متفوقو الصف الثالث الاعدادى [الأرشيف] - الصفحة 4 - بوابة الثانوية العامة المصرية

ذوكا 3 اعدادى

09-01-2010, 04:46 PM

طيب يا جماعة سؤال سهل جدا جدا
اعرب الابيات التالية
أرى لرجال الغرب عزاً ومنعةً***وكم عز اقوام بعز لغات
أتوا أهلهم بالمعجزات تفنناً***فيا ليتكم تأتون بالكلمات
أيطربكم من جانب الغرب ناعب***ينادي بوأدي في ربيع حياتي

كده ده مسح زور بس ان شاء الله التقيل جاي ورا

ارى: فعل مضارع مرفوع وعلامة رفعه الضمة
لرجال: ل حرف مبنى لا محل له من الاعراب
رجال اسم مجرور وعلامة جره الكسرة
الغرب:مضاف اليه مجرور بالكسرة
عزا: مفعول به منصوب وعلامة نصبه الفتحه
و :حرف مبنى لا محل له من الاعراب
منعة :معطوف منصوب وعلامة نصبه الفتحة
اتوا :فعل ماضى مبنى ع الفتح
واو الجماعة: ضمير مبنى فى محل رفع فاعل
اهلهم :اهل مفعول به منصوب وعلامة نصبة الفتحة
هم:ضمير مبنى فى محل جر مضاف اليه
بالمعجزات : ب حرف مبنى لا محل له من الاعراب
المعجزات:اسم مجرور وعلامة جره الكسرة
تفننا: مفعول به ثانى منصوب وعلامة نصبه الفتحة (مش متأكده منها)
فيا: ف :حرف مبنى لا محل له من الاعراب
يا:حرف مبنى لا محل له من الاعراب
ليتكم: ليت:حرف ناسخ
كم:اسم ليت منصوب وعلامة نصبه الفتحة
تأتون:فعل مضارع مرفوع بثبوت النون.
بالكلمات:ب:حرف مبنى لامحل له من الاعراب
الكلمات:اسم مجرور وعلامة جره الكسرة
تأتون بالكلمات:الجملة الفعلية فى محل رفع خبر ليت
ايطربكم: مش عارفة الالف ايه لازمتها بس يطرب:فعل مضارع مرفوع وعلامة رفعه الضمة
كم:ضمير مبنى فى محل نصب مفعول به
من:حرف مبنى لا محل له من الاعراب
جانب:اسم مجرور وعلامة جره الكسرة
الغرب:مضاف اليه مجرور وعلامة جره الكسرة
ينادى:فعل مضارع مرفوع وعلامة رفعه الضمة
بوأدى:ب حرف مبنى لا محل له من الاعراب
وأد:مفعول به منصوب وعلامة نصبه الفتحة
ى:ضمير مبنى فى محل جر مضاف اليه
فى : حرف مبنى لا محل له من الاعراب
ربيع:اسم مجرور وعلامة جره الكسرة
حياتى:مضاف اليه مجرور وعلامة جره الكسرة

ياااااااااااااااااااااااه تعبت قووووووووووى على ما خلصت كتابتهم
بلاش اسئلة تانى يا ياسمين

هيرمونى جرينجر

09-01-2010, 05:03 PM

ههههههههههههههههههههههههههه
ربنا معاكى يا زوكا
انا حلتهم شفوى مع نفسي ارحملى من الكتابه د كلها

مهند مقلد2

09-01-2010, 06:10 PM

http://www14.0zz0.com/2009/11/30/12/139509095.jpg حل المعادلة ياريت الحل يكون في صورة زي دي

ياسمين2012

10-01-2010, 09:04 PM

اجاباتك صح يا ذوكا بس فيه كام حاجه كده(غير ان الشطر التاني في البيت الأول مش موجود اعرابه مع ان سهل)
*تفنناً : حال منصوب وعلامة نصبه الفتحة الظاهرة
ليتكم:كم اسم ليت بس مش منصوب مبني في محل نصب
أيطربكم: الهمزة دي للأستفهام يا عسل
ينادي:فعل مضارع مرفوع في محل نصب حال
بوأدي :جار ومجرور .وكلمة "وأد" لاتعرب مفعول به

وعندي ليكي نصيحة
**بالنسبة للأفعال اللي زي( أرى) يفضل تقولي مرفوع بالضمة المقدرة "منع ظهورها التعذر
يعني علشان المصحح ميكنلوش حجة وتاخدي الدرجة كاملة**

**الجمل فعلية أو اسمية "بعد النكرات صفات(نعت) وبعد المعارف أحوال" زي (ينادي)

** الحروف ياريت تقولي هي حروف ايه (جر ـ نداء ـ عطف)**

الله يكون في عونك انا ما اخدتش بالي ان الأعراب هيكون كتير كده بالشفوي مش بياخد كتير
وعموما يا ستي المرة الجايه هحط سؤال عاوز تفكير كتير وكلام قليل مش العكس

هيرمونى جرينجر

10-01-2010, 09:09 PM

ياريت يا يا سمين
يكون سوال صعب واجابته صغيره
ومنتظره سوالك

Mo0on Light

10-01-2010, 10:28 PM

nefertiti 111

10-01-2010, 11:48 PM

ازيكو يا جماعة عاملين ايه

اعرفكم بنفسى نفرتيتى فى 3 ع

( مقلتش حاجة جديدة صح )

المهم انا عجبنى التوبيك والاسئلة قلت ادخل معاكم

بس دلوقتى انا هروح انام

اشوفكم بكررررة

واهو يكون فى اسئلة جديدة احلها

او انا ممكن اجيبلكم اسئلة

يلا سلاااااااااام

thraa samir

11-01-2010, 10:30 AM

انا جاييبه 276 من 280 ناقصه اربع درجات
وياترى انت جيبي كام
وممكن تحل اسئله النحو الى انا حططتها زى ما اخنا بنحل اسئلتك

ايه التوافق دة انا وانتى درجة واحدة بس انا والله مظلومة فى درجة ونص درجة فى الرسم والنص فى الرياضة
بس الحمد لله المركز التانى بس كنت فى سنة 6 ابتدائى المركز الاول وانتوا جبتواكام فيها
على فكرة فى سنة تانية صحبتى الاولى نقصت درجه واحدة بس فى العربى وجابت الدرجة النهائية فى الرسم ربنا يحفظها يارب ويوفقها ويوقنا كلنا عايزة اعرف انتم بتتنافسوا ازاى فى الدراسة المنافسة الشريفة يعنى
بس والله بجد انا بفرح جدا لما حد من صحابى بيجيب اعلى منى وعمرى ما بزعل عشان عارفة ان دة نصيب واكيد انا قصرت شوية
وعايزة اسالكم على حاجة حد عرف يحافظ على المركز الاول على طول انا عن نفسى لا على فكرة انا لسة داخلة الموضوع دلوقتى وعجبنى جدا
ربنا معانا ياااااارب

هارى12345

11-01-2010, 11:45 AM

ازيكوا عاملين ايش يا عفاريت ويا عفريتات
انا جبت اسئلة رياضيات بس سهلة لغاية بكرة بس هجيب اسئلة صعبة
اذا كان س×ص < 0 حيث س تنتمى ح , ص تنتمى ح فان ......... > 0

اذا كان س= (جذر تربيعى 5 ) +2 و ص= (جذر تربيعى 5) -2
اوجد قيمه س2 -5س ص + ص2 ( على فكرة الاتنين اللى جنب السن والصاد دى اسس)

(2س - (جذر تربيعى 3) ) الكل اس 0 = ................. لكل س تنتمى ..............
(4س2 +3

س+1 على س = 3جذر تربيعى 3 فان س2 + 1 على س2 +................

ما هو اصغر عدد صحيح موجب يمكن ضربه فى 60 ويكون الناتج مربع كامل؟
ما اصغر عدد صحيح يمكن ضربه فى 60 ويكون الناتج مربع كامل ؟
وشوية اسئله على الداله ما يعتبيروش اسئلة الصراحة حاجة سهلة مووووت زى ما يكون جايبينها لعيال فى ابتدائى وتلاقى كل الامتحانات جايباها والله احسن محافظات بتعرف تجيب اسئلة صح هى القاهرة وحلوان والجيزة والدقهلية والشرقية
المهم
اذا كانت د(س) + 6 س2 فان الدالة تناقصيه فى ........ وتزايدية فى ...........
اذا كانت د(س) = -س2 فان الداله تناقصية فى ....... وتزايدية فى ..........

انا معايا اسئة هندسة على الدائرة بجد ناااااااااار بس للاسف مش هعرف اكتبها هنااااااااااااا

هارى12345

11-01-2010, 12:00 PM

(1) منذ 4 سنوات كان إجمالى مجموع أعمار كل من أحمد ومحمد و محمود = س سنة
فإن إجمالى مجموع أعمارهم بعد 5 سنوات من الآن = 0000000000 سنة

(2) إذا كان 2 أس س = 5 فإن 8 أس س = 000000

(3) إذا كان حجم المكعب = 64 سم3 فإن مساحته الجانبية =000000

(4) إذا كانت س2 - ص2 = 18 , س + ص = 6 فإن س - ص = 0000

(5) مجموعة حل المعادلة ( س - 7 ) أس صفر = 1 هى 000000000

(6) مجموعة حل المعادلة س2 + 9 = صفر هى 000000000

هارى12345

11-01-2010, 12:24 PM

يعتبر مضيق ..........مد خل السفن للبحر ........... الذى يعتبر من منخفضات اسياااااااااااااااااااااااااااااااااا

مهند مقلد2

11-01-2010, 01:24 PM

انا هجاوب على السؤال اللي فيه فكرة وهو اول سؤال : (1) منذ 4 سنوات كان إجمالى مجموع أعمار كل من أحمد ومحمد و محمود = س سنة فإن إجمالى مجموع أعمارهم بعد 5 سنوات من الآن = 27 سنة

مهند مقلد2

11-01-2010, 01:28 PM

يعتبر مضيق ..........مد خل السفن للبحر ........... الذى يعتبر من منخفضات اسياااااااااااااااااااااااااااااااااا

باب المندب - البحر الاحمر يااارب يكون صح جبت السؤال ده منين

هارى12345

11-01-2010, 02:34 PM

انا هجاوب على السؤال اللي فيه فكرة وهو اول سؤال : (1) منذ 4 سنوات كان إجمالى مجموع أعمار كل من أحمد ومحمد و محمود = س سنة فإن إجمالى مجموع أعمارهم بعد 5 سنوات من الآن = 27 سنة
هو كدة صح بس المفروض تقول س+27

هارى12345

11-01-2010, 02:36 PM

باب المندب - البحر الاحمر يااارب يكون صح جبت السؤال ده منين
نووووووو فكر تااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا نى :006et4:
فين بقيه الاجابات :o:o:o:o

هارى12345

11-01-2010, 02:45 PM

http://img292.imageshack.us/img292/6007/49184533yy1.jpg

هارى12345

11-01-2010, 02:46 PM

:o:oايييييييييييييييه ده هو مفيش غيرى انا ومهند بس اللى بندخل ؟؟؟؟؟؟؟؟؟؟؟؟؟؟:bosyht9::bosyht9:
:006et4:اوك انا غلطان انى بجيب اسئلة:006et4:
بااااااااااااااااااااااااااااااااااااااااااااااااا اااااااااااااااااى ومش هكتب حاجة تااااااااااااااانى:p

thraa samir

11-01-2010, 03:49 PM

اية ياعم انا لسة شايفاها
الاسئلة كتير ومش بحب اكتب
على العموم هحلهم واخلى اختى هى اللى تكتب

عاشقة الماس

11-01-2010, 05:38 PM

يعتبر مضيق .....البسفور
....مد خل السفن للبحر ......الاسود..... الذى يعتبر من منخفضات اسياااااااااااااااااااااااااااااااااا

عاشقة الماس

11-01-2010, 05:43 PM

ما هو اصغر عدد صحيح موجب يمكن ضربه فى 60 ويكون الناتج مربع كامل؟15
ما اصغر عدد صحيح يمكن ضربه فى 60 ويكون الناتج مربع كامل ؟صفر

س+1 على س = 3جذر تربيعى 3 فان س2 + 1 على س2 +................27

هارى12345

11-01-2010, 05:47 PM

يعتبر مضيق .....البسفور
....مد خل السفن للبحر ......الاسود..... الذى يعتبر من منخفضات اسياااااااااااااااااااااااااااااااااا
برااااااااافو يا عاشقة الماس:006et4:
هى الماس دى اللى هى جمع ماسه ولا يعنى الرياضيات ( انجليزى يعنى) :006et4::006et4:

عاشقة الماس

11-01-2010, 05:58 PM

الماس اخو الدهب والالماظ والحاجات دى

طب عايزة السوال ده
علل

السكر مركب تساهمى مع ذلك يذوب فى الماء. علل

هارى12345

11-01-2010, 06:14 PM

الماس اخو الدهب والالماظ والحاجات دى

طب عايزة السوال ده
علل

السكر مركب تساهمى مع ذلك يذوب فى الماء. علل
وذلك بسبب الروابط الهيدروجينيه فى جذى الماء والروابط لهيروجينية فى جذى السكر وجذى الماء قطبى وجذى السكر قطبى لذلك يحدث ذوبااااااااااااان :006et4:
:p:p:pيااااااااااااااااااااا رب تكون صح :p:p:p

nefertiti 111

11-01-2010, 07:02 PM

اذا كان س= (جذر تربيعى 5 ) +2 و ص= (جذر تربيعى 5) -2
اوجد قيمه س2 -5س ص + ص2 ( على فكرة الاتنين اللى جنب السن والصاد دى اسس)

دى = صفر

اذا كان س×ص < 0 حيث س تنتمى ح , ص تنتمى ح فانس / ص > 0

(2س - (جذر تربيعى 3) ) الكل اس 0 = ........ 1 ...... لكل س تنتمى ..............
(4س2 +3

س+1 على س = 3جذر تربيعى 3 فان س2 + 1 على س2 = 27

ما هو اصغر عدد صحيح موجب يمكن ضربه فى 60 ويكون الناتج مربع كامل؟15

ما اصغر عدد صحيح يمكن ضربه فى 60 ويكون الناتج مربع كامل ؟

وشوية اسئله على الداله ما يعتبيروش اسئلة الصراحة حاجة سهلة مووووت زى ما يكون جايبينها لعيال فى ابتدائى وتلاقى كل الامتحانات جايباها

لسة مخدتش الدالة

والله احسن محافظات بتعرف تجيب اسئلة صح هى القاهرة وحلوان والجيزة والدقهلية والشرقية

طيب وانت منين يا هارى :excl:

(2) إذا كان 2 أس س = 5 فإن 8 أس س = 125

(3) إذا كان حجم المكعب = 64 سم3 فإن مساحته الجانبية = 64 سم2

(4) إذا كانت س2 - ص2 = 18 , س + ص = 6 فإن س - ص = 3

(5) مجموعة حل المعادلة ( س - 7 ) أس صفر = 1 هى 000000000

(6) مجموعة حل المعادلة س2 + 9 = صفر هى فاى

خلاص انا كدا حليت معظم الاسئلة

nefertiti 111

11-01-2010, 07:04 PM

طيب سؤال

اعرب الكلمة الملونة

الطالبان كلاهما ناجح

هيرمونى جرينجر

11-01-2010, 07:43 PM

مش هاعرف طبعا احل الرياضه هنا بس هما حلوين جدا
وفعلا يا مهند سوال التمز ده روعه
النحو بقى
كلاهما كلا مبتدا ثانى وعلامه رفعه الالف وهما ضمير مبنى فى محل جر مضاف اليه

nefertiti 111

11-01-2010, 07:53 PM

صح يا هيرمونى

خدوا بقى سؤال علوووووم ع الماشى

تحضير الاكسجين فى المعمل يعتبر تفاعل ايه (نوع التفاعل يعنى ) وليه

Mo0on Light

11-01-2010, 09:20 PM

تفاعل انحلال بالعامل المساعد

عاشقة الماس

11-01-2010, 10:15 PM

وذلك بسبب الروابط الهيدروجينيه فى جذى الماء والروابط لهيروجينية فى جذى السكر وجذى الماء قطبى وجذى السكر قطبى لذلك يحدث ذوبااااااااااااان :006et4:
:p:p:pيااااااااااااااااااااا رب تكون صح :p:p:p

لا للاسف غلط

حاول تفكر تانى

هارى12345

11-01-2010, 11:03 PM

لأن جزيئات السكر تحتوى على مجموعات ( oh ) القطبية التى ترتبط مع جزيئات الماء بروابط هيدروجينية – مما يقلل طاقة وضع المحلول فيحدث الذوبان .

هارى12345

11-01-2010, 11:04 PM

فين عشااااااااااق الرياضيات مش شايف اجابات كتيييير وفيه حاجات غلط
بس الصراحة الهندسة عااااايزة تفكييييييييييييييييييييييييييييييييييييييييييييييي ييييييييييييييييييييييييييييييييييييييييييييييير

هارى12345

11-01-2010, 11:05 PM

:d:d:d:dانا عملت موضوع فى تجارب الاوائل محدش عبرنى لييييييييييييييييه:stickjo4::stickjo4::stickjo4:

ئءؤرئءؤر

11-01-2010, 11:23 PM

طيب سؤال

اعرب الكلمة الملونة

الطالبان كلاهما ناجح

مبتدأثانى مرفوع و علامة رفعه الالف لانه ملحق بالمثنى , (هما) ضمير مبنى فى محل جر مضاف اليه

:022yb4::av4056bb7jp3::022yb4:

مهند مقلد2

12-01-2010, 08:56 AM

القاهرة وحلوان والجيزة والدقهلية والشرقية طيب والمنوفية يا هاري ؟

مهند مقلد2

12-01-2010, 08:57 AM

انت عامل ايه في الدرسات يا هاري ؟

هارى12345

12-01-2010, 10:54 AM

القاهرة وحلوان والجيزة والدقهلية والشرقية طيب والمنوفية يا هاري ؟
:p ههههههه المنوفيه احسن ناس يا مهند بس انا اقصد ان الامتحانات اللى هما بيجبوها بيبقى فيها افكار حلوة خالص :022yb4::022yb4:

هارى12345

12-01-2010, 10:55 AM

انت عامل ايه في الدرسات يا هاري ؟
الحمد لله الدراسات سهلة والامتحانات سهلة :006et4::006et4:
:romarioxp6:يا رب يكون الامتحان سهل السنادى يااااااااااااااااااااااااااارب

thraa samir

12-01-2010, 10:58 AM

ممكن اقتراح بدل ما الاسئلة تكون كتيرة وطبعا فى الحاله دى انا يستحيل كتب
نخليها سؤال ولا اتنين بس فيهم افكار جديدة وبردة هنبقى مستفيدين والكل يشارك

عاشقة الماس

12-01-2010, 11:15 AM

ربنا يستر والشرقية تجيب الامتحانات سهلة السنة دى

thraa samir

12-01-2010, 12:19 PM

ان شاء الله وربنا معانا كلنا

فاروق الباز

12-01-2010, 12:36 PM

يجماعة انا بقالي كتير مش دخلت عايزين اسئلة بس سؤال بسؤال عشان الحق اكتب ولا اجيبلكم انا اسئلة ؟
اسئلة سهلة جدا عشان مش تتعقدو مني من الرياضة ها يفة والله وفي مستوي الطالب المتوسط
0،7،26،63،00000000000000اكمل بنفس التسلسل
2،6،42،000000000000000اكمل بنفس التسلسل
والله ساهلين وانا متاكد 100 في 100 ان كلكم متفوقين وتحيلوهم
عايزين حاجة يلا سلام

www222

12-01-2010, 01:03 PM

كلاهما توكيد معنوي

www222

12-01-2010, 02:48 PM

على ضفة نهر يوجد رجل وزنه 100 كجم وابناه وزن كل منهما 50 كجم ، ويوجد قارب في النهر حمولته القصوى 100 كجم . فكيف يستطيع الرجل وابناه أن يعبروا النهر باستخدام هذا القارب ؟

www222

12-01-2010, 02:51 PM

إذا علمت أن 5 قطط تستطيع أن تأكل 5 فئران خلال 5 دقائق .

فكم من الوقت يلزم كي تستطيع 100 قطة أن تأكل 100 فأراً ؟

thraa samir

12-01-2010, 04:14 PM

ياااااى انا مش بحب لا القطط ولا الفئران مش هبص فى المسالة
غيرها بنفس الاعداد بس بلاش الفئران ولا حتى القطط
خليهم اطفال بياكلوا ايس كريم
احسن

مهند مقلد2

12-01-2010, 07:43 PM

على ضفة نهر يوجد رجل وزنه 100 كجم وابناه وزن كل منهما 50 كجم ، ويوجد قارب في النهر حمولته القصوى 100 كجم . فكيف يستطيع الرجل وابناه أن يعبروا النهر باستخدام هذا القارب ؟

أولا الولدين هريوحو الضفة التانية - واحد ينزل وواحد يرجع بالقارب - الولد ده ينزل وابوه يركب ويروح الضفة التانية - الاب ينزل والبن التاني يروح بالقارب الضفة الاولى يجيب اخوه ويرجعو بالف سلامة ____________ حل اخر ________ الولدين يروحوا بالقارب والاب يجيبها عوم

مهند مقلد2

12-01-2010, 07:59 PM

بيقولوا الغرف اشتغلت مفيش حاجة شغالة

هيرمونى جرينجر

12-01-2010, 08:11 PM

ههههههههههههههههههههههه
ايه التمزات دى كلها
حاجات جميله خالص
وفعلا الغرف مش شغاله

thraa samir

12-01-2010, 08:15 PM

أولا الولدين هريوحو الضفة التانية - واحد ينزل وواحد يرجع بالقارب - الولد ده ينزل وابوه يركب ويروح الضفة التانية - الاب ينزل والبن التاني يروح بالقارب الضفة الاولى يجيب اخوه ويرجعو بالف سلامة ____________ حل اخر ________ الولدين يروحوا بالقارب والاب يجيبها عوم

اية دة ومين اللى هيرجع القارب تانى
هااااااااااااا:006et4:

nefertiti 111

12-01-2010, 08:17 PM

الغرفة التانية هى الى شغالة بس

يلا ماعلينا

ان شاء الله تشتغل

بقولوكو ايه يا جماعة مين فيكو مصدق موضوع ان الامتحانات هتيجى سهلة

اصل ناس كتير ومدرسين كمان بيقولو كدا

nefertiti 111

12-01-2010, 08:18 PM

اه معايا سؤال علووووووم

كيف يمكن الحصول على النحاس من كبريتات النحاس

بطريقتين مختلفتين

هيرمونى جرينجر

12-01-2010, 08:28 PM

سوال جميل
اول طريقه

zn +cuso4 ________znso4 +cu

الطريقه التانيه
cuso4__________ cuo+so3
cuo+h2 ____ h2o +cu

مهند مقلد2

12-01-2010, 08:47 PM

كيف تستخدم سكينة مرتين لقطع رغيف فينو بحيث تعطي صديق لك كل يوم قطعة واحدة ؟

abdeoxo

12-01-2010, 11:24 PM

هارى ممكن تبعتلى موبايلك

www222

13-01-2010, 01:00 PM

أولا الولدين هريوحو الضفة التانية - واحد ينزل وواحد يرجع بالقارب - الولد ده ينزل وابوه يركب ويروح الضفة التانية - الاب ينزل والبن التاني يروح بالقارب الضفة الاولى يجيب اخوه ويرجعو بالف سلامة ____________ حل اخر ________ الولدين يروحوا بالقارب والاب يجيبها عوم
اجابة صحيحة بس التانية اصححححححححححححح:av4056bb7jp3::av4056bb7jp3::av4056 bb7jp3::av4056bb7jp3::av4056bb7jp3:

thraa samir

13-01-2010, 03:21 PM

إذا علمت أن 5 قطط تستطيع أن تأكل 5 فئران خلال 5 دقائق .

فكم من الوقت يلزم كي تستطيع 100 قطة أن تأكل 100 فأراً ؟

5 دقايق برده رد على

مهند مقلد2

13-01-2010, 03:43 PM

علل : أخذ فوار عند الشعور بالحموضة ( اوعى تقول عشان الدكتور قالي كده)

مهند مقلد2

13-01-2010, 03:44 PM

كيف تستخدم سكينة مرتين لقطع رغيف فينو بحيث تعطي صديق لك كل يوم قطعة واحدة ؟

اسف نسيت - لمدة سبعة ايام

هارى12345

13-01-2010, 04:25 PM

يا رييت الاسئلة تكووووون على المنهج مش قطط وفئران فى قسم خاص بكدة فى المنتدى الاسئلة دىمش هدفيدنا فى حاجة خاااااااااااااااااااالص

عاشقة الماس

13-01-2010, 06:32 PM

انا بقول كدة برضو اصل ده مابيجيش فى الامتحان

عموما فى كمان طريقة تالتة لاستخراج النحاس من كبريتات النحاس هناخد

اكسيد النحاس الاسود ونسخنه هنحصل على نحاس احمر واكسجين
اتمنى الافادة

مهند مقلد2

13-01-2010, 08:00 PM

يا رييت الاسئلة تكووووون على المنهج مش قطط وفئران فى قسم خاص بكدة فى المنتدى الاسئلة دىمش هدفيدنا فى حاجة خاااااااااااااااااااالص

طيب رد على سؤال الفوار - هههههههه

Mo0on Light

13-01-2010, 08:08 PM

علل : أخذ فوار عند الشعور بالحموضة ( اوعى تقول عشان الدكتور قالي كده)

تقريبا كدا والله اعلم
لان الفوار فيه ملح الماغنيسيا الذى يستخدم فى علاج الحموضه الزائدة والتسمم بالاحماض

thraa samir

13-01-2010, 08:14 PM

دى فزورة ولا حاجة فى المنهج
بتاعة الفوار

مهند مقلد2

13-01-2010, 08:51 PM

دى فزورة ولا حاجة فى المنهج
بتاعة الفوار

حاجة في المنهج والله

مهند مقلد2

13-01-2010, 08:53 PM

تقريبا كدا والله اعلم
لان الفوار فيه ملح الماغنيسيا الذى يستخدم فى علاج الحموضه الزائدة والتسمم بالاحماض

اجابة للأسف خاطئة !

مهند مقلد2

13-01-2010, 08:54 PM

بس بصراحة يا مون اجابتك حلوة - يعني اجابة واحده فاهمة

هارى12345

13-01-2010, 09:07 PM

اه اجابة مووووون صح والمس قالتلى كدة والصراحة لو فى امتحان كنت هكتبها كدة دا اذا كان عندك حل تانى

Mo0on Light

13-01-2010, 09:09 PM

بس بصراحة يا مون اجابتك حلوة - يعني اجابة واحده فاهمة

شكرا يا مهند
بس ايه الاجابه الصح؟؟؟؟؟؟؟

albhe

13-01-2010, 09:14 PM

لان الفوار والله اعلم مركب حمضي فيتفاعل مع الحموضه الزائده فيعالجها

مهند مقلد2

13-01-2010, 09:26 PM

الاجاااااابه : لاحتواء الفوار على كربونات الصوديوم وبالتالي يتم معادلة حمض الهيدروكلوريك المخفف الذي تفرزه المعدة :::::::::::::::::::::::::::::::::::: Na2co3+HCl ------> 2nacl+h2o+co2

Mo0on Light

13-01-2010, 09:50 PM

الاجاااااابه : لاحتواء الفوار على كربونات الصوديوم وبالتالي يتم معادلة حمض الهيدروكلوريك المخفف الذي تفرزه المعدة :::::::::::::::::::::::::::::::::::: Na2co3+hcl ------> 2nacl+h2o+co2

اجابه رهيبه وسؤال ممتاز

مهند مقلد2

14-01-2010, 06:59 AM

اجابه رهيبه وسؤال ممتاز

Thank you moon

مهند مقلد2

14-01-2010, 08:37 AM

يا هاااري هو السؤال بتاع مضيق البسفور ده ممكن ييجي في الامتحان؟

هارى12345

14-01-2010, 04:30 PM

مش عراف والله يا مهند بس اانا شفته كذا مرة فى الامتحانات بس الاكتر فى الامتحانات القديمة وكمان جيه فى امتحان الفيوم السنة اللى فاتت

عاشقة الماس

14-01-2010, 06:04 PM

على فكرة سوال علل اخذ فوار الاجابة الصحيحة وبس لانه بيحتوى على كربونات

عندى ليكم سوال

علل يستخدم التيار المستمر فى التحليل الكهربى

الماغنسيوم من اخف الفلزات

اتمنى تفيدوكوووو

مهند مقلد2

14-01-2010, 07:29 PM

يا جماعة الغرفة الاولى عندي واقعة

هيرمونى جرينجر

14-01-2010, 09:11 PM

حلو اوى سوال الفوار ده
منتظرين الجديد

nefertiti 111

14-01-2010, 11:03 PM

بقولوكو ايه يا جماعة حد يقولى اذاكر الجغرافيا ازاى

او لو حد مخلص يقولى بتذاكروها وبتحفظوا ازاى

لحسن انا خلااااااااااص شوية كدا وهولع فى الكتاب

وبس كداااااا

وخدوا بقى السؤال دا بدل ما اجى وايدى فاضية

بم تفسر

وجود نطاقين من مناخ البحر المتوسط فى شمال غرب وجنوب غرب افريقيا

kw_m95

14-01-2010, 11:36 PM

مهند مقلد2

15-01-2010, 09:10 AM

يا جماااااااااااعة بيقولو سؤال بم تفسر وما النتائج اتحذف انت مصدقين

مهند مقلد2

15-01-2010, 10:14 AM

والله انا اتضايقت أوي

مهند مقلد2

15-01-2010, 10:16 AM

منتظر ردكم .........................

www222

15-01-2010, 12:28 PM

يا رييت الاسئلة تكووووون على المنهج مش قطط وفئران فى قسم خاص بكدة فى المنتدى الاسئلة دىمش هدفيدنا فى حاجة خاااااااااااااااااااالص
يا هاري دي اسلة ذكاء :078111rg3::078111rg3::078111rg3::078111rg3::049gc 0::049gc0:

عاشقة الماس

15-01-2010, 12:43 PM

السلام عليكم

ممكن اشترك معكم ؟

انا جايبلكوا اسئلة دراسات جميلة

يلا حلوا

بم تفسر : _

1- انكماش مساحة اثيوبيا فجاة فى القرن العشرين ؟؟

2- تستورد اثيوبيا الملح من الخارج ؟؟

3- مرور الاخدود الافريقى فى جنوب اثيوبيا ؟؟ (محدش يقلى لانة يحدث بسبب الحركات الانكسارية فى القشرة الارضية )( انا اقصد لية بيمر فى الجنوب يعنى مثلاً مش فى الشمال )

4- التقدم الصناعى السريع لجمهورية كوريا ؟؟

5- استهلاك اوربا لمعظم انتاجها الحيوانى ؟؟

يلا الكل يجاوب

انكماش مساحة اثيوبيا بسبب انفصال اريتريا عنها عام 1993

تستورد اثيوبيا الملح من الخارج لانها لا تطل على مسطحات خارجية مثل البحار او المحيطات

انا الاجابة اللى عندى بسبب الحركات الانكسارية ووعورة السطح مثلا فى الجنوب

التقدم السريع لكوريا بسبب:
الاهتمام بالصناعة وتوفير فائض للتصدير

الاهتمام بالتعليم وتطويره
الاشتراك فى الموتمرات الامختلفة

تدريب الكوريين فى الدول المتقدمة كالمانيا
تشجيع روس الاموال على الاستثمار فى المشروعات الامختلفة

استهلاك اوربا معظم انتاجها الحيوانى بسبب ارتفاع مستوى الامعيشة وكثر الاستخدام

مهند مقلد2

15-01-2010, 01:46 PM

محدش رد عليا

Mo0on Light

15-01-2010, 02:50 PM

يا جماااااااااااعة بيقولو سؤال بم تفسر وما النتائج اتحذف انت مصدقين

انا سمعت الموضوع دا وفى كتير من الموجهين بيقولو انه مؤكد محذوف
بس لو حذفو بم تفسر وما النتائج هيبقى ايه فى الامتحان؟؟ معقوله هيكون كله اكمل واختار ودلل بس!!!

هارى12345

15-01-2010, 03:01 PM

يا هاري دي اسلة ذكاء :078111rg3::078111rg3::078111rg3::078111rg3::049gc 0::049gc0:
دى ملهاش دعوة بالمنهج اصلا :angry2:

هارى12345

15-01-2010, 03:03 PM

يا جماااااااااااعة بيقولو سؤال بم تفسر وما النتائج اتحذف انت مصدقين
ايوة فعلا اتحزف يا مهند

هارى12345

15-01-2010, 03:04 PM

ياااااااا جماعة انا النهاردة اخر يوم ليا فى المنتدى اشوفكوا فى النص التانى بقى بااااااااااااااااااااااااااااااااااااى:d:d
:blush:يا رب كلنا نكون الاوائل يااااااااااا رب:blush:

هيرمونى جرينجر

15-01-2010, 03:49 PM

لو فعلا خبر خذف بم تفسر والنتائج اتلغى
يبقى روعه
انا عن نفسي بحب صح وغاط واكمل واختر بحسها اسئله روعه
وفى امان الله يا هارى
وان شاء الله كلنا وائل

nefertiti 111

15-01-2010, 04:05 PM

هيرمونى جرينجر

15-01-2010, 04:19 PM

لا بلاش ضع السبب دى
اصل انا مش بحب الكتابه الكتير
اوكشن لو شفوى
لكن الكتابه مش ببحها رغم انى خطى حلو ( وده مش رايى ده رايى صوحابى ومدرسينى )

Mo0on Light

15-01-2010, 05:00 PM

على فكرة كدا الامتحان هيبقى اصعب

يعنى مثلااااا سؤال صح وغلط يا تكتب صح يا غلط

يا تاخد الدرجة كاملة يا متخدهاش خالص

لكن بم تفسر والنتائج ممكن تكتب كل الى انت عارفه وبيطلع صح

وعموما هو ممكن مثلا يقولك ضع صح او غلط مع ذكر السبب

وبس كدا

سلام

فعلا لازم يعوضو درجات بم تفسر وما النتائج
وممكن كمان يقولو ف صح وغلط مع ذكر السبب فى الحالتين يعنى مش الغلط بس:o
ربنا يستر

www222

15-01-2010, 05:51 PM

لا عندنا في اولي ثانوي ان مفيش اي اسئلة مقالية في الامتحان يعني مفيش صحح الخطا

www222

15-01-2010, 05:52 PM

في صح وخطا ولا في ذكر السبب في الحالتين

www222

15-01-2010, 05:54 PM

يا جماعة افرحوا انا سمعت ان الوزير قال ان الامتحانات هتعتمد علي الفهم ليس علي الحفظ خالصصصصصصصصصصصص

kw_m95

15-01-2010, 06:02 PM

هيرمونى جرينجر

15-01-2010, 06:04 PM

فى الانتظار

kw_m95

15-01-2010, 06:11 PM

فى الانتظار

شكراً يا هيرمونى على الرد السريع بس يا ريت الباقيين كلهم بردوا يردوا علشان اعرف ان الكل هيبقا موجود

ولو محش رد يا هيرمونى انا هبعتهولك على الخاص . ماشى

تحياتى

Mo0on Light

15-01-2010, 06:36 PM

ياريت والله تبعته
بس انت امتحاناتك هتبدأ بدرى للدرجه دى !!!!!!!
منتظرين امتحان العربى

مهند مقلد2

15-01-2010, 07:34 PM

ياريت والله اتمنى ذلك - عالعموم امتحان المنوفية بيبقى في العربي سهل جدا

هارى12345

15-01-2010, 07:43 PM

يا جماعة انا ان شاء الله امتحان العربى بتاعى يوم 28/1 وانا ان شاء الله هرفع الامتحان فى الموضوع فاللى عايزة يرد ويقول علشان ابقى اتشجع وارفعة بعد الامتحان على طول

يا احمد انت ملكش دعوة انا هبعتهولك على الخاص زى اما اتفقنا بالضبط

اوك يا كريم وان شاء الله يطلع سهل وتيجى من الامتحان:av4056bb7jp3:
:)على فكرة نظام امتحان الدراسات ده مش حلو دول اصلا هيخلوها صح وغلط واختار زى ما انتوا بتقولوا بس المدرسين مش طيبين للدرجة دى :stickjo4:المستر قالى هيخلوا الامتحان يلغبطك يعنى ممكن يجيبوا حاجات فى الصح والغلط واختار يخليك تقعد تفكر فيها وتبقى قاعد عامل كدة :o وفى الاخر ممكن تغلط فى وحدة:d علشان هيحطوا كذا واحدة علشان يميزوا :006et4:
بس ان شاء الله سهل وربنا يوفقنا يااااااااا رب:)
اه صح هى النتيجة بتبان بعد الامتحانات بكام يوم؟؟؟؟؟؟؟؟:blush:
( قاعد على الوقت 5 ساعات ) :slap1qk6:

مهند مقلد2

15-01-2010, 07:51 PM

اوك يا كريم وان شاء الله يطلع سهل وتيجى من الامتحان:av4056bb7jp3:
:)على فكرة نظام امتحان الدراسات ده مش حلو دول اصلا هيخلوها صح وغلط واختار زى ما انتوا بتقولوا بس المدرسين مش طيبين للدرجة دى :stickjo4:المستر قالى هيخلوا الامتحان يلغبطك يعنى ممكن يجيبوا حاجات فى الصح والغلط واختار يخليك تقعد تفكر فيها وتبقى قاعد عامل كدة :o وفى الاخر ممكن تغلط فى وحدة:d علشان هيحطوا كذا واحدة علشان يميزوا :006et4:
بس ان شاء الله سهل وربنا يوفقنا يااااااااا رب:)
اه صح هى النتيجة بتبان بعد الامتحانات بكام يوم؟؟؟؟؟؟؟؟:blush:
( قاعد على الوقت 5 ساعات ) :slap1qk6:

بعد ماتخلص الامتحانات ادخل على التوبيك ده عشان نتفق هنجيب النتيجة ازاي وياريت تبعتلي رقم تليفونك على الخاص بعد اذنك يعني

kw_m95

15-01-2010, 08:27 PM

ياريت والله تبعته
بس انت امتحاناتك هتبدأ بدرى للدرجه دى !!!!!!!
منتظرين امتحان العربى

حاضر يا موون ان شاء الله هبعتهولك على الخاص استنى رسالة منى :022yb4:
وانا امتحاناتى هتبدا بدرى متستغربيش انا محافظة القليوبية
هبدا 28/1 واخلص 3/2

ياريت والله اتمنى ذلك - عالعموم امتحان المنوفية بيبقى في العربي سهل جدا

من عنيا يا مهند ان شاء الله هبعتهولك على الخاص برضوا استنى رسالة منى
تحياتى

اوك يا كريم وان شاء الله يطلع سهل وتيجى من الامتحان:av4056bb7jp3:
:)على فكرة نظام امتحان الدراسات ده مش حلو دول اصلا هيخلوها صح وغلط واختار زى ما انتوا بتقولوا بس المدرسين مش طيبين للدرجة دى :stickjo4:المستر قالى هيخلوا الامتحان يلغبطك يعنى ممكن يجيبوا حاجات فى الصح والغلط واختار يخليك تقعد تفكر فيها وتبقى قاعد عامل كدة :o وفى الاخر ممكن تغلط فى وحدة:d علشان هيحطوا كذا واحدة علشان يميزوا :006et4:
بس ان شاء الله سهل وربنا يوفقنا يااااااااا رب:)
اه صح هى النتيجة بتبان بعد الامتحانات بكام يوم؟؟؟؟؟؟؟؟:blush:
( قاعد على الوقت 5 ساعات ) :slap1qk6:

خلاص يا احمد متفقين
وبخصوص النتيجة خلى بس الاول الامتحان يعدى على خير وبعدين نشوف النتيجة
وبخصوص امتحان الدرسات فعلاً كلامك صح هيبقى ملغبط اوى اوى
بقولك يا احمد انا عايز رقم موبايلك لو متمانعش
ابعتهولى على الخاص :022yb4:

nefertiti 111

15-01-2010, 11:23 PM

Best In World

16-01-2010, 04:51 PM

منى كانت الساعة عندما علم البوفيسور ليدنبروك حل الشفرة السرية من اكسل؟
الساعة 2
ما الاعتقدات العلمية التى استنتجها البروفيسور ليدن بروك من محاولة قرائته للمخطوطة؟
أن مركز الكرة الأرضية بارد

وللعلم الأسئلة دى كلها اجتهادات منك ومعلومات عامة ,أنصحك بأل تنشغل بأسئلة المعلومات العامة كثيرا إلا لتنمية معلوماتك وثقافتك العامة

Best In World

16-01-2010, 08:12 PM

أنا هنا
إن شاء الله سؤالين علوم /
1- ضع صح أو خطأ
الرمز الكيميائى لكبريتيد النحاس CuS
2- ما الفرق بين Co و CO

منتظر الإجابات عشان تسخن

ودراسات

1- أكمل
1-مضيق يقع بين جزيرة تايوان وشرق الصين هو ................
2- خليج يقع جنوب الصين هو ....................................

زائر غير مسجل

16-01-2010, 08:18 PM

يالا عاييزن الاسئله الجديده ونتفاعل فى الموضوع ده لحد ما تثبت يالا يا جماعه

انا نفسى فى اسئله مهمه جايه فى الامتحان

عاشقة الماس

17-01-2010, 08:51 AM

أنا هنا
إن شاء الله سؤالين علوم /
1- ضع صح أو خطأ
الرمز الكيميائى لكبريتيد النحاس صحcus
2- ما الفرق بين co و co

منتظر الإجابات عشان تسخن

ودراسات

1- أكمل
1-مضيق يقع بين جزيرة تايوان وشرق الصين هو ................
2- خليج يقع جنوب الصين هو ....................................

ده الى عرفته والباقى الله اعلم

kw_m95

17-01-2010, 02:11 PM

اوووووووووك يا كريم ياريت ترفعه

ويبقى شكراااااا اوى

وبالتوفيق لينا كلنا

ان شاء الله يا نفرتيتى
ويارب التوفيق لينا كلنا

هيرمونى جرينجر

17-01-2010, 07:30 PM

اهم حاجه انى اخلص امتحانات ويارب تعدى على خير
اما النتيجه انا بقى بقعد بعد الامتحانات افكر فى حلولى وبتخيل انى حليت الامتحان كله غلط
وانا فى سته كنت نقصت الترم الاول درجه وفى الترم التانى قبل النتيجه ما تظهر كنت بقول لبابا ربنا يسترو اجيب نفس المجموع من كتر توهمى رغم انى عارفه انى حله كله صح بس الحمد لله منقصتش الترم التانى
اما اولى اعدادى كنت بجييب النتيجه فى اخر يوم بعد اخر امتحان بحوالى ساعتين

يارا يوسف

17-01-2010, 09:39 PM

ازيككككككككككككككم كلكككككككككككم

سوري والله انا بقالي كتير مبدخلش خالص بسبب مش هقول المذاكره عشان دي حاجه اكيده دا انا لو كنت بذاكر بس مكنتش هبقى كده المشكله في الدروس 7 دروس بخدها يعني 14 حصة في الاسبوع وغير يوم الجمعه ده جميل اوي بنزل من البيت الساعه 7 الصبح وبروح محدش يضغط الساااااااااااعه 8 او 9 بليل بجد كل مدرس عامل كل جمعه امتحان غير حصص العربي والانجليزي والرياضه اللي بتبقى فيها اضافيه والمشكله ان المدرسين فاكرين ان احنا ماورناش غير مادتهم يعني يجبلنا واجبااااااااات ومذاكره كتيره يعني مثلا مدرس الانجليزي قلنا اعملو برجرافين واحد عن انفلونزا الخنازير والتاني عن انفلونزا الطيور:o ولا مدرس الرياضه بيدينا حصة رياضه اضافيه يوم بعد يوم الساع 6.5 الصبح اول مره راح 6 بس قام قال انا هدي حاجات مهمه جدا ومش هعيدها :049gc0:عشان الكل يجي وكمان في قاعه كبيره النهارده اجا اكتر من ميه بجد والله ودرس الرسم المس بتجبلنا واجب موضوعين نرسمهم ويا سلااااااااااااام لو مرسمنهمش :stickjo4:مش هتعملنا حاجه خالص
كفااااااااااااااايه كدا طولت عليكم

علفكره مش هو ده السبب السبب ان ايدي وجعتني من الكتابه

والى لقاء في حلقة قادمه

سلااااااااااااااااااااااااااااااااااااام:av4056bb7 jp3:

يارا يوسف

17-01-2010, 09:58 PM

يا جماعة انا ان شاء الله امتحان العربى بتاعى يوم 28/1 وانا ان شاء الله هرفع الامتحان فى الموضوع فاللى عايزة يرد ويقول علشان ابقى اتشجع وارفعة بعد الامتحان على طول

ان شاء الله مستنينه وان شاء الله يجي سهل انا امتحان العربي بتاعي يوم 1.30 اهو يبقى امتحان تجربه قبل الامتحان وشكرا ليك

thraa samir

17-01-2010, 10:07 PM

يارا يوسف

17-01-2010, 10:21 PM

ربنا معاكى يارب ويكون فى عونك
انا درسين وهولع فى نفسى كمان شوية
ومبقتش اروح اوى بس المستر بيخلينى اروح غصب عنى
بس بجد انا لو مكانك كنت زهقت
عشان بكرة الدروس بس باخدها غصب عنى
عشان مش بعرف افهم اوى فى الفصل من العدد

يارب يكون في عونا كلنا
درسين وهتولعي في نفسك خلاص انا هطلع فوق وارمي نفسي
انا المشكلة مش في عدد في المدرسه
الصلا عندنا في مدرستنا محدش اصلا بيروح المدرسه ولو حد راح يات ويله المدرسين بيكرهو في اليوم اللي راح في المدرسه:abdoog8:

عاشقة الماس

17-01-2010, 10:24 PM

عندك حق دى حاجة صعبة خالص

انا كفاية عليا 5 حلو يعنى

طب الاحسن ان kw_m95
بدل ما تبعتوا الامتحانات على الخاص حطها احسن فى موضوع وتكون متاحة للجميع واسهل

kw_m95

17-01-2010, 11:01 PM

ان شاء الله مستنينه وان شاء الله يجي سهل انا امتحان العربي بتاعي يوم 1.30 اهو يبقى امتحان تجربه قبل الامتحان وشكرا ليك
حاضر يا يارا ان شاء الله هحطوا وان شاء الله يكون سهل

kw_m95

17-01-2010, 11:03 PM

عندك حق دى حاجة صعبة خالص

انا كفاية عليا 5 حلو يعنى

طب الاحسن ان kw_m95
بدل ما تبعتوا الامتحانات على الخاص حطها احسن فى موضوع وتكون متاحة للجميع واسهل

حاضر انا والله ناوى احطة فى الموضوع متقلقيش

kw_m95

17-01-2010, 11:04 PM

ان شاء الله مستنينه وان شاء الله يجي سهل انا امتحان العربي بتاعي يوم 1.30 اهو يبقى امتحان تجربه قبل الامتحان وشكرا ليك
حاضر يا يارا ان شاء الله هحطوا وان شاء الله يكون سهل
وربنا يكون فى عونك انا زيك باخد دروس بس مش 7 ونفسى اخد درس رسم لانى مش بعرف ارسم واللى بيفرق فى ترتيب المحافظة الرسم مش عارف اعمل اية

kw_m95

18-01-2010, 12:35 AM

ممكن حد يقلى اعمل اية فى الرسم لانى مش بعرف ارسم خالص واللى بيخلى اطلع التانى مش الاول على المحافظة هو الرسم يا ريت حد يساعدنى

thraa samir

18-01-2010, 12:44 AM

بص بما انى فنانة
اقولك ان الرسم احساس
والمستر هو اللى يعرف يغير اسلوبك فية
انا المستر اللى بيدينى فنااااااااااان والله
بمعنى الكلمة
وانا بسم الله ماشاء الله على
بيدينى فنان
يعنى اكيد فنانة زية
اوعوا تصدقوا خليها على الله
وربنا يوفقنا كلنا
وان شاء الله ادام مجتهد هتبقى الاول
او الاولى باذن الله

kw_m95

18-01-2010, 12:58 AM

thraa samir

18-01-2010, 01:06 AM

طيب اوك سورى مش كنت اعرف

kw_m95

18-01-2010, 06:10 PM

طيب اوك سورى مش كنت اعرف

سورى على اية ولا يهمك انا بس بقولك علشان متزعليش من الواد اللى اسمة نور اللى انت كنت متضايقة منة

thraa samir

18-01-2010, 07:13 PM

تعرف ان فى الدنيا دى كلها محدش يقدر يضايقنى
الحمد لله
انا مش بزعل من حد ولا حتى بضايق عااااااااااادى جدا

kw_m95

18-01-2010, 11:10 PM

تعرف ان فى الدنيا دى كلها محدش يقدر يضايقنى
الحمد لله
انا مش بزعل من حد ولا حتى بضايق عااااااااااادى جدا

طيب الحمد لله انك مزعلتيش

الحمد لله
الحمد لله

مهند مقلد2

19-01-2010, 11:31 AM

يا جماااااعة يعني ايه الاس الهيدروجيني؟

عاشقة الماس

19-01-2010, 11:44 AM

ده فى كتاب التدريبات العلوم

بس ده كان علينا السنة اللى فاتت

مهند مقلد2

19-01-2010, 03:10 PM

But i have forgotten it ! any one remember it ?

nefertiti 111

19-01-2010, 03:57 PM

الاس الهيدروجينى( ph ) زى بالظبط صبغة عباد الشمس

حتى بيبقى فى بكرة او ورق بيشتروه بالذات الناس الى بيعملو صابون

بيتغير لونها على حسب درجة الحامضية او القلوية

ما علينا خلينا فى المهم

وبيعبر عن تركيز ايون الهيدروجين الموجب فى المحاليل المائية

و بيكون مترقم من صفر : 14

لما يكون الاس الهيدروجينى لمحلول

اكبر من 7 بيقى المحلول دا قلوى

* يساوى7 بيقى المحلول متعادل

*اصغر من 7 يبقى المحلول حمضى

وبس كدا

kw_m95

19-01-2010, 04:12 PM

مهند مقلد2

19-01-2010, 09:15 PM

الف شكر رررررررر كده انا افتكرت ثانكس يا نفرتيتي (ايه اللي عجبك في نفرتيتي مش ام المؤمنين احسن ؟ :) )

thraa samir

20-01-2010, 08:11 AM

على فكرة نفيرتيتى كانت بتساعد اخناتون فى العبادة
وهو كان مقتنع ان فى اله واحد ومكنش بيعبد اى من المخلوقات
على حسب معلوماتى التاريخية
وممكن تكون هاله حلوة اوى عشان كدة سمت نفسها نفرتيتى
اصل نفرتيتى كانت اجمل الفراعنة

thraa samir

20-01-2010, 08:15 AM

تمام يا نفرتيتى كلامك مظبوط
ما شاء الله عليكى لسة فاكرة

يعنى كلكم فاكرين انا ولله الحمد فاكرة الاسم
كفاية على بس لمل نفرتيتى شرحت افتكرررررررررت شوية
جزاكى الله خيرا
اوعى يكون علينا السنة دى وانا معرفش:bosyht9:

هيرمونى جرينجر

20-01-2010, 12:28 PM

ههههههههههههه
لا انا بقى مش كنت فاكراها نهائى
انا كنت بشبه على الاسم ههههههههههه
بس اول ما نفرتيتى قالته افتكرت فى ثانيه

kw_m95

20-01-2010, 01:38 PM

يعنى كلكم فاكرين انا ولله الحمد فاكرة الاسم
كفاية على بس لمل نفرتيتى شرحت افتكرررررررررت شوية
جزاكى الله خيرا
اوعى يكون علينا السنة دى وانا معرفش:bosyht9:

لا يا ثراء مش علينا متخافيش
( بس ممكن يجى فى الامتحان ومنعرفش نحلة هههههههه)
بهزر طبعاً مش هيجى متخافيش

kw_m95

20-01-2010, 01:40 PM

مهند مقلد2

20-01-2010, 03:48 PM

يا جماعة السؤال ده انا شايف في امتحان

ابراهيم الحاج

20-01-2010, 03:58 PM

ياريت اسئلة اكتر من كدة

ابراهيم الحاج

20-01-2010, 04:02 PM

ياريت لو اي حد عنده فيلم Journey to the center of the earth

Mo0on Light

20-01-2010, 04:15 PM

الاس الهيدروجبنى ممكن يجى فى الامتحان يعنى مثلا يقول اكسد الماغنيسيوم الاس الهدروجينى له ( 7 . 5 . 12)
بس داااااا ممكن احتمال ضعيييييف
بس فى امتحان من امتحانات السنه اللى فاتت جابو فيها سؤال عن الكتله الهدروجينيه بتاعت منهج تانيه اعدادى
ربنا يستر

nefertiti 111

20-01-2010, 05:21 PM

ايه دا يعنى انا اسيبكو يوم آ جى الاقيكو مقطعين فى فروتى

وممكن تكون هاله حلوة اوى عشان كدة سمت نفسها نفرتيتى
اصل نفرتيتى كانت اجمل الفراعنة

ممكن هو انتى عندك شك يا ثراء

يلا ولا يهمكو قولو كل الى نفسكو فيه

من حسن حظكو انى مش بزعل

وعموما يعنى الى مش عجبو نفرتيتى

يمشيها هالة او ام المؤمنين على رأى مهند

kw_m95

20-01-2010, 07:05 PM

ياريت لو اي حد عنده فيلم journey to the center of the earth

انا عندى الفيلم يا ابراهيم وهو فيلم جامد جداً

www222

21-01-2010, 04:03 PM

انا في اولي ثانوي علي فكرة يا جماعة هاري كنت معاة في المدرسة وهو كل سنة يطلع الاول علي عالطول بدون منافس علي المدرسة في اعدادي
بس في ابتدائي كنت سامع اني في واحدة اسمها مروة كانت بنافسة بقوووووووووووووووووة

thraa samir

21-01-2010, 05:13 PM

ايه دا يعنى انا اسيبكو يوم آ جى الاقيكو مقطعين فى فروتى

هههههههههههه حلوة مقطعين فى فروتى دى بتفكرنى بالارانب

ممكن هو انتى عندك شك يا ثراء

يلا ولا يهمكو قولو كل الى نفسكو فيه

من حسن حظكو انى مش بزعل

وعموما يعنى الى مش عجبو نفرتيتى

يمشيها هالة او ام المؤمنين على رأى مهند

لا يا قمر
انا قصدى ان اكيد نفرتيتى جميلة
واوعى تزعلى
وردى على انا قولتة فى موضوع تهنئة للبنات فى مسلبقة العلوم عشان ات مش بتفتحى الميل اووووووووك
وبعدين انا اللى عمالة ادافع واقول نفرتيتى واخناتون
وانا مش بفهم فى التاريخ اصلا
بس عشانك بفهم فية

بس بجد عجبانى مقطعين فى فروتى

عاشقة الماس

21-01-2010, 05:58 PM

ايه يا جماعة مفيش اسئلة كدة نسخن بيها

طب اسهل سوال فى المنهج بس ركزوا

ضع صح او غلط

صرح الخديوى سعيد بامتياز قناة السويس

thraa samir

22-01-2010, 08:44 PM

الاول ازيكم
كيفكم
يارب تكونوا بخير
المهم دول اسئلة رياضة عايزة اعرف رايكم فيهم
دة هندسة
*اذا كان اب قطر فى الدائرة م
فان (ا م)^2 =...............(ا ب)^2
الاعمدة المقامة على اضلاع مثلث من منتصفاتها تتقاطع فى نقطة واحدة هى .................ز
عايزة اسال سؤال
هل يمكن رسم دائرة تمر برءوس
مثلث ( )
مربع ( )
مستطيل ( )
معين ( )
**خط المركزين لدائرتين متماستان من (الخارج او الداخل ) يكون عموديا على..............
جبر بقى
اذا كان
د(س)= ا س^2 +ب
، د(1) = 5
د(2) = 11
اوجد قيمة
ا ، ب
وسورى لو طولت عليكم يلا بقى
سلام

هيرمونى جرينجر

23-01-2010, 07:07 PM

الاول ازيكم
كيفكم
يارب تكونوا بخير
المهم دول اسئلة رياضة عايزة اعرف رايكم فيهم
دة هندسة
*اذا كان اب قطر فى الدائرة م
فان (ا م)^2 =........ربع .......(ا ب)^2
الاعمدة المقامة على اضلاع مثلث من منتصفاتها تتقاطع فى نقطة واحدة هى ...مركز الدائه الخارجه عن المثلث ..............ز
عايزة اسال سؤال
هل يمكن رسم دائرة تمر برءوس
مثلث ( ) نعم
مربع ( ) نعم
مستطيل ( )نعم
معين ( )لا
**خط المركزين لدائرتين متماستان من (الخارج او الداخل ) يكون عموديا على...خط المركزين ...........
جبر بقى
اذا كان
د(س)= ا س^2 +ب
، د(1) = 5
د(2) = 11
اوجد قيمة
ا ، ب
وسورى لو طولت عليكم يلا بقى
سلام
الف باتنين وباء بتلاته

thraa samir

23-01-2010, 10:17 PM

شكرا جدا على مرورك يا هيرمونى
بس فى اخطاء بسيطة كدة

Mo0on Light

23-01-2010, 11:34 PM

فان (ا م)^2 =نصف.(ا ب)^2 (مش متاكده منها)

*خط المركزين لدائرتين متماستان من (الخارج او الداخل ) يكون عموديا على.المماس المشترك عند مقطة تماسهما

thraa samir

24-01-2010, 12:35 PM

لا يا مون لايت
هى ربع
بس الغلط فى اسئلة تانية

ئءؤرئءؤر

24-01-2010, 02:29 PM

ازيكوا يا جماعة
انا بقول ان الاسئلة كل اجابتها صح ماعدا الى قالتها مون و المسألة الاخيرة بس انا هحاول احلها و اكيد مش هعرفها يعنى

thraa samir

24-01-2010, 03:18 PM

لاان شاء الله تعرف
تحلها
او تحليها

thraa samir

24-01-2010, 03:20 PM

بس كدة تقريبا كلة تحل صح

هارى12345

24-01-2010, 03:39 PM

kw_m95

24-01-2010, 06:36 PM

هاااااااى يا جماعة
ايه رايكوا فى امتحان اسكندرية ؟
تخيلوا لو الامتحان جالكوا انتوا كنتوا هتقولوا عليه ايه؟ وكنتوا تتوقعوا تجيبوا كاااااااااااااااااااااااااام؟
من وجهة نظرى هو سهل بس فيه بعض النقط عايزة تركيز

اولاً ازيك يا احمد اللى بنسمع صوتك كل مليون سنة مرة

ثانياً من وجهة نظرى الامتحان سهل بس هو فية شوية تركات وبالذات فى النحو

يعنى فىة بعض النقط عايزة تركيز شوية ويلا ربنا يستر على امتحانى ويبقى سهل

وان شاء الله برضوا هرفعلكوا الامتحان علشان تستفيدوا

eroos

24-01-2010, 06:59 PM

سؤال:
س_2جذر5
________الكل اس صفر = .............. لكل س تنتمي الي ..............
س2_5س

ابراهيم الحاج

24-01-2010, 09:44 PM

عايز اي اسئلة

هارى12345

24-01-2010, 09:46 PM

اولاً ازيك يا احمد اللى بنسمع صوتك كل مليون سنة مرة

ثانياً من وجهة نظرى الامتحان سهل بس هو فية شوية تركات وبالذات فى النحو

يعنى فىة بعض النقط عايزة تركيز شوية ويلا ربنا يستر على امتحانى ويبقى سهل

وان شاء الله برضوا هرفعلكوا الامتحان علشان تستفيدوا
:mad:
ان شاء الله الامتحانات تكون سهلة خاااااااااااااااااااااااااااااااااااااااالص :049gc0:
بس هو مش المفروض انهم امتحنوا يوم السبت عربى يعنى المفروض امتحنوا حاجة النهاردة ولا هما بداو النهاردة :romarioxp6::romarioxp6::romarioxp6:

thraa samir

24-01-2010, 10:05 PM

بداوا امبارح
بس الامتحان مش اترفع

يارا يوسف

24-01-2010, 10:20 PM

سؤال:
س_2جذر5
________الكل اس صفر = ..........1.... لكل س تنتمي الي ح فرق 2 جزر 5
س2_5س

لان كل الارقام اس صفر تساوي 1 ماعدا صفر اس صفر

عشان كده مش فروض البسط يساوي صفر وهو هيساوي صفر لما
س=2 جزر 5

ابراهيم الحاج

25-01-2010, 11:53 AM

شكرا ييارا حل رائع وممتاز

ابراهيم الحاج

25-01-2010, 11:55 AM

بس ياريت لو عندك اى اسئلة تنزليها:040vk0::022yb4:

عاشقة الماس

25-01-2010, 12:11 PM

هو هيمتحن الخميس اللى جاى ولا اللى فات

ابراهيم الحاج

25-01-2010, 12:12 PM

ياريت اسئلة رياضة اكترhttp://www.thanwya.com/vb/life/icons/neww1qw1.gif:bosyht9:

ابراهيم الحاج

25-01-2010, 12:13 PM

تقصدى مين اللى هايمتحن

ابراهيم الحاج

25-01-2010, 12:16 PM

:049gc0:ياريت اى اسئلة عندك يا عشقة الماس

ابراهيم الحاج

25-01-2010, 12:26 PM

اهلا بيكى فى المنتدى ياشروق

عاشقة الماس

25-01-2010, 05:10 PM

والله انا ما بحبش احط اسئلة رياضة

eroos

25-01-2010, 10:44 PM

هل هناك فرق ام لا بين
س2 تنتمي الي[16,9] فان س تنتمي الي .......................
س تنتمي الي [16,9] فان جذر س تنتمي الي ...................

مستر عبدالرحمن المغربى

26-01-2010, 05:16 PM

ربنا يوفقكم جميعا باذن الله

هارى12345

28-01-2010, 12:41 PM

ربنا يوفقك يا كريم
يااااااااااااااااااااااااااااااااااااااا رب ان شاء الله هيكون سهل

kw_m95

28-01-2010, 04:07 PM

ربنا يوفقك يا كريم
يااااااااااااااااااااااااااااااااااااااا رب ان شاء الله هيكون سهل

يا هارى الحمد لله الامتحان كان سهل وشكراً على دعوتك الجميلة
لكل اللى عايز الامتحان
يدخل هنا http://www.thanwya.com/vb/showthread.php?p=1924734#post1924734 (http://www.thanwya.com/vb/showthread.php?p=1924734#post1924734)

هارى12345

28-01-2010, 04:27 PM

الف مبرووووووووووووووووووووووووووووك يا كريم عقال الباقى بس هو بيتقرى ببرنامج ايه

kw_m95

28-01-2010, 11:43 PM

الف مبرووووووووووووووووووووووووووووك يا كريم عقال الباقى بس هو بيتقرى ببرنامج ايه

ببرنامج الادوب يا احمد وبعدين انا حاطط فية صور للى عايز يفتحة من غير البرنامج
وشكراً جزيلاً ليك وعقبالك

هارى12345

31-01-2010, 02:19 PM

ازيكووووووووووووووووووا عاملين ايه فى الامتحانات
امتحانى النهاردة كان سهل الحمد لله عبال الباقى
مووووووووووووووون عملنى ايه.؟؟؟؟؟؟؟؟؟؟؟

فاروق الباز

01-02-2010, 12:21 PM

انا زعلان منك ياهاري عشان مش بتعبرني احنا امتحنا عربي درسات وانجليزي وبكره جبر ادعولي

هارى12345

01-02-2010, 12:47 PM

هاااااااااى امتحانى سهلة الحمد لله
يا احمد والله مش بردا ابعتلك حاجة علشان عارف ان انت دلوقتى بتذاكر وفى الاجازة لازم هخليك تعمل ايميل اوك
وشد حيلك فى الجبر وادعولى عندى رسم بكرة وعلوووووووووووووووووووووووووووووم

Mo0on Light

01-02-2010, 01:12 PM

متفكرنيش بالرسم والنبى يا هارى دانا حاسه ان بكره مش هاعرف ارسم حاجه
ربنا يستر يااااارب

Mo0on Light

01-02-2010, 01:16 PM

ازيكووووووووووووووووووا عاملين ايه فى الامتحانات
امتحانى النهاردة كان سهل الحمد لله عبال الباقى
مووووووووووووووون عملنى ايه.؟؟؟؟؟؟؟؟؟؟؟

الامتحانات لغاية دلوقتى سهله جداااااااااااااا
العربى كان غير ماكنت متوقعه خالص
والانجلش اتعميت فيه شويه مش عارفه ازاى :( معلش هى غلطه صغيره
الكبير والتقيل جاى بكره فى الرســـــــــــــم

هارى12345

04-02-2010, 03:18 PM

مبرووووووووووووووووووووووووووووووووووووووووووووووو وووووووووووك خدنا الاجازة اخيرااااااااااااااااااااااااااااااااااااااااااا

هيرمونى جرينجر

04-02-2010, 07:19 PM

هااااااااااااااااااااااى
وحشتونى جدا
جيت تانى بعد غياب لمده اسبوعين
خلصت امتحانات وجيت
الامتحانت جات حلوه ماعدا الهندسه كانت صعبه
بس الحمد لله انا تماما
انا مش راجعت اى مواد علشان اخد اجازتى براحتى
والف مبروووووووووووووك

عصفورة الصعيد

04-02-2010, 07:28 PM

بالنجاح انشاء الله وبالدرجات العالية يارب

Mo0on Light

04-02-2010, 07:54 PM

مبروووووووووووك يا هيرو
بالنجاح ان شاء الله
وهنشرب التوكتيييييييييل هههههه
واهلا بيكى يا عصفورة الصعيد منوره

thraa samir

04-02-2010, 08:20 PM

اخيراااااااااااااااااااا
واخيرااااااااااااااااااااااااااااا
ووواخيراااااااااااااااااااااااااااااااااااااا
خدنا الاجاااااااااااااااااااااااااااااااااااااااااااااا ازة

عاشقة الماس

06-02-2010, 08:43 PM

اخيرا خدنا الاجازة وربنا يسهل على النتيجة

وبالذات الرسم ده والله

زائر غير مسجل

07-02-2010, 03:45 PM

يا عم هو فى حد فاكر هو اكل اية امبارح علشان كدة ما حدش حيجوبك باى

love12345

09-02-2010, 01:38 PM

حد يعرف النتيجه امتى ؟؟؟؟؟؟؟؟؟؟

هارى12345

09-02-2010, 06:33 PM

الاسكندري ظهرت وتقريبا القليوبية بكرة اما بقية المحافظات هتوصل المدارس يوم السبت 13 تقريبا
و الله اعلم

هيرمونى جرينجر

10-02-2010, 06:51 AM

يا مسهل الحال يارب
احنا كانوا بيقولوا هناخدها اول يوم فى الدراسه

يارا يوسف

10-02-2010, 02:52 PM

يا مسهل الحال يارب
احنا كانوا بيقولوا هناخدها اول يوم فى الدراسه

اول يوم في الراسه ؟؟؟؟؟؟؟ ازاي يعني

يعني هنفضل في القلق ده لغاية اول يوم في الدراسه
دا انا كل يوم بحلم اني جبت النتيجه وكل يوم انقص درجه عن اليوم اللي قبله:o

Mo0on Light

10-02-2010, 07:20 PM

اول يوم في الراسه ؟؟؟؟؟؟؟ ازاي يعني

يعني هنفضل في القلق ده لغاية اول يوم في الدراسه
دا انا كل يوم بحلم اني جبت النتيجه وكل يوم انقص درجه عن اليوم اللي قبله:o

معلش يا يارا اللى مخلينا نستنى الكام يوم اللى فاتو هنستنى اللى جاى
ربنا يستر والله انا قلقت عليكى جامد من الامتحان اللى قولتيهولى النهارده

يارا يوسف

11-02-2010, 03:34 PM

معلش يا يارا اللى مخلينا نستنى الكام يوم اللى فاتو هنستنى اللى جاى
ربنا يستر والله انا قلقت عليكى جامد من الامتحان اللى قولتيهولى النهارده

ربنا يستر في الامتحان ده بجد لاني حاسه ان الدرجات هنقصها فيه هو وفي الرسم
لو مكانش الامتحان كان عامل كده كان زماني اطمنت ربناااااااااااايستررررررررررر

هيرمونى جرينجر

11-02-2010, 08:26 PM

ربنا يستر
انا فعلا قلقانه مووووووت

مهند مقلد2

14-02-2010, 08:23 AM

انا جيت بعد ما خلصت الامتحانات وربنا يستر عالنتيجة ياااا رب
يا مون انتي بتعملي التصميمات دي بالفوتوشوب ؟

Mo0on Light

14-02-2010, 06:42 PM

انا جيت بعد ما خلصت الامتحانات وربنا يستر عالنتيجة ياااا رب
يا مون انتي بتعملي التصميمات دي بالفوتوشوب ؟

لا يا مهند مش انا اللى عاملاها
انا لسه بحاول انزل البرنامج اصلا
بس دى معموله لى

هارى12345

14-02-2010, 08:03 PM

Mahmoud EL-serafy

14-02-2010, 08:17 PM

هااااااااااااى
عاملين ايه؟؟؟؟؟؟؟؟؟؟؟؟؟؟؟؟؟؟
ايه رايكم كل واحد يقول هو يتوقع يجيب كااااااااااااااااااااااااااااااااااااااااااااااااا اااااااااااااااااااااااااااام؟

كنصيحة عرفتها

متتوقعش انت هتجيب كام

خليها على ربنا

لان درجتك لو اقل من اللي انت توقعته هيجيلك اكتئاب

فخلي توقعك في نفسك

يمكن ربنا يكرمك و تجيب اعلى من اللي كنت تتوقعه