السلام عليكم جميعا و كل سنة وانتو بالف صحة و سعادة
:d
ــــــــــــــــــــــــ

دخلت من كام يوم قسم الكادر
بصفتي كنت في يوم من الايام مشرف عليه
و بصفته أكثر الأقسام إقبالا من الأعضاء
بشهادة الجميع
و تحسرت يا جماعة و الله
و الله حسيت بقهر شديد :angry2:
و حسيت ان كل اللي عملته ضاع هدر
انا كنت حذفت من القسم ده لما كنت مشرف
أكثر من 200 صفحة بموضوعاتها
ليس لها أدني علاقة بالكادر
و أصبحت صفحات قسم الكادر لا تتعدي 47 صفحة !
أتذكر عددهم جيدا
و أقسمت بالله وقتها
ان قسم الكادر مافيهوش دلوقتي موضوع واحد مخالف
((( ده كان زمان طبعا )))
بفضل الله
دلوقتي بقا حوالي 180 صفحة معظمهم
موضوعات مالهاش لازمة :angry2: او علاقة بالقسم
و حتي زمان كان في مشرفين اداريين
بيدخلوا يلقوا نظرة علي قسم الكادر
و مهتمين بأمره
و متابعين
و بينتقدوا
زي اسلام المرشد و زي محمود طه و كانت همس (( هند ))
ساعتها برضه مهتمة
و كنت بحس ان الناس كلها عينها علي القسم و حتي علي كل
الاقسام التعليمية برغم انهم ينتموا الي الاقسام العامة

انما دلوقتي
حاسس بحالة من :bosyht9:التنفيض غريبة
من المشرفين عموما
و حتي المشرفين الاداريين
مابقاش ليهم مزاج حتي يدخلوا ينتقدوا الوضع الغلط :blush:
اللي هما كانوا عمرهم ما بيسكتوا عليه

هل دي أسميها حالة من :bosyht9:عدم الشعور بالانتماء؟
ايه اللي حصل يا جماعة ؟
قسم الكادر دلوقتي فيه موضوعات لمدرسين بيشتموا بعض علنا
و الموضوع كل ما ادخل الاقيه موجود بالايام

http://www.thanwya.com/vb/showthread.php?t=158601

http://www.thanwya.com/vb/showthread.php?t=159121

و لا حد همه سمعة الموقع و لا نظرة الناس ليه؟

و مشرفي قسم الكادر اعتقد انهم مش بيدخلوا تقريبا او منشغلين
انا عارف ان الموقع كله دلوقتي مش علي المستوي المطلوب
لكن انا بتكلم في اللي اعرفه
قسم الكادر
اللي له شعبية جامدة
و اللي خسارة انه يبقا بالشكل ده
و الله ليس لي اي هدف او مصلحة من كلامي هذا سوي الحرص علي مصلحة مكان
طلع عيني انا شخصيا فيه
و سهرت فيه ليالي كتير عشان الشكل العام يبقا لائق امام المدرسين اللي بيدخلوا


طيب مين مدير الموقع دلوقتي يا جماعة وانا اراسله؟
مين الادارة و انا اتصل بيهم ؟
هيا السرية دي لمصلحة الموقع؟
معتقدش
مش هاين عليا المنظر كده والله في بعض الاقسام
و السنة الدراسية بدات خلاص

فضلا عن ان القسم العام حتي ما فيش اهتمام بيه بشكل كبير
او مشرفين يهتموا بيه و يعملوا مسابقات
و يحركوا القسم
و يكرموا الاعضاء المشاركة بفعالية
أكرر
اتكلم فقط من اجل مصلحة الموقع
و انا مهما روحت مواقع تانية او غيره
ابقا ندل و معنديش اصل لو نسيت
الموقع الاول اللي اتعرفت فيه علي افضل الناس
أرجو الاهتمام

دمتم بخير :)
و اسف للاطالة
خالص حبي و تقديري للجميع
:d

كل ده عشان قسم في المنتدى مش مظبوط

باين عليك متفسحتش في بقية الاقسام


ده مشكلة ثانوية اساساً من المشاكل اللى موجودة هنا :d

ومفيش حد تعبه بيضيع هدراً
فلكل فترة مواضيعها ومشرفيها واعضائها


واكيد ساعتها كان القسم متميز وعليه اقبال
وخلاص مفيش قسم بيفضل في التوب على طول

اللى خلى توب الاقسام (العام) واقع دلوقتي :d

كل ده عشان قسم في المنتدى مش مظبوط


باين عليك متفسحتش في بقية الاقسام


ده مشكلة ثانوية اساساً من المشاكل اللى موجودة هنا :d




حبيب قلبي اشكرك علي اهتمامك و ردك
لكن اسمحلي
اللهجة هنا كلها تشاؤم ليه كده؟
طب ما ده منتدي انت مشرف فيه يا باشا
و مادام قبلت انك تكون مشرف فيه
يبقا لازم تحرص عليه و يبقا في عندنا انتماء شوية اكتر من كده
مش عارف ليه بحس ان اللهجة هنا كلها سخرية علي الوضع الحالي للمنتدي
و كمية تشاؤم فظيعة
ليه بجد؟
طب يعني هوا الحل صعب للدرجاتي ؟
و لو حل مشاكل المنتدي صعب اوي للدرجاتي
ليه ما يبقاش في موقف جماعي
و نتكلم مع الفاضل صاحب الموقع
و نلفت نظره؟
هتقولي لا يا حبيبي
ياما اتكلمنا و مافيش نتيجة
بس انا مش بقولك تتكلم و بس
انا بقولك نعمل موقف جماعي
حتي لو وصل لاعتصام داخلي في سبيل لفت الانتباه
و ده كله لمصلحة المنتدي
مش عصيان مدني منتدياتي يعني
لا
مجرد وقفة
و انا شايف ان كان في بعض الاستجابات لمطالب الاعضاء اتنفذت
فليه ما يكملش صاحب الموقع جميله
و يظبط المنتدي ده صح؟
خسارة والله اسم بوابة الثانوية يضيع هدر

السلام عليكم جميعا و كل سنة وانتو بالف صحة و سعادة
وعليكم السلام ورحمة الله
وحضرتك بخير


((( ده كان زمان طبعا )))
علشان حضرتك كنت فيه اكييد
ومحدش ينكر ده ابدااا مجهود حضرتك والنشاط
بفضل الله

و حتي زمان كان في مشرفين اداريين
بيدخلوا يلقوا نظرة علي قسم الكادر
و مهتمين بأمره
و متابعين
و بينتقدوا
زي اسلام المرشد و زي محمود طه و كانت همس (( هند ))


انما دلوقتي
حاسس بحالة من :bosyht9:التنفيض غريبة
من المشرفين عموما
و حتي المشرفين الاداريين
والله احنا صوتنا اتنبح على الاقسام التعليمية مع الادارريين التعلميين
بس للاسف ويبقى الصمت
واحناا تعبنا من الحمل بقى تقيل جدا
ومازلنا بنعمل فى مخالفات فيه ومش بنقول لا
مع انه ليس مهامنا
ما
اللي هما كانوا عمرهم ما بيسكتوا عليه

هل دي أسميها حالة من :bosyht9:عدم الشعور بالانتماء؟
ايه اللي حصل يا جماعة ؟
مش لازم يااستاذنا نعمل مشكلة على العلن علشان نحس بالانتماء
والله حصلت مناقشات كتيرة فوق
ويامسهل


و مشرفي قسم الكادر اعتقد انهم مش بيدخلوا تقريبا او منشغلين
استاذى ياريت تدخل ملفهم وتشوف اخر تواجد لهم
وممكن تدخل على اخر مشاركات وهاتعرف ان كل مشاركاتهم كادر



مش هاين عليا المنظر كده والله في بعض الاقسام
و السنة الدراسية بدات خلاص
مع حضرتك حق
بس المشرفين يعملوا مافى وسعهم
مش مقصرين اوى

أرجو الاهتمام

دمتم بخير :)
و اسف للاطالة
خالص حبي و تقديري للجميع

:d

اكييد ده ليس بجديد عن حضرتك
وحضرتك فععلا كنت مشرف من انشط المشرفين
ومازلت مدرس فاضل يحترم
واخ كبير يهمه مصلحة المنتدى
انا بحى حضرتك على الموضوع بجد
بس عاوزة اطلب ممنن حضرتك طلب
باسم الاداريين
احنا ممكن نعمل ايه لحل لمشكلة دى؟؟
وجزاكمك الله خيرا

كل ده عشان قسم في المنتدى مش مظبوط

باين عليك متفسحتش في بقية الاقسام


ده مشكلة ثانوية اساساً من المشاكل اللى موجودة هنا :d


المشكله انه مش قسم واحد او اتنين او تلاته
حاجه بايخه :d


يعني تقريبا فيه قسم الكادر ومعاه برضه قسم التنسيق وكادر الازهر و مشاكل المعلمين
بتبقي فيه حاجات غريبه اوي
دا غير الاقسام النشطه العادية زي الركن العام او القسم الرياضي او صوت الاعضاء دا
دا غير ان فيه اقسام كتيره اوي ف الموقع معلهاش مشرفين او المشرفين دخولهم قليل عشان بدايه فتره الدرسه

بجد صعب اوي
وخصوصا ف الفتره دي

يعني تقريبا اللي بيشوف منا مخالفه اكيد بيشيلها او بيعدلها
بس المشكله ف التواجد بيقل عشان بدايه الدراسه غير ان عدد المخالفات اكيد كبير
كل واحد بيحاول يعمل اللي عليه

وحاليا بجد حصلت تغييرات او تعديلات كويسه
سواء فشكل الموقع او ف تنفيذ الطلبات اللي كانت المفروض تتعمل من فتره طويله
وان شاء الله بجد الجاي حيبقي احسن

اكييد ده ليس بجديد عن حضرتك
وحضرتك فععلا كنت مشرف من انشط المشرفين
ومازلت مدرس فاضل يحترم
واخ كبير يهمه مصلحة المنتدى
انا بحى حضرتك على الموضوع بجد
بس عاوزة اطلب ممنن حضرتك طلب
باسم الاداريين
احنا ممكن نعمل ايه لحل لمشكلة دى؟؟
وجزاكمك الله خيرا

أختي العزيزة
شكرا علي مرورك أولا و اهتمامك
و ايجابيتك
و ثانيا : عايز اقولك ان انا عارف و الله انكم كاداريين علي الاقسام العامة مش مقصرين
بدليل انكم بتدخلوا باستمرار
و الموقع من زمان قائم علي أكتافكم و تعبكم من زمان أوي
أنا كنت بس بحاول ألفت نظر ادارة المنتدي ككل
عام مع تعليمي في آن واحد
ان في اقسام كتير حالها بقا صعب جدا
و محتاجة اهتمام
و أبسط شئ أنصح بيه حضراتكم لو تسمحولي بالنصيحة
ان أي مشرف لا يقوم بواجبه يقال فورا
أي مشرف لا تشعري كمشرفة ادارية انه مظبط القسم بتاعه
ماينفعش يستني في مكانه ساعة واحدة
لانه مش مكان للمجاملات
و انا عارف ان مافيش مجاملات
بس في نفس الوقت ملاحظ ان مافيش تقييم فوري و دائم و مستمر للمشرفين بانتظام
بحيث يتم محاسبة كل مشرف و من ثم تأتي هذه المحاسبة بثمارها
الوسائل كتيرة أوي لتحفيز الاعضاء فضلا عن تحفيز المشرفين علي العطاء
و المشاركة
انا عارف ان البعض هنا مش مقصر نهائي
لكن في نفس الوقت بعض المشرفين ينقصهم الانتماء للمنتدي و الحرص و الخوف عليه
و تظبيط القسم بتاعهم
و انا مش من انصار المشرف اللي يقول ((( وانا يعني واخد منهم ايه؟ بقبض يا حسرة مرتب اخر الشهر)))
و في رايي المشرف ده لا يعتمد عليه
فهو ارتضي ان يكون في المكان ده
يبقا لازم يبقا راجل
و يبقا قد المكان
محدش اتحايل عليه و جابه من ايده
يبقا لايشتغل
لايسيب مكان لناس تانية نشيطة في المنتدي تقدر تخدم
ده رأيي المتواضع علي مستوي الافراد و علي المستوي الشخصي
اما علي مستوي الادارة
المدير و صاحب الموقع
ففي في ذهني مليون علامة تعجب
هل هوا فعلا حريص علي الموقع؟ ايا كان هوا مين انا معرفوش و ما يهمنيش اعرف
انا كل اللي عايز اقوله
هل بوابة الثانوية العامة اصبحت غير ذات اهمية حتي لصاحبها؟؟؟؟؟؟؟؟؟؟؟؟؟؟؟
رحاء الاجابة منه هوا شخصيا
و يقرب من الناس هنا اوي
و يصاحبهم كمان
و يثق فيهم
و يمدلهم ايده
لان كل المشرفين الاداريين هنا
هما اللي شايلين الهم علي اكتافهم
و يستاهلوا انه يتكلم معاهم و يثق فيهم و يعطي لهم كل الصلاحيات
و ينفذ مطالبهم أول باول
لانهم ناس بيقتطعوا من وقتهم الكثير عشان يشاركوا في المنتدي ده
يبقا يتشالوا فوق الراس
و اسف علي التدخل الي هذه الدرجة
بس ماتعودتش اشوف غلط و اسكت
و اللي اثارني اني شوفت موضوعات كتير هنا في القسم ده
لناس اتنبحت صوتها
ولا حد بيسمع لها
مع انهم مشرفين اداريين !!!
اومال الاعضاء هيتعمل معاهم ايه؟
مجرد رأي
و اسف علي الاطالة
و بشكرك جدا اختي العزيزة علي مرورك الكريم

ويبقي الحال علي ماهو عليه:bosyht9:

بص يا استاذ شريف

انت هنا بالنسبالي او انا بالنسبالك اعتبر جديد يعني :d

بس حضرتك مبالغ اوي في كل كلامك



يعني كلمتين قلتهم طلعتني متشائم ومحبط وانا مشرف والمفروض معملش كده
انا حستقيل بعد كده عشان اتشائم براحتي :d



الفكرة هنا مش موضوع مشرفين مش شغالين عشان نحاسبهم
الفكرة في عدم وجود مشرفين اصلاً :d


لأنه في الفترة الاخيرة كان في استقالات كتير وفي نفس الوقت الدراسة شغلت الجميع برده
ما عدا الفشلة اللى زيي كده :d


ومعتقدش في حد كتير بيمسك مشرف ومش بيشتغل عشان قال مش بيقبض مرتب
لإنه اللى بيتعين بيكون موثوق في نشاطه وجهده


وزي ما قلتلك ده مشكلة فرعية
انه كل الاقسام بقى بيتحط فيها كل المواضيع
وقسم زي قسم الكادر المفروض اللى عليه كبار مش صغيرين

للأسف وانا معدي بشوف فيه مواضيع من مختلف الجنسيات والاشكال :bosyht9:


بس انا عن نفسي مش من زواره يعني


انا والله بعمل كل اللى اقدر عليه في قسمي واللى تحت سيطرتي
مفيش رد عندي مش بشوفه
لكن اللى بره كده وبره صلاحياتي بتعامل معاه كأي عضو
ملهاش دعوة بانتماء ولا غير انتماء

المدير بتاعنا يادوب نفذلنا اول طلباتنا بتكبير مساحة التوقيع والصورة الرمزية بعد ايام وشهور وسنين من الطلب والالحاح امبارح بس :d

عشان كده ممكن طلبك ده يتنفذ حسب الخطة الموضوع 2019/2020 المتفق عليها :d


كفاية احد اكبر المشاكل انه الغرف الصوتية بدأت بعد بداية الدراسة اصلا
ولحد دلوقتي متحطلهاش جدول !!

السلام عليكم ورحمة الله وبركاته
اولا بشكر حضرتك على اهتمامك
بس فيه نقطة عاوزة اوضحها
حاليا الاهتمام مركز على القسم التعليمى والحصص الصوتية
بجانب ان معظم المشرفين طلبوا اجازة نظرا لانشاغلهم بالدراسه
ان شاء الله فى اقرب وقت سيتم حل تلك الامور
جزاك الله خيرا مستر شريف

والله مش عارف اقول لحضرتك ايه بس
انت عارف يا استاذ شريف ان قسم الكادر من زمان وهو مقبرة المشرفين
يعنى انا مثلا اتوقفت بسببه مرتين وكنت ادارى واعتقد فى برضه اعضاء كتير اتوقفت بسببه
ده لان ايامها كان كل اللى بيدخل فى القسم للتعديل او ابداء الرأى كان
بيعتبر متطاول على المدرسين ومكنش حد بيسكتله
اعتقد ان كان اخر موضوع بهذا الخصوص لما حبيت اقول رأى ويومها اتهنت جامد
وكان فيه موضوع اسمه لان اسمح بالتطاول على المعلم بعد اليوم
وطبعا الكل يومها اتفق عليه وانا حتى لحقت نفسى يومها وطلبت رفعى من الاشراف بدل ما اتشال
وبعدها دخلت حذفت العضوية
مش عارف بصرؤاحة اقول لحضرتك ايه بس اعتقد ان فى مشرفين فعلا على القسم
محمد اللورد او الاستاذ القالع او الانصارى يدخله يشوفه اخر تواجد ونشاط ليهم فى القسم امتا
واللى مش شغال يترفع
انما انا كادر تانى واهانة تانى علشان بقول الحق نو :d

السلام عليكم
اخى الفاضل
مستر / شريف
لا يختلف على كلامك احد
وان هناك تقصير واضح
لا اتنصل منه بصفتى الشخصية
وان شاء الله اوعدك باصلاح الامر فى القريب العجل
خالص الشكر لغيرتكم الشديدة وصدقككم الجميل
لما فيه الخير
خالص الدعوات والمودة

ويبقي الحال علي ماهو عليه:bosyht9:
عندي يقين تام ان أي وضع غلط ممكن يتغير بسهولة جدا للأفضل
قليل من التفاؤل
مع حبة تخطيط
و شوية اصرار و زن
يتشربوا ع الريق مع معلقة عسل نحل
و ادعي لاخوكي بعد كده :d

بس حضرتك مبالغ اوي في كل كلامك
طب خش بص بصة زغنططة
علي قسم الكادر



يعني كلمتين قلتهم طلعتني متشائم ومحبط وانا مشرف والمفروض معملش كده
انا حستقيل بعد كده عشان اتشائم براحتي

لا اتشائم براحتك
و انا فديك الساعة لما نبقا كلنا متشائمين :d
من حق أي مشرف انه يتشائم
دي حرية شخصية
بس يبقا افضل لو اتشائم لجوه مش لبره :)

الفكرة في عدم وجود مشرفين اصلاً

معقولة صعب تعيين مشرفين جدد
في منتدي بيدخله آلاف الاعضاء؟



انا والله بعمل كل اللى اقدر عليه في قسمي واللى تحت سيطرتي
مفيش رد عندي مش بشوفه

تسلم :)



عشان كده ممكن طلبك ده يتنفذ حسب الخطة الموضوع 2019/2020 المتفق عليها

معقولة ...و بالسرعة دي؟
انا مش مصدق نفسي

كفاية احد اكبر المشاكل انه الغرف الصوتية بدأت بعد بداية الدراسة اصلا

ولحد دلوقتي متحطلهاش جدول !!


واضح اني قلبت المواجع :d
عموما تسلم يا جميل علي ردك

ان شاء الله فى اقرب وقت سيتم حل تلك الامور

ان شاء الله
شكرا جزيلا

والله مش عارف اقول لحضرتك ايه بس

يااااا ه
دانت كاتم في قلبك كتير اوي :d


مقبرة المشرفين

للدرجاتي ؟
انا حاسس ان القسم بقا اسمه كادرستان



اعتقد ان كان اخر موضوع بهذا الخصوص لما حبيت اقول رأى ويومها اتهنت جامد

انت لسه شايل يا راجل؟
انسي بقا

انما انا كادر تانى واهانة تانى علشان بقول الحق نو :d

مافيش اهانة و لا حاجة يا اسلام
و محدش يقدر يعني
و بعدين المدرس اللي يسمح لنفسه انه يتبادل الشتايم مع مدرس تاني
علي صفحات القسم
يبقا الاتنين يستاهلوا الوقف
بدون ما نقعد نتغني بالمعلم
و قم للمعلم
لانه النوعية دي هيا اللي اثرت علي سمعة المدرسين

السلام عليكم
اخى الفاضل
مستر / شريف
لا يختلف على كلامك احد
وان هناك تقصير واضح
لا اتنصل منه بصفتى الشخصية
وان شاء الله اوعدك باصلاح الامر فى القريب العجل
خالص الشكر لغيرتكم الشديدة وصدقككم الجميل
لما فيه الخير
خالص الدعوات والمودة
ان شاء الله
و تسلم يا استاذي العزيز
ربنا يكرمك و يوفقك في مهامك ان شاء الله

مافيش اهانة و لا حاجة يا اسلام
و محدش يقدر يعني
و بعدين المدرس اللي يسمح لنفسه انه يتبادل الشتايم مع مدرس تاني
علي صفحات القسم
يبقا الاتنين يستاهلوا الوقف
بدون ما نقعد نتغني بالمعلم
و قم للمعلم

لانه النوعية دي هيا اللي اثرت علي سمعة المدرسين

اه فعلاً
المشكلة هنا في صعوبة التعامل بين الطلبة كمشرفين والمعلمين كأعضاء


مش كل الناس كويسة فعلاً في ناس منهم لا يجب ان تنضم لفئة الكادر التعليمي

بص يا جايد
انت ممكن تمسك القسم ده ونديك حصانة من مجلس الشعب
واشتم براحتك في القسم وحتاخد مناعة من الوقف متخفش
بس مترحمش :d

بص يا جايد


انت ممكن تمسك القسم ده ونديك حصانة من مجلس الشعب
واشتم براحتك في القسم وحتاخد مناعة من الوقف متخفش

بس مترحمش :d

انت حضرتك جاي تهدي النفوس؟:stickjo4:

هوا احنا عايزين المشرفين الاداريين يدخلوا قسم الكادر
عشان يشتموا ؟
:blink:

يااااااااااه هو القسم دا لسه عايش
دا احنا كنا بنعمل مشكلات بسببه
وبعدين طالما امتحانات الكادر خلصت
هو مفتوح ليه
ممكن يوقفوا المشاركات
لحد الامتحان الجاى:d

يااااااااااه هو القسم دا لسه عايش


دا احنا كنا بنعمل مشكلات بسببه
وبعدين طالما امتحانات الكادر خلصت
هو مفتوح ليه
ممكن يوقفوا المشاركات

لحد الامتحان الجاى:d

تصدقي عندك حق؟ :rolleyes:
حتي بالمرة احذف موضوعي ده كمان
عشان مش هيبقا له لازمة
شكرا جزيلا علي اقتراحك الرائع :d

كان الهدف من كتابة الموضوع أن يصل محتواه الي الادارة
و قد تم
فرجاءا حذف الموضوع
و شكرا جزيلا