس بتريقة عشان انا مش خدمتك :d بصى هو المنطق بيقول :blush: ان احنا هنسلمه الجمعه الجايه اطمنى اطمنى :d والله انا مش بتريق انته فعلا طمنتني لان مدام بتاعه المكتبه قالتلك اسال الدكتور يوم الجمعه يبقى مش ضروري ان احنا نسلمه الاسبوع ده ممكن نسلمهوله يوم الجمعه عموما انا حليته خلاص والله بجد شكرا اوي rinoa 19-11-2009, 01:14 PM شكرا يا ساندي للمساعده وان شاء الله هخلصه النهارده ادعولي احسن يومي مشحون جدا stoneKane 19-11-2009, 02:56 PM ربنا معاكى يا رب sandy 92 19-11-2009, 03:42 PM ان شاء الله هتخلصيه كله الناهرده rinoa 20-11-2009, 01:05 AM يااااااااااارب اخلصه بقا ويارب يكون النهارده يوم لطيف وربنا يوفقنا كلنا sandy 92 21-11-2009, 10:45 AM يعني انا عايزه اعرف حاجه بعد ماعملنا البحث وتعبنا فيه علشان نسلمه للدكتور وكمان الشيت بتاع علم الاجتماع الدكاتره يقوللونا هنستلمه بعد العيد لا وكله كوم والدكتور بتاع علم الاجتماع كوم تاني رحت اسلمه الشيت في اول المحاضره لقيته بيقولي ارجعي مكانك فبقوله ده حل الشيت قاللي بقوللك ارجعي مكانك بعد كل التعب اللي احنا تعبناه ده ويقوللنا مش دلوقتي وهنستلمه بعد العيد stoneKane 21-11-2009, 11:04 AM اه انا اتحرق دمى لان معظم الاسبوع اللى فات ده كان ضايع على البحث ومذكرتش كويس وبعد كل ده يقولولنا بعد العيد stoneKane 21-11-2009, 09:04 PM يا جماعه هو دكتور الجغرافيا قالنا عناوين كده وقال هكتفى بيها بس وخططنا عليها فى الكتب اذاكر العناوين بس يعنى ولا ايه عشان انا مش فاهم حاجه rinoa 21-11-2009, 11:40 PM فكرتني بالجغرافيا انتم اخدتو ايه فيها لان المحاضره ملحقتهاش بسبب البحث rinoa 21-11-2009, 11:44 PM اه انا اتحرق دمى لان معظم الاسبوع اللى فات ده كان ضايع على البحث ومذكرتش كويس وبعد كل ده يقولولنا بعد العيد ههههههههههه انت بتقول على اسبوع:slap1qk6: انا بقالي اسبوعين مش ورايا غير البحث وطبقت كذا يوم غير نزول الجامعه من تسعه لسبعه باليل هههههههههه وضاعت مني المحاضره الاولي والنهايه بعـــــــــــــــــــــــــد العيد :049gc0: والله دكاتره بسم الله ما شاء الله هههههههههه احساسكوو ايه بعد ده كلووو rinoa 21-11-2009, 11:46 PM ساندي على فكره معظم الدكاتره بيعاملونا بطريقه وحشه اووي ومتضايقيش منهم وخلى معاكي ورقك ووقت ما يقول تسليم نبقى نسلمه ولا انتي ايه رأيك؟؟ stoneKane 21-11-2009, 11:59 PM فكرتني بالجغرافيا انتم اخدتو ايه فيها لان المحاضره ملحقتهاش بسبب البحث خلصنا الفصل الثالث وقال مقدمه كده عن الفصل الرابع وقال كفايه عليكم كده بس كانت طريقة شرحه فى قمة التخلف كان بياخد مثلا صفحة 100 وبعدين يرجع لصفحة 90 وبعدين يرجع ل 101 تانى وهكذا فا كنا تايهين فى الكتاب مش عارفين هو بيشرح انهى حته واما قلناله كده قالنا انتوا مش فى اولى ابتدائى عشان تسئلونى انتوا المفروض تبقوا فاهمين الكلام ده من غير ما انا اشرحه :angry2::angry2::angry2: بجد ده اسوء دكتور عندنا sandy 92 22-11-2009, 10:24 AM ساندي على فكره معظم الدكاتره بيعاملونا بطريقه وحشه اووي ومتضايقيش منهم وخلى معاكي ورقك ووقت ما يقول تسليم نبقى نسلمه ولا انتي ايه رأيك؟؟ فعلا معظمهم بيتعاملو بطريقه وحشه جدا واسوا حاجه لما يحرج ولد او بنت قدام اكتر من الف واحد بجد دكتور علم الاجتماع ضايقني جدا :040vk0: انا هخلي الورق معايا لغاية لما يبقى يطلبو احسنلي الساحره المجنونه 22-11-2009, 10:26 AM يا جماعه معلش انا عايزه اعرف العناوين اللى قلها دكتور الجغرافيا لانى ملحقتش اكتبها ولا حتى اشطبها من الكتاب لو ينفع حد يرد عليا اكون شاكره ليه sandy 92 22-11-2009, 10:27 AM خلصنا الفصل الثالث وقال مقدمه كده عن الفصل الرابع وقال كفايه عليكم كده بس كانت طريقة شرحه فى قمة التخلف كان بياخد مثلا صفحة 100 وبعدين يرجع لصفحة 90 وبعدين يرجع ل 101 تانى وهكذا فا كنا تايهين فى الكتاب مش عارفين هو بيشرح انهى حته واما قلناله كده قالنا انتوا مش فى اولى ابتدائى عشان تسئلونى انتوا المفروض تبقوا فاهمين الكلام ده من غير ما انا اشرحه :angry2::angry2::angry2: بجد ده اسوء دكتور عندنا انا مش فاهمه الدكتور بتاع الجغرافيا بيعمل كده ليه انا بحس انه وهوه بيشرح بيرغي كتير اوي ببقى نفسي اقوله كفايه اللي انت بتعمله فينا ده انا منكرش اني في اول المحاضره ببقى مركزه معاه اوي لكن بعد كده بزهق وببقى نفسي الوقت يعدي بسرعه sandy 92 22-11-2009, 10:31 AM يا جماعه هو دكتور الجغرافيا قالنا عناوين كده وقال هكتفى بيها بس وخططنا عليها فى الكتب اذاكر العناوين بس يعنى ولا ايه عشان انا مش فاهم حاجه بص يا كريم ذاكر العناوين وهوه قال ان معظم العناوين ديه هو هيقول شرحها بعدين والباقي هنبقى مش محتاجينه اوي وربنا يوفقك ان شاء الله:d sandy 92 22-11-2009, 10:37 AM يا جماعه معلش انا عايزه اعرف العناوين اللى قلها دكتور الجغرافيا لانى ملحقتش اكتبها ولا حتى اشطبها من الكتاب لو ينفع حد يرد عليا اكون شاكره ليه اول حاجه النحت في الانهار : ا-النحت الميكانيكي او البري ب-الفعل الهيدروليكي ج-الاذابه تاني حاجه النقل بواسطة الانهار: ا-النقل على القاع ب-القفز ج-النقل بالتعلق د-النقل بالاذابه sandy 92 22-11-2009, 10:42 AM ثواني هشوفلك الباقي sandy 92 22-11-2009, 10:54 AM السهل الفيضي الارصفه الصحراويه الكدوات النقل بفعل الرياح النقل بواسطة التعلق النقل بالقفز ا الارساب بفعل الرياح ا-التموجات الرمليه الكثبان الطويله الكثبان الهلاليه stoneKane 22-11-2009, 02:38 PM عايز اسمع سقفه كبيره منكوا كلكوا ل " ساندى " بجد شكرااااااااااااا اوىىىىىىى:022yb4::022yb4: sandy 92 22-11-2009, 04:03 PM عايز اسمع سقفه كبيره منكوا كلكوا ل " ساندى " بجد شكرااااااااااااا اوىىىىىىى:022yb4::022yb4: ايه يا كريم انت بتتريق ولا ايه عموما يعني انا برده في الخدمه بس عايزه اسالك سؤال هيه ديه العناوين اللي قال عليها الدكتور كلها ولا في حاجه ناقصه ولو في حاجه ناقصه قولي عليها لحسن انا حاسه اني تايهه في الكتاب بتاع الجغرافيا انا كنت مسجله المحاضر وعماله اسمعها علشان اتاكد بس انا حاسه ان فيه حاجات ناقصه والدكتور ملخبط الدنيا خالص في حكاية انو بيشرح من كل حته شويه :d:lol: stoneKane 22-11-2009, 10:23 PM السهل الفيضي الارصفه الصحراويه الكدوات فيه مع دول ( الصخور الارتكازيه,احواض التذريه ) ومكتوب قبليهم كلهم الظاهرات الناتجه عن النحت بفعل الرياح وانا لا بتريق ولا حاجه اصل انا مكنتش كاتب كل دول بصراحه sandy 92 22-11-2009, 10:50 PM السهل الفيضي الارصفه الصحراويه الكدوات فيه مع دول ( الصخور الارتكازيه,احواض التذريه ) ومكتوب قبليهم كلهم الظاهرات الناتجه عن النحت بفعل الرياح وانا لا بتريق ولا حاجه اصل انا مكنتش كاتب كل دول بصراحه شكرا كريم عموما انا في الخدمه احنا موجودين كلنا على الموقع ده علشان نفيد بعض وان شاء الله ربنا هيوفقك وهتقدر تجيب التقدير اللي انت عايزه ربنا معاك ومعانا :d rinoa 22-11-2009, 11:43 PM :dبصراحه انا مش فاهمه حاجه ياريت المحاضره كلها :bosyht9: ان عارفه اني هتعبكم بس معلش غصب عني:frown: بتمني تساعدوني :blush: sandy 92 23-11-2009, 10:53 AM :dبصراحه انا مش فاهمه حاجه ياريت المحاضره كلها :bosyht9: ان عارفه اني هتعبكم بس معلش غصب عني:frown: بتمني تساعدوني :blush: بصي يا rinoa انا كنت مسجله المحاضره فانا هسمعها واكتب كل اللي قاله الدكتور وهحاول اكتبهالك ماشي بس لو حسيت ان فيه حاجه ناقصه في المحاضره مش هكتبها علشان متتلخبطيش بس ان شاء الله هكتبهالك :d stoneKane 23-11-2009, 01:52 PM كويس انك عرفتى تسجلى يا ساندى لان الدكاتره مش بيحبوا حد يسجلهم rinoa 23-11-2009, 04:05 PM شكراا يا ساندي ومعلش هتعبك معايا sandy 92 23-11-2009, 11:10 PM والله انا ببقى خايفه جدا وانا بسجل للدكتور بس بعمل اللي في دماغي برده عموما انا هحاول اكتب المحاضره بس للاسف مش هعرف اكتبها بكره علشان هبقى في الجامعه بس ان شاء الله هكتبها الساحره المجنونه 26-11-2009, 12:11 PM thx sandy:022yb4: sandy 92 26-11-2009, 02:11 PM كل سنه وانتم طيبين ويارب يكون عيد سعيد عليكم كلكم ان شاء الله وبعيد عن اي مشاكل sandy 92 26-11-2009, 02:14 PM ان اسفه يا rinoa بس انا حسيت ان فيه حاجات كتير اوي ناقصه في المحاضره اللي انا مسجلاها عموما ابقي خدي الملزمه من مكتبة القبه stoneKane 27-11-2009, 05:17 PM كل عام وانتم بخير يا جماعه الساحره المجنونه 30-11-2009, 06:14 PM يا جماعه هو الجمعه الى جايه دى اجازه ولا لا ؟؟ Sue.Devilish 30-11-2009, 10:54 PM tb ana knt mesafra w lsa rag3a ! 2a2dr ageb el sheet now w a7elo w awdeh ll dr wla eh ?! stoneKane 01-12-2009, 08:49 AM يا جماعه هو الجمعه الى جايه دى اجازه ولا لا ؟؟ الجمعه الجايه اجازه عشان الوزير قال اجازه العيد 10 ايام من 26 لحد 5 ديسمبر والجمعه الجايه هتكون 4 :022yb4: الساحره المجنونه 01-12-2009, 12:35 PM الجمعه الجايه اجازه عشان الوزير قال اجازه العيد 10 ايام من 26 لحد 5 ديسمبر والجمعه الجايه هتكون 4 :022yb4: هو الكلام ده هيطبق على المدارس والجامعات اصل انا كل ما اسأل حد يقولى ده على المدارس بس عشان حتى احنا لو عندنا اجازه كانو قالولنا المره اللى فاتت بس محدش اتكلم ف الموضوع ده وانا مش عارفه اروح ولا لا ؟ sandy 92 01-12-2009, 03:44 PM الجمعه الجايه اجازه عشان الوزير قال اجازه العيد 10 ايام من 26 لحد 5 ديسمبر والجمعه الجايه هتكون 4 :022yb4: طيب ياكريم احنا هناقش موضوع البحث مع دكتور الفلسفه امتى هو مش قال بعد العيد وفيه ناس بتقول ان دكتور الجغرافيا قال ان احنا المفروض نروح بعد العيد يوم 4/12 عموما يعني انا هتاكد من المعلومه ديه واقولكم sandy 92 01-12-2009, 03:48 PM tb ana knt mesafra w lsa rag3a ! 2a2dr ageb el sheet now w a7elo w awdeh ll dr wla eh ?! اه طبعا تقدري تجيبي الكتاب وتحلي الشيت لان الدكتور قالنا مش هيستلم الشيت مننا غير لما هوه يقولنا هنسلمه امتى لاننا لما جينا نسلمه الشيت قالنا انه مش هيستلمه دلوقتي :d rinoa 01-12-2009, 08:08 PM ولا يهمك يا ساندي انا هحاول اتصرف ميرسي يا قمر rinoa 01-12-2009, 08:09 PM كل سنه وانتم طيبين وعيد سعيد rinoa 01-12-2009, 08:12 PM يا جماعه بخصوص الجمعه دي في ولا لا حد يتأكد من التواريخ اللي مكتوبه فوق الجدول Sue.Devilish 01-12-2009, 08:15 PM اه طبعا تقدري تجيبي الكتاب وتحلي الشيت لان الدكتور قالنا مش هيستلم الشيت مننا غير لما هوه يقولنا هنسلمه امتى لاننا لما جينا نسلمه الشيت قالنا انه مش هيستلمه دلوقتي :d tb e7l :d w thankss :d tb wel gom3a fe gam3a wla eh?? 3ashn lw kda ab2a 3arfa anzl wala eh stoneKane 02-12-2009, 11:01 AM اخر مره روحنا اللى فاكر منكم فيه دكتور قال انتوا لسه فاضلكم مرتين يوم 11 و 25 والاجازه بتاعت العيد دى للمدارس والجامعات انا سمعت الخبر بنفسى sandy 92 02-12-2009, 02:18 PM مفيش محاضرات يوم الجمعه اللي جاية الجدول مكتوب فيه ان احنا هننزل يوم 11/12 يعني الجمعه ديه مفيش 4/12 وفعلا احنا مش هننزل غير يوم 11/12 و25/12 وبعد كده الامتحانات ان شاء الله وربنا معانا ان شاء الله stoneKane 02-12-2009, 03:15 PM ايوه تمام الكلام ده واحنا فعلا فاضلنا مرتين و المنهج هيخلص مش عارف ازاى !!! فيه مواد زى العربى والانجليزى مش عارف هيخلصوا ازاى فى مرتين؟ زائر غير مسجل 02-12-2009, 04:23 PM إزيكوا يا شباب يارب تكونوا بخير جميعا أنا أخدت اسم البحث من دكتور الفلسفه وبدور عليه في النت مش بيجبلي حاجه عن البحث ومش عارفه أعمل إيه أرجو المساعده شكرا ليكم فوئه الشقيه فوئه الشقيه 02-12-2009, 07:22 PM السلام عليكم ازيكم يا شباب يارب تكونوا بخير بالنسبه للبحث بتاع الفلسفه انا كنت رحت للدكتور واستلمت الكتاب وادانى اسم البحث ولما قعدت اشتغل فيه وببحث عليه على النت مش بيجيلى اى حاجه عن البحث نهائى بيجيلى اسماء تانيه للبحث او بيجيلى الاسم بس بيتكلم عن حاجه تانيه خارجه عن موضوع البحث فياري لو حد ينفع يساعدنى اكون مشكوراله جداااااااااااا فوئه الشقيه |