هل اعتقدت يوماً ان هناك من هو أغنى منك؟ [الأرشيف]

مشاهدة النسخة كاملة : هل اعتقدت يوماً ان هناك من هو أغنى منك؟

BaNZeR

10-10-2009, 11:40 PM

إن كنت اعتقدت يوماً انت هناك من هو أغنى منك فأنت مخطئ !!!!

الموضوع ده كبير جداً ومعظمه امثلة توضيحية
بس هو محتاج مننا نظرة رجل حكيم مفكر
مش لازم رجل يبقى راجل بس يعني اي شخص يعني :d

يقول رسول الله صلى الله عليه وسلم
"الناس سواسية كأسنان المشط لا فرق لعربي على أعجمي إلا بالتقوى "
مش ده كلام النبي (ص) ؟
الناس سواسية

الم يقال أن النبي قد اوتي مجامع الكلم

المساواة هنا ليست تقتصر على الحقوق المدنية او الحقوق الاجتماعية

إنها مساواة عامة في كل شيء

ياعم انت انا مش بحب اتكلم في الدين كلمني كلام عربي ومنطقي

حاضر يا سيدي
مش حيجيب سيرة الدين خالص

تعالى نتأمل في الحياة

ذلك الغني يعيش الحياة المترفة
لديه المئات من الشركات
وآلاف الموظفين
وعشرات العمارات والشاليهات
وتعاملات بالملايين في البنوك

*****

وانظر إلى ذلك العبد لله
إنه مجرد عامل
يعمل تحت امر رئيسه
بثيابه الرث المهلهلة
وهاهو ينهي عمله ليقبض اجره ويمسح جبينه بذراعه
ويقبل تلك الجنيهات القليلة ويضعها في جيبه ويرفع يديه شاكراً الله
لقد وقف كثيراً تحت الشمس
يعود إلى المنزل ويقدم ذلك الكيس الذي بالكاد يطعم عائلته ليسد رمقهم
فيحمدون الله
ويتسامرون قليلاً حتى يناموا
فغداً موعد عمل شاق آخر

ايه ياعم انت جاي تحكيلي حكاية
وبعدين في المساواة هنا اصلاً
شتان الفارق بينهما

احد اكبر مشكلاتنا اننا دائماً ننظر إلى محاسن من هم اعلى مننا ومساوئ من هم اقل مننا
او على الاقل من وجهة نظرناً او كما أردنا أن نراهم !!!

ياعم بطل الغاز واحكي

كل واحد في الدنيا لديه معدلات مختلفة يصل مجموعها في النهاية إلى 100%
او نقدر نعتبرها درجة كمال البشر

حتقولي ازاي يابني اكمل البشر هو سيد الخلق محمد عليه الصلاة والسلام انت بتخرف تقول ايه

طيب اهدى ونفهم بشويش

سيدنا رسول الله هو اكمل البشر نعم
أي أعلاهم أخلاقاً وأعلاهم مرتبة في الجنة وأعلاهم مكانة عند الله
صح ؟

بس مكنش اغنى البشر ومكنش اكبر رفهاية ومكنش في سلام دايماً
يبقى كده حياة الرسول كان ينقصها الكثير مما نحن فيه الآن ؟

بس هو فضّل إنه يتعب عشان يعوض الراحة ده كلها في الجنة ويحصل على اعلى منزلة

ده نقدر نعتبره ناحية دينية اكثر منها دنيوية
لكن احنا قلنا هنا حنتكلم عن معيار دنيوي
كل واحد فينا ليه جانب مادي وجانب معنوي
لازم الاتنين في النهاية يوصلو لـ100%

فلو رجعنا لقصة الرجل الغني

من الناحية المادية
لديه من الاموال ما يكفي احفاده حتى وفاتهم
ولديه من السيارات ما يحمل عائلاته كلها
ولديه من القصور ما يرتع فيها الخيل
ولديه من الخدمات ما يجعله في اقصى راحة يريدها
سواء خدم سواء وسائل ترفيهية سواء وسائل راحة الخ

من الناحية المعنوية
تجد أنه لم يعطي حقه لأبنائه بل أنه أصبح كالأب الغائب الحاضر
كما أن معظم الأبناء في هذه الحالة يستغلون مال الأب الغائب حتى يرتعون فيه ما إذا اختلطو باصدقاء السوء
قد يصل الأمر لقتل الأب من أجل الحصول على المال
بالطبع فهو لم يكسب في حياته هذه غير المادة

كذلك فإنه لا يجد حتى وقتاً للنوم
فمشاكل الشركة هنا وهناك
وإيجار ذلك ومصاريف ذاك واحتياجات كذا
العديد من المهام التي تنتظره في الصباح
قد يظل الليل كله يحلم كيف يدبر كل ذلك غداً

المال
المال الذي وضعته في الخزنة في الغرفة المجاورة
بصراحة لست مطمئناً
احتاج لتخبئة الخزنة في مكان آمن
ولكن هذا لا يكفي فالقصر مملتئ بالتحف
يمكنني شراء حارس شخصي
لا لا واحد لا يكفي نخليهم اتنين
بس اضمن منين دلوقتي اتنين أمناء
وبعدين صحيح البدلة بتاعت امبارح وقع عليها شاي
والبدل التانية بتتكوي
أروح بايه بكره بس
قلتلهم يخلولي بدلة احتياطية
المظهر العام كده مش حيبقى حلو ومش حعرف انزل

اظن هنا الفكرة واصلة
مفيش وقت للترفيه – الخوف والقلق الدائم – كثرة المشاغل – كثرة التفكير
اهمال الابناء والزوجة – عدم استغلال كل المال
ده في حد ذاته قتل للحياة المعنوية للشخص

تعالى ننتقل للشخص التاني الفقير
اشتغل في عز الشمس
مقبضش غير جنيهات قليلة
بالكاد يطعم ابنائه ويدبر لهم قوت اليوم
لا منصب ولا جاه ولا واسطة ولا حتى بيقابل نظرة احترام ولو من قائده في العمل
عايز تعتبر من الناحية المادية صفر ؟

تعالى نشوف الناحية المعنوية
رضاء تام عن حياته
دايماً بيحمد ربنا وعنده قناعة باللى في إيده
وبالتالي مش بيعقد نفسه بالنظر إلى من هو اعلى منه
بيقضي وقت بالليل مع زوجته وولاده وعلى الاقل بيديهم من خبرته في الحياة

بيلاقي وقت للترفيه
بيعيش بحرية لو اشتغل بالفانلة من غير قميص حتى محدش حيقوله انت لابس ايه
مش خايف من حاجة
لا هو لابس ساعة دهب عشان يتسرق ولا هو معاه شيكات عشان يتنصب عليه
وكمان برده لو نام في الشارع محدش حيقوله انت بتعمل هنا ايه

راحة تامة وحرية تامة وقضاء وقت ممتع مع الاسرة وتربية صحيحة للأبناء
وكل ما تتخيله ينعم به هذا الشخص الفقير

يا سلااااااااااااام
النوع التاني ده جميل جداً

استنى قبل ما تعلق انا حثبتلك كلامي بحاجتين

أكدت الأرقام إنه الفقراء والبسطاء اطول عمراً من الاغنياء

أكيد لأنه الهمّ شيء صعب
وما اكثر هَمّ الأغنياء

الحاجة التانية سمعنا عن ابناء أغنياء نفسهم يعيشو حياة الفقراء
وبيخالفو أهلهم وبيروحو يجربو

لكن مسمعناش العكس
ولو حصل بيندم عالايام اللى مرت وإنه وصل نفسه للمرحلة ده
وبتكون شهوة المال وبتزول

مفيش أجمل من الراحة النفسية

كده احنا ساوينا ببين حاجتين من بين الف حاجة موجودين في القائمة معانا
الناحية المعنوية والناحية المادية

حتقولي يا راجل دنتا بتتكلم في واحد على 100 من الحاجات والحالات المقارنية
زي مثلاً من يولد او يصبح اصماً او اعمى

طيب ايه يعني ايه المشكلة في كده ؟
اكيد مش بيقدرو يعملو حاجات كتير من اللى بيعملها البشر العاديين
مين قال كده ؟
مسمعتش عن الاعمى اللى بيرسم لوح والناس بتنبهر بيها ؟؟؟
يعني حاجات هو مشفهاش اصلا ً؟؟؟

انت عارف إنه الناس دول بتعمل اللى انت مش بتقدر تعمله !!!

أنت عارف إنه الناس دول منهم علماء وأدباء وانت ......

خلاص خلاص بس اللى بتتكلم عنهم استثناءات كلمني عامة زي المقارنة اللى فاتت كده

حاضر حكلمك وبشكل علمي كمان

في ناس بتقول ربنا بيمنّ على الاعمى بحاسة سمع قوية
صحيح ربنا هو اللى بيمن علينا كلنا بكل حاجة
بس ربنا أساساً خلق جسم الانسان متزن ويصل إلى 100% وهي درجة كمال الجسم

مش فاهم ؟؟؟

المخ البشري قادر على استيعاب شيء واحد في الوقت الواحد بنسبة 100%
وانت طول ما انت ماشي بتسمع وبتشوف
يعني كل واحدة بتاخد منك 50%
بل واقل شوية لإنه بقية جسمك بيتحرك برده

فاكر ساعات وانت بتحاول تسمع الدرس وحواليك دوشة
كنت بتغمض عينك وتحاول تركز اكتر في الدرس وتسمع الشرح
بتغمض لإنك حفظت شكل المدرس مش محتاجه بس الاهم عايز تسمع الكلمة اللى بتقولها

انت كده طبقت مبدأ الاعمى بالظبط
الأعمى مش بيشوف فبيركز كل طاقة دماغه في السمع
ساعات بتحس إنه عنده قدرة رهيبة في تمييز الاصوات
في الحقيقة انت كمان متعرفش إنك عندك قدرة في تمييز الصور !!!

اكيد مادام انت بتستخدم عينك في التمييز بين الاشخاص
فهو بيميز الصوت في تمييز الاشخاص برده

طب ليه انت مش بتعرف تميزهم بالاصوات
لإنك لما كنت بتسمعه ركزت في تمييزك ليه عالنظر
مش لما بتكلمه في التليفون احيانا بتعرف تميز صوته ؟
عشان ساعتها انت بتركز في الصوت اكتر من الصورة
بل ممكن واحد يشاورلك قدامك متشفوش

اكيد متوافقين معايا لحد هنا
>>>>>>>>>>

BaNZeR

10-10-2009, 11:46 PM

طيب برده الاعمى ده مش بيستفاد بحاجات كتير البشر بيستفيدو بيها بالبصر او بالسمع او غيره

حقولك وبرده مش بيضر بحاجات كتير المفروض ميبصش عليها بنشوفها قدامنا :d

فزي ما كل حاجة ليها مميزات وعيوب
كده هو لما بيشيلها بتروح معاها المميزات والعيوب

وبعدين انا كده بتكلم على الجسم بشكل عام
لو اتكلمت مثلاً على العين بس
حقول برده إنها 100%

وحعمل عليها نفس الاحصائيات من شخص لشخص
بس المهم إنه الفكرة وصلتكو ومش محتاج اتكلم فيها اكتر

طبعاً انا مش في خبير مجال الطب ولا خبير في علم النفس

فاكتفيت بذكر مثل الاعمى – على حد ما اعرفه – والباقي على نفس التسلسل

الهدف من الموضوع عايز اقولك بص للكون حواليك
اوعى تبص للى فوقيك وتفتكر فعلاً إنه فوقيك
او تخاف من واحد كبير وتفتكر إنه فعلاً كبير

هو عنده ايد وانت عندك ايد
انت بتخاف وهو برده بيخاف
ولو انت عندك كام مشكلة هو عنده ملايين المشاكل

اوعى تبص لحد اقل منك وتحتقره
انت متعرفش إنه عايش في نعيم اكتر منك
كفاية إنه بينام في الحتة اللى بتريحه في الشارع
وانت متقدرش تنزل من غير القميص ما يكون مكوي ولا الجرافتة مش مظبوطة

طبعاً ده بيتدرج حسب مستوى الشخص الاجتماعي
بس انا جبت أعلى حاجة وأدنى حاجة لأنه التضاد يقوي المعنى ويوضحه :d
كل ده من غير ما ادخل الدين في الموضوع خالص

كل ده بينطبق على الجميع باختلاف الجنسيات وباختلاف الديانات وباختلاف المكان والطبقة الاجتماعية

بس ده مش معناه إنه ربنا مساواش برده بين الناس في الناحية الدينية
بص قد ايه انت اصغر من الحشرة في الكون ده

انت قاعد في ركن في الاوضة بتاعتك في الشقة اللى في العمارة اللى في شارع اللى في حي اللى في مدينة
من مدن المحافظة من محافظات إحدى بلدان إحدى القارات إحدى النصف الشمال او الجنوبي من الكرة
حيث الكرة الارضية أحد كواكب المجموعة الشمسية من بين مجموعات عديدة في مجرة درب التبانة حيث نهاية رؤيتنا نحن للفضاء

على كده انت شيء لا يذكر اصلاً :lol:

انت في حياة صغيرة جداً
خلقك الله فيها كل العباد متساوون
لا فرق– وخلي بالك من اسلوب الاستثناء هنا – لعربي على أعجمي إلا بالتقوى

لا – إلا

يبقى الناس متساوين في كل حاجة عدى التقوى
التقوى ده بقى مجالها مقارنة بين الدين والدنيا

يعني كل انسان لازم يبقى سعيد
وكل انسان لازم يشقى
وكل انسان لازم يتمتع
وكل انسان لازم يلعب
وكل انسان لازم يجتهد

كل واحدة من دول لازم تاخدها بنسبة 100%
عايز تاخدها كلها في الدنيا ومتلاقيش منها في الآخرة براحتك
عايز تتعب وتخليها كل المتعة في الآخرة براحتك
عايز تاخد نصها ونصها برده براحتك
بس أكيد النص ده مش حيكون زي النص ده

طب ده هنا ظلم ومقارنة مش عادلة اهه

انت لما تقضي ساعتين تلعب في البيت زي ما تلعب في دريم بارك ؟

النص بتاع الجنة حيبقى مالا عين رأت ولا أذن سمعت ولا خطر على قلب بشر

عرفت بقى إنك أغنى واحد على وجه الأرض ؟
لأنه ده مكنش بايدك
ده الوضع اللى ربنا حطك فيه
وربنا مبيظلمش حد

لكن مش حيخليك من أغنياء الجنة
لأنه ده اللى بقى بايدك
ومع ذلك ربنا مشلش ايد المساعدة من الدنيا زي ما بيمنعو عنك المساعدات في الامتحان
في ايه كرم اكتر من كده :)

اوعى تفتكر إنك لما تغش مرة إنك حتتفوق على حد
وفي نفس الوقت ربنا ممكن يسامحك عليها
هو ممكن حيسامحك عليها اه
لكن متفتكرش إنك ممكن بالحركة ده حتسبق حد
قد يكون في ظاهرها في الاول كده
بس ياما ربنا حينزلك لمستواك الحقيقي تاني بشكل او بأخر
او إنه حيرفع الشخص الآخر لمكانته اللى انت اخدتها منه بالغصب

ولو لم يحدث ذلك او ذاك فحظك سيء جداً
فقد ادخر الله الاجر له في الآخرة وادخر لك ظلمك هذا ليوم الحساب

بلاش حد يحاول ياخد مكان حد بالظلم او بالشر
كده كده حتوصل لحد 100%
لدرجة الكمال الدنيوية

بس عايز تاخدها كلها بالشر حتوصل
عايز تاخدها كلها بالخير برده حتوصل

وكل واحد حسبما يختار طريقته في الوصول إلى غايته !

account closed

11-10-2009, 01:37 AM

السلام ليكم ورحمة الله وبركاته

ما شاء الله بجد موضوع حلو اوي

وبيناقش قضية اصبحت مسيطرة ع المجتمع

:::::::::::::::::::::::::::::::::::

اعتقد ان المجتمع حاليا بيتكون من طبقتين فقط :

الأغنياء جدا , والفقراء جدا

الطبقة الوسطى دي اصبحت متلاشية .

كمان انت فكرتني بحديثين في منتهى الروعة .

عارفين يا جماعة حديث الرسول صلى الله عليه وسلم :

من بات معافا في جسده , آمنا في سربه , عنده قوت يومه

فقد جمعت له الدنيا بحذافيرها .

والحديث ده بيأكد كلامك .

الغني ديما ف قلق واضطراب إذا كان لا ينفق أمواله في سبيل الله

أما الفقير دائما في ارتياح نفسي .

الحديث التاني :

بصراحة مش متذكرة نصه بس فيما معناه :

إن الفقراء أول من يدخلون الجنة .

:::::::::::::::::::::::::::::::::::::

جزاك الله خيرا

وآسفة على الإطالة ...

تقبل مرورى

BaNZeR

11-10-2009, 07:35 AM

جزاكي الله خيراً أخت خوخة على الإتيان بالأحاديث المتعلقة بالموضوع
وهو في فعلاً احاديث كتير النبي وصف بيها الحالة ده

وما ابسط حياة النبي صلى الله عليه وسلم
فهو مثال للفقراء وقدوة للأغنياء
أغنياء العقل والمكانة لا أغنياء المال

fatma2007

11-10-2009, 11:41 PM

الموضوع فعلا حلو ومهم بس معتقدش ان في حد في
مصر فقير اوي للدرجة اللي انت بتقول عليها
لان دلوقتى بقي في رقي في المستوي الاجتماعي
ومعم الناس متعلمة فامن السهل الحصول علي حياة كريمة

BaNZeR

11-10-2009, 11:47 PM

الموضوع فعلا حلو ومهم بس معتقدش ان في حد في
مصر فقير اوي للدرجة اللي انت بتقول عليها
لان دلوقتى بقي في رقي في المستوي الاجتماعي
ومعم الناس متعلمة فامن السهل الحصول علي حياة كريمة

بغض النظر عن إنه كلامِك بعيد كل البعد عن الواقع :d
الكلام بينطبق على جميع الطبقات الاجتماعية
وده وضحته في السطرين
طبعاً ده بيتدرج حسب مستوى الشخص الاجتماعي
بس انا جبت أعلى حاجة وأدنى حاجة لأنه التضاد يقوي المعنى ويوضحه :d

يعني الشخص المتوسط بيبقى اهتماماته اقل ومشاغله كتير بس مش كتير اوي يعني
وفي نفس الوقت مش بينعم بالراحة اللى بينعم بيها عامل البناء او عامل النظافة او غيره

شكراً لمروركم

Meeroo92

12-10-2009, 08:40 PM

أحمد كووول

13-10-2009, 12:50 PM

الغني ديما ف قلق واضطراب إذا كان لا ينفق أمواله في سبيل الله

أما الفقير دائما في ارتياح نفسي

أنا شايف إن الغني غناً فاحش و الفقير فقر متقع وجهان لعمله واحده كلاهما قلق ومضطرب

أحمد كووول

13-10-2009, 01:01 PM

يعني الشخص المتوسط بيبقى اهتماماته اقل ومشاغله كتير بس مش كتير اوي يعني
وفي نفس الوقت مش بينعم بالراحة اللى بينعم بيها عامل البناء او عامل النظافة او غيره

شكراً لمروركم

عامل بناء ايه و عامل نظافة ايه بس يا جماعه بلاش نضحك علي نفسنا
يعني انت عايز تفهمني ان عامل البناء أ و النظافة بينعم براحة البال
لو كانت اجابتك بالموافقه يبقي انصحك تاخد العدة و تنزل تشتغل ولا انت مبتدورش علي راحة البال

خلينا نتكلم كلام واقعي و الاسلام دين واقعي بيعلمنا نتكلم بواقعية

BaNZeR

13-10-2009, 01:02 PM

اهم حاجه ان فى ناس تعى الموضوع ده من اساسه لأ حاليا معظم الناس غير راضيه عن حياتها ومستواها ودايما شايفه انها اقل الغير مع ان زى ما قلت كل الناس سواسيه مش لازم يكونوا متساوين من ناحيه واحده بس لو تعمقوا شويه وبفهم هيلاقوا انى فى حاجات كتير مش عند غيرهم ودا هيعوض النقص بس المهم ان حد بس ياخد باله من الحكايه دى اصلا بدل النقم على حال الغير مع ان ممكن يكون حالهم احسن بكتييير من غيرهم
وشكرا على الموضوع
تماماً بالظبط
كل واحد مش راضي عن مستواه ومش بيبص لقيمة النعمة اللى هو فيها
شكراً لتعليقك

أنا شايف إن الغني غناً فاحش و الفقير فقر متقع وجهان لعمله واحده كلاهما قلق ومضطرب

نظرياً االفقير لن يكون قلقاً غير من شيء واحد فقط
كيف أدبر قوت الغد
فإن وجده فسيرتاح قلبه وإن لم يجده فرزق الله كثير

أما الغني فأوجه قلقه متعددة
أعدائه كثر
العيون تترصده
اللصوص منتشرون
فلوس في البورصة ممكن تقع
الشركة ممكن تخسر
المصنع ممكن يولع

أما من الناحية العملية
لا يوجد شيء اسمه فقير جداً
يمكن معكش فلوس بس معاك صحة
يبقى روح اشتغل
اقل شغلانة اكيد حتأكلك يومك

بينما الغني اوي يقدر باخلاصه وتفانيه وتقسيمه بين وقته ينظم بين كل حاجة في حياته
ولو لم يخلو ايضاً من مشاكل وحاقدين

وممكن نقول برده لكل قاعدة شواذ

BaNZeR

13-10-2009, 04:43 PM

عامل بناء ايه و عامل نظافة ايه بس يا جماعه بلاش نضحك علي نفسنا
يعني انت عايز تفهمني ان عامل البناء أ و النظافة بينعم براحة البال
لو كانت اجابتك بالموافقه يبقي انصحك تاخد العدة و تنزل تشتغل ولا انت مبتدورش علي راحة البال

خلينا نتكلم كلام واقعي و الاسلام دين واقعي بيعلمنا نتكلم بواقعية
ياعم انا راجل بنكت قولي انت ايه الواقعي :d

يعني مثلاً خايف واحد يشوف قميصه مقطع يتريق عليه ؟
خايف البورصة تنزل وفلوسه تضيع ؟
خايف من الحرامية يدخلو يسرقوه ؟
خايف من العيون اللى بتحسده ؟
شاغل باله بمشاكل الشركات والضرايب والمصانع والهيصة ده كلها

قولي حيقلق من ايه
متقوليش إنه شغلانته مش حتجيبله لقمة يومه
مش مشكلة يعيش حياة مترفة
انا قلت هو مطحون من الناحية المادية
لكن بينعم براحة معنوية مش موجودة لدى الأغنياء

على الأقل لو معندهوش كل المميزات ده
فهو معندهوش العيوب اللى موجودة عند الاغنياء او الكبار

ممكن حضرتك تضيف وجهة نظرك او ما يسمى بالرأي الآخر

يالا بينا

14-10-2009, 09:36 AM

•-{«-•OkOhama•«-}-•

14-10-2009, 10:32 AM

السلام عليكم كلام جميل خالص

جزاك الله كل خير علي التوبيك

بس يعني انا اعتبر من اغنياء العالم :d

متفرقش معايا بقي :d

BaNZeR

14-10-2009, 03:49 PM

سلام عليكم
ما شاء الله موضوع راقي جدا
بس لو حبيتوا رأيي.....أنا سمعت معلومة غاية ف الجمال ....
احصائية أثبتت انه :إذا كان لديك ( بيت تسكنه، طعام يكفي يومك، ولبس يسترك) ف أنت أغنى من 75%من سكان العالم....
طبعا لو حد فاكر انا ذكرت الكلام دا قبل كده في موضوع كان اسمه(كلام بالارقام) لكن حاليا الموضوع محذوف.......ما علينا.... المهم انا شايفة كمان ان اللي عنده عقل بيفكر بيه صح يبقى عنده اعظم كنز في الدنيا......
تحياتي
كتصحيح للمعلومة بس
الارقام ده كانت ارقام نسبية بس
يعني الموضوع يعبر عن وجهة نظر تقارب كثيراً فكرتي في هذا الموضوع
ولكن كانت المشكلة التعبير عنها بالارقام مما جعل الكثيرين يصدقونها
انا استخدمت طبعاً الارقام اللى تعبر عن الاستحالة :d بس قلت تقريباً

واكيد محذوف عشان موضوع مكرر ميت مرة :)

المهم يعني تعقيباً على الجملة الأخيرة
إنه الواحد يحس إنه عنده عقل فقط ده في حد ذاتها الرضا كله

مهو مش كل الناس عندها عقول وبتستخدمه

شكراً لمرورِك وتعقيبك عالموضوع

السلام عليكم كلام جميل خالص

جزاك الله كل خير علي التوبيك
العفو وجميل إنه الموضوع عاجبك

بس يعني انا اعتبر من اغنياء العالم :d

متفرقش معايا بقي :d
مش أغنى الأغنياء بس
مفيش حد فوقك كمان :d
وعيش يا برنس
منور التوبيك :)

maryam.s

16-10-2009, 03:19 PM

**تسابيح**

17-10-2009, 04:39 AM

بجد موضوع في منتهي الروعة
المشكلة انه شامل جميع الجوانب :d
المقارنة بين الغني والفقير بجد هايلة
فيه حاجة كنت بفكر فيها وفي حاجات عرضتها
بطريقة متميزة
المهم فيه شخص (الحكاية دي حقيقية) غني جدااا جدااا كمان
بس فيه مشاكل في حياته
عنده الكبد (ربنا يشفيه)وكمان ابنه فاسد بكل معاني الكلمة
وبيشرب سجاير وكمان بيهين امه وهلم جر
بجد الحاجات دي بتخليني احس اني في نعمة بجد ومفروض نقول الحمدلله ع
كل حاجة
ان الفلوس مش كل حاجة اكيد راحة البال اهم ...

مسمعتش عن الاعمى اللى بيرسم لوح والناس بتنبهر بيها ؟؟؟
يعني حاجات هو مشفهاش اصلا ً؟؟؟
بصراحة انا اول مرة اسمع الموضوع دا
بس سبحان الله!

انت عارف إنه الناس دول بتعمل اللى انت مش بتقدر تعمله !!!

أنت عارف إنه الناس دول منهم علماء وأدباء وانت ......

كل شخصية من الناس عنده موهبه
ربنا ميزه بيها عن الناس بس المشكلة ان الناس مش بدور جواها عشان
تكتشف مواهبها وانها ممكن تكوون احسن من ناس كثير
اوعى تفتكر إنك لما تغش مرة إنك حتتفوق على حد
وفي نفس الوقت ربنا ممكن يسامحك عليها
هو ممكن حيسامحك عليها اه
لكن متفتكرش إنك ممكن بالحركة ده حتسبق حد
قد يكون في ظاهرها في الاول كده
بس ياما ربنا حينزلك لمستواك الحقيقي تاني بشكل او بأخر
او إنه حيرفع الشخص الآخر لمكانته اللى انت اخدتها منه بالغصب
انا كنت مرة بسمع شيخ بيقول
ان الشخص اللي بيغش دا
هو دا نصيبه
ولو كان صبر شويه كان أخذ نصيبه بطريقة مشروعة
لو كان فكر وتعب نفسه ف الاجابة
وربنا اكيد مش بيسيب الانسان الغشاش
اكيد مش بيعينه وبيسببله مشاكل لا حسر لها
ربنا يهدي
شكرا ع الموضوع ياباشمهندس

مستر/ عصام الجاويش

17-10-2009, 11:27 AM

انا دائما اعتقد ان هناك من هو اغنى منى
فانا رصيدى من الحسنات قليل وعندما انظر الى العباد الزهاد الذين يضيفون الى رصيدهم اليومى الملايين من الحسنات - وطبعا هذا هو الاهم لان الاخره هى الباقيه والدنيا فانيه - اشعر بمدى فقرى لاننا فى يوم القيامه سنقف جميعا امام الله سبحانه وتعالى ونحاسب على كل شيئ تخيل ان ماسيحاسب عليه ابوبكر الصديق رضى الله عنه -افضل المسلمين بعد الانبياء والمرسلين- سنحاسب نحن عليه! كلما انظر الى اعمالى واقارنها باعمال غيرى اجدنى ولاشيئ. وانا اطمع فى رحمه الله وكرمه بان يمن على وعليكم بحسن الخاتمه . قولوا آمين

BaNZeR

10-11-2009, 01:15 AM

التوبيك جامد فعلا يا ب.بانزر

واظن الحديث ده بياكد اى كلام او احصائيات فى الموضوع ده

صدق النبي صلى الله عليه وسلم حيث قال "من بات آمنا في سربه معافى في بدنه عنده قوت يومه فكأنما حيزت له الدنيا بحذافيرها)

شكراً لمرورك ولدعمك للموضوع بالحديث الشريف

انا دائما اعتقد ان هناك من هو اغنى منى

فانا رصيدى من الحسنات قليل وعندما انظر الى العباد الزهاد الذين يضيفون الى رصيدهم اليومى الملايين من الحسنات - وطبعا هذا هو الاهم لان الاخره هى الباقيه والدنيا فانيه - اشعر بمدى فقرى لاننا فى يوم القيامه سنقف جميعا امام الله سبحانه وتعالى ونحاسب على كل شيئ تخيل ان ماسيحاسب عليه ابوبكر الصديق رضى الله عنه -افضل المسلمين بعد الانبياء والمرسلين- سنحاسب نحن عليه! كلما انظر الى اعمالى واقارنها باعمال غيرى اجدنى ولاشيئ. وانا اطمع فى رحمه الله وكرمه بان يمن على وعليكم بحسن الخاتمه . قولوا آمين

آمين يارب العالمين ويجعل خواتمنا من أحب الأعمال إلى الله بإذن الله

وأكيد يا استاذنا نحن لا نساوي شيء بالنسبة للأعمال الذي أداها السابقون لرضا الرحمن
أكيد عشان ده شيء في ايدنا نقدر احنا نغيره

في حين أن وضعنا الاجتماعي الذي هو من فرض الله علينا
هو في الحقيقة متساوي الجوانب بين جميع الفئات ولكن من زوايا غير مرئية

BaNZeR

10-11-2009, 01:18 AM

بجد موضوع في منتهي الروعة

المشكلة انه شامل جميع الجوانب :d

المقارنة بين الغني والفقير بجد هايلة

فيه حاجة كنت بفكر فيها وفي حاجات عرضتها

بطريقة متميزة
دي حاجة من الحاجات اللى بفضل افكر فيها واطلع مقارنات عجيبة :d
______________

انا كنت مرة بسمع شيخ بيقول
ان الشخص اللي بيغش دا
هو دا نصيبه

ولو كان صبر شويه كان أخذ نصيبه بطريقة مشروعة
لو كان فكر وتعب نفسه ف الاجابة

بالظبط
كل واحد رزقه جايله سواء اخده بالطريق المشروغ او الغير مشروع

بصراحة انا اول مرة اسمع الموضوع دا

بس سبحان الله!

انا تقريباً افتكرت الموضوع عشان الفقرة دي

هو كان موضوع شفته ودورت عليه في قسم الصور وملقتوش

بس شفت الموضوع تاني دلوقتي وقلت انقله للمنتدى وبالمرة اجيبه هنا للموضوع ده
قصة الرسام الأعمى
¤°` الرسام الذي حير العلماء`°¤ (http://www.thanwya.com/vb/showthread.php?t=164406)

dr.only hope

10-11-2009, 10:07 PM

BaNZeR

10-11-2009, 10:21 PM

بانزر الموضوع طويل قوى هو اكيد حلو وانا قريت اول حتة فيه وعجبنى جدا والله مع ان ف ناس شاذة عن القاعدة وبيبقوا فقراء ماليا وغير راضيين نفسيا بكدا بس الموضوع عامة حلو قوووووووووووى ووعد منى باذن الله اكمله واعلق ع كل جزء فيه
تحياتى يا هندسة
عايز اعلق عالجملة اللى بالاحمر احتمال تكمل مع باقي الموضوع او متكملش
بس عامة بيبقى الرضا غير النفسي ده مجرد مظاهر وقصر نظر
يعني انا مثلاً بقول ماهو لو كان عندي قصر وكان عندي عربية
ولو كان عندي خدامين وسواقين كنت حرتاح من مش عارف ايه
لكن مش ببص للايجابيات اللى عندي وهي سلبيات عنده
نورتو التوبيك وفي انتظار المتابعة

nesreena

10-11-2009, 10:50 PM

بجد الموضوع جميل وفي غايه الروعه بارك الله فيك

BaNZeR

10-11-2009, 11:10 PM

بجد الموضوع جميل وفي غايه الروعه بارك الله فيك
مروركم هو الأجمل
وأتمنى يكون الموضوع أفادكم ولو بالقليل

noda 2000

11-11-2009, 09:43 AM

بجد حلو أوى السؤال
أنا عمرى ما بصيت لها كده
أنا دايما ببصلها دا أحسن منى فى إيه...
بس عمرى ما بصيت لها هو أغنى ولا أنا ؟
لأن الغنى غنى القلب والعقل
وبجد موضوعك روعة.....

BaNZeR

14-11-2009, 07:16 PM

بجد حلو أوى السؤال
أنا عمرى ما بصيت لها كده
أنا دايما ببصلها دا أحسن منى فى إيه...
بس عمرى ما بصيت لها هو أغنى ولا أنا ؟
لأن الغنى غنى القلب والعقل
وبجد موضوعك روعة.....
احمد الله أنني وفقت في اختيار عنواناً مناسباً وجذاباً

انا بجد قعدت بتاع 4 ايام لحد بعد ما خلصت الموضوع محتار في العنوان :d
وشكراً جزيلاً لمرورك العطر

yn_2009

23-11-2009, 11:37 AM

[quote=BaNZeR;1674394]إن كنت اعتقدت يوماً انت هناك من هو أغنى منك فأنت مخطئ !!!!

الموضوع ده كبير جداً ومعظمه امثلة توضيحية
بس هو محتاج مننا نظرة رجل حكيم مفكر
مش لازم رجل يبقى راجل بس يعني اي شخص يعني :d

يقول رسول الله صلى الله عليه وسلم
"الناس سواسية كأسنان المشط لا فرق لعربي على أعجمي إلا بالتقوى "
مش ده كلام النبي (ص) ؟
الناس سواسية

الم يقال أن النبي قد اوتي مجامع الكلم

المساواة هنا ليست تقتصر على الحقوق المدنية او الحقوق الاجتماعية

إنها مساواة عامة في كل شيء

ياعم انت انا مش بحب اتكلم في الدين كلمني كلام عربي ومنطقي

حاضر يا سيدي
مش حيجيب سيرة الدين خالص

تعالى نتأمل في الحياة

ذلك الغني يعيش الحياة المترفة
لديه المئات من الشركات
وآلاف الموظفين
وعشرات العمارات والشاليهات
وتعاملات بالملايين في البنوك

*****

وانظر إلى ذلك العبد لله
إنه مجرد عامل
يعمل تحت امر رئيسه
بثيابه الرث المهلهلة
وهاهو ينهي عمله ليقبض اجره ويمسح جبينه بذراعه
ويقبل تلك الجنيهات القليلة ويضعها في جيبه ويرفع يديه شاكراً الله
لقد وقف كثيراً تحت الشمس
يعود إلى المنزل ويقدم ذلك الكيس الذي بالكاد يطعم عائلته ليسد رمقهم
فيحمدون الله
ويتسامرون قليلاً حتى يناموا
فغداً موعد عمل شاق آخر

ايه ياعم انت جاي تحكيلي حكاية
وبعدين في المساواة هنا اصلاً
شتان الفارق بينهما

احد اكبر مشكلاتنا اننا دائماً ننظر إلى محاسن من هم اعلى مننا ومساوئ من هم اقل مننا
او على الاقل من وجهة نظرناً او كما أردنا أن نراهم !!!

ياعم بطل الغاز واحكي

كل واحد في الدنيا لديه معدلات مختلفة يصل مجموعها في النهاية إلى 100%
او نقدر نعتبرها درجة كمال البشر

حتقولي ازاي يابني اكمل البشر هو سيد الخلق محمد عليه الصلاة والسلام انت بتخرف تقول ايه

طيب اهدى ونفهم بشويش

سيدنا رسول الله هو اكمل البشر نعم
أي أعلاهم أخلاقاً وأعلاهم مرتبة في الجنة وأعلاهم مكانة عند الله
صح ؟

بس مكنش اغنى البشر ومكنش اكبر رفهاية ومكنش في سلام دايماً
يبقى كده حياة الرسول كان ينقصها الكثير مما نحن فيه الآن ؟

بس هو فضّل إنه يتعب عشان يعوض الراحة ده كلها في الجنة ويحصل على اعلى منزلة

ده نقدر نعتبره ناحية دينية اكثر منها دنيوية
لكن احنا قلنا هنا حنتكلم عن معيار دنيوي
كل واحد فينا ليه جانب مادي وجانب معنوي
لازم الاتنين في النهاية يوصلو لـ100%

فلو رجعنا لقصة الرجل الغني

من الناحية المادية
لديه من الاموال ما يكفي احفاده حتى وفاتهم
ولديه من السيارات ما يحمل عائلاته كلها
ولديه من القصور ما يرتع فيها الخيل
ولديه من الخدمات ما يجعله في اقصى راحة يريدها
سواء خدم سواء وسائل ترفيهية سواء وسائل راحة الخ

من الناحية المعنوية
تجد أنه لم يعطي حقه لأبنائه بل أنه أصبح كالأب الغائب الحاضر
كما أن معظم الأبناء في هذه الحالة يستغلون مال الأب الغائب حتى يرتعون فيه ما إذا اختلطو باصدقاء السوء
قد يصل الأمر لقتل الأب من أجل الحصول على المال
بالطبع فهو لم يكسب في حياته هذه غير المادة

كذلك فإنه لا يجد حتى وقتاً للنوم
فمشاكل الشركة هنا وهناك
وإيجار ذلك ومصاريف ذاك واحتياجات كذا
العديد من المهام التي تنتظره في الصباح
قد يظل الليل كله يحلم كيف يدبر كل ذلك غداً

المال
المال الذي وضعته في الخزنة في الغرفة المجاورة
بصراحة لست مطمئناً
احتاج لتخبئة الخزنة في مكان آمن
ولكن هذا لا يكفي فالقصر مملتئ بالتحف
يمكنني شراء حارس شخصي
لا لا واحد لا يكفي نخليهم اتنين
بس اضمن منين دلوقتي اتنين أمناء
وبعدين صحيح البدلة بتاعت امبارح وقع عليها شاي
والبدل التانية بتتكوي
أروح بايه بكره بس
قلتلهم يخلولي بدلة احتياطية
المظهر العام كده مش حيبقى حلو ومش حعرف انزل

اظن هنا الفكرة واصلة
مفيش وقت للترفيه – الخوف والقلق الدائم – كثرة المشاغل – كثرة التفكير
اهمال الابناء والزوجة – عدم استغلال كل المال
ده في حد ذاته قتل للحياة المعنوية للشخص

تعالى ننتقل للشخص التاني الفقير
اشتغل في عز الشمس
مقبضش غير جنيهات قليلة
بالكاد يطعم ابنائه ويدبر لهم قوت اليوم
لا منصب ولا جاه ولا واسطة ولا حتى بيقابل نظرة احترام ولو من قائده في العمل
عايز تعتبر من الناحية المادية صفر ؟

تعالى نشوف الناحية المعنوية
رضاء تام عن حياته
دايماً بيحمد ربنا وعنده قناعة باللى في إيده
وبالتالي مش بيعقد نفسه بالنظر إلى من هو اعلى منه
بيقضي وقت بالليل مع زوجته وولاده وعلى الاقل بيديهم من خبرته في الحياة

بيلاقي وقت للترفيه
بيعيش بحرية لو اشتغل بالفانلة من غير قميص حتى محدش حيقوله انت لابس ايه
مش خايف من حاجة
لا هو لابس ساعة دهب عشان يتسرق ولا هو معاه شيكات عشان يتنصب عليه
وكمان برده لو نام في الشارع محدش حيقوله انت بتعمل هنا ايه

راحة تامة وحرية تامة وقضاء وقت ممتع مع الاسرة وتربية صحيحة للأبناء
وكل ما تتخيله ينعم به هذا الشخص الفقير

يا سلااااااااااااام
النوع التاني ده جميل جداً

استنى قبل ما تعلق انا حثبتلك كلامي بحاجتين

أكدت الأرقام إنه الفقراء والبسطاء اطول عمراً من الاغنياء

أكيد لأنه الهمّ شيء صعب
وما اكثر هَمّ الأغنياء

الحاجة التانية سمعنا عن ابناء أغنياء نفسهم يعيشو حياة الفقراء
وبيخالفو أهلهم وبيروحو يجربو

لكن مسمعناش العكس
ولو حصل بيندم عالايام اللى مرت وإنه وصل نفسه للمرحلة ده
وبتكون شهوة المال وبتزول

مفيش أجمل من الراحة النفسية

كده احنا ساوينا ببين حاجتين من بين الف حاجة موجودين في القائمة معانا
الناحية المعنوية والناحية المادية

حتقولي يا راجل دنتا بتتكلم في واحد على 100 من الحاجات والحالات المقارنية
زي مثلاً من يولد او يصبح اصماً او اعمى

طيب ايه يعني ايه المشكلة في كده ؟
اكيد مش بيقدرو يعملو حاجات كتير من اللى بيعملها البشر العاديين
مين قال كده ؟
مسمعتش عن الاعمى اللى بيرسم لوح والناس بتنبهر بيها ؟؟؟
يعني حاجات هو مشفهاش اصلا ً؟؟؟

انت عارف إنه الناس دول بتعمل اللى انت مش بتقدر تعمله !!!

أنت عارف إنه الناس دول منهم علماء وأدباء وانت ......

خلاص خلاص بس اللى بتتكلم عنهم استثناءات كلمني عامة زي المقارنة اللى فاتت كده

حاضر حكلمك وبشكل علمي كمان

في ناس بتقول ربنا بيمنّ على الاعمى بحاسة سمع قوية
صحيح ربنا هو اللى بيمن علينا كلنا بكل حاجة
بس ربنا أساساً خلق جسم الانسان متزن ويصل إلى 100% وهي درجة كمال الجسم

مش فاهم ؟؟؟

المخ البشري قادر على استيعاب شيء واحد في الوقت الواحد بنسبة 100%
وانت طول ما انت ماشي بتسمع وبتشوف
يعني كل واحدة بتاخد منك 50%
بل واقل شوية لإنه بقية جسمك بيتحرك برده

فاكر ساعات وانت بتحاول تسمع الدرس وحواليك دوشة
كنت بتغمض عينك وتحاول تركز اكتر في الدرس وتسمع الشرح
بتغمض لإنك حفظت شكل المدرس مش محتاجه بس الاهم عايز تسمع الكلمة اللى بتقولها

انت كده طبقت مبدأ الاعمى بالظبط
الأعمى مش بيشوف فبيركز كل طاقة دماغه في السمع
ساعات بتحس إنه عنده قدرة رهيبة في تمييز الاصوات
في الحقيقة انت كمان متعرفش إنك عندك قدرة في تمييز الصور !!!

اكيد مادام انت بتستخدم عينك في التمييز بين الاشخاص
فهو بيميز الصوت في تمييز الاشخاص برده

طب ليه انت مش بتعرف تميزهم بالاصوات
لإنك لما كنت بتسمعه ركزت في تمييزك ليه عالنظر
مش لما بتكلمه في التليفون احيانا بتعرف تميز صوته ؟
عشان ساعتها انت بتركز في الصوت اكتر من الصورة
بل ممكن واحد يشاورلك قدامك متشفوش

اكيد متوافقين معايا لحد هنا

]انا مش فاضية
لما افتح تانى هرد
بس بجد الاموضوع حلو اوى

yn_2009

23-11-2009, 12:48 PM

الموضوع ده شيق بجد بس عمر الأنسان العاقل مايبص للحياة بالنظرة المادية دى

noda 2000

23-11-2009, 03:09 PM

عندك حق يا سومه
الماديات اخر حاجة الواحد ممكن يفكر فيها

ahmedfeqy

25-11-2009, 12:35 PM

جزاكم الله خيرااااا

محمد فودى محمد4

26-11-2009, 10:30 AM

موضوعك جميل قوى

BaNZeR

23-02-2010, 02:58 PM

]

]انا مش فاضية
لما افتح تانى هرد
بس بجد الاموضوع حلو اوى
مروركم هو الاحلى أتمنى تكونو كملتو الموضوع

الموضوع ده شيق بجد بس عمر الأنسان العاقل مايبص للحياة بالنظرة المادية دى
للأسف النفس البشرية هي اللى بتخلي الواحد ميبصش للحياة كده
لإنه لو لقى نفسه متساوي مع كل البشر حيحقد على مين :d

عندك حق يا سومه
الماديات اخر حاجة الواحد ممكن يفكر فيها
قصدك الماديات المفروض تكون آخر حاجة بنفكر فيها :d
جزاكم الله خيرااااا
وجزاكم بمثله
موضوعك جميل قوى
شكراً لاطرائكم الأجمل وأتمنى يكون الموضوع عجبكم فعلاً